استفسار بخصوص دفان الغرف والصالات

[Almossafer]

مرحبا

بغيت اعرف اي نوع من الدفان يستخدم للبيت من الداخل

كل واحد يقولي شي وافتر راسي

واحد يقولي بودره بيضا

واحد يقولي رمل

ممكن اعرف شنو الفرق بينهم ولا عادي استخدم اي واحد

[شموخ دائم]

,

,


مرحبا اخوي


دفان البيت بعد وضع الاساسات


البودره معمول فيها في الدفان ( لانها ارخص )
والدفان العادي معمول فيه ايضا ( اعلى تكلفه )

لكن مواصفات الدوله بمشاريعها تستبعد ( البودره ) لان فيها املاح عاليه

الاحسن اخوي الكريم

ترجع نفس الدفان الي استخرجته من الحفار في ارضك اذا كان صالح
وتزيد عليه

الدفان العادي جيد ونسبه املاحه عاديه بشرط تستبعد منه الاحجار الكبيره

دفان داخل البيت قبل التبليط

بعد وضع النيلون والحديد وعمل صبيه للارضيه (ضروري )
ننصح بالرمل قبل التبليط

البودره فيها املاح عاليه ولا حسن تتجنبها ممكن مع الوقت تطلع الملوحه بين الفواصل
واستخدام الرمل بهذا المكان احسن من البودره


بالتوفيق لك

,

,


,


اخوك


شموخ دائم

[Almossafer]

,

,


مرحبا اخوي


دفان البيت بعد وضع الاساسات


البودره معمول فيها في الدفان ( لانها ارخص )
والدفان العادي معمول فيه ايضا ( اعلى تكلفه )

لكن مواصفات الدوله بمشاريعها تستبعد ( البودره ) لان فيها املاح عاليه

الاحسن اخوي الكريم

ترجع نفس الدفان الي استخرجته من الحفار في ارضك اذا كان صالح
وتزيد عليه

الدفان العادي جيد ونسبه املاحه عاديه بشرط تستبعد منه الاحجار الكبيره

دفان داخل البيت قبل التبليط

بعد وضع النيلون والحديد وعمل صبيه للارضيه (ضروري )
ننصح بالرمل قبل التبليط

البودره فيها املاح عاليه ولا حسن تتجنبها ممكن مع الوقت تطلع الملوحه بين الفواصل
واستخدام الرمل بهذا المكان احسن من البودره


بالتوفيق لك

,

,


,


اخوك


شموخ دائم

هلا اخوي شموخ تسلم ع الردود

بس سؤالي هو

داخل البيت بعد ماالكهربائي خلص التمديدات من بيبات وو الخ

هل تنصح اني استخدم رمل عادي قبل وضع السيراميك داخل البيت بالغرف والصالات

او البودره

اللي فهمته رمل عادي

صح ولا انا غلطان

يعطيك العافيه اخوي واسف ع الاطاله

وتسلم مره ثانيه

[شموخ دائم]

,

,


صحيح اخوي


الرمل احسن

,

,


اخوك


شموخ دائم

[naklan]

الافضل للدفان الداخلي قبل البلاط هو البوده وترش بالماء حتى تتصلب وتتحجر وبعدها دفان

بسيط رمل بلاستر3 او 4 سانتي وتبلط عليه هاذي الطريقه المتبعه من اغلب الشركات

هاذي رائيي وموفق اخي الكريم

[فواز1976]

الرمل افضل وخصوصاً بالادوار العلويه لانه يعزل الصوت وهذي من تجربه .......

[فتى الجود]

أخوى بالنسبة للأدوار العلوىة خلك مع البودر
وصب ماى عشان تتصلب مثل ماقال أخوى / naklan

وأبعد عن الرمل الناعم ( رمل البلاستر )
لانه مع الحراره ممكن يخر على الدور اللى تحته


وبعدين شوف رأى الأستشارى اللى عندك

[فواز1976]

تصلب الدفان مهو من الصالح ...... لانه يفقد خاصيه عزل الصوت واي طقه فوق راح تسمعها تحت ...... الرمل طريقه مجربه من سنين طويله وما منها مشاكل

[السد]

اشراييكم بصبية 10 سم تحت البلاط مب احسن من الرمل ؟؟؟

[فتى الجود]

اشراييكم بصبية 10 سم تحت البلاط مب احسن من الرمل ؟؟؟

طبعاً بتكون البديل عن الرمل
وبتكون بعد تمديدات الكهربائي

والله فكرة بنستثمرها لجدام

[بوفهاد]

بصراحة دخنا .. ما طلعنا بشيء يا شباب

بودرة ولا رمل عادي داخل البيت؟!!!

