شنهو علاج مسمار الرجل (كرمكم الله)

[نمر بن عدوان]

اخواني ممكن حد يفيدني شنهو علاج مسمار الرجل الي يطلع بسبب المشي فتره طويله بدون حذاء رياضه . جربنا المرهم واللصقه مافادوا .اذا في عمليه او دكتور يسويها جزاكم الله خير دلونا

الي ميعرف مسمار الرجل هو عباره عن انتفاخ صغير يابس يطلع اسفل القدم ويسبب الم .

[نعيمه علي]

اخوي لازم طبيب يشوفك احسن
انا مجربه دكتور حسن العبدالله في موضوع قريب من هالشيء
وفادني كثير

ما عليك شر اخوي


.

[نمر بن عدوان]

اخوي لازم طبيب يشوفك احسن
انا مجربه دكتور حسن العبدالله في موضوع قريب من هالشيء
وفادني كثير

ما عليك شر اخوي


.

الشر ماييج اختي . مشكوره عالنصيحه .انا سمعت ان في علاج عن طريق حرق او حفر المكان اذا حد له تجربه يفيدنا

[ولد قحطان]

نمر تبي طب عربي ولا سوالف عيادات ومراهم

اذا طب عرب

موس حلاقة بريال + ديتول

[نعيمه علي]

الشر ماييج اختي . مشكوره عالنصيحه .انا سمعت ان في علاج عن طريق حرق او حفر المكان اذا حد له تجربه يفيدنا




هم فعلا يسوون لك حرق
لكن بطريقة طبية
فروح الطبيب افضل اخوي

.

[نمر بن عدوان]

نمر تبي طب عربي ولا سوالف عيادات ومراهم

اذا طب عرب

موس حلاقة بريال + ديتول

هههه لا الله يرحم والديك ابي نفس الطريقه بس مع دكتور متخصص .

[الأصيلة]

نمر تبي طب عربي ولا سوالف عيادات ومراهم

اذا طب عرب

موس حلاقة بريال + ديتول

حرام عليك
مسمار الرجل ليس بالأمر الهين ويحتاج إلى طبيب
انصحك بالدكتور / بهيج حلته
في شارع الكنانة...

[نمر بن عدوان]

هم فعلا يسوون لك حرق
لكن بطريقة طبية
فروح الطبيب افضل اخوي

.

يعني تنصحين بالدكتور حسن عبدالله وعيادته فنفس مكانها القديم فالبرج؟

[نمر بن عدوان]

حرام عليك
مسمار الرجل ليس بالأمر الهين ويحتاج إلى طبيب
انصحك بالدكتور / بهيج حلته
في شارع الكنانة...


اي والله اختي الاصيله الالم ضارب راسي :( . وين شارع الكنانه بالضبط بارك الله فيج

[الوعد2016]

فيه حل اذا تدخن استخدم الزيقاره واقو روحك وراح تطيب واذا ما تدخن ومريت ممقهى شيشه اخذ جمره ودوس عليها وبتطيب او مسمار على الغاز وكويه بسيطه وتطيب او مووووووووووس وقطع وتطهير بنفسك

[نعيمه علي]

يعني تنصحين بالدكتور حسن عبدالله وعيادته فنفس مكانها القديم فالبرج؟




مو نفس المكان
الحين عنده عماره خاصة به
في نفس شارع اللي في صالون المشاطة
قبل الفود فاميلي

.

[نمر بن عدوان]

فيه حل اذا تدخن استخدم الزيقاره واقو روحك وراح تطيب واذا ما تدخن ومريت ممقهى شيشه اخذ جمره ودوس عليها وبتطيب او مسمار على الغاز وكويه بسيطه وتطيب او مووووووووووس وقطع وتطهير بنفسك

شوف اخوي الوعد انا نمر بن عدوان فكل شي الا فهالسوالف قطو بن عدوان :(. شنهو جمر وسقاير لا الله يرحم والديك

[sung kyo]

الله يشفيك يارب
كنت أبي اشكي بس خليتها بخاطري :(

[نمر بن عدوان]

مو نفس المكان
الحين عنده عماره خاصة به
في نفس شارع اللي في صالون المشاطة
قبل الفود فاميلي

.

بارك الله فيج كفيتي ووفيتي اختي

[نمر بن عدوان]

الله يشفيك يارب
كنت أبي اشكي بس خليتها بخاطري :(

اشكي ولاتخلي بخاطرك انت بين اخوانك :)

[الأصيلة]

اي والله اختي الاصيله الالم ضارب راسي :( . وين شارع الكنانه بالضبط بارك الله فيج

اللي تدخله يمين من الإشاراة
اللي قبل تويز آر أص على طول...
بجانب أشعة الخليج...

