حد جرب الشهري كنترول؟؟؟؟؟

[بوحارب]

السلام عليكم

حد جرب الشهري كنترول؟؟؟؟؟

ومن الأفضل الشهري كنترول او الشهري !!


ممكن تفيدونا !

[كركم]

والله ياخوك مايفرق وايد عن الفاتورة ...يعني يعطونك مثلا 1000 دقيقة وتدفع كل شهر 300 ريال لو حسبتها الـ 1000 دقيقة في الفاتورة تطلع عليك بـ 350 تقريبا يعني وفرت 50 ريال...بس الحلو في الموضوع انهم يعطونك رقم مجاني تتصل عليه اي وقت..هم يقولون مجاني بس عندك لميت معين..100 دقيقة في اليوم..

[فلفل حار]

ماينفع يا بوحرووب ...



خذ لكـ الشهري باقة 300 ريال وحط رقم آم حرووب بالرقم المجاني وآتصلها حتي وهي بالمطبخ حق تكرفها وتنفخ بطنكـ خخخخخخخ ...

[السهم الحلال]

الشهري كنترول تكون فاتورتك ثابته 200 ريال شهريا وما تزيد
لأنه يعتبر نفس رصيد الهلا بس الفرق بسعر الفاتورة يعني الدقيقة ب 35 درهم
, واذا خلصت ال 200 ريال تقدر تشحن بكرت هلا.

أما الباقات وضعها مختلف
فمثلا لو أخذت باقة 200 ريال يكون عندك دقايق ورسائل وفي حال خلصوا يبدأ ينحسب عليك,

تقدر تستفسر أكثر من ال 111

[بوحارب]

كركم & فلفل & السهم الحلال

الله يجزاكم خير وماقصرتوا

[Doha Sun]

البعض يمدحه والبعض الاخر يذمه

[Qt.1]

والله انا يابوحارب لااشهري ولااشهري كنترول ومن طلعت جوالي وانا نظام فواتير عادي وفاتورتي ماتعدى الــ 400 ريال والاا 500 ريال..
:nice:

[نعيمه علي]

انا مشتركة بالباقة الشهرية
وتطلع لي فيه مميزات حلوة
ولي رقم مجاني بس طبعا يكون محلي
ولي امتيازات ثانيه حلوه
بس عشاني في النخبة


.

[م. عبدالعزيز]

واحد من الربع عنده، فواتيره كانت كل دقيقه تصك اللمت ورقمه يتوقف .. تلعوز .. حول الى شهري كنترول صار يقدر يتحكم بمصاريفه للجوال

اذا كنت تستخدم الهلا بكثره.. وماتلحق تعبي.. حول شهري كنترول.. فاتوره شهريه 200 ريال ثابته لا تزيد ولا تنقص
والرصيد ينزل لك 200 ريال أول الشهر واذا خلص تعبي كرت هلا
الميزه الحلوه انه الدقيقه المحليه 0.35 درهم والمسج المحلي 0.3 وكل خدمات الهلا فيه (مسجات اتصل بي، المكالمه على حساب الطرف الثاني..الخ)

والفرق انك بتدفع 200 كل شهر كفاتوره شهريه وبس

التفاصيل هني
http://www.qtel.qa/ShahryControl.do?trans=ar&null

[هام السحاب]

انا مشترك في الشهري بو 200
صراحه افضل من قبل بوايد فواتيري
يعطونك 700 دقيقه و مادري كم مسج اعتقد 100
و وصلت دقايقي المجانيه قريب الـ 2000 دقيقه بما اني ما اتكلم فالتلفون وايد فـ الدقايق تترحل

[بوخالد911]

هلا بكم

انا مشترك بباقة ال 200 ريال شهريا

ولي :

700 دقيقة

60 مسج
30 ام ام اس

ومدري كم للاستخدام النت


شي ممتاز اعتبره


وللعلم
قلت لكم لي 700 د
فرضا لو بقت لي 200 دقيقة
فانها تترحل تلقائيا للشهر اللي بعده
فبيصير عندي 900 د


نظام حلووو الصرراحة

[abo0o0od QtR]

كنت برد على السؤال بس الشباب ما قصروا


:victory:

[بوجاسم 2009]

الشهري الكنترول عيبة انك ما تقدر تشترك خدمة بلاك بيري..

فالشهري هو الافضل كالمميزات فيها دقايق و رسايل و الرقم المجاني و غيرهم..

