كلية المجتمع.. وطني الحبيب صبآح الخير

[M!ss Q6R]

السلام عليكم ورحمة الله وبركآآته


طبعا يمكن البعض منكم سمع حلقة وطني الحبيب صبآح الخير.. بخصوص الجآمعه..
والتخصصات.. والكليات..

وازمة الايلس والتوفل اللي مأرقه الكثير منآ.. واللي للاسف ضيعت مستقبلنآ..
بس الله المستعآن..

تكلموا من خلال البرنامج عن كلية المجتمع انها راح تكون فيها كليه تأهلك وتعطي دبلوم..
ومتى ما تحققت النتيجه عندك وجبت الايلس او التوفل تقدر تلتحق باي جآمعه الطالب يبيها..

ودخلت قريت عنها في موقع المجلس الاعلى
وهاي المعلومات بالتفصيل الملل..

http://www.sec.gov.qa/section/sec/_community_college

بس سوال ليش ما حددوا تاريخ امتحان القبول والتسجيل.. يعني كاتبين مايو ويونيو..؟؟؟

اتمنى من كل قلبي ما تصير لعبه في هالكليه من ناحية ان يتبطل التسجيل ويتسكر والناس خبر خير.. ولا من شاف ولا من درى..

وجهزوا نفسكم ياللي تبون تدرسون.. انفتح لكم باب جديد.. والله يسهل

[STAR]

انا بس ودي اعرف شنو الهدف من جعله خلط؟؟!!!

[M!ss Q6R]

همممم والله السوال من بعضه..

مع ان المفروض يعتبرون من كلية الشمال الاطلنطي والمهزلة اللي صارت..

بس ان شاء الله تكون احسن..

[المقهوره]

طيب كم النسبه المطلوبه؟

نسبه الشهاده الثانويه

[M!ss Q6R]

مب محددين.. ولا حدووا..

في يوم تعريفي في الفورسيزن.. تاريخ15 و14 يونيو..

[dream~qa]

الحين احنا ما عرفنا لكم أنتو تبون اختلاط ولا ما تبون ؟؟؟

[roma27]

الحين انتوا يا البنات تبون تدرسون ولا ،؟مش مهم اختلاط ولا .. لا بالعكس الاختلاط شي صحي يخلي الطالبات والطلاب عندهم مسؤليه اكبر راح يتعلمون منها الاتزام والاحترام بينكم وبين بعض *.

[السياسي القطري]

انا بس ودي اعرف شنو الهدف من جعله خلط؟؟!!!

الهدف هو تطبيق الليبرالية في قطر ،

خالص تحياتي .

[y.o.y.o]

الحين انتوا يا البنات تبون تدرسون ولا ،؟مش مهم اختلاط ولا .. لا بالعكس الاختلاط شي صحي يخلي الطالبات والطلاب عندهم مسؤليه اكبر راح يتعلمون منها الاتزام والاحترام بينكم وبين بعض *.


:con2:

[كاشف الغطاء]

اشدعوة للحين ماعرفتو الهدف من الاختلاط هههههه

[bu abdulla]

الحين انتوا يا البنات تبون تدرسون ولا ،؟مش مهم اختلاط ولا .. لا بالعكس الاختلاط شي صحي يخلي الطالبات والطلاب عندهم مسؤليه اكبر راح يتعلمون منها الاتزام والاحترام بينكم وبين بعض *.
الله يهديك

[راسي براسك]

أنا سجلت من خلال موقع المجلس الأعلى
لكن لين الحين ماندري متى بيعطونا خبر

[قطرية فذة]

اختلاط ؟ بفكر بناحيه ايجابيه وبقول الله يوفق راسين بالحلال يارب

ويهدي الجميع لما فيه الخير

مب مشكله الاختلاط الاهم احنا اهل البلد كطلاب نسن القوانين بالكليه

لازم بيكون فئه من الطلبه تهتم بالانشطه وفئه تهتم بالدين

يعني بتكون فيه نوادي داخليه الله يجعل فيهم الخير بتنظيم الآخرين

[المقهوره]

انا اشوف قصه الاختلاط وارده في كل المجالات

سواء تعليم ولا صحه ولا سوق والخ

كل مكان فيه اختلاط

لاشفنا سوق خاص للحريم ولا شفنا مستشفى خاص للحريم

جات على التعليم

دام الشخص محترم نفسه راح يحترم في كل المجالات

بس اهم شي في الصفوف يحطون يمين شباب ويسار بنات مب كلهم خلط بجنب بعض في الكراسي

+

قوانين صارمه باللبس في الجامعه
وقوانين بالسلوك والتصرف

مب نفس كليه شمال اطنلطي الي لا قوانين ولا هم يحزنون مسخره في مسخره

[تحداني]

.. ممكن أجاوب على سؤال .. لماذا يونيو او يوليو ؟؟ ..