الله يشفيك ويعافيك...

[Bu Rashid]

سلامات اخي الكريم نمر ...
حاول ان تستعمل اللازقه باستمرار وتغييرها متى ما تحتاج ذلك
وان شاء الله ستكوون النتيجه طيبه ..

وان لم ينفع ما لك الا الدكاتره واترك عنك الكي وموس وجمر وغيره
الدكتور حسن العبدالله على الدائري الرابع مقابل السفير تقريبا
الدكتور بهيج الحلته في النصر وراء تويز ار اص بـ 500 متر تقريبا
الدكتور فهد ابراهيم ( الملقب بـ فهد الباكر) ثالث لفه بعد دوار ارامكس (ابوهامور) وانت راح صوب سوق السمج

ما تشوووف شر

[نمر بن عدوان]

اللي تدخله يمين من الإشاراة
اللي قبل تويز آر أص على طول...
بجانب أشعة الخليج...

الله يشفيك ويعافيك...

كفيتي ووفيتي اختي الاصيله بارك الله فيج

[صمت 1]

الله يشفيك اخوي

انا صابني اللي صابك وكنت افتكر انه مسمار وحاول بالطرق الشعبيه القديمه

واستخدمت الكرتزون مانفع وكنت باسوي عمليه وهونت رحت للعمادي والدكتور الله يجزيه

خير صور الرجل وقالي العمليات هذي قديمه انت عندك املاح تتجمع بكعب الرجل وشكله

نفس المسمار او عظمه بارزه تضغط على الرجل من تحت تسبب لك الام عطاني حبوب

والحمدلله الحين 3سنين ماحس بأي الام

لايقصون عليك ويقولون ليزر اوعمليه جراحيه

[نمر بن عدوان]

سلامات اخي الكريم نمر ...
حاول ان تستعمل اللازقه باستمرار وتغييرها متى ما تحتاج ذلك
وان شاء الله ستكوون النتيجه طيبه ..

وان لم ينفع ما لك الا الدكاتره واترك عنك الكي وموس وجمر وغيره
الدكتور حسن العبدالله على الدائري الرابع مقابل السفير تقريبا
الدكتور بهيج الحلته في النصر وراء تويز ار اص بـ 500 متر تقريبا
الدكتور فهد ابراهيم ( الملقب بـ فهد الباكر) ثالث لفه بعد دوار ارامكس (ابوهامور) وانت راح صوب سوق السمج

ما تشوووف شر


جربت اللصق والمرهم مافادوا وشكلي باتوكل على الله وباروح للدكتور حسن او بهيج على توصيتكم جزاكم الله خير ولا اراكم مكروه

[نمر بن عدوان]

الله يشفيك اخوي

انا صابني اللي صابك وكنت افتكر انه مسمار وحاول بالطرق الشعبيه القديمه

واستخدمت الكرتزون مانفع وكنت باسوي عمليه وهونت رحت للعمادي والدكتور الله يجزيه

خير صور الرجل وقالي العمليات هذي قديمه انت عندك املاح تتجمع بكعب الرجل وشكله

نفس المسمار او عظمه بارزه تضغط على الرجل من تحت تسبب لك الام عطاني حبوب

والحمدلله الحين 3سنين ماحس بأي الام

لايقصون عليك ويقولون ليزر اوعمليه جراحيه

هلا وغلا بزميل التخسيس صمت1. لا انا صادني هالشي مع بداية التمرين كنت امشي لابس جوتي رياضه بدون دلاغ (كسل بعيد عنك) .وبعدها بيومين صادني المسمار .جزاك الله خير على النصيحه

[sung kyo]

انا يا أخوان طالع لي في وسط القدم وألم رهيب :( مع ذلك احاول اصبر

[نمر بن عدوان]

انا يا أخوان طالع لي في وسط القدم وألم رهيب :( مع ذلك احاول اصبر

لا ياخوي لاتصبر ولاشي استفيد من تجارب الاخرين وروح للدكتور وريح راسك من الالم .

[تحداني]

.. ما اتشوف شر ان شاء الله ..

