... بنك قطر الوطني : أخلعي النقاب وراح نشغلك.....حدث في مايو 2010

[kopoyashi]

.
.
.


التاريخ
منتصف مايو 2010

الوقت
9:00 صباحاً

المكان
مركز التدريب والتطوير التابع لبنك قطر الوطني


اشتكت أحد الأخوات على بنك قطر الوطني من سوء المقابله التي جرت لها في مركز التطوير والتدريب التابع لبنك قطر الوطني ..
أدار المقابلة 3 أشخاص (قطري و 2 عرب)
وكان محور حديث المقابلة عن النقاب ولماذا تلبسينه ..واذا انت منقبه كيف تسمحين لنفسك في العمل في بنك ؟؟!!!
ثم أخبرتهم أنها رأت بعض الأخوات الموظفات في البنك بنقابهم ويعملون بشكل طبيعي
فرد أحدهم ( عربي ) : اعطينا اسم وحده ؟
طبعا رفضت ذكر اي اسم واستغربت من طريقة الأسئله
وعندما اعتذرت عن شرط خلع النقاب ..تكلم أحدهم للأخر بكلمة :
End it up
انهي المقابلة
وقالها بصوت عالي حتى انه لم يحترم مشاعر الأخت والتي كانت تسمع حديثهم بشكل واضح

وتذكر الأخت أن خلال المقابلة لم تسأل أي شي عن طبيعة العمل في البنك أو عن خبرتها ..



.
.
.

[كازانوفا]

بالله عليك ليش ما قلبت الطاوله عليهم قبل ما تطلع
ما هي خربانه خربانه
الله يخربها فوق روسهم ان شالله دنيا واخره على هالاسلوب الاجرامي
صحيح ناس لا ذمه ولا ضمير

[البدع]

حتى الشركة الي اعمل فيها

اذا الي يسوي مقابلة اجنبي او من لعاب

فالمنقبة ماتنعطى وظيفة

مساكين ... قابضين على الجمر

[بنت ابوها 19]

مع احترامي لكل منقبه ..


استغرب يعني منقبه تقدم على بنك شوله وتحط نفسها بهل الموقف

ماهو عارفين احنا من زمان انه النقاب في البنوك وبعض الشركات الخاصه ممنوع


يعني الناس تحط نفسها بموووقف وعقب تشتكي وتقول والله سو فيني

انا لو منقبه مستحيل اقدم على بنك وانا ادري انه هل الشي ممنوع يعني بالعقل
شلون اشتغل ببنك وانا منقبه
ماتدخل العقل .؟؟؟

[ماريسا]

^
مع هذا الرأي

[رويس]

مع احترامي لكل منقبه ..


استغرب يعني منقبه تقدم على بنك شوله وتحط نفسها بهل الموقف

ماهو عارفين احنا من زمان انه النقاب في البنوك وبعض الشركات الخاصه ممنوع


يعني الناس تحط نفسها بموووقف وعقب تشتكي وتقول والله سو فيني

انا لو منقبه مستحيل اقدم على بنك وانا ادري انه هل الشي ممنوع يعني بالعقل
شلون اشتغل ببنك وانا منقبه
ماتدخل العقل .؟؟؟

صدقتي......................... عاد نقاب هالايام مصييييييبه ؟؟؟؟؟ اسمه نقاب لسد الفضايح بس .... وانا اقول اي وحده منقبه نقاب وماطه الكحل وتارسه من هالبودره ياتروح تدور في المجمعات او تقعد في بيتها ابرك لها .... والحمدلله .

[al-vtc]

تعليقي .............>>> مب كل منقبة منقبة

[رياني qtr]

بالله عليك ليش ما قلبت الطاوله عليهم قبل ما تطلع
ما هي خربانه خربانه
الله يخربها فوق روسهم ان شالله دنيا واخره على هالاسلوب الاجرامي
صحيح ناس لا ذمه ولا ضمير

:nice::nice::nice:

[الحجاجي]

تعليقي .............>>> مب كل منقبة منقبة

معاااك في هالشيء :(

[الخنجر]

يعني متنقبة وتعمل ببنك ربوي .. ؟؟؟؟

[Fm80]

للأسف في بعض النسوان تلبس النقاب لتستر وليس للستر

فئة قليلة خربت على سمعة النقاب

وهالشي يحرق القلب ... الله المستعان

[نور الحور]

بعض الردود استفزازية بصراحة ..
إذا الوحدة في بلدها ما تقدر تلتزم بنقابها عيل ما نلوم الأجانب لين شنوا حملة شعواء على الحجاب!!!!!!!!!!!

بالنسبة للبنوك ..أعرف عدة أخوات منقبات يشتغلون في القسم النسائي من البنوك ...

وبالنسبة لي حصل لي موقف تافه من ناس تافهين بصراحة .. حبيت أغير شغلي الحالي فقدمت على بنك الريان القسم النسائي عن طريق أحد المعارف اللي يشتغلون هناك (وماجاب طاري إن النقاب ممنوع) ... وكان السي في بحمدالله مشرف ..
اتصلوا لي بعدها بفترة إجراء المقابلة (ومرة ثانية ما جابوا طاري النقاب) ...
استأذنت من شغلي .. ودخلت البنك .. والله ثم والله ..جاتني وحدة ..قبل لا يدخلوني للمقابلة ..قالت : أختي انتي منقبة؟؟؟ قلت لها : نعم .. سألتني ممكن أشيله في الدوام وأقبل بالاختلاط (اختلاط سافر واحد جنب وحدة .. وللأسف في بنك إسلامي) قلت لها : لا طبعا ..
قالت : آسفين ما نقدر ندخلج للمقابلة !!!!!!!!!!!!
قلت لها : إذا كان الموضوع بهالشكل ليش ما سألتوني بالتلفون يوم كنتوا تخبروني بموعد المقابلة ..يعني لازم تسحبونا وتقولون هالكلام بالطريقة البشعة هذي في وجوهنا؟؟؟ إنا من حقي أقابل المسؤول...
وبعد أخذ ورد .. دخلت على المسؤول .. واعتذر بأن قانون البنك المركزي يمنع النقاب لأنه في معاملات مالية .. قلت له والقسم النسائي؟؟؟ قال مافيه كله خلط في خلط ..
قلت ليش ما قلتوا من قبل وسألتوني بدل هالمرمطه ؟؟

صراحة قمة البجاحة وقلة الذوق ....
ولا .....شرايكم ؟؟؟؟

مضيقين على المنقبات (وأنا أقصد الملتزمات) وكأنهم مسويين جريمة .. لازم كشف واختلاط ونخلي البساط أحمدي لأن هذا التقدم والتحضر وإلا فلا .. (طبعا ما يشمل هالكلام كل الكاشفات عشان ما تطيحون فيني بعد ...هههههه)

[QATAR 4 EVER]

مع احترامي للمنقبات.......

شالي حااااااااااااااااااادهم يشتغلون في بنوك ربويه!!!!!!!!!!!

وبعدين من بديهيات الستر ان الوحدة تتجنب مخالطة الرجال ومعروف عن معظم البنوك انها سلطه مختلط فيها الحابل بالنابل!!!!!!!!!!!

ابي افهم شلون منقبة وتبي الستر ((وتستقبل عملاء )) واسمها مكتوب بالخط العريظ قدامها !!!!

هل عقولنا لازالت في رؤسنا؟؟؟؟؟؟؟؟؟؟؟؟؟؟

[Darco]

الناس ضيعوا البوصلة .. ملتزمة بنقاب وماعندها مشكلة تشتغل في بنك ربوي!!

