واخيرا معامله خاصه للقطريين فقط في القطرية‏

[غريم قطر]

صدرت تعليمات من مكتب الباكر تنص على (ترجمه)


- أي قطري الجنسية لم يحضر بعد حجز الرحله او لم يكون موجود عند بوابة الدخول فيجب وضع ملاحظه مع حجزه


كتالي:


- المسافر لم يكون موجود للرحلة (+++) و يجب عليه إعادة دفع تكلفة الرحلة مره أخرى


- إذا اتصل المسافر أو ذهب إلى مكتب الحجز فيجب تحميه تكلفة رحلة ذهاب ( السعر الأعلى ) للقطريين العائدين .


- إذا كان موظف القطرية في شك من جنسية المسافر فيجب عليه التحقق من جواز المسافر .


تطبق على المسافرين القطريين فقط




--------------------------------------------------------------------------------




تطبق على المسافرين القطريين فقط
الغاء التذكرة وشراء اخرى في حال التأخر على موعد الطائرة يتم احتساب سعر وجهه واحده (السعر الأعلى )
كما يريد اكبر الباكر
:eek5:


http://files02.arb-up.com/i/00030/pqwvn0gf8u9b.bmp

[احلى ستايل]

عشنا وشفنا

كلن يروح من كرسية الا اهو صامد

[غريم قطر]

كرسي الحلاق ذي ماراح يدومله انشالله على الي يسويه في القطرين (...........) ههههههههه

[hamoor4ever]

عشنا وشفنا

كلن يروح من كرسية الا اهو صامد

ههه حاط سوبر جلووو

يارجال كل واحد وله يومه والله يعينه باجر صدقني بيطيح طيحه قشره ربك يمهل ولا يهمل

[فارس قطر]

صحيح الاهل اكثر من عشرين مرة يتخلفون عن مواعيد السفر

معاهم حق

بس شرط الجزائي كبير. كنت اتمنى تكون الغرامة في حدود 100 ـــــ200 ريال.

[aljaber1]

ههههه والله وصرنا ملطشه للكل
الله يسامح الباكر ويحنن قلبه
على هالمواطنين المساكين
ماندري نلقاها من القطريه او المرور ..الخ

[هدهد سليمان]

يقولون ان الموضوع تم فهمه خطأ .. المقصود الجميع .. يقولون !

[فتى الجود]

المفروض القطرى لو حجز و ماركب الطيارة
يتحمل كافة نفقات الطيارة ويغرم بدفع قيمة جميع التذاكر
لا ويقدم ألى محاكمة عسكرية شبيهه بمحاكمة الراحل صدام حسين


أشدعوه

مايسوى على القطرى !!!!!!!!!!!!!!!!!!!

[moonبنتnight]

شدعوه 00 لو تاخرنا بندفع لهم 00 واذا تاخروا علينا في الرحلة نعذرهم والله لو أجنبي شان دفعهم غرامة مالية وقدره وتذكرة ببلاش بعد 00

بسكم لاتبون طاريه لعت جبودنا 00 صيف على الابواب 00 والله نروح مكة ابرك لنا 00فرصة الاجازة المدارس برمضان 00

[tulepq]

إعملو حسابكم .. لا تكحون في الطياره .. <<<<< بتدفعون غرامه

وياويلكم يا سواد ليلكم إتزعلون أجنبي في الطياره ..

وخلو عنكم هالحركات .. لا تقعدون تناظرونهم بنظره وهم يشربون ( الأصفر والأخضر والأحمر )


وبعدين فلوسكم وايد يا هل بلادي .. ليش ما كل واحد منكم يشتري طياره خاصه ويفك نفسه ..

لا عليكم إلتزامات ولا مسؤليات .. لا عليكم خصومات سلف .. ولا تقاعد ولا شي ..

