استفسارعن مركز curvesللياقة البدنية/للنساء فقط

[أم الحنايا]

أخواتي .. .. ..
سمعت عن مركز كيرفيز للرياضة وأبي اسجل فيه اذا زين ، بس أبي أعرف من تجاربكم الخاصة هو زين وإلا بس دعاية ... واللي يشتركون ينزلون وزنهم بسرعة وإلا لا ؟ ولازم مع التمارين دايت وإلا لا؟ ومتى وقت التدريب ؟
واشكركم مقدمان.

[المغروره]

التمارين كلهااااااااااااا نفس الشي ماتختلف
الا بعزم الشخص عن نزول وزنه والدايت لابد منه ماراح تستفيدين شي اذا مارستي واكلتي اكل دسم اما المركز بصرااحه ماعرفه
لاني اتعاامل مع مرااكز وايده
واتمرن بالبيت
والدايت اكلي الدااااااائم
اي خدمه انا حاضره
تحياتي لج

[أم الحنايا]

التمارين كلهااااااااااااا نفس الشي ماتختلف
الا بعزم الشخص عن نزول وزنه والدايت لابد منه ماراح تستفيدين شي اذا مارستي واكلتي اكل دسم اما المركز بصرااحه ماعرفه
لاني اتعاامل مع مرااكز وايده
واتمرن بالبيت
والدايت اكلي الدااااااائم
اي خدمه انا حاضره
تحياتي لج
مشكورة أختي المغرورة ...بس أنا أسأل عن كيرفز واللي جربوه لأني سمعت إنه يختلف عن كل المراكز .

[إنسان عادي]

ياحبكم للدعاية يابعض الحريم ، يامراكز لياقة او صالونات أو مدارس ، انا أشوف حذف الموضوع أبرك

[ANONYMOUS]

كل المراكز نفس الشي

انا اقول خيطو حلوجكم ولا تاكلون وبتضعفون كلكم بدون مراكز ودايت وتمارين

بس طالما الحلج open فابشروا بالوزن الـ open

[كازانوفا]

اظن ان السؤال كان مخصص للحريم يا ملاقيف والاخت ما غلطت لما سالت سؤال هي حره وهالمكان للاستفسارات الضروريه والعنوان من بدايتة للنساء فقط

[um.yousef]

اختي انا جربته الصراحه روعه بس لازم تستمرين على الاقل خمس او ثلاث مرات في الاسبوع علشان تستفيدين \ وهو يشتغل على الجسم كامل ويرتبه ويشده حتى من غير ريجيم

[Doha Sun]

معاي وحدة في الدوام تمدحه وتقول وحدة من اهلي ضعفت عليه وممتاز ..
بس كل التمارين الرياضة تعتمد على درجة استجابة الجسم للحركات ، ولا تنسين الاكل بعد له دور

[أخت الغالي]

بخصوص كيرفز

اامدحوا لي اياة بس شلون اذا التمارين كلها ساعة او نص ساعة على اللي سمعتة ..

وكل جهاز تتمرنين علية نص دقيقة يعني 30 ثانية احسة عادي يعني مايسوي شي ..

انا ابي لياقة بس يعني مابي لازيادوة ولانقصان وزن اهم شي احس اني اتمرين موب اي كلام ..

عالعموم اختي اذا عرفتني معلومات تفيدني فيديني ..

[مستوى الدعم]

شوفي اختي

انا كنت ملتحقة بنادي فكرته شبيهة بفكرة كيرفز

وهي انه خلال ثلاثين دقيقة تلعبين على أجهزة مختلفة

يعني تبتدين في جهاز الإحماء warming

لمدة ثلاث دقايق

وبعدين تروحين على جهاز ثاني وتتمرنين لمدة دقيقة أو دقيقتين

لين تخلصين كل الأجهزة بالترتيب

على فكرة في تسجيل صوتي شغال في النادي يقول انتقلي للجهاز الثاني

صراحة كنت أحس النتائج مالة هالنظام احلى من الايروبيكس

وهذا موقع كيرفز لمنطقة الشرق الاوسط عشان تاخذين فكرة أوضح:

curvesme.com

[شاهيناز]

