مشاهدة النسخة كاملة : اسباير ؟ انا قطري ؟!
M7ammad
26-05-2010, 06:55 PM
السلام عليكم ورحمت الله وبركاته
طبعاً كلكم تعرفون حديقة اسباير زون :nice:
وتعرفون القوانين انه ايام الويك اند اللي هم خميس جمعة وسبت حق عوايل
المهم القصة كالتالي >>
" قبل اسبوع تقريباً رحنا اسباير انا والشباب .. وكان اعتقد يوم الجمعه
وكنا كلنا لابسين بدلات وهالسوالف يعني بدلات عاديه جنز وجيه (بس يعني مب حركات الايمو سلاسل وخرابيط) بدلات عاديه .. المهم رحنا هناك ويايبين الكيمرات مخططين نصور وهالسوالف
اول ماوصلنا .. نزلنا من السيارة الا اشوي ايينا واحد لابس ثوب يقول ممنوع تدخلون عوايل بس .. قلناله انه الاسبوع اللي قبله كنا يايين ويانا رجال وكلمنا وقالنا بس عوايل و"قطريين" فقط ! قلناله احنا قطريين وجيه فقالنا خلاص حياكم الله .. الا يقول اي هو بس حق عوايل وقطريين .. الا نقوله انزين احنا قطريين ؟! تبي تشوف بطاقات شخصيه؟ واحد من ربعي وداله البطاقة .. شافها ثواني والا يقول ممنوع ؟ نقوله ليش؟ ليكون شاك فالبطاقات؟؟ يقول اذا تبي تدش روح البس ثوب وتعال .!!؟
قلناله الحين نطق درب كل واحد يروح بيته ! ويلبس ثوب بس عشان يدش؟! الا يقول هاي قوانين من مادري من ووو .. الخ ..
الا شوي نشوف مصري لابس جنز وقميص ويتكلم فالتلفون مر وراه .. نقوله انزين هاي بتقولي قطري؟ ولو قطري مب لابس ثوب ليش ماطلعته؟ الا قالنا لا هاي يسوي رياضه ! قلنا شلون رياضه وجنز؟ لا ويسولف ع الفون؟ يقول يالشيخ اذا تبي تدش البس ثوب وتعال
الا واحد من ربعي يقوله انزين الحين بييك بتاني بيلبس ثوب وغتره وبتشوفه بتدخله ؟!
سكت !!
انتو بذمتكم هاي تسمونه عدل؟المشكله يقولك يعني بكل بروده ! البس ثوب بتدش!
والمشكله فيه شباب قطريين بثيابهم يدشون ونصهم يرقمون وهالسوالف وهالتحريات مايتكلمون ولا شي .. ويوم قلناله انه لو بتاني ياك وهو لابس ثوب وغتره وعقال بتدخله ليش سكت؟:secret:
انطر ردودكم :)
hasss1969
26-05-2010, 07:05 PM
اما موضوع....
HIGHNESS
26-05-2010, 07:05 PM
ايام عوايل ويدخلون شباب شلون جذي ههههههههههه شي غريب
دام انها ايام عوائل ليش يدخلون الشباب سواء قطري او غيره
JN000N
26-05-2010, 07:06 PM
ماعنده سالفه ذي اللي كلمكم شدخل البس ثوب وتعال
والا خايف يرد عن كلمته؟؟
اممم الحين الواحد احسن شي يحشم نفسه ويقعد في بيته والا يتزاور مع هله فالويك اند اما الاماكن السياحيه لحد يطبها الا فأيام الاسبوع :)
حقيقه
26-05-2010, 07:08 PM
اشلون تمشون والجو حار
M7ammad
26-05-2010, 07:10 PM
اما موضوع....
اسوي موضوع عشان الكل يدري انه هالسوالف اللي يخربطونها ع الناس خصوصاً لانه يمكن شافنا صغار يعني اكبر واحد فينا 19 قام يألف علينا
M7ammad
26-05-2010, 07:11 PM
ايام عوايل ويدخلون شباب شلون جذي ههههههههههه شي غريب
دام انها ايام عوائل ليش يدخلون الشباب سواء قطري او غيره
لا يقولج اللي يسوي رياضه ولا لانه لابس ثوب :eek5:
بو خليفه 123
26-05-2010, 07:13 PM
بصفته من اللي منعكم ؟
هل طلبتوا بطاقة عمله ؟
M7ammad
26-05-2010, 07:14 PM
ماعنده سالفه ذي اللي كلمكم شدخل البس ثوب وتعال
والا خايف يرد عن كلمته؟؟
اممم الحين الواحد احسن شي يحشم نفسه ويقعد في بيته والا يتزاور مع هله فالويك اند اما الاماكن السياحيه لحد يطبها الا فأيام الاسبوع :)
مادري عنه :rolleyes2: !!
اي والله وانتي صادقه
M7ammad
26-05-2010, 07:15 PM
اشلون تمشون والجو حار
ماعلينا الجو حار ولا لا الحين هالشباب اللي داشين شلون يتمشون بثوب وغتره وعقال وتحت لابسين فنيلة وصروال ويتمشون؟
M7ammad
26-05-2010, 07:16 PM
بصفته من اللي منعكم ؟
هل طلبتوا بطاقة عمله ؟
مادققت ع البطاقة بس هم دايماً هناك ايام الويك اند
جرح الزمان
26-05-2010, 07:26 PM
من اي صوب انت رايح
انا اروح من الجهه الغربيه والشماليه وما في امكانيه ان يوقف حد لانها منطقه مفتوحه بدون شبك وبوابات
بصراحه القانون من اساسه قانون غبي يعني عوائل والشباب القطريين بس يدخلون..!! زين يعني الحين العوائل بترتاح اذا دشو اقطريين ومب مرتاحه اذا دشو اجانب..؟؟ المفروض عوائل وبس لااشباب اقطريين ولااشباب اجانب .. شي غريب والله
M7ammad
26-05-2010, 07:29 PM
من اي صوب انت رايح
انا اروح من الجهه الغربيه والشماليه وما في امكانيه ان يوقف حد لانها منطقه مفتوحه بدون شبك وبوابات
اروح من ورا فيلاجيو بالظبط عند المواقف
ومعناته يقدر الواحد يدخل بدون مايدرون !
ليش مايشددون هناك بعد؟ ليش بس فالمواقف؟
M7ammad
26-05-2010, 07:30 PM
بصراحه القانون من اساسه قانون غبي يعني عوائل والشباب القطريين بس يدخلون..!! زين يعني الحين العوائل بترتاح اذا دشو اقطريين ومب مرتاحه اذا دشو اجانب..؟؟ المفروض عوائل وبس لااقطريين ولااغيره.. شي غريب والله
ما انا اقولك !
( روح البس ثوب وتعال )
ماريسا
26-05-2010, 07:52 PM
شدخـــــــــــــــــــــل!!!!!
