المتاجرة بالفتيات

[المغروره]

المتاجرة بالفتيات















السلام عليكم ورحمة الله وبركاته



كثير من الفتيات يقمنا بالاتصال على المطاعم وكذلك محلات بيع الحلويات وسائقي التوصيل ... الخ عن طريق الجوال للطلب أو التوصيل



من باب حسن النية وتلبية الاحتياج ..



ولكن لايعلمن بأن هؤلاء يقومون بالمتاجرة بهم عن طريق بيع أرقامهم على الشباب بمبالغ تتراوح

مابين 50 ريال حتى 200 ريال على النحو التالي:



رقم فتاة بنفس المدينة السعر يتراوح مابين 50 ريال إلى 100 ريال.



رقم فتاة مع أعطاء الوصف الكامل للمنزل مابين 150 ريال إلى 200 ريال



فلا تستغرب أي فتاة بأن يأتيها اتصال من شاب يعلم جميع المعلومات عنها (السكن وأسم العائلة)



لذا على أي فتاة أن تنتبه لذلك حيث أن كثير من الفتيات وقعن بهذه المصيدة القذرة



أما بالإزعاج أو التهديد أو الأستبزاز وهناك حالات من الطلاق بين زوجين



بسبب أن الزوجة رفضت الانصياع لذلك المزعج الذي أشترى رقمها من أحد عمال التوصيل بالمطاعم



فقام بإرسال رسائل غرامية كاذبة وكتب فيها متى سأراك المرة الأخرى وهو كاذب لم يراها من قبل



فأطلع الزوج بالصدفه على هذه الرسالة وتم تطليق الزوجة وهي مظلومة



لذا على الفتيات الانتباه لذلك وعند حاجتهم الاتصال بأحد المطاعم أو السوبر ماركت .. الخ



أن تتصل من الهاتف الثابت أو من جوال أحد أخوانها أو والدها أو زوجها ..



أرجو نشر هذه الرسالة على القروبات وكذلك على الزملاء لحماية فتياتنا من هؤلاء المجرمين

[بلوتنيوم]

الموضوع خطير
والمفروض يتم التبليغ الامني ان صدق ؟؟

[Sharshooooor]

ماعتقد اخي المغرورة السالفة بهالبساطة

يعني حتى لو اي شخص عنده اي معلومات عن اي بنت ماراح يقدر يضرها بشي

لان ابسط شي ممكن اي حد يشتكي على رقم المتصل ويروح في داهية بكل بساطة

والعنوان اختي اعتقد مختلف عن الموضوع

[s o s o]

هذا وين ...في قطر ؟

[زلامسي]

الله يحفظ بنات المسلمين

[المغروره]

المتاجرة بالفتيات















السلام عليكم ورحمة الله وبركاته



كثير من الفتيات يقمنا بالاتصال على المطاعم وكذلك محلات بيع الحلويات وسائقي التوصيل ... الخ عن طريق الجوال للطلب أو التوصيل



من باب حسن النية وتلبية الاحتياج ..



ولكن لايعلمن بأن هؤلاء يقومون بالمتاجرة بهم عن طريق بيع أرقامهم على الشباب بمبالغ تتراوح

مابين 50 ريال حتى 200 ريال على النحو التالي:



رقم فتاة بنفس المدينة السعر يتراوح مابين 50 ريال إلى 100 ريال.



رقم فتاة مع أعطاء الوصف الكامل للمنزل مابين 150 ريال إلى 200 ريال



فلا تستغرب أي فتاة بأن يأتيها اتصال من شاب يعلم جميع المعلومات عنها (السكن وأسم العائلة)



لذا على أي فتاة أن تنتبه لذلك حيث أن كثير من الفتيات وقعن بهذه المصيدة القذرة



أما بالإزعاج أو التهديد أو الأستبزاز وهناك حالات من الطلاق بين زوجين



بسبب أن الزوجة رفضت الانصياع لذلك المزعج الذي أشترى رقمها من أحد عمال التوصيل بالمطاعم



فقام بإرسال رسائل غرامية كاذبة وكتب فيها متى سأراك المرة الأخرى وهو كاذب لم يراها من قبل



فأطلع الزوج بالصدفه على هذه الرسالة وتم تطليق الزوجة وهي مظلومة



لذا على الفتيات الانتباه لذلك وعند حاجتهم الاتصال بأحد المطاعم أو السوبر ماركت .. الخ



أن تتصل من الهاتف الثابت أو من جوال أحد أخوانها أو والدها أو زوجها ..



