كيف ترد على الشخص الحقود الذي يتعمد إحراجك

[شيخ القبيلة]

السلام عليكم ورحمة الله وبركاته
أريد أتحدث وأتناقش معاكم عن موضوع الشخص الحقود اللي قلبه اسود اللي دايما يحب يتصيد ويحرج الناس اللي يكرههم .......وأيضاً اللي خلاني أكتب الموضوع وأتناقش معاكم فيه هو القصة اللي حصلت قدامي ،،،، وهي أني كنت مع واحد معرفتي فيه بسيطه ،،،بس أعرف عنه انه حقود . وبعد شوي جاء واحد من الشباب انا اعرفه زين انه محترم وطيب فقمت أنا أسأله وأتشره عليه وقلت له وينك ماتبين مختفي عن الاضواء ليش ،،،يعني اقولها بغشمره،،، وقام الحقود وقال لي ايه هذي ويأشر عليه أكيد ماراح أتشوفه هو كله مختفي ومايبي يشوف حد وكانت طريقته ملفته وفيها استهزاء واضح ،،،،عاد انا انتبهت انه يبغي يحرجه ويستهزأ فيه وقمت على طول قلت له لالالا بوفلان فوق الأضواء ودايما نشوفه بس احيانا يكون عنده اجتماع ومشغول ،،،،قام الحقود سكت ،،،وهذاك وايد شكله انحرج وماتوقع انه يكلمه جذي بهالطريقه المحرجة .
السؤال هو :
كيف التعامل مع هالأشكال وهالفئة الحقوده ؟؟؟، وشنو الطريقة علشان الواحد يخليهم مثل الفحمة اللي تحرق نفسها بنفسها ؟؟؟

لأن بصراحة بعد ماراح الحقود حسيت اني انا السبب وقعدت أطيب خاطر الرجال اللي انحرج ،،،،،،،قام قاللي انا مب عارف ليش هو يكرهني ويتصيد ويتعمد يحرجني واذا انا معاه بروحه عادي لكن قدام الشباب يتعمد ينطر اي كلمه ضدي ويزيد عليها علشان يحرجني ويجرحني مع اني اعامله بكل أدب واحترام .

[كازانوفا]

اهم شي التطنيش لعل وعسى يفهم ويستوعب انها حركه لاحراقه

[Sharshooooor]

مايرد علية ويدير ظهره له

بس بعض الحالات تجي بالقوة :nice:

[شاهيناز]

اعتبره انسان مريض وابتعد لاني اخاف من العدوى
للاسف وايد نواجهم

[HAYA]

اصبر على كيد الحسود فإن صبرك قاتله
النـــار تأكل بعضها إن لم تجد ما تــأكله

[@فهد@]

السلام عليكم ورحمة الله وبركاته
أريد أتحدث وأتناقش معاكم عن موضوع الشخص الحقود اللي قلبه اسود اللي دايما يحب يتصيد ويحرج الناس اللي يكرههم .......وأيضاً اللي خلاني أكتب الموضوع وأتناقش معاكم فيه هو القصة اللي حصلت قدامي ،،،، وهي أني كنت مع واحد معرفتي فيه بسيطه ،،،بس أعرف عنه انه حقود . وبعد شوي جاء واحد من الشباب انا اعرفه زين انه محترم وطيب فقمت أنا أسأله وأتشره عليه وقلت له وينك ماتبين مختفي عن الاضواء ليش ،،،يعني اقولها بغشمره،،، وقام الحقود وقال لي ايه هذي ويأشر عليه أكيد ماراح أتشوفه هو كله مختفي ومايبي يشوف حد وكانت طريقته ملفته وفيها استهزاء واضح ،،،،عاد انا انتبهت انه يبغي يحرجه ويستهزأ فيه وقمت على طول قلت له لالالا بوفلان فوق الأضواء ودايما نشوفه بس احيانا يكون عنده اجتماع ومشغول ،،،،قام الحقود سكت ،،،وهذاك وايد شكله انحرج وماتوقع انه يكلمه جذي بهالطريقه المحرجة .
السؤال هو :
كيف التعامل مع هالأشكال وهالفئة الحقوده ؟؟؟، وشنو الطريقة علشان الواحد يخليهم مثل الفحمة اللي تحرق نفسها بنفسها ؟؟؟