حاطين دوبكم ودوب هالريال حليله ..:tease:

ونفسيتكم عال العال .. مع البندين 2 و 11 إشتبون أكثر :secret:

[نجوم قطر]

والله الطيران الاماراتي ولا بلاش بس الترنزيت المشكله وبعد اسافر على الامارتية

[MP3]

طول عمركم اتشكون من القطرية


ياخي لاتسافرون عليها الف خطوط غيرها

[الصريحه]

الله يهديه مع ان المربيحينهم هم القطريييييييييييييييييين

[مشتاقة لقطر]

مقااااااااااطعة للخطوط القطرية

[غريم قطر]

هو الصراحه شي يضحك ويحزن في نفس الوقت والاخ الي ذكر انه الموضوع للكل ياريت يشوف الرابط الي حطيته في الموضوع .... طبعا هو بالانجليزي ومعلم له على بس القطرين

[GPC]

هذه التعليمات (حسب الرابط الموجود) صادرة من مكتب القطرية في لندن وهذا واضح من أرقام التليفونات الموجودة تحت توقيع السيدة هيلين مديرة المبيعات في بريطانيا كما أنها تقول أن هذه التعليمات صادرة من CEO's office فهل هنا من الإخوة الأعضاء من يعرف ما هو الـ CEO's office? وهل هي ادارة تابعة للقطرية أم هي جهة سيادية في مجال الطيران؟

[مــــلاك]

على طاري التأخير .. من كم سنه كانت رحلتنا على القطريه الى سنغافوره
الساعه 2 الظهر من مطار الدوحه الدولي .....

وماطارت .. الا الساعه 9 مساء

تخيلوا حالتنا في المطار وطبعا مانقدر نطلع لان قصينا البوردنج
وتلتهنا وطبعا فرق الوقت بينا وبينهم ...وحجوزراتنا الي راحت علينا ...
والمشكله الي عنده رحله ثانيه من مطار سنغافوره لاستراليا توهق من قلب
وغير الي جايين تزانزيت من الكويت


طبعا ماعرفنا سبب التأخير الاساسي بس على قولتهم عطل في الطياره
والاسلم بقائكم في المطار .....

[كاشف الغطاء]

حسبي الله عليهم

انا عن نفسي مقاطع للقطرية

[ابوسعود]

المفروض غرامه على جميع المسافرين دون تحديد الجنسيه

هذا تمييز وعنصريه من القطريه ويالا الاسف ضد من ضد القطريين

القطريه ضد القطريين

تحمل اسمهم وتناقضهم

[ولد النواخذه]

الي حاجز يسافر الا اذا الظروف قاهره قد يتخلف بس ما أتوقع ان هالشئ طبيعي أن الواحد حاجز ومجهز نفسه للسفر وفجأه يغير رأيه بس عالعموم اذا كان في نوع من هالقرار يجب تطبيقه عالكل

[CH Engineer]

تميز بس بالجهة السالبه
لانه القطري لو حد قاله ادفع بيسأل ليش وبعدها بيقط المبلغ وبيقول خل الباقي عندك << بطره
بس الاجنبي بيدفع وبيزعل وماراح يسافر على هالخطوط مره ثانيه

القطريه مب شركة خيريه تفكر بالربح ودام هالحركه ماتضرهم ليش مايسوونها !!!!!! من مايبي الربح

القطريين بالاول والاخير ماراح يزعلون ولا راح يتجهون لخطوط ثانيه
بس الاجنبي لو زعلوه بيخسرونه
ويتم القطري بلا رأي وبلا موقف

[ولد قحطان]

عجبتني سالفة حاط سوبر قلو

ما بغى يفكنا غربل الله بليسه

يازين السفر بالكلوزر

[Bo-Abdulaziz]

السلام عليكم

يالربع حد منكم يرفع السماعة ويكلم رئيس مجلس الادرة ويبلغه باعمال الرئيس التنفيذي ضد القطريين

[غريم قطر]

بوعبدالعزيز وتعتقد لين حد اتصل واشتكى بيفتكرون فيك ؟؟؟ عيل ماتعرف اكبر الباكر انت ههههههههههههه

[الجوكر90]