لكن انا بالنسبة لي مرتاح مع السنوي و الحمدلله..

تحياتي

[هذلان]

السلام عليكم



شوف يابوحارب و غيرك ينعلم


كيوتل مايفكرون بمصلحتك كمشترك هذا شي مفروغ منه و اول ماتسمع او تقرا عن اعلان جديد او عرض مقدمينه جديد لاتغتر بالمكتوب او الي يقولونه .

يعني بقولك ... فكرت انزل موضوع هنا في المنتدى يهدف لشيء واحد وهو كشف عن الجانب الخفي في عروض كيوتل

طبعا الي بيكشف زيف عروضهم هم المستخدمين اذا وقعت مشكله

مثلا : عرضهم الي مقدمينه عن البرود باند ٤٠٠ ريال لمت مفتوح هذا الي مكتوب في الاعلان ،، الواقع كان فيه لمت معين و بدون لا يبلغونك يبدون يحسبون عليك بعد ماتعدى اللمت الي هم حطوه بدون اعلامك

مثال : اشتراك الشهري ،،، اشركت فيه بو ٣٠٠ كل مره فاتورتي زايده .. عاد انا من النوع الي ما اتابع ،، في مره كنت متملل قلت بتصل بشوف ليش فاتورتي صك هالمبلغ مع اني قليل اتكلم في التلفون .. طلع الله يسلمك كل شهر عندي دقايق مجانيه فايضه و رسايل مجانيه و ام ام اس مجاني زايد ؟ زين ليش فاتورتي زايده ؟؟
قالي الموظف اذا تتصل دولي او تكون مسافر و تستقبل مكالمات او تصل على فودا فون هذا حسابه غير و يكون زياده على الـ ٣٠٠ الثابته ؟

طيب سؤال اشتراك شهري بو ٣٠٠ يعطيك ١٠٠٠ دقيقه مجانيه هذي الدقايق انا ماشريتها بفلوس ؟ ليش ماتعوضون الزياده هذي الي تقولون عنها بالفائض من الدقائق المجانيه الي عندي ؟

من الاخير لاتغتر في دعاياتهم و اعلاناتهم لانهم كلام و شكل بس

[بوخالد911]

السلام عليكم

طيب سؤال اشتراك شهري بو ٣٠٠ يعطيك ١٠٠٠ دقيقه مجانيه هذي الدقايق انا ماشريتها بفلوس ؟ ليش ماتعوضون الزياده هذي الي تقولون عنها بالفائض من الدقائق المجانيه الي عندي ؟





بقوولكم
اللي يزيد من ال 1000 دقيقة ولنقل مثلا 300 دقيقة
فانها تُرحل للشهر الى بعده
فبيصير عندك : 1300 دقيقة

هل وضحت الصورة؟


:nice::):nice:

[الرويـس]

انا ما جربت
بس فعلا الشهري سوا لي ( كنترول ) صح
:(

[احب قطر]

السلام عليكم



شوف يابوحارب و غيرك ينعلم


كيوتل مايفكرون بمصلحتك كمشترك هذا شي مفروغ منه و اول ماتسمع او تقرا عن اعلان جديد او عرض مقدمينه جديد لاتغتر بالمكتوب او الي يقولونه .

يعني بقولك ... فكرت انزل موضوع هنا في المنتدى يهدف لشيء واحد وهو كشف عن الجانب الخفي في عروض كيوتل

طبعا الي بيكشف زيف عروضهم هم المستخدمين اذا وقعت مشكله

مثلا : عرضهم الي مقدمينه عن البرود باند ٤٠٠ ريال لمت مفتوح هذا الي مكتوب في الاعلان ،، الواقع كان فيه لمت معين و بدون لا يبلغونك يبدون يحسبون عليك بعد ماتعدى اللمت الي هم حطوه بدون اعلامك

مثال : اشتراك الشهري ،،، اشركت فيه بو ٣٠٠ كل مره فاتورتي زايده .. عاد انا من النوع الي ما اتابع ،، في مره كنت متملل قلت بتصل بشوف ليش فاتورتي صك هالمبلغ مع اني قليل اتكلم في التلفون .. طلع الله يسلمك كل شهر عندي دقايق مجانيه فايضه و رسايل مجانيه و ام ام اس مجاني زايد ؟ زين ليش فاتورتي زايده ؟؟
قالي الموظف اذا تتصل دولي او تكون مسافر و تستقبل مكالمات او تصل على فودا فون هذا حسابه غير و يكون زياده على الـ ٣٠٠ الثابته ؟

