البنشري الي في مجمع الدحيل بجانب مركز خدمة النيسان

[king fish]

في بنشرجي في محطة بترول الدحيل بجانب مركز خدمة نيسان
من جرب تعامل معهم او حصله موقف معهم لان تعاملهم جدا جدا جدا جدا سئ
وهم من جنسيه عربيه شكلهم من الد ... يعني عادي كلمه كلمتين تلاقيه حاذفك في الجاك

[الجنوبي 11]

انا في الحقيقه جربتهم اشوف الشخص اللى اتعامل معاه جدا خلوق ........ سبحان الله يمكن يكون عنده ضرف .....

[king fish]

انا في الحقيقه جربتهم اشوف الشخص اللى اتعامل معاه جدا خلوق ........ سبحان الله يمكن يكون عنده ضرف .....



تعاملت مع الطويل !!
وبعدين قارن الأسعار الي عندهم مع الاسعار الي في الاماكن الثانيه

[محمد2]

في بنشرجي في محطة بترول الدحيل بجانب مركز خدمة نيسان
من جرب تعامل معهم او حصله موقف معهم لان تعاملهم جدا جدا جدا جدا سئ
وهم من جنسيه عربيه شكلهم من الد ... يعني عادي كلمه كلمتين تلاقيه حاذفك في الجاك



اول مرة اسمع بجنسية عربية تشتغل عندنا في البنشرجي , آخابر ايرانين وبعدين جاو هنود وبنغال ,
المهم (افا عليك , بدال ما هويحذفك بجاك انت تغدى فية قبل ما يتعشى فيك)والعن تاريخه بعد ,,,,

[حليتان*]

ههههه الحمدلله ولا مره رحت له مع اني اروح دحيل عشان تشيك السيارة لان ماعندهم زحمه((نيسان))

[غاليهم]

صرااحة معاك حق

أعوذ بالله تعامله بايخ وكلش مافي احترام

وسعره غالي بعد

ويقولون ليش ما تجيبون عرب


حسبي الله ونعم الوكيل

[بو الطيب]

اناا باجر بروح له خله يقولي شي بنزل ببكس له وانا محرك

[Sharshooooor]

متكبرين مادري على شنو

[auto body]

الله لايحوجنا لهم ولا للبنشري

الله مكثر الهنود الطيبين

[بوحارب]

انه تعاملت معاهم اكثر من مرة واشوفهم في قمة الذوق والأدب

وخدومين بعد

[باراكودا]

انه تعاملت معاهم اكثر من مرة واشوفهم في قمة الذوق والأدب

وخدومين بعد

قمة في النصب والاحتيال وأخر مرة تعاملت معاهم طلبوا مني 150 ريال على مشوار
من الدحيل الى الخريطيات بمجرد خروجه من المحل يطلب منك هذا المبلغ
وأسعاره اغلى من جميع البنشرية في منطقة الخليج .

[CH Engineer]

اسعاره غاليه صح
بس يحترم الزبون ويتملحس..

[جبر]

الي اعرفة انا ممنوع السكن داخل المحل الشباب 4 ويرقدون داخل المحل وماعندهم الله يعزكم حمام دايمن يروحون حمام المسجد الي قدام محلهم بضبط وفالليل يتسكعون في الفريج

[king fish]

الي اعرفة انا ممنوع السكن داخل المحل الشباب 4 ويرقدون داخل المحل وماعندهم الله يعزكم حمام دايمن يروحون حمام المسجد الي قدام محلهم بضبط وفالليل يتسكعون في الفريج

ما الهدف من التسكع في الليل !!!!!!!!!!!!!!!!!!!!!!!!!



انا ما كتبت الموضوع الا بعد ما صارلي موقف أنا وواحد من الشباب صار معه نفس الموقف

[بواردي]

انا جربتهم اكثر من مرة

مرة بنشر ومرة كهربا

والصراحة محترمين و الطويل بالذات

بس مايتكلمون وايد

وبعدين ياخي انت تقول كلمة كلمتين ويحذف بالجيك

انت متهاوش معاه؟؟

وماداري هم ساكنيين فالمحل ولا لا

بس هم عمال كم تتوقع رواتبهم؟

الله لا يحيجنا لحد

[الجنوبي 11]

يا جماعه الموضوع مايستاهل ، اذا ما عجبك شغلهم شوف غيرهم ، اشوف ان الموضوع اعطي اكثر من حقه ، وماشاء الله اشوف اكثر المشاركين في هذا المنتدي من دحيل ايش رايكم نشرب شاي الليله عن المطعم اللى جنب البنشري الساعه 8 مساء ، يومكم سعيد باذن الله

[بواردي]

يا جماعه الموضوع مايستاهل ، اذا ما عجبك شغلهم شوف غيرهم ، اشوف ان الموضوع اعطي اكثر من حقه ، وماشاء الله اشوف اكثر المشاركين في هذا المنتدي من دحيل ايش رايكم نشرب شاي الليله عن المطعم اللى جنب البنشري الساعه 8 مساء ، يومكم سعيد باذن الله

تدري احيانا اقول ان منتدانا كانه دفتر يوميات او مذكرات

نكتب فيه اي شي يصير لنا ..........

يعني اتوقع اي شي

تدري احيانا الواحد ما يحصل له موضوع يكتبه

فيكتب اي موقف صاده في هاليوم

[راعي البيرق]

المشكلة لما نتعامل مع الهندي نتعامل معاه وكنه خدام البيت وبعض الشباب يبون يعممون نفس
المعاملة مع العرب وكانه طبع فيهم ....
المشكلة لما نروح الدول المجاورة مافي احسن منهم ليش تغيرت المعاملة برة سبحان مغير الاحوال

[فلفل حار]

مع آحترامي لكـ ...
آتوقع ردة فعله بتكون مبنيه على طريقة تعاملكـ معاه بالبدايه ...

والله آعلـم ...




(وجهة نـظر)

[ولد قحطان]

المشكلة لما نتعامل مع الهندي نتعامل معاه وكنه خدام البيت وبعض الشباب يبون يعممون نفس
المعاملة مع العرب وكانه طبع فيهم ....
المشكلة لما نروح الدول المجاورة مافي احسن منهم ليش تغيرت المعاملة برة سبحان مغير الاحوال

هذي النقطة اهي بداية ونهاية المشكلة

اخوي ذولي عرب
يعني في عندهم عزة نفس وفي اشياء مايرضونها
يعني الهنود والاسيويين متعودين على طبعنا

عاملهم مثل ما تحب هم يعاملونك

ومسلم ابرك من سيكي او هندوسي او مسيحي

[الوعد2016]

اناا باجر بروح له خله يقولي شي بنزل ببكس له وانا محرك

انتبه على روحك هذا مع سبق الاصرار والترصد يعني مخطط ومنفذ ومعتدي
والقرار راجع لك

[بوحارب]

قمة في النصب والاحتيال وأخر مرة تعاملت معاهم طلبوا مني 150 ريال على مشوار
من الدحيل الى الخريطيات بمجرد خروجه من المحل يطلب منك هذا المبلغ
وأسعاره اغلى من جميع البنشرية في منطقة الخليج .

يعني زعلان على ال 150


روج دور غيره وراح توفر على نفسك الكثير

تاجر وعطاك سعره وين المشكلة :)

[نمر بن عدوان]

بصراحه انا تعاملت معاهم والنعم فيهم ذوق واحترام وامانه اكيد اخوي انت غلط عليه .

[king fish]

لا ما غلط عليه بالعكس جدا جدا كان كلامي راقي