والله يا جماعية الخير .. إنتوا تاركينه يلعب فيكم ..!!
في شركات طيران كثيره .. استخدموها وإتركوا القطرية عنكم .. كلها ذبان وريحة دهن داتا :d
أنا الحقيقه من سنين ما ركبت القطرية .. معطيهم طاف من قلب .. ليش أحرق أعصابي معاهم ويبوقوني عيني عينك .. في عندكم الــ klm .. الإماراتيه .. وغيرها من الشركات الراقيه والمحترمة .. واللي ما تفرق بين الجناسي .. وما عندها عنصرية

انا جربت الهولنديه مب لين هناك
واذا ترانزيت الله يعينك راح تقعد وايد فالمطار
بس انا من 2008 ماركبت القطريه
اذا فالخليج اروح بالسياره او شركه ثانيه بس تابعه للدوله الي بروح لها
يعني اذا بروح الكويت بروح يا ع الكويتيه او الجزيره
واذا الامارات يا ع الاتحاد او الاماراتيه احسن بوايد من القطريه

[moonبنتnight]

الخط الساخن

جريدة الشرق
2010-05-29


ارتفاع أسعار تذاكر الطيران يثير غضب المسافرين

عدد من المسافرين فوجئوا بزيادة أسعار تذاكر الطيران خلال الفترة الحالية حيث أشاروا إلى أن سعر التذكر الواحدة يزيد على 4000 ريال «درجة سياحية» ذهاباً وإياباً، لافتين إلى أن الكثير منهم اضطر إلى إلغاء رحلته وتأجيلها إلى فترة زمنية أخرى، وأضافوا أن شركات الطيران تبالغ في رفع أسعار التذاكر وهو ما يؤدى إلى استياء البعض وتعطيل رحلاتهم وطالبوا بأن تقوم الشركات بتخفيض أسعارها والعمل على تسهيل الإجراءات لدى المسافرين على مختلف خطوط الطيران، موضحين أن تلك الفترة تشهد إقبالاً من المسافرين للإجازات وهو مايتطلب ضرورة تخفيض أسعار التذاكر وليس العكس.

هذا خبر نازل في جريدة أرفعوا الاسعار 00

[شعنونة قطر]

الله يعين

[غريم قطر]

اي والله الله يعين بس

[فلفل حار]

يقولون ان الموضوع تم فهمه خطأ .. المقصود الجميع .. يقولون !

وبعد يقولون من تغلى تخلى ... يا آكبر ...:(

[qtr.wolf]

و نعم الرجل اكبر الباكر ... ماقصر واقف مع اهل قطر و لاعن ابو خامسهم قطري ابا عن جد مافيها شي يخدم بلاده و ماغلط على حد وكرسي الحلاق مثل ماقالوا بعض الاخوان مايدوم حق حد ابشركم كسي الباكر مربوط فيه بسلاسل من حديد و منجنيز عشان ماينقطع

واخيراا الله يوفقه في شغله و يطور القطريه على حساب .... اترك لكم التكمله والتعليق

[السندان]

طول عمركم اتشكون من القطرية


ياخي لاتسافرون عليها الف خطوط غيرها

:victory:

[الـخـالـدي]

ان مع الكل انه اساء معاملة القطرين مع ان للأسف المفروض يكون القطري متميز وله معامله خاصه

لكن لحد ينكر انجاز الباكر في نقله خطوط القطريه من والى

الان صارت الخطوط القطريه من افضل الخطوط عالميا

لاهنت اخوي على الخبر

اخوك الخالدي

[احب قطر]

اكثر دول العالم تقوم الدولة بتقديم الدعم الكامل لمواطنيها وتكون لهم الاولية خاصة انهم القائمين على رفع اسم الدولة وهم من يمثلون دولتهم وخاصة دولة لها صيتها وسمعتها مثل دولة قطر ولله الحمد نحن معروفون بطريقة تعاملنا من الاخرين ، وهذا بفضل رأس الهرم سمو أمير البلاد المفدى حفظه الله الذي وضع للقطري مكانة في اي مكان يذهب اليه.

ولكن للاسف توجد بعض التصرفات من اشخاص يحاولون جاهدين قدر الامكان لاظهار القطري بأنه غير مسؤل ومستهتر ومن المستحيل ان يقدم للقطري اي مساعدة ولكن يقدم كل ماهو ممكن لايجاد عواقب له.