طيب سؤال اشتراك شهري بو ٣٠٠ يعطيك ١٠٠٠ دقيقه مجانيه هذي الدقايق انا ماشريتها بفلوس ؟ ليش ماتعوضون الزياده هذي الي تقولون عنها بالفائض من الدقائق المجانيه الي عندي ؟

من الاخير لاتغتر في دعاياتهم و اعلاناتهم لانهم كلام و شكل بس

بالنسبة للمثال الأول ، تم مناقشة هالموضوع أكثر من مره في المنتدى وانا أأكد لك انه مفتوح ولا راح يحسبون عليك ريال زيادة.

بالنسبة للمثال الثاني ، طرش لي رقمك وانا راح أقول لك وين كانت الزيادة ،

بالنسبة لسؤالك ، اذا كانت باقة 300 اكثر من احتياجك ممكن تنزل للباقة الاقل

[عزتي سمو ذاتي]

أنامشترك في خدمة الشهري 300 والله أن فرق السما عن الآرض قبل فاتورتي ماتنزل عن الـ 1000

الحين لوكثرت 400 ريال والرقم المجاني والله لوتتكلم فيه ليل نهار عادي ماله لمت معين هالخدمه بصراحة ولااروع منها

[هذلان]

بالنسبة للمثال الأول ، تم مناقشة هالموضوع أكثر من مره في المنتدى وانا أأكد لك انه مفتوح ولا راح يحسبون عليك ريال زيادة.

بالنسبة للمثال الثاني ، طرش لي رقمك وانا راح أقول لك وين كانت الزيادة ،

بالنسبة لسؤالك ، اذا كانت باقة 300 اكثر من احتياجك ممكن تنزل للباقة الاقل

هلا الشيخ

كلمت الموظف و خبرني الزياده في فاتورتي من وين
اسافر و استقبل مكالمات هذي تحسب عليك حساب ثاني غير ال ٣٠٠ .. طبعا اعترض على هالشي - تتصل حق فودا فون هذي برى الحسبه - تتصل دولي هذي ايضا خارج الحسبه .
طيب من باب اولى الدقايق الي الزايده (كانهم يبون مصلحتي) يكون عندي فرصه احولهم رصيد لكرت هلا مثلا طبعا حقي لاني دافع قيمهم .

[هذلان]

بقوولكم
اللي يزيد من ال 1000 دقيقة ولنقل مثلا 300 دقيقة
فانها تُرحل للشهر الى بعده
فبيصير عندك : 1300 دقيقة

هل وضحت الصورة؟


:nice::):nice:

امنا بالله و رحلوها و ما اسخدمتها كلها .. مصيرها وين ؟
ابيهم يشترونها مني و يخطون الزياده في فاتورتي

[بوحارب]

السلام عليكم ورحمه الله وبركاته

مشكورين اخواني على المرور الطيب...!!!

وحبيت ارجع للموضوع من بعد تجربتي للخدمة

اشتركة في خدمة الشهري كنترول في 1/6 وخلال هذا الشهر اكتشفت ان هالخدمة ممتااااااااااااااازة جدا جدا جدا وحلوة وتوفر عليك واجد

كل بداية شهر ينزل في رصيدك 200 ريال رصيد وتنزلك فاتورة بهذ المبلغ فقط

واذا خلصت ال 200 ريال تعبي كرتك بكروت التعبئة العادية مثل كرت الهلا !!

والميزة الحلوة والممتازة في الخدمة ان سعر الدقيقة هي 35. درهم والمسجات 40. درهم

وفي خارج الذروة 30. درهم للمكالمات و 35. للمسجات !!

