ليش مافي وظايف للجامعيين؟

[لمعة الالماس]

السلام عليكم ورحمة الله وبركاته

بصراحة انا اكتب هالموضوع من بعد معاناه وقـهر لمدة سنه في البحث عن وظيفة !

ما تم مكان ما حطيت فيه اوراقي وما شاء الله جامعية واستخدم الحاسب بشكل ممتاز والانجليزي عندي جيد جدا واحب اخذ دورات واطور نفسي واتعلم كل شي

لكن !! جهات العمل تبي شخص ما عنده شهادات ولا علم

وهذي مب بس مشكلتي .... وايد من صديقاتي يعانون من نفس المشكلة

وللاسف رحت مقابلات وايد ولكن من بعد المقابلة يطنشون لاوراقي لين اراجعهم ويعطوني اعذار بايخه وانا ادري الوظايف بس حق اهلهم وربعهم !

واصحاب العمل يقولون مافي بطالة ومادري شنو

البطالة للجامعيين والتوظيف للثانوية

وانا طموحي اخذ الماجستير بس الكل يقول لي انتي بكالريوس وما توظفتي شلون ماستر !!!

حسبي الله ونعم الوكيل

كل يوم افكر ليش ؟؟ اطالع cv مالي افكر شنو ناقص شنو الدورة اللي للحين ماخذتها

ليش جي يصير بالدولة

يقطعون ارزاقنا بهالطريقة عشان شنو ماعرف؟

يعني تعب اربع او خمس سنين يعتبرونه ولا شي

والقهر امس وزارة العمل متصلين لي ومعطيني عرض اخذي دبلوم في الشمال الاطلنطي لمدة سنه وبنوظفج على طول ؟

(( دبلوم )) وانا جامعية ودارسة ومثقفة ومتعلمة ومشاركة في دورات وايد !!! قمـــة التخلف والله

انا ما اعرف منو اللي يصدر هالقرارات الفاشلة

شسوي ووين اقدم مابي اقدم في مكان تفوح منه الواسطة ابي اشتغل واخذ مال حلال

ولا حول ولا قوة الا بالله

[meshwar]

حسبي الله ونعم الوكيل

هالمره قدمي اوراقك على انك ثانوية عامة فقط

بعد الحصول على الوظيفة طالبي بتعديل وضع على ضوء الشهادة الجامعية

يمكن يمشي الحال

زمن العجايب

كم مره قايلها

" عطوها مقاول احسن "

[صلاتي]

وزارة العمل متصلين لي ومعطيني عرض اخذي دبلوم في الشمال الاطلنطي لمدة سنه وبنوظفج على طول ؟


عرض وزارة العمل جدآ ممتاز ولا تفوتي الفرصة

والله يفتح لك ابواب فضلة أمين

[كركم]

اختي شنو تخصصج وهل هو مطلوب في سوق العمل؟
وبغيت اعرف ما انعرضت عليج ولا وظيفة عن طريق وزارة العمل؟

[فلتة زمانها]

حبوبه بالاول شنو تخصصج؟
لانه في تخصصات اصحابها مو محصلين وظايف او غير مطلوبه في سوق العمل
مثل الشريعه والقانون
ولغة عربيه واعلام اكثرهم يشتغلون في اماكن مالها علاقة بالتخصص
يعني خريجة شريعة وقانون شغالة في بنك
وخريجة لغة عربيه في هيئة المتاحف ووحده في كيوتل
واااايد اعرف بنات من هالتخصصات متوهقين
اخذي الدبلوم يمكن وااايد ينفعج بالتوفيييييييق

[Toomy]

أختي تبين في مدرسة مستقلة؟

[بويوسف]

أختي الكريمة .. المدارس المستقلة محتاجة مدرسات في جميع التخصصات .. وإداريات ايضا .. حتى لوماحبيتي الشغل بالمدراس بس اشتغلي مؤقتا ليما تلقين شغل ثاني ..

[قطرية فذة]

اختي الكريمه لا اظن الموضوع متعلق بالشهاده للعلم

صدقيني لو كان كذلك لكان كثير من حمله الشهاده الثانويه وجدوا وظائف

فكم منهم بقى بالسنين بالمنزل لم يجد وظيفه الا بعد 5 او 7 سنوات

كثير مايحدث ذلك

اعقديها بالايمان وتوكلي على الله واتخذي الاسباب وحاولي

أقلها ان تعملي بدون راتب فقط لإكتساب خبره

عندها حينما ينظر لعملك واتقانك سسيقبلون بك بلا شك

امنحي نفسك الفرصه لدخول تيار العمل وان كان بدون راتب حتى يمن الله عليك بفضله

اكتسبي الخبره فقط

يسر الله لك

[لمعة الالماس]

بالنسبة للتخصص احين الكل يتوظف في مجال ماله خص بتخصصه

وهالشي معروف

وانا تخصصي نظم معلومات او علم معلومات

واقدر اشتغل في اي مكان ادراي يتطلب العمل على الحاسب الالي

..

بالنسبة اني اقدم على ثانوية بصراحة ماقدر عقب تعب دراستي بالجامعة

واصلا محد من هلي راضي اقدم بثانوي

..

وبالنسبة لعرض وزارة العمل انا وافقت وقلت لهم سجلوا اسمي وان شاء الله عاد ياخذوني

لان فيها ترشيح

..

وعن المدارس المستقلة الحين الكل يشتكي ويطلع منها وبصعوبه يعطونهم استقالة واخاف اغامر !

..

بالنسبة لي اتصلوا لي كذا جهة ورحت سويت مقابلة بس عقب يقولون مافي نصيب

وفي بنك طلب مني اشتغل شفتات بس ماقدر

وانا فعلا حطيت اوراقي في الجهات الحكومية واغلبهم يقولون لي موقفين التوظيف ؟

..