أرجو نشر هذه الرسالة على القروبات وكذلك على الزملاء لحماية فتياتنا من هؤلاء المجرمين


اتمنااا مو صج لانه منقول لي بس الحذر وااجب
تحيااتي لج

[المغروره]

هذا وين ...في قطر ؟
الخبر وصلني من بلاد خليجييه ماقدر اذكر اسمهاااااااااااا بس حبيت ابلغ لان الحذر واجب والله يستر عليناا وعلى الجمييع..........

[Sharshooooor]

اتمنااا مو صج لانه منقول لي بس الحذر وااجب
تحيااتي لج

تردين على نفسج ؟

هذا موضوعج بابا :nice:

[المغروره]

بقولكم شي
حتا صار وياي بمحلات الجوالات بقطر
الاخ البائع يعطي رقمي لاحد الزبااين والازعاجات هذاك اليوم ماوقفت لحد ماعرفت من وين جا الرقم عرفت انه من الشخص الي رحت له المحل وعطا الاخ القطري الرقم
فا لاتستغربون كل شي واارد
الله يستر على الجمييع

[المغروره]

مانتبهت السموووحه عاد لادقق ؟؟؟؟؟

[النهار]

الموضوع خطير

[غزلان]

هذا وين ...في قطر ؟


نفس السؤال؟؟

ياخذون أرقام عشوائيه بدون مايعرفون شكل البنت ولا حالتها الأجتماعيه ولا عمرها:omen2:

ماسمعنا بهالشي دايم نتعامل مع محلات ومطاعم الحمد لله الأمن مستتب

[مابدل العادات]

الله يبعد هاي البلاوي عن بنات بلادنا

وعن بلادنا

تسلمين على التنبيه يالغاليه :)

[المرحب]

لا حول ولا قوة الا بالله

[إنسان عادي]

كافي اشاعات ، الحين الوضع تغير والشباب مايلاحقون البنات الحين ، خبركم عتيج ،الحين البنات يدورون الشباب

[حقيقه]

وبعد الدوام تصير فيه هالاشياء

[رحال]

أختي موضوعك باهت وركيك ولا يمت للمنطق أي صلة

وعاري عن الصحة ، لأن كما نرى الأوضاع في زمن

البلاك بري وغيره تغير !!!

العنوان غير وبالداخل غير ، وأنتي لعبي غيرها ؟؟؟

[بورصــة]

زين حتى ولو افترضنا صار هالازعاج

اقل حاجه البنت تعطي جوالها اخوها ابوها زوجها ويتصرف مع هالقذاره

[فلفل حار]

آحسكـ مبالغ مب لهدرجه ...!

مراكز الشرطه موجوده ويقدرون يطلعون الارقام ويتخذون ضدهم الاجراءات المناسبه لردعهم ...

[إينشتاين]

تعبنا من خرابيط الأيميلات

[بطل الفريج]

بقولكم شي
حتا صار وياي بمحلات الجوالات بقطر
الاخ البائع يعطي رقمي لاحد الزبااين والازعاجات هذاك اليوم ماوقفت لحد ماعرفت من وين جا الرقم عرفت انه من الشخص الي رحت له المحل وعطا الاخ القطري الرقم
فا لاتستغربون كل شي واارد
الله يستر على الجمييع

الله يهديك يعني دقيتي سالفة مع اللي حاول يكلمك:telephone:

[وافق شنن طبقة]

الموضوع حساس...

تعرفين لو انه صدق وش بيصير ؟

ترى شي ماتوقع ولا اتمنى يكون موجود

[نااااني]

ما ادري احس الموضوع مو صج واذا صار توقفه عند حده وتسكر التلفون بوجه وبس..............

[qatari 111]

لا تعليق عالموضوع
لانه ما صار ولا راح يصير

[black@white]

ما اعتقد هالموضوع حاصل عندنا مستحيل قد يكون في دوله مجاوره ممكن
اعيالنا اكبر من هالشئ

[كــرت احمــر]

مافيه نار من غير دخان، اكيد اللي وزع الرقم شايف شي ولا سامع شي عن هالبنت ممشاها مب سنع ولا ماتوصل للتهديد والوعيد بالفضيحه مثل ماذكرتي عدل ولا مو عدل .

[AL_MUTAEM]

هالمواضيع ماتصير لا بدواتنا ولا بالدول المجاوره يمكن تصير بالاحلام .!

يعني واحد عنده رقم بنت وشاريه بمبلغ على حسب ماذكر بالموضوع يتصل فيها يهددها ليش ؟؟

واهي حتى لو ماعندها اهل عندها القانون تقدر تتصل باقرب مركز شرطه وياخذون حقها منه ..

بس اذا اهي حبت تدردش معه هذا شي ثاني بس ان راعي المحل يبيع الرقم ...!!!

شي لا استطيع تصديقه .

[دلة الرسلان]

اتوقع واحد يبغي يروع بناته لا يشترون من المطعم حط ها الخبر :)

[كركم]

بقولكم شي
حتا صار وياي بمحلات الجوالات بقطر
الاخ البائع يعطي رقمي لاحد الزبااين والازعاجات هذاك اليوم ماوقفت لحد ماعرفت من وين جا الرقم عرفت انه من الشخص الي رحت له المحل وعطا الاخ القطري الرقم
فا لاتستغربون كل شي واارد
الله يستر على الجمييع

سؤالين ليش اللي يشتغل في المحل خذ رقمج؟ وشلون عرفتي ان اللي يشتغل في المحل هو اللي وزع الرقم؟

[دانتيل2007]

لاحول ولاقوة إلا بالله

الله يستر على بناتنا

[فلتة زمانها]

كل شي جايز

[ANONYMOUS]

هذا يندرج تحت تصنيف الخيال

ما اتوقع انه صحيح


اذا البنت عطت للغريب مجال.. بيصير اسوأ من المذكور

[سهم سهم]

فلم هندي

[بوحارب]

عسى ماشر !!

[الصريحه]

الله يستر

[القلب المؤمن]

:nice: حتى انا والله احسه خيالي كأنه والله اعلم منقول من بلاد الواقواق !
انا عني حتى لو صار معاي وياما صارت يتصلون شباب على جوالي يغازلون والله اغسل شراعهم عدل :omen2:
وخير يا طير لو عرف اسمي وبعد وين ساكنه ...يعني هذي الحين زلات مسكها علي مثلا ؟؟
كلام مب منطقي !


تحياتي لج

[باراكودا]

هذا وين ...في قطر ؟


فريج بني ياس في منطقة أم صلال محمد .

[رياني qtr]

احسه فلم هندي معا احترامي اختي لموضوعج بس هالشي صعب واول مرة نسمع فيه بعدين لايكون البنات الي تتكلمين عنهم منزلين بسلاسل من ذهب عشان الشاب يشتري رقم الوحده منهم ب50ريال والله ماشتريته ببلاش يبطي بعد مابيه اختي دخلي بنك نيم واحد في شات معروف والله البنات يرقمون الشباب ويلاحقونهم وانا ادخل اضحك على مصخرتهم ومسكر خاصية التواصل في الخاص ترى عقليه شبابنا اكبر من هالشي خيتو

[لاجل QT]

الحين لو واحد مااعرفة عندة معلومات عنى باقولة خير ياطير ..عادي تصير من غير اللجوء لضعاف النفوس ممكن ياخذ بياناتى من رقم سيارتي..وهذي كثير صارت لى..وسمعتة حجي من الزين قلت لة لو فيك خير مسج صغير يجينى منك وبارويك اللى عمرك ماشفتة.. ولاعاود الاتصال.. دام الوحدة واثقة من نفسها وماسوت شي غلط محد كفو يمسك لها ذلة

[@محمد@]

القصة يوجد بها نوع من الخيال
بلادنا يوجد بها الامن والامان وترك الفرص للشياطيين يتوقعون ملكوا الدنيا
يوجد عندنا من يعرفون ان الامور لاتمر ببساطة حتى الشيطان لايقدر ان يتصرف اللى برضى المتتضرر.
والواحد الى يبي يضر حياه عندنا شوف شلون القانون بيتصرف معاه طبعا مع شوية بهارات خاصه قبل التسليم.
لكل منا اسرار وبيوت لانرضى بالغلط على احد

[شاهيناز]

آحسكـ مبالغ مب لهدرجه ...!

مراكز الشرطه موجوده ويقدرون يطلعون الارقام ويتخذون ضدهم الاجراءات المناسبه لردعهم ...

الحمدلله على السلامه

كلامك صحيح

وشلون يعرف ان الرقم خاص بالبنت يمكن رقم الخدامه رقم السايق
مادري الموضوع خربطشن اختي حتى لو منقول بس الي كاتبه مبالغ تو ماتش

[المغروره]

كافي اشاعات ، الحين الوضع تغير والشباب مايلاحقون البنات الحين ، خبركم عتيج ،الحين البنات يدورون الشباب
في ذي انا وياااااااااااااااااااك

[المغروره]

الله يهديك يعني دقيتي سالفة مع اللي حاول يكلمك:telephone:
اخوي مادقيت السالفه انا سالت صاحب المحل من وين له القطري رقمي
عرفت ؟ليش تستغربون

[المغروره]

أختي موضوعك باهت وركيك ولا يمت للمنطق أي صلة

وعاري عن الصحة ، لأن كما نرى الأوضاع في زمن

البلاك بري وغيره تغير !!!