اش هالقانون الغبي عوايل و قطريين ولازم ثوب؟؟؟؟ مدري احس انه يستهبل عليكم سوري بس كان المفروض تسألونه بصفة من مانعكم من الدخول و لازم يورجيكم بطاقة العمل
و الله شي
بوحسن2009
26-05-2010, 07:58 PM
كان اتصلت بالشرطة:telephone::telephone: على احاس اتعرف من الى منعكم من الدخول
والى منعكم لا بس ثوب ولا لا . وايش جنسيته والمفروض كان استفسرت
عنه اسئله من حقك انك تعرف من الى يمنعك طبعا بالاثباتات له واذا مافيه فايد
( الشرطة فى خدمة الشعب )
وتحياتي لك ..:anger1::anger1::anger1::anger1:
كــرت احمــر
26-05-2010, 08:02 PM
عن الغلط والرجال على حق شبابنا هالايام صاير دلوع جنز وسبايكي ومدري شنو وين عايشين والله ابصم له بالعشر وزين ما سوى :nice: .
ماريسا
26-05-2010, 08:26 PM
عن الغلط والرجال على حق شبابنا هالايام صاير دلوع جنز وسبايكي ومدري شنو وين عايشين والله ابصم له بالعشر وزين ما سوى :nice: .
يا اخي اللبس حرية شخصية ثوب جينز ترنجا و بعدين اش هالتناقض يقوللك عوايل و قطريين و اللي يمشون وراه مصاورة و أجانب :rolleyes2:
لله الحمد
26-05-2010, 08:43 PM
لابسين جينز .. ورايحين تصورون :)
اللي شايفينه هناك .. افضل انه يسوّون تشديد ..
الصراحه زين سوى فيكم
halcrow
26-05-2010, 09:15 PM
مدري ليه حجتك مادخلت بالي
يعني لازم جينز وفي هاليوم وواضح انه مخصص للعوايل
لازم تسووون فيها
ياخي صور وعلي كيفك في اي يوم ثاني
لاتحطون نفسكم في مواقف بايخه وبعدها تصيحون
بويعقوب
26-05-2010, 09:20 PM
وش هالتناقض !!!!!!!
عوائل ومعاهم شباب !! وش الفايده ؟؟
اقول لو يربون بط ودجاج في هالحديقة ابرك لهم لانها صارت لغير القطريين أصلا ..
وطبعا غير المصخره اللي تصير والترقيم وقلة الحيه من الجنسين ..
الله المستعان وياخوي اذا تبغي تسوي رياضة روح الكورنيش او الحديقة اللي في الريان ..
الوحداني
26-05-2010, 09:20 PM
تبون تضبطون صور حق الفيس بوك :nice:
M7ammad
26-05-2010, 09:23 PM
عن الغلط والرجال على حق شبابنا هالايام صاير دلوع جنز وسبايكي ومدري شنو وين عايشين والله ابصم له بالعشر وزين ما سوى :nice: .
ليش الحين اللي مايلبس ثوب يصير دلوع؟ماله خص
وانت لو انتبهت للنقطة قلت انا مب مثل حركات الايمو
يعني مالابسين سلاسل ولا سبايكي ولا جنز ضيق مخصر لو وست
وشمعنه احنا مادخلنا والمصري لابس جنز وقميص ويسولف ع الفون ودخله؟
الوحداني
26-05-2010, 09:25 PM
لحد يقول رايحيين ولابسين جنزات وزين الي سوو فيكم
خلوهم على راحتهم شباب ويبوون يستانسون واذا ماستانسوا الححين وهم مب متزوجين :nice:متى تبونهم يستانسون لما يتزوجون:weeping: يصير عندهم عيال بعدين يتذكرون ويلبسون جنزات وحركات
ولاعشان راحت عليكم وكبرتوا تحقدون على وناستهم:tease:
M7ammad
26-05-2010, 09:26 PM
لابسين جينز .. ورايحين تصورون :)
اللي شايفينه هناك .. افضل انه يسوّون تشديد ..
الصراحه زين سوى فيكم
اول شي اخوي بخصوص الجينز
ليش ماكلم المصاروه او ع الاقل المصري اللي احنا اشرنا عليه وهو كان مار وراه ولابس لك جنز وقميص ويسولف ع الفون ويضحك ؟
ومن ناحية التصوير والله ماشوف فيها شي انه الواحد يصور ... ؟ ولا ليش سوو معهد التصوير الضوئي؟ والناس تسجل وتطلع وتنمي مواهبها ع الفاضي؟
يسوون تشديد؟ اقرى الصفحات اللي ورا واحد يقولك يدش من باب مافيه سكيورتيه ولا شي ؟ اي تشديد ياخوي؟
M7ammad
26-05-2010, 09:28 PM
مدري ليه حجتك مادخلت بالي
يعني لازم جينز وفي هاليوم وواضح انه مخصص للعوايل
لازم تسووون فيها
ياخي صور وعلي كيفك في اي يوم ثاني
لاتحطون نفسكم في مواقف بايخه وبعدها تصيحون
والله اخوي احنا الاسبوع اللي قبله داشين وعادي كلمنا الرجال قالنا ممنوع بس حق قطريين وعوائل قلنا احنا قطريين قالنا حياكم؟ شمعنه الحين ؟
وفرقت بين جينز وثوب؟ ترى كلهم على بعض "رجال"
يعني مفروض الشباب اللي هناك اللي لابسين ثوب واكثرهم يرقمون هم اللي مايدخلونهم !
يعني يا يخلون القانون فقط عوائل من غير شباب سواءً ثوب ولا بدون ولا يخلونه عادي !
ولا شرايك؟
واشدخل نصيح ههههههههههههههههههههههههه يبا هم يحمدون ربهم الناس يزورونهم ونصيح؟
فيه مليون حديقه غيرها نروح وشحلات الكورنيش والله !
بس انا مسوي الموضوع عشان قانونهم المفهي
M7ammad
26-05-2010, 09:30 PM
وش هالتناقض !!!!!!!
عوائل ومعاهم شباب !! وش الفايده ؟؟
اقول لو يربون بط ودجاج في هالحديقة ابرك لهم لانها صارت لغير القطريين أصلا ..
وطبعا غير المصخره اللي تصير والترقيم وقلة الحيه من الجنسين ..
الله المستعان وياخوي اذا تبغي تسوي رياضة روح الكورنيش او الحديقة اللي في الريان ..
صح !!!!!!!!!
