من يدلني على طريق ( قرية المفجر) ؟

[خوي الدرب]

السلام عليكم

أيها الأخوة :
حاب أن أزوْر قرية ( المفجر الأثرية ) المفير
التي دارت في حواريها أحداث مسلسل ( الدالوب)
في الثمانينات من القرن الماضي .
أولا ؛ لا أعرف لها طريق .
ثانيا لا أعرف ؛ هل مسموحة زيارتها؛
أو أنها مغلقة عن الزوار.
وشكرا لمن لديه الإجابة ...

[ابـو مــحــــمـــــد]

مرحبا اخوي بتاع
انا صار لي حوالي 20 سنه مارحت لها
لكن بعطيك وصف سريع

تطلع من الدوحه متجه لمدينه الشمال اول ماتوصل المدينه
بيجيك الدوار تاخذ الدوار يمين وتمشي على طول اعتقد بعد حوالي 7 كيلو
بتشوف البيوت القديمه على يدك اليسار تنزل من الشارع صوبها
واعتقد انها مش ممنوعه لاني سمعت ان فيها شاليهات الان او بمعنى اصح ان واحد مسوي له شاليه فيها

وبالتوفيق في الزياره ونبي صور بعد ماترجع

[خوي الدرب]

مرحبا اخوي بتاع
انا صار لي حوالي 20 سنه مارحت لها
لكن بعطيك وصف سريع

تطلع من الدوحه متجه لمدينه الشمال اول ماتوصل المدينه
بيجيك الدوار تاخذ الدوار يمين وتمشي على طول اعتقد بعد حوالي 7 كيلو
بتشوف البيوت القديمه على يدك اليسار تنزل من الشارع صوبها
واعتقد انها مش ممنوعه لاني سمعت ان فيها شاليهات الان او بمعنى اصح ان واحد مسوي له شاليه فيها

وبالتوفيق في الزياره ونبي صور بعد ماترجع

تسلم ويسلم لك كل غالي

لك التحية والتقدير حبيبي أبو محمد

[بنت قطرر]

ايه على المفير وايامها

اخوي مثل ما وصف لك بومحمد
بس بتمشي مسافه على الحصى الين توصل المفير

يازينها ويازين ترابها وبحرها

وفي بالفعل شاليه حق مجموعه من عيال الفضاله اصحاب المنطقه

[الهـواوي]

اخوي تمشي من الدوحه لين مدينة الشمال 120 كم
واخذ دوار الشمال يمين وبمسافة 7 الى 8 كم وانزل طريق بر تقريبا 6 كم بتكون المسافه كلها 132كم وتروح وترجع بالسلامه
بس اخوي حاسب من الرمله لانه ممكن يغرز موترك هناك والطريق طويل يعني اقعد فيها تغدا او تعشى وعين من الله خير وترى لجو هناك عجيب خاصه على البحر

[بوراشد 66]

لها طريقين ممكن من الغارية يسمونه الكنكرة بس اطول

وفي من دوار الشمال يمين سيدا بس تمشي مسافة في الحصا والطريق مافيه رمله

الا عند السيف وهناك فيه شاليه الفضالة

[jajassim]

الاحداثيات

26° 8'4.63"n
51°18'12.37"e

[*محمد*]

بشرنا عنك ياغالي رحت او للحين

لاتنسى تصور لنا المكان

[ali212]

الله يوفقك