يا ليت تساعدوني ، ابي ادخل ولدي الروضة

[همس1]

السلام عليكم ورحمة الله وبركاته




مرحبا بالجميع وعساكم تكونون جميعا بأحسن حال..


عندي استفسار على طلب مساعدة وعلى فضفضة ... كل شي ببعضه


ولدي الحين عمره 3 سنوات وشهرين واهوا أول عيالي وما عندي خبرة في سوالف الروضة


والحضانة.. وبصراحة احترت من الناس.. اللي يقول لي دخليه الروضة واللي يقول لي


توه صغير وبصراحة مو عارفة شاسوي.. واللي يعور القلب اكثر اني بديت مع زوجي


ندور حضانات..


وبغينا نسجله في احد المدارس اللي فيها كل المراحل من الحضانة لي الثانوي


اتصلنا المها طبعا قالوا ما بياخذونه حق روضة وممكن نسجله شهر واحد حق الدراسة السنة


الياية بس طبعا بيكون ريسبشن مش روضة والقهر ان بيكون على لائحة الانتظار


يمكن ياخذونه ويمكن لا ونفس الشي مدرسة هاوس بارك قالوا لنا انها ممتازة


بس نفس الشي ما بياخذونه هالسنة ولازم نسجله شهر واحد حق السنة الياية


وهم ممكن يكون على قائمة الانتظار ويقولون الاولوية حق اللي عنده اخوان


اذا هو بجري من وين يكون له اخو في المدرسة


بس قالوا الافضل ندخله روضة مستواها ممتاز على النظام الانجليزي مثل المها


انزين والمها ما في مجال.. طيب وين نوديه؟؟ في حضانات ثانية مستواها ممتاز وممكن


يكون فيها كل المراحل ؟؟؟ واذا وديته حضانة ما فيها كل المراحل بعدين وين اوديه؟؟


كلش مو عارفة في هالامور


انا ساكنة في المعمورة يعني اي الحضانات القريبة من المعمورة وفي نفس الوقت


مستواها يليق بالمها والهاوس بارك لانهم يبون الطفل يكون مثقف


سمعنا عن حضانة ستيب وان Step One في حد سمع عنها


يا ليت تفيدوني بأقرب وقت ممكن علشان يسجلونه حق شهر 9..


ربي يوفق اللي يساعدني ويجبر بخاطره مثل ما جبر بخاطري :weeping:




بإنتظاركم :weeping:

[shaikha ma]

هلا حبيبتي

اختي انا انصحج اذا بتدخلينه عندج روضة اقرا انجليزية اسلاميه مستواها نفس مستوى مدرسة المها

هي الصراحه ممتازه عن تجربه طبعا وفي فرعين

وحده عند النادي الاهلي ووحدة عند سباير

وموفقه اختي ..

[qrt_trading]

إختي في عندكم حضانة اسمها الحضانة الإنجليزية في المعموره الفة إللي بعد حملة الأنصار وايد زينة أنا ولدي هناك واستفاد لما دخلته ما كان بعرف كلمة انجليزي والحين ماشاء الله لغته زينة.

وعندج في عين خالد مدرسة المنتصوري فيها كل المراحل وممتازة جربي كلميهم وشوفي شلي يصير.

بالتوفيق إن شاء الله

[حياة]

المها قبل كانت زينه اما الحين اندمرت فيه الحياه العالميه ممتازه جدا وثنائيه اللغه عربي وقران وانجليزي
ولين الحين فيها تسجيل ..انصحج فيها وياخذون اعتقد من 3 سنوات

[همس1]

جزاكم الله خير جميعا :)

فيه خيارات ثانية؟

[كازانوفا]

نفس سؤالك ان شالله نسمع اراء اكثر

[بولينجر]

توه صغير خليه عندج في البيت.... والله يحفظه ويخليه لج....

[qatarlands]

فيه حضانه اسمها ليتل استيب منهاجها يقولون وايد زين ومكانها على مااعتقد في الدحيل او الشماليه

مادري والله
بس يقولون زينه

[سارا.]

يمدحون الحياة

[شرقاويه]

المها وبس ومو كلامي بروحي الكل يمدحها عندهم خبره في التدريس وانا كان على الانتظار وخلال اسبوع دقوا علي ورحت لهم

[*محمد*]

لا تستعجلين على تدريسه من الحين !!
بس اذا حابه ان يتعلم في هالعمر جيبي له مدرسه في البيت تعلمه قراه القران وتحفظه القران وتعلمه الحروف العربية والانجليزية ونطقها بطريقه صحيحه وسليمه .

بالتوفيق
فالمستقبل
اذا تم تسجيله في اي روضه او حضانه

يليت تذكرين تجربتج واستفادته من الحضانه او الروضه

من اجل الفايده للجميع

[علي الكبيسي]

اختي تبين تجربتي الخاصة
انا دخلت ولدي روضة جامعة قطر السنة اللي فاتت وتوهم مسوين لهم حفل التخرج الأسبوع اللي فات
ما شالله عليهم لو بقعد اتكلم عنهم ترى ما راح اوفيهم حقهم عندهم رعاية تربوية ورعاية صحية ورعاية ثقافية اجمعوا كل الأشياء اللي في الروض المستقلة
وللعلم المجلس الأعلى صار الحين ياخذ البنات اللي بيشتغلون عندهم في الروض ويدربونهم هناك لأنهم عارفين المستوى الصحيح للتعليم اذا بغيتي معلومات اكثر ممكن ارسل لج رقمي على الخاص واوافيج بأكبر كم من المعلومات عنهم

[d.romance]

مشاء الله الحين عندها 3 سنين وشهرين او 3 يعني اول شهر 10 هيكون عندها 3 سنين ونص سن مناسب لدخول kg1 ويكون عندها استيعاب كويس وربنا يوفقها وافضل شيء تدخليها المدرسة الي تحبي انها تكمل فيها الدراسه الابتدائيه

[أم شيوخ]

حبيبتي لا تسمعين للي يقولج صغير انا ولدي سنتين دخلته ووايد استفاد واستاااانس مع اليهال مع اني وايد احاتي وجي بس الحمدالله الحضانه وايد وايد تفيده بكل النواحي والحمدالله انا سالت ورحت كل الحضانات بس هاي الي صج عجبتني اسمها البيلسان او بالانجليزي elder tree والحين اظن بيفتحونها مدرسه وهاي الي ريحني والله ماجذب عليج ولدي كان غيور وايد وعصبي ومايحب يتعلم ولا ياكل كلش والله الحين الحمدالله معاهم يتكلم ويسولف ويركب جمل وياكل ويتفاعل مع اليهال الي حواليه وفادني زياده لاني جبت بيبي من فتره والحمدالله ماغار ولا شي واهو يهتمون فيه اكثر لين ربيتي الشهر ب 2500 والكورس حق 3 شهور 6500 والحين بعد سجلته حق السنه الجايه بيكون 3 سنوات وانا معاهم من يوم كان سنتين وشهرين تقريبا

[المناعي1]

أسلام عليكم
ودي أساعد بس الحضانه ألي دخلت ولدي فيها أبعيدة عن المعمورة .قريبة من دوار الولؤة وأسمها (فن فير) والحمدالله أنها تمام و شهر 9 بيروح أشويفات والله يسر الامور أنشالله و التوفيق للجميع.....

[هاجر]

السلام عليكم ورحمة الله وبركاته

مرحبا بالجميع وعساكم تكونون جميعا بأحسن حال..