M7ammad
26-05-2010, 09:33 PM
تبون تضبطون صور حق الفيس بوك :nice:
لوول والله مالنا فالفيس بوك
كله فلكر
هاي صور حق اسباير زون
من تصويري
http://farm5.static.flickr.com/4069/4365681221_9d5cefa584_d.jpg
http://farm5.static.flickr.com/4060/4385713676_8c18806dda_d.jpg
http://farm5.static.flickr.com/4033/4422715919_795fd04771_d.jpg
:discuss:
الوحداني
26-05-2010, 09:48 PM
لوول والله مالنا فالفيس بوك
كله فلكر
هاي صور حق اسباير زون
من تصويري
http://farm5.static.flickr.com/4069/4365681221_9d5cefa584_d.jpg
http://farm5.static.flickr.com/4060/4385713676_8c18806dda_d.jpg
http://farm5.static.flickr.com/4033/4422715919_795fd04771_d.jpg
:discuss:
والله ابداع
واصل بهوايتك
والله يوفقك
القبقب
26-05-2010, 09:53 PM
بصراحه انا مع القانون الي يقول قطريين وعوايل بس لسببين
1-العوايل من حقهم الاجزه الاسبوعيه0
2-القطريين الشباب هذي بلدهم وبعدين هم اشوي تخيل لو افتحو حق الشباب الاجانب وجوك عمال الصناعيه اشلون بيكون الوضع بيصير نفس النشونل0
المصري الي شفتوه كان ويه اهله ونسى تلفونه في السيارة وراح يجيبه0
بنسبه للبس:
طبعاً هو ماله حق يمنعكم قانونياً بس بصرحه زين سوى فيكم لأنه ماعندكم سالفه ليش ماتلبسون لبسكم ولبس بلادكم بصراحه انا يوم اشوف قطري موب لابس غترته وعقاله احتقره لأني عمري مارحت امريكا او اوربا وشفت اجنبي لابس ثوب وغتره وعقال انا مش فاهم انتو ليش تقلدون ناس مايحبونكم .
ممكن تجاوبي بصراحه انت وربعك ليش ماتلبسون غترة وعقال جاوبني لتهرب.؟
اسف على الاطاله
تحياتي
القبقب
26-05-2010, 09:57 PM
لحد يقول رايحيين ولابسين جنزات وزين الي سوو فيكم
خلوهم على راحتهم شباب ويبوون يستانسون واذا ماستانسوا الححين وهم مب متزوجين :nice:متى تبونهم يستانسون لما يتزوجون:weeping: يصير عندهم عيال بعدين يتذكرون ويلبسون جنزات وحركات
ولاعشان راحت عليكم وكبرتوا تحقدون على وناستهم:tease:
معليش اخوي بس انا موب فاهم اشدخل الوناسه بالجنزات وزواج
يعني الي مايلبس جنز مايستانس ولا شلون
ولي متزوج مايستانس بعد
سبحان الله منطق غريب عجيب
ولد الخال
26-05-2010, 10:01 PM
لوول والله مالنا فالفيس بوك
كله فلكر
هاي صور حق اسباير زون
من تصويري
http://farm5.static.flickr.com/4069/4365681221_9d5cefa584_d.jpg
http://farm5.static.flickr.com/4060/4385713676_8c18806dda_d.jpg
http://farm5.static.flickr.com/4033/4422715919_795fd04771_d.jpg
:discuss:
صور روعة وتدل على موهبة عالية
الله يوفقك ويخليك لقطر وأهلها على هذه الصور
M7ammad
26-05-2010, 10:12 PM
بصراحه انا مع القانون الي يقول قطريين وعوايل بس لسببين
1-العوايل من حقهم الاجزه الاسبوعيه0
2-القطريين الشباب هذي بلدهم وبعدين هم اشوي تخيل لو افتحو حق الشباب الاجانب وجوك عمال الصناعيه اشلون بيكون الوضع بيصير نفس النشونل0
المصري الي شفتوه كان ويه اهله ونسى تلفونه في السيارة وراح يجيبه0
بنسبه للبس:
طبعاً هو ماله حق يمنعكم قانونياً بس بصرحه زين سوى فيكم لأنه ماعندكم سالفه ليش ماتلبسون لبسكم ولبس بلادكم بصراحه انا يوم اشوف قطري موب لابس غترته وعقاله احتقره لأني عمري مارحت امريكا او اوربا وشفت اجنبي لابس ثوب وغتره وعقال انا مش فاهم انتو ليش تقلدون ناس مايحبونكم .
ممكن تجاوبي بصراحه انت وربعك ليش ماتلبسون غترة وعقال جاوبني لتهرب.؟
اسف على الاطاله
تحياتي
بالنسبة للمصري اخوي .. شلون تعطيه حجه من عندك؟ ليكون انت هو ولا تعرفه؟
شلون رايح اييب جواله وهو يتمشى ويضحك وهو مار من ورا الرجال اللي كان يكلمنا؟
والرجال شدراه انه ياي ويا اهله المصري؟ ليكون هو حافظ كل الاشكال اللي تدش وتطلع؟
كان ع الاقل راحله واسأله انت ويا هلك؟ ولا بروحك؟ هني بيثبتلنا انه هو يمشي ويا الاوامر اللي اتييه مب على كيفه
جات علينا ؟ يعني اللي مايلبس ثوب يصير مب قطري ؟ اشدخل؟ لو جيه كان ماخلو طلاب مدرسة قطر التقنية يلبسون بدلات الاوفر اول؟ بتقولي ماله خص بقولك هاي مب لبس بلادهم بعد ! وهم رايحين يداومون مدرسه .. < انا هني اعطيك مثال
وعندك فالشغل فالشرطة ! قبل الزي كان بني وغتره وعقال
الحين ازرق والقبعه
ليش مايخلونهم يداومون بثيابهم؟ شنو مب زي هاي ومب هم يمثلون قطر؟ جان داومو بثيابهم؟
النقطة الثالثه .. انت ماتشوف شكثر هنود وآيسويين واجانب يلبسون ثوب وغترة وعقال؟ ولا ؟
وايد ناس "مب قطريين" الا اجانب يلبسون ثوب !
القبقب
26-05-2010, 10:25 PM
بالنسبة للمصري اخوي .. شلون تعطيه حجه من عندك؟ ليكون انت هو ولا تعرفه؟
شلون رايح اييب جواله وهو يتمشى ويضحك وهو مار من ورا الرجال اللي كان يكلمنا؟
والرجال شدراه انه ياي ويا اهله المصري؟ ليكون هو حافظ كل الاشكال اللي تدش وتطلع؟
كان ع الاقل راحله واسأله انت ويا هلك؟ ولا بروحك؟ هني بيثبتلنا انه هو يمشي ويا الاوامر اللي اتييه مب على كيفه
ياخي بانسبه للمصري انا احسنت الضن
الرجال الي كان يكلمكم هو ادرى بشغله يروح يكلمه مايروح انت موب شغلك وموب لازم يثبت لك شي
جات علينا ؟ يعني اللي مايلبس ثوب يصير مب قطري ؟ اشدخل؟ لو جيه كان ماخلو طلاب مدرسة قطر التقنية يلبسون بدلات الاوفر اول؟ بتقولي ماله خص بقولك هاي مب لبس بلادهم بعد ! وهم رايحين يداومون مدرسه .. < انا هني اعطيك مثال
وعندك فالشغل فالشرطة ! قبل الزي كان بني وغتره وعقال
الحين ازرق والقبعه
انا ماقلت الي مايلبس مايصير قطري انا قلت هذي عادتنا ولبسنا والمفروض نحافض عليها بنسبه للوظايف الي ذكرتها الشغل غير و الحياه العامه غير
النقطة الثالثه .. انت ماتشوف شكثر هنود وآيسويين واجانب يلبسون ثوب وغترة وعقال؟ ولا ؟
وايد ناس "مب قطريين" الا اجانب يلبسون ثوب !
