القطري الي يشتغل في راس غاز .. يتفضل

[bo-ibrahem]

السلام عليكم

الموضوع انا بنتقل من وظيفة الى راس غاز وحبيت استفيد ببعض المعلومات

يعني نصيحتك ومميزات المكان وعيوبه

وياريت الي بيكلمني عالخاص تكون عنده جديه

اخواني الي يشتغل في راس غاز يراسلني عالخاص ضروووووري



واتمنى من باقي الشباب يرفعون الموضوع ولو بدعاء لان الموضوع مهم بالنسبة لي :weeping:

[القطــــــرية]

موفق إن شاء الله

[البدع]

شوف

شركتني في قطر بكبرها ماتتعوض فيها الشغل

والي يطلع منها غالبا يندم ندم الشر

قطر غاز

وراس غاز

الرواتب والمميزات مرفوعة عنها القلم

والله يوفقك يالغالي

[bo-ibrahem]

موفق إن شاء الله

مشكورة عالمشاركة والله يوفق الجميع

[bo-ibrahem]

شوف

شركتني في قطر بكبرها ماتتعوض فيها الشغل

والي يطلع منها غالبا يندم ندم الشر

قطر غاز

وراس غاز

الرواتب والمميزات مرفوعة عنها القلم

والله يوفقك يالغالي

كلامك عين الصواب اخوي بس في كثير من الشباب اطلعو من هناك والسبب التفرقه وخاصه الي خبري خبرك

[البدع]

كلامك عين الصواب اخوي بس في كثير من الشباب اطلعو من هناك والسبب التفرقه وخاصه الي خبري خبرك

مافي اي تفرقة الحين اخوي

يمكطن قبل بس الحين الوضع تغير في اغلب قطاع النفط

بعطيك اياها كاش

تعرف تتملحس

لسانك حلو

تضحك

تتصل على المدراء من تحت لين تحت

تعرف الخبث وكيف تحفر لربعك

اذا كانت اجوبتك اغلبها نعم .. فيابختك

وكل الي تريده راح تحصل عليه

[bo-ibrahem]

مافي اي تفرقة الحين اخوي

يمكطن قبل بس الحين الوضع تغير في اغلب قطاع النفط

بعطيك اياها كاش

تعرف تتملحس

لسانك حلو

تضحك

تتصل على المدراء من تحت لين تحت

تعرف الخبث وكيف تحفر لربعك

اذا كانت اجوبتك اغلبها نعم .. فيابختك

وكل الي تريده راح تحصل عليه

سلامي عليك .. واهم شي الصرااااحه

بس للاسف اجابتي لالالالالالالاء مستحيل

ماتربيت على اني احفر لربعي :weeping:

التوفيق والرزق من الله ..

وايش خانتي اكون مدير واخرتها دعاوي الناس على راسي طول اليوم

[خليفة77]

بالتوفيق الدائم ان شاء الله .

[bo-ibrahem]

بالتوفيق الدائم ان شاء الله .

الله يجزاك كل خير اخوي

[alfahad1]

ههههههههههههههههههههههههههه

والله يالبدع جبتها ما وصلنا لان ما عندنا هالمهارات

بالتوفيق يابوبراهيم

[jajassim]

مافي اي تفرقة الحين اخوي

يمكطن قبل بس الحين الوضع تغير في اغلب قطاع النفط

بعطيك اياها كاش

تعرف تتملحس

لسانك حلو

تضحك

تتصل على المدراء من تحت لين تحت

تعرف الخبث وكيف تحفر لربعك

اذا كانت اجوبتك اغلبها نعم .. فيابختك

وكل الي تريده راح تحصل عليه

اخوى البدع ماهذا الكلام ،،

الله يرضى عليك :shy:

[بوعمير]

آمر بو ابراهيم.