لأن بصراحة بعد ماراح الحقود حسيت اني انا السبب وقعدت أطيب خاطر الرجال اللي انحرج ،،،،،،،قام قاللي انا مب عارف ليش هو يكرهني ويتصيد ويتعمد يحرجني واذا انا معاه بروحه عادي لكن قدام الشباب يتعمد ينطر اي كلمه ضدي ويزيد عليها علشان يحرجني ويجرحني مع اني اعامله بكل أدب واحترام .

تصرفه طبع فيه .. معاه ومع غيره ..

يشعر بالغيره والحسد لان رفيجك محبوب محترم في صفات مب فيه ومايقدر يسوي مثله

مفروض تسوي روحك كانك ماسمعت كلمته ورفيجك لاينحرج كانه ماقالها لانه ينبسط يوم حد يرد عليه او يسوي له سالفه

الصمت في كثير احوال فيه راحه بال ...

تحيه لك ولرفيجك :victory:

[كــرت احمــر]

هذا الشاكله من الناس مرضا ولا ينفع معهم الا شيئ واحد داوها بالتي هي الداء رد عليه نفس كلمته وزد عليه وعجب على تريـــجـــه لين يحك خشمه وذونه وتحمر خدوده ذيك الساعه اطلق سرااااحه بغض النظر ولد اكابر ولا ولد فقران مافيه حل وسط الناس عندي كلهم سواسيه وماجاك عندي وانا اخوك .

[بورصــة]

الحقران يقطع المصران

اذا شفت هالاشكال الي يحتقرون الناس لاترد عليهم

وابتعد عنهم وخل بينك وبينهم حواجز هذا اسهل طريقة

وياكثرهم في زمنا الله يجيرنا منهم ويجيرك منهم

:)

[المتأمل خيرا]

أخوي "شيخ القبيلة" ما تفضلت به ذكـّـرني بموضوع طرحته العضوة "بنت سيف" في هذا المنتدى، وكان عنوانه "أنت ..تتطنز .. ولا تتغشمر .." ، تجده على هذا الرابط :

http://www.qatarshares.com/vb/showthread.php?t=366315

به حوارات ووجهات نظر حول الموضوع.. ربما يفيد، إضافة لما قد يذكره الإخوة والأخوات في موضوعك هذا < كيف ترد على الشخص الحقود الذي يتعمد إحراجك > الذي تفضلت بطرحه هنا.

راجياً تقبـّـل تحياتي،،،

[بوبندر]

باتفل في عينه ونتو بكرامه ...باقوله هذا قدرك هذا عن نفسي ...انا من النوع
مافي كنترول في اعصابي :anger1:

[لاجل QT]

هذا انت قلتها حقود

هذا دليل ان صاحبك مميز ولة اطلالة حلوة وحبوب ...عكس الحقود

انا نفس الشي معي وحدة في الشغل نفس المعاناة وانا جدا محترمة في كلامي مع الناس مااحب اجرح حد..كل مااحقرتها تمووت اكثر وتحترق بنار حقدها
واللى تبية هي يصير صار العكس الكل كارهها ويتمنى تطلع من الشغل

الحقران ثم الحقران
يعنى الحقران يقطع مصران الحقود من قلب

على فكرة في ناس من شدة احترامها تترفع عن الرد على هؤلاء الحاقدين
هذا ليس ضعف شخصية ..وانما ثقة بالنفس

[طلعة الروح]

ووووع الله يعافينا من هالاشكال البايخه
والحل احراجه بالتجاهل والتطنيش تاره وكأنه غير موجود اصلا
وبتوقيفه عند حدوده وتطميمه تطميم كامل بالرد اللي ينفع مع امثاله تاره اخرى حسب
ما يناسب الموقف..

تقبل مروري..