تبي الصج عمري ماشفت هندي في الهند لابس ثوب وغتره
وعمري ماشفت امريكي في امريكا لابس ثوب وغترة
وعمري في اوربا ماشفت واحد في بلاده لابس ثوب وغتره
على فكره ترك ماجاوبت على سؤالي ليش انت وربعك مالبستو ثوب وغتره وعقال
يالحبيب لاتزعل مني هذي وجهت نظري
الارض
26-05-2010, 10:34 PM
لوول والله مالنا فالفيس بوك
كله فلكر
هاي صور حق اسباير زون
من تصويري
http://farm5.static.flickr.com/4069/4365681221_9d5cefa584_d.jpg
http://farm5.static.flickr.com/4060/4385713676_8c18806dda_d.jpg
http://farm5.static.flickr.com/4033/4422715919_795fd04771_d.jpg
:discuss:
بخصوص حماني :secret:
هههههههههههههههههههههههههههههههههه
M7ammad
26-05-2010, 10:40 PM
ياخي بانسبه للمصري انا احسنت الضن
الرجال الي كان يكلمكم هو ادرى بشغله يروح يكلمه مايروح انت موب شغلك وموب لازم يثبت لك شي
انا ماقلت الي مايلبس مايصير قطري انا قلت هذي عادتنا ولبسنا والمفروض نحافض عليها بنسبه للوظايف الي ذكرتها الشغل غير و الحياه العامه غير
تبي الصج عمري ماشفت هندي في الهند لابس ثوب وغتره
وعمري ماشفت امريكي في امريكا لابس ثوب وغترة
وعمري في اوربا ماشفت واحد في بلاده لابس ثوب وغتره
على فكره ترك ماجاوبت على سؤالي ليش انت وربعك مالبستو ثوب وغتره وعقال
يالحبيب لاتزعل مني هذي وجهت نظري
شلون بنعرف اذا هو يمشي شغله على كيفه ولا كما يأمر عليه؟ لازم مثل ماهو يكلمنا يكلم غيرنا!
بالنسبة للي يلبس ومايلبس .. هو كل واحد حر فاللي يلبسه .. وطبعاً هاي حديقة يعني طبييعي الواحد يلبس بدله .. الثوب والغترة ويمشي فالحديقه ؟ مب الكل يحبها
اخوي انت رحت احد هالبلدان ؟ عشان تشوف؟
الجواب على سؤالك :
احنا رايحين نصور .. وشايلين معانا شنط واغراض وعدسات وكيمرات
قد عمرك شفت واحد لابس شنطة ظهر ولابس ثوب وغترة وعقال؟فشيلة واصلاً مستحيل لانه الواحد بيتضايق
ومب كل الناس متعودين انهم لما يتمشون فمكان واغلبهم يعرقون لانه حر وهم لابسين ثوب وغترة وعقال
والبدله اريح وقت المشي فالحدائق والكورنيش وغيره لانه كلها قطعتين فنيلة وبنطلون وتتحرك
اما اذا بتمشي بالثوب بتكون لابس فنيلة وصروال وفوقه الثوب والقحفيه والغترة ؟ وفوق هاي تمشي فجو حار؟ بتخيسس !
بالعكس والله مازعلت .. كلامك ع العين والراس فديتك
M7ammad
26-05-2010, 10:43 PM
بخصوص حماني :secret:
هههههههههههههههههههههههههههههههههه
ههههههههههههههههههههههههه
القبقب
26-05-2010, 11:03 PM
شلون بنعرف اذا هو يمشي شغله على كيفه ولا كما يأمر عليه؟ لازم مثل ماهو يكلمنا يكلم غيرنا!
اولاً وأخيراً انت موب شغلك تعلمه شغله
اخوي انت رحت احد هالبلدان ؟ عشان تشوف؟
اشوفهم باتلفزيون لتقولي بعد ماشوف
الجواب على سؤالك :
احنا رايحين نصور .. وشايلين معانا شنط واغراض وعدسات وكيمرات
قد عمرك شفت واحد لابس شنطة ظهر ولابس ثوب وغترة وعقال؟فشيلة واصلاً مستحيل لانه الواحد بيتضايق
ومب كل الناس متعودين انهم لما يتمشون فمكان واغلبهم يعرقون لانه حر وهم لابسين ثوب وغترة وعقال
والبدله اريح وقت المشي فالحدائق والكورنيش وغيره لانه كلها قطعتين فنيلة وبنطلون وتتحرك
اما اذا بتمشي بالثوب بتكون لابس فنيلة وصروال وفوقه الثوب والقحفيه والغترة ؟ وفوق هاي تمشي فجو حار؟ بتخيسس !
ايه شفت انا يوم كنت اروح المدرسه كنت البس ثوب وغتره واشيل شنطه عادي
اذ البدله اريح
البس لبس رياضه اعتقد اشورت بيكون اريح من الجنز
اخوي اجابتك ماقنعتني انا بجاوب عنك
بقول الرسول صلى الله عليه وسلم:
( لتتبعن سنن من كان قبلكم ، شبرا بشبر، وذراعا بذراع، حتى لو دخلوا جحر ضب تبعتموهم) قالوا: يا رسول الله: اليهود والنصارى؟!! قال: ( فمن؟)...أخرجه البخاري
تحياتي لك يابو جاسم
ماريسا
26-05-2010, 11:07 PM
لوول والله مالنا فالفيس بوك
كله فلكر
هاي صور حق اسباير زون
من تصويري
http://farm5.static.flickr.com/4069/4365681221_9d5cefa584_d.jpg
http://farm5.static.flickr.com/4060/4385713676_8c18806dda_d.jpg
http://farm5.static.flickr.com/4033/4422715919_795fd04771_d.jpg
:discuss:
ما شاءالله حلويــــــــــــــن الصور
مواهب
M7ammad
26-05-2010, 11:13 PM
اولاً وأخيراً انت موب شغلك تعلمه شغله
اشوفهم باتلفزيون لتقولي بعد ماشوف
ايه شفت انا يوم كنت اروح المدرسه كنت البس ثوب وغتره واشيل شنطه عادي
اذ البدله اريح
البس لبس رياضه اعتقد اشورت بيكون اريح من الجنز
اخوي اجابتك ماقنعتني انا بجاوب عنك
بقول الرسول صلى الله عليه وسلم:
( لتتبعن سنن من كان قبلكم ، شبرا بشبر، وذراعا بذراع، حتى لو دخلوا جحر ضب تبعتموهم) قالوا: يا رسول الله: اليهود والنصارى؟!! قال: ( فمن؟)...أخرجه البخاري
تحياتي لك يابو جاسم
ياخي من حقي كمواطن ومن حقوقي اسأل واستفسر واتناقش !
اخوي انت رايح مدرسة غير عن انك تكون فمكان عام ! فيه فرق !
انا عندي ربع فالصف وياي اييون المدرسه يعني مايكشخون .. اي شي واي غترة واييون
اقولهم ليش يقولون يه ! الا مدررسة
اما تعال شوفهم برع
اي مكان !
والله مايخلون شي مايسوونه ! فيه فرق ياخي
انزين شمعنى هالمره يعني؟ الاسبوع اللي قبله يوم دخلنا كنا لابسين جنزات وعادي مافيها شي ! بس جات هالمره؟
وعلى انه نلبس رياضه شورت ماشورت ، فيه ناس هناك اجانب (لاتقولي ويا عوايلهم لانهم يتمشون بروحهم ومب انهم يسوون رياضة) لابسين جنز وقميص عااادي !
عليه الصلاة والسلام ، اخوي احنا لما نلبس بدلات مو معناته انقلد الغرب .. التغيير محبب للانسان !
مب شرط اي مكان اروح البس ثوب .. لي الحرية اني البس بدله او اي شي اخف من الثوب ترى
القبقب
26-05-2010, 11:19 PM
ياخي من حقي كمواطن ومن حقوقي اسأل واستفسر واتناقش !
اخوي انت رايح مدرسة غير عن انك تكون فمكان عام ! فيه فرق !
انا عندي ربع فالصف وياي اييون المدرسه يعني مايكشخون .. اي شي واي غترة واييون
اقولهم ليش يقولون يه ! الا مدررسة
اما تعال شوفهم برع
اي مكان !
والله مايخلون شي مايسوونه ! فيه فرق ياخي
انزين شمعنى هالمره يعني؟ الاسبوع اللي قبله يوم دخلنا كنا لابسين جنزات وعادي مافيها شي ! بس جات هالمره؟
وعلى انه نلبس رياضه شورت ماشورت ، فيه ناس هناك اجانب (لاتقولي ويا عوايلهم لانهم يتمشون بروحهم ومب انهم يسوون رياضة) لابسين جنز وقميص عااادي !
عليه الصلاة والسلام ، اخوي احنا لما نلبس بدلات مو معناته انقلد الغرب .. التغيير محبب للانسان !
مب شرط اي مكان اروح البس ثوب .. لي الحرية اني البس بدله او اي شي اخف من الثوب ترى
انا قلت وجهة نظري وانت كذالك على العموم حاول تلتزم بلبس بلادك
تحياتي
@فهد@
26-05-2010, 11:19 PM
اخوي محمد
اسمح لي اولا اعلق .. علي القانون نفسه ..
انه يسمح لعوائل وقطريين ... فاشل وغلط .. لانه اكيد طبعا مو الكل لكن هالشي ممكن يسوي مشاكل من البعض ...
لذلك الافضل عوائل فقط ...
والشباب لهم يوم بروحهم ..
-------------------------------
لبس الثوب البعض يشوفه حريه شخصيه .. لكن اخاف يتطور الوضع لين يصير زي مانشوف في دول مجاوره بعضهم يدش بثوب النوم .. او ملابس فاضحه ..
الاتزان زين في كل شي ..
...................................
التصوير والصور رووعه ............... راح اعرضها قريبا علي خبير تصوير عشان يشوف انه في مواهب ..
-------------
علي طاري التصوير ايام العوائل ماراح تقدرون تصورون .. والافضل يوم الشباب صوروا لين تشبعون :nice:
----------------
القانون علي الجميع يمنعكم ويدخل الاخ الثاني مايصير
شموخ وبس
26-05-2010, 11:52 PM
موضوع حلو 000
انزين ياقبقب خلهم بلبسون جينزات توهم ازغار :nice:
احسن من الاجانب اللي يدورون لابسين هافات يلوعون الجبد 0000 ودام انهم في حالهم خلهم
ولد الخال
26-05-2010, 11:58 PM
موضوع حلو 000
انزين ياقبقب خلهم بلبسون جينزات توهم ازغار :nice:
احسن من الاجانب اللي يدورون لابسين هافات يلوعون الجبد 0000 ودام انهم في حالهم خلهم
:victory::victory::victory:
Qtrstyle
27-05-2010, 12:02 AM
انا مو متأكد من القانون واذا نفسه يتطبق في اسباير ولالا ؟؟ لكن اتوقع نفس الفكره ^.^
المكااان للعوائل .. ويدخلون الشباب القطرين ..
وعندك الستي سنتر .. تروح يوم الخميس مادري الجمعه .. شباب وزحمه .. والمكان بس عوايل ..
لكن لما تطلع من الباب .. تشوف الأجانب شكثر .. خاصه العماله .. ممنوعين من الدخول .. واذا يبون يسكتونهم يقولون للعوايل !!
سلطان_قطر
27-05-2010, 12:06 AM
دامك تعرف ان يوم عوايل شموديك انت وربعك؟؟؟
مساهم فنان
27-05-2010, 01:27 AM
ههه هذي الحديقة مثل المجمع اللي حذاها... في يوم الجمعة مثل ما شفت (مكتوب)للعائلات )عند الباب الثاني ويمنعون غير العوائل من الدخول ، بس من الباب الرئيسي موب مكتوب للعوايل ،ولكل يدش والأغلبية عمال ...
إيضحكون .:telephone:
butterfly qatar
27-05-2010, 01:39 AM
بصفته شنو قالكم هالكلام
وشنو أيام عوائل الشباب القطريين بس يدشون
هاااي واحد ماعنده سالفه
ومتملل
ويستعبط شكله
M7ammad
27-05-2010, 06:24 AM
دامك تعرف ان يوم عوايل شموديك انت وربعك؟؟؟
لانه الاسبوع اللي قبله دشينا وكان يوم عوايل .. بس وقفنا واحد قالنا هو حق عوايل وقطريين .. قلناله احنا قطريين قال خلاص دشو
هالمره شخص ثاني اللي جانا
M7ammad
27-05-2010, 06:26 AM
انا قلت وجهة نظري وانت كذالك على العموم حاول تلتزم بلبس بلادك
تحياتي
شكرا اخوي
واتمنى تعدل توقيعك
مكتوب استفر الله ..
M7ammad
27-05-2010, 06:27 AM
اخوي محمد
اسمح لي اولا اعلق .. علي القانون نفسه ..
انه يسمح لعوائل وقطريين ... فاشل وغلط .. لانه اكيد طبعا مو الكل لكن هالشي ممكن يسوي مشاكل من البعض ...
لذلك الافضل عوائل فقط ...
والشباب لهم يوم بروحهم ..
-------------------------------
لبس الثوب البعض يشوفه حريه شخصيه .. لكن اخاف يتطور الوضع لين يصير زي مانشوف في دول مجاوره بعضهم يدش بثوب النوم .. او ملابس فاضحه ..
الاتزان زين في كل شي ..
...................................
