ليش كروزر تويـوتا؟!

[Ghroor]

الســلام عليكم ورحمة الله وبركاته
.
.

من زحمة شوارع الدوحة وطول الانتـظار، الواحد مــاله إلا يراقب السيارات وموديلاتهـا وألوانها
الواحد صار يقضي وقت طويل بسيارته وبالشارع، حتى صرنا نحس سيارتنا امتداد لشخصيتنا وعاداتنا، بالنسبة لي صارت السيارات عالم غامض وعجيـب..

وطبعاً أكثر السيارات اللي ممكن تشوفها في قطر هي تويـوتا - لانـد كروزر

وبدأت تجـي في بالي أسئلة كثيرة عن الكروزر؟ ليش كروزر بالذات؟!

في الامارات مثلاً النيسان شعبيتها أكبر، في السعودية ممكن تكون الفورد أكثر من الكروزر..

في قطر الحبيبة، الكروزر الاختيار الأول للمواطن القطري

بس إيش هي المواصفات اللي تعطي الكروزر هالميزة؟ ممكن تكون الكروزر صارت تقليـد من التقاليد والعادات القطريـة؟

وإذا كانت تقليد ورثناه من آباءنا وأجدادنا، ليش آباءنا اختاروا الكروزر وفضلوها على غيرها من الدفع الرباعي؟!

من عنده فكـرة عن أسباب شعبية الكروزر؟

.
.

[نفسي عزيزه]

بصراحه اخوي ،، قطر ذوق بالسيارات وكل شي لو تلاحظ ،، والكروزر عن تجربه من 92 (هدد) عن تجربتي الى يومك هذا من افضل السيارات تحمل لجونا الحار ووسيع وريف ويتحمل التعب (بدي السياره قوي) وحلو وكل شي فيه جميل
باعطيك مثال لذلك شوف اليوكن موديل 92 كيف شكله وحاله تحصل صبغه وليتاته واصطاباته الخلفيه اندمرت من ضروف الزمن عكس الكروزر 92 تشوفه صامل وقوي ومكينته ماشاء الله قويه وتتحمل الحر

جو قطر مايصلح له الا الياباني نيسان او تيوتا ،، وانا من عشاق الجيات والبوالين لايمكن استغني عنهم (مثلهم مثل الماي) ههههه

بالنهايه الناس اذواق طبعا

اخوك نفسي عزيزه ،،

[قطرية7]

سر مااقدر اقوله:secret::omg:

:shy::shy:

[غريم قطر]

موتر ماتبدله غير فلتر وزيت واتحكه مايشتكي شتبي اكثر من هالشي وقطع غياره رخيصه ومتوفره

وعلى قولتهم الكروزر موتر الفقير الغني ههههههههههههههه

[المخفي]

السبب هو الوكيل

في الامارات وكيل النيسان من افضل الوكلاء اما التويوتا وكيل تعيس و العكس في قطر

في السعودية وكيل الفورد من افضل الوكلاء و توفر قطع الغيار الاصلية و التجارية

[الحـ قطر ــب]

السبب هو الوكيل

في الامارات وكيل النيسان من افضل الوكلاء اما التويوتا وكيل تعيس و العكس في قطر

في السعودية وكيل الفورد من افضل الوكلاء و توفر قطع الغيار الاصلية و التجارية


يعني قصدك وكالة عبدالغني احسن من المانع
غلطان الشيخ

[حليتان*]

السبب ان التيوتا لو توقف عند اي دكان تحصل قطع غيااره هههههههههه



الناس تعودت على شي .....انا ودي تنسحب الوكاله من عند عبدالغني <<<<<لان الوكاله بكبرها تعيسه (((لا معامله ولا موضفين ولا اسعار ولا شي نفس العالم ))

[Ghroor]

بصراحه اخوي ،، قطر ذوق بالسيارات وكل شي لو تلاحظ ،، والكروزر عن تجربه من 92 (هدد) عن تجربتي الى يومك هذا من افضل السيارات تحمل لجونا الحار ووسيع وريف ويتحمل التعب (بدي السياره قوي) وحلو وكل شي فيه جميل
باعطيك مثال لذلك شوف اليوكن موديل 92 كيف شكله وحاله تحصل صبغه وليتاته واصطاباته الخلفيه اندمرت من ضروف الزمن عكس الكروزر 92 تشوفه صامل وقوي ومكينته ماشاء الله قويه وتتحمل الحر

جو قطر مايصلح له الا الياباني نيسان او تيوتا ،، وانا من عشاق الجيات والبوالين لايمكن استغني عنهم (مثلهم مثل الماي) ههههه

بالنهايه الناس اذواق طبعا

اخوك نفسي عزيزه ،،

يا هلا أخوي
أكيد تفسيرك منطقي وكلنا نعرف أن الكروزر أثبت جدارته كقوة وقدرة تحمل
مو بس كذا، الكروزر صار ينفع لكل شي، سيارة عائلية، سيارة شبابية، سيارة تخييم، حتى الحريم يقدرون عليه

شاكر مرورك

[Ghroor]

سر مااقدر اقوله:secret::omg:

:shy::shy:

علمينا :secret:


موتر ماتبدله غير فلتر وزيت واتحكه مايشتكي شتبي اكثر من هالشي وقطع غياره رخيصه ومتوفره

وعلى قولتهم الكروزر موتر الفقير الغني ههههههههههههههه

تصدق وين المشكلة؟
يوم أتكلم مع الأجانب والأمريكان في قطر، يحسبون القطري ما يهمه شي من السيارة غير الكشخة ويدفع إي مبلغ على عمى..
عاد ما يدرون اننا نحسب كل شي وتهمنا أسعار قطع الغيار والسيرفيس وقوة التحمل ..

شاكر مرورك


السبب هو الوكيل

في الامارات وكيل النيسان من افضل الوكلاء اما التويوتا وكيل تعيس و العكس في قطر

في السعودية وكيل الفورد من افضل الوكلاء و توفر قطع الغيار الاصلية و التجارية

طيب على سيرة الوكالات، عندك فكرة من أول وكالة سيارات تأسست في قطر ومتى؟
يمكن نلاقي جواب للسؤال في موضوعي ..

شكراً لك

[بوخالد911]

اهم ميزة يتصلح بكل مكان
ووفرة قطع الغيار

وينباع بسهولة


اما السيرفس تعباان للاسف

[بوعلي2]

ولا عقب الجي سياره :victory:


http://www.dohaup.com/up/2010-06-05/admin1731955371.jpg (http://www.dohaup.com/)



وبسسسسسسسسسسسس :victory:

[ولد شرق]

اسحملي اخوي اضيف استفسار على استفسارك

انا نفس سؤالك بعد بس على الـ bmx
ليش اليهال يحبون سياكل بي ام اكس
ليش مب سيكل ماركه ثانيه؟

ننتظر آرائكم حول شعبيه هاذي الماركة