يعني الشهري كنترول بأختصار هو كرت هلا لكن بنظام الفاتورة وبس

وانصح الكل يشترك في هالخدمة الممتازة لأنه بيوفر على نفسه واجد

ومشكورين يا كيوتل وكثروا من هالخدمات الحلوة :)

[جلمود]

بوحارب باقة 300 زين أنا مجرب

[ANONYMOUS]

بوحارب ترى كل الناس مشتركين في الشهري من زمااان

ماحد تام عالهلا غير المحلات الخدميه حق المس كول

ومبروك وقوعك في الفخ :p

[بوحارب]

بوحارب باقة 300 زين أنا مجرب
جربتها وانتبكت فيها ليييييييييييييين ما قلت بس

اشتركت في بو 200 وتجيني فاتورة بو 400 حق ليش وحق شحقه وحق من :nice:

خلني في السليم ابرك :)


بوحارب ترى كل الناس مشتركين في الشهري من زمااان

ماحد تام عالهلا غير المحلات الخدميه حق المس كول

ومبروك وقوعك في الفخ :p


من قالك اعرف شباب وايد حولوا من شهري وفاتورة عادية لين الهلا بسبب الفواتير اللي تطلع من تحت الأرض !!

وانه اقصد الشهري كنترول يا سعر الدعم:nice:

[ANONYMOUS]

بوحارب باقة 300 زين أنا مجرب


ياريال حتى ال 300 وايد

انا حولت لين 130 .. وللحين باقي 120 دقيقه .. يا اكملها في ال 3 ايام الباقيه من اصدار الفاتوره او تتحول لين الشهر القادم

[جلمود]

ياريال حتى ال 300 وايد

انا حولت لين 130 .. وللحين باقي 120 دقيقه .. يا اكملها في ال 3 ايام الباقيه من اصدار الفاتوره او تتحول لين الشهر القادم

تهقي أسوي مثلك !

بس بو 200 و 130 مافيهم رقم مجاني ! :rolleyes2:

[بدوي]

انا اشتركت في الشهري بو 300 ريال

ويعطوني 1000 دقيقة + 100 مسج + 50 mms

ورقم مجاني

بكل صراحة اقولها .. صار الوضع احسن من اول بكثييييييير

يعني فاتورتي مع خدمة النت الجوال ( آي فون ) بو 200 ريال

فاتورتي توصل 600 او 700 ان كثرت :nice:

قبل عسى الله يرحم الفاتورة تلعب بين 2000 والـ 5000 ريال :anger1:

مره تفاجأت فيها 7000 ريال :rolleyes2:

تحياتي لك يابوحروب

:victory:

[ANONYMOUS]

تهقي أسوي مثلك !

بس بو 200 و 130 مافيهم رقم مجاني ! :rolleyes2:


صحيح مافي رقم مجاني

مالي حاجه فيه

:)

[مستثمر مبتدئ]

على فكرة ياجماعة باقة الـــ200 فيها sms مجاني يعني تقدر تختار رقم مجاني للمسجات بس وانا عندي باقة الــ200 ومرتاح والفاتورة تجيني مابين 250 والـــ280 لأني اتصل دولي واتصل على فودافون وعلى فكرة بعد اذا نزلت الفاتورة وعندك دقايق زايده تترحل واما المسجات فإذا عندك مسجات زايدة ماتترحل للشهر الجاي بس اتم معاك لين تخلصهم وعقب تنزل المسجات الجديدة وشكرا

[م. عبدالعزيز]

السلام عليكم ورحمه الله وبركاته

مشكورين اخواني على المرور الطيب...!!!

وحبيت ارجع للموضوع من بعد تجربتي للخدمة

اشتركة في خدمة الشهري كنترول في 1/6 وخلال هذا الشهر اكتشفت ان هالخدمة ممتااااااااااااااازة جدا جدا جدا وحلوة وتوفر عليك واجد

كل بداية شهر ينزل في رصيدك 200 ريال رصيد وتنزلك فاتورة بهذ المبلغ فقط

واذا خلصت ال 200 ريال تعبي كرتك بكروت التعبئة العادية مثل كرت الهلا !!

والميزة الحلوة والممتازة في الخدمة ان سعر الدقيقة هي 35. درهم والمسجات 40. درهم

وفي خارج الذروة 30. درهم للمكالمات و 35. للمسجات !!