التصوير والصور رووعه ............... راح اعرضها قريبا علي خبير تصوير عشان يشوف انه في مواهب ..
-------------
علي طاري التصوير ايام العوائل ماراح تقدرون تصورون .. والافضل يوم الشباب صوروا لين تشبعون :nice:
----------------
القانون علي الجميع يمنعكم ويدخل الاخ الثاني مايصير
نورت يالغالي ^^
ولد شرق
27-05-2010, 06:39 AM
ضاعات الهويه ضاعت...
صرنا حتى في ملابسنا نبغي انقلد الاجانب و بعدين انسبهم و انقول انهم ماخذين كل شي... سبحان الله...
بلوتنيوم
27-05-2010, 06:53 AM
حصل خير
ثاني مرة خذ معاك ثوب وغترة احتياط :)
بوحسن2009
27-05-2010, 07:14 AM
بل بل طاحوا فى الرجال طيحه الله يعينه ما يسوى عليه قال موضوعة وانتوا تخلتوه موضوع ثاني
الحكمة زينه ياشباب ..
(وادعوا الى سبيل ربك بالحكمة والموعظة الحسنة)
بو الجوري
27-05-2010, 07:40 AM
الصراحه وش هالقانون !!!! :eek5:
حلوه هاي عوايل وقطريين :.. وين قاعدين :.. :omg:
عوايل يعني عوايل :.. :anger1:
حلوه أروح مع هلي ألاقي شباب قطريين :.. يتمشون ويصورون :..
وغيرهم اللي يتصمخرون ويستعبطون :..
:anger1:
عيل ليش خلو عوايل :.. عبط هو وإلا عبط :.. :rolleyes2:
اكثر البلا والمغازل وعدم إعطاء العوايل حريتهم :..
من بعض الشباب القطري :.. اللي زايديين هالسنتين :.. :anger1:
الله يهديهم :..
بس ضحكني القانون الصراحه :..
وزين إنه مادخلكم :.. روحوا يوم عادي :.. لازم تروحون مع العوايل :.. !!:rolleyes2:
ام سلمى
27-05-2010, 07:46 AM
وانت شعليك لو انك تلبس ثوب
ابرك لك من هالخرابيط اللي لوتمشي جنبك فلبينيه مافرقنا بينكم
المقهوره
27-05-2010, 08:44 AM
لحظه ابي اركز
شلون خاص بالعوائل
وشلون قطريين يدخلون
وش هالتناقض او العنصريه
المصيبه والازعاج والمغازله من القطريين مب الاجانب
اجل ماسووا شي بصراحه
يخلونها مفتوحه وكلن يدخلها
المقهوره
27-05-2010, 08:52 AM
بصراحه انا مع القانون الي يقول قطريين وعوايل بس لسببين
1-العوايل من حقهم الاجزه الاسبوعيه0
2-القطريين الشباب هذي بلدهم وبعدين هم اشوي تخيل لو افتحو حق الشباب الاجانب وجوك عمال الصناعيه اشلون بيكون الوضع بيصير نفس النشونل0
المصري الي شفتوه كان ويه اهله ونسى تلفونه في السيارة وراح يجيبه0
بنسبه للبس:
طبعاً هو ماله حق يمنعكم قانونياً بس بصرحه زين سوى فيكم لأنه ماعندكم سالفه ليش ماتلبسون لبسكم ولبس بلادكم بصراحه انا يوم اشوف قطري موب لابس غترته وعقاله احتقره لأني عمري مارحت امريكا او اوربا وشفت اجنبي لابس ثوب وغتره وعقال انا مش فاهم انتو ليش تقلدون ناس مايحبونكم .
ممكن تجاوبي بصراحه انت وربعك ليش ماتلبسون غترة وعقال جاوبني لتهرب.؟
اسف على الاطاله
تحياتي
ياجماعه الخير لبس البنطلون بحد ذاته مب عيب ولا حرام
اهم شي يكون البنطلون الخاص بالرجال مب الضيق والبرمودا الي يخليه كنه بنت
وبعدين رايحين سباير يعني مكان للتمشي اشوف لبس الرياضه افضل شي خفيف وبارد اما الثوب وين الواحد يسوي رياضه فيه.
اما الي انا ضدها قصه شباب قطريين + عوائل ماتجي بصراحه
اشدخل عوايل وقطريين بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
The End Qtr
27-05-2010, 09:22 AM
مع احترامي لشخص اللي طرح الموضوع .. الموضوع خذا اكثر من حجمه
اولا : لايوجد قانون اسمه يوم للعائلات والقطريين : هذي غلطه من السكيرتي نفسه ولا القانون يقول الويكند مخصص للعائلات وومنوع تمجع العماله الوافده حتى ما يكون منظر غير لائق مثل ناشيونال خصوصا ان الحديقه متعوب عليها والاشجال اسعارها بأرقام خياليه
ثانيا : مسؤولين الحديقه ومشرعين القوانين فيها هم رجال ذو خبرات وكفاءات عاليه ويمكن كانت غلطه من السكيرتي نفسه .. ربما يكون جديد او على قولتهم سقط سهوا
ثالثا : مع احترامي لبعض الاعضاء اللي شاركوا بالردود اللي يقولون البس ثوب وتعال .. ما يصير انك تفرض على الشخص شنو يلبس هذي حريه شخصيه
تحياتي
M7ammad
27-05-2010, 10:16 AM
لحظه ابي اركز
شلون خاص بالعوائل
وشلون قطريين يدخلون
وش هالتناقض او العنصريه
المصيبه والازعاج والمغازله من القطريين مب الاجانب
اجل ماسووا شي بصراحه
يخلونها مفتوحه وكلن يدخلها
مايندرى !
M7ammad
27-05-2010, 10:16 AM
بل بل طاحوا فى الرجال طيحه الله يعينه ما يسوى عليه قال موضوعة وانتوا تخلتوه موضوع ثاني
الحكمة زينه ياشباب ..
(وادعوا الى سبيل ربك بالحكمة والموعظة الحسنة)
زين حد فاهمني بس :nice:
M7ammad
27-05-2010, 10:17 AM
ضاعات الهويه ضاعت...
صرنا حتى في ملابسنا نبغي انقلد الاجانب و بعدين انسبهم و انقول انهم ماخذين كل شي... سبحان الله...
من قال نقلد ؟ الي يلبس شي غير الثوب يعتبر تقليد؟ اشدخل !!!
لو تقليد كان ماخلوكم تلبسون رياضه وغيره وخلو كل الناس تلبس ثوب!
M7ammad
27-05-2010, 10:18 AM
الصراحه وش هالقانون !!!! :eek5:
حلوه هاي عوايل وقطريين :.. وين قاعدين :.. :omg:
عوايل يعني عوايل :.. :anger1:
حلوه أروح مع هلي ألاقي شباب قطريين :.. يتمشون ويصورون :..
وغيرهم اللي يتصمخرون ويستعبطون :..
