انفاق وجسور حلوة في طريق الدوحة السريع .... لكن ((((( الحلو مايكملش )))))

[بومتعب]

حسبت المسافة بالضبط من نفق دحيل لحد دوار التضامن بسرعة 100 وهي السرعة المقررة في هذا الشارع وقد استغرق مني بالضبط 8 دقائق استمتعت خلالها بمروري بانفاق وجسور رائعة وقمة في الجمال والتنسيق وهو بالفعل مشروع فخر لكل من يعيش على هذا الوطن .... ولكن وكما يقال (الحلو مايكملش) فقد استغرق انتظاري في دوار التضامن ودور المول اكثر من ربع ساعة دون مبالغة من شدة الزحام ......

اقتراحي هو لماذا لايتم الغاء دواري التضامن والمول وجعلهما اتجاه واحد مستمر دون اي تقاطعات .... فاذا حسبنا المسافة المتبقية من دوار التضامن الى تقاطع المطار فهي لاتتعدى 3 كيلو متر .... وهذه المسافة تعتبر لاشي في الخطوط السريعة كما هو معمول في الدول المجاورة ..... وفي اعتقادي ان عمل انفاق وجسور بين مسافات قصيرة لاتتعدى 2 كيلو يؤثر في جمالية الشارع كونه مستقيما ..........

لذلك اتمنى الغاء تقاطع التضامن والمول وجعلهما ذو اتجاه واحد مع الخط السريع .....

[البدع]

الجسور ماتحل الزحمة ابدا

حل الزحمة يكون بباصاات مثل باصات لندن

وقطارات مثل قطارات اليابان

ولكن للاسف .. كروة في قمة قسادها الاداري

والقطارات خصصت للوسيل فقط بسبب الميزانية

[Doha Sun]

ياكرهي حق ذا الشارع يملل

[وطن]

مشروع المول والتضامن موجودين من ضمن خطة أشغال
ان شاء الله يبتدون فيهم قريب
صحيح بنرجع لأزمة التحويلات المرورية
بس بعدها تنحل الأزمة الأكبر :)

[PoBox]

*
*

ان لغينا التضامن والمول مثل ماتفضلت
بتتراكم الزحمة في دوار المطار والهلال والسينما ومسيمير ، سيم سيم :rolleyes2:

واي طريقة كانت لابد ان ينتهي الخط السريع في مكان معين وتتراكم عنده الزحمة

جزاهم الله خير على فتح هالخط الحلو
وعقبال مانشوف جسر اونفق التضامن والمول قبل مانموت :rolleyes2:

نادي الاهلي عليه ازالة قريبة
يعني ان شاء الله ماراح يطول موضوع مشروع المول ليبدا

[BuFaisal]

مشروع المول والتضامن موجودين من ضمن خطة أشغال
ان شاء الله يبتدون فيهم قريب
صحيح بنرجع لأزمة التحويلات المرورية
بس بعدها تنحل الأزمة الأكبر :)

كلام طيب وصحيح

[مــــلاك]

نفس ملاحظتي على الشارع ..شزينه واول ماوصلنا لدوار التضامن نقعنا اكثر من ربع ساعه
بس الي سمعته انه هالدوار والي بعده ..بينشالون بعد ..وبيكون خط دايركت للمطار
ياسلااااام ...من البيت للمطااااار على طول

[abn qatar]

المشكله ليست في انشاء انفاق او جسور المشكله شوارعنا بالقطعه ماتكتمل مره وحده

شارع ياخذ عده سنوات لبنائه بعدها يطلعون لك بقى الشوارع الخدميه والشوارع الجانبيه

والرصيف والطبقات السفلتيه الاخيره الشارع بعدها يتسكر مره ثانيه لوجود العيوب

او حتى يكتمل

[clouds]

اففففففففففففف اليوم كنت رايحه المول من خط الشمال لين هالدوار وعقبها عاد قعدت ساعه الا ربع في دوارين!

[الأصيلة]

الصبر مفتاح الفرج
والحمدالله كل شي صار سهل وتيسرت الطرق
وبنتظر المرحلة الثانية

[simsim1963]

ياريت يعيدون برمجه وقت الاشارات على الدورات التضامن والمول يطولون الوقت للي يجي من الشمال يارب

[سيف العشق]

ياجماعه التخطيط فاااااااااااااااااشل بقول لكم ليش

افتحوا مشروع مدماك وبعدها راحوا وسكروه عشان الجسر اللي يروح للخليفات وابوهامور

افتحوا مشروع جسر الجوازات وبعدها اشتغلوا على المنطقه الواقعه بين جسر الجوازات لحد النصر


والزحمه راح تلحقنا تلحقنا انا بقول لكم شاللي مفروض يسوونه من الاول

يفترض ان المشروع يبدأ فيه كاملآ من الجوازات الى اشارات المطار مره وحده وكل شركه

تمسك جزء من المشروع ويتم افتتاح المراحل تباعآ حسب كل شركه وماتخلصه

يانااااااااااااااس شوفوا الشركه الامريكيه اللي ماسكه مشروع مطار الدوحه الجديد

سوت جسر ابوعبود وخلصته وخلصت النفق وفتحت الطريق من جسر ابوعبود على الطريق الخارجي

الساحلي اللي يلف خلف المطار شوفوا كم جسر يتضمنه المشروع وكم مسار للمشروع

وترى العيب مش في الشركات وبس ترى هالشركات هي نفسها اللي تسوي الجسور والانفاق

في دول عالميه متقدمه مثل امريكا واوروبا وجنوب شرق آسيا

بس جماعتنا يدخلون في كل شي ويلحسووون مخ هالعالم ويتأخرون في صرف الدفعات المستحقه

ياعااالم هالشركات تتعاقد بالباطن مع مجموعة شركات وهالشركات اللي توفر المواد الاوليه لأي مشروع