ياليت الرد بأسرع وقت

كل الشكر

[المحتار20]

داخل البيت استعمل رمل بلاستر احسن

[بوفهاد]

شاكر لك اخوي ردك ..

بس واحد من اللي ردوا جزاه الله خير يقول :
#################
وأبعد عن الرمل الناعم ( رمل البلاستر )
لانه مع الحراره ممكن يخر على الدور اللى تحته
###############################

وش الدبرة !!

[naklan]

تصلب الدفان مهو من الصالح ...... لانه يفقد خاصيه عزل الصوت واي طقه فوق راح تسمعها تحت ...... الرمل طريقه مجربه من سنين طويله وما منها مشاكل

اخوي فواز1976

عزل الصوت بين الدورين ماله دعوه في الدفان

اغلب المصممين يضعون نضام الهوردي لعزل الصوت

في اماكن مختاره والموضوع يعتمد على مهاره

المصمم اما الدفان فالرمل او البودره

لا تعزل صوت الدور الثاني

عن الدور الاول

موفقين

اخوكم/ naklan

[فتى الجود]

ياخوى شوف الأستشارى اللى عندك وش ينصح بـــه
وعلى كل الأحوال نصيحتى انا من واقع تجارب
مثل ماقلت لصاحب الموضوع ف ردي بتاريخ 5 / 06 / 2010 م



أخوى بالنسبة للأدوار العلوىة خلك مع البودر
وصب ماى عشان تتصلب مثل ماقال أخوى / naklan

وأبعد عن الرمل الناعم ( رمل البلاستر )
لانه مع الحراره ممكن يخر على الدور اللى تحته


وبعدين شوف رأى الأستشارى اللى عندك

[وهم قطر]

الرمل افضل وخصوصاً بالادوار العلويه لانه يعزل الصوت وهذي من تجربه .......

اخوي مالها خص في عزل الصوت بتاتا


أخوى بالنسبة للأدوار العلوىة خلك مع البودر
وصب ماى عشان تتصلب مثل ماقال أخوى / naklan

وأبعد عن الرمل الناعم ( رمل البلاستر )
لانه مع الحراره ممكن يخر على الدور اللى تحته


وبعدين شوف رأى الأستشارى اللى عندك

الشيخ كيف يخر الدور الثاني على الاول بسبه الرمل يمكن قصدك يهوي أو يهبط شوي كذا أنا معك لان المونه السمنت مب قويه فيحصل انخفاض

اشراييكم بصبية 10 سم تحت البلاط مب احسن من الرمل ؟؟؟

هذه أفضل طريقه بس غاليه تكلفتها كلها سمنت ولا أحد يسويها كلش
اقتراحي هو البودره وترش عليها ماء لين الله يشوفلها والناس قامت تحطها لانها ارخص من الرمل في ما كانت في السابق اغلى من الرمل وكانو يحطون رمل لانه ارخص والاملاح في الكل
والله يوفقك

[بو نايف]

اللي اعرفه ان الرمل افضل من البودره تحت البلاط

[shmokh]

في الدور الارضي رمل ،، وفي الادوار اللي فوق ان شفت بيت نسيبي حطوا له مادة فوم ( اسفنج تنخلط بالاسمنت ) لانه على قولته اقوى وما يثقل على البيت

[وحداني64]

بعد التحية والسلام للجميع ،
أخوي العزيز ، أفضل شئ ممكن تستخدمه للدفان تحت البلاط أو الرخام أو الجرانيت هو الرمل الخشن المغسول ( رمل الحكومة ) لأنه خالي من الأملاح تماماً ، وهذا مجرب من سنوات ، يمكن يكون غالي اشوي لكن ( كد ومد ) للعمر0 ولك مني كل تحية وتقدير ،

[السد]

موضوع مهم