وتين الورد

شاركت اكثر من مرة في اعمال تطوعية

بس ماعرف وين الاماكن اللي ممكن اشتغل فيها بدون راتب لاكتساب الخبرة




شكرا جزيلا لكل اللي ردوا لي ولكل الاقتراحات

وجزاكم الله خير

والله يفرجها علينا كلنا يارب

بس صج احس بالقهر بنت البلد ومشتتيني جذي

[Toomy]

بما أنح تخصص نظم معلومات في المستقلة محتاجين تخصصكم لوظيفة مسئول مركز مصادر التعلم و المطلوب شهادة بكالوريوس نظم معلومات

و شغلتج راح تكون :
مسئول عن إدارة الأعمال والأنشطة لمركز مصادر التعلم وأيضا التنفيذ الفعال "لدليل الممارسات الجيدة لمركز مصادر التعلم" هذا باختصار

[Gh2o]

جامعيه بس شنو تخصصج ؟ ؟ IS او CS ?
وانتي خريجه جامعه معترف فيها ؟

وفعلا ماتقدرين تشتغلين بالماجستير لانه ماعندج خبره شلون بيوضفونج هالشي يسمونه overqualified
*

[لمعة الالماس]

بما أنح تخصص نظم معلومات في المستقلة محتاجين تخصصكم لوظيفة مسئول مركز مصادر التعلم و المطلوب شهادة بكالوريوس نظم معلومات

و شغلتج راح تكون :
مسئول عن إدارة الأعمال والأنشطة لمركز مصادر التعلم وأيضا التنفيذ الفعال "لدليل الممارسات الجيدة لمركز مصادر التعلم" هذا باختصار

في اي مدرسة؟

بستخير وان شاء الله خير

شكرا على الافادة

[لمعة الالماس]

جامعيه بس شنو تخصصج ؟ ؟ is او cs ?
وانتي خريجه جامعه معترف فيها ؟

وفعلا ماتقدرين تشتغلين بالماجستير لانه ماعندج خبره شلون بيوضفونج هالشي يسمونه overqualified
*

خريجة جامعة قطر .. واذا ما يعترفون بشهادة جامعة قطر في قطر بعد مشكلة

وذكرت بالموضوع ان تخصص نظم معلومات

ادري ان ما يصير اشتغل بالماجستير لان ما توظفت

واصلا من شروط الماجستير ان اكون اشتغل لمدة سنة وجهة العمل توافق اني ادرس الماستر

هذا طموحي بس الواقع يفرض نفسه

[قطرية7]

ذكرتيني اول ما تخرجت قدمت في كل مكان وقالولي تنازلي عن شهادتج الجامعية واشتغلي بالثانووويه ههههههههههههه ضحكووني والله قال ايش عشان مافي توظيف الا للثانويه ماادري ليش ندخل الجامعه ودرسنا عيل الله المستعااان
لين الحين فيني حره عليهم:anger1:


ربي يوفقج وتحصلين الشغله الي تناسبج:)

[قطرية فذة]

بالنسبة للتخصص احين الكل يتوظف في مجال ماله خص بتخصصه

وهالشي معروف

وانا تخصصي نظم معلومات او علم معلومات

واقدر اشتغل في اي مكان ادراي يتطلب العمل على الحاسب الالي

..

بالنسبة اني اقدم على ثانوية بصراحة ماقدر عقب تعب دراستي بالجامعة

واصلا محد من هلي راضي اقدم بثانوي

..

وبالنسبة لعرض وزارة العمل انا وافقت وقلت لهم سجلوا اسمي وان شاء الله عاد ياخذوني

لان فيها ترشيح

..

وعن المدارس المستقلة الحين الكل يشتكي ويطلع منها وبصعوبه يعطونهم استقالة واخاف اغامر !

..

بالنسبة لي اتصلوا لي كذا جهة ورحت سويت مقابلة بس عقب يقولون مافي نصيب

وفي بنك طلب مني اشتغل شفتات بس ماقدر

وانا فعلا حطيت اوراقي في الجهات الحكومية واغلبهم يقولون لي موقفين التوظيف ؟

..

وتين الورد

شاركت اكثر من مرة في اعمال تطوعية

بس ماعرف وين الاماكن اللي ممكن اشتغل فيها بدون راتب لاكتساب الخبرة




شكرا جزيلا لكل اللي ردوا لي ولكل الاقتراحات

وجزاكم الله خير

والله يفرجها علينا كلنا يارب

بس صج احس بالقهر بنت البلد ومشتتيني جذي

حفظك الله ياغاليه

اختاري اي جهه تودين ان تأخذي الخبره منها
واتجهي مباشره للمدير واطلبي العمل لفتره معينه كشهاده خبره بدون راتب
اختاري المجال الذي تريدين افتحي لنفسك الباب
ستتعرفين من خلال العمل على أناس كثر
لعل منهم من يعجبه عملك فيقبل بك بالعمل لديهم
او يفتح لك باب من حيث لاتعلمين ويقبلونك بالعمل في مكان اخر


بالنسبه للعمل بالمدارس المستقله او المجلس الاعلى للتعليم

انا أخت لك ومن تجربه احدثك عنها انا مشيت في هذا المضمار

وكما احب الخير لنفسي احبه لغيري

لا انصحك نهائي

والرأي لك بالأول والاخير

فتح الله عليك من اوسع ابوابه

[لمعة الالماس]

حفظك الله ياغاليه

اختاري اي جهه تودين ان تأخذي الخبره منها
واتجهي مباشره للمدير واطلبي العمل لفتره معينه كشهاده خبره بدون راتب
اختاري المجال الذي تريدين افتحي لنفسك الباب
ستتعرفين من خلال العمل على أناس كثر
لعل منهم من يعجبه عملك فيقبل بك بالعمل لديهم
او يفتح لك باب من حيث لاتعلمين ويقبلونك بالعمل في مكان اخر


بالنسبه للعمل بالمدارس المستقله او المجلس الاعلى للتعليم

انا أخت لك ومن تجربه احدثك عنها انا مشيت في هذا المضمار

وكما احب الخير لنفسي احبه لغيري

لا انصحك نهائي

والرأي لك بالأول والاخير

فتح الله عليك من اوسع ابوابه

جزاج الله خير

وان شاء الله باخذ بنصيحتج

وبروح للاماكن اللي اتمنى اتوظف فيها

ومشكورة وايد على هالنقطة والافادة

بارك الله فيج

وكثر الله من امثالج الطيبة

[لمعة الالماس]