التعميم المرفق لكم لا ادري ماذا أسميه ، هل هو تمييز عنصري؟؟ هل هو محاولة لاذلال المواطن القطري ؟؟؟ والى متى ستبقى القيادة الحكيمة مكتوفة الايدي اتجاه أشخاص يتصرفون ضد المواطن؟؟ هل هذه أول شكوى على الخطوط القطرية فيما يتعلق بمعاملتها مع القطريين؟؟

أو اننا فقط ننظر الى الامور من زاوية واحده ، ان الرئيس التنفيذي للخطوط القطرية قادر على تحرر الدولة وهو الوحيد القادر على نمو القطرية وايصالها الى العالم ؟

هل هذا يكون عن طريق تضييق الخناق على الخطوط الاخرى والتعميم عليهم بعدم تخفيض الاسعار ، وعدم فتح الاجواء امام الخطوط الاخرى ، لماذا توجد الى مصر رحلة واحدة فقط ، هل لان مصر ابدت رغبتها لاعطاء الخطوط المصرية رحلات اضافية وكذلك الخطوط الاردنية فتم رفض طلبهم وبالمقابل تمت المعاملة بالمثل؟؟ هذا بخلاف الطياريين القطريين وحتى موظفي المطار والذي أكبر راس بهم لايستطيع ان يرفع عينه بعين الرئيس التنفيذي للخطوط القطرية
لماذا تم الضغط على شركات السيارات والاغذية وغيرها من الشركات بتخفيض اسعلرهم مقارنة بالدول المجاورة وتم الطلب منهم المساهمة بالمسؤلية الاجتماعية بواقع 2.5% من ارباحهم ولم يحضر ممثل للقطريةاي من هذه الاجتماعات وتم استثناءه نهائيا.

مفهوم القيادة لايكون فقط من خلال ادارة المهام وانما من خلال ادارة البشر وهذا المفهوم الذي لايعرف الرئيس التنفيذي للخطوط القطرية اي مدخل له.

وانا بدوري أنصح الرئيس التنفيذي للخطوط القطرية بمغادرة الدولة فور مغادرته هذا المنصب لانه في الواقع ماراح يلاقي احد يسلم عليه بس مااقول الا ان حبتك عيني ماظامك الدهر.

[البيت بيتك]

الله المستعان

[يالبيه]

بصرآحه بعد موقف شفته من القطريين في المطار ، ما ألوم أكبر الباكر

ياخوي ناس تتخلف عن الحضور في قاعة الإقلاع ، يعني بعد تسجيل الجوازات وتسليم الأمتعة
لقيت ناس قطريين يقولون احنا ماندش القاعة إلا بعد مايذكرون أسامينا مرتين أو ثلاث
عشان إذا ركبنا الطيارة تمشي على طول بدون انتظار !!

هل هذا التصرف يعقل ياناس !!

أنا صارت لي السالفة قدام عيني واللي يسولف لي يقول ربعي على نفس الوتر والوتيرة !!

فبالله عليكم هذي الأشكال تنعطى وجه ؟؟

وأغلب شباب قطر الحين صاروا يمارسون هالعادة السيئة

بعد هذي الحادثة مالوم أكبر الباكر صرآحة وأنا معاه 100%

والحق حق وماينزعل منه

[الصريحه]

اخخخخخخخخخخخخخخ منه

[al-sadd]

بصرآحه بعد موقف شفته من القطريين في المطار ، ما ألوم أكبر الباكر

ياخوي ناس تتخلف عن الحضور في قاعة الإقلاع ، يعني بعد تسجيل الجوازات وتسليم الأمتعة
لقيت ناس قطريين يقولون احنا ماندش القاعة إلا بعد مايذكرون أسامينا مرتين أو ثلاث
عشان إذا ركبنا الطيارة تمشي على طول بدون انتظار !!

هل هذا التصرف يعقل ياناس !!

أنا صارت لي السالفة قدام عيني واللي يسولف لي يقول ربعي على نفس الوتر والوتيرة !!

فبالله عليكم هذي الأشكال تنعطى وجه ؟؟

وأغلب شباب قطر الحين صاروا يمارسون هالعادة السيئة

بعد هذي الحادثة مالوم أكبر الباكر صرآحة وأنا معاه 100%

والحق حق وماينزعل منه

ولو ان عمري ماصادفت مثل هالتصرف من اي شخص
ولاكن ليش ماعمم هالقرار ع الجميع
وخص الشعب القطري؟
ليش ماقال الجميع !
لان بس القطريين يسوون هالعاده؟
اوكي مب مشكله
واذا جا اجنبي ؟ بيخلونه !!
الافظل لو انه عمم ع الجميع مش بس القطريين !

لك يوم وهالكرسي عمره ماراح يدوملك !
وعلى الله مايمسكه واحد يزيد الطين بله :eek5:

[Qatari In Us]

ليش ماعممها على الكل ليش بس القطريين ولا بس عيال عمه


اخجل مرات اقول الخطوط القطرية على لساني :anger1:


عن نفسي والله ماسافر عالقطرية الا اذا كانت التذكرة من الدوام


لفتانزا والبرتش وكي ال ام والسعودية يكفي فيها مصلى ابرك من الخطوط الهندية

عفوا القطرية

[Qatari In Us]

بصرآحه بعد موقف شفته من القطريين في المطار ، ما ألوم أكبر الباكر

ياخوي ناس تتخلف عن الحضور في قاعة الإقلاع ، يعني بعد تسجيل الجوازات وتسليم الأمتعة
لقيت ناس قطريين يقولون احنا ماندش القاعة إلا بعد مايذكرون أسامينا مرتين أو ثلاث
عشان إذا ركبنا الطيارة تمشي على طول بدون انتظار !!

هل هذا التصرف يعقل ياناس !!

أنا صارت لي السالفة قدام عيني واللي يسولف لي يقول ربعي على نفس الوتر والوتيرة !!

فبالله عليكم هذي الأشكال تنعطى وجه ؟؟

وأغلب شباب قطر الحين صاروا يمارسون هالعادة السيئة

بعد هذي الحادثة مالوم أكبر الباكر صرآحة وأنا معاه 100%

والحق حق وماينزعل منه



على اي اساس حكمت انت انه اكثرهم

وهالاشكال موجودة بكل الجنسيات ومب الجنسية اللي تحكم ياطويل العمر سواء قطري او هندي

او يمكن انت مب حاس بالسالفة لكن اللي مثلي الطلاب كل سنة مرتين عالقطرية ورحلة يوم كامل مب سهله ومرات تصير مشاكل وتتاخر او تتوهق وانت ناسي شي

[نمـر]

ياجماعه هو عبد مأمور لا يخيط ولا يبيط يعني تبون تقنعوني إن هم ماعندهم خبر عنه ولا يدرون هم راضيين يالله الله يعينا عليه يجيله يوم مردهم ب ...... نفس ........!!!!!!!!

[بدون]

المفروض التعميم على الكل
و لا بس هي خساس في القطريين و الباقيين على الراس؟

[كيفـي]

نستاهل..!!

كأن مافي غيرها طيران..!!

قاطعوها وخلوها تخيس.. ههههه..!!!

[am5ald]

وانا اقول اخيرن فيه حد يقدرنا
ههههههههههههههههههه
اكبر الباكر يحليله
لو هو قطري جان وصى علينا المضيفات يدلعونا حتى المعامله كجره
مايسوى علينا نروح طيران الامارات احسن

[shmokh]

نستاهل..!!

كأن مافي غيرها طيران..!!

قاطعوها وخلوها تخيس.. ههههه..!!!

شلون نقاطعها ،، اذا اهي الناقل الوطني الوحيد ،، يعني اغلب الرحلات دايركت من مطار الدوحة

يعني تبينا نرجع نفس قبل ايام طيران الخليج كل رحله لازم تنزل البحرين او طيران الامارات لازم انزل ابوظبي او دبي.