مع احترامي الشديد لها ولكل أخت كريمة وأعتذر عن المثال اللي أسوقه تالياً, مع فارق التشبيه:

تروي كتب الأدب أن رجلاً حملت منه امرأة سفاحاً, ولامه الناس وقال له أحدهم: لم لم تعزل؟! فأجاب: بلغني أن العزل مكروه! .. فردوا عليه: قاتلك الله!! بلغك أن العزل مكروه ولم يبلغك أن الزنا كبيرة؟!

[فارس الكلمة]

ليست كل البنوك ربوية ..

إليس النقاب حرية شخصية .. حتى لو كان البنك ربوياً ..؟

[asadfg]

والله في نساء منقبات يشتغلون ببنوك اجنبيه انا شفتهم بعيني وببنوك اجنبيه بعد مو بنك وطني الله يحفظهم ويوفقهم والله اني يوم شفتهم ملتزمين بالنقاب كبرو بعيني

[دانة الدنيا]

معروف النقاب ممنوع فالبنوك
وقبل كان ممنوع في احدى الوزارات
اذكر من كم سنه قدمت فهالوزارة على اني ابي اشتغل في كاونتر
قالوا لي لازم تشيلين النقاب اذا كنتي بتشتغلين فالكاونتر وغيره عادي
وطبعا كانوا يبون اغلب الموظفات على الكاونترات فرفضت طبعا

[بو خليفه 123]

أختي بغض النظر عن سوء المقابله مع صديقتك ..

قانون النقاب في البنك هو قانون دولي و سياسي ليس له علاقه في بنك قطر الوطني .

يعني لو صديقتك قدمت في اي بنك آخر راح تتطبق النظم والقوانين عليها ايضاً , و تحديداً قانون النقاب .

السبب هو "أمني" و عدة اسباب اخرى , حتى يتمكن العميل من معرفة من يتعامل معه .


اما بخصوص الادارات الخلفيه (Back office) والتي لا تتعلق بخدمة العملاء والتعامل مع الجماهير بشكل عام اتوقع مسموح فيها النقاب .


اذا تضايقت من معاملة الاشخاص اللي قابلوها ممكن ترفع الموضوع لمصرف قطر المركزي . و لكن القانون سيبقى قانون تجاه النقاب .


تقبلي تحياتي , مع تمنياتي لك و لصديقتك التوفيق في الحصول على وظيفه ان شاء الله

[The Watcher]

اول شي اشكرك اخوي على الموضوع

انا اشوف ان الموظفات في البنوك لازم مايكونون متنقبات

ولا في اي مكان فيه جمهور

اذا هي رضت على نفسها تشتغل في مكان مختلط .. وتقابل الجمهور .. وفي بنك ربوي .. يعني حرام .. ماجات على النقاب يعني

[hamoor4ever]

هه اللي مسوي المقابله اللي تقول عنهم عرب هاذلين عندهم جواز وبصراحه قلبي داشه الشك ان اللي قايل هالكلمه هو الملقب بالقبقب ومعروف عنه كرهه للقطريين مع انه عنده جواز لكن بصراحه ورغم ان المقابله كانت سيئه العتب على البنت تبي تشتغل في بنك ربوي وهي منقبه مايجوز بس والله العظيم خيره لها لان بيئه البنك فاسده اخلاقيا وكذلك اداريا ، والله المستعان

[واحد في حاله]

شسالفه الردود فيها شي غلط ولا انا الي ماعرف اقرى

الناس صار فيها شي ولا انا الي يتراوالي

بغض النظر عن مدى تدين البنت وهل هي لابسه النقاب عاده ام عباده ,, الله اعلم بالنيات

ومن باب الحريه الشخصيه ,,, والي الجميع يطالب فيها فرنسا ويذم افعالها الموحشه ضد النقاب والاسلام

يعني تستكثرون عليها انها تطالب بهالشي في قطر ؟


وبخصوص البنك ربوي اعتقد فيه فرع اسلامي واجازه الشيخ السالوس

ومب واضح من الموضوع ان الوظيفه في خدمة العملاء


اللهم اصلح قلوبنا

[عزووز قطر]

:nice:
شسالفه الردود فيها شي غلط ولا انا الي ماعرف اقرى

الناس صار فيها شي ولا انا الي يتراوالي

بغض النظر عن مدى تدين البنت وهل هي لابسه النقاب عاده ام عباده ,, الله اعلم بالنيات

ومن باب الحريه الشخصيه ,,, والي الجميع يطالب فيها فرنسا ويذم افعالها الموحشه ضد النقاب والاسلام

يعني تستكثرون عليها انها تطالب بهالشي في قطر ؟


وبخصوص البنك ربوي اعتقد فيه فرع اسلامي واجازه الشيخ السالوس

ومب واضح من الموضوع ان الوظيفه في خدمة العملاء


اللهم اصلح قلوبنا

:nice:

النقطة الأولى ان قسم الموارد البشرية في بنك قطر الوطني هو المسؤول عن توزيع الوظايف
يعني يمكن يكون القسم الاسلامي .. !!؟

والشي الثاني البنك فيه أقسام ثانية غير خدمة العملاء .. والاخت ماحددت في أي قسم بتتوظف


وفالأخير صرنا نستنكر الحملات اللي تصير في هولندا وفرنسا بخصوص منع النقاب والحجاب .. ياليت احنا نطبق هالشي قبل لانستنكر

وماتدرون ايش هي ظروف البنت اللي حدتها على الوظيفة
والله يعينها ويثبتها

وأتمنى ان هالموضوع يوصل للجرايد
الله يستر من هالتطور والانفتاح اللي خلانا ضد النقاب

[الملا]

:nice:




وفالأخير صرنا نستنكر الحملات اللي تصير في هولندا وفرنسا بخصوص منع النقاب والحجاب .. ياليت احنا نطبق هالشي قبل لانستنكر

وماتدرون ايش هي ظروف البنت اللي حدتها على الوظيفة
والله يعينها ويثبتها

وأتمنى ان هالموضوع يوصل للجرايد
الله يستر من هالتطور والانفتاح اللي خلانا ضد النقاب

اخوانا واحبابنا وافقين ضد النقاب من صوب ومن صوب يلومون فرنسا وهولندا ومعلنين عليهم .

للاسف نفاق مابعده نفاق

ياخي اذا ما تاخذون النقاب عباده خذوها عادة والبنت ملتزمه بعادتها وتقاليدها

[جرح الزمان]

يعني متنقبة وتعمل ببنك ربوي .. ؟؟؟؟

:omg: :omg:

[بوجاسم 2009]

السلام عليكم

رايي تروحين البنوك الاسلامية

ابرك

صج الرواتب في البنوك الاسلامية اقل من البنوك الربوية

لكن نفس الوقت فيه راحة النفس و الذمة

و الله يوفقك

[STAR]

الردود مستفزة بصراحة .. اشدخل المنقبة انها ماتشتغل في البنك.. كيفها انتوا ايش عليكم؟؟؟

انتوا حتى ماتعرفون الظروف اللي حدتها تشتغل اهناااك...


واذا كانت كاشفة الوجه قلتوا كاشفة واذا تنقبت قلتوا اشلون لها الجرأة تتنقب..

يكفي ان بعض المشايخ حللوا الشغل في البنوك لظرووف...

ويمكن هم محتاجين وظيفة ومالقوا اي وظيفة غير البنك...


