ايش الافضل بي ام او المرسيدس ؟ ولماذا ؟

[^امـ نواري^]

مساء الخير ..

ندخل في الموضوع ..

جدامي سيارتين موديل 2009 .. bmw 325 و مرسيدس c200
الاسعار متقاربه والشكل الخارجي جدا رائع واللون جميل جدا ..

بس ..
طبعا ونظرا لظروف المعيشة والراتب ولله الحمد والمنه ..
فحبيت استفسر عن ..
ايهم افضل .. يعني من ناحية الاستعمال .. الصيانة .. التكاليف .. السيرفس ..


لحد يقول خذي شي ثاني او يعرض سياره بديله عن هالسيارتين حاليا !!
وموضوع الكامري والافالون موجود ..
بس هذا مشروع ثاني .. وفي خاطري اخذ منهم


شتشوفون ياجماعة؟
وليش تفضلون سيارة عن الثانية ؟

[مضارب]

والله انا اقول اخذي البي ام احسن ، والله انه موتر عملي لان اخوي عنده و حده جحم ٥٣٠ والله انه حاكها حك ، من ناحية السيرفيس عجيبه انا اعتقد انه احسن سيرفس سيرفس البي ام لانه خدمه محترمه ، والشي الزين في ال بي ام انك اتجدد الضمان مثلا اذا عددت ١٠٠ الف تقدرين اتجددين الضمان لين ١٠٠ الف ثانيه .
اما المرسيدس والله ماعندي اي معلومات عنها .

وبالتوفيق *

[شموخ دائم]

,

,



والله الاثنين حلوين سياره المانيه وكشخه

انا من عشاق المرسيدس

له شخصيه مميزه بالسواقه

ثابت بالشارع

ومحكم جدا ما تسمعين صوت هواء من الشبابيك

والامان فيه عالي جدا

وانصح فيه وصيانته مو غالي كثير ومو رخيص

وسط

جربت ال s

وجربت e

وجربت ال ml

كلهم روعه

اعتقد ال bmw تناسب شخصيه البنت اكثر






,

,


اخوك


شموخ دائم

[ALHAJAJI]

اخذي المرسيدس , اشوفه عملي اكثر وكشخة وفي نفس الوقت لها سوق

[hasss1969]

انا من فترة بسيطة اخذت x5
وكنت طول عمري بين الياباني والامريكي لكن لكن جربت الالماني ,,الحقيقة فرق في كل حاجة...سواء السيطرة او المتعة او القوة والمتانة.لكن من ناحية السرفيس فمعروف ان صيانة الوكالة مكلفة جدا .فلو اردتي عمل فحص فقط بدون تصليح في الوكالةب 500 ريال .
هذا رايي المتواضع والامر في النهاية بيدك
اما عن المرسيدس فماعندي فكرة لكن اعتقد انها قريبة من البي ام...

[فــلان]

BMW 1st

وجاهه , تكنولوجيا , ثبات , عمليه , سيرفس , وكاله , كل شي ..

يكفي إنها سابقه المرسدس بخمس أجيال وهاذي حقيقه موثقه مصنع المرسدس بنفسه ماينكرها.

بالتوفيق إن شاء الله :)

[الـخـالـدي]

كلهم حلوين

من ناحيه ميكانيكيه المرسدس متفوقه على البي ام مكينتها اقوى وعمرها اطول

اعطالها اقل والله العالم وهذا منهج تتبعه شركة مرسدس

سعر صيانة المرسدس اقل البي ام وهذا اللي تتجه له شركة مرسدس

فكري بالافالون فخمه حلوه وسيعه لج وللي بيركب معاج وافضل من الثنتين

فالنهايه الخيار لج

[العضو الماسي]

بي ام وانتي مغمضه يكفي كفاله 3 سنوات سيرفز مجاني ببلاش

و في حاجه جدا مهمه فالمقارنه c200 يجي 4 سلندر يعني بطه - 325 تجي 6 سللندر ارحم شوي من 4 سلندر واقوى

[alkoos]

اخوي صحيح 4 سلندر لكن كمبرسير يعني يحرق مواتر كثيره 6 سلندر وانا اشوف المقارنه بينهم صعبه لكن تتفوق البي ام لان سيرفسها 5 سنوات مالج شغل في السياره الصيانه من الى على الشركه ماعدا التواير ومن ناحية البيع يتفوق المرسيدس ومن ناحيه السواقه الثنين روعه لكن احس ان البي ام شوي احلى

[^امـ نواري^]

ماقصرتو والله على هالردود وهالنصايح ..

ومحتاجة آراء ثانيه بعد :)

طيب بالنسبه للتأمين ليش هالسياير تحتاج تأمين شامل ؟ وليس تامين ضد الغير؟؟
..

[^امـ نواري^]

وين البــاقي ......
ماقلتو لي اي السيارتين تفضلون وليش ؟
bmw 325 او مرسيدس C200 ..

[العضو الماسي]

التامين مزاجي وليس اجباري تامنين شامل

[مضارب]

انا اقول اخذي bmw

[فلفل حار]

ماعندي خلفيه بالآلمـاني ...
بس دام البي آم على الضمـان توكـلى على الله لآنه حسب علمي ضمانهم 5 سنوات وكل شي عليهم ...
اللهم تواير وبتـرول عليج ...


وآهم حاجه الآمور الآستهلاكيه هل تشمل عرض الضمـان ...؟ مثل السفايف والآيـل والبلكات ...؟
آتمنـى الآخوان يفيدونج ... :)




وآذا بتفكـرين بالياباني آخذي لج آفالون آصفــار لمتد آلي حصلتيها بـ95 آلف ....
بالتوفيـــق ...

[العضو الماسي]

ماعندي خلفيه بالآلمـاني ...
بس دام البي آم على الضمـان توكـلى على الله لآنه حسب علمي ضمانهم 5 سنوات وكل شي عليهم ...
اللهم تواير وبتـرول عليج ...


وآهم حاجه الآمور الآستهلاكيه هل تشمل عرض الضمـان ...؟ مثل السفايف والآيـل والبلكات ...؟
آتمنـى الآخوان يفيدونج ... :)




وآذا بتفكـرين بالياباني آخذي لج آفالون آصفــار لمتد آلي حصلتيها بـ95 آلف ....
بالتوفيـــق ...


الضمان 3 سنوات الى 60 الف كم

وممكن يتجدد بمقابل مبلغ مادي قبل انتهاء الضمان ب شهر

والضمان شامن من الى

ماعدى البترول والتواير