ذكرتيني اول ما تخرجت قدمت في كل مكان وقالولي تنازلي عن شهادتج الجامعية واشتغلي بالثانووويه ههههههههههههه ضحكووني والله قال ايش عشان مافي توظيف الا للثانويه ماادري ليش ندخل الجامعه ودرسنا عيل الله المستعااان
لين الحين فيني حره عليهم:anger1:


ربي يوفقج وتحصلين الشغله الي تناسبج:)

اي والله قهر

اللي جرب الدراسة بالجامعة مستحيل يقول تنازلي عن الشهادة الجامعية

الله يعينا ويفتحها علينا ويسر لنا امورنا

اشكرج على الاضافة

[الأصيلة]

عزيزتي لمعة الألماس
سؤال / هل أنت ِ قطرية ام لا ؟؟

[nyzk]

قدمي على المدارس المستقله
لاني سامع انهم محتاجين موظفات

[Toomy]

في اي مدرسة؟

بستخير وان شاء الله خير

شكرا على الافادة

راح ارد عليج بالخاص اختي بس سؤال انتي تدربتي على أي نظام مكتبات؟تدربتي على الunicorn?

[Mr.Hamad]

ترى السالفة بسيطة إذا تبين تتوظفين

خذي جنسية أجنبية
صبغي شعرج للون الأشقر
حطي عدسات خضر
ألوي ألسانج وتحجي انقلش على طول

وأعطيج شهادة ضمان warranty certificate بالتوظيف السريع

شدعوة ضمان .... لا يكون شاري ثلاجة ولا مكيف
مادري شكله من تأثير الحر

[limited]

السلام عليكم ورحمة الله وبركاته

بصراحة انا اكتب هالموضوع من بعد معاناه وقـهر لمدة سنه في البحث عن وظيفة !

ما تم مكان ما حطيت فيه اوراقي وما شاء الله جامعية واستخدم الحاسب بشكل ممتاز والانجليزي عندي جيد جدا واحب اخذ دورات واطور نفسي واتعلم كل شي

لكن !! جهات العمل تبي شخص ما عنده شهادات ولا علم

وهذي مب بس مشكلتي .... وايد من صديقاتي يعانون من نفس المشكلة

وللاسف رحت مقابلات وايد ولكن من بعد المقابلة يطنشون لاوراقي لين اراجعهم ويعطوني اعذار بايخه وانا ادري الوظايف بس حق اهلهم وربعهم !

واصحاب العمل يقولون مافي بطالة ومادري شنو

البطالة للجامعيين والتوظيف للثانوية

وانا طموحي اخذ الماجستير بس الكل يقول لي انتي بكالريوس وما توظفتي شلون ماستر !!!

حسبي الله ونعم الوكيل

كل يوم افكر ليش ؟؟ اطالع cv مالي افكر شنو ناقص شنو الدورة اللي للحين ماخذتها

ليش جي يصير بالدولة

يقطعون ارزاقنا بهالطريقة عشان شنو ماعرف؟

يعني تعب اربع او خمس سنين يعتبرونه ولا شي

والقهر امس وزارة العمل متصلين لي ومعطيني عرض اخذي دبلوم في الشمال الاطلنطي لمدة سنه وبنوظفج على طول ؟

(( دبلوم )) وانا جامعية ودارسة ومثقفة ومتعلمة ومشاركة في دورات وايد !!! قمـــة التخلف والله

انا ما اعرف منو اللي يصدر هالقرارات الفاشلة

شسوي ووين اقدم مابي اقدم في مكان تفوح منه الواسطة ابي اشتغل واخذ مال حلال

ولا حول ولا قوة الا بالله



اختي لمعة الماسه :

انا بأعلمج شنو ناقص السي في مالج
اللي ناقصه يا طويلة العمر ان عيونج تكون زرق وشعرج احمر محروق
والتغنج والدلال
وساعتها الوظايف تدةر لج موب انتي اللي تدورين لها
اما بحالتج هذي

لو تجيبين شهاداة ادارة مصانع بالوايرلس
مستحيل يقبلونج



لكن ما اقول الا

الله يوفقج ان شاء الله وتحصلين الوظيفه الزينه
(( وعسا ان تكرهو شيئا ويجعل الله فيه خيرا كثيرا ))

[Toomy]

تصحيح للآية
فَعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً


الله بيوفقها إن شاء الله و بتلقى الوظيفة الزينة.

[لمعة الالماس]

اي أنا قطرية

ودرست الأنظمة الآلية وقواعد البيانات وتصميم وتحليل النظم والإدارة واشياء وايد

وتخصصي مو مقتصر على المكتبات بالعكس هو نظم المعلومات وله علاقه باكثر من مجال

أشكركم جميعاً على الإضافات وكلامكم كله صح بالخصوص الأجنبيات وهذا اللي صاير في البلد

الله يرزقني ويرزق كل اللي محتاجين وظيفة الوظيفة المناسبة

ويبارك لكمفي اعمالكم

[نايم سهران]

اصلا معروف تخصص نظم المعلومات او علم المعلومات ماله مجال وين بيحطونج مافي الا المدارس تقدمين عليهم بس والله يوفقج

[المغروره]

السلام عليكم ورحمة الله وبركاته

بصراحة انا اكتب هالموضوع من بعد معاناه وقـهر لمدة سنه في البحث عن وظيفة !

ما تم مكان ما حطيت فيه اوراقي وما شاء الله جامعية واستخدم الحاسب بشكل ممتاز والانجليزي عندي جيد جدا واحب اخذ دورات واطور نفسي واتعلم كل شي

لكن !! جهات العمل تبي شخص ما عنده شهادات ولا علم

وهذي مب بس مشكلتي .... وايد من صديقاتي يعانون من نفس المشكلة

وللاسف رحت مقابلات وايد ولكن من بعد المقابلة يطنشون لاوراقي لين اراجعهم ويعطوني اعذار بايخه وانا ادري الوظايف بس حق اهلهم وربعهم !