[محمد2]

مافي اي تفرقة الحين اخوي

يمكطن قبل بس الحين الوضع تغير في اغلب قطاع النفط

بعطيك اياها كاش

تعرف تتملحس

لسانك حلو

تضحك

تتصل على المدراء من تحت لين تحت

تعرف الخبث وكيف تحفر لربعك

اذا كانت اجوبتك اغلبها نعم .. فيابختك

وكل الي تريده راح تحصل عليه

معنى كلامك خوي (يعني مايبون واحد شغول ومنتج ومواضب ) (يبون واحد جمبازي وسربوت وسيدي كيدي . ويضحكهم ويحضر وياهم جلساتهم وسهراتهم )لعنة الله على هالوظيفة اللي يبوني اصير لهم سبوس,
والله اطر على بيبان المسايد ولا اصير سبوس(تجوع الحرة ولا تأكل بثديها)

[البدع]

معنى كلامك خوي (يعني مايبون واحد شغول ومنتج ومواضب ) (يبون واحد جمبازي وسربوت وسيدي كيدي . ويضحكهم ويحضر وياهم جلساتهم وسهراتهم )لعنة الله على هالوظيفة اللي يبوني اصير لهم سبوس,
والله اطر على بيبان المسايد ولا اصير سبوس(تجوع الحرة ولا تأكل بثديها)

تبي تطلع فوق ,,, فلازم هذي الحركات

بس الحق ينقال ,, في ناس يخافون ربهم ,, ويرقون الافضل

هذي الايام محد صايدها الا حب الخشوم

ومب شرط تروح سهرات

يعني لو سوالف فرفشة خفيفة وعقار يكون زين

وفي مدير يموووت في نقل السوالف ,,, اذا تنقل له كلام وعقار ,, فانت من الفئة المحبوبة

هذا والله اعلم

[البدع]

اخوى البدع ماهذا الكلام ،،

الله يرضى عليك :shy:

هذا خو الصدق

والله يشهد علي اعرف واحد رقوووووه بسرعة الصاروخ لفوق لانه يتملحس للمدراء ويدز الوجه عندهم ويحفر لربعه ,,,

[القبقب]

السلام عليكم ورحمة الله وبركاته

اخوي بوابراهيم شركة راس غاز مميزة جداً من عدة نواحي

خصوصاً انهم ممكن يعطونكفرصه تكمل دراستك (ماجستير ودكتوراه ) بكل سهوله

بنسبه لراتب ممكن تكون من افضل الرواتب في قطر يعني لو كنت جامعي وعندك خبره اكثر من خمس سنين اقل شي الراتب في حدود 40 الف اذاكان شغلك في لفان واذا كان في الدوحه شيل 4000

بس لو تحدد في اي ادارة جايك العرض ممكن افيدك اكثر

وبشكل عام الشركه ممتازه

تحياتي

[bo-ibrahem]

آمر بو ابراهيم.

طالع الخاص اخوي

[bo-ibrahem]

هذا خو الصدق

والله يشهد علي اعرف واحد رقوووووه بسرعة الصاروخ لفوق لانه يتملحس للمدراء ويدز الوجه عندهم ويحفر لربعه ,,,

اخوي البدع

للاسف الكلام الي تقوله صاير في اغلب الادارات والله يحفظنا انشالله

[bo-ibrahem]

السلام عليكم ورحمة الله وبركاته

اخوي بوابراهيم شركة راس غاز مميزة جداً من عدة نواحي

خصوصاً انهم ممكن يعطونكفرصه تكمل دراستك (ماجستير ودكتوراه ) بكل سهوله

بنسبه لراتب ممكن تكون من افضل الرواتب في قطر يعني لو كنت جامعي وعندك خبره اكثر من خمس سنين اقل شي الراتب في حدود 40 الف اذاكان شغلك في لفان واذا كان في الدوحه شيل 4000

بس لو تحدد في اي ادارة جايك العرض ممكن افيدك اكثر

وبشكل عام الشركه ممتازه

تحياتي


جزاك الله خير

تبشر اخوي ولا يهمك الحين اكلمك عالخاص

[bo-ibrahem]

تم الرد للجميع

[مابدل العادات]

الله يوفقك يابوابراهيم

[محمد2]

