12000ريال قيمة مدرسات لبتني راحت في الهواء يالمستقلة

[الدينار الذهبي]

نعم كنت ابغي بنتي تجيب مجموع في الثانوية العامة فلم أبخل عليها في إحضار أمهر المدرسات

في اللغة العربية والأنجليزي والرياضيات على أن مستوى بنتي الحمدلله جيد ولكن كل أب يطمح

للأفضل لأبنائه ولكن المفاجئة في أول أمتحانين الأحياء والرياضيات انصدمت بنتي فيها حيث أن

أغلب الأسئلة عامة ولا تخص المنهج الي تدرسه وحتى الرياضيات لم تكن أسئلتها مباشرة

والله يستر عليها لا تنصدم في امتحان العربي اليوم حتى الأختيار في الأجوبة لا يكون هناك

صواب وخطأ ولكن أي هذه الأجابات ادق وأقرب للصحيح

و أتمنى للممتحنين التوفيق والسداد

[STAR]

انا سمعت ان امتحان الاحياء كان صعب الله يعينهم بصراحة.. السنوات اللي طافت الامتحانات تكون من قبل المدرسة نفسها لكن هالسنة من مجلس الاعلى للتعليم

[ماريسا]

الله يوفقها ان شالله

[الدينار الذهبي]

ستار وماريسا أشكركم على تفاعلكم

[بنت^البحرين1]

الله يعينكم

الكل يصيح من الامتحانات .. انا مب عارفة شسالفة اسئلة الامتحانات النهائية كل سنة .. القصد انهم يعجزون الطلبة يعني والا شسالفتهم ؟؟

[JN000N]

الله يعينكم ويوفق بنتج

مجلس الاعلى من وين اييبون اسئله الامتحان؟ من اي جحر !! اذا الكتب في صوب والامتحانات في صوب عز الله فلحنا

[سـ ع ـود]

امتحان الاحياء فعلا كان صعب واكثر الاسئله خارج المنهج
والرياضيات كان امتحان تعجيزي بمعنى الكلمه واغلب الطلبه في اللجان ماحلووه الله يعين
بالنسبه لامتحان اللغه لعربيه اليوم انا اشوفه كان حلو وفي مستوى الطلاب وسهل ومافيه قواعد
ولو ان لي ملاحظه على الانشاء كان وايد اربع انشاءات الانشاء الواحد 3 صفحات
ومواضيع الفقرات الانشئيه تعجيزيه مثل الشعر القديم (الكلاسيكي ) :$ ومقارنته بالشعر الحديث
والشعوذه ورأي المؤيدين والمعارضين له
والانشائين الثانين كانو تمام ويمدحونهم الطلبه

بالتوفيق للطلاب وفالهم النجاح ان شاء الله

[اخر العنقود]

الله يعينكم
يازين مناهج قبل

[Gh2o]

الله يعينكم
يازين مناهج قبل

اي والله ولا تعقيد هالنظام الفاشل

[نورهان88]

ياوالله يزين مناهج أول كلنا ندرس الكتاب وانصمه صم وانقدم إمتحان مأشاءالله علينا
الله يوفقهم يارب

[um3lianny]

الله يوفقكم

[بـومـشـاعـل]

يااااااااشباب ويا بنااااات ويش رايكم الي يجيب لكم الاسئله الامتحانات المجلس الاعلى لجميع الطلبه الثانويه وووووهذي عن تجربه ابني فالعام الماضي والسنه هذي ابن اختي وبنت اختي والغريب ف الموضوع ان كل واحد من هولاء الطلبه ف مدرسه مختلفه ومنهج مختلف وف النهايه يكون الامتحااان موحد انا مابي اطول عليكم الي بقوله اعتبروها ياااا اولياؤء الامور الطلبه هديه مني لكم ولطلبه جميعهم ((((كل الملازم والشرح والملخصااااات لطلبه الي يدرسون ف العلميه هي مصدر الامتحانات )انا بصراااحه انصدمت ف الامتحان الثاني لابني عندما اخبره زميله ف العلميه بان الاسئله والملازم كلها متعودين ووومجربين ع نوعيه هالاسئله وبالعفل صار ابني يدرس معا زميله ف العلميه لمده اسبوعين فقطططططط والحمدلله جاب ابني نسبه فوق 90% والحمدلله(ف العام الماضي) واليوم امتحان العربي نفس الشي مطابق لا متحان الرياضياااات عشان هذاااااا الشي حبيت اوزع هالنصيحه لكل الطلبه والطالبات اتركو عنكم المدرسين الخصوصيين وخلوكم مع اي طالب ف العلميه واخذوووا منه كل الملازم وووالملخصااات واتمنى من كل من طبق كلامي وسمعه يرد لنا ويكتب شلي صااار معه اللهم اني بلغت اللهم فاشهد والله يوفقك الكل

[الصريحه]

الله يخلف عليك

[الهاجري 2]

المجلس الاعلى جايبيين اجانب خصيصا عشان يحطون الامتحانات
وحطولهم 81 ورقه في الرياضيات يعني تقول ملزمه ولا كتاب
واغلب الاسئله مامرت عليهم

بصراحه وهقوا ارواحهم المجلس الاعلى
جايبين ناس من برى ودافعين لهم فلوس عشان يسوون امتحانات وفي الاخير خربوا مستقبل الطلاب

[أبوهاشل]

الله يوفقهم ويسهل عليهم هالاختبارات التعجيزيه

[بـومـشـاعـل]

بالنسبه لصريحه واخوي الهاجري انا اتكلم من واقع تجربه والحين واولاد اخواني وخواتي ف نفس المصيبه والمشكله الي هي الامتحانات المجلس الاعلى ومثل ماقلت مسبقا والكل منا يدلو بدلوه بسسسسسسسسسس مع عدم تقليل الشان الاخر والاخت الصريحه الظاهر مو متعلمه احترام لطرف الاخر عشان تكتب الله يخلف عليك الظاهر انه الله يخلف عليكي حتى كلمه حسنه لم تنطقي بها وهذاااا يدل ع شي واحد ------------ واتمنى للكل النجااح والتميز

[قطرية مثقفة]

يقال إن أسئلة اللغة العربية كانت على نمط من سيربح المليون !!!!!!!!!!!
الله يعين الطلبة ،،،،،،،،،،،،،،،

[a.m.k.e.k.e]

الله يوفقها ان شاء الله