واصحاب العمل يقولون مافي بطالة ومادري شنو

البطالة للجامعيين والتوظيف للثانوية

وانا طموحي اخذ الماجستير بس الكل يقول لي انتي بكالريوس وما توظفتي شلون ماستر !!!

حسبي الله ونعم الوكيل

كل يوم افكر ليش ؟؟ اطالع cv مالي افكر شنو ناقص شنو الدورة اللي للحين ماخذتها

ليش جي يصير بالدولة

يقطعون ارزاقنا بهالطريقة عشان شنو ماعرف؟

يعني تعب اربع او خمس سنين يعتبرونه ولا شي

والقهر امس وزارة العمل متصلين لي ومعطيني عرض اخذي دبلوم في الشمال الاطلنطي لمدة سنه وبنوظفج على طول ؟

(( دبلوم )) وانا جامعية ودارسة ومثقفة ومتعلمة ومشاركة في دورات وايد !!! قمـــة التخلف والله

انا ما اعرف منو اللي يصدر هالقرارات الفاشلة

شسوي ووين اقدم مابي اقدم في مكان تفوح منه الواسطة ابي اشتغل واخذ مال حلال

ولا حول ولا قوة الا بالله

البطالة للجامعيين والتوظيف للثانوية
من يقول التوظيف للثانويات
اكوو انا صار لي فتره طويله وناس مثلي لحد الان ماتوظفووا
وراجعت اداره العمل يقولون
لحد الحيين ما اصدروا مجلس الوزراء الارقاام الوظيفييه
شكلناا بنشتغل براااااااااا بلادنا
تحياتي لج وبالتوفييق

[طلعة الروح]

اختي الخيره فيما اختاره الله رايي انج تتوكلين على الله و تقبلين عرض الوزارة وبعدها اي عرض عمل يناسبج حتى لو مب في مجال تخصصج المهم لا تقعدين بالبيت توسوسين او تفكرين باشياء غير عملية في الوقت الحاضر..

اخوي نايم سهران مادري شنو التخصصات المطلوبة في نظرك اليوم ياريت تنورنا...
اليوم على فكرة هابين المسؤولين بجملتك هاذي ولو نبشنا بملفات هالمسؤولين والاجانب اللي مستانسين عليهم ومسوينهم يادهينه لا تنكتين لشفنا العجب والعجاب بس الله موجود ومايضيع حقوق عبيده والسالفة مب سالفة تخصص مطلوب او مرفوض سالفة فساد متفشي بالمؤسسات وشوف من اللي شاغل اغلب الوظايف والمناصب اليوم وتعرف الغمنده..

تقبلوا مرروي،،

[STAR]

جامعيه بس شنو تخصصج ؟ ؟ IS او CS ?
وانتي خريجه جامعه معترف فيها ؟

overqualified
*

IS
جامعة قطر




اي أنا قطرية

ودرست الأنظمة الآلية وقواعد البيانات وتصميم وتحليل النظم والإدارة واشياء وايد

وتخصصي مو مقتصر على المكتبات بالعكس هو نظم المعلومات وله علاقه باكثر من مجال

أشكركم جميعاً على الإضافات وكلامكم كله صح بالخصوص الأجنبيات وهذا اللي صاير في البلد

الله يرزقني ويرزق كل اللي محتاجين وظيفة الوظيفة المناسبة

ويبارك لكمفي اعمالكم

والله وعرفتي اشلون تشرحين تخصصنا... :nice:

انا نادويني تقريبا كل البنوك .. انتي كلش مانادوج البنووك؟؟؟ غريبة؟!:eek5:

الله يرحم ايام د. مصطفى حسنين.. يقول تخصصنا مهم جدا ومحد يعرف قيمته الا الاجانب ..:weeping:

[اخر العنقود]

:weeping::weeping:
انا نفس الحاله بس توني متخرجه وادري تخصصي مايقبله الا اللجنه الاولمبيه واسباير والمدارس :weeping: بس من سابع المستحيلات اشتغل في مدرسه او سباير:anger1:

وفخاطري فاللجنه الاولمبيه بس قالوا لي ماراح اتوضفين الا بـفيتامين (و):secret:
وعندي شهادات انجليزي \ومحاسبه \وحاليا ادراه مشاريع \ICDL .

وانشالله باخذ دورات عن الهندسه لان كثير من الوظايف محتاجه مهندسين >> بعد عيني بس يله انحاول :shy: << سوي مثلي

ونفس طموحج ابي اكمل ماجستير :shy: بس من بيعطينا وجه :rolleyes2:

[لمعة الالماس]

اصلا معروف تخصص نظم المعلومات او علم المعلومات ماله مجال وين بيحطونج مافي الا المدارس تقدمين عليهم بس والله يوفقج
شلون ماله مجال !!!

دراستي 4 سنوات ودرست في الكمبيوتر والإدارة والأنظمة وقواعد البيانات والإنترنت والمكتبات

بالعكس تخصصي صعب ومفيد وله اكثــر من مجاااال بس يبي اماكن تفهم له ولو عندي واسطه وظفوني حتى لو مو في مجال دراستي

ع العموم جزاك الله خير

[لمعة الالماس]

البطالة للجامعيين والتوظيف للثانوية
من يقول التوظيف للثانويات
اكوو انا صار لي فتره طويله وناس مثلي لحد الان ماتوظفووا
وراجعت اداره العمل يقولون
لحد الحيين ما اصدروا مجلس الوزراء الارقاام الوظيفييه
شكلناا بنشتغل براااااااااا بلادنا
تحياتي لج وبالتوفييق

غريبه !!