عندي استفسار على طلب مساعدة وعلى فضفضة ... كل شي ببعضه

ولدي الحين عمره 3 سنوات وشهرين

اتصلنا المها طبعا قالوا ما بياخذونه حق روضة وممكن نسجله شهر واحد حق الدراسة السنة

الياية بس طبعا بيكون ريسبشن مش روضة والقهر ان بيكون على لائحة الانتظار

بإنتظاركم :weeping:




السلام عليكم ورحمة الله وبركاته

أنا ولدي كان بعمر ولدج لما سجلته بروضة المها والسنه الجايه إن شاء الله تمهيدي
والمدرسة ما عليها كلام ممتازة من كل النواحي القرآن الكريم واللغة العربية والإنجليزية
لكن من كلامج الأفضل يدخل روضة اعتقد لو كلمتيهم احتمال يحطونه روضة مو تمهيدي
لأنه صعب عليه إذا أول مره بيدخل مدرسة
وهم يعطونهم واجبات كثيرة عربي ورياضيات وانجليزي والشرعية أسهل شيء لأنه تلوين وتوصيل
وانتي سجليه وما عليج منهم يقولون لج لائحة الإنتظار لأنه حتى اللي يسجلونهم روضة يسوون لهم اختبار وبمجرد ماينجح يعني تسجل
أنا قالوا لي نفس الكلام وبعد الإختبار بيومين كلموني عشان أدفع يعني لا تحاتين إن شاء الله بتلاقين

والله يوفقكم إن شاء الله

[حياة]

أسلام عليكم
ودي أساعد بس الحضانه ألي دخلت ولدي فيها أبعيدة عن المعمورة .قريبة من دوار الولؤة وأسمها (فن فير) والحمدالله أنها تمام و شهر 9 بيروح أشويفات والله يسر الامور أنشالله و التوفيق للجميع.....

اخوي حبيت اقول لك ترى مدرسه الشويفات تبشيريه ياليت تشوف لولدك مدرسه غيرها احسن لكم
ولاانهم يزرعون فيهم مبادى وقيم معاديه لديننا
وبالله التوفيق

[فيزيائية]

اذا انتي قاعدة بالبيت او عندج حد تخلينه عنده لاتدخلينه
خليييييييييييييييه يعيش طفولته وينام ويلعب توووه صغير..
دخليه الروضة kg1 بسنّه اللي يقبلونه الوزارة ..
ماعليج من الخاص اللي يدخلون اقل همهم الفلوس!
المدارس الخاصة وايد بس لازم التسجيل بدري
مع العلم مع الغلاء الفاحش اذا الشغل يدفعون دخليه خاص
بس فيه روض ممتااااااااااازة مستقلة ..
انا جربت الروض الاجنبية والمستقلة نفس المستوى...
اذا ماكانت المستقلة افضل <<<مب اي مستقلة زينة تره !
واهم شي قبل لاتسجلينه بأي مكان تستخيرين
والخيرة فيما اختاره الله

[فيزيائية]

اي تذكرت ..
لما تدورين على روضة دخليه روضة ماتعطي واجبات (نفس نظام روض المستقلات)
لان هذا هو الصحيح ...حتى لو يكتب كم حرف!
والواجبات بس لما يدخل المدرسة..
وهذا كلام تربوي صحيح ...

[همس1]

جزاكم الله خير جميعا على المرور والرد

والله ما قصرتوا وهذا العشم فيكم..

بعد اللف في هالحر على الروضات رسينا على روضة Little Angels

وإن شاء الله خير..


بالنسبة للي يقول لي ان ولدي للحين صغير يمكن هالشي صحيح بس

انا ابي اوديه الروضة علشان شوي يبتدي ينطلق لانه دايما لازق فيني

ولدي ما يلعب مع اليهال واذا يروح مكان علشان يلعب لازم يا أنا يا ابوه معاه

حتى في بيت الاهل ما يلعب مع اليهال الا اذا كنت انا واقفة او ابوه

وهالشي وايد متعبنا لان نشوف يهال اصغر منه ما شاء الله يلعبون وما يبون احد حواليهم

بس ولدي غير .. :anger1:



وراح اكتب لكم تجربتي مع روضة ليتل انجليز ان شاء الله بعد ما يداوم ولدي

ومشكورين