رواتب البنوك

[$hamad$]

رواتب البنوك

انا اليوم قدمت في البنك التجاري في الفرع الأسلامي (صفا)

وقالوا لي انهم بيردون علي بعد فترة

لانهم موقفين باب التوظفين حاليا

وانشاء الله يكون لي نصيب

شباب حبيت اعرف كم رواتب البنوك؟

وين أحسن بنك من ناحية الراتب؟

واذا حد عندة فكرة كم يأخذون موظفين البنك التجاري

ومشكورين

[PoBox]

*
*

الراتب يختلف حسب من تكون انت
جامعي
ثانوي
اقل ، اعلى
شغال من قبل
خريج جديد
نوع الوظيفة
واسطتك
الخ الخ

وان شاء الله الاخوان يفيدونك

[$hamad$]

انا ثانوي

[$hamad$]

يعني يتراوح من كم الى كم؟ وممكن تعطينا فكرة عن رواتب البنوك الثانية؟

[$hamad$]

ثانوي
جديد

اي قسم؟

[القلم الصريح]

ثانويه جديد بين ال8 الى 10 حسب علمي مو متاكد

وعادة اول مايتوظف يتدرب فتره وبعدين يا يشتغل تلر او كاشير او كستمر سيرفس

[theeb_qatar]

سعمت ان البنك البريطاني 14 الف .. !!
وظيفة تلر .. @@

عاد مايندرى صج ولا اشاعه ..

البنك الوطني رواتبهم 10 الالف للثانويه

[qqaattaarr]

خلك في البنوك الاسلاميه حتى لو رواتب ضيعفه الله راح يبارك في الراتب انشاء الله
والله يبعدك ويبعدنا عن البنوك الربويه

[bo_besht]

انه اشتغلت بالصفا سنتين وانه من المؤسسين له
الثانوية من غير خبرة 8000 ريال
والجامعي من غير خبرة 15000 ريال
وكل مازادت الخبرة زاد الراتب ويفضل الخبرة المصرفية

[$hamad$]

تلر يعني شنو؟

[$hamad$]

والله رواتبهم مب لين هناك؟

وبعدين انا قلت لهم ابي اتوظف في بنك الصفا لانة اسلامي

[BuFaisal]

تلر يعني شنو؟

صندوق = محاسب

[STAR]

تيلر= تقدر تقوول كاشير

[$hamad$]

المصرف الأسلامي كم رواتبهم؟ثانوية؟

[بو خليفه 123]

رواتب البنوك

انا اليوم قدمت في البنك التجاري في الفرع الأسلامي (صفا)

وقالوا لي انهم بيردون علي بعد فترة

لانهم موقفين باب التوظفين حاليا

وانشاء الله يكون لي نصيب

شباب حبيت اعرف كم رواتب البنوك؟

وين أحسن بنك من ناحية الراتب؟

واذا حد عندة فكرة كم يأخذون موظفين البنك التجاري

ومشكورين


مرحبا يا بو شهاب ..


من وجهة نظر بنكيه (ليس بنك التجاري تحديداً) و بصفه عامه ..

هي تعتمد اولاً و اخيراً على الخبره البنكيه .. فأذا لك خبره بنكيه كافيه فأنت مرغوب بغض النظر عن مستوى التعليم والشهاده .

ثانياً (لاحظ التناقض) : المستوى التعليمي والشهاده .. حيث بأمكانك مناقشة العرض والراتب و ذلك كلما اقترب تخصصك من مجال البنوك حيث ان الدرجات يتم تقييمها بناءً على الخبره البنكيه و الشهاده التعليميه معاً .

عموماً اللي أنا اعرفه انه الوظائف المتوفره للمتقدمين على البنوك بدون خبره بنكيه و شهاده ثانويه يتوظفون على وظيفة Teller او Customer service trainee الى ان يتم تثبيتهم .. هذا و إن كان في ادارة الافرع .

اما الادارات الاخرى يعتمد على المنصب الشاغر ..

و هكذا ..


تحديد الرواتب مش سهل لأنه الراتب يتم تحديده بعد المقابله بعد الاطلاع على ال CV و بعض البنوك تقدم اختبار قبول .. على حسب .


تتدرج رواتب موظفين البنوك ابتداءً من 9000-11000رق و من 14ألف-17ألف الى 36ألف و من ثم المناصب العليا



اتمنى مشاركتي كانت مفيده و جاوبتك على سؤالك ..

[$hamad$]

مشكور يا أبو خليفة

لو فرضنا ماعندك خبرة بنكية وكان عندك واسطة

راح يشغلونك ولا لا؟؟؟

وبعدين ليش كل ماتتقدم الى وظيفة يبون الخبرة

ليش ما يعطون الشباب فرصة ليعرفة ويكسب الخبرة مع الوقت

يعني لو ما عني خبرة وتدخل تعلمت الشغل أكيد خلال أقل من ست شهور

بكون تعلمت ويعني المفروض البنوك توظف حتى لي ماعندهم خبرة

لان مع الوقت راح يستفيدون منهم

[بو خليفه 123]

مشكور يا أبو خليفة

لو فرضنا ماعندك خبرة بنكية وكان عندك واسطة

راح يشغلونك ولا لا؟؟؟

وبعدين ليش كل ماتتقدم الى وظيفة يبون الخبرة

ليش ما يعطون الشباب فرصة ليعرفة ويكسب الخبرة مع الوقت

يعني لو ما عني خبرة وتدخل تعلمت الشغل أكيد خلال أقل من ست شهور

بكون تعلمت ويعني المفروض البنوك توظف حتى لي ماعندهم خبرة

لان مع الوقت راح يستفيدون منهم


يعتمد على قوة الواسطه أخي الكريم :)


اما بخصوص الشباب الجداد و اللي ماعندهم خبره .. بالعكس معظم البنوك توظف الموظفين لأكتساب الخبره و تأهيلهم و توفير التدريب المتطلب , و لكن هناك عدد كبير من يرفض هذي الوظيفهاو أن يبدأ حياته العمليه بمنصب Teller او كستمر سيرفس

و بالنهايه و الاخير يعتمد على عدد المناصب الشاغره لدى البنك , توافقاً مع المصروفات المخصصه للأداره . لانه راتب الموظف من مصاريف الاداره .