يعني الشهري كنترول بأختصار هو كرت هلا لكن بنظام الفاتورة وبس

وانصح الكل يشترك في هالخدمة الممتازة لأنه بيوفر على نفسه واجد

ومشكورين يا كيوتل وكثروا من هالخدمات الحلوة :)
بس تصحيح ، الدقايق المحليه 0.35 و 0.3 للدقيقه (الذروة/خارج الذروة)
المسجات 0.3 و 0.2 للمسج (الذروة/خارج الذروة)

[Qatarianes]

نت الثري جي مال الايفون يكرف.. والي له في الايفون ترا العله في برنامج mywi لما تستخدمه ينسف رصيد التصفح مالك هههههههه
انا عندي شهري ثلاثميه ورقم مجاني ماتصل الا عليه وعندي فايض دقايق بالالوف ماتصل بربع هالدقايق وفاتورتي اطلعت الف وسبعين
في كل الاحوال انا مكالماتي ولا شي والمفروض فاتورتي في اسوء الاحوال اربعميه بس احصل نفسي ادفع بالستميه والسبعميه

[بوخالد911]

انا مشترك بباقة الشهري
بو 200 ريال
وعندي :

700 دقيقة
60 مسج
30 ام ام اس

وخدمة ولا ارووع


وأستفيد من نقاطي من النجوم وأخليهم يخصمون من نقاطي مثلا 1000 نقطة ويجيني خصم للفاتورة ب 24 ريال

او خصم 2000 نقطة ويعطوني 80 مسج


هل تعررفون هالشي لو لأ؟

[م. عبدالعزيز]

انا مشترك بباقة الشهري
بو 200 ريال
وعندي :

700 دقيقة
60 مسج
30 ام ام اس

وخدمة ولا ارووع


وأستفيد من نقاطي من النجوم وأخليهم يخصمون من نقاطي مثلا 1000 نقطة ويجيني خصم للفاتورة ب 24 ريال

او خصم 2000 نقطة ويعطوني 80 مسج


هل تعررفون هالشي لو لأ؟
صحيح ، بس معلوماتك قديمه بوخالد

الشهري 200 انا بعد عندي، وفيه 700 دقيقه ، و 100 (مسج ووسائط مع بعض) و 100 ميجابايت انترنت مجاني ، واضافه الى ذلك رقم مجاني للمسجات ! يعني تختار رقم واحد وترسل عليه مليون مسج بلاش ، وبعد سووا حركه جديده للمكالمات الدولية ( تدفع لأول 5 دقايق وتحصل على 10 دقايق التاليه مجانا )..
جبت لك هالمعلومات من هنا http://www.qtel.qa/ParentProdSrvcesLinks.do?idnum=9&prodtype=1

[بدوي]

انا مشترك بباقة الشهري
بو 200 ريال
وعندي :

700 دقيقة
60 مسج
30 ام ام اس

وخدمة ولا ارووع


وأستفيد من نقاطي من النجوم وأخليهم يخصمون من نقاطي مثلا 1000 نقطة ويجيني خصم للفاتورة ب 24 ريال



او خصم 2000 نقطة ويعطوني 80 مسج


هل تعررفون هالشي لو لأ؟

بوخالد 911

انا من اعضاء النخبة وللأسف ماااااااعرف شي عنهم ولا عن عروضهم

طرشولي بطاقتهم السودا من زمان وللحين في السيارة وقالوا لك خصومات ومادري شنو بس مادري شنهي مميزاتهم ؟

بخصوص نقاط نجوم عندي تقريباً 80000 نقطة ، شسوي فيهم ؟

[شبيــه الريح]

خلك بفاتوره عاديه احسن لك ليش ادفع 300 وانا مكالمتي اقل اوقات ياخذون اكثر وانا ماتكلم ماحبيت

اي عرض لو ايش خلني فاتوره على قد مكالمتي ادفع

[بوخالد911]

خلك بفاتوره عاديه احسن لك ليش ادفع 300 وانا مكالمتي اقل اوقات ياخذون اكثر وانا ماتكلم ماحبيت

اي عرض لو ايش خلني فاتوره على قد مكالمتي ادفع



ادنى قيمة للاشتراك هو : 130 ريال

و
200 ريال
و
300 ر

575 ر


فاختر ما يناسبك

:nice:

[بوخالد911]

صحيح ، بس معلوماتك قديمه بوخالد

الشهري 200 انا بعد عندي، وفيه 700 دقيقه ، و 100 (مسج ووسائط مع بعض) و 100 ميجابايت انترنت مجاني ، واضافه الى ذلك رقم مجاني للمسجات ! يعني تختار رقم واحد وترسل عليه مليون مسج بلاش ، وبعد سووا حركه جديده للمكالمات الدولية ( تدفع لأول 5 دقايق وتحصل على 10 دقايق التاليه مجانا )..
جبت لك هالمعلومات من هنا http://www.qtel.qa/ParentProdSrvcesLinks.do?idnum=9&prodtype=1



