الفرق الطابوق الاسود والطابوق الاحمر

[Dear All]

السلام عليكم
اخواني ابي اعرف من اصحاب الخبرة الفرق الطابوق العادي الاسودوالطابوق الاحمر

لاني بنيت بيتي من الطابوق العادي ولا زلت في مرحله البناء من الدور الاول ونصحني بعض الاخوه بالطابوق الاحمر لما فيه من خصائص العازله للحراره وغيرها

واذا كان الطابوق الاحمر افضل من العادي هل تنصحوني باْزالة الطابوق الذي بنيته
لاعيد بناءة بالطابوق الاحمر

وهل هناك مكملات للطابوق العادي حتى يكون في مواصفات الاحمر

ولكم مني كل الشكر والتقدير

[شموخ دائم]

,

,

مرحبا اخوي

الله يعطيك العافيه ومنزل مبروك ان شاء الله

الان احنا في وقت من الواجب والمهم تركيب عوازل حراريه

خاصه للحوائط الخارجيه

لنحافظ على درجه حراره البيت مناسبه خاصه ونحن نعيش في مكان صحراوي

تركيب الطابوق العازل هذا شي ضروري ولا نقاش فيه

اما النقاش فهو في النوع

هناك الطابوق الاحمر

http://www.qcbc.com.qa/pictures/Laod%20Bearing%20Bricks%20for%20Walls/Laod%20Bearing%20Bricks%2020X20X40%20Cm._thumb.jpg

هناك الطابوق العازل الازرق

http://www.alassas.com/insulated-block.jpg

الطابوق العازل الابيض

http://www.uaecc.net/up/files/6010.jpg

نصيحتي تشيل الطابوق الي على الاجناب للبيت ( ماعدا الحمامات )

وتركب الطابوق الى فيه العازل الازرق

نوعيه ممتازه جدا جدا

وماراح يكلفك كثير لانها كميه بسيطه

باذن الله راح تلاحظ الفرق بعد ما تسكن البيت بيكون دائما

حرارته مناسبه والتكيف دائما بارد بالبيت

بالتوفيق لك


,

’


اخوك


شموخ دائم

[Dear All]

الله يبارك في عمرك ياشموخ دوم متميز في ردودك

بس ياخوك ابي اسالك اذا غطيت الطوف بالبتمون (العازل)وفوقه البلاستر يعطني نفس النتيجه للطوف للطابوق العازل
لانها سالفه هد الطابوق واحط طابوق ثاني
ولك كل الشكر والتقدير على جهودك الطيبه

[شموخ دائم]

,

,


مرحبا اخوي


البوتومين ( الاسود )

اذا تقصد هذا

http://knol.google.com/k/-/-/3avbdirt4kt2r/zer9rg/dsc00441yt9oo0.jpg

هذي الماده عازله للرطوبه وتستخدم لعزل الاساسات عن الرطوبه

وايضا تستخدم في الحوائط الخارجيه للعمارات وهي لعزل الرطوبه

ولا تعزل الحراره

والخيار لك

,

,


اخوك



شموخ دائم

[بويوسف]

اخوي ما انصحك تشيل الطابوق .. ركب لك حجر طبيعي وبيعطيك عزل مثل الطابوق العازول وشكل جميل زيادة عليه .. ولن تحتاج الى صيانة مستمرة كالصبغ .. ويفضل اذا قدرت انك تركبه ميكانيكال ..

[الكتاروني]

رأي الأخ بو يوسف ممتاز و إن وجدت تكلفة من الحجر الطبيعي يمكنك تركيب حجر صناعي ( طبعا الحجر الطبيعي أفضل ) و تذكر إنك ستقوم بتوفير قيمة البلاستر الخارجي .... و للعلم علي المدي الطويل الحجر أفضل من حيث الصيانة و العزل الحراري.

[سهم سهم]

موضوع في غاية الاهمية

بس يا ريت سعر الثلاث انواع من الطابوق

وشكرا

[باسورد]

مرااااحب للجميع

بغيت استشير اخواني الكرام ممن سبقوني في البناء اركب حجر احمر ولا حجر طبيعي؟

طبعا يهمني بالدرجه الاولى الفرق بينهم من ناحيه :

1- العازل للحرار

2- التكاليف : الفيلا 657 والارتفاع 9 متر تقريبا او 8 مو مركز صراحه

3- طول المده

اللي عنده اضافه يحطها هني

وجزاكم الله خير

[باسورد]

يرفع للفائده

جزاكم الله خير

[بويوسف]

اخوي باسورد كما قلت سابقا الحجر يتفوق على الطابوق الاحمر ..

طبعا السعر بيكون اعلى .. والتكلفة تعتمد على مساحات الواجهات ونوع الحجر وطريقة التركيب ..

الطابوق الاحمر العزل فيه مش كبير ولكن اذا تكلمنا عن الطابوق العازل الابيض اللي بوسطه فلين فالنوعية الزينة منه سعر الطابوقة سبع ريال تقريبا .. وهذي انه ممكن احطها كمنافس للحجر اكثر من الطابوق الاحمر

ولو قارنت سعرها مضاف له سعر الصبغ والبلاستر فأنا افضل دفع مبلغ زيادة وشراء حجر وحبذا يكون طبيعي .. احسن واحسن ..

اذا كانت التكلفة صعبة عليك وتريد عزل فالطابوق الاحمر لايزيد على الطابوق العادي الا بعدة الاف فقط .. يعني الفرق بسيط ..

[بويوسف]

خلنا نفترض انك تبغي حجر طبيعي متوسط السعر فالتكلفة التقريبية بتكون تتراوح بيين 100 الف ريال وال 200 الف ريال لجميع الواجهات ..

اذا بيتك كان على شارع واحد وعندك واجهة واحدة يكفي عمل واجه حجر فقط والباقي ركب فيه طابوق احمر بيطلع لك ارخص بكثير ..

[باسورد]

درر بويوسف بارك الله فيك