رجاء قبل لا تتكلمون في اعراض البنات والمنقبات شوفوا اوضاعهم المادية...!!

[روح الاطلس]

عذرا لبعض الاخوات

كأني فهمت من كلامهم ان اللي تي تشتغل ببعض الاماكن ترا مخصصه لفئة معينة بس من البنات اللي هم كالتالي:
1- مكياج كامل
2- بنطلون تحت العباية اللي مالها ازرار مدري احد بزارينهم ماط عباتها لين تقطعت ازرارها
3 علكة بالفم لزوم الطقطقه والتقصع
4- عطور فايحه
5- ضحك وغمز ولمز وانفتاحيه مع الزملاء بالاضافة الى غداء عمل مشترك


اما المنقه شنو جايبها للبنك صح؟ لان مكان العمل مايصلح للمحترمات بل يصلح لغيرهم ! هذا كلامكم يا اخوات؟

لو المتحرمات اخلوا المكان لهالأشكال بنلقى الفساد منتشر
لكن لو المحترمات وملتزمات بزيهم كان صار مكان العمل بيئة نظيفة

لكن واضح ان المخرج عاوز كده

وعلى فكرة هالسؤال اللي ينطرح عن ان الوحده لازم ماتكون منقبه المفروض مايكون لكل الوظايف البنكية ويكون بس لو الوحده متقدمه لخدمة العملاء

لكن في البنوك صار فيه تعميم قبل حتى لا يعرضون عليها الوظيفة او حتى يسألون عن اسمها قالوا اختي النقاب ممنوع !! طيب شوفوا مؤهلاتها قبل ولا بس المهم عندهم يشوفون عيونها اش كبر وخشمها اش كبر وبراطمها اش كبر !!!!!!!!!

[hamoor4ever]

للاسف اخواني اخبركم ان بيئه البنك بيئه فاسده ولاتصلح للبنت المحترمه واللي تدخل هالمكان بتلاقي صعوبات واغراءات سواء من العاملين او العاملات وخل تحمد ربها ودام انها للحين مااشتغلت معاهم تحمد ربها اللي بغا الخير لها وتدور لها مكان ثاني وللاسف اغلب العاملات هناك مش للحاجه بس علشان ياخذون راحتهم بالعمل مع اني لا انكر وجود فئات محترمه جدا من النساء والرجال لكن للاسف الغالب خبيث بسبب اصلا ان البنك مايدخله الا هالفئه ودام انها ملتزمه بدينها بصراحه ماينفع لها هالمكان يذكرني بالي يذم الخمر ويبي يشتغل بالقطريه وبصراحه انا لو اهل ماراح ارضه يشتغل بالبنك فيه اماكن كثيره مختلطه لكنها تحظي بالاحترام كشركه قطر للبترول او مؤسسات الدوله الكثيره لكنهم يحترمون النساء اما البنك للاسف الفساد منتشر

[بوخالد911]

الله يهديها بس

ووييسر لها

وتشتغل بمكان أفضل

[القبقب]

بصراحه في ردود ترفع الضغط بس انا بقول حق الاخوات المنقبات

قال الشيخ محمد الصالح العثيمين رحمه الله :

الحجاب الشرعي : هو حجب المرأة ما يحرم عليها إظهاره ، أي : سترها ما يجب عليها ستره ، وأولى ذلك وأوله : ستر الوجه ؛ لأنه محل الفتنة ومحل الرغبة .

فالواجب على المرأة أن تستر وجهها عن من ليسوا بمحارمها … فعلم بهذا أن الوجه أولى ما يجب حجابه ، وهناك أدلة من كتاب الله وسنة نبيه صلى الله عليه وسلم وأقوال الصحابة وأقوال أئمة الإسلام وعلماء الإسلام تدل على وجوب احتجاب المرأة في جميع بدنها على من ليسوا بمحارمها .

" فتاوى المرأة المسلمة " ( 1 / 391 ، 392 ) . اما بنسبه للاخhamoor4ever
الي قال
هه اللي مسوي المقابله اللي تقول عنهم عرب هاذلين عندهم جواز وبصراحه قلبي داشه الشك ان اللي قايل هالكلمه هو الملقب بالقبقب ومعروف عنه كرهه للقطريين مع انه عنده جواز لكن بصراحه ورغم ان المقابله كانت سيئه العتب على البنت تبي تشتغل في بنك ربوي وهي منقبه مايجوز بس والله العظيم خيره لها لان بيئه البنك فاسده اخلاقيا وكذلك اداريا ، والله المستعان





تراني برى الدوحه من اربع شهور يعني مالي خص بالمقابلات

تحياتي

[مبتدئة]

يعني متنقبة وتعمل ببنك ربوي .. ؟؟؟؟

وأضيف لوجيت أخلص أي معاملة ماعرف مع مين منهم

وممكن تشتغلين وبدون نقاب ولكن محتشمة دون ميك آب كامل ولا جرة الكحلة
ولا شخطة الروج والامور هذي اللي لاتليق ولا تجوز

والله المستعان

[Gh2o]

شحادها تشتغل في بنك ربوي ؟؟؟؟؟؟؟؟

[rayyane9]

استغفر الله

كيف تقدرين يا ايتها المراء ؟؟

انت تعملي بغير حجاب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اليس هاذا يغضب الله سبحانه وتعالى

البعض يخلع النقاب بس عشان راتبها

خافي الله تعالى يحاسبكي على كل صغيره وكبيرأ

[Gh2o]

استغفر الله

كيف تقدرين يا ايتها المراء ؟؟

انت تعملي بغير حجاب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اليس هاذا يغضب الله سبحانه وتعالى

البعض يخلع النقاب بس عشان راتبها

خافي الله تعالى يحاسبكي على كل صغيره وكبيرأ

قالوا لها تخلع النقاب اخوي مب الحجاب

[شاهيناز]

الي تقدم طلب وظيفه خالعه النقاب
وبعدين تطالب فيه؟
لما تقدم طلب وظيفه يطلب منها الصور الشخصيه والبطاقه الشخصيه
ويلف الملف على الموارد البشريه ويترك على مكتب المسؤول فتره
والرايح والجاي يقدر يطلع عليه
سئلوني لان مرت علي ها السوالف كثير؟
المهم
النقاب مب مقياس للحشمه لان بعض المنقبات اساؤ لنقاب والبعض استغله
في بعض اماكن العمل كانت الوحده تغيب وتبعث اختها بدالها
وهذي حوادث صح فرديه لكن صارت..

[ابو فهيد]

وحده من حريمنا ,, راحت تبي تصرف شيك .. قالو لها ..

ارفعي المقاب عشان نطابق الصوره ..
سالتهم سؤال استنكاري .. شلون ؟؟ قدام العالم ..
تمت الموظفه .. تلف بعيونها بطريقه غير محترمه ابدا .. ولسان حالها يقول (اف شنو هذاي بعد .. شهالتخلف )
قالت لها .. سوري ماراح ارفع نقابي قدام العالم .. وشيكي لازم ينصرف لي الحين !!

ودتها الله لا يهينها غرفه موظفات داخل .. وطابقت الصوره من طرف خشمها ..

صدق موظفات ماعندهم ذوق .. .