طيب

جاان ذكررت هالمعلوومات للاعضاء


:secret::secret::secret:

[صوت الضمير]

أخوي بوحارب أنا جوالي هلا .. وأعبي بالشهر فوق 500ريال

50 ماتقعد تخلص بسرعه .. مع أني موب من كثر مكالماتي

وشكلي اليوم بحوله شهري كنترول؟؟

وشكراً

أبداع

[بوحارب]

أخوي بوحارب أنا جوالي هلا .. وأعبي بالشهر فوق 500ريال

50 ماتقعد تخلص بسرعه .. مع أني موب من كثر مكالماتي

وشكلي اليوم بحوله شهري كنترول؟؟

وشكراً

أبداع

وانه نفسج عندي هلا وابيه اول كل شهر ب 500 وماتكفيني لآخر الشهر !!!

ومن عقب الشهري كنترول صرت اصرف بين ال 300 وال 350 بالكثير

نصيييييييييييييييحة حولي على الشهري كنترول وبتشوفين الفرق :)

[eXpert*]

بصراحة مشكورين على الردود .

عندي إستفسار الحين اللي مسجل في الشهري 575 أو 300 هل من حقة رقم مسجات مجانيّ !! اذا نعم كيف هي الطريقة ؟

شكراً

[missperfect]

كانت فاتورتي عاديه ،، من حولتها الشهري وانااحسهم ينهبوني اكثر ،، :telephone:

ماادري انا صرت اسولف اكثر مايندرى :(

[Store]

انا جربته ماعجبني

[بوخالد911]

بصراحة مشكورين على الردود .

عندي إستفسار الحين اللي مسجل في الشهري 575 أو 300 هل من حقة رقم مسجات مجانيّ !! اذا نعم كيف هي الطريقة ؟

شكراً



هلا

عادي

اتصل 111:telephone::telephone::telephone:
واطلب اللي تبييه

[الواعد]

السلام عليكم

عندي كذا سؤال بخصوص الشهري كونترول ياليت أحد يجاوبني

س1: اذا خلص الرصيد 200 ريال وعبيت بكرت هلا
هل راح تظل حسبة الدقيقة 0.35 أو تتغير لـ 0.55 ؟؟؟

س2: بالرصيد 200 هل ممكن اكلم دولي ؟؟

س3: بالرصيد 200 هل ممكن ابعث رصيد لأحد ؟؟؟

س4: بالرصيد 200 هل ممكن اضيف رصيد من كرت هلا وللحين الـ 200 ماخلصت ؟؟
وكيف راح تكون حسبة التسعيرة للدقيقة في هالحالة ؟؟


بصراحة أنا متردد جدا في التحويل :)


سؤال اخير لكن عن الشهري باقة 200 مثلا لو خلصت الدقائق
هل راح تنحسب علي الدقيقة بـ 0.35 في المكالمات الجديدة ؟؟؟


وشكرا

[بوحارب]

السلام عليكم

وعليكم السلام

عندي كذا سؤال بخصوص الشهري كونترول ياليت أحد يجاوبني

س1: اذا خلص الرصيد 200 ريال وعبيت بكرت هلا
هل راح تظل حسبة الدقيقة 0.35 أو تتغير لـ 0.55 ؟؟؟

راح تظل التسعير مثل الشهري كنترول ب 35 درهم

س2: بالرصيد 200 هل ممكن اكلم دولي ؟؟

اي نعم عادي وكل بلدة ولها تسعيرتها

س3: بالرصيد 200 هل ممكن ابعث رصيد لأحد ؟؟؟
اي عادي :)

س4: بالرصيد 200 هل ممكن اضيف رصيد من كرت هلا وللحين الـ 200 ماخلصت ؟؟
اي عادي
وكيف راح تكون حسبة التسعيرة للدقيقة في هالحالة ؟؟
نفس تسعيره الشهري كنترول الدقيقة ب 35 درهم

وفي اخر الليل ب 30 درهم :)

بصراحة أنا متردد جدا في التحويل :)
انه كنت مثلك متردد وتحسف اني ترددت من عقب ما حولت


سؤال اخير لكن عن الشهري باقة 200 مثلا لو خلصت الدقائق
هل راح تنحسب علي الدقيقة بـ 0.35 في المكالمات الجديدة ؟؟؟
هذا السؤال لعبه بوخالد911


وشكرا

العفو