.
.
وقع الاختيار على هذا الشهرين بالتحديد لسبب ان كليه المجتمع ستشارك ان شاء الله
في اليوم المفتوح الذي اعدته " هيئه التعليم العالي "

واليوم المفتوح سيكون في الفورسيزن
بتاريخ 14 و 15 من شهر 6 .
. وستكون كليه المجتمع بالإضافه الى جامعات راسل التي تم تحديدها للإلتحاق بالسنه التأسيسيه .. موجوده

في هذا اليوم ستقوم كليه المجتمع بالإجابه على كل الاستفسارات
والاسئله
وكل ما يتعلق بأمورهم الداخليه

.
.
سيكون هناك ان شاء الله وقت طويل للاعلان عن موعد التسجيل
وموعد اختبارات تحديد المستوى
وكل ذلك سيكون واضحا ولا يوجد شئ في الخفاء

.
.
مشكله البعض كما ذكرت سابقا الهجوم .. لغه الهجوم الدائم
ولغه تفصيل الأشياء كما يحلو لهم ..


.
.
وفرت الدوله بدائل كثيره ومازال الشعب غاضب
فتحت انواع واشكال من الجامعات ومازال الشعب غاضب
تم توفير كليات نقنيه
كليات عالميه
جامعات خاصه
مازال الشعب غاضب


حتى هذا المشروع الغلبان الا الآن لم يفتح فعليا وصوت الهجوم واضح ..

.
.
بردوا خاطركم .. ووسعوا صدوركم .. وقولوا يارب يوفقنا
ويسهل امورنا ..




نقطه جدا ضروريه .. كليه المجتمع جديده
والجديد دائما يكون امكانيه القبول والانضمام قليله
لن نستوعب أكثر من 400 الى 450 كحد أعلى
نظرا لصغر المكان
وقله الكادر التدريسي ..

نعو وعدنا الموظفين بالدراسه المسائيه ولكن ليس هذا الفصل
انما الفصول القادمه ..


المشروع كبير
والفكره كبيره
والامكانيات الماليه موجوده
ولكن الكادر البشري صعب .. وانتم على علم ان كليه المجتمع
هي فرع من كليه المجتمع في هيوستن " أمريكا "
فإستقطاب الدكاتره بها شد وجذب .. وتنازلات .وووو


.
.


الله ينور طريقكم ويوفقكم ان شاء الله
ويجملكم برضى الرحمن

[المثابر]

انا اشوف قصه الاختلاط وارده في كل المجالات

سواء تعليم ولا صحه ولا سوق والخ

كل مكان فيه اختلاط

لاشفنا سوق خاص للحريم ولا شفنا مستشفى خاص للحريم

جات على التعليم



سمعنا عن زميلة دراسة بس ما سمعنا عن زميلة سوق :)

الاختلاط في السوق عابر بس هذا إختلاط منظم

يعني الواحد في السوق ما بيي حق وحدة مني والطريج بسالف وياها

لكن لو زميلته في الصف وكل يشوفها بيصير الوضع عادي

[ANONYMOUS]

بس اهم شي في الصفوف يحطون يمين شباب ويسار بنات مب كلهم خلط بجنب بعض في الكراسي

+

قوانين صارمه باللبس في الجامعه
وقوانين بالسلوك والتصرف

مب نفس كليه شمال اطنلطي الي لا قوانين ولا هم يحزنون مسخره في مسخره


لاتصيرين معقده

اتركي للطلاب حرية الاختيار..

يقسمون صفهم قسمين

يجلسون جمب بعض

سيد بنات وسيد اولاد

وخليهم يلبسون اللي يبون .. لاتصيرون اوصياء ع الناس

توج تقولين "دام الشخص محترم نفسه راح يحترم في كل المجالات "

فخلي كل شخص يعيش بالطريقه اللي يبيها..

[باربي قطر]

انا رحت لهم من اسبوعين
قالوا لي التسجيل ياشهر 7 او 8
وبيسوون امتحان وبياخذون اول 300 طالب وطالبه

وماعطتني اي تفاصيل اكثر مع اني حاولت معاها

[bluelion]

من موقع المجلس الأعلى المذكور أعلاه ...
"متطلبات قبول مرنة لخدمة الطلاب الذين لم تتاح لهم الفرصة لمواصلة دراستهم بسبب معدل درجاتهم في المدرسة الثانوية أو إجادة اللغة الإنجليزية أو بسبب كبر السن أو بسبب قدم شهادتهم الثانوية العامة أو بسبب العمل أو أية أسباب أخرى. "

[تحداني]

.
.
ما رأيكم أن نلتقي هنا .. لكي نتشارك في المعلومات
:)


http://www.qatarshares.com/vb/showthread.php?t=267732&page=19



جملكم الله برضى الرحمن

[STAR]

ماعندهم موقع الكتروني خاص فيهم؟؟