(فيينا+ زيلامسي+ميونخ) 2010

[ar2aa]

السلام عليكم ورحمة الله وبركاته
اخواني واخواتي اعضاء المنتدى الكرام
دام ان الحر جااااي جاااااي لا محاله والرطوبه كاتمه كاتمه على انفاسنا دون حول ولا قوة
والاجازة الصيفيه منتفه تنتف وحسبنا الله ونعم الوكيل
خلونا انبرد على نفسنا حبتين:discuss:
انا يا اخواني واخواتي الاعزاء ناويه اسافر هالصيف الى فينا منها الى زيلامسي وميونخ
وراح اتكون طلعتنا بحول الله وقوته 22/7/2010
والرجعه 9/8/2010
:nice:فياريت من كان له الرغبة بالسفر يشاركنا في ترتيباته للسفر بالاتي :
1- اسعار تذاكر الطيران والجهة
2- الفنادق:telephone:
3- خطط السفر
4-الاماكن السياحية
5- التسوق(وطبعا هذي الاهم حق الحريم):shy:

[6611]

مرحبا اختي انا ان شاء الله 1-7 رايح فينا وبقعد شهر تقريبا

بالنسبه حق
1- اسعار تذاكر الطيران والجهة تختلف اذا كنتي درجه اولى او بزنس او سياحيه (البزنس لفينا ب 12500 والسياحيه ب 3500)

2- الفنادق (فنادق فينا اسعارها من 160 يورو لين 300 يورو وفي احسن الفنادق منها الماريوت ,ساس ,الانتر,الهلتون وبالنسبه لفنادق زلامسي اسعارها حلوه من 100 لين 200 يورو فاليوم)

3- خطط السفر(انصحج تروحين فينا ومن فينا لي زلامسي بالسياره مسافة اربع ساعات منها تشوفين المناظر الحلوه والطبيعه ومن زلامسي تروحين ميونخ مسافة ساعه بالسياره من زلامسي لين ميونخ)

4-الاماكن السياحية(في فينا في اماكن حلوه عندج قصر الشانبرون ومقارة هتلر والملاهي الكبيره الي عندهم وفي شارع اسمه الكيتنر الي تحصلين الخليجين فيه يتكون من محلات وقهاوي وهو يعتبر في وسط النمسا يعني كل الفنادق وكل شي حولج وبالنسبه لزلامسي فالاماكن السياحيه فيها فكل مكان يعني كل كيلو تحصلين شي سياحي وكل شي احلى من الثاني)

5- التسوق(في فينا في مجمعات كثيره وشوارع فيها احلى المحلات والماركات وبالنسبه لميونخ بعد اما زلامسي فيها كذا محل وماتوقع تاخذين منهم حاجه )


اتمنى وصلت لج الي تبينه واي استفسار انا حاظر

[ar2aa]

مرحبا اختي انا ان شاء الله 1-7 رايح فينا وبقعد شهر تقريبا

بالنسبه حق
1- اسعار تذاكر الطيران والجهة تختلف اذا كنتي درجه اولى او بزنس او سياحيه (البزنس لفينا ب 12500 والسياحيه ب 3500)

2- الفنادق (فنادق فينا اسعارها من 160 يورو لين 300 يورو وفي احسن الفنادق منها الماريوت ,ساس ,الانتر,الهلتون وبالنسبه لفنادق زلامسي اسعارها حلوه من 100 لين 200 يورو فاليوم)
للاسف مالقينا الا في ساس بسبب المؤتمر في فيينا
زيلامسي لحد اللحين ما رسينا على فندق وبصراحه ودي اعرف وش هي احلى وانسب فندق فيها لانه احنا مجموعة عوائل
اما في ميونخ الكل يمدح الميرديانن
اما انا مش مقتنعه فيه لانه تمشي درب لين تصل شارع المارينا .... ولحد اللحين ما رسينا بعد على فندق
3- خطط السفر(انصحج تروحين فينا ومن فينا لي زلامسي بالسياره مسافة اربع ساعات منها تشوفين المناظر الحلوه والطبيعه ومن زلامسي تروحين ميونخ مسافة ساعه بالسياره من زلامسي لين ميونخ)
شكرا اخوي على النصيحه بالفعل هذا اللي مخططين

