هذا الاجنبي يقهرني , ليش ؟ ماادري

[hemoud123]

في حوار مع احد الاصدقاء فاجاني يعبارة يا اخي الاجانب يقهروني بتصرفاتهم , ليش خير ان شاء الله ؟ لا يكون وصلت لك عدوى مواضيع المنتدى عن الاجانب ؟
قال لا ,
امس كنت عازم ام العيال نطلع نتعشى احتفالا بعيد زواجنا الثاني ,وقفت السياره واتجهنا صوب المطعم , في نفس الوقت احد الاجانب في عقده الخامس يمكن اوقف السياره ودار الجهه الثانيه وفتح الباب لزوجته واتجهوا بعد صوب المطعم وهو ماسك ايدها , وعند الباب تصدق فتح الباب وخلاها تدخل جدامه وهو مثل الاهبل ماسك لها الباب :anger1:
قلت له عادي اخوي هذي عاداتهم لا تنزعج,
قال لا ما انتهت السالفه , جلسوا قريب من طاولتنا في المطعم , سحب لها الكرسي وجلسها كانها طفله , وبدل ما يطلب هو الاكل , طلب منها هي تختار, ولما وصل اكلهم كل شوي قطع لها من اكله ويطعمها وهي تطعمه جدام الله وخلقه :shy:, يا اخي يبطون الجبد !!!
الصراحه كل هذا يهون واللي صج قهرني يوم رجعنا البيت ام العيال تقولي : ليش ما سويت لي مثل ما سوى لزوجته؟
يا اخي هذولا الاجانب بيهدمون عاداتنا وتقاليدنا , والا ايش رايك ؟

قلت الصراحه ما ادري لكن بسال لك اخواني واخواتي اعضاء المنتدى

[شاهيناز]

وضع خطير مانسكت عليه الاجانب بيخربون الرجاجيل

بس لو قطري سوي مثله
زوجته بتشك فيه بتقول الذيب مايهرول عبث
اكييد تحت راسه شي
لو راحت لامها تشتكي بتقول لها الله يستر يا بنيتي اكيد تحت راس ريلك شي
يفتح لك الباب ويجر الكرسي ..بعد

ويسلموو خيوو

[JN000N]

ههههههههههههه ماعنده سالفه رفيجك مع احترامي لا هو ولا مرته

الحين تقول يبطون الجبد قلت بيقول شي عدل اخرتها عشان واحد ويا مرته وبروحهم ماضرو حد!!

رفيجك غلط تصرفه هو ومرته من البدايه يومهم يحطون عينهم عالريال طول الوقت ويراقبونه هو ومرته (من راقب الناس مات هما)
اظن انهم عيل ماتعشو بس طول الوقت تمو يراقبون عدل!!

[hemoud123]

وضع خطير مانسكت عليه الاجانب بيخربون الرجاجيل

بس لو قطري سوي مثله
زوجته بتشك فيه بتقول الذيب مايهرول عبث
اكييد تحت راسه شي
لو راحت لامها تشتكي بتقول لها الله يستر يا بنيتي اكيد تحت راس ريلك شي
يفتح لك الباب ويجر الكرسي ..بعد

ويسلموو خيوو

هههههههههههههههههههه
اذن انصحه لا يجيب الشبهات حق نفسه ولا يحاول يفتح باب ولا يجر كرسي
اسلم له

[hemoud123]

ههههههههههههه ماعنده سالفه رفيجك مع احترامي لا هو ولا مرته

الحين تقول يبطون الجبد قلت بيقول شي عدل اخرتها عشان واحد ويا مرته وبروحهم ماضرو حد!!

رفيجك غلط تصرفه هو ومرته من البدايه يومهم يحطون عينهم عالريال طول الوقت ويراقبونه هو ومرته (من راقب الناس مات هما)
اظن انهم عيل ماتعشو بس طول الوقت تمو يراقبون عدل!!

