مواقف ال vip في سوق واقف كل يوم قاعدة تزيد؟؟؟؟؟؟

[بومتعب]

الواحد صار يلف ويدور مرات ومرات عشان يحصل موقف في سوق واقف .... وصار من الصعب الحصول على موقف فاضي خاصة في اوقات المساء وايام نهاية الاسبوع ...... وفي المقابل اشوف المواقف المخصصة لل vip قاعدة تزيد مساحاته من فترة لاخرى ..... واغلبها فاضي ...

سؤالي من هم ال vip الي مواقفهم دوم محجوزة سوا جاوا او ماجوا ؟؟؟؟
في الاول قالوا مواقف معوقين وقلنا مايخالف كلهم موقف او موقفين لكن تحصل شكة مواقف بالعشرة وراء بعض تكتب عليهم vip ومسكرهم بحبل مخملي لونه احمر ليش؟؟؟؟؟؟

ياجماعة انا ادفع فلوس للموقف ومش رايح اوقف سيارتي ببلاش .... فليش العنصرية حتى في مواقف السيارات .......

[eXpert*]

مواقف اـ لفي أي بي تلاقي الساعة بـ 10 ريال :)

[لاجل QT]

انا سمعت ن الموقف ب 100 ريال ولله اعلم
عموما في كل مكان بتحصل عنصرية حتى في السينما في اماكن في اي بي
في مواقف المجمعات بعد فية ...

المشكلة ان السيارات اللى تصف في اماكن الفي اي بي..ماتوحى ابدا انها لاشخاص في اي بي :secret:

[كازانوفا]

سبحان الله بكل شي في عنصريه اقصدvip

[naklan]

مواقف اـ لفي أي بي تلاقي الساعة بـ 10 ريال :)

مواقف في اي بي 100 ريال في الساعه مره جيت اوقف بالغلط والى يعطيني ورقه

قلت له شالسالفه قالي مواقف في اي بي 100 في الساعه :secret:

وقفت حذاهم بلاش وعملت بالمثل المصري الي يقول

ابو بلاش كثر منه وكثرت منه :tease:

[إينشتاين]

مواقف في اي بي 100 ريال في الساعه مره جيت اوقف بالغلط والى يعطيني ورقه

قلت له شالسالفه قالي مواقف في اي بي 100 في الساعه :secret:

:tease:


للتصحيح: الموقف 100 ريال في اليوم وليس الساعة

[Scorpion]

معك فلوس صف فالvip الموقف ب 100 ريال :nice:

[FIRE FLY]

والحين من جد في ناس تدفع 100 ريال عشان موقف ؟!!!

[hasss1969]

والحين من جد في ناس تدفع 100 ريال عشان موقف ؟!!!

وتدفع 500 بعد ...وكانها 5 ريال...
الله يزيدهم ويبارك لهم...

[FIRE FLY]

^
^
^
هاذي ناس ما حامدة ربها على النعمة .. ايش شعور الفقير يوم يعرف انه انسان يدفع 100 ولا 500 ريال عشان موقف ولمدة كم ساعة وصاف عشان منكر ...

لا حول ولا قوة الا بالله ...

[لاجل QT]

واذا عرفتو ان يدفع 100 ريال على شان يدخل كوفي يشرب شاي 15 ريال ويطلع:)

[شموع قطريه]

اللي معاه ئرش محيرو يجيب حمام ويطيرو ..

هالمواقف مسوينها حق الناس اللي ماتعبوا في فلوسهم تجيهم بارده مبرده وهم مكبرين كروشهم وراقدين في بيوتهم :)

[ANONYMOUS]

مافيها شي

مثلها مثل اللي بيسافر على درجه اولى ولا ايكونومي

تبي تصف بدون ماتحوس نص ساعه تدور باركينغ ادفع 100 وصف قريب

يعني خدمه افضل مقابل مبلغ مالي

[المخباط]

^
^
^
هاذي ناس ما حامدة ربها على النعمة .. ايش شعور الفقير يوم يعرف انه انسان يدفع 100 ولا 500 ريال عشان موقف ولمدة كم ساعة وصاف عشان منكر ...

لا حول ولا قوة الا بالله ...
اتوقع الفلوس في النهاية بتروح للفقراء

[Sharshooooor]

ياجماعة للتوضيح فقط او خلنا نقول للتصحيح

موقف ال vip ب 100 ريال للمرة الواحدة وليست مربوطة بوقت معين

ثانيا 25% تروح عائد الموقف يعني 25 ريال لدار الايتام دريمة اعتقد اسمها

وياليت من صاحب الموضوع والاعضاء يتأكدون من معلوماتهم قبل طرح اي موضوع او التعليق فيه

ممكن تفتح موضوع وتسأل عن الموقف لكن تقول ان محجوز لناس ترى هو مومحجوز لاي شخص وممكن انت تصف فيه ب 100 ريال اي وقت

ومواقف المعاقين ترى ماشالله مليانه السوق وماقصروا المشرفين هناك

وتحياتي للجميع

[Sharshooooor]

^
^
^
هاذي ناس ما حامدة ربها على النعمة .. ايش شعور الفقير يوم يعرف انه انسان يدفع 100 ولا 500 ريال عشان موقف ولمدة كم ساعة وصاف عشان منكر ...

لا حول ولا قوة الا بالله ...

استغفر ربك ولاتحط في ذمتك

انا كل اسبوع اصف موتري هناك

مومعناه اني رايح لمنكر ياخي

حتى اللي صاف موقف عادي قذفته انت بهالجملة

انت ماتكلمت عن الموقف الحين تكلمت عن المكان العام اللي ممكن هلي وهلك يتواجدون فيه

[بوخالد911]

السالفة تجارة في تجارة

واللي عنده يدفع

واللي ما عنده ما يلزمووش

[Qtrstyle]

مثل مأوضحو الأخوان الموقف بـ100 ريال لليوم كامل .. وثاني شي .. لاجيت تطلع .. ماتمر ع الزحمه عند البوابات .. يعني اللي يروح ومايبي يعور راسه يدور في الزحمه .. يصف ب100 ولا انه يوقف غلط وتجيه مخالفه 500

[Sharshooooor]

مثل مأوضحو الأخوان الموقف بـ100 ريال لليوم كامل .. وثاني شي .. لاجيت تطلع .. ماتمر ع الزحمه عند البوابات .. يعني اللي يروح ومايبي يعور راسه يدور في الزحمه .. يصف ب100 ولا انه يوقف غلط وتجيه مخالفه 500

واضيف اللي خايف على سيارته من الشموخ او غيرة يصفها هالموقف وقريب

ووالله انا يوم صفيت اول مرة وعرفت ان الموضوع فيه نسبة تبرع للناس المحتاجة قمت اصف فيه كل مرة

[FIRE FLY]

استغفر ربك ولاتحط في ذمتك

انا كل اسبوع اصف موتري هناك

مومعناه اني رايح لمنكر ياخي

حتى اللي صاف موقف عادي قذفته انت بهالجملة

انت ماتكلمت عن الموقف الحين تكلمت عن المكان العام اللي ممكن هلي وهلك يتواجدون فيه

اسمح لي ..
كلامك فيه حق .. استغفر الله العظيم :)

بس اخي سوق واقف موضوعه منتهي ... مكان شبهة للأسف ...
يعني اللي يروح يتحسف من ورا هالطلعة .. من دخان الشيش اللي حواليه ولا من الحريم الأجانب وغيرهم وغير اللي يصير في الدواعيس بالسوق ... و .. و .. و
يعني الامر واضح للكل هناك ..

اكرر اسفي اخوي مرة ثانية ...

تحياتي

[واحد 11]

والحين من جد في ناس تدفع 100 ريال عشان موقف ؟!!!

اي جد فيه وللأسف ...بس منظر المواقف المخصصة لهذه الفئة غير حضاري في سوق تراثي يجب ان يعكس الاصالة والبساطة في آن واحد

[الطيبة كلها]

من زين مواقف واقف ضيقه الواحد ما يقدر ينزل من سيارته والارضيه حصى نمشي وشوي بنطيح صرت ما اروح واقف الا لاغراض محتاجتها بالسنه مرة ولا ثنتين من الزحمه

[كاشف الغطاء]

صار لي سنة ماطبيت السوق ولا باطبه عقب هالبلاوي

[كلاسيك قطر]

الواحد صار يلف ويدور مرات ومرات عشان يحصل موقف في سوق واقف .... وصار من الصعب الحصول على موقف فاضي خاصة في اوقات المساء وايام نهاية الاسبوع ...... وفي المقابل اشوف المواقف المخصصة لل vip قاعدة تزيد مساحاته من فترة لاخرى ..... واغلبها فاضي ...

سؤالي من هم ال vip الي مواقفهم دوم محجوزة سوا جاوا او ماجوا ؟؟؟؟
في الاول قالوا مواقف معوقين وقلنا مايخالف كلهم موقف او موقفين لكن تحصل شكة مواقف بالعشرة وراء بعض تكتب عليهم vip ومسكرهم بحبل مخملي لونه احمر ليش؟؟؟؟؟؟

ياجماعة انا ادفع فلوس للموقف ومش رايح اوقف سيارتي ببلاش .... فليش العنصرية حتى في مواقف السيارات .......

يالغالي في ناس يحجزون الموقف وله يجون وحدهم لين الساعه 12

بس مب عدله جذي والله

[Sharshooooor]

اسمح لي ..
كلامك فيه حق .. استغفر الله العظيم :)

بس اخي سوق واقف موضوعه منتهي ... مكان شبهة للأسف ...
يعني اللي يروح يتحسف من ورا هالطلعة .. من دخان الشيش اللي حواليه ولا من الحريم الأجانب وغيرهم وغير اللي يصير في الدواعيس بالسوق ... و .. و .. و
يعني الامر واضح للكل هناك ..

اكرر اسفي اخوي مرة ثانية ...

تحياتي

واللي يجي الفتره الصباحية والا قبل المغرب يجي كمان للفسق والفجور :nice:

مايجوز هالكلام اخوي والموضوع عن المواقف خل السوق في حالة

تحياتي لك وتقبل مروري