لو سمحتوا بغيت استشاره في بناء

[قناص 787]

السلام عليكم

انا عندي ارض مساحتها1090 العمق 43.50 والواجهه25.21 الحين الله يسلمكم اللي محيرني اني ابغي اسوي فله مساحتها زينه وفي نفس الوقت يكون عندي مساحه حلوه حق الحوش والحديقه ف مادري كم مساحة الفله اللي تكون مناسبه يعني انا في بالي 600 متر ف مادري هل هي بتكون كبيره مع العلم ان عدد افراد اسرتي 4 ف ياريت مشوره منكم وجزاكم الله خير

[بويوسف]

600 مساحة زينة .. وانصحك ماتتعدى ال 650 بتبقى معاك مساحة حلوة للحديقة والحوش .. بالتوفيق لك اخوي .

[شموخ دائم]

,

,


المساحه زينه توكل على الله

مساحه البناء مناسبه لحجم العائله

والارض راح يكون فيها وسع لاباس فيه

بالتوفيق لك


اخوك


شموخ دائم

[قناص 787]

جزاكم الله خير وبيض الله وجيهكم

[اشدعوه]

السلام عليكم
هل الفيلا دورين او دور واحد ؟
اذا دور واحد مساحة 600 + 50 متر للملاحق يعني بتزيد مساحة 400 تقريبا للحوش
واذا دورين يعني مساحة الفيلا بتكون 300 ارضي و300 اول والملاحق 50 يعني بتزيد مساحة 700 تقريبا

رأيي اذا كان بيت العمر وعندك استطاعة خله يكون دورين و زيد مساحته شوي


موفق

[قناص 787]

السلام عليكم
هل الفيلا دورين او دور واحد ؟
اذا دور واحد مساحة 600 + 50 متر للملاحق يعني بتزيد مساحة 400 تقريبا للحوش
واذا دورين يعني مساحة الفيلا بتكون 300 ارضي و300 اول والملاحق 50 يعني بتزيد مساحة 700 تقريبا

رأيي اذا كان بيت العمر وعندك استطاعة خله يكون دورين و زيد مساحته شوي


موفق

تسلم يالغالي والفلا دورين انشاالله

[تـاجر الـذهب]

المساحة زينه واوصيك تودي البيت بقدر المستطاع عالزوايا عشان تتوسع في الحوش

اذا وراك جار اوصيك تقدم البيت وتوسع مابين البيت والملاحق وتجعل البيت يتوسع
يمين ويسار بدل امام وخلف

هذا رايي والله يوفقك

[قناص 787]

المساحة زينه واوصيك تودي البيت بقدر المستطاع عالزوايا عشان تتوسع في الحوش

اذا وراك جار اوصيك تقدم البيت وتوسع مابين البيت والملاحق وتجعل البيت يتوسع
يمين ويسار بدل امام وخلف

هذا رايي والله يوفقك

تسلم يالشيخ وماتقصر وكلامك من ذهب وبيض الله وجهك

[فواز1976]

اخي العزيز.....

انا اعمل في مجال التصميم والاستثمار العقاري ومريت على فلل كثيره واستفدت كثير من الي شفته

راح احاول اختصر وعسى اني اوفق بافادتك وافادت الاخوان الي مقبلين على البناء

اهم شئ انك تحرص انك تعرف ايش متطلباتك الحين وبعد 15 او 20 سنه اذا ربي احينا واحياكم .... هذا راح يجنبك التعديل والتكسير بالمستقبل ...... كما انه راح يتيح لك الاستفاده القصوى من اراضك ومالك

تحديد المساحه المناسبه للبناء تأتي من متطلباتك ..... بحيث عليك تحديد الفراغات الي تحتاجها وتحديد مساحاتها... بعدها تجمع المساحات ويضاف اليها نسبه الممرات(الحركه)

في نظري تفكير الموظف لازم انه يختلف عن تفكير التاجر الميسور ...... لانه ببساطه الموظف دخله محدود والبيت بالنسبه له مشروع العمر ..... يعني له ولعياله لانه السنين تمر والعيال يكبرون .... فمن الافضل عدم تضييع مساحه الارض بدون داعي

هناك ميزات عديده حين تكون مساحه البيت صغيره وهي ..... امكانيه تشطيبه باحسن المواد ..... وصدقوني التشطيب هو اهم شي ..... ايضاً المساحه الصغيره تحتاج وحدات تكييف اصغر وبهذا تكون تكلفه التاسيس والتشغيل اقل.

ارجوا اني اكون قد افدت بمداخلتي .... وانا حاضر لاي استفسار

[قناص 787]

مشكور اخوي على المداخله وماقصرت وكلامك يدل على خبره طويله في هالمجال