المستقلة بس ودي أعرف لين متى ؟؟؟!!!! ادخلوووااا وأحكموااا صح او غلط ؟؟

[ام خليفه79]

السلام عليكم ورحمة الله وبركاته



اول شي كلنا نعرف المدارس المستقلة وشو قاعده تسوي ف خلق الله بالذات (المجلس الأعلى)

يعني والله يا خواتي أنا بغيت أقول لكم اللي صار يوم التسجيل من يومين في مدرسة من المدارس المستقلة يعني ما توقعت ان الدوحة توصل لهالمستوى أن يذلوون الأهالي والناس عشااان أرقام تسجيل وغيره بصراحه عمري ما شفت تسجيل للطلبة بهالطريقة لدرجة أن الحريم يتدافعون ويطيحون من يفتح البواب الباب الصغير اللي لازم كل الأمهات يدخلون منه عشان يلحقون على الارقام اللي تتوزع للطلبة طبعاُ اللي واقفين برى من 4 ساعات او أكثر ينطرون بس متى ينفتح الباب ف الشمس الحارة والله أنا كنت ف المكان يعني لا تقولون بالغت والله اني ما ابالغ بس صج ان الوضع يفشل لدرجة التزاحم بين الحريم والله أني سمعت واحد من أولياء الامور اللي منزل زوجته يقووول حق الحريم يوم تبطل الباب هييييه يعني تشجيع حقهم قسم بالله أني تجمدت مكاني والله وفي حريم طاحوا وشو أقدر أقول يعني !!!! فشلة



بس والله مافي نظام ثاني أو سستم معين أنهم يتبعون ولا هالمراكض بين الناس والله كنهم يطرون أرقام منهم والله عيب اللي يصير لهم.......





الصراحه شي كان ودي أشارككم وأقوله ولكم الحكم .......

[Doha Sun]

خلهم اول ينظمون اوضاعهم وطريقة دراستهم علشان ينظمون طريقة التسجيل ..

[ام خليفه79]

اي والله يا اختي صدقتي


الله يعطيج العافيه

[سيف العشق]

لاحول ولا قوة الا بالله

وصلنا لمرحلة من التعليم لايعلمها الا الله

ابي اعرف ليش مايخلون الارقام عن طريق القرعه ويتصلون بأهلها بالتلفون افضل

ولا يذلون حريمنا وخواتنا بهذه الطريقه الهمجيه

شكرآ اختي على الطرح وبصراحه فشيله واحنا في 2010

[الأصيلة]

مشكلة التسجيل أبدا لم تعاني منها أي مدرسة في وزارة التربية والتعليم من قبل
بل كانت منظمة جدا
ولكن في ظل المجلس الأعلى بدأت المعاناه والإستهتار بالأهالي
حبذا لو أوجدوا طريقة حضارية تتناسب مع المباني ومع الشعارات التي يرفعونها في تسجيل الطلاب...

[بـــــــنت النوخـّــــذه]

نصيحه لاخت تبغيلج الخير يا ام خليفه 000 مره ثانيه سوي الي بقولج اياه وشوفي اشلون بيراكضون لج00 وحده اعرفها لعوزوها بالتسجيل نفسكم تدرين اشسوت قالت لزوجها تعال بس ببدلتك العسكريه (زوجها منصبه كبير ) والله العظيم تلفون واحد عند المديره شافته ان مشت له تسجيل بناتهم 00 للاسف زمنا زمن الناس يمشون جذيه 00ولحد يقول لي لا مايصير الا يصر ونص وصار وربي على الي قلته شاهد 00

وصراحه لازم يكون فيه نظام بعض المدارس كنه داخلين حرب والبعض للامانه تنسيق وترتيب00وبالتوفيق للجميع:)

[الصريحه]

نفس الشيء نقعت في الحر والرطوبه واخرتها ما سجلت ولدي علشان الشهاده من الكهرباء وتقول بكره بجيبها وسجلوه لرفضوا صراحه اذا عيالنا ماتفوقوا شيء يبط الكبد

[شموع قطريه]

الله يرحم ايام المدارس الحكوميه اللي مايردون فيها حد من الطلاب اللي بيوتهم قريبه من المدرسه حتى لو اضطرت المدرسه لفتح شعب جديدة تستوعب الطلاب .. الحين الطالب بيته في الريان ويداوم في بوهامور .. عادي عندهم .. ويقولون ليش الشوارع زحمه

[ام خليفه79]

الله يعطيكم العافيه ع الردود وصج صج ما عندهم سالفه


والله أن أنا أعرف ناس سوووا الحركة أنها أطرش زوجها وصج سجلوا بنتهم بدون أي تعب

[زمان الصبا]

