استفسار بشأن شراء سيارة دفعت عربون بس خايف !! ارجو المساعدة

[قلم محايد]

السلام عليكم ..


اخواني الكرام انا شفت سيارة عجبتني في احد مواقع السيارات الشهيرة .. و اتصلت براعي المعرض و قالي تعال شوفها .. و لما رحت شفتها عجبتني و قررت اشتريها .. المهم المبلغ ماكان عندي في نفس الوقت .. قلت له بكمل المبلغ نهاية الشهر .. قالي مدير المعرض ماعنده مانع بس بيكلم راعي السيارة .. كلم راعي السيارة و مارضى ( قال يومين ثلاثة بس اوكي) . و اذا تبي و السيارة كانت موجودة لنهاية الشهر مافي مشكلة ( يعني على حظي) فقلت لا و اتصلت لاهلي في البحرين .. عساس يدبرون لي باقي المبلغ .. في اقرب وقت و لاني نازل البحرين الاسبوع الجاي .. المهم واقفوا اهلي و قلت لراعي المعرض بدفع عربون ... و قال اوكي بس بيكلم راعي السيارة بعد .. و كلم راعي السيارة و ما وافق بعد !! يبي في يومين ثلاثة .. فقالي كلم راعي السيارة بالتلفون .. و كلمته و شرحت للرجال و ماقصر وافق ينتظرني مهلة حوالي 9 ايام .. المهم .. انا اتفقت ويا اهلي يرسلون لي المبلغ و انشالله بيوصل قبل نهاية المهلة و قلت لمدير المعرض .. و دفعت عربون 5 الاف .. و استلمت رصيد .. و انشالله بكمل المبلغ قبل نهاية المدة ..

لكني خايف من شيء .. لما رحت البيت شفت ان في الرصيد مكتوب تحت بخط صغير (مدة العربون 3 ايام) ... و انا لذلك خايف الحين !! طبعا اتفقت مع مدير المعرض و كل شيء و في الرصيد مكتوب قيمة العربون اللي دفعته و قيمة السيارة .. و رقم السيارة و كل شيء و اسمي .. لكن تعرفون الوسواس .. اقول لو حصل له شراي و باع السيارة و بعدين قالي في الرصيد مكتوب 3 ايام و انا ماعندي شهود على الكلام !! فهل بيروح علي العربون !! رغم اني اتفقت وياه على مدة محددة ووافق على هالشيء !!

ساعدوني لاني على اعصابي احاتي و افكر

(اخوكم من النوع الوسواسي) !:rolleyes2:

[رياني qtr]

اخوي في سلم البيع والشراء للسلع العربون غير قابل للرجعه في حالة انك ترددت او ماكملت فلوسك وانا مع هالشي الصراحة ملينا من الناس الي مب جادة طبعا ماقصدك اخوي لكن انا تعرضت الموافق كثير يعني عندي سيارة يجون ثنين طبعا الاول يكون يبيها بسعر اقل والثاني بالسعر الي عارض فية السيارة الاول فلوسه كاش والثاثي نصهم موجود والنص الثاني بيدبرهم طيب انا شنو ذنبي يمكن محتاج ابيع السيارة لظروف خاصة ومطر ابيع حتى لو بسعر اقل طيب الثاني وعدني يدبر فلوسه وشرى السيارة مني ودفع عربونه والسيارة في هالحالة راح اقول الكل من يسئلني عنها مباعه وندفع عربونها خلاص على اساس خذت كلمه ريال
بس هاليومين مافي كلمه ريال ونادر تلقى حد عند كلمتة طيب جاني احين المشتري بعد اسبوع وانا كل من سئلني قلت له السيارة مباعت خلاص ويقولي لا والله هونت
اعتقد اي حد مكاني وتعرض الهالموقف مابيفكر يرد العربون لانه انا اصلا تعرضت الخسارة منها وقفت بيعه السيارة وضيعت نصيبها في البيع ويمكن عندي التزامات واكيد مابعرض السيارة الا عندي التزامات
في موضوعك اخوي السالفة بسيطة انت دفعت عربونك وشد حيلك كمل فلوسك قبل لاتخلص المهلة ووالله يكتب لك فيها الخير وتتهناء فيها ويعطيك خيرها ويكفيك شرها وموفق خير

[قلم محايد]

اخوي في سلم البيع والشراء للسلع العربون غير قابل للرجعه في حالة انك ترددت او ماكملت فلوسك وانا مع هالشي الصراحة ملينا من الناس الي مب جادة طبعا ماقصدك اخوي لكن انا تعرضت الموافق كثير يعني عندي سيارة يجون ثنين طبعا الاول يكون يبيها بسعر اقل والثاني بالسعر الي عارض فية السيارة الاول فلوسه كاش والثاثي نصهم موجود والنص الثاني بيدبرهم طيب انا شنو ذنبي يمكن محتاج ابيع السيارة لظروف خاصة ومطر ابيع حتى لو بسعر اقل طيب الثاني وعدني يدبر فلوسه وشرى السيارة مني ودفع عربونه والسيارة في هالحالة راح اقول الكل من يسئلني عنها مباعه وندفع عربونها خلاص على اساس خذت كلمه ريال
بس هاليومين مافي كلمه ريال ونادر تلقى حد عند كلمتة طيب جاني احين المشتري بعد اسبوع وانا كل من سئلني قلت له السيارة مباعت خلاص ويقولي لا والله هونت
اعتقد اي حد مكاني وتعرض الهالموقف مابيفكر يرد العربون لانه انا اصلا تعرضت الخسارة منها وقفت بيعه السيارة وضيعت نصيبها في البيع ويمكن عندي التزامات واكيد مابعرض السيارة الا عندي التزامات
في موضوعك اخوي السالفة بسيطة انت دفعت عربونك وشد حيلك كمل فلوسك قبل لاتخلص المهلة ووالله يكتب لك فيها الخير وتتهناء فيها ويعطيك خيرها ويكفيك شرها وموفق خير



مشكور اخوي على ردك و انا ادري يا الغالي اني لو ترددت او غيرت رايي مابيرجع العربون و مو هاي اللي اقصده ..

انا اللي اقصده لو البايع حصل له مشتري في المهلة اللي وافق يعطيني اياها لين اكمل و ادبر المبلغ و استلم العربون .. (لكن المهلة مب مكتوبة في الرصيد) .. و في الرصيد مكتوب على كل ارصدة المعرض (مدة العربون ثلاثة ايام) .. و احنا اتفقنا على مدة اطول .. فهذا اللي خايف منه لو ان البايع حصل مشتري خلال المهلة و باع السيارة و بعدين قالي ان في الرصيد مكتوب 3 ايام .. و ماعندي شهود على الاتفاق .. (يعني وساوس تجيني) هل ممكن يحصل هذا الشيء من خبرتكم .. و مع اني انشالله بكمل المبلغ قبل المهلة و مابتراجع بس الخوف لو البايع هو اللي تراجع و باع السيارة لحد ثاني ! هل اخسر عربوني ؟! ..

[اكتتاب خاص]

اخوي دام انه راعي المعرض وراعي السياره وهو الاهم وافق يعطيك مهلة 9 ايام واستلم منك العربون على اساس مهلة ال9 ايام لا تخاف ولا تحاتي

انت بس زهب فلوسك وروح ادفع لهم الباقي وان شاء الله لا السياره ولا المقدم بيروح منك

واللي في المعارض يخافون الله ومايسوون هالشي الا اذا انت اللي غيرت رايك

اقولك الله يبارك لك في الموتر ويعطيك خيره ويكفيك شره مقدماً

وشد حليك روح ادفع اللي باقي عليك ;)

[رياني qtr]

مشكور اخوي على ردك و انا ادري يا الغالي اني لو ترددت او غيرت رايي مابيرجع العربون و مو هاي اللي اقصده ..

انا اللي اقصده لو البايع حصل له مشتري في المهلة اللي وافق يعطيني اياها لين اكمل و ادبر المبلغ و استلم العربون .. (لكن المهلة مب مكتوبة في الرصيد) .. و في الرصيد مكتوب على كل ارصدة المعرض (مدة العربون ثلاثة ايام) .. و احنا اتفقنا على مدة اطول .. فهذا اللي خايف منه لو ان البايع حصل مشتري خلال المهلة و باع السيارة و بعدين قالي ان في الرصيد مكتوب 3 ايام .. و ماعندي شهود على الاتفاق .. (يعني وساوس تجيني) هل ممكن يحصل هذا الشيء من خبرتكم .. و مع اني انشالله بكمل المبلغ قبل المهلة و مابتراجع بس الخوف لو البايع هو اللي تراجع و باع السيارة لحد ثاني ! هل اخسر عربوني ؟! ..



لا اخوي لا تحاتي من خبرتي البسيطة في التعامل في السوق مستحيل يسونها راعي المعرض اكيد يخاف على سمعة معرضة قبل اي شي ويبي المعاملة تنتهي على خير حتى راعي السيارة مابيرضى على نفسه ياكل فلوس مب حلاله بس هي تستوي في حالة وحده في حالة انك قعدت تماطل او قلت لا مابيها خلاص طبعا بعد ماوقفت السيارة فترة ان شاءالله ساعتين طبعا انت هني ضيعت على البايع فرصة البيع واي شخص مكانه مابيرضى حتى انت لو كنت مكانه مابترضى وماتدري عن ظروفة يمكن محتاج يبيع باسرع وقت

[قلم محايد]

مشكورين اخواني الاعزاء رياني قطر و اكتتاب خاص طمنتوني .. بارك الله فيكم

[مستثمر 999]

اخوي الكريم

القانون لا يحمي المغفلين مع احترامي لك

على مزاج راعي المعرض وياليت تذكر لنا اسم المعرض وانا بقول لك اذا تحاتي و لا

واهم شي قبل لا تسافر تروح المعرض وتخلي راعي المعرض يعطيك نسخه من المبايعه موضح فيها كل شي


انا صارت معاي الف مره وخاصه مع السعوديين والبحرينيين واهل الخليج عامه

يختفي اسبوع واسبوعين ويرجع يطالب بالعربون

اكرر

خذ نسخه من المبايعه مذكور فيها كل شي لانك قانونيا مب من حقك تطالب بالمبلغ اذا مكتوب في الوصل
صالح لمدة 3 ايام

[قلم محايد]

اخوي الكريم

القانون لا يحمي المغفلين مع احترامي لك

على مزاج راعي المعرض وياليت تذكر لنا اسم المعرض وانا بقول لك اذا تحاتي و لا

واهم شي قبل لا تسافر تروح المعرض وتخلي راعي المعرض يعطيك نسخه من المبايعه موضح فيها كل شي


انا صارت معاي الف مره وخاصه مع السعوديين والبحرينيين واهل الخليج عامه

يختفي اسبوع واسبوعين ويرجع يطالب بالعربون

اكرر

خذ نسخه من المبايعه مذكور فيها كل شي لانك قانونيا مب من حقك تطالب بالمبلغ اذا مكتوب في الوصل
صالح لمدة 3 ايام


هلا اخوي والله مابي اذكر اسم المعرض في العام ..

الامر الثاني انا حاليا مقيم بدولة قطر .. و بالنسبة للمعرض انا مابرجع اطالب بالعربون .. انا ابغي اسلم باقي المبلغ في المدة المتفق عليها .. و استلم السيارة .. هل اكون مغفل في هذه الحالة ؟! انا اتفقت مع راعي المعرض على مدة .. و دفعت عربون .. و عطاني رصيد و لما رحت البيت و دققت في الرصيد اكتشفت ان مكتوب مدة العربون 3 ايام ..

و اليوم الحين الثالث من السالفة .. هل فيه شيء اقدر اسويه ؟! لان انشالله المبلغ بعد بكرة اللي هو يوم الاثنين بيكون عندي و بخلص الموضوع .. و الحين انت ياخوي خوفتني من جديد .. و المشكلة ماقدر ارسل رسالة خاصة بعد لاني ماوصلت 50 مشاركة ..

انا دفعت 5 الاف ريال عشان اثبت جديتي لهم .. كنت اقدر ادفع الف ريال مثال و ماهتم وايد لو راحت .. و انا مثل ماقلت لك مادفعت عربون عشان ارجع عقب اسبوع ولا اسبوعين مثل ماقلت و اطالب فيه .. انا حجزت السيارة حق محد يشتريها غيري !!

لذلك هل من حق راعي المعرض يبيعها و يخرق الاتفاق اللي تم بيني وبينه و بصريح العبارة اللي اقصده انه ينكر انه فيه اتفاق على مهلة معينة .. و يدعي ان الاتفاق 3 ايام و ليس 9 ايام و هذا مذكور بالرصيد !! و بعدها يبيع السيارة و مايرجع لي العربون !!

[البرونزي]

خل عنك الوسواس :discuss:
واهم شي انك اتفقت مع راعي السياره
وان شاء الله يكون قد كلمتة واتصل له
بعد يومين او ثلاثة ايام حتى اتطمن اكثر
وحتى يعرف انك جاد :telephone:
والله يتمم على خير ومبروك مقدما :nice:

لكن لاتكرر الحركه مره ثانية :tease:

[بوسيف الهاجري]

مرحبا الشيخ
اذا السالفه بتاخر اكثر من 9 ايام انا مستعد ادفع فلوس السياره للمعرض واخليها عندي لين اتخلص امورك

[هام السحاب]

مرحبا الشيخ
اذا السالفه بتاخر اكثر من 9 ايام انا مستعد ادفع فلوس السياره للمعرض واخليها عندي لين اتخلص امورك

بيض الله وجهك
مثال للتاجر القطري يحتذى به

[عيون قطر]

مرحبا الشيخ
اذا السالفه بتاخر اكثر من 9 ايام انا مستعد ادفع فلوس السياره للمعرض واخليها عندي لين اتخلص امورك

كفو عليك والله انك ذيب بس اهم شي يكون جاد اللي بيشتري السياره والله يوفقكم

ماتخبر لي لكزس لونها رمادي 2009 نظيