نداء للمجلس الأعلى للتعليم (((( رفقا بعيالنا ))))

[أبو راكان]

السلام عليكم ورحمة الله وبركاته

نداء ورجاء لكل مسؤول في المجلس الأعلى للتعليم
رفقاً بفلذات أكبادنا
السنه الدراسية طالت ياجماعه واعتقد انها هي الاطول على الاطلاق في المنطقه ان لم تكن في العالم
السنه اللي طافت مثل هلايام عيالنا معطلين ومخلصين امتحانات
يوم دراسي طويل
وسنه دراسيه اطول
كلها شكلت ضغوط على عيالنا
ارحموهم
هذيلا اطفال
متى بيلعبون ومتى بنقعد معاهم
متى بيعيشون طفولتهم
من 5 ونص الفجر لين 2 ونص وثلاث العصر
وكل هذا على مدار 10 اشهر ونص
ورزنامة السنه الدراسيه القادمه بتكون اطول من هالسنه ب7 ايام
هذا استهلاك لطاقاتهم والأمر مايتطلب كل هالوقت
شلون تبون عيالنا يحبون المدرسه
عيالي كرهوا شي اسمه مدرسه
ولاعاد لهم نفس للدراسه
رجاء حار كحرارة الشمس في هذ الايام والتي تصل ل 50 درجه مؤيه
وابنائنا يستظلون بظل هذه الشمس مع نسمات الغبار الخانقه
ارحمو ابنائنا يرحمكم من فالسماء

[كازانوفا]

لا حول ولا قوة الا بالله

ان شالله يوصل صوتك لهم ويكون له صدا قوي

[ام السعف]

الحومي كان معطلين لكن المستقلات لا
هم يبون 180 يوم دراسي بالطول و بالعرض لازم يصيرون 180

المضحك في الموضوع انهم يعتمدون المناهج البريطانية في العديد من المدارس المستقلة
مع فترة دوام طويلة للطلاب ،، بينما المدارس الأجنبية في قطر او في بريطانيا
اجازاتهم بالهبل ،،

من يدخلون الكورس الأول في اجازة 4 ايام اسمها نصف التيرم
يقدمون امتحانات نهاية التيرم يدخلون اجزاة الكريسمس فوق الشهر
يداومون اشوي والا اجازة 4 ايام نصف التيرم الثاني اشوي مخلصين التيرم الثاني
داشين اجازة 10 ايام اجازة الايستر ،، ما يخلصون م نالإيستر الا اجازة
نصف التيرم الثالث 4 ايام و اشوي الا نهاية السنة
3\6 اخر يوم للامتحانات في اغلب المدارس اللي تتبع المنهج
البريطاني ..

[غابت الشمس~]

والله محد رايح فيها إلا احنا المدرسات والمدرسين

والله شقــــــــــــى مايعلم به إلا رب العالمين

طلبااااااااااااااااااااااااات ماتخــــــــلص فوق ضغط الحصص والانشطه و و و و و و و والخ


ماقول غير الله يآجرنا على هالتعب اللي نتعبه
ونشوفه يوم القيامه في ميزان حسناتنا يارب

[السيف5]

انتوا في صوب والمجلس الاعلى في صوب

شلون يخططون ماندري عنهم واذا سألتهم

عن سر تخطيطهم قالوا خلطة سحرية مثل كنتاكي

[وسمي2016]

والله محد رايح فيها إلا احنا المدرسات والمدرسين

والله شقــــــــــــى مايعلم به إلا رب العالمين

طلبااااااااااااااااااااااااات ماتخــــــــلص فوق ضغط الحصص والانشطه و و و و و و و والخ


ماقول غير الله يآجرنا على هالتعب اللي نتعبه
ونشوفه يوم القيامه في ميزان حسناتنا يارب

كلام سليم,,,,,ربي ياجركم دنيا و اخره

قم للمعلم وفه التبجيلا,,,,,,,,,,,,كاد المعلم ان يكون رسولا

"""لكن هيهات من يسمع"""""

[زمان الصبا]

لا حياة لمن تنادي

[بوحسن2009]

اضاهر المسؤلين فى المجلس الاعلى ماعندهم اعيال !!!!!!!
:anger1::anger1::anger1::anger1::anger1::anger1::a nger1::anger1::anger1::anger1::anger1::anger1::ang er1::anger1::anger1:

[بو الطيب]

يارجاال المخرج عاوز كذا

[صاحب هدف]

الدوام صار طويل حتى انه معظم المدارس أنهت المعايير قبل الاختبارات الوطنية وبعد فاضل دوام شهر ونصف للطلاب

[La Bella]

السالفة معرووفة ما يبون الطلاب يطلعون أجازة بدري
عشان المدرسات بيقعدون كم شهر فاضين لا شغله ولا مشغله والمدرسات بيحتجون وبيطالبون بالاجازة
الله يذكر أيام أول بالخير المدرسة فيهم أجازتها 3 شهوور

[شموع قطريه]

والله عيالنا ملوا لاعت جبودهم من الدوام الطويل .. صاروا يتغيبون بكثره ويروحون المدرسه بضيق ومن غير نفس .. وياريتهم مستفيدين شي .. المدرسه ترطن في صوب واليهال مفهيين ومب عارفين شسالفه

[رنج سبورت]

دواااااااااااام متعب على الطلاب وخصوصا المرحلة الابتدائية

شهر 6 ع الابواب والدوام ينتهي في المدارس الساعه 2 او 2 ونص !!

ايام التمدرس الطويله وخروج الطلاب في عز الحر مع نهاية الدوام بعد الساعه 2 الظهر مالهدف منه؟؟

والامتحانات آخر شهر 6 !!!

مع العلم ان هناك بعض المدارس الخاصه على وشك بدء امتحانات اخر الفصل الدراسي قبل نصف شهر 6

اذا كان مافي مجال لتقليص ايام التمدرس من الافضل تقليل الحصص الدراسيه وخروج الطلاب الساعه 11 الظهر بدل الخروج المتأخر !!

ومثل ماقال راعي الموضوع رفقا بعيالنا اللي مرضهم هالجو !!