محتاجة مساعدتكم لو سمحتوا ..

[أم علي 2010]

السلام عليكم ورحمة

لو سمحتوا بغيت .. رقم مقاول يبني لي مطبخ خارجي بسعر معقول .. المساحه مب كبيرة

وابي الله يعزكم حد شاطر يعمل وتر بروف حق الحمام و يرد يبلطه ويعمله لي من جديد

وابي نجار شاطر وسعره زين ..

وابي ترشحون لي محلات مطابخ .. ابواب حديد مشغول . . فرش البيت كامل من ستاير , باركيه

يعني نستفيد منكم ..


مشكورين

[ممنوع اللمس]

اختي مساحة المطبخ وكيربي او مسلح :)

[أم علي 2010]

لا الشيخ مسلح .. يعني وحده من الطوف بتكون هي سور البيت و تقريبا الطوفة الثانية بتكون مترين من البيت

والباقي على المقاول ..

صراحة في شركة حاليا شغالة في البيت حق امور ثانية بس لما قلت له عن الحمام الله يعزك و يعز السامع

طلب تقريبا 54 الف ... معقول !! بيعمل بس وتر بروف و حمام جديد وهو بجيب الاغراض بيكلف 54 الف

قال ايش ان العمال بيطلعون و بينزلون .. يعني اذا حمام بس تغييره 54 الف .. التكسير و بنيان مطبخ كم بيطلع علي !!

عشان جي ابي حد يكون عنده ذمه و يخاف الله هذي نصب عيني عينك

[ممنوع اللمس]

اختي المساحه لو ماعليج امر والتصميم تبينه عادي يعني لأن في ناس يبي يهندس فالمطبخ :)

[أم علي 2010]

هلا اخوي ..

لا المطبخ ابيه عادي .. لان خارجي .. وعندي المطبخ الداخلي مفتوح على الصالة بشيل الداخلي وبركبه في الخارجي ..

والداخلي اللي بتفنن فيه لان بيكون كانه بانتري .. يعني نظام اوربي


مشكور اخوي

[ابـو مــحــــمـــــد]

فيه فورمان مصري
يجيب عمال ويبني اذا تبين رقمه حاضر

[أم علي 2010]

مشكور بو محمد .. اهم شي عندي يكون شغل جيد .. مب اي كلام

وتسوي فيني خير انا بشوف كذا واحد .. وبشوف الاسعار

مشكور مره ثانية