كل البنات اللي أعرفهم ومخلصين ثانوي بس يشتغلون في كيوتل في البنك في بروة في راس غاز في كهرماء في المدينة التعليمية

وتوظفوا على طول وعلى فكرة كذا مرة اتصل لجهات عمل يقولون نبغي مؤهل ثانوي

الله يوفقج اختي ولا تعتمدين على وزارة العمل لان مافيهم خير

والله يرزقك بالوظيفة السنعة

[لمعة الالماس]

اختي الخيره فيما اختاره الله رايي انج تتوكلين على الله و تقبلين عرض الوزارة وبعدها اي عرض عمل يناسبج حتى لو مب في مجال تخصصج المهم لا تقعدين بالبيت توسوسين او تفكرين باشياء غير عملية في الوقت الحاضر..

اخوي نايم سهران مادري شنو التخصصات المطلوبة في نظرك اليوم ياريت تنورنا...
اليوم على فكرة هابين المسؤولين بجملتك هاذي ولو نبشنا بملفات هالمسؤولين والاجانب اللي مستانسين عليهم ومسوينهم يادهينه لا تنكتين لشفنا العجب والعجاب بس الله موجود ومايضيع حقوق عبيده والسالفة مب سالفة تخصص مطلوب او مرفوض سالفة فساد متفشي بالمؤسسات وشوف من اللي شاغل اغلب الوظايف والمناصب اليوم وتعرف الغمنده.


تقبلوا مرروي،،

أنا وافقت على عرض الوزارة وان شاء الله خير

وكلامج كله صح كل التخصصات اشوف جهات العمل تقول ما نحتاجها

في ذمة اللي يقولون هالكلام الواحد ما يقدم على وظيفة الا وهو محتاج والا عنده ظروف ما يعلم بها الا رب العالمين واحنا لما دخلنا الجامعة وتخرجنا منها كان هدفها الاول والأخير ان نحظى بفرصة عمل افضل ونكون كفء لها

وصدق من قال خير قطر لغيرها

جزاج الله خير وبارك الله فيج

[لمعة الالماس]

IS
جامعة قطر





والله وعرفتي اشلون تشرحين تخصصنا... :nice:

انا نادويني تقريبا كل البنوك .. انتي كلش مانادوج البنووك؟؟؟ غريبة؟!:eek5:

الله يرحم ايام د. مصطفى حسنين.. يقول تخصصنا مهم جدا ومحد يعرف قيمته الا الاجانب ..:weeping:

أكيد بعرف اشرح تخصصي وبالتفصيل الممل بعد :rolleyes2: اللي كتبته بالموضوع بس رؤؤس ومواضيع بشكل عام وانا متأكده لو كل واحد جرب يدرس هالتخصص وحس بصعوبته جان ما قال تخصص ماله مجال واستهان فيه

وصح كلام الدكتور مصطفى

أنا نادني بنك الدولي الاسلامي بس اشرطوا علي اشتغل شفتات وهلي ما رضوا

أما البنوك الثانية ماقدمت فيها لانها ربوية

مشكورة على الرد وان شاء الله يرزقك بالوظيفة اللي تتمنينها

[لمعة الالماس]

:weeping::weeping:
انا نفس الحاله بس توني متخرجه وادري تخصصي مايقبله الا اللجنه الاولمبيه واسباير والمدارس :weeping: بس من سابع المستحيلات اشتغل في مدرسه او سباير:anger1:

وفخاطري فاللجنه الاولمبيه بس قالوا لي ماراح اتوضفين الا بـفيتامين (و):secret:
وعندي شهادات انجليزي \ومحاسبه \وحاليا ادراه مشاريع \icdl .

وانشالله باخذ دورات عن الهندسه لان كثير من الوظايف محتاجه مهندسين >> بعد عيني بس يله انحاول :shy: << سوي مثلي

ونفس طموحج ابي اكمل ماجستير :shy: بس من بيعطينا وجه :rolleyes2:

مبروك التخرج وان شاء الله تتوظفين على طول

وايد ناس متضررين من الواسطة والله حرام كل خطوة صارت بواسطة

الله يرحمنا برحمته

وان شاء تكملين الماجستير والدكتوراه بعد بس تمسكي بطموحج لان محد له حق يهدم طموحاتنا

الله يوفقج اختي ويرزقك بالوظيفة اللي تتمنينها

[مستوى الدعم]

عزيزتي تبين نصيحة أخت؟

إذا انتي جامعية لا تقبلين تتوظفين بالشهادة الثانوية

إلا إذا لا قدر الله كانت هناك ظروف تخليج مضطرة على أي وظيفة

أنتي إذا دخلتي على جهة بشهادتج الثانوية وعقب التعيين راويتيهم الشهادة الجامعية..

بتلقين المسؤول يصكها في ويهج ويقول لج: كيفج.. ما تبين .. دوري مكان ثاني

خلاص جهات التوظيف صار عندهم حصانة ضد هالحركة وطلعوا قوانين في صفهم

واذا توظفتي في جهة بثانويتج وبعدين لقيتي شغل حق جامعية في مكان ثاني..

غالبا المكان الثاني بيشكك في قدراتج لانج رضيتي الادنى على نفسج..

وخلاصة الكلام:

القمندة في التوظيف مب انت قطري وغير قطري ولا جامعي او شهادة ثانوية

المسألة واااااسطة

بس انتي خلي واسطتج رب العالمين واستعيني بالدعاء في جوف الليل

[اخر العنقود]

:weeping::weeping:

[لمعة الالماس]

عزيزتي تبين نصيحة أخت؟

إذا انتي جامعية لا تقبلين تتوظفين بالشهادة الثانوية

إلا إذا لا قدر الله كانت هناك ظروف تخليج مضطرة على أي وظيفة

أنتي إذا دخلتي على جهة بشهادتج الثانوية وعقب التعيين راويتيهم الشهادة الجامعية..

بتلقين المسؤول يصكها في ويهج ويقول لج: كيفج.. ما تبين .. دوري مكان ثاني

خلاص جهات التوظيف صار عندهم حصانة ضد هالحركة وطلعوا قوانين في صفهم

واذا توظفتي في جهة بثانويتج وبعدين لقيتي شغل حق جامعية في مكان ثاني..

غالبا المكان الثاني بيشكك في قدراتج لانج رضيتي الادنى على نفسج..

وخلاصة الكلام:

القمندة في التوظيف مب انت قطري وغير قطري ولا جامعي او شهادة ثانوية

المسألة واااااسطة

بس انتي خلي واسطتج رب العالمين واستعيني بالدعاء في جوف الليل

مشكورة اختي على نصيحتج الذهبية والقيمة فعلا كلامج عين العقل

جزاج الله خير وربي يفتحها علينا ويرزقنا ان شاء الله

[FAUCHON]

الصراحه ااختي انا اتفق معاج

والحال من بعضه

دوراااات وخبره والواحد مثقف ويطور نفسه

وكاني في البيت سنه وشهر

واللي يقهر انهم ما يوظفون اللي متخرجين بنفس تخصصهم

[ماريسا]

مايبون اللي عندهم شهادات جامعية عشان رواتبهم عالية

[ليالي قطر]

فديتج طرشي لي ايميلج وبقولج وين الوظيفه اذا حابه

[لمعة الالماس]

الصراحه ااختي انا اتفق معاج

والحال من بعضه

دوراااات وخبره والواحد مثقف ويطور نفسه

وكاني في البيت سنه وشهر

واللي يقهر انهم ما يوظفون اللي متخرجين بنفس تخصصهم

عدل كلامج وفعلا هذا اللي صاير

والمشكلة في الاعلام يقولون الموظف القطري يحتاج لتطوير وتدريب

واحنا الحمد لله متدربين واذا شي ناقصنا مو عيب نتعلمه

الله يوفقج وان شاء الله تتوظفين في القريب العاجل

[لمعة الالماس]

فديتج طرشي لي ايميلج وبقولج وين الوظيفه اذا حابه

تم التواصل وانتظر منج الرد

جزاج الله خير

[لمعة الالماس]

مايبون اللي عندهم شهادات جامعية عشان رواتبهم عالية

كل درجة علمية تختلف رواتبها وبالنهاية لازم يقبلون يوظفون

انتوا تشوفون الفائض السنوي لميزانية جهات العمل العدد وايد كبير وبعدين هم ما يدفعون من حسابهم الشخصي الدولة تخصص لهم مبلغ

اذا صج جي تفكيرهم حسبي الله ونعم الوكيل

[المغروره]

مجلس الوزرااااااااء يقولون مافي ارقام وظيفيه
طبعاا غير الواسطه
فاا لاتعبيين نفسج معااهم مثلي
وزاره فاشله

[لمعة الالماس]

شلون مافي ارقام وظيفة

حسبي الله ونعم الوكيل

يعني ليش يسون جذي


يارب يحدون من هالواسطات اللي لعوزتنا وصكرت كل شي بويهنا

والله يرزقنا بالوظيفة المناسبة في القريب العاجل

[ولد الجابر]

السلام عليكم
يرجى تحديد التخصص

[لمعة الالماس]

وعليكم السلام ورحمة الله وبركاته

تخصصي علم المعلومات

Information Science

وجزاك الله خير

[STAR]

غريبه !!

كل البنات اللي أعرفهم ومخلصين ثانوي بس يشتغلون في كيوتل في البنك في بروة في راس غاز في كهرماء في المدينة التعليمية

وتوظفوا على طول

ابيييييييييييي اشتغل في راس غاز...

اظااهر علشان احنا جامعيين محد يبينا :secret:

مادري ارد واقدم على اساس اني ثانوية؟؟!!:eek5:

[لمعة الالماس]

ما انصحج تتنازلين عن الشهادة الجامعية لان بالنهاية هذي درجتج العلمية ومستواج

وقدمي مرة ثانية في راس غاز يمكن يقبلونج وتتوظيفين عندهم

في رد وحده من الاخوات قالت جربوا اشتغلوا عند اي جهة عمل بس لمدة شهر وبدون راتب على اساس التدريب والحصول على خبرة ويمكن يقبلونج على هالاساس انا افكر اجرب وان شاء الله يوظفوني عقب

والله يوفقنا جميعا ويرزقنا الوظيفة اللي تانسبنا واللي فيها خير لنا

[STAR]

ما انصحج تتنازلين عن الشهادة الجامعية لان بالنهاية هذي درجتج العلمية ومستواج

وقدمي مرة ثانية في راس غاز يمكن يقبلونج وتتوظيفين عندهم

في رد وحده من الاخوات قالت جربوا اشتغلوا عند اي جهة عمل بس لمدة شهر وبدون راتب على اساس التدريب والحصول على خبرة ويمكن يقبلونج على هالاساس انا افكر اجرب وان شاء الله يوظفوني عقب

والله يوفقنا جميعا ويرزقنا الوظيفة اللي تانسبنا واللي فيها خير لنا

FYI

انا نادوني راس غاز وقدمت الامتحان ونجحت وسويت مقابلة ونجحت ولما لقوا لي شغلة .. حطوني في راس لفااااان .. يبعد عن بيتنا ساعتين ونصف :eek5:وهم بعد وافقت:omen2: وآخرتها هم قالوا لي لا ماراح نقدر نوظفج لان بيتكم بيعييييد؟؟!!!:eek5:

يعني كانوا ينطروني انا ارفض ولما صدمتهم بالموافقة هم ردوني:anger1:.. وقالوا لي بنشوف لج وظيفة ثانية فالدوحة .. وكله خرااااااط صار لي سنة ونص وانا انطر...!!!:rolleyes2:

[لمعة الالماس]

ههههههههه يدرون ان البنات من تسمع راس لفان ترفض

بس زين سويتي فيهم ووافقتي انزين انتي ليش ما راجعتيهم انا سمعت انه لازم تحنين عليهم يعني كل اسبوع تمرين عليهم وتشوفين شصار بموضوعج
روحي لهم الاحد وشوفي شنو يقولون لج وقدمي مرة ثانية وقولي لهم ابي اتدرب واخذ خبرة يمكن ينعجبون بشغلج وتتوظفين معاهم



الله يوفقج اختي ويسر لج دربج

[Mr.Mohammad]

اختي مافي وظااااااايف الا بالوااااسطة

وبعد الواسطة ماتنفع !