كيرفز هو المتاح الحين للسيدات في قطر
بعد نهايه القمه وصحتي مول
ادرب فيه من سنه
تدفعين 3000- في السنه
اذاتبين 3 اشهر تدفعين 1500
التدريب لمده نصف ساعه على الاجهزه جهاز وبعده مربعه للايروبيك وجهاز
كل جهاز ومربعه الايروبيك مسموح لك تجلسين عليه نص دقيقه في جهاز يوجه الجميع لان الجميع يلف على دائره الاجهزه لمده نص ساعه بالاضافه الي جهاز السترشينج
في مدربات موجودات يعلمونك على الجهاز اذا اخطئتي
اهم شي انك تادين الحركه صح لانها تعتمد على الدفع وضخ الدم في الجسم
وكل اسبوع ياخذون مقاساتك وبتلاحظيين وزنك
والمشرفات على الصاله متعاونات يرشدونك لافضل رجيم اذا حبيتي
المفروض تلعبين 3 مرات في الاسبوع بس اذا حبيتي اكثر مايقلون لك لا
وعندهم حركات تبعد الملل عنك يوم الاربعا فن دي في حركات
وفي مسابقه شهرييه اذا دوامتي بستمرار وزنك نقص تكونين ملكه الشهر
او من المميزات يكتبون اسمك على لوحه الشرف
اذا جيتي 3 مرات في الاسبوع يعطونك دولار واذا جيتي يوم الاربعا
يعطونك دولارين
بعدين تشترين من عندهم اشياء معروضه

المكان اخلاقيا افضل من غيره من الجمات
لان مافيه تسكع مكان صغير بس صاله وغرفه تغير ملابس بعدها تطلعيين

واذا حبيتي معلومات اكثر روحي موقعهم
لان في بنات يرحون يتعلمون الحركات من الموقع
مع ان المشرفات مايقصرون مع الجميع وايد فرندلي

وبالتوفييق

[..الاميرة..]

كل المراكز نفس الشي

انا اقول خيطو حلوجكم ولا تاكلون وبتضعفون كلكم بدون مراكز ودايت وتمارين

بس طالما الحلج open فابشروا بالوزن الـ open


:nop:


اظن ان السؤال كان مخصص للحريم يا ملاقيف والاخت ما غلطت لما سالت سؤال هي حره وهالمكان للاستفسارات الضروريه والعنوان من بدايتة للنساء فقط



عندج إياهم :spider:

[bo sltan]

نص ساعه ما تكفي للتمرين

جربوه الأهل مانفع يرجعون البيت من غير تعب

معناته الجسم والعضلات ماشتغلت

والله أعلم

[أم الحنايا]

أخواني الرجال الذين علقوا على الموضوع....
الموضوع خاص بالنساء .... شكرا على تعليقاتكم .... ولكن للأسف إنتوا ما تقدرون تدخلون كيرفز لأنه خاص بالنساء ، لذلك تعليقاتكم لا ترضينا نحن النساء ، نحن نريد الإجابة من النساء المشتركات فيه.
تحياتي لكم ....

[فرانسـ كوفي]

كل المراكز نفس الشي

انا اقول خيطو حلوجكم ولا تاكلون وبتضعفون كلكم بدون مراكز ودايت وتمارين

بس طالما الحلج open فابشروا بالوزن الـ open

هههههههههههه صدقت :nice:

[الأصيلة]

أخواتي .. .. ..
سمعت عن مركز كيرفيز للرياضة وأبي اسجل فيه اذا زين ، بس أبي أعرف من تجاربكم الخاصة هو زين وإلا بس دعاية ... واللي يشتركون ينزلون وزنهم بسرعة وإلا لا ؟ ولازم مع التمارين دايت وإلا لا؟ ومتى وقت التدريب ؟
واشكركم مقدمان.

يمكن يعطيج لياقة وتغيير جو بس
شي ثاني مافيه الا إذا حافظتي بنفسج على وزنج
ثانيا ...الإيروبكس هو اللي ينزل الاوزن مع التخفيف ويضبط الشكل....
كذلك المشي اليومي مع التخفيف

[أم الحنايا]

الأخت شاهيناز ، أشكرك على التوضيح المفصل ..
وأشكرالأخت مستوى الدعم لأنها وضعت موقعهم
وأشكر الأخت أم يوسف اللي امدحته عن تجربة ..
أنا دخلت موقعهم وقريت عن تمارينهم وإن شاء الله بروح لهم هذا الأسبوع وباشترك ..
الأخوات الفاضلات :
الأميرة ،وأخت الغالي ،وصن دوحة ،وكازانوفا للمشاركات الطيبة .