و انا أضم صوتي لصوت بنت النوخذه و اقول لك
حتى إذا زوجك مش ضابط كبير
بس يكشخ و يرز وجهه
وشوفي و الله يتراكضون له
و العكس صحيح في مدارس الاولاد


,,,

[ام خليفه79]

و انا أضم صوتي لصوت بنت النوخذه و اقول لك
حتى إذا زوجك مش ضابط كبير
بس يكشخ و يرز وجهه
وشوفي و الله يتراكضون له
و العكس صحيح في مدارس الاولاد


,,,



هاي السالفه حبيبتي استوت لبنت اختي مش لي وأنا سرت معاها التسجيل وشفت هااي كله
وصدق ما عيبني الوضع

وفديتج أنا مش متزوجه ......

بس أقولج في ناس سوا الحركة من هلي أن يطرشون أزواجهم بدريساتهم وكاشخين !!!!!!!!!

[شيخ القبيلة]

كل شي وله نهاية وهالموضوع وغيره بيكون له نهااااااااااااااااية

[ماريسا]

نصيحه لاخت تبغيلج الخير يا ام خليفه 000 مره ثانيه سوي الي بقولج اياه وشوفي اشلون بيراكضون لج00 وحده اعرفها لعوزوها بالتسجيل نفسكم تدرين اشسوت قالت لزوجها تعال بس ببدلتك العسكريه (زوجها منصبه كبير ) والله العظيم تلفون واحد عند المديره شافته ان مشت له تسجيل بناتهم 00 للاسف زمنا زمن الناس يمشون جذيه 00ولحد يقول لي لا مايصير الا يصر ونص وصار وربي على الي قلته شاهد 00


شي مؤسف

[tomtom77]

الله يرحم زمــــــــــــــــــا ن أول

تسجيل 4 أيام وبدون زحمة كم واحد عنده عيال كم واحد عنده مشاغل كم واحد ما يدري أن أبتدأ التسجيل

[ام خليفه79]

الله يكون بالعون والله يقعدون بس اليهال ف البيت إذا ما حصلوا رقم ؟؟؟؟



بس لين متى هالنظام التعبان !!!!

[الشمالي111]

1- مشكله التدريس اللي من اسواء الى اسوى
2- الامتحانات اللي غير عن المناهج
3- التسجيل اللي صارله ضوابط وقواعد العن من عسكريه قبل
4-الطلبات اللي منهم ولا تخلص
5-مدرسين العربي يدرسون علوم ومدرسين الفنيه يدرسون عربي والكل داري في هالشي



وين تبون التعليم يصير فيه تطور ولا طريق تسجيلهم اللي والله قاعدين نسمعها من الراديو ومن الناس اللي رايحين يسجلون هناك

بس عندي كلمه اهم جالسين يسمعون شكاوى الناس ودارين ان فيه مشكله ليش مايحلونها ولا عاجبهم الوضع اللي احنا فيه والله حرام

بس مانقول الا الله يرحم ايام وزاره التربيه والتعليم:weeping: اللي كان الواحد يسجل في عياله في المدرسه وهو مرتاح وكان الصف في مايقارب 35 الى 40 طالب وتخرج منها الوزير والمدير والمهندس والدكتور

لاكن الحين ماندري وش بتخرج من هالمدارس المستقله علماء فضاء او مكتشفين عالم جديد

ماندري

[الغريب3]

الحل الوحيد إن ماندرس عيالنا في المدارس لين ماتتحقق رؤية قطر 2030 للتعليم ونوفر عليهم الجهد المبذول لذلك ياختي : الله يعين على التعليم في قطر صار المواطن مايقدر يسجل ابنه او بنته الا عن طريق الواسطه وبطرق غير قانونيه صدقيني انه الواحد يتقطع من داخله وهو يشوف هذا الشي وللاسف انه لاحسيب ولا رقيب عليهم مجموعه جالسه تتصرف على كيفه........... خسارةالكفاءة في الوزاره الي صاروفي خبر كان ...... ام بند مركزي وتقاعد مبكر حراممممممممممممممممممممممممممممم

[الـخـالـدي]

الله يكون في عونا عليهم والله يستر على عيالنا من دراستهم الفاشله

[um3lianny]

كل اناء بما فيه ينضح

احنا تعذبنا لتسجيل اختنا - امي بكشختها و عمرها قاعده وسط العالم الظهر اكثر من ساعه و عند الدخول تموا الامهات يتراكضون للارقام و طبعا خلصت الارقام و تمينا ندور باوراق اختي من مدرسه الى مدرسه لين ما الله يسرها - و انتوا عارفين ايش يعني!