تبي تطلع فوق ,,, فلازم هذي الحركات

بس الحق ينقال ,, في ناس يخافون ربهم ,, ويرقون الافضل

هذي الايام محد صايدها الا حب الخشوم

ومب شرط تروح سهرات

يعني لو سوالف فرفشة خفيفة وعقار يكون زين

وفي مدير يموووت في نقل السوالف ,,, اذا تنقل له كلام وعقار ,, فانت من الفئة المحبوبة

هذا والله اعلم

صادق اخوي (البدع) في مدراء نفس ما قلت عنهم

بس بعد ارد واقول انا عن نفسي (اطر على بيبان المسايد ولا اصير نقال حجي واصير سبوس؟؟؟؟؟؟؟؟)

[محمد2]

اخوي البدع

للاسف الكلام الي تقوله صاير في اغلب الادارات والله يحفظنا انشالله

هذا هو الفساد الأداري بعينة والله يستر من الجاي

[MoneyMaker]

اخوي ابو ابراهيم انا مب في راس غاز ولكن اللي اعرفه ان شركة راس غاز شركة ممتازه,ولكنها ليست الافضل
نصيحتي لك تروح على شركة للحين مشاريعها قيد الانشاء عندك شركة قطر شل (بيرل جي تي ال)او اكسون( مشروع غاز الخليج)

بالنسبه لقطر غاز للاسف شركة متواضعه وراتبهم متواضعه والتطوير متخبط مقارنه مع شركات البترول الاخرى.

[bo-ibrahem]

اخوي ابو ابراهيم انا مب في راس غاز ولكن اللي اعرفه ان شركة راس غاز شركة ممتازه,ولكنها ليست الافضل
نصيحتي لك تروح على شركة للحين مشاريعها قيد الانشاء عندك شركة قطر شل (بيرل جي تي ال)او اكسون( مشروع غاز الخليج)

بالنسبه لقطر غاز للاسف شركة متواضعه وراتبهم متواضعه والتطوير متخبط مقارنه مع شركات البترول الاخرى.

جزاك الله خير اخوي

ونصيحتك عالعين والراس

بالنسبة للاماكن الي قلت لي عنها يمدحونها في حالة وجود الشهادة الجامعية

بس للاسف انا عندي ثانوية :(

[محمد افندي]

كلام البدع صحيح .. و الي بيصير طيب و حبوب زيادة عن اللزوم مهوب عايش :)

الرزق ما يوخذ بالطيبة للاسف !!

[Tiamo]

معظم الكلام للأسف غير صحيح

من يثبت نفسه راح يوصل للقمر بدون تملحس ولا تقلحص

لأن لكل مجتهد نصيب

والموظفين اللي يطرون التملحس مع المدراء فهذول نظرتهم لا تتعدى أقدام أرجلهم

وحدهم حدهم إذا وصلوا سنير انجنير يبوسون ايديهم بطن وظهر وواجد عليهم حتى ولو عندهم mba

لان هذة العقليات غير مرغوب بها وللأسف يا مكثرهم في مجتمعنا

يربطون فشلهم بأشياء من نسج الخيال

[AL_MUTAEM]

اخوي اذا تبي الصراحه واقولها بالفم المليان اذا عندك واسطه بهالشركه توكل على الله واذا تقول ماعندك اللا الثانويه ترا فيه واحد عندي اول اعدادي عطوه درجة سنير بس لان اخوه مدير وازيدك من الشعر بيت مطرشينه لدورات خارجيه مخصصه للجامعيين ..

يعني شركة واسطه ولازم تضبط علاقتك بالمدراء واقصد الغير قطريين يعني هندي اندونسي ولا امريكي وموضوعك خالص ..

فيه واحد الله يذكره بالخير واهو بعد معانا بالمنتدى وراح يقرا ردي ويعرفني يقول بلسانه اشتغلت خدامه اربع سنين وخذا درجة كبار الموظفين وعنده اول ثانوي ..