4-الاماكن السياحية(في فينا في اماكن حلوه عندج قصر الشانبرون ومقارة هتلر والملاهي الكبيره الي عندهم وفي شارع اسمه الكيتنر الي تحصلين الخليجين فيه يتكون من محلات وقهاوي وهو يعتبر في وسط النمسا يعني كل الفنادق وكل شي حولج وبالنسبه لزلامسي فالاماكن السياحيه فيها فكل مكان يعني كل كيلو تحصلين شي سياحي وكل شي احلى من الثاني)

5- التسوق(في فينا في مجمعات كثيره وشوارع فيها احلى المحلات والماركات وبالنسبه لميونخ بعد اما زلامسي فيها كذا محل وماتوقع تاخذين منهم حاجه )


اتمنى وصلت لج الي تبينه واي استفسار انا حاظر

تسلم اخوي على الرد السريع والله يعطيك العافية

[خشوف]

انا معاكم مسافره بس قبلها بروح فرنسا اربع ايام وبعدها انترلاكن بسويسرا وبعدها النمسا بعدها فيننا قطر

[أزهلها]

يعطيك العاافيه

[auto body]

بالتوفيق يالبية يازلامسي وضواحيها

[زمان الصمت]

انا ان شاء الله طالع مع العائله لميونخ وفينا مدة الرحله 25 يوم بأذن الله ايش افضل او قرب

لميونخ من ميونخ اطلع سالزبورج وبعدها زيلامسي ومن ثم فينا خصوصا وان العوده للدوحه

راح تكون من فيينا

او ميونخ زيلامسي سالزبورج فينا ايش الافضل

تقسيم الرحله راح يكون 10 ايام ميونخ 3 ايام سالزبورج 4 ايام زيلامسي 8 ايام فينا

اتمنى الافاده باسرع وقت ممكن ولحد يقول انزل فينا اول لان مضطر انزل ميونخ في الاول

تحياتي

[Gh2o]

العام رحت ميونج - زلمسي - فينيسيا - جينيف

بس هالسنه لندنننن ان شاء الله

[Gh2o]

انا ان شاء الله طالع مع العائله لميونخ وفينا مدة الرحله 25 يوم بأذن الله ايش افضل او قرب

لميونخ من ميونخ اطلع سالزبورج وبعدها زيلامسي ومن ثم فينا خصوصا وان العوده للدوحه

راح تكون من فيينا

او ميونخ زيلامسي سالزبورج فينا ايش الافضل

تقسيم الرحله راح يكون 10 ايام ميونخ 3 ايام سالزبورج 4 ايام زيلامسي 8 ايام فينا

اتمنى الافاده باسرع وقت ممكن ولحد يقول انزل فينا اول لان مضطر انزل ميونخ في الاول

تحياتي

10 ايام على ميونخ وااااااايد انصحك هالمده تضيفها لزلمسي خل ألمانيا بس 3 ليالي

[Ali Mohammed]

السلام عليكم ورحمة الله وبركاته
اخواني واخواتي اعضاء المنتدى الكرام
دام ان الحر جااااي جاااااي لا محاله والرطوبه كاتمه كاتمه على انفاسنا دون حول ولا قوة
والاجازة الصيفيه منتفه تنتف وحسبنا الله ونعم الوكيل
خلونا انبرد على نفسنا حبتين:discuss:
انا يا اخواني واخواتي الاعزاء ناويه اسافر هالصيف الى فينا منها الى زيلامسي وميونخ
وراح اتكون طلعتنا بحول الله وقوته 22/7/2010
والرجعه 9/8/2010
:nice:فياريت من كان له الرغبة بالسفر يشاركنا في ترتيباته للسفر بالاتي :
1- اسعار تذاكر الطيران والجهة
2- الفنادق:telephone:
3- خطط السفر
4-الاماكن السياحية
5- التسوق(وطبعا هذي الاهم حق الحريم):shy:

السلام عليكم

آختي انا العام رحت هالأماكن بالاضافة الي فرنسا ، وكنت امرتب جدول خاص مفصل فيه الرحلة بالكامل حتى ارقام الباصات موجودة عندي ، أهم شي حددي موعد سفرك وبارسل لك البرنامج على الخاص


اهم شي حددي الفنادق وحجزي التذاكر من الحين

اقترح عليك هالفنادق

فينا : فندق ردسون ساس او الماريوت الاثنين على الحديقة والي يفرق بينهم عمارتين طبعا شوفي اي واحد منهم حسب حجزك

زيلامسي : فندق جراند بلا منازع

ميونخ : المريديان او سوفتيل وهم مشاهدين بعض


هالفنادق من افضل الفنادق ،الي يميزهم انهم في السنتر ومحطة القطار قريبه منهم وحولهم كل شي تقريبا

بخصوص خطط السفر والاماكن السياحيه عندي ملف يحتوي على الاماكن السياحية وطريقة الوصول لها والاماكن الترفيهية والاسواق


اما بخصوص التسوق ما اعتقد انه هناك افضل من سوق ميونيخ من حيث التنوع والاسعار والاحجام:eek5:


اقترح عليك انه تكون البداية من فينا وبعدين زيلامسي وبعدين ميونيخ

[6611]

للاسف مالقينا الا في ساس بسبب المؤتمر في فيينا
زيلامسي لحد اللحين ما رسينا على فندق وبصراحه ودي اعرف وش هي احلى وانسب فندق فيها لانه احنا مجموعة عوائل
اما في ميونخ الكل يمدح الميرديانن
اما انا مش مقتنعه فيه لانه تمشي درب لين تصل شارع المارينا .... ولحد اللحين ما رسينا بعد على فندق

هلا اختي ساس وايد حلو وبينه وبين الانتر دقيقه مشي

فحمدالله انج حصلتي فساس وتوكلي على الله وادعي لي

وفميونخ انصحج فالماراتيم هوتيل

[شعنونة قطر]

سيلامسي = جراند هوتيل
فينا = جراند هوتيل بعد مابينه وبين شارع المشاه شي

مممممم


تذاكر الطيران مرتفعه ادخلي على موقع القطريه
اسعار اليورو نازله . . . . . . . . .

ميونخ . . . المارين بلاتز (( ماكسيميلين )) خاص للشوبنق


فيه اساله معينه انا حاضره بفيدج باللي اقدر عليه واذا توهقتي كلش روحي لاخونا غير البشر خخخخ


باي

[Ali Mohammed]

السلام عليكم

المريديان قريب من السنتر لانه المحطة بتكون عند باب الفندق ومحطة القطارات الرئيسية مقابله للفندق ، يعني لو معاكم أطفال او حريم كبار تقدون توصولون عن طريق المحطة .

ولاتنسون انه على طول الطريق للسنتر بيكون على يمينكم ويساركم مطاعم وحلات .


بصراحه خدمتهم حلوة وحتى أكلهم الفطور ممتاز مقارنة بفنادق اوروبا .

[شعنونة قطر]

طيب شاقرب فندق للمارينا ؟


وشنو اقرب فندق للالومبيابارك ؟

[Ali Mohammed]

طيب شاقرب فندق للمارينا ؟


وشنو اقرب فندق للالومبيابارك ؟


في فنادق أقرب من السنتر بس الفرق بينها بين المريديان بسيط ، لكن الي يميز فندق المريديان انه ديكوره حلو من الداخل يعني مثل فنادقنا في الخليج وهالشي نادر اتحصلينها في اوروبا ، والغرف حلوه وراقية ، وأغلب سكانه من الخليج وبالتحديد الامارات وقطر .



بخصوص الالومبيا بارك فانا اشوف ما تستاهل انه الواحد يسكن حولها لانه الجو في الصيف حار .

شخصيا زرتها وتحسفت على الزيارة كنت اتوقعها افضل واحلى من الي جفته .

[شعنونة قطر]

:(

:(

:(

:(

:(

[HAMAD2008]

السوفيتل في ميونيخ ممتاز...واحذاه كل شي...انا العام والسنه اللي فاتت هذي الامان كلها زرتها وبالسياره بعد مع الاهل والعيال..الاهل يحنون علي يبون ايطاليا واسبانيا وفرنسا هالسنه وخاطري اروح البرتغال لانها قريبه من اسبانيا ..رحت لها مره مع الشغل عجيبه والله.

شكرا

[الرميله]

انا ان شاء الله طالع مع العائله لميونخ وفينا مدة الرحله 25 يوم بأذن الله ايش افضل او قرب

لميونخ من ميونخ اطلع سالزبورج وبعدها زيلامسي ومن ثم فينا خصوصا وان العوده للدوحه

راح تكون من فيينا

او ميونخ زيلامسي سالزبورج فينا ايش الافضل

تقسيم الرحله راح يكون 10 ايام ميونخ 3 ايام سالزبورج 4 ايام زيلامسي 8 ايام فينا

اتمنى الافاده باسرع وقت ممكن ولحد يقول انزل فينا اول لان مضطر انزل ميونخ في الاول

تحياتي

انا انصحك تقلب مسار الرحله
تخلي ميونخ في الاخير لان ميونخ تسوق وسلم لي على سالزبورج الجميله
وعلى جامعتها
وشكرا ,,,

[*محمد*]

ان شاء الله اجازه سعيده وسفره سعيده تروحون وترجعون بالسلامه

[al3nabi79]

فينا وبعدين زيلامسي وبعدين ميونيخ

[ali212]

الله يوفقك

[ar2aa]

السلام عليكم ورحمة الله وبركاته اخواني واخواتي الكرام
(اسفه على الانقطاع ) واشكر كل من شاركني في الردود
بعد الاجتماع تم الاتفاق على الاتي :
11 يوم في فيينا والسكن في ساس
4 ايام في زيلامسي والسكن في شقق فندقيه
5 ايام في ميونخ والسكن في الهلتون بناء على ترحيب الجميع به
ومن العودة الى ارض الوطن الحبيب

والان نبدا بوضع جدول لكل بلده
وياريت لو تشاركوني بالاماكن الحلوه
ويالله يا بنات همتكم نبي شــــــــــــــــــــوبج سنع خخخخخخخ

[بوفصول]

السلام عليكم

عن طريق الانترنت تقدر اتسوي كافة الترتيبات

بالتوفيق واجازة سعيدة

[ar2aa]

مرحبا بك اخي بوفصول وشكرك على المشاركه
القصد هو المشاركة ماهو طلب الترتيب
شيء معروف ان الانتر نت اصبح في متناول الجميع

و الحمد لله احنا رتبنا كل شيء ووضعنا جدول للاماكن اللي بنروحها بالاوقات ولكن انا او غيري اكيد كل واحد عنده ومن خبرته اكتسب شيء مختلف عن الاخر هذا هو القصد وليس طلب العون والمساعده مثل ما انت مفتكر

[Bin Hood]

اختي شوي باعرض على موضوعك

شباب انا رايح ميونخ هذا الصيف ان شاء الله ( بزوووووووور طلعت اجازتي سوو لي حرب نفسية الشغل )

المهم وين الاماكن المميزة في ميونخ : اسواق , حدائق , ملاهي ترفيهية , محلات مميزة , مطاعم , اي شي يستحق الاهتمام وشكرا لكم لك اختي .