[سحابة]

اذا خاطبوك الجاهلون قل سلاما .. طبق هالكلام مع ابتسامه هااديه ورايقه وكنك ماتشوفه و طنشه وراح يكون اخر مره يجرب يحرجك فيها. ( عن تجربه )

[qatarman8008]

نفس الشي صاير معاي في الشغل عندي واحد يسمونه النشبة كل ما تكلمنا قام يفسر الكلام بطريقته الخاصة عشان يطيح بين اثنين
اذا سكتنا زاد الحبيب واذا ردينا عليه صرنا مثله ... والله حالة

[غزلان]

الحمد لله مااعرف ناس حقودين

واذا صادف احسن حل عندي ابتسم

[حقيقه]

بيغلط علي بغلط عليه ولساني بيكون اطول من لسانه

زمن المثاليه راح

الحين اللي بيسكت عن حقه بيروح فيها

[alrheeb2020]

الخرده معاه بتسوي شغل

[Q-tr]

اييييييييييييييهاااء الله كريم بس....!!!

[Q-tr]

اصبر على كيد الحسود فإن صبرك قاتله
النـــار تأكل بعضها إن لم تجد ما تــأكله



احسن رد بالنسبة لي..... وتقبل مروري!!!!

[الرها]

بطبعي ماارد الاساءة باساءة وخصوصا لو الشخص مش متعمد يعني افوتهاله بس اذا مصخها وحسيته يتعمد اعطيه رد يحرجه واحطه بنص ثيابه يخليه يحرم يتطفل او يتعمد الاحراج وكل هذا يكون باسلوب مافيه تعالي بالصوت يعني افرض احترامي عليه او انه يحاول يحرج اي حد بوجودي.
وسلامتكم

[مستوى الدعم]

سيدى إن من يتعمد إحراجي .. يتمنى أن أقع في الزلل

وما أسهل الوقوع في الزلل عندما نغضب..

لذا الحل هو في الحلم والتجاهل.. لأن لمن يتابعكما عيون وعقول

ويستطيعون التمييز بين المحق من المخطىء بينكما

والأهم من ذلك أن الله يسخر ملكاً ليرد عنك كما ورد عن أبي هريرة رضي الله عنه:

أن رجلا شتم أبا بكر والنبي صلى الله عليه وسلم جالس فجعل النبي صلى الله عليه وسلم يعجب ويبتسم فلما أكثر رد عليه بعض قوله فغضب النبي صلى الله عليه وسلم وقام فلحقه أبو بكر فقال يا رسول الله كان يشتمني وأنت جالس فلما رددت عليه بعض قوله غضبت وقمت قال إنه كان معك ملك يرد عنك فلما رددت عليه بعض قوله وقع الشيطان فلم أكن لأقعد مع الشيطان

الراوي: أبو هريرة المحدث: الألباني - المصدر: السلسلة الصحيحة - الصفحة أو الرقم: 5/271
خلاصة حكم المحدث: إسناده جيد

[الأصيلة]

أغلبية الناس أصبح لديهم وعي بحقيقة الإحراج الذي يقصدون به الناس
ويتعمدون إحراجهم
بحيث عرفوا ان من يحرج غيره ياتي يوم ويهيء له من يحرجه
وكما تدين تدان ..
ولكن هناك بعضهم مازال في جهل وغي بحقيقة هذه السلوكيات ...
فالمفروض هؤلاء يقابلون بالتهميش والتحقير واللامبالاة...
حتى يتأدبوا ويشعروا بـ حجمهم الطبيعي...

[The Master]

اولا الله يعينك على تفكيرك...قبل لا يكون غيرك...
انت من النوع الحساس واللي فكر واجد بالغير...وهذا شي جميل...واحييك عليه...
وولما قلت الله يعينك على تفكيرك قصدت به الاحساس بالغير...والحساسيه...مش اساءه يعني...

طيب نجي لسؤالك...

مش تقليل من شخصك...ولا من باقي الاعضاء...لكن الوعي والاتزان مهم في هالمواقف...اسمح لي لكن وش هالمنطق اللي تبغي تخليه فحمه؟؟؟
احتمال السن يكون عامل لهالتفكير وهذا مب غلط...لكن هم باقي الاعضاء اشوفهم نفس التفكير نوعا ما...البعض...

يعني لازم نرتقي في تعاملنا مع الناس...وانعاملهم كا بشر...وناس تحس وتفهم...مش نعاملهم كا اشيا من ممتلكاتنا نسوي فيهم اللي نبغيه...واحد يبغي يضرب والثاني بياكله بلسانه والثالث بيسويه افحمه..؟؟!!

اخوي...الحلم...والعقل...والذكاء مهم في هالامور...ودائما وابدا...لاتحط نفسك بطل في هالمواقف وتفكر عن الكل...ترا كل شخص عقله في راسه...

والشي الثاني...انا كا شخص...في تعاملي مع الناس...اذا ناس اول مره اتعامل معاهم او اتعرف عليهم وبتكون بيني وبينهم علاقه يا عمل او اي كان...اكون صريح...وانبهم بالاشيا اللي ماتعجبني لما يسوونها...واكون جاد فيها...عشان هو يفهم احدوده...وانا ابين له احدودي...اكون جاد لما اقول له...لكن بعدها ارجع طبيعي واسولف معاه...طبعا هذا مب شي سهل...ومايجي بين يوم وليله...لكن اذا حبيت واقتنعت بفكرتي حاول اتطبقها واتجرب...

واشيا ثانيه الواحد يتعلمها من الحياة ومعاشرة الناس...فا الحياة تعلم...والغربه تعلمك كثييير...

وعن الاذيه...ياخوي محد سالم منها...ولازم تصيبك...لانك راح اتعلم منها...فا هذي تعلمك...وهذي تحزنك...وهذي تفرحك...وبكذا تكون اكتسبت خبره في حياتك...وهي كذا الحياة...

والناس اجناس ياخوك...خذ منهم اللي يفيدك...واترك الباقي لاصحابه...

والله يعينك...
طبعا كل ماذكر يعبر عن رايي الشخصي...وللجميع الحريه في عدم الاتفاق...فا كلن راضي بعقله...

[الخيرلايبلى]

:discuss:أنا أشوف من وجهة نظري تدعو له بأن الله يشقيه وتعامله بالإحسان

[سهم العرب]

بكل برود وكانك مو مهتم له ، مع انه في فئه تخليك تطلع من طورك وتنرفزك قبل لا تفكر في اشي ،،
بالنسبة لي كاني ماسمعته او مادري ايش السالفه بالضبط..

كل الود

[OTOsan]

حطه عالصامت :)

[Doha Sun]

Ignore ذا هو الحل

[نعيمه علي]

بكل أدب
ولو هذا الحقود أحرج شخص أمامي
أجدني أدافع عن الشخص اللي انحرج امامي
والحقود مهما تسوي له قلبه اسود
لكن حسن المعاملة ممكن ولعل وعسى تنظف قلبه شوي

مع اطيب تحياتي


.

[BIG-VEGA]

من الاخر وبلا مثاليات

اقرب شي عند يدك ..وكفخه على راسه

[رحال]

سكوتي ليس جهلا أو ضعفا مني ؟

ولكن مايضر السحاب نبح الكلاب ؟؟؟

[قطرية مثقفة]

أردد في قلبي يا جبار أجبر بخاطري ،،،،،،،،، :o

[البدع]

اهم شي التطنيش لعل وعسى يفهم ويستوعب انها حركه لاحراقه

انا مع هذا الرد

[صــادق النية]

عليك بالحقران وانا اخوك لان الاشكال ذي كل ماترد عليهم تزيد من قيمتهم وتقل من قدرك

[المغروره]

شيخ مايحتتاج تعرف انت افهم
قل ماشءت في مسبتي فسكوتي عن الحقير جوووووواب اتبع هالشي
وبتعرف
تحيااتي لك

[المغروره]