اهي شركة اخذت حق الانتفاع بمطار الدولة وحصدت الملايين من استخدامها لهالمطار ، فيجب عليها كرد جميل للوطن ان تحترم اهل هذا الوطن وتعاملهم بالتمييز الايجابي و ليس السلبي كما يحدث الان

للاسف الملاحظ من موظفي القطرية انهم يتعاملون مع القطري بصرامه و عدم تقدير يعني لو زاد عليك خمس كيلو مستحيل يتسامحون وياك ،، والسبب انهم يدرون انه الادارة ما راح تعارض بل تؤيد بشده

بعدين اهم مايبونكم ، الافواج السياحيه من اوروبا الى شرق اسيا ، والعماله من الخليج للهند والفلبين اهم اللي يدخلون عليهم فلوس او اهم الشريحه المستهدفه ام انتو كيفكم لا تروحون طيران ثاني احسهم يقولون ابركها من ساعة

[عليان قطر]

صدرت تعليمات من مكتب الباكر تنص على (ترجمه)


- أي قطري الجنسية لم يحضر بعد حجز الرحله او لم يكون موجود عند بوابة الدخول فيجب وضع ملاحظه مع حجزه


كتالي:


- المسافر لم يكون موجود للرحلة (+++) و يجب عليه إعادة دفع تكلفة الرحلة مره أخرى


- إذا اتصل المسافر أو ذهب إلى مكتب الحجز فيجب تحميه تكلفة رحلة ذهاب ( السعر الأعلى ) للقطريين العائدين .


- إذا كان موظف القطرية في شك من جنسية المسافر فيجب عليه التحقق من جواز المسافر .


تطبق على المسافرين القطريين فقط




--------------------------------------------------------------------------------




تطبق على المسافرين القطريين فقط
الغاء التذكرة وشراء اخرى في حال التأخر على موعد الطائرة يتم احتساب سعر وجهه واحده (السعر الأعلى )
كما يريد اكبر الباكر
:eek5:


http://files02.arb-up.com/i/00030/pqwvn0gf8u9b.bmp



احمدك يا رب

[sendarala]

لا حول ولا قوة الا بالله


والله احسن لكم روحوا على طيران الخليج ( السعودية والكويتية والاماراتية ) احسن منهم ما في وارخص لكم

خلوا القطرية لاهله

[وهم قطر]

والله مالومه في أي قرار

لانه موظف عليه ينفذ الأوامر

[العاني]

هذي اخرتها
لكن ما اقول الا الله يا قطر

[am5ald]

وعليه اهل قطر
في كل شي مضطهدين
غلاء الاسعار
بعض العوايل يروحون الحسا يجيبوون اغراض البيت كل اسبوع
وحتى فساتين السهره في قلامور ب4000 وفي الحسا ب800
نفس الماركه ونفس المنتج ينباع ارخص برا قطر
في التوظيف
تمييز الاجنبي على القطري في الرواتب
تاخير التوظيف والواسطه
الاشاعات والاستغلال
من تظهر اشاعه بزياده الرواتب تلقون على طول التجار رفعو الاسعار

وحتى طيران القطرية بعد تستغلنا

يعني وين نروح اذا مب محصلين الاحترام في بلادنا
لنا الله

[باسكن روبنز]

ياجماعة الخيـر ،
بسيطـــــــــــــه وايــــــــد ،:)

كل بلاد بتسافرون لها آحجز على طيران هالبلاد نفسها ،
يعني بتروحون البحرين أحجز على البحرينيه وآذا الكويت أحجزو على الكويتيه ،

آرخص وآوفر الحلول ،
وآذا البلاد في قاره بعيده مالكم الآ الآتحاد أو الآماراتيه وآنزلوا ترانزيت في الآمارات تمشوو وشوبينغ بسيط بالدووتي فري وآحلى تغيير جو ،






ياخي آموت وآعرف وين شنبه ،:secret:
http://www.arabianbusiness.com/images/listevents/richlist_2007/akbar_baker.jpg

[USA shopping]

الله المستعان
بس ماسألتوا روحكم ليش طلع القرار من الحبيب
اكيد في شي
يعني حسبتها على نفسي وعلى الناس الي اعرفهم ماشاء الله عمرنا مارحنا على الطياره في الموعد كله متأخرين خخخخخخخخخخخخخخ