الله يعين انا متخرج صار لي سنه للحين ماتوظفت مع اني سووويت مقابلااات في شركات و مؤسسات وايد ومعظمها كانت بالواسطة وبعد ما انجحت يااا ان بيوظفوني براااتب ضعيف او بيمسكووني منصب زين لكن بكرااااف لين العصر

حل وسط مافيه =)

الله يخلي الاعمال الحرة و التجارة و لا الشهادة ماستفدت منها اكاهي مقطوطه فالبيت =)


اتمنــــــى لج التـــــــوفيق

[STAR]

ههههههههه يدرون ان البنات من تسمع راس لفان ترفض

بس زين سويتي فيهم ووافقتي انزين انتي ليش ما راجعتيهم انا سمعت انه لازم تحنين عليهم يعني كل اسبوع تمرين عليهم وتشوفين شصار بموضوعج
روحي لهم الاحد وشوفي شنو يقولون لج وقدمي مرة ثانية وقولي لهم ابي اتدرب واخذ خبرة يمكن ينعجبون بشغلج وتتوظفين معاهم



الله يوفقج اختي ويسر لج دربج

اسلووووب الترجي والطرارة ماحبه... اتصلت فيهم اكثر من مرة وراسلتهم اكثر من مرة .. مرة ردوا علي وقوالوا لي مافي وظايف شاغرة لي.. وعقبها طنشوا لي... عاد ماحب اقط ويهي اكثر من الازم...


اختي مافي وظااااااايف الا بالوااااسطة

وبعد الواسطة ماتنفع !

الله يعين انا متخرج صار لي سنه للحين ماتوظفت مع اني سووويت مقابلااات في شركات و مؤسسات وايد ومعظمها كانت بالواسطة وبعد ما انجحت يااا ان بيوظفوني براااتب ضعيف او بيمسكووني منصب زين لكن بكرااااف لين العصر
حل وسط مافيه =)



الله يالدنيا ناس تنعرض عليها وظايف ويتشرطون... وناس راضين بالكراف ومب معطيني ويه:weeping:

اخوي مش حالك لين ماتلاقي الوظيفة المرموقة الي تتطمح لها .. اذا كلش كلش... خل واسطاتك يتوسطون لنا انا ولمعة الماس ... ترانا راضين ^_^

[طلعة الروح]

اختي مافي وظااااااايف الا بالوااااسطة

وبعد الواسطة ماتنفع !

الله يعين انا متخرج صار لي سنه للحين ماتوظفت مع اني سووويت مقابلااات في شركات و مؤسسات وايد ومعظمها كانت بالواسطة وبعد ما انجحت يااا ان بيوظفوني براااتب ضعيف او بيمسكووني منصب زين لكن بكرااااف لين العصر

حل وسط مافيه =)

الله يخلي الاعمال الحرة و التجارة و لا الشهادة ماستفدت منها اكاهي مقطوطه فالبيت =)


اتمنــــــى لج التـــــــوفيق

اشفيها اخوي لو تشتغل لين العصر الحين اغلب الاماكن نظامهم هالشكل...
ولو الراتب ضعيف شالمشكله اهم شي تكسب خبره وماتقعد بالبيت بدون شغله صح ولا لا..

[bluelion]

عدل كلامج وفعلا هذا اللي صاير

والمشكلة في الاعلام يقولون الموظف القطري يحتاج لتطوير وتدريب

واحنا الحمد لله متدربين واذا شي ناقصنا مو عيب نتعلمه

الله يوفقج وان شاء الله تتوظفين في القريب العاجل

آمين.

أختي،

أول ما تخرجت كنت مفكر نفسي خلاص، الحمد لله، درست كل شي وفهمت كل شي... واليوم، بعد 15 سنة شغل، كل يوم أتعلم شي جديد... العلم ما له نهاية، وأرجو انج ما تقولين للناس في المقابلات "المشكلة في الاعلام يقولون الموظف القطري يحتاج لتطوير وتدريب، واحنا الحمد لله متدربين واذا شي ناقصنا مو عيب نتعلمه" لأنه يظهر أن هذه المتقدمة قد تظن أنها تفهم كثيراً وقد ترفض تدرب يعتقدون أنه مهم، وتظنين انج فاهمته 100%...

الله يعينكم.

[bluelion]

اختي مافي وظااااااايف الا بالوااااسطة

وبعد الواسطة ماتنفع !

الله يعين انا متخرج صار لي سنه للحين ماتوظفت مع اني سووويت مقابلااات في شركات و مؤسسات وايد ومعظمها كانت بالواسطة وبعد ما انجحت يااا ان بيوظفوني براااتب ضعيف او بيمسكووني منصب زين لكن بكرااااف لين العصر

حل وسط مافيه =)

الله يخلي الاعمال الحرة و التجارة و لا الشهادة ماستفدت منها اكاهي مقطوطه فالبيت =)


اتمنــــــى لج التـــــــوفيق
أخوي،
تعوذ من الشيطان، وروح للكراف لين لعصر أحسن لك!

[لمعة الالماس]

آمين.

أختي،

أول ما تخرجت كنت مفكر نفسي خلاص، الحمد لله، درست كل شي وفهمت كل شي... واليوم، بعد 15 سنة شغل، كل يوم أتعلم شي جديد... العلم ما له نهاية، وأرجو انج ما تقولين للناس في المقابلات "المشكلة في الاعلام يقولون الموظف القطري يحتاج لتطوير وتدريب، واحنا الحمد لله متدربين واذا شي ناقصنا مو عيب نتعلمه" لأنه يظهر أن هذه المتقدمة قد تظن أنها تفهم كثيراً وقد ترفض تدرب يعتقدون أنه مهم، وتظنين انج فاهمته 100%...

الله يعينكم.