العنوان غير وبالداخل غير ، وأنتي لعبي غيرها ؟؟؟
العب غيرهاااااااااااااااااااااا شايفني لعابه
لوسمحت انا تكلمت بالشي الي يصير
وبعدين اسلوبك بالكلام وياي مو محترم فايليت تنتقي كلماتك طيب

[المغروره]

سؤالين ليش اللي يشتغل في المحل خذ رقمج؟ وشلون عرفتي ان اللي يشتغل في المحل هو اللي وزع الرقم؟
حركات شباب تبي اسم المحل بعد عشان تشوف انا اكذب ولا لااا؟؟؟ ردودكم كان الواحد يجذب ليش طيب اجذب
انا قلت القصه مو بالدوحه بدوله مجاوره الي بصدق يصدق ولي مو مصدق يحتفظ بردوده

[كركم]

لا بس هو تساؤل ...يعني حاولت امخمخها في راسي ما ما ظبطت معاي...يعني اللي في المحل قالج اي انا اللي عطيته الرقم وعرفتي منه اللي متصلج..؟؟ ...بصراحة سالفتج ما ادش الراس ..ومب كل شي يصير معانا انزله في المنتدى ترى في ناس تفكر وتحلل بمنطق..مب ياهال وكل واحد رضاعته في حلجه

[القلب المؤمن]

بااااااااااااال ذبحتوا البنت خفوا عليها ..هي حطت الموضوع للعبرة يا أولي الالباب مافي داعي تغلطون عليها شخصيا ولا تشككون في مصداقية الكلام !!
والله حالتكم صعبة في وايد ردود مشاركين محتاجين علاج نفسي من قلب ..:telephone:

[قلوب قطر]

الله يستر منهم

وانا مخليه رقمي سبيل للمطااعم والمحلات

[halcrow]

حلوه القصه الواحد يشتري بخمسين

الوضع غير غير هالايام

والقانون مايرحم المعاكس

[المغروره]

مافيه نار من غير دخان، اكيد اللي وزع الرقم شايف شي ولا سامع شي عن هالبنت ممشاها مب سنع ولا ماتوصل للتهديد والوعيد بالفضيحه مثل ماذكرتي عدل ولا مو عدل .
شتقصد
يعناا انا ممشاي مو عدل ولاسمعتني مو عدله شوف توقيعي قبل لاتكلم وكلن يرا الناس بعين طبعه
فانتقي الفاظك طيب

[بوخالد911]

الله يجعل كيدهم في نحورهم

[المغروره]

والله ياخوي من نزلت الموضوع والكل يرمي ويعلق بسلوب مو طبيعي
موضوع منقول ونزلته هجمات
الي العبي غيرها
والي ممشاها مو عدل وين المراقبيين
مايسوا علي

[ام السعف]

ما ادري اشبلاني مسحت اكثر من رد

في الأخير قررت اكتب كل وحدة تحترم نفسها احسن لها
لان يخسي الشاب يسوي شي مني والدرب ،،


والسموحة من الجميع

[كركم]

صحيح كلامج يا أم السعف والليف ....والدليل ان البنت لا علمت ابوها ولا اخوها...راحت بنفسها وتستفسر من وين جاب الرقم...هذا تصرف بنت واثقه من نفسها؟

[AL_MUTAEM]

بصراحه استغرب من بعض الردود اللي تم توجيهها لصاحبة الموضوع ..

الموضوع منقول وتم ذكر ذلك فاتمنى اما المشاركه الايجابيه او الصمت اما بتوجيه كلمات ..... الى اخت لنا بالمنتدى فاتوقع انه اسلوب سئ واستغرب عدم تدخل الاداره وتعديل الردود او يتم حذف بعض الردود ..

[بلوتنيوم]

بااااااااااااال ذبحتوا البنت خفوا عليها ..هي حطت الموضوع للعبرة يا أولي الالباب مافي داعي تغلطون عليها شخصيا ولا تشككون في مصداقية الكلام !!
والله حالتكم صعبة في وايد ردود مشاركين محتاجين علاج نفسي من قلب ..:telephone:

لو المنتدى يفتح عيادة نفسية بيدخلون ذهب :secret:

[بن جلبان]

^
^
^
هههههههههههههههههههههههههههههههههههههههههههههههههه ههههه

[ماريسا]

المثل يقول لا تبوق ولا تخاف

ع العموم مشكورة اختي ع التنبيه

[العقيد]

كلام فاضي

[عزالوطن]

زيادة عدد المشاركات فقط