شلون ما ضروا احد ؟
الرجال ومرته ما نزلوا عيونهم عنهم ولا تهنوا بعشاهم ,

[JN000N]

شلون ما ضروا احد ؟
الرجال ومرته ما نزلوا عيونهم عنهم ولا تهنوا بعشاهم ,

الريال ومرته يبيلهم حد يوقف عند راسهم ويقول لهم لا بابا هذي غلط لا ماما عيب نطالع الناس
كل واحد له خص بنفسه

باال هذول ذكروني بناس عندنا الله يخلف بس.. يروحون المطاعم بس عشان يطالعون خلق الله وفلان شسوى مع مرته وعلان يسولف مع مرته :omen2:

[المغروره]

اشووووووووووووفه عادي يدلع زوجته شفيهااااااااا عيل يمشي واهي تمشي وراااة كنهااااااا غريبه
هاي الدلع المراءه بطبيعتهااااااااا حساسه تحب الدلع والرومنسيه
خله يدلعهااااااااا

[Gh2o]

صج انه مب ريال فتح الباب لزوجته ؟؟؟؟؟ وسحب لها الكرسي صج انه خرووووف
انا أطالع اعدامه شنقا وعقب اطلاق الرصاص واخر شي يصلبونه بمكان عام واقترح سوق واقف جدام سوق الحمام

[sara jsm]

والله الرجال وكيفه في مرته ,,
ماقل ادبه ,, بالعكس كان يعاملها بلطف ,,
بس مشكلة رفيجك ان حتى بينه وبين زوجته مايعاملها بوّد ,,
او حتى يدلعها ,, وهي حاسده الرجال ومرته لان عندها نقص بذي الشي ,,
صح عاداتنا وتقاليدنا ماتسمح لنا بهالشي قدام الناس ,,
لكن كل واحد في بيته ليه مايدلع مرته ,, !!!؟
عشان مايصير خلاف مثل ذي

[شاهيناز]

هههههههههههههههههههه
اذن انصحه لا يجيب الشبهات حق نفسه ولا يحاول يفتح باب ولا يجر كرسي
اسلم له

لا حلاة الرجال رجال مثل ابهاتنا وجدودنا مب رقله يركض جدام زوجته يفتح لها الباب ويجر الكرسي باقي يمسح لها الطاوله بعد ماتاكل

[hemoud123]

صج انه مب ريال فتح الباب لزوجته ؟؟؟؟؟ وسحب لها الكرسي صج انه خرووووف
انا أطالع اعدامه شنقا وعقب اطلاق الرصاص واخر شي يصلبونه بمكان عام واقترح سوق واقف جدام سوق الحمام

لا وتصدق يقولك بعد يطعمها من يده
هذا من المفسدين في الارض

[هند88]

يابختها مرت الاجنبي :)
وياحسرت قلبها مرت رفيجك :(

[hemoud123]

لا حلاة الرجال رجال مثل ابهاتنا وجدودنا مب رقله يركض جدام زوجته يفتح لها الباب ويجر الكرسي باقي يمسح لها الطاوله بعد ماتاكل

يغني الرجال ما يصير رجال الا اذا ورى المراه العين الحمراء وخلاها تمشى وراه , وتنتظره لين يخلص اكل وبعدين تجلس تاكل
وجهة نظر احترمها

[hemoud123]

اشووووووووووووفه عادي يدلع زوجته شفيهااااااااا عيل يمشي واهي تمشي وراااة كنهااااااا غريبه
هاي الدلع المراءه بطبيعتهااااااااا حساسه تحب الدلع والرومنسيه
خله يدلعهااااااااا

يعني ما فيه مشكله يدلعها حتى في الاماكن العامه ؟ مطعم مثلا او كوفي شوب

[قطرية7]

عادي تصير ويانا واايد ولين اقوله ليش احنا غير يسوي نفسه مايسمعني ،،،

يابختها والله الله يهنيهم وانتو ليش محترين ماسوا شي مسكين مرته وحلاله:omg:

[FHN]

يابختها مرت الاجنبي :)
وياحسرت قلبها مرت رفيجك :(

:taunt::taunt::taunt:
ضحكتيني .. حسبي الله ع ابليسج ،، صج ياحظها مرت الاجنبي .