صح انا اتفق معاك ولو تلاحظ ذكرت في ردي اللي اقتبسته "لو ناقصنا شي مو عيـب نتعلمه"

بالعكس انا احب اطور نفسي وهالشهر مسجلة في 3 دورات

وانا فعلا اسعى اني اطور نفسي وما اقعد بس جذي

وبالنسبة لعرض وزارة العمل علي اني ادرس دبلوم في الاطلنطي كلمهتهم وقالواا احنا بنحدد مستوى 800 باحثه عن عمل، وعقب بنختار منو اللي يدرس

تخيل العدد 800 باحثه عن عمل، موافقة انها تدرس بالاطلنطي، غير العدد الهائل اللي رفض الدراسة بالاطلنطلي لانه خلط، يعني لو تشوف كم وحده تبي تتوظف ومو قادرة تتوظف بسبب بعض الادارات اللي تعطي الاولوية للواسطات

جزاك الله خير

[BURBERRY]

الله يعينج اختي .. انا بعد من شهور ادور و لا حصلت :(

اعرف واحد من ربعي كان يتشغل في حدى الوزارات و بعد ماخذى شهادة ماجستير نظم المعلومات انهو خدماته و الحين يشتغل اعمال حره

شكلهم مايبون الجامعيين يبون الثانويه وبس

[المقهوره]

لان الطلبه الجامعيين يبون سنيرولا رئيس قسم

فالدوائر الحكوميه + الخاصه كم سنير فيها ولا رئيس قسم.


صعب تحتوي الكل

[Mr.Mohammad]

اسلووووب الترجي والطرارة ماحبه... اتصلت فيهم اكثر من مرة وراسلتهم اكثر من مرة .. مرة ردوا علي وقوالوا لي مافي وظايف شاغرة لي.. وعقبها طنشوا لي... عاد ماحب اقط ويهي اكثر من الازم...



الله يالدنيا ناس تنعرض عليها وظايف ويتشرطون... وناس راضين بالكراف ومب معطيني ويه:weeping:

اخوي مش حالك لين ماتلاقي الوظيفة المرموقة الي تتطمح لها .. اذا كلش كلش... خل واسطاتك يتوسطون لنا انا ولمعة الماس ... ترانا راضين ^_^


اختي كنت اقول مثلج مش مشكله دوام طويل براتب مجـزي او دوام حكومي براتب عادي او اقل من عادي

لكن وقت التجربة الفعلية اتحسين انج مش ممكن تعطين او تقدمين افضل ماعندج للمؤسسة او الشركة..ممكن لان المجال ضيق جدامي او ممكن تكون خيره من الله .. وكل شي فالنهاية خير للانسـان



والله يرزقنا الوظايف العدله اجمعين

[Mr.Mohammad]

اشفيها اخوي لو تشتغل لين العصر الحين اغلب الاماكن نظامهم هالشكل...
ولو الراتب ضعيف شالمشكله اهم شي تكسب خبره وماتقعد بالبيت بدون شغله صح ولا لا..

اختي لين العصر اغلبهم ما أيدوني قالو لي روح الخارجية او القوات المسلحة و بتلقى نفس الرواتب ودوام اقصر..وهذا انا حاليا اشـوف واقارن..الله يكتب اللي فيه الخير

اختي لو الراتب ضعيف انا من وجهة نظري ليش اوافق عليه دام عندي شغل خاص ممكن ادخل قده وانا مرتاح!

صح بكسب خبره لكن هذا بخليه اخر حل ..بفكر فالاحسن لغاية ما اوصل لشي اكون فيه مرتاح من كل الامور..وفي النهاية انا عندي قناعة باي شي مكتوب لي..سواء دوام خفيف او لين العصر

[Mr.Mohammad]

أخوي،
تعوذ من الشيطان، وروح للكراف لين لعصر أحسن لك!


:rolleyes2:

[لمعة الالماس]

اختي مافي وظااااااايف الا بالوااااسطة

وبعد الواسطة ماتنفع !

الله يعين انا متخرج صار لي سنه للحين ماتوظفت مع اني سووويت مقابلااات في شركات و مؤسسات وايد ومعظمها كانت بالواسطة وبعد ما انجحت يااا ان بيوظفوني براااتب ضعيف او بيمسكووني منصب زين لكن بكرااااف لين العصر

حل وسط مافيه =)

الله يخلي الاعمال الحرة و التجارة و لا الشهادة ماستفدت منها اكاهي مقطوطه فالبيت =)


اتمنــــــى لج التـــــــوفيق

الله يوفقك ان شاء الله

وانا معاك اذا من البداية ما عجبني عرض التوظيف والراتب ارفضه

وان شاء الله تحصل اللي احسن منها

وفعلا ناس وايد اتجهوا للتجارة والحمد لله امورهم ماشيه

[لمعة الالماس]

الله يعينج اختي .. انا بعد من شهور ادور و لا حصلت :(

اعرف واحد من ربعي كان يتشغل في حدى الوزارات و بعد ماخذى شهادة ماجستير نظم المعلومات انهو خدماته و الحين يشتغل اعمال حره

شكلهم مايبون الجامعيين يبون الثانويه وبس

الله يعينك

وان شاء الله ربي يرزقك بالوظيفة اللي تتمناها

وما يصير ينهون خدماته لان خذا الماجستير

هذا شي خاص فيه وكل انسان يحب انه يتعلم اكثر واكثر

لا حول ولا قوة الا بالله

[لمعة الالماس]

لان الطلبه الجامعيين يبون سنيرولا رئيس قسم

فالدوائر الحكوميه + الخاصه كم سنير فيها ولا رئيس قسم.


صعب تحتوي الكل

صح كلامج

بس هذا الكلام قبل

الحين الشهادة الجامعية شي عادي والكل يقدر يحصل عليها

خاصة مع البعثات وجامعات المدينة التعليمية

اصبح عدد الخريجين وايد

لكن المشكلة انهم يوظفون كل خريجي الجامعات الا خريجي (جامعة قطر) وهذا اللي الكل ملاحظه