تصليح مكيف bmw

[(العديم)]

السلام عليكم شباب بغيت مساعدتكم حد إيعرف كراج متخصص في تصليح السيارات الألمانيه عندنا bmw موديل2007 اخترب مكيفها والوكاله قصابين بكل اسف مادري وين حماية المستهلك والقرارات اللي مصدرينها علشان يحمونا من جشع الوكالات واللي إيعرف كراج لايبخل علينا وجزاكم الله خير

[قطر501]

مالك الا الالماني طريق سلوى

[(العديم)]

جزاك الله خير اخوي قطر 501على التجاوب السريع وين مكانه بالضبط يالشيخ

[فلفل حار]

شيكـ كراج طارق شارع14

خذ رقمهم من كيوتـل وآتصلهم وآسآل عن جهـاد ... :)

[الـخـور]

في عندك بعد كهربائي المعمورة الي قبل محلات الزينة بعد وكالة فهد المردسدس ابحوالي 100 متر

ماعليك من الوكالة لان اجرة اليد عندهم غالي وهم مايصلحون لابد يبدلون كامل
حتى لو مشكلة بسيطة هم مايدورون حل للمشكله هم لازم يبدلون الخظر واليابس


في بعد كراج فنان حق البي ام والمرسدس .. اسمة auto car اضن هاي اسمة .. اتصل البداله وخذ رقمهم
بتحصلة في شارع 24 اذا ماخاب ضني
بتشوف كله مرسدسات وبي ام الي عنده .. وهو يحاول يعالج لك المشكله باقل تكاليف حتى لو تبي قطع مستعمله يجيبلك

[*^*محمد*^*]

كراج الزعيم شارع 2 بعد بلدية البصناعيه

[خيال شمر]

في بعد كراج فنان حق البي ام والمرسدس .. اسمة auto car اضن هاي اسمة .. اتصل البداله وخذ رقمهم
بتحصلة في شارع 24 اذا ماخاب ضني

وعندك بعد في محطة التيسير الي في شارع سلوى داخل بعد البوابة فيه محل بعد محل الي يبيع رنقات يبين راح تعرفه عند واحد اسمه ابو هاني .... بالتوفيق

[مستثمر 999]

كراج التركي الالماني

ارسن - اموت - جون

مجرب ومضمون

طريق سلوى قبل التضا من بمحلين

والرشيد نفس المكان بس غالي

[(العديم)]

أخواني قطري501، فلفل حار، الخور ، محمد ، خيال شمر ، مستثمر999
بيض الله وجيهكم ماقصرتوا وجزاكم الله خير

[الغالي!]

نصيحه سوه في الوكالة وخذ ضمان

[samerqatar]

موضوع مهم على أول الصيف
زيدونا عناوين لأن الكومبريسور إنضرب في الـ x5 و شكلها بتكلف كثير
و لازم أدور شوي قبل ما أصلح

[alkoos]

انا اخبر ان الوكاله ضمانها 5 سنوات على كل شي في السياره وبعدين نصيحه لا تسويه الا في الشركه ضمان وشغل نضيف برع يصلحه لك بعد شهر خربان هذي سيارات المانيه مب اي حد يصلحها لك ادفع شوي بس خذ شغل نظيف

[(العديم)]

أخوي الغالي! مشكور على النصيحه وصادق عليه ضمان سنتين
أخوي samer qatar الله إيعينك نعم بتكلف تصليحها في الوكاله 13 الف تبديل الكمبريسور + الفبوريتور
أخوي alkoos الضمان 3 سنوات بس وإذا تبيه 5سنوات تدفع 12 الف أنا للإسف جددت السيرفس بس(تبديل زيت+تبديل سفايف ب6000ريال) وإن شاء الله باخذ بنصيحتكم وبصلح في الوكاله

[samerqatar]

أخوي الغالي! مشكور على النصيحه وصادق عليه ضمان سنتين
أخوي samer qatar الله إيعينك نعم بتكلف تصليحها في الوكاله 13 الف تبديل الكمبريسور + الفبوريتور
أخوي alkoos الضمان 3 سنوات بس وإذا تبيه 5سنوات تدفع 12 الف أنا للإسف جددت السيرفس بس(تبديل زيت+تبديل سفايف ب6000ريال) وإن شاء الله باخذ بنصيحتكم وبصلح في الوكاله
أخوي بو محمد ,ما هو الفبوريتور ؟ و لماذا يجب تبديله ؟