معقوله طرشوا لي مخالفه مطراش عدم ربط حزام الأمان وانا غير متواجد بالمنطقه

[الأغر]

يا جماعه ايش الحل بخصوص المرور تفاجأت اليوم ان علي مخالفه والمخالفه عباره عن عدم ربط حزام الأمان في منطقه عن نفسي ما وصلتها ولا رحت صوبها وبهالساعه تحديدا كنت في الصناعيه هل اللي يسجل المخالفات عنده ذمه ؟ ولا مجرد تخمين وليش ما وقفني طالما هو شافني مع اني ما اتحرك الا وانا رابط الحزام !
هل ممكن احولها محكمه وحلف يمين ولا ايش الأجراءات المطلوبه ؟؟

[technical]

هذه ضرائب لدعم خسائر جهاز قطر للأستثمار !

[Gh2o]

عادي اخوي روح اشتك وان شاء الله بتاخذ حقك

[البدع]

انا جاني مسج ب 600 ريال قبل اسبوعين

والله كريم

[حبر سري]

اخوي قبل المحكمة وحلف اليمين على قولتك , روح المرور واطلب كعب المخالفة , يمكن في غلط صار اثناء ادخال المخالفة للسستم

[الأغر]

اخوي قبل المحكمة وحلف اليمين على قولتك , روح المرور واطلب كعب المخالفة , يمكن في غلط صار اثناء ادخال المخالفة للسستم

كعب المخالفه يعني اروح المرور واطالب بالمسمى اللي قلته وراح يعطوني الكعب وبعدين؟

[الوحداني]

لاتشكيلي ولا اشكيلك

انا استمارتي بتنتهي وقلت باشيك على المخالفات وتفاجأت بمخالفة حزام الامان!!!!500 ريال السائق ومن بجانبه والساعه خمس بخط سلوى وبهالتاريخ انا راقد
والشي الغريب ان معظم المخالفات لو تلاحظون في شهر 4 و 5 وبدون تحرير مخالفة بنفس المكان من رجل المرور!!! والله شي غريب اتوقع كل السيارات عليها مخالفه حزام الامان ضرب 500 = مادري كم
المهم الحشره مع الناس اي ناس الا العالم عيد

[حبر سري]

كعب المخالفه يعني اروح المرور واطالب بالمسمى اللي قلته وراح يعطوني الكعب وبعدين؟

وبعدين الله يسلمك امسكه بيدك , وحطه قدام عيونك , وشوف , هل البيانات اللي في كعب المخالفة هي بيانات سيارتك ولا سيارة ثانية ؟ يعني يمكن اللي دخل المخالفة(او في الغالب اللي دخلت المخالفة) غلطت في رقم من نمرة السيارة , او رقمين , يعني مثلا اذا كان الرقم xxyxy هي دخلت xyyxy جذيه يعني

اما اذا شفت ان البيانات متطابقة , ادخل على ضابط المخالفات واشرح له الوضع , ان شفت مافي فايدة , وقتها اشتك عليهم كل ابوهم ولا عليك من حد دامك واثق انك ماغلطت

والله مايضيع حقك ان شا الله

[الأغر]

وبعدين الله يسلمك امسكه بيدك , وحطه قدام عيونك , وشوف , هل البيانات اللي في كعب المخالفة هي بيانات سيارتك ولا سيارة ثانية ؟ يعني يمكن اللي دخل المخالفة(او في الغالب اللي دخلت المخالفة) غلطت في رقم من نمرة السيارة , او رقمين , يعني مثلا اذا كان الرقم xxyxy هي دخلت xyyxy جذيه يعني

اما اذا شفت ان البيانات متطابقة , ادخل على ضابط المخالفات واشرح له الوضع , ان شفت مافي فايدة , وقتها اشتك عليهم كل ابوهم ولا عليك من حد دامك واثق انك ماغلطت

والله مايضيع حقك ان شا الله

يعطيك العافيه ما قصرت اكيد متأكد لاني كنت بالصناعيه حتى العمال وصاحب الكراج يشهد بهالشي لاني كنت اغير درامات وسفايف واشياء كثيره وما طلعت الا الساعه 7:30 من الصناعيه واساسا ما مريت على مسيمير او المناطق المذكوره وانشوف ان شاء الله جزاك الله خير مره ثانيه

[Doha Sun]

الله يفكنا من المخالفات العشوائية ..

[KHALiDiSH]

والي يقولك

انا مسافر صارلي ٨ شهور والسياره صافه في جراج البيت وما تشتغل من اصله

وما ادري من كثر كلامكم قلت اشيك على المخالفات

الا احصل مخالفه ربط حزام :eek5:

اتصلت البيت اسأل يمكن حد من اخواني خذ السياره او صلحها :waiting:

الا يقولولي السياره من يوم ما رحت موجوده في الجراج وبغبرتها الي عليها :omg:

من ينصفني :confused:



ليش ما يتعلمون من الدول المتقدمه نفس بريطانيا

ما يخالفون الا مصورينك الف صور عشان ما تكون عندك حجه

[سيف العشق]

انا من 10 ايام جاني مسج وقال عندي مخالفه في منطقة الخليفات الساعه 5 قبل المغرب

وانا والله العظيم طالع من البيت وابي اتصل على رجال وشفت الساعه كانت 5,37 وبيتنا في الريان

الجديد وكلمت الرجال ورحت محلات ابوي في شارع آل شافي ونزلت وطلعت قولوا لو نص ساعه

وين خالفوني والمخالفه طبعآ مش رادار واحد من الشباب شكله مارقد وحط اي رقم وطرش

حسبنا الله ونعم الوكيل

[theeb_qatar]

اثبت المرور ان همهم هو الماده لا غير
صج مصخره

اول امس انا نايم المغرب .. 6 ونص ..
اليوم مطراش مطرشين لي مخالفه حزام

نظام مصخره + فاشل .. وهمهم الماده
ووهذا رايي وانا حر فيـه .. فـ لحد يمسح رجاءااا ..

[R.S.C]

اخوي عنده مخالفتين حزام ويحلف لي انه كان رابطة في هالوقت اللي مسجلين عليه مخالفه ؟؟

[الـخـالـدي]

محد معصوم عن الخطا بس للأسف المشكله فيها روح وتعال واشتك وراجع هذا اللي يعور الراس

الله يكون في عونك اخوي

انا مره صكوني 1000 ريال عند دوار واحد مع ان مافيه ولا دوريه عند الدوار هذا اللي انا مستغرب منه

[جنوب الدوحه]

من كل حدب وصوب ,,

[البيت بيتك]

الله يفكنا من المخالفات العشوائية