[فهد111]

انا اشوف انه موضوع لايقهر ولا شي وعادي بالعكس يازينه الشيبه عمره 50 ويحترم مرته وعامل لها حساب مالهم غير بعض العيايز انا عن نفسي ما اعتبر ان الرجال منزل من قدره او يركض وراها بالعكس المره لازم يعاملها بهالطريقه مش غلط ابد ولا اعتبره شي غريب هذول في بينهم موده ومحبه احنا في الخليج نتعاامل بطريقه سي سيد ترى المرجله مب انه يقط مرته ورى ظهره ويمشي لا بالعكس انا اشوف الي سواه الاجنبي هذا صح ولو كلن يتعامل معا مرته بهالطريقه الامور تصير طيبه والحياه بتصير احلا شعليكم من الناس وشعلى الناس منكم كل واحد يعيش مثل مايعجبه ويعجب شريكه حياته بس مشكله اذا جووك نااس يبدون رايهم في اشيااء مالهم خص فيها ويليت اذا يتدخلون بالخيير ..

[أمير المحبه]

انا قلت مسوين بلوه الحين

عاااااااااااادي زين اشفيها يعني من كثر مايحبها يدلعها :discuss:

عيل ربعنا اللي اتقول المره تمشي وراه جنها في الجيش:(


حرام حسو في الحريم ترا المره الله خلقها دلوعه وحنونه ماتتحمل القسوه

وفي نفس الوقت لاترخي لها الخيط امسكه من النص

في النهايه خلي يدلعها مرته وحلاله

سبحان الله صج الخير يخص والشر يعم

شتبون فيهم الحين لو امصارخ عليها ولا مسفه لها وهيه تتكلم

جان ما سويتو لهم سالفه ولا نزلتو لهم موضوع اصلا :telephone:

يااااااما حريم عندنا يتمنون من الزوج يعاملهم نص معاملة هالاجنبي :(

لاكن هيهاااات هيهااات (تدري المسكينه مافي امل عليها انها تكتم وبس):anger1:

انا صراحه محااايد الله يهني كل زوجين

[هذلان]

السلام عليكم


بصراحه احترت مادري منزل الموضوع تطنز على بعض مواضيع الاعضاء ولا صج السالفه


فيه عده اخطاء :

١- رفيجك و زوجته المفروض يختارون مطعم فيه ستر اكثر من الي راحوله
٢- اذا احتدو و راحو مطعم مفتوح مالهم و مال الناس
٣- ليش زوجه رفيجك ماقالت له ياحظ مرت الاجنبي لاعبايه ولا حجاب ولا غشوه ؟؟
٤- ليش رفيجك ماقال هذا مثل الخنزير مافيه غيره ولا دين ولا ديانه
٥- السالفه ماتستحق ان رفيجك ينقهر من الاجنبي ماينشره عليهم .. ليش ماينقهر من امور مثل الشباب الي يبتلون البنات المستورات في الاماكن العامه
٦- اعذرني الموضوع لايستحق نقله للمنتدى امر عادي عند الاجانب ولاهو مستغرب منهم.

السموحه منك مره ثانيه يا hemoud123 كتبت مشاركتي بكل صراحه ، مابيني و بينك الا الخير

[النهار]

انا داش مشتط قلت ابي اشوف اخرتها مع الاجانب طلع الرجال يدلع مرته لاوعمره في الخمسين
عيل قبل عشرين سنه لما كان يحتفل مع مرته اكيد كان يسوى اكثر من جذي
وانتوا ايش خلاكم تقزو قز الرجال ومرته ههههههههه اكيد المسكين صابته عين وراح فيها

[Qatar4all]

اممممممممم :..

بصراحة أنا أشوف الموضوع عادي جدا :.. وما كان لا الريال ولا زوجته أصلا يراقبونهم من وقفتهم في الموقف لين ما تعشوا وايش طلبوا وايش اكلها وايش كلت وايش سوت :..

هذا جانب اما الجانب الثاني ومن وجهة نظري ما فيها شي اذا زوجتك ( زوجته ) إختارت الاكل بهواها وكلوا من اللي طلبته الزوجة :..

حتى بعض التصرفات اللي مارسوها الاجانب ( الريال وزوجته ) أشوفها عادية وهذا الشي المفروض ما يزعج رفيجك :.. في تصرفات ثانيه وتكون علنيه هي اللي تزعج والله :..


تقبل وجهة نظري ياخوي ولك كل الاحترام والتقدير حتى لو لم أتفق معاك في وجهات النظر :..