:anger1:
عيل ليش خلو عوايل :.. عبط هو وإلا عبط :.. :rolleyes2:
اكثر البلا والمغازل وعدم إعطاء العوايل حريتهم :..
من بعض الشباب القطري :.. اللي زايديين هالسنتين :.. :anger1:
الله يهديهم :..
بس ضحكني القانون الصراحه :..
وزين إنه مادخلكم :.. روحوا يوم عادي :.. لازم تروحون مع العوايل :.. !!:rolleyes2:
ادري !! اذا عوائل خلاص عوائل محد يدش الا وياه عيلته!
M7ammad
27-05-2010, 10:18 AM
اشدخل عوايل وقطريين بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مادري عنهم !؟
M7ammad
27-05-2010, 10:20 AM
مع احترامي لشخص اللي طرح الموضوع .. الموضوع خذا اكثر من حجمه
اولا : لايوجد قانون اسمه يوم للعائلات والقطريين : هذي غلطه من السكيرتي نفسه ولا القانون يقول الويكند مخصص للعائلات وومنوع تمجع العماله الوافده حتى ما يكون منظر غير لائق مثل ناشيونال خصوصا ان الحديقه متعوب عليها والاشجال اسعارها بأرقام خياليه
ثانيا : مسؤولين الحديقه ومشرعين القوانين فيها هم رجال ذو خبرات وكفاءات عاليه ويمكن كانت غلطه من السكيرتي نفسه .. ربما يكون جديد او على قولتهم سقط سهوا
ثالثا : مع احترامي لبعض الاعضاء اللي شاركوا بالردود اللي يقولون البس ثوب وتعال .. ما يصير انك تفرض على الشخص شنو يلبس هذي حريه شخصيه
تحياتي
اولاً : انا اللي اعرفه انه هو اذا يوم حق عوائل خلاص عوائل! مايدشون شباب بروحهم ؟! بس المشكله قالي عوائل وقطريين فقط! اذا تبي تدش البس ثوب وتعال!
ثانياً : ادري والنعم فيهم والله .. بس يعني حلوه هاي يقولك البس ثوب وتعال؟ شدعوه؟
وليش يوم قلناله لو بتاني جاك وهو لابس ثوب بتدخله؟ ليش سكت؟
ثالثاً : فهمهم .. ناس يقولون تقليد ومادري شنو هههههههههههههههههههههههههههه
FAUCHON
27-05-2010, 10:22 AM
والله شي يضحك
شدخل البس ثوب
ليش الرجال يفرق اذا كان قطري ولا اجنبي (( شي غريب ومضحك ))
ههه وتوه يقول عوايل مسرع قال وقطرين
هههههه يعني بيقعدون يشوفون بطاقات العالم
سؤال بس وش بيفرق الاجنبي عن القطري " كلهم رجال "
ومع احترامي للشباب القطري نفس ما ذكرت اخوي الاغلب هناك بس جذي يلعوز خلق الله
وبعدين المكان مفتوح يعني
والله مدري شقووولك
شي يفشل والله
" عنصريه " + " عدم وجود قوانين ثابته "
اسمح لي على الاطاله
هتـان قطر
27-05-2010, 10:26 AM
عاد انا بعكسك تماما..وديت عيالي فيلاجيو ودخلنا الالعاب والعبوا كم لعبة
وقعدنا نلف الالعاب كلها نشوف شالجديد..وعيالي طبعا لابسين ثياب..ما يحبون
لبس البنطلونات وانا ما عودتهم عليها ولا يلبسونها الا فيما ندر
المهم وصلنا صوب البولينج الا اغلب الوجودين اذا ما كان كلهم اجانب
وانا الوحيدة وعيالي اللي نختلف عنهم :(
قلت لولدي روح اخذ لك تذكره واستفسر منهم عن الدور.. من قبل ومن بعد..
رجع لي ولدي قال يقول الموظف ممنوع تلعب لانك لابس ثوب صعقت ..افااااااا :omg:
ليش..اللي عليه ثوب ممنوع يلعب..؟؟!!!1
رحت له ولقيت شخص مصري واقف يشتغل هناك..وشكله منكسر خاطره علي وعلى عيالي
قال متأسفين يا فندم والله قرار جديد نازل ومن ادارة البولينغ..انه ممنوع اللعب بالثوب
قلت حسبي الله ونعم الوكيل..
الحين اشدخل الثوب في اللعبة..الولد بيرفع ثوبه وبيلعب وان طاح هو مسؤول عن نفسه
بعض القوانين ترفع ضغطي..:anger1:
المقهوره
27-05-2010, 11:19 AM
عاد انا بعكسك تماما..وديت عيالي فيلاجيو ودخلنا الالعاب والعبوا كم لعبة
وقعدنا نلف الالعاب كلها نشوف شالجديد..وعيالي طبعا لابسين ثياب..ما يحبون
لبس البنطلونات وانا ما عودتهم عليها ولا يلبسونها الا فيما ندر
المهم وصلنا صوب البولينج الا اغلب الوجودين اذا ما كان كلهم اجانب
وانا الوحيدة وعيالي اللي نختلف عنهم :(
قلت لولدي روح اخذ لك تذكره واستفسر منهم عن الدور.. من قبل ومن بعد..
رجع لي ولدي قال يقول الموظف ممنوع تلعب لانك لابس ثوب صعقت ..افااااااا :omg:
ليش..اللي عليه ثوب ممنوع يلعب..؟؟!!!1
رحت له ولقيت شخص مصري واقف يشتغل هناك..وشكله منكسر خاطره علي وعلى عيالي
قال متأسفين يا فندم والله قرار جديد نازل ومن ادارة البولينغ..انه ممنوع اللعب بالثوب
قلت حسبي الله ونعم الوكيل..
الحين اشدخل الثوب في اللعبة..الولد بيرفع ثوبه وبيلعب وان طاح هو مسؤول عن نفسه
بعض القوانين ترفع ضغطي..:anger1:
على شاان مايتعثر بثوبه هذه هي الحكمه.
وبعدين صعب يرفع ثوبه ولا بقط كوره البولنغ
بصراحه عيالنا يلبسون ثياب طول الوقت بس اذا بيروحون العاب نلبسهم بناطلين بس مب بناطلين سكيني ولووست يلبسون بناطلين عاديه الوسيعه مثل خلق الله
الوحداني
27-05-2010, 12:48 PM
على شاان مايتعثر بثوبه هذه هي الحكمه.