اذا جائتي مسبتن من ناقصا فاعلم باني كاملن

[Navigator 85]

انا واجهت الموقف وللاسف الشخص الحقود شايب

فرق العمر بيني وبينة كبير وكنت اتضايق من حركاتة واسلوبة

مع ان المفروض هو اللي يعلمني الصح من الغلط ومع اني ما اكلمة بس قاعد يحاول

يخرب علاقتي مع الناس اللي حولي واللي اعرفهم واعزهم وكثير اتنرفز واقول اخ لو يطيح في ايدي

بس الحمد لله في ناس تحبني وتقول لي ماعلية اتركه انت مع انك اصغر منة بس خل تفكيرك اكبر منة

ومهما راح يسوي ما راح يقدر يضرك والله يبعدنا ان شالله عن الحقودين والحساد

ومانقول غير الله يهديهم

[قطرية7]

الحقراااااااااااااااااااان يقطع المصرااااااااااان وانا امك:omg:

[Navigator 85]

وللعلم علاقتي معاه كانت في من خلال منتدى

وكل ماكان يشوفني اترقى والناس تحبني يموت قهر

ويحاول يسوي مشاااكل ويظن انه يقدر يضرني

[فلفل حار]

ترد عليه بشوية برود مع آبتسامه آبرد ...:shy:
مع شوية تعليقات جامده تحسسه آنه تافه وآنه سوالفه هذي مالها داعي ...

وآفتح مواضيع ثانيه وطنشه ولا كآنك تدري به ... ^-^

[المتأمل خيرا]

أينكم يا "شيخ القبيلة"، فالقوم ينتظرون عودتكم.. لسماع قولكم بعد أن أدلوا بأقوالهم،
فلا تتأخروا عليهم أكثر.. حتى لا ينفض مجلسهم.. ولكي يعاودوا زيارة مرابعكم.. "لشرب قهوتكم".. :telephone:

[بـــــــنت النوخـّــــذه]

السلام عليكم ورحمة الله وبركاته
[/color]
لأن بصراحة بعد ماراح الحقود حسيت اني انا السبب وقعدت أطيب خاطر الرجال اللي انحرج ،،،،،،،قام قاللي انا مب عارف ليش هو يكرهني ويتصيد ويتعمد يحرجني واذا انا معاه بروحه عادي لكن قدام الشباب يتعمد ينطر اي كلمه ضدي ويزيد عليها علشان يحرجني ويجرحني مع اني اعامله بكل أدب واحترام .


والله بقولك كذا مثل :

باللغه الفصحى يقولون :

كن كالنخيل عن الأحقاد مرتفعاً .. بالطوبِ يُرمى فيرمي أطيب الثمر

وباللغه العاميه يقولون :

لي شفت اللي يحسدونك كل وبحلق عيونك




وبعدين احس من وصفك لتصرف الشخص الحقود احس ان صاحبك الي انحرج فيه شي مميز وملفت يعني شي ايجابي فعشان جذيه اتحصل الحقود يتعمد يحرجه جدام الكل ^_^
ونصيحه انصحك بها لوجه الله :

دوم خلي كلمه اللهم لك الحمد والشكر في السانك بالنسبه لذولي الفئه من البشر ^_^ الانسان يشره ويعصب على اشخاص تفكيرهم متوازن وناس لبقين بالحديث اما شخص لا اسلوب ولا يحشم الي جدامه 00فاعتقد الشي الوحيد الي تسوونه انكم تدعون له بالشفاء العاجل وتبدأون تنصحونه وتنبهونه انه عيب هذا التصرف شبيقولون عنك الناس شخص مريض ؟؟ 00ثق تماما" ان الشخص الي ينظر للاخرين نظره دونيه اكيد يعاني من شي فينعكس هذا على تصرفه بأن يحب يبين عيوب الاخرين وهذولي الفئه اكثر البشر عيوبا" 00 بس كثرو من ذكر مواقف الناس واسلوبهم اللبق في الحديث جدامه لجل ياخذ درس بطريقه غير مباشره ولا موجهه له خصيصا"