تبي فلوسها من الشركه الام المتعاقده مع الدوله مما يتسبب في وقف هذه المشاريع


والله من وراء القصد

[صمت 1]

حسبت المسافة بالضبط من نفق دحيل لحد دوار التضامن بسرعة 100 وهي السرعة المقررة في هذا الشارع وقد استغرق مني بالضبط 8 دقائق استمتعت خلالها بمروري بانفاق وجسور رائعة وقمة في الجمال والتنسيق وهو بالفعل مشروع فخر لكل من يعيش على هذا الوطن .... ولكن وكما يقال (الحلو مايكملش) فقد استغرق انتظاري في دوار التضامن ودور المول اكثر من ربع ساعة دون مبالغة من شدة الزحام ......

اقتراحي هو لماذا لايتم الغاء دواري التضامن والمول وجعلهما اتجاه واحد مستمر دون اي تقاطعات .... فاذا حسبنا المسافة المتبقية من دوار التضامن الى تقاطع المطار فهي لاتتعدى 3 كيلو متر .... وهذه المسافة تعتبر لاشي في الخطوط السريعة كما هو معمول في الدول المجاورة ..... وفي اعتقادي ان عمل انفاق وجسور بين مسافات قصيرة لاتتعدى 2 كيلو يؤثر في جمالية الشارع كونه مستقيما ..........

لذلك اتمنى الغاء تقاطع التضامن والمول وجعلهما ذو اتجاه واحد مع الخط السريع .....

قريت من شهر تقريبا في الجرايد ان اشغال والمرور

اتفقو انهم يركبون جسور جاهزه ذو مواصفات

عالميه لدوار التضامن والمول ومدة تركيب هذي

الجسور مايطول كثيراسابيع قليله فقط ويكون الجسر

جاهز

[بوخالد911]

دواري التضامن + المول بينشالون بالمرحلة الجاية


صبروا بس

وطولوا بالكم

ونقوول يار ب

[الرويـس]

زيدوا السرعه شويه حبتين
خلوها 120 عشان أحس فعلا بالخططط
:(

[كيلو حديد]

لو يزودون السرعه يسوون خير

مب عارف ليش مقصرينها على 100

والله يعطيهم العافيه

[Realistic]

السرعه مخلينها 100 لان هذا طريق داخلي وليس طريق خارجي ..

وبعدين هالعشرين كيلو بتخليكم توصلون اسرع بـ نص ساعه ؟ ترى مابتختصر عليكم الا 5 دقايق .. فـ صلوا عالنبي وعن السرعه الزايده .. :)

[مستثمر رشيد]

لا اخوي المسافة الحالية بين نفق وجسر ماتتعدى الكيلو واحد
من كثر الطلوع والنزول من نفق الى جسر على هالخط تحس انك راكب قطار في حديقة ملاهي
اتفق معاك لابد من ازالة دوار التضامن والمول لان المسافة الي بينهم اقل من نص كيلو

[الرويـس]

السرعه مخلينها 100 لان هذا طريق داخلي وليس طريق خارجي ..

وبعدين هالعشرين كيلو بتخليكم توصلون اسرع بـ نص ساعه ؟ ترى مابتختصر عليكم الا 5 دقايق .. فـ صلوا عالنبي وعن السرعه الزايده .. :)

اللهم صلي وسلم وبارك على سيدنا محمد

حلوين هالخمس دقايق اذا ما تراكمت
:(

وقد يكون القصد في زيادة السرعة هي مسألة وجود (خط) ذو هدف مستقيم
:(

[مستثمر رشيد]

اللهم صلي وسلم وبارك على سيدنا محمد

حلوين هالخمس دقايق اذا ما تراكمت
:(

وقد يكون القصد في زيادة السرعة هي مسألة وجود (خط) ذو هدف مستقيم
:(

ايه يالرويس انت المفروض تكون فرحتك كبيرة بهالخط تقدر تدق سلف من رويس لين المطار بدون اي اشارة او دوار يوقفك ..... هنيالكم من بعد معاناة كبيرة لحد ماتوصلون للمطار ,,,, ولما توصل متاخر تكون الطيارة راحة :tease:

[بشمرقي]

أولاً : المفروض ما تشيلون هم الشارع اللي يودي المطار ، لأن كلها الا سنتين ويفتحون المطار الجديد ، فالمطار الحالي بيتكنسل وجسر المول والتضامن ما جهزو :tease::tease:

ثانيا : ترى تقدر تمشي عالخط بسرعة 110 وما يصيدك الرادار ، وعلى مسؤوليتي ، وبتصير المدة بدال سبع دقايق خمس دقايق :nice::nice:

[al-vtc]

الله يسهلها

وفي اعتقادي انه اذا تحولو دوار التضامن ودوار المول الى انفاق وجسور

بتنحل الازمه

لانه الزحمه كلها مب رايحه المطار فقط السيارات كلن بياخذ طريقه من يبي جنوب ومن يبي شرق

واتمنى من اشغـــــــــــــــــــــــــــــال تختار شركات زينه وعدله مب مثل الشركات اللي سبق وسوت المشاريع اللي تمت سنين وبنين وهي مثل ما هي بس تبي فلوس وبس

والله ولي التوفيق

والى الامام يا داري يا قطر الحبيبة