حذاء رياضه بدون دلاغ " الله يعزكم " هاذي وين صارت
مو كسل الا تهور مو طبيعي الله يرضى عليك


.
.
المسمار ألمه ألم ولكن طريقه ازالته سهله
اما بالكوي او التبريد

جرب الدكتور فهد الباكر
او حسن عبد الله

وراح تكون الامور طيبه ان شاء الله
لا تقلق


جملك الله برضى الرحمن

[الرويـس]

^
قولي حق (جبريسيلاسي)
:(

[القلم الصريح]

اذا تعرف حد رايح تايلند من ربعك وصه يجيب لك مرهم خاص لمسمار القدم ميو موجود عندنا

جنه سحر تحط المرهم يختفي الالم

[البحار00]

اخوي انا كنت اعاني من مسمار اللحم من قبل وانتشر في رجلي بشكل رهيب وللعلم هو معدي

ورحت للدكتور حسن عبدالله وقالي انت مالك الا حلين مافي غيرهم اما عمليه اسويها لك

بس بتم فوق الا سبوعين ماتقدر تمشي عليها او تاخذ علاج بس بيطول معاك لحد شهر

وبالفعل خذت العلاج

والعلاج كان سائل مثل الصمغ احطه على رجلي قبل النوم بالليل او الظهر ولما اقعد من النوم

اشوف الجلد يابس فوق مسمار اللحم واقعد اقشرة بيدي او بمبرد الاظافر المهم اني تميت على هالمنوال

تقريبا شهر لحد مافتكيت منه نهائيا

[00soma00]

الله يشفيك

[نمر بن عدوان]

.. ما اتشوف شر ان شاء الله ..

حذاء رياضه بدون دلاغ " الله يعزكم " هاذي وين صارت
مو كسل الا تهور مو طبيعي الله يرضى عليك


.
.
المسمار ألمه ألم ولكن طريقه ازالته سهله
اما بالكوي او التبريد

جرب الدكتور فهد الباكر
او حسن عبد الله

وراح تكون الامور طيبه ان شاء الله
لا تقلق


جملك الله برضى الرحمن


شفتي شلون بس هو مب تهور لاني ماتوقعت النتيجه :( ومشكوره على النصيحه وان شالله بركه رايح للطبيب الي يعالج جروح




اذا تعرف حد رايح تايلند من ربعك وصه يجيب لك مرهم خاص لمسمار القدم ميو موجود عندنا

جنه سحر تحط المرهم يختفي الالم

المرهم عندي يختفي الالم بس مؤقت


اخوي انا كنت اعاني من مسمار اللحم من قبل وانتشر في رجلي بشكل رهيب وللعلم هو معدي

ورحت للدكتور حسن عبدالله وقالي انت مالك الا حلين مافي غيرهم اما عمليه اسويها لك

بس بتم فوق الا سبوعين ماتقدر تمشي عليها او تاخذ علاج بس بيطول معاك لحد شهر

وبالفعل خذت العلاج

والعلاج كان سائل مثل الصمغ احطه على رجلي قبل النوم بالليل او الظهر ولما اقعد من النوم

اشوف الجلد يابس فوق مسمار اللحم واقعد اقشرة بيدي او بمبرد الاظافر المهم اني تميت على هالمنوال

تقريبا شهر لحد مافتكيت منه نهائيا

ان شالله مايكون نفس الشي لان المسمار عندي مب معدي وهو بسبب الرياضه .



الله يشفيك

الله يعافيك

[حقيقه]

فيه طريقه تسخن مسمار على النار وعقب تحطه على محل المشكله

بس حن جربناه على اليد
لكن الرجل مادري اشلون قوو قلبك وقول بسم الله :swoon: :rolleyes2:

وبعد تشله بموس :swoon:


الله يعينك :(

[نمر بن عدوان]

فيه طريقه تسخن مسمار على النار وعقب تحطه على محل المشكله

بس حن جربناه على اليد
لكن الرجل مادري اشلون قوو قلبك وقول بسم الله :swoon: :rolleyes2:

وبعد تشله بموس :swoon:


الله يعينك :(

لالا كله ولا الكي والنار .

شوفي المشاركه رقم 12 :shy:

http://www.qatarshares.com/vb/showthread.php?t=371121&page=2

[النهار]

.ملعقة خل تفاح توضع في 2لتر ماء دافء
2.تنقع الرجل المصابة لمدة ساعة داخل المياه
3.يستخدم زيت الخروع بدهن المنطقة المصابة بعد تجفيفها وتدلك بها المسمار بقوه عشرين مره صباحا بأذن الله يسقط المسمار ارجو لك ا لشفاء العاجل

4-ايضا يوجد منه سائل يوضع على هذا المسمار ويزيله في فترة قصيرة ان شاء الله

اسمه
corn and callous removal liquid


العلاج بالاعشاب ( التكميلى )

ينصح بتطرية المسمار قبل البدء بتطبيق العلاج البديل وذلك بنقعه بالماء الساخن لمدة 10 دقاقئ في المساء

- يقطع البصل ثم يسخن على النار ن دون مواد دهنية ويمزج مع مسحوق بذور الكتان ليصبحا كالمرهم ، فتدهن المسامير بزيت الخروع ثم يوضع هذا المرهم عليها ويلفّ حتى الصباح ويستمر العلاج مدة اسبوع

[ناصر30]

الله يشفيك يانمر

[بولينجر]

اخوي تقدر تروح عند اي طبيب جلد يشيله لك عن طريق النتروجين البارد.... يسمونه كي لكنه مب كي هو استخدام النتروجين البارد يقضي عليه ويشيله لك الدكتور في نفس الجلسة وتطلع من عنده تحس براحة غير طبيعية.....

[سويسرا]

ماتشوف شر اخوي

شوف الدكتور حسن افضل

[بودحوم]

اخوي تقدر تروح عند اي طبيب جلد يشيله لك عن طريق النتروجين البارد.... يسمونه كي لكنه مب كي هو استخدام النتروجين البارد يقضي عليه ويشيله لك الدكتور وانت عنده وتطلع من عنده تحس براحة غير طبيعية.....

ماتشوف شر يانمر بن عدوان

مثل ماقال اخوي بولينجر . ( الكي بالنتروجين )

انا كنت اعاني من نفس المشكله . ورحت لمستشفى مؤسسة البترول
وتعالجت عندهم بالكي بالنتروجين . المسأله أبسط مما تتصور

[قطرية7]

في اشياء نفس الجل ماركه شول بتلاقيه في الصيدليه تحطه عليه وبيفيدك ان شاءالله لاحرق ولاعمليه بتحتاج وسلااامتكم

[الخارجية]

أخوي نمر روح الستي سنتر في محل اسمه العناية بالقدم .. لعبتهم المسمار بس اذا كنت مطوع مشكلة لان اللي اتعالج بنت

[الصريحه]

يمكن مب مسمار قدم عادي ممكن انه من عظم وهذ ا صار لي يوجع ووقت الاستيقاظ يوجعك اكثر روح لدكتور يصوره ويقولك واذا هو علاجه في مستشفى سعد التخصصي في الخبر بجهاز ليزر يفتت العظم في كل رجل وانشاءالله ماعاد يرجع
وتاكد ونبي بس دعواتكم

[قطرية فذة]

3.يستخدم زيت الخروع بدهن المنطقة المصابة بعد تجفيفها وتدلك بها المسمار بقوه عشرين مره صباحا بأذن الله يسقط المسمار ارجو لك ا لشفاء العاجل



جزاك الله خيراً لهذه النصيحه

وانا من سابق تجربه نعم انتهت مشكلتي

كنت انقع القدم بالماء وثم ابردها بحجر وثم ادهنها بالجلسرين اخلط معه الكلونيا

بعد دهن المنطقه البس الجوارب

اعمد الى هذه الطريقه بوقت العشاء وانام بالجوارب الى الصباح

وهكذا حتى انتهت المشكله ولله الحمد

كانت تلك تجربتي

(( ماتشوف شر ))

[s4qatar]

العام الماضي أنا سويته في مصر عند دكتور نسيت إسمه بس في مجمع الأطباء بالمهندسين .

عملي حرق بالليزر .. كلها 10 دقايق .. 800 جنيه .

والحمد لله أفتكيت منه

[غزلان]

ماتشوف شر وان شاء الله النصائح تفيدك

[الدوحي7]

ماتشوف شر والله يشفيك يارب،،

[الـخـالـدي]

ماتشوف شر

[المحافظ]

أولا: لازم تشوف دكتور ويصور الرجل
ثانيا: هناك اعراض لأشياء اخرى مشابهة لمسمار القدم
ثالثا: بناء على نتائج التحاليل والأشعة بيحددون لك العلاج المناسب

أنا شخصيا خذت حبوب ومشى الحال .. بس حالتي مشابهة لمسمار القدم جدا ..

[حرقطر]

اخوي انصحك تروح حق دكتور الجلد بعد ايشارة رمادة تجيك ايشاره الي جنب الاسكان لف يمين وروح اخذ الدوار ورجع اول عياده على اليمين نسيت اسمه ان مسوي حق عيالي عنده ومافي شي ينفع غير ان يشيل الجذور والله يبعد عنكم كل مكروه

[kitmat]

والله انا زوجي توة ضارب ابره يدخلونها لين مكان المسمار اخوي بس تعور والحمدلله الحين حالتة احسن ويمكن يحتاج ابرة ثانية وضربها في مستشفى الجيش هذه الابره تذوب المسمار على مااعتقد

[ريماس الغلا]

الله يشفيـــــــــــك

[Chanel]

صادني المسمار والم موب طبيعي في نهاية القدم ورحت طوارىء حمد عطوني حبوب والحمد لله راح والله فكني منه والفال لك

[وطن]

اخوي تقدر تروح عند اي طبيب جلد يشيله لك عن طريق النتروجين البارد.... يسمونه كي لكنه مب كي هو استخدام النتروجين البارد يقضي عليه ويشيله لك الدكتور في نفس الجلسة وتطلع من عنده تحس براحة غير طبيعية.....

سويت الكي ما نفع :(

الحين نصحوني بالجراحة
بس مادري اروح عند من :(

[الجادل قطر]

اخوي انا نفس الشي طلع لي في سمره الرجل " اعزكم الله "
و رحت للرميله والله الذي لا اله الا هو ان احرقوا رجلي مرتين و صاااار العوار دبل عن القبلي و تميت فتره ماقدرت امشي و لا حتى اصلي .... و هديتهم ورحت لعياده الدوحه عند دكتوره هنديه مااذكر اسمها سوت لي كي خفيف بسيط جدا حتى اني انصدمت يوم قالت انا كويته لج و فتحه لي و عطتني مرهم بعد يومين انا طبيعيه لا مسمار و لاغيره .............................



هي اللي صار معاي كتبته للفائده .................


لا تنسونا من دعواتكم ...

[وطن]

اخوي انا نفس الشي طلع لي في سمره الرجل " اعزكم الله "
و رحت للرميله والله الذي لا اله الا هو ان احرقوا رجلي مرتين و صاااار العوار دبل عن القبلي و تميت فتره ماقدرت امشي و لا حتى اصلي .... و هديتهم ورحت لعياده الدوحه عند دكتوره هنديه مااذكر اسمها سوت لي كي خفيف بسيط جدا حتى اني انصدمت يوم قالت انا كويته لج و فتحه لي و عطتني مرهم بعد يومين انا طبيعيه لا مسمار و لاغيره .............................



هي اللي صار معاي كتبته للفائده .................


لا تنسونا من دعواتكم ...


زين اختي ما تذكرين شنو تخصصها؟؟

خوفتيني من رميله

[ww1000000]

حلها هو انك تمشي على شاطئ البحر حافي 2 او 3 مرات في الاسبوع وشوف النتيجه وانشاء الله بطيب

[بوعمير]

مسياك بالخير اخوي نمر، جدي الله يرحمه كان ياخذ مرارة الذبيحه ويمزها مكان المسمار عقب ما يحكة ويشل الجلد الميت، وغط الجرح بباقي المرارة ولفه بشاش ولا غترة لين ثاني يوم (يوم كامل).

جرب و تحمل حرقة المرارة وترى النتيجه إن شاءاللة طيبة ولا عاد تجيك مرة ثانية.
وإذا نويت الذبيحه تجيك لين محلك (هدو).

ما تشوف شر و طهور إن شاءالله.

[هدهد سليمان]

http://i.treehugger.com/images/2007-3-21/hamer-tool-u-001.jpg

[بولينجر]

سويت الكي ما نفع :(

الحين نصحوني بالجراحة
بس مادري اروح عند من :(
ما اعتقد في داعي للجراحة.... النتروجين كان فعال جدا بالنسبة لي على الرغم من كثرة المسامير...
أهم نقطة تجنب العدوى وعدم إرتداء نفس الاحذية بعد الشفاء.... لأنه فايروس معدي جدا.... وممكن ينتقل حتى من المشي حافي في البيت.....

[بـــــــنت النوخـّــــذه]

السبب الي ذكرته يسبب مسمار الرجل 000بس ترى مسمار الرجل انواع يعني من الاخر العلاج الي نفع مع فلان يمكن ماينفع معك والعلاج الي نفع مع فلانه ماينفع معك 000فالاحسن تروح عياده خاصه متخصصه لهذا الشي لان الدكتور اهو الي بيقدر يفيدك 00واذا كان وزنك ثقيل :shy: بيطلب منك اتخفف ولا تلجأ لأبر الكورتزون لانها صج من ضمن العلاج ولكن لاينصح بها00 العلاج ومافيه اهتمام برجلك وبتدليكها يوميا بزيوت بطريقه صحيحه ولبس سيليكون خاص ينحط تحت القدم لما تلبس الجوتي تكرم بيكون افضل 000 لان للاسف مسمار الرجل ماله علاج غير الاهتمام او الجراحه فأنت اهتم :)