وراح تشوف القطريين يتملحسون للمدراء مش بالشركه بتشوفهم بالسكن اللي بالخور كل واحد مبركن موتره جدام بيت مديره ..

اقول خلني ساكت ولا البعض بيزعل ..

[AL_MUTAEM]

معظم الكلام للأسف غير صحيح

من يثبت نفسه راح يوصل للقمر بدون تملحس ولا تقلحص

لأن لكل مجتهد نصيب

والموظفين اللي يطرون التملحس مع المدراء فهذول نظرتهم لا تتعدى أقدام أرجلهم

وحدهم حدهم إذا وصلوا سنير انجنير يبوسون ايديهم بطن وظهر وواجد عليهم حتى ولو عندهم mba

لان هذة العقليات غير مرغوب بها وللأسف يا مكثرهم في مجتمعنا

يربطون فشلهم بأشياء من نسج الخيال


معذرة اخي الكريم ..

اللي اعرفهم معرفه شخصيه اربعه قدموا استقالاتهم من الشركه هذا بس في سنة 2009 وبس اللي اعرفهم معرفه شخصيه وكانوا مدراء اقسام بالانابه واتى مدير بقدرة قادر من الموظفين اللي عندهم بالقسم !! والسبب انهم لا يعلمون كيف يتم التملحس !!
يعني مافيه مكان للمجتهد !!

سوف تكثر علامات التعجب بهالشركه

[ولد شرق]

يالاخوان يا هل قطر
بسكم سب في بعض
اللي يقول لي احفر حق رفيجك علشان توصل واللي يقول احضر معاهم سهراتهم
هاذي مهب عاداتنا ولا تقاليدنا
ارجع دلينك و اشتغل باخلاص وربك بيفتح لك الابواب
والدخلاء على المجمتع اللي يشعللونها ويأيدون حفر المواطن لاخوه المواطن اقول له اطلع من السالفه والقطري ولد الناس اللي تحكمه قناعاته و اخلاقه عمره مايفكر يحفر حق اخوه

وان حفر اقول له ترى الدنيا دواره بتلف وبترجع لك...


اما بالنسبه لشركة راس غاز انا كنت فيها قبل فتره والشركة ماعليها كلام وممتازه وطلعت فيها دورات وتطورت فيها بدون اي واسطات ولا حب اخشوم مثل ما قال الاخ
الواسطات موجوده في كل مكان وهالشي طبيعي مب بس في راس غاز...

انا اقول لك اخوي توكل على الله و ادخل الشركة وخلك من كلام الحاقدين

واتنمى كل التوفيق للمواطن القطري بعيدا عن اعين الحاقدين...

[AL_MUTAEM]

اخوي ولد شرق اي حاقدين ربي يهديك ..

محد حاقد واذا حاقد على شنو بالضبط ؟؟

الموضوع فقط استفسار الشخص وللامانه رديت عليه انا والاخوان جميعا رد يمليه ضميرنا جميعا واتوقع لو انك كنت موظف بالشركه راسلني عالخاص وبذكر لك الاسماء وبذكر لك اسمي وبأي اداره ..


الموضوع سؤال وجواب وجزاك الله خير على ردك بس خلنا نبتعد عن الحقد و ..

[ماريسا]

موفق ان شالله

[bo-ibrahem]

جزاكم الله خير اخواني

قريت ردودكم كلها والحمد لله ارتحت نفسيا بس باقي المعنويا

[المخفي]

معنوياً صل استخارة و توكل على الله

[البدع]

جزاكم الله خير اخواني

قريت ردودكم كلها والحمد لله ارتحت نفسيا بس باقي المعنويا

توكل على الله

وصل استخارة مثل ماقال اخونا المخفي

ورايي ان مافي احسن من قطر غاز وراشس غاز ودولفين

والله يوفقك

[ريم المدينة]

معظم الكلام للأسف غير صحيح

من يثبت نفسه راح يوصل للقمر بدون تملحس ولا تقلحص

لأن لكل مجتهد نصيب

والموظفين اللي يطرون التملحس مع المدراء فهذول نظرتهم لا تتعدى أقدام أرجلهم

وحدهم حدهم إذا وصلوا سنير انجنير يبوسون ايديهم بطن وظهر وواجد عليهم حتى ولو عندهم mba

