استفسار قانوني

[AL-ANSARI]

السلام عليكم عندي استفسار قانوني لمن له الخبرة

شخص اطالبه مبلغ من المال عن طريق شركتي ولم يدفع المبلغ ويوجد شهود فقط ولكن

للاسف مافي عقد فهل ارفع قضية في المحكمة المدنية ؟ بنفسي او الموضوع يبيله محامي

شكرا

[jajassim]

ممكن ترفعها بنفسك ،، وبعد دفع رسوم الدعوى ،، والرسوم تعتمد على قيمة المبلغ

[AL-ANSARI]

شكر لك اخوي

[بوراشد 66]

وجه له اليمين الحاسمه .. لكن لو حلف .. راحت عليك الفلوس

[jajassim]

وجه له اليمين الحاسمه .. لكن لو حلف .. راحت عليك الفلوس

اذا الطرفين احلفوا ، ايش تتوقع ؟

[وارث العز]

اخوي اذ المبلغ يزيد عن 5000 ريال مايجوز اثباتة الا بالكتابة والا توجهه اليمين الحاسمة اذ حلف ان ماخذ فلوسك راحت عليك

[وارث العز]

اذا الطرفين احلفوا ، ايش تتوقع ؟


مايصير الطرفين يحلفون مع بعض... اذ الشخص الي وجهت الية اليمين ردها الى من وجهها

( يعني بدال مايحلف هو خلا الخصم هو الي يحلف انه يطالبة بالمبلغ) لازم يحلف من ردت الية اليمين والا خسر دعواه ...

[jajassim]

اخوي اذ المبلغ يزيد عن 5000 ريال مايجوز اثباتة الا بالكتابة والا توجهه اليمين الحاسمة اذ حلف ان ماخذ فلوسك راحت عليك

اذا هو معترف بانه اخذ الفلوس ،، بس اذا قال انا رجعته لصاحبه والأخر يقول لاء ، :rolleyes2:

[qatar.1995]

مشكله بس اعرف ان العقد شريعه المتعاقدين

يعني اذا فيه اشهود تمام

[مالي ومال الناس]

اذا هو معترف بانه اخذ الفلوس ،، بس اذا قال انا رجعته لصاحبه والأخر يقول لاء ، :rolleyes2:

توجه له الحلف باليمين امام القاضي انه ردها ويصدق , واذا رفض الحلف ورد اليمين للشخص الطالب بانه لم يستلمها وحلف يصدق

[AL-ANSARI]

تم رفع دعوى ومنعه من السفر وحضور الجلسه في محكمة السد وطبعا انكر ولكني طلبت

حضور الشهود والرجال لما سمع سالفة شهود تبلعم وتغير لونه :eek5: والقاضي اجل

الجلسة لشهر 10 وسأوافيكم بالتفاصيل باذن الله شهر 10 شكرا لكم .

ونصيحة حاسبوا من النصابين ولا تسوون اي شي الا بشهود او عقد وحاسبوا من بعض

الاجانب الي همهم بس جمع الفلوس ومايهمه حلال او حرام .