[مهره]

لااله الا الله يا جماعة اصابع يدكم مب وحدة فى المنقبات منها امك واختك ليش الجمع

استهدو بالله والى لابسة النقاب وعلى قولتكم مادة الكحل والبودرة ادعو من رب العالمين ان يهديها مب نحط عليهم

اللهم نسالك الهداية لجميع امة لااله الا الله

[اسعاف]

انك اخطأتي السمع

هم قالوا: اخلعي الحياء راح انشغلك

وليس اخلعي النقاب

وبعدين البنك ربوي ، فكيف تهنئين ان تدخلي لقمة حرام في جوفك ؟؟؟

هذا شئ لا اتصوره ابدا

[بوعبدالله779]

السلام عليكم يا اخوان واخوات اتقوا الله في الرد والنقاب والحمد لله زينه وفخر للحريم وانا مب ضد كل ما يلبس نقاب ولكن اويد اللي تلبس النقاب للتسر(( وعسى الله يكتب له ستر في الاخره )) ويليت اللي يقولون ليش تدخلين في مقابله في بنك وتحرجين نفسج وانتي تعرفين انه البنك خلط وغيره من كلام يليت لو انت كنت مكانها ومحتاجه لوظيفة وقالوا لك ما تلبس عقال وغتره وتشتغل وانت لابس بنطلون وقميص ما ادري اشلون كانت رده الفعل عندك ؟؟؟ كثر من اهلنا في قطر والحمدلله صار النقاب جزء من جسمها والاكيد راح تزعل لما يجي حد يقول لها لازم تشلين النقاب .... واستغرب لما يتم الهجوم منا على النقاب وتتركون اللي يجي البلاد ويلبس لبس مب لبسنا ولا تقولون الا انهم لهم حريه شخصية وبكيفهم يعني النقاب مب حرية شخصية ولا انت تتمنى اللي عندك في البيت يكونون نفسها ؟؟؟؟؟؟؟؟؟؟؟ يا جماعة اتقوا الله في الرد وبعدين بدل من الرد السلبي يليت يطلع واحد منكم ويقول لها تعالي انا بشوف لج وظيفة محترمه وما يصير خاطرج الا طيب

[مع الناس]

بعض الردود مستفزه جداَ , استغرب منها !! :secret:

[المغروره]

.
.
.


التاريخ
منتصف مايو 2010

الوقت
9:00 صباحاً

المكان
مركز التدريب والتطوير التابع لبنك قطر الوطني


اشتكت أحد الأخوات على بنك قطر الوطني من سوء المقابله التي جرت لها في مركز التطوير والتدريب التابع لبنك قطر الوطني ..
أدار المقابلة 3 أشخاص (قطري و 2 عرب)
وكان محور حديث المقابلة عن النقاب ولماذا تلبسينه ..واذا انت منقبه كيف تسمحين لنفسك في العمل في بنك ؟؟!!!
ثم أخبرتهم أنها رأت بعض الأخوات الموظفات في البنك بنقابهم ويعملون بشكل طبيعي
فرد أحدهم ( عربي ) : اعطينا اسم وحده ؟
طبعا رفضت ذكر اي اسم واستغربت من طريقة الأسئله
وعندما اعتذرت عن شرط خلع النقاب ..تكلم أحدهم للأخر بكلمة :
End it up
انهي المقابلة
وقالها بصوت عالي حتى انه لم يحترم مشاعر الأخت والتي كانت تسمع حديثهم بشكل واضح

وتذكر الأخت أن خلال المقابلة لم تسأل أي شي عن طبيعة العمل في البنك أو عن خبرتها ..



.
.
.
اخوي انا وياااك كنت بنك قطر اول شروطهم افصخي النقااااااااااب
تمييت كم شهر وطلعت بس كنت اشتغل داخل الاداره محد يشوفني
شوي شوي بيستوي عاادي
تحياتي لغيرتك على بنات بلادك

[MaRuKoO]

ويييييييييييييييه توكم تدرون يعني هذا قانون عندهم من زماااااااااااااان من سنين موب جديد

[طلعة الروح]

حقيقه لا تعليق على سالفة النقاب لاني ماقريت القانون تبع البنك المركزي بس اتوقع انه هالشغله تنطبق على مجال خدمة العملاء بالكثير
ماعلينا من هالنقطه الحين........
اولا الله يرزقج اللي احسن من بنك قطر الوطني لانه مليون بالمية في اللي احسن منه
والله يعينج على قليلين الادب والوقحين اللي بتصادفينهم في مجال شغلج اختي لازم تحطين في بالج انج تقابلين هالفئة بس الاهم شلون تتعلمين تعاملينهم وتردين عليهم وتوقفينهم عند حدهم بالتي هي احسن لانه السكوت غلط في حالتج لانه مهما يكون محد له الحق انه يكلمج ويهزئج كانسانة محترمة بالطريقه المش حضاريه هذي لو من ماكان يكون ...

انا لاحظت انه وايد ناس دشوا علقوا على سالفة انج مقدمة على البنك وانج منقبه ماله داعي تقدمين وتناسوا الموقف الاصلي والبايخ اللي بدر عن مسؤولين التوظيف واللي حضرتج تطرقتي له يعني هالتعبانين هدوا كل شي ومسكوا عليج قضية ليش لابسه نقاب هاي دليل البلاهه وقلة الحيله مع احترامي بالاول جان اسالج عن مؤهلاتج وخبراتج مب دايركت يدش لج بسالفة النقاب ان دل على شي دل على قلة ذات اليد وانه الموظف نفسه مش كفو لاجراء مقابلات التوظيف مع كافة افراد المجتمع على اختلافاتهم فوجبت الملاحظه..

تقبلي مروري..

[المغروره]

تعليقي .............>>> مب كل منقبة منقبة
صدقت مو كل منقبه منقبه
بعدين موضوع مايستحق الانفعال
الي يبي الزين يدله والي يبي الشين يدله
تحيااتي

[بوحارب]

بنك ربوي ومايبي الا وحده ماعندها لا حيا ولا دين عشان تغري المراجعين وتجذبهم

مسكينة البنت صارة سلعة وهي اللي رضت لنفسها الغبية


وحتى البنوك الأسلامية تطلب نفس الطلب

[فلفل حار]

تعليقي .............>>> مب كل منقبة منقبة

:nice:

[hamoor4ever]

بصراحه في ردود ترفع الضغط بس انا بقول حق الاخوات المنقبات

قال الشيخ محمد الصالح العثيمين رحمه الله :

الحجاب الشرعي : هو حجب المرأة ما يحرم عليها إظهاره ، أي : سترها ما يجب عليها ستره ، وأولى ذلك وأوله : ستر الوجه ؛ لأنه محل الفتنة ومحل الرغبة .

فالواجب على المرأة أن تستر وجهها عن من ليسوا بمحارمها … فعلم بهذا أن الوجه أولى ما يجب حجابه ، وهناك أدلة من كتاب الله وسنة نبيه صلى الله عليه وسلم وأقوال الصحابة وأقوال أئمة الإسلام وعلماء الإسلام تدل على وجوب احتجاب المرأة في جميع بدنها على من ليسوا بمحارمها .

" فتاوى المرأة المسلمة " ( 1 / 391 ، 392 ) . اما بنسبه للاخhamoor4ever
الي قال


تراني برى الدوحه من اربع شهور يعني مالي خص بالمقابلات

تحياتي

اسف اخوي مش قصدي انت هاذه احد العاملين لكنه ذو سلطه كبيره بالبنك نلقبه بالقبقب بسبب كرهه للقطرين

[kopoyashi]

.
.
.



يا جماعة هل يجوز التحدث عن النقاب أثناء المقابلة ..؟

هل هذا النوع من الأسئله يعتبر من الأدب خلال المقابلة ؟
.
.
.
.

[الصريحه]

تعليقي .............>>> مب كل منقبة منقبة

حتى ولو وش دخل الشغل
سبب غير مقنع

[الصريحه]

:nice:

مافهمت يعني رجال متخبي هههههههههه
صراحه ردوا عدل
ولا كل بنيه بنيه ولا كل من لبس ثوب صار رجاااااااااال ولا شرايك؟

[ساحل الشمال]

بعض الردود كانها جاية من فرنسا او الدنمارك او ايطاليا وليست ردرود ناس اسمائهم عربية ؟؟؟؟؟؟
هذا ردكم على اختكم المتنقبة الملتزمة بالستر الشرعي ؟؟؟؟ اهذا جزا اللي يبي يحافظ على نفسه ويحمي نفسه من نظرات الذئاب المتربصين بكل ساقط ؟؟؟
انا اعرف ان الدول الاجنبية منعت النقاب لانه يثير الرعب في قلوبهم من عودة المارد الاسلامي الذي طوعهم وحكمهم لقرون كثيرة حتى اسقطوا الخلافة الاسلامية على يد ابنهم البار اتاتورك الهالك .
اما يتحدث ابناء هذا الوطن بهذه اللغة السوقية ويحتقروا البنت المنقبة في عقر دارنا وبدون محاسبة او تاديب او لفت نظر هذا امر غريب ويدل على المستوى اللذى نزلنا فيه من احتقار ذاتنا وارثنا وحضارتنا والانبطاح للمحتل الغربي لعقولنا وقلوبنا .
اسال الله ان يعجل بالفرج والعزة والنصرة لكل اخواتنا المنتقبات والملتزمات بالزي الشرعي الواجب وان يرينا في المتهكمين عجائب قدرته انه قادر على كل شي سبحانه .

[شعنونة قطر]

الحين خليتوا هالعرب اللي مرمطوا فبنت بلادكم وتقولون مب كل منقبه منقبه ؟
شدخل

لاحول ولاقوة الا بالله

[lord-qatar]

والله صراحه ردوووووووووود ترفع الضغط

صدمتوني صج

الحين كل واحد يوقول بنات يلبسون النقاب عشان يخشون اشكالهم غلط

ولي يقول عشان مادري ايش

صدق الموضوع اثار شغله مش طبيعيه

يا جماعه اختي ومي ومرتي وخالتي وعمتي يلبسون انقاب

لهدرجه تفكيركم سار منحط الي يقول هالكلام صراحه تافه


حبتييييييييييييييييييييييييين يا راعيه النقاب وربي يثبتج ووفقج

وكل بنت تشتغل وهي منقبه ربي يثبتها والي مش منقبه ربي يهديها

[ALRAYYAN]

والقادم مذهل أكثر حبايبي

[alrheeb2020]

يعني متنقبة وتعمل ببنك ربوي .. ؟؟؟؟

صااادق :nice:

[الكاسر99]

بنك قطر الوطني :


يعني بنك ربوي يحارب الله ورسوله صلى الله عليه وسلم وش تنطرون منه أكيد بعد راح يحارب


النقاب ويحارب الحشمه


يعني بنت جايه تعمل وش لك خص فيها أن تمنعها أنها تغطي وجهها

حسبي الله ونعم الوكيل فيهم


وإن شاء الله لهم يوم مع الله جل شانه يسألهم فماذا يسيكون الجواب

[شاهيناز]

بنك ربوي ومايبي الا وحده ماعندها لا حيا ولا دين عشان تغري المراجعين وتجذبهم

مسكينة البنت صارة سلعة وهي اللي رضت لنفسها الغبية


وحتى البنوك الأسلامية تطلب نفس الطلب

والله كلامك غريب يعني البنات الي يشتغلون في خدمه العملاء وكاشفين وجوهم عشان يغرون العملاء شفت بنات يشتغلون في البنوك قمه في الاحترام صح بدون نقاب لكن تجبر الاخريين على احترامها
للاسف بعض المنقبات نقاب لكن تحط لك لانزسس ازرق ورمادي واخضر واي شادو ورموش ونفخه عشان تربط النقاب
وفي اشياء مشفره لاداعي لذكرها
هذي ماتجذب الزبايين
للاسف دوم نبحث عن المظهر
لكن الخافي مب مهم

[كاروهات]

اخواني واخواتي في الله

اسالكم بالله انكم ما تزعلون من كلامي هذا .............

سؤال !!!!!!!!!!!


انتوا ماكلين من لحم خنزير ؟؟؟!!!!!!!!!!!!!!!ما عندكم غيرة لبناتكم ......... ما عندكم ضمير يوم اتكلمون عن بناتكم جذيه ............ حسبي الله على كل شخص يتجرأ ويقول افصخي النقاب او يقول ما كو داعي للنقاب ..........
وين عايشيين انتوا ترى قاعدين اتكلمون عن بنات قطر اللي يشرفون ويرفعون راسكم سواء بالنقاب او بدونه ...
والغريب ان بعض ردود الرجال يقولون لا للنقاب فكيف بنات المنتدى اللي ايدوا هذي الفكرة ........

شي واحد باقوله لكم اتقوا الله في انفسكم .

[طلعة الروح]

انا على فكرة مب جايه ادافع عن البنوك الربوية ولا عن نظامها ولا عن موظفينها لانه طبيعي كلنا مسلمين ولنا تحفظات عليها...
بس بعض الردود للاسف تهجميه وتهكميه الله يهداكم قذفتوا بنات خلق الله وشككتوا بذممهم الدينية والاخلاقية يعني سويتوا اي وحده تشتغل بالبنك صايعه ضايعه من وجهة نظر البعض يعني هل هالبنت جايه من المريخ ولا جايه من عطارد يبه هالبنت ممكن تكون اختك او قريبتك او اي وحده عاديه ماشيه بالشارع ويمكن تكون عند ربها احسن منك يا مفتي الديار ترى ما يجوز تعمم السلبيات والاخطاء عالكل وتلصقها ببنات الاوادم ولا خلاص لازم الكل يشتغل بمدارس وبوزارات بمكاتب خاصه بالحريم عشان تصيرالبنت شريفة مكه في نظرك كل مكان تتواجد فيه البنت الا تصادف فيه مواقف واشخاص قليلين ادب وتافهين شخصية البنت واخلاقها هي الفيصل هنيه ..مادري شنو هالعقليه اللي يتكلمون فيها الناس اللي يقولون شلون وحده متنقبه وداشه بنك ربوي حسسوني انهم من اللي يمشون عالعجين ما يلخبطونه كلش ابد كاملين والكامل الله ترى كل واحد حسابه عند ربه يعني الوحده كيفها الله ساتر عليها وساتره على عمرها بالطريقه اللي تريحها وحدتها ظروفها تشتغل بمكان نفس هذا يعني غصب الا تتكشف وتتعرى عشان ترضي اطماعكم واذواق الناس المرضى وبعدين هالاماكن محد اخترعها او قاعدين يشتغلون بالخش ومن ورى ظهر السلطات هاذي جهات موجوده بموافقة الدولة واشرافها... الله يهدي الجميع ارد واقول انا مادافع عن هالجهات بس كل واحد له ظروفه اللي تحطه بشغله دون الاخرى المسألة نصيب..

تقبلوا مرروي..

[حيهور]

تستاهل رايحه تقدم في بنك ربوي صدق الرجال ليش تتنقب مادام تاكل الحرام عن طريقهم

مع ان البنوك الاسلامية بعد بدة في اجبار البنات خلع النقاب والاختلاط فهذا بسبة مشايخ الاخوان المسلمين اعداء السلفية لايتبعون غير اهوائهم

فانا حقيقة لااعترف بامصرف قطر والريان بانهم مصارف اسلامية مادام فيها من لحنة الرقابة من هم يعتبرون من منهج الاخوان

وقولي لها اتقي الله هذا بنك ربوي افسخي النقاب شوهتي سمعة المنقبات
واقول لكل منقبة غير محترمة تفسخ النقاب لاتوسخ سمعة بناتنا

واحترم الغير منقبة اذا كانت محترمة

ولااحترم من يعمل في البنوك الربوية موب على راسي

وشكرا

[" فـارس قـطر "]

انا على فكرة مب جايه ادافع عن البنوك الربوية ولا عن نظامها ولا عن موظفينها لانه طبيعي كلنا مسلمين ولنا تحفظات عليها...
بس بعض الردود للاسف تهجميه وتهكميه الله يهداكم قذفتوا بنات خلق الله وشككتوا بذممهم الدينية والاخلاقية يعني سويتوا اي وحده تشتغل بالبنك صايعه ضايعه من وجهة نظر البعض يعني هل هالبنت جايه من المريخ ولا جايه من عطارد يبه هالبنت ممكن تكون اختك او قريبتك او اي وحده عاديه ماشيه بالشارع ويمكن تكون عند ربها احسن منك يا مفتي الديار ترى ما يجوز تعمم السلبيات والاخطاء عالكل وتلصقها ببنات الاوادم ولا خلاص لازم الكل يشتغل بمدارس وبوزارات بمكاتب خاصه بالحريم عشان تصيرالبنت شريفة مكه في نظرك كل مكان تتواجد فيه البنت الا تصادف فيه مواقف واشخاص قليلين ادب وتافهين شخصية البنت واخلاقها هي الفيصل هنيه ..مادري شنو هالعقليه اللي يتكلمون فيها الناس اللي يقولون شلون وحده متنقبه وداشه بنك ربوي حسسوني انهم من اللي يمشون عالعجين ما يلخبطونه كلش ابد كاملين والكامل الله ترى كل واحد حسابه عند ربه يعني الوحده كيفها الله ساتر عليها وساتره على عمرها بالطريقه اللي تريحها وحدتها ظروفها تشتغل بمكان نفس هذا يعني غصب الا تتكشف وتتعرى عشان ترضي اطماعكم واذواق الناس المرضى وبعدين هالاماكن محد اخترعها او قاعدين يشتغلون بالخش ومن ورى ظهر السلطات هاذي جهات موجوده بموافقة الدولة واشرافها... الله يهدي الجميع ارد واقول انا مادافع عن هالجهات بس كل واحد له ظروفه اللي تحطه بشغله دون الاخرى المسألة نصيب..

تقبلوا مرروي..

كلامج 100%
كفيتي ووفيتي اختي :)

[احلى دنياااا]

في البنوك ممكن تصير سرقات او اخطاء يفضلون ان ما تلبس نقاب عشان تنعرف وبعدين في كاميرات تصيد حتى ملامح الموظف او الموظفه لما يتعامل مع العملاء
بعدين النقاب له اماكن مناسبه يعني احس لو قلنا البنوك ما يبون منقبات مانستغرب لان تعامله كله بالفلوس والشيكات والمال
واللي يقول في القسم النسائي فيه موظفات ويلبسون نقاباات وماخذين راحتهم تخيل ان في مدير بنك مره قال لوحده تبي القسم النساء انا عندي طلبات غيرج ويمكن احسن منج اذا ماعجبج هالمكان انطرني كم سنه لين يردون عليج
بعدين اللي في البنوك يصيحون من رواتبهم ومن شغلهم الدقيق وانتم زعلانين على انهم مايبون نقاب هاي خيره لها وخل تاخذ بالاسباب مب من باب الدين لانها لومن باب الدين جان قلنا لهم روحي اماكن مب مختلطه من الاساس او تقبل بالنقاب وشكثرها الحين ما وقفت على البنوك

[العديد]

بنك ربوي ومايبي الا وحده ماعندها لا حيا ولا دين عشان تغري المراجعين وتجذبهم

مسكينة البنت صارة سلعة وهي اللي رضت لنفسها الغبية


وحتى البنوك الأسلامية تطلب نفس الطلب

اغلب الردود ردود مراهقين للاسف

[Charisma]

الموضوع اكبر من انه موضوع نقاب

بعض الاخوات يقولون دام انها منقبه وتدري ان مثل هالاماكن مايسمح فيها بالنقاب ليش تقدم عليه؟

الموضوع مب بهالطريقه الموضوع ان هالعصابات اللي جات البلاد تبي تفرض علينا قوانينهم وعاداتهم وتبي تنسينا شي اسمه عادات وغيره..

يبون يمشونا على كيفهم ويبون يطبقون اللي يبونه حتى لو يتخالف مع عاداتنا والاوامر الشرعيه ..


وانا والله مالوم غير اللي نصب هالعصابات في هالاماكن واللي خلوهم يديرون البنوك وغيره حسب اللي يبونه ..

يبون يهدمون قيمنا شوي شوي.. يبون مجتمعنا المتماسك يندثر مع الوقت وتدريجي .. بكرة راح يفرضون ان الحجاب ممنوع بعد بكرة بيفرضون ان اللبس القصير المسموح فيه فقط...

ان شاء الله وصلت الفكرة !!!

[AL3NA]

والله القهر في هالسالفه كلها ان الاخ القطري اللي قاعد بين هالاثنين اللي الله يعلم بحالتهم في بلادهم كيف كانت . يمكن نفس بعض مسئؤلين شراتنا القطريه اللي كانو على الحديده في بلادهم وعندنا في قطر وصلو كل واحد براتب 50,000 في الشهر وسيارة وسكن وهو في بلاده ما يحصل اللي يجيب له عشاااه والاخ القطري اللي معاهم ما يستاهل يقعد معاهم لان لو فيه غيره ولا رجل اقسم بالله لو على وظيفتي ما يتكلم واحد منهم حتى لو هو مسؤل علي على وحده قطريه او خليجيه وهاذي حريه شخصيه ... بس شوفو هالمقوله بلادنا قطر فديتها تقول لنا يا قطريين ترى (خيرنا لغيرنا ) . وكلامي هذا بالدليل شوفو المسئولين في قطر للبترول في مستشفى حمد في كل شركة قطريه شيسوون في القطررين لا وبعد شوفو كروه تخيلو ان المسئؤلين على القطريين المسئول الاول امريكي واللي على القطريين هندي تخيلو هندي يطرد القطري من وظيفته واذا اشتكى يحصل من هالقطريين اللي رازينهم وهم ما يعرفون عربي اصلاً ما نقول الاااا (حسبي الله ونعم الوكيل ) الاجانب عايشين على ظهور القطريين والمسئوليين للاسف يخافون على كراسيهم ما يدرون ان هالكرسي نفس كرسي الحلاق بيقوم وبيجي غيره يجلس عليه . بس مشكله الرجال اللي بدون شخصيه ... تدرون ليش اقول هذا كله عشان الاخ القطري اللي قاعد في الاجتماع للاسف ما يستاهل ينقال عنه قطري

الله يوفقها وتحصل شغل ابرك من هالبنك ( والله لا يوفق من وقف في طريقها دنيا ولا اخره )

[يراعٌ فراتي]

حسبنا الله ونعم الوكيل

[اسعاف]

تدرون يا اخواني

انا امحرم على نفسي اشرب اي شربة ماء او شاي او قهوة من بنك ربوي

او شركة تأمين غير اسلامية

طبعا ذهابي للبنك الربوي ليس من اردتي ولكن لصرف شيك او نحو ذلك




لقد كان ابو بكر رضي الله عنه مثالا حيا لنا في ان نجعل طعامنا طيبا

حيث اكل يوما بالخطأ مال فيه شبهة،فلما سأل عن مصدر هذا المال وعرف انه حرام (استقاء )

ورجع كل مافي بطنه

السؤال :كم سنة تحتاجون( للترجيع ) يامن تعملون من سنين في البنوك الربوية؟؟

ارجو ان يكون كلامي دافعا ومحفزا للذين فيهم نبتة خير،ويخافون من الوقوف امام ملك

الملوك يوم القيامة( وكلكم ميت لا محالة )

حيث يسألهم عن مالهم : (من اين اكتسبه، وفيم انفقه)

ويبعث المرابي يوم القيامة وبيده ( سيف) ويقال له خذ هذا السيف، وقاتل به ربك( يالله )

وذلك مصداقا لقول الله تعالى (فاذنوا بحرب من الله ورسوله )

اخوكم التصح الأمين

المشفق عليكم من النار

اسعاف

[عين قطر]

حسبنا الله ونعم الوكيل

[روح الاطلس]

!!!!!!!!!!!!

[فلتة زمانها]

يا بنات لازم تسووون مظاهره واضراب جدام البنك عشان يتراجعون
عن القرار شفتوا عادل امام شـَّلونُ اجبر الحكومه يطرشونله كباب
النقاب النقاب ولا نخلي عيشيتكوا هباب

[ahmaaaddd]

والله القهر في هالسالفه كلها ان الاخ القطري اللي قاعد بين هالاثنين اللي الله يعلم بحالتهم في بلادهم كيف كانت . يمكن نفس بعض مسئؤلين شراتنا القطريه اللي كانو على الحديده في بلادهم وعندنا في قطر وصلو كل واحد براتب 50,000 في الشهر وسيارة وسكن وهو في بلاده ما يحصل اللي يجيب له عشاااه والاخ القطري اللي معاهم ما يستاهل يقعد معاهم لان لو فيه غيره ولا رجل اقسم بالله لو على وظيفتي ما يتكلم واحد منهم حتى لو هو مسؤل علي على وحده قطريه او خليجيه وهاذي حريه شخصيه ... بس شوفو هالمقوله بلادنا قطر فديتها تقول لنا يا قطريين ترى (خيرنا لغيرنا ) . B][/b]




ايش دخخخخخخخخخخخخخخخخخخخخخخخل الموظف القطري وغير القطري
هذا القانون من مدير المصرف المركزي
يعني اللي حاط القانون قطري وعلى فكرة انا زوجتي منقبة وأرفض ان ترفع النقاب
والحكم الشرعي أتذكر مرة قريته من أمهات الكتب الشرعية
يحق للبائع أو المشتري من امرأة يحق له أن يطلب منها الكشف عن وجهها لمعرفتها
هذا طبعا في حالة بيع أو شراء شئ ثمييييييييييييين مثل عقار بيت أو ما شابه
يعني ماتكشف وجهها لشراء قطعة قماش
هذا والله أعلم

[رياني qtr]

والله مكبرين الموضوع ترى لو ويهيم تساعد ومب شيف كان خلعو النقاب من نفسهم بس ماقول الله يعينا على الشيف الي بنشوفها واحنا نراجع البنك
واذا تبون تستفرغون كل الي ببطونكم راجعو البنك في رمضان يالربع والله مرة دخلت بنك من هالبنوك في رمضان اصرف شيك والله جفت ويه وحده لين يوم الوقفه وانا كل يوم اشوف هالكابوس في منامي فلم مرعب قسم بالله انا اقول قبل خل يسون لهم عمليات تجميل وتعديل اسنان كافي تخرع في المراجعين

[AL3NA]

والله مكبرين الموضوع ترى لو ويهيم تساعد ومب شيف كان خلعو النقاب من نفسهم بس ماقول الله يعينا على الشيف الي بنشوفها واحنا نراجع البنك
واذا تبون تستفرغون كل الي ببطونكم راجعو البنك في رمضان يالربع والله مرة دخلت بنك من هالبنوك في رمضان اصرف شيك والله جفت ويه وحده لين يوم الوقفه وانا كل يوم اشوف هالكابوس في منامي فلم مرعب قسم بالله انا اقول قبل خل يسون لهم عمليات تجميل وتعديل اسنان كافي تخرع في المراجعين




انت الحين فاهم اللي تقوله شيف وشيف يا خوي اول شي هذا النقاب شي معروف عند القبائل اللي موجودين بدول الخليج .. وهذا دليل على غيرتهم على محارمهم ... الشي الثاني يوم تقول شيف تدري ان هذا خلق الله هل انت تعيب على خلق الله يعني انت الحين كأنك تقول الله ما عرف يخلق ؟؟؟ يا اخي اتق الله في نفسك ترى الله هو اللي خلق هالبشريه وهو اللي فضل بعضهم على بعض وبعدين ترى الجمال ماهو كل شي يا ما رجال حلوووين وللاسف مالهم سمعه ونساء اجمل من الجمال ونفس الشي ترى الجمال جمال الروح وتذكر ترى (ترى الله هو اللي خلق الخلق ويقدر يغيره في اي وقت) الواحد يتحمد على النعمه اللي هو فيها النظر والسمع والشوف ... مثلا لو انت ما تشووف بتدري هالاخت اللي جيتها في البنك حلوه ولا لا ؟؟


اتقووو الله وترى من اعاب على اشكال الناس انهو يعيب على الخالق اتقو الله

[بولينجر]

بعيدا عن الاستفزاز.... مادام الموضوع فيه معاملات مالية لابد من رؤية الوجه.... لحفظ حقوق الجميع.... ممكن اي حد ينتحل شخصية منقبة ويبوق فلوس من بيقوله شي؟ وقس على هذا الكثير من المشاكل....
لاخواتي المنقبات الكريمات.... احفظوا نفسكم عن بيئات العمل المختلطة.... كذلك لا يستوي الالتزام بالنقاب والعمل في في بنك ربوي....
والله يوفق الجميع....

[almx]

هذي ضريبة الانفتاح والعولمة
(اللهم اني أسألك العفو والعافية والعفاف والغنى)

[بو ملاك]

الحين صار النقاب مايعجب البعض ؟؟
سبحان الله وين كنا وكيف صرنا ؟؟
استغرب بصراحه والله استغرب بعض الردود ...!!!
لهدرجه الفكر تغير ؟؟ استغفر الله ...
اختي نصيحه لج تمسكي بنقابج وسترج ومن ترك شيئا لله عوضه الله بااحسن منه اصبري وان شاءالله بتلقين شغل يتناسب مع وضعج صدقيني النقاب شي مهم ومايعرف قيمته الا اللي تلبسه وهي تقصد الستر ...
بالتوفيق لج اختي والله يستر عليج ...

[عضو مشاكس]

والله مكبرين الموضوع ترى لو ويهيم تساعد ومب شيف كان خلعو النقاب من نفسهم بس ماقول الله يعينا على الشيف الي بنشوفها واحنا نراجع البنك
واذا تبون تستفرغون كل الي ببطونكم راجعو البنك في رمضان يالربع والله مرة دخلت بنك من هالبنوك في رمضان اصرف شيك والله جفت ويه وحده لين يوم الوقفه وانا كل يوم اشوف هالكابوس في منامي فلم مرعب قسم بالله انا اقول قبل خل يسون لهم عمليات تجميل وتعديل اسنان كافي تخرع في المراجعين

لو كان يدرون ان رياني جاي اووو اقصد توم كروز جاي البنك كانو تعدلو
مادري ماخذ شوي من جمال يوسف علية السلام وداخل البنك
صدق من قال المنتدى فية مراهقين

[سارا البدر]

شهالردود اللي ترفع الضغط

خليتوا الموضوع على جنب وتتناقشون في موضوع النقاب

خافوا ربكم هذا نقاب امر شرعي من رب العالمين

هذي نظرتكم للنقاب ؟

عيل مانلوم فرنسا ولا الدول الاوروبيه لو منعت النقاب

اذا انتوا يالمسلمين هذا رايكم

حسبي الله ونعم الوكيل في كل واحد له يد في موضوع النقاب

والله يهديكم ياااربي وتعرفون قيمه النقاب والحشمه

[بوحارب]

اغلب الردود ردود مراهقين للاسف

اشوف سمعنا ردك يالعاقل :omen2::tease:

[بوحارب]

شهالردود اللي ترفع الضغط

خليتوا الموضوع على جنب وتتناقشون في موضوع النقاب

خافوا ربكم هذا نقاب امر شرعي من رب العالمين

هذي نظرتكم للنقاب ؟

عيل مانلوم فرنسا ولا الدول الاوروبيه لو منعت النقاب

اذا انتوا يالمسلمين هذا رايكم

حسبي الله ونعم الوكيل في كل واحد له يد في موضوع النقاب

والله يهديكم ياااربي وتعرفون قيمه النقاب والحشمه

الحمدلله الدنيا للحين فيها ناس محترمة وخايفة ربها :)

[JN000N]

الله يهديكم...

[المغروره]

تعليقي .............>>> مب كل منقبة منقبة
صح كلاامك مو اي منقبه منقبه
الله يستر على الجميع بس

[فتى الجود]

عادى حتى البنوك الأسلامية في المقابلات
تطلب من الموظفات أنه تم الموافقة على التعيين

سيتم خلع النقاب

و أ ألا ما في وظفية ...............

[ولد قحطان]

يعني النقاب وكشف الوجه اختلفوا فيه العلماء
حد قال حلال وحد قال فتنة

بس اللي اتفقوا عليه
حراااااااااااااام تشتغل في بنك ربوووووووووووووووووووووووووووووووووووووي
منقبة او كاشفة

[بنت ابوها 19]

الي يشوفكم يقول جنه طالبو منها خلع الحجاب

وثاني شي بعض الردود الي فيها اهانه لجميع موظفات البنوك الي يشوفها يقول اشرف بنات خلق الله مجمعينهم وحاطينهم بالوظايف الثانيه


يعني بالعربي الموظوع بكبره ماله داعي

وحده منقبه مقدمه على بنك قطر الوطني وجايه تقول ووالله قالولي اخلعي النقاب
شنو عبط ؟؟


كلنا ندري انه النقاب في البنوك ممنوع يعني والله السالفه تضحك


والي جاي يغلط على الموظفات الي بالبنوك محسسيني انه موظفات شركات البترول والشركات الثانيه والوزارت منقينهم من جمعيات خيريه ..


وللعلم مش كل كاشفه يعني انها فاصخه الحيا ولا كل منقبه يعني منقبه
ترا ياما تحت سواهي دواهي وياكثرررررررررررررررررررررهم جدامنا



ع العموم الزبده الي جاي يغلط على موظفين ولا موظفات البنوك والله مايحصله
لو جاله بكره عرض واحد من البنك والله لاينسى رده هني بكبره


ترا السالفه ماااره علينا الف ملينيون مرررره

[bo-ibrahem]

يعني النقاب وكشف الوجه اختلفوا فيه العلماء
حد قال حلال وحد قال فتنة

بس اللي اتفقوا عليه
حراااااااااااااام تشتغل في بنك ربوووووووووووووووووووووووووووووووووووووي
منقبة او كاشفة

هههههههههههه

انا أأيد كلامك

[سارا البدر]

الي يشوفكم يقول جنه طالبو منها خلع الحجاب

حبيبتي مثل ماطالبوا بخلع النقاب
لاتستبعدين بكره يمنعون الحجاب للاسباب امنيه بعد

وحده منقبه مقدمه على بنك قطر الوطني وجايه تقول ووالله قالولي اخلعي النقاب
شنو عبط ؟؟

واللي مايدري انزين انا وحده ماكنت اعرف بهالسالفه الا من سنه تقريبا
ان النقاب ممنوع وماكنت مصدقه الا لما شفت بعيني


ع العموم الزبده الي جاي يغلط على موظفين ولا موظفات البنوك والله مايحصله
لو جاله بكره عرض واحد من البنك والله لاينسى رده هني بكبره



مب الكل يرضى انه يخلع نقابه علشان وظيفه
وانا وصلني عرض من بنك بس رفضت علشان نقابي

حبيبتي ترى النقاب مب شيء هين ولا امر يستهان فيــه

انا ماابي ادخل في امور الدين واشرح

بس لو سمحتوا لاحد يقلل من قيمه النقاب وكانه عنصر تخلــف

الله يهدينها ويهديكم

[AL3NA]

احنا ما تكلمنا في اعراض الناس ولا قلنا ان المنقبه افضل واشرف من الكاشفه ... الموضوع كله ان هذي حريه شخصيه مالهم خص فيها ان شاء الله تشيل الحجاب وتلبس النقاب هذي حريه شخصيه هذا اللي نبي نوصل له .. اما بالنسبه لا اعراض الناس ما جبنا لها طاري


والله يستر الجميع

[alwahesh]

الله يستر على الجميع

[التيما]

الله رايد لها الخير والستر .. عشان كذا ما توفقت في هالوظيفة ..

[الصيـاد]

مع اني ارفض نزع النقاب

ولكن وضعية البنوك غير لابد من نزعة ليتعرف البنك علي موظفينة والعملاء علي من يدير
اموالهم

البنوك فيها مليارات خايفين علي فلوسهم من الانتحال والسرقة

انا اتحدي احد من هذيلا المعارضين لنزع النقاب بالبنوك مسوين لي فيها انة لو كان مدير البنك

يسمح بوحدة متنقبة تتعامل مع ملايين هذا اللي يسمح اعتبرة عبيط بعالم المال

[roma27]

مع اني ارفض نزع النقاب

ولكن وضعية البنوك غير لابد من نزعة ليتعرف البنك علي موظفينة والعملاء علي من يدير
اموالهم

البنوك فيها مليارات خايفين علي فلوسهم من الانتحال والسرقة

انا اتحدي احد من هذيلا المعارضين لنزع النقاب بالبنوك مسوين لي فيها انة لو كان مدير البنك

يسمح بوحدة متنقبة تتعامل مع ملايين هذا اللي يسمح اعتبرة عبيط بعالم المال

صياد،،،،،،،،، صياد وما يصيييييدونااااااااا:tease::tease::tease:،

[مزهر]

لا اله الا الله محمد رسول الله


تحاربون النقاب من اجل الانفتاح


لا حول ولاقوه الا بالله