لان هذة العقليات غير مرغوب بها وللأسف يا مكثرهم في مجتمعنا

يربطون فشلهم بأشياء من نسج الخيال


ودي اصدقك بس ما اقدر


يالاخوان يا هل قطر
بسكم سب في بعض
اللي يقول لي احفر حق رفيجك علشان توصل واللي يقول احضر معاهم سهراتهم
هاذي مهب عاداتنا ولا تقاليدنا
ارجع دلينك و اشتغل باخلاص وربك بيفتح لك الابواب
والدخلاء على المجمتع اللي يشعللونها ويأيدون حفر المواطن لاخوه المواطن اقول له اطلع من السالفه والقطري ولد الناس اللي تحكمه قناعاته و اخلاقه عمره مايفكر يحفر حق اخوه

وان حفر اقول له ترى الدنيا دواره بتلف وبترجع لك...


اما بالنسبه لشركة راس غاز انا كنت فيها قبل فتره والشركة ماعليها كلام وممتازه وطلعت فيها دورات وتطورت فيها بدون اي واسطات ولا حب اخشوم مثل ما قال الاخ
الواسطات موجوده في كل مكان وهالشي طبيعي مب بس في راس غاز...

انا اقول لك اخوي توكل على الله و ادخل الشركة وخلك من كلام الحاقدين

واتنمى كل التوفيق للمواطن القطري بعيدا عن اعين الحاقدين...



وليش هالواسطات مب موجودة في الشركات الاجنبية مثل شل واكسون موبيل؟؟ :omen2:

[بوحارب]

جزاكم الله خير اخواني

قريت ردودكم كلها والحمد لله ارتحت نفسيا بس باقي المعنويا

اشرب كرك وبترتاح معنوياً :d:looking:



الله يوفقك اخوي بوبراهيم :)

[البدع]

ودي اصدقك بس ما اقدر




وليش هالواسطات مب موجودة في الشركات الاجنبية مثل شل واكسون موبيل؟؟ :omen2:

للحق اقول الواسطات موجودة في الشركات الاجنبية لتوظيف اقارب الموظفين الاجانب (زوجته - ابنه ...الخ) .. واكثرهم شركة ميرسك

اما القطري فمايحق له توظيف اقاربه

بس الترقيات وغيره .. مافيها واسطة للجميع

[bo-ibrahem]

يالاخوان يا هل قطر
بسكم سب في بعض
اللي يقول لي احفر حق رفيجك علشان توصل واللي يقول احضر معاهم سهراتهم
هاذي مهب عاداتنا ولا تقاليدنا
ارجع دلينك و اشتغل باخلاص وربك بيفتح لك الابواب
والدخلاء على المجمتع اللي يشعللونها ويأيدون حفر المواطن لاخوه المواطن اقول له اطلع من السالفه والقطري ولد الناس اللي تحكمه قناعاته و اخلاقه عمره مايفكر يحفر حق اخوه

وان حفر اقول له ترى الدنيا دواره بتلف وبترجع لك...


اما بالنسبه لشركة راس غاز انا كنت فيها قبل فتره والشركة ماعليها كلام وممتازه وطلعت فيها دورات وتطورت فيها بدون اي واسطات ولا حب اخشوم مثل ما قال الاخ
الواسطات موجوده في كل مكان وهالشي طبيعي مب بس في راس غاز...

انا اقول لك اخوي توكل على الله و ادخل الشركة وخلك من كلام الحاقدين

واتنمى كل التوفيق للمواطن القطري بعيدا عن اعين الحاقدين...

الله يعطيك العافيه على الكلام الي يسر الخاطر

[bo-ibrahem]

اشرب كرك وبترتاح معنوياً :d:looking:



الله يوفقك اخوي بوبراهيم :)


عيل نجهز الكرك والشيشة