[ar2aa]

حياك الله اخوي وانا راح اكون اول من يرد عليك بالتفصيل الممل
اولا:الفنادق:
افضل الفنادق في ميونخ
1. Hotel Torbrä الستندر دبل روم مع الفطور لمدة 7 ليال 5853.99
موقعه فى اخر المارين بلاتس ومحطه الاندر قرواند قريبه جدااااااااااااا
2. Mercure Hotel München Altstadt ميركيور ألت شتات
يقع فى وسط المارين بلاتس وهو مصنف فئه ثلاث نجوم
ستندر روم مع دبل روم (AED 3722.40 ) موقع ممتاز والأفضل في قلب المارين بلاتز يعني 100% كما تريد3 نجوم لكن بمستوى 4 نجوم والذي يميز ميركيور ألت شتات هو ثلاثة :
الأوسع غرف فبعضها غرف صغيرة الأقرب للمارين بلاتز لأنه في القلب وليس بالقرب
الأفضل سعر رغم كل ماسبق (وحبذا الحجز المبكر ) ايرلي بووكر ..
3. ميركور الاستاد يقع فى منتصف المارين بلاتز .
4. فندق Holiday Inn city Centre مــــرّة عند المارين بلاتز و تحتـه محطّـة مترو
5. فندق الميريديان في وسط المدينه.. ويبعد عن شارع التسوق أو marienplatz حول5 إلى 7 دقايق مشي..وثاني ميزه وهي الأحلى ..إنه يبعد عن محطة القطار الرئيسية الــhauptbahnhof أقل من دقيقة مشي.. وبتلقى في المحطه مطاعم وسوبرماركت وخدمات..
(وبصراحه هو الاكثر شعبيه رغمي اني مو حابته لانه مو على طول في شارع المشاه بس الكل يمدحه ..... والله يستر ما ننصدم :rolleyes2:
ولو كان عندك حد كبير في السن أو أطفال .. تقدر تروح شارع المشاه أو التسوق مثل ماذكرت.. عن طريق القطار النفقي underground
مقابل محطة القطار ويبعد عن معالم المدينه وشوارع التسوق مسافه قصيرة مشيا علي الاقدام منطقته حيوية وقريبة من مجمعات الشقق التي يقطنها العرب ، وتنتشر حوله المطاعم العربية. يمكن المشي منه إلى المارين بلاتز بسهولة (على بعد حوالي 7 إلى 10 دقائق) ولكنه بعيد عن الماكسيميليان (يمكن استخدام قطار الأنفاق لذلك أو الترام
6. Mercure Hotel اربع نجوم قريب من الاسواق وشارع مارين بلاتز
ثانيا :الاماكن السياحية :
1. الحديقه الأولمبيه Olympic Park اللتى تضم على برج و حديقه جميله و ملعب رئيسي .. يمكنك الوصول لها بالمترو Olympic Park
2. قصر نايفمبرغ Schloss Nymphemburg مثل قصر فرساي فى باريس .. به حديقه جميله جدا و نوافير كما تاخذ جوله فى داخل قاعات القصر الصيفي ..
3. حديقة الحيوان Hellabrunn Zoo تفتح من 8 صباحا و حتى 6 مساءا .. الدخول للكبار 9 يورو و الصغار 4.5 يورو
4. مارين بلاتز Marienplatz ساحة المدينه و تكثر فيها المطاعم و المقاهى و المحلات التجاريه
5. انجليش غاردن Englisher Garten من أجمل حدائق ألمانيا و هى فى وسط المدينه
6. بحيرة شتان بيرج حلوة حولها مقاهي، وفيها سفينة تأخذك بدورة حول البحيرة
7. قارمش Garmisch من المناطق الجبليه القريبه من ميونخ ، يمكنك التمتع بجمال جبال الألب ..
8. بفاريا فيلم ستوديو Bavarian Film Studio على نمط يونفرسال ستوديو بس مصغره و بها مواقع الأفلام الألمانيه و بها عروض يوميه و جوله داخل الأستوديو ، الدخول 10 يورو للكبار و 7 يورو للصغار .. من 9 صباحا و حتى 4 مساء
9. توجد فى ألمانيا و بالأخص فى مدينة هانوفر الجميله .. Zoo Hanover
الحديقه كبيره جدا و فيها أنهار و فيها غابه أفريقيه .. تحتاج يوم كامل حتى تلفها كلها و تقام فيها عروض جميله للفيله و كلاب البحر .. قيمة التذكره للكبار 17 يورو و الصغار 12 يورو ... و معروف انها الأفضل فى أوروبا ...

وان شاء الله اكون فدتك...

[الألماسي]

يا ليت Doha Style يشـارك بالبرامج " تفصيل ممل " طبعاً . .

متـابع . .

:)

[qatar2090]

ياحظكم ماتخافون من الطيارة

[ar2aa]

مرحباا اخواني واخواتي طبعا انا وضعت ميونخ بس جذيه رد للاخ وراح ادرج ان شاء الله تقرير مرتب فاسمحولي على التقصير

[رنج سبورت]

موضوع رائع

ممكن طرق الانتقال من المطار الى فندق سوفيتيل

واحسن طريقه للوصول الى زلامسي من نفس الفندق

[da422]

جزاكم الله خير على هالموضوع

انا ناويه مع زوجي واعيالي نروح ميونخ -باريس - بلجيكا - هولندا

لكن ماعرفت شلون ارتب البلادين

بنطلع من الدوحة على ميونخ 3 ليالي وبنطلع بالسياره لين رست لليورب بارك 3 ليالي ومنها زيارة لاانترلاكن في نفس اليوم ومنها لباريس 3 ليالي وبعدها بلجيكا 3 ليالي بس شلون اروح هولندا وارجع ميونخ مادري دارس راسي وانا ادور بالمواقع ؟؟؟

جزاه الله خير اللي يعلمني ويدليني
علما بأن التنقلات بيكون بسياره خاااااااااااصه

والله يعطيكم العافيه على هالموضوع

[rashid-1]

السلام عليكم ورحمة الله وبركاته
رحلتي كانت: (فينــــا،زيلامســـــي،ميونـــــخ)
وقت الرحلة: (24/6/2010 _3 /7/2010)
فينـــــــا
السكن: بفندق الماريوت
المدة: 3ليالي
السعر:1100ريال لليله

زيلامســــي
السكن:فندق جراند هوتيل
المدة:ليلتين+الافطار
السعر:1050ريال لليله

ميــــونــــخ
السكن:فندق المرديان
المدة:4 ليالي+الافطار
السعر:950ريال لليله

سعر تذاكر القطار
من فينا الى زيلامسي:90.90 يورو لشخصين = 409 ريال
المدة:4-5ساعات ويتم تبديل القطار في سالزبورج

من زيلامسي الى ميونخ:85 يورو لشخصين = 382 ريال
المدة:ساعتين-3 ويتم تبديل القطاربعد ساعة ونصف تقريا

وعن قريب ساوفيكم بتقرير شامل مع الصور

[رنج سبورت]

ممكن احلى المطاعم القريبه من سوفتيل في ميونخ

[Bin Hood]

مشكورة اختي على الجواب الكافي والوافي

المهم الاماكن السياحية هل كلها جريبه وممكن بسهوله الوصول اليها

[barzan2]

اما فيه مطعم افغاني في ميونخ عجيبببببببببببببب في المرين بلاتز اول ما تدخل المرين بلاتز من صوب الميرديان اول لفه على اليمين لف وامش اشوي واخر الشارع يسار بس لازم تحجز والا بتنطر نطرههههههه هناك مطعم ولا ارووووع 100% والله

[al3grab]

خووش بلاد واللهـ
جوو مالهـ حل

[كايد الوكره]

انا ناوي نهايه 7 اكون هناك
بس الجو حار , درجه الحراره 33