[ماريسا]

كل المراكز نفس الشي

انا اقول خيطو حلوجكم ولا تاكلون وبتضعفون كلكم بدون مراكز ودايت وتمارين

بس طالما الحلج open فابشروا بالوزن الـ open

ههههههههه حرام عليك وش هالرد المحبط

[إنسان عادي]

كل المراكز نفس الشي

انا اقول خيطو حلوجكم ولا تاكلون وبتضعفون كلكم بدون مراكز ودايت وتمارين

بس طالما الحلج open فابشروا بالوزن الـ open

ههههههههههههههههههههههههههههه ، هذا هو الكلام

[نعيمه علي]

عندنا في العيلة 2 مشتركات فيه
واحده اتبعت مع الرياضة فيه رجيم ضعفت وتناسق جسمها
والثانيه بس رياضة وما سوت رجيم في الاكل
جسمها تناسق وصار عندها لياقة

يعني اللي تبغي تنحف تسوي تخفيف اكل وتلعب هناك
بس هو حلو للياقة

مع اطيب تحياتي

.

[لاجل QT]

بغيت اعرف وين مكانة

انا وللة الحمد محافظة بشكل مستمر ومسكرة على حلجي على قولة بعض الردود الملقوفة..بس عندي مشكلة في ضعف في العضلات مقدر اشيل اي شي .. يمكن ياهل صغير يغلبنى:shy:
ابي اعرف هل عندهم الات لتقوية العضلات؟؟

وبالعكس موضوع حلو ومهم ويفيد العضوات اللى يحبون يحافظون على نفسهم

[نعيمه علي]

بغيت اعرف وين مكانة
انا وللة الحمد محافظة بشكل مستمر ومسكرة على حلجي على قولة بعض الردود الملقوفة..بس عندي مشكلة في ضعف في العضلات مقدر اشيل اي شي .. يمكن ياهل صغير يغلبنى:shy:
ابي اعرف هل عندهم الات لتقوية العضلات؟؟
وبالعكس موضوع حلو ومهم ويفيد العضوات اللى يحبون يحافظون على نفسهم




أعتقد المكان بيفيدج كثير
لانه مفيد جدا في تقوية عضلات الجسم وشده


.

[لاجل QT]

أعتقد المكان بيفيدج كثير
لانه مفيد جدا في تقوية عضلات الجسم وشده


.

وين مكانة ماعليج امر

[نعيمه علي]

وين مكانة ماعليج امر




أعتقد مكانه خلف قطر للديكور


.

[حقيقه]

كل المراكز نفس الشي

انا اقول خيطو حلوجكم ولا تاكلون وبتضعفون كلكم بدون مراكز ودايت وتمارين

بس طالما الحلج open فابشروا بالوزن الـ open


عندي سؤال وخاطري اقوله

ليش اصحاب الوزن الزايد يكونون غالبيتهم من النساء

ونرد ونقول البعض طبعاً

[حقيقه]

وووين مكانه بالضبط ؟؟؟ ان شاءالله مايكون بعيد


وهل فيه رقص؟؟؟ والا بس معتمدين على الاجهزه ؟؟؟

[عنفوان بدوية]

اختي المركز تجاري بحت 00 كل الي عندهم

انهم يقدمون اغراءات بطرق حلوه يعني

يشجعونك 00اما نتيجه مافيه تغيير واضح

ابداي ريجيم واستمري واما تنزلين فوق

الخمسه كيلو ابدي رياضه 00 وبالتوفيق

[شويهينــه]

ماعندي اضافه غير عن اللي قالوه البنات بخصوص الاستفاده من المركزهو اكثر شي للياقه وشد الجسم

اما عن موقهم هم لهم فرعين في قطر واحد في الدحيل من بعد دوار جسر الشمال وانتي رايحه صوب الريفيرا بتلقينه عالشارع صوب اليمين

والفرع الثاني في الوعب دخلة الحصى اللي بعد مجمع زي ومجمع ناصر بن خالد

وان شاء الله قدرت افيدج اختي