وبعدين صعب يرفع ثوبه ولا بقط كوره البولنغ
بصراحه عيالنا يلبسون ثياب طول الوقت بس اذا بيروحون العاب نلبسهم بناطلين بس مب بناطلين سكيني ولووست يلبسون بناطلين عاديه الوسيعه مثل خلق الله
ماشالله عليج تعرفين الاسامي
انا الي رجال والله اول مره اسمع بهالاسامي
الي اعرفه الجنز والبرمودا وبس طبعا بعمري مالبستهم
وفي بعد الي مانستغنا عنه صروال بوخيط هذا من ضروريات الحياه:nice:
الوحداني
27-05-2010, 12:51 PM
عاد انا بعكسك تماما..وديت عيالي فيلاجيو ودخلنا
الحين اشدخل الثوب في اللعبة..الولد بيرفع ثوبه وبيلعب وان طاح هو مسؤول عن نفسه
بعض القوانين ترفع ضغطي..:anger1:
اشدعوه بيرفع الثوب بيلعب كوره بقوطي بيبسي بالمدرسه
بعدين اشلون الولد مسؤول نفسه
على كلامج يلغون قانون حزام الامان لان كل واحد مسؤول نفسه هذا واحنا كبار اشلون الولد الصغير يلعب بولنج وهو ابس ثوب وتقولين مسئول نفسه كلامج عاري عن الصحه تماما:victory:
أخوي أنا اقترح عليك تروح تصور في أيام غير الويك اند
لانه مخصص للعائلات وعشان ما تصيدك مشاكل مع اي حد هناك
الا صورتنا ولا طالعين بالصورة وغيرها من المشاكل
الأفضل تروح بالأيام العادية
ام السعف
27-05-2010, 01:16 PM
ما امشيها له ،، و اشتكي عليهم ،، ولو استدعى الأمر ابلاغ الشرطة و اثبات حالة
لأن هناك قانون لابد ان يطبق ،، و تساهلنا ترك المجال للكل يلعب علينا
ام السعف
27-05-2010, 01:17 PM
ماشالله عليج تعرفين الاسامي
انا الي رجال والله اول مره اسمع بهالاسامي
الي اعرفه الجنز والبرمودا وبس طبعا بعمري مالبستهم
وفي بعد الي مانستغنا عنه صروال بوخيط هذا من ضروريات الحياه:nice:
الحين اشدخل الريال في سالفة السكني و اللويست ؟
هذي سوالف حريمية صاروا الريايل يسوونها ،، فاحمد ربك انك مب لها :shy:
قطر501
27-05-2010, 01:33 PM
اولا كشباب قطريين لابد تفتخر بالغتره والعقال يعني مافيه داعي جنزات وحركات
يكفي الاجانب يعني لازم نقلدهم في كل شي وبالنسبة للمصري الي تقول ماقاله شي اكيد مب قايله شي لانه داخل بلبسه المعتاد بعدين اي تصوري في اسباير كلها نافورة واربع بطات
LionFish
27-05-2010, 01:35 PM
أتوقع الموضوع كله ببساطة انه اشكالكم كانت توحي بشر والسكيوريتي كان يبي يصرفكم :p
M7ammad
27-05-2010, 04:20 PM
أخوي أنا اقترح عليك تروح تصور في أيام غير الويك اند
لانه مخصص للعائلات وعشان ما تصيدك مشاكل مع اي حد هناك
الا صورتنا ولا طالعين بالصورة وغيرها من المشاكل
الأفضل تروح بالأيام العادية
انزين خلنا من التصوير
حتى ماخلاانا نتمشى ؟!
M7ammad
27-05-2010, 04:21 PM
اولا كشباب قطريين لابد تفتخر بالغتره والعقال يعني مافيه داعي جنزات وحركات
يكفي الاجانب يعني لازم نقلدهم في كل شي وبالنسبة للمصري الي تقول ماقاله شي اكيد مب قايله شي لانه داخل بلبسه المعتاد بعدين اي تصوري في اسباير كلها نافورة واربع بطات
والنعم بالغترة والعقال وانا دوم البس بس مب شرط كليوم .. انا رايح اتمشى فجو حار وابي البس شي اخف من الثوب اكيد بلبس بدله ولا شرايك؟
بالنسبة للمصري هو قالنا انه هاي يسوي رياضه
وشلون هو يدش ومب ويا عيلته؟ لانه القانون يقول مخصص للعائلات وعلى قولته للقطريين
هو لا ويا عيلته ولا قطري؟ ماله حق يدش !
M7ammad
27-05-2010, 04:22 PM
أتوقع الموضوع كله ببساطة انه اشكالكم كانت توحي بشر والسكيوريتي كان يبي يصرفكم :p
ههههههههههههههههههههه والله كنا عاديين !
sendarala
27-05-2010, 05:22 PM
ما سمعت عن ( الدخول بالملابس الرسمية )
M7ammad
27-05-2010, 11:48 PM
لا ماسمعت
اللي سمعته انه بس عوايل وقطريين ماقالو ملابس رسميه واكبر دليل انه الاسبوع اللي قبله داشين ولابسي بدل ..
يمكن كنت مخالف عزيزي..نفس توقيعك..
Navigator 85
28-05-2010, 03:19 AM
الله يكون في عونك من ردود بعض الاعضاء
خخخ ضاعت الهوية وليش ماتلبس ثوب وتقليد اجانب
اخاف بكرة يقولون اذا بتسبح ولا بتطلع الحداق او بتلعب كورة
البس فانيلة وصروال علشان ماتضيع الهوية
او يمكن محترين لانهم مكرشين واذا لبسوا بنطلون تطلع الكرشة
ياناس خلوا الشباب على راحتهم يلبسون اللي يبغونه وخاصة في الحدائق والكورنيش او البحر الثوب مرات
يلعوزك والبنطلون اريح في المشي والركض واهم شئ مايلبسون ملابس فاضحة والحركات الماصخة
انزين خلنا من التصوير
حتى ماخلاانا نتمشى ؟!
ما أدري شنو السبب ليش ما خلاكم
بس لما كنا نروح نتمشى هناك في ويك اند وغيره محد تجرأ يكلم أهلي اللي معاي ويقول لهم البسوا ثوب !!!
M7ammad
28-05-2010, 02:14 PM
الله يكون في عونك من ردود بعض الاعضاء
خخخ ضاعت الهوية وليش ماتلبس ثوب وتقليد اجانب
اخاف بكرة يقولون اذا بتسبح ولا بتطلع الحداق او بتلعب كورة
البس فانيلة وصروال علشان ماتضيع الهوية
او يمكن محترين لانهم مكرشين واذا لبسوا بنطلون تطلع الكرشة
ياناس خلوا الشباب على راحتهم يلبسون اللي يبغونه وخاصة في الحدائق والكورنيش او البحر الثوب مرات
يلعوزك والبنطلون اريح في المشي والركض واهم شئ مايلبسون ملابس فاضحة والحركات الماصخة
ههههههههههههههههههههههههههههههههههههههههههههههه
:victory:
M7ammad
28-05-2010, 02:15 PM
ما أدري شنو السبب ليش ما خلاكم
بس لما كنا نروح نتمشى هناك في ويك اند وغيره محد تجرأ يكلم أهلي اللي معاي ويقول لهم البسوا ثوب !!!
عنصرية؟
عنصرية؟
ممممممممممممم يمكن
:tease:
لا اخوي لان عائلة
:nice:
Powered by vBulletin® Version 4.2.5 Copyright © 2024 vBulletin Solutions Inc. All rights reserved.