سؤالين مهمين جدا جدا

[تويتان]

السلام عليكم..

شلونكم؟..

ويه نسيت اقول لكم في العنوان ان السؤالين مهمين جدا جدا بالنسبة لي مش بالنسبة للجميع
:tease:

السؤال الأول..
(تريد تويتان أن تشتري هدايا منوعة لطلبة وطالبات صف ابنتها تويتان جونيور بالروضة.. وقد سمعت عن محل بسوق واقف لبيع الألعاب بالجملة)
بناءاً على القطعة السابقة أرجو الإجابة على مايلي :
أ - هل المحل المذكور زينن وفيه اشياء تصلح للبزران بسن الخامسة بنات وأولاد؟
ب-هل يقوم هذا المحل المذكور بترتيب الهدايا في أكياس للتوزيع؟
جـ-ما هو مستوى أسعاره؟
د-أين يقع المحل بالضبط؟
هـ-هل توجد محلات وخيارات أخرى سواء في سوق واقف او غيره باستثناء البحار؟
و- السؤال الاهم.. ما اسم هذا المحل؟!! :rolleyes2:

السؤال الثاني مرتبط بالأول..
تويتان جونيور فايزة في مسابقة القرآن الكريم فما هي الهدايا التي تقترحونها للتوزيع على زملائها في الصف ؟

ملاحظة :
الإجابة على الأسئلة اجبارية :anger1:

(أونهم بس سؤالين :shy: )

اتمنى كل توفيق لأبنائي الطلبة :whistling:

[أبو طلحه]

ما عندي قلم ولا كان جاوبت

ان شاءء الله يفيدوج الاعضاء

[تويتان]

شكلي بوزع الاقلام والمحايات قبل لا تبتدي الفترة الثانية..
:)

تسلم يا بوطلحة عالمرور..

[tajirqatari]

في اشياء وايد ومقترحات كثيره يمكن تتوزع كهدايا ومب شرط من محل معين
اهم شي انتي ايش اللي تبينه ونوعيه الهدايا اللي تبينها بناتي ولادي
والاهم من هذا كله الميزانيه اللي بتحطينها للهدايا

ويمكن اساعدج في اشياء كثيره واسويها لج واذا تبين عينات ماعندي مشكله

[تويتان]

هلا أخوي تاجر..

بصراحه.. انا مافي في بالي شي معين او ميزانية معينة.. لأني اصلا ما اعرف

اسعار السوق علشان احط لي ميزانيتي..

بالنسبة لنوعية الهدايا ابي شي مفيد وفي نفس الوقت مسلي ويعيش فترة

مش اشيا تتكسر على طول والا تنقط أو تسبب زحمة اغراض عالفاضي..

في يهال في صفها وزعوا هدايا لنفس المناسبة وهي فوزهم في مسابقة القرآن معظمها ادوات مكتبية ..

اذا ممكن الشيخ تقترح علي او ترويني شي من النماذج اللي عندك مع الاسعار علشان اقرر..

بس بليز خلال هاليومين خبرك الخين اخر السنة وبالنسبة لبعض اليهال في الروضة يعطلون حتى قبل لا تسكر

الروضه..

والله يجزيك خير

[فلفل حار]

محلات سوق واقف كثــار روحي بنفسج وشوفي الآسعـار ...
مع العلم آنه رونق بن عمـران عنده هدايا وآغراض وبآسعار حلووهـ ...




ملاحظه : لاتنسين البرايات بعد:tooth: ...

[القلم الصريح]

اسألج جدااااااااا صعبه والامتحان واااااااااااايد صعب

شوفي محل في طريق المطار اسمه فن استيشن على مااضن جنب كوكتيل لبنان

[تويتان]

فلفل..
تسلمين الشيخه .. لاتوصين حريص حتى المساطر الخشب اللي في طرفها سيم جهزتهم ;)

القلم الصريح..
تسلم الشيخ .. بروح ان شاالله اشوف المحل اللي قلت عنه

[فلفل حار]

فلفل..
تسلمين الشيخه .. لاتوصين حريص حتى المساطر الخشب اللي في طرفها سيم جهزتهم ;)

القلم الصريح..
تسلم الشيخ .. بروح ان شاالله اشوف المحل اللي قلت عنه

شيخه مره وحده يالشريره ...!
:eek5:





... شرايج بعد تعطيني موس عشان آشيل شنبي:anger1: ...؟