مساعدة&&&&&&&&&&&&&&&

[سارا.]

سلام عليكم
استفسار للي عندة معلومة عن كسل احدا العينين قصر النظر
عن الزقة الي اتحط على الين الي نظرها طبيعي عشان العين الكسلانة تنشط ومايكون العتماد على الين الصاحية وتكسل العين الثانية حد جرب او عندة خلفية عنها=========

[SASAS]

نعم أختي

بنتي تعاني من كسل العين
وتحتاج الى لزقة اتحطها على العين الصاحية وذلك لتقوية النظر في العين الكسلانة ...
لا خوف على الأطفال من هذا الظاهرة أما الكبار فتكون أصعب !
فقط عليكم اتباع اغلاق العين الصاحية حسب ما ذكره الطبيب ....

[سارا.]

كم عمر بنتش وكم سارالكم ونتو تحطون لزقة وكم ساعة اتحطونها وهل شفتي فايدة منها
وجزاش اللة خير

[نعيمه علي]

اختي الكريمة

هذه الحالة ما تقدرين تقررين بنفسج انه تحطين اللزقة
لان كسل العين له درجات
روحي لدكتور اسمه يوسف بوالفين
اللي عند اشارة المنتزه
دكتور شاطر في تشخيص هذه الحالات
او اتصلي على عيادة الدكتور فهد القحطاني
دايما عندهم استشاري لبناني عشان هذه الحالات

والف سلامه


.

[umabdulla77]

السلام عليكم اختي
بنتي عندها نفس الحالة
بداية كنت اعالجها عند الدكتور يوسف بوالفين وبعدين هو بنفسه حولني على العيادات الخارجية
لاستشاري اسمه محمد امان الله خاص فقط لهالحالات ربي يذكره بكل خير لانه راح امريكا
وطبعا بدا مع بنتي باللزقات وبحكم صغر سنها ماكلنت تلتزم دووم تصيح وماتبيها وطبعا كان يتابعها اول باول
لحد قبل لاتكمل الست قال لازم اسوي لها عملية لشد عضلة العين وسويناها والحمدلله بدت تتحسن لكن بشرط ماتفصخ النظارة ونفس الشي كانت ماتبي فرجع لنا اللزقات بس باوقات اقل وهذا هي بدت عينها تقوى ولله الحمد بس الحين اللزقة يدوب تحطها يوم ورا يوم ومدة نص ساعة بس

وبعد سفره الحين اتابع مع الدكتورة عايدة خلفان في حمد ماشاءالله عليها ممتازة
واي اسئلة ثانية انا حاضرة
وربي يشافيها ويعافيها

[سارا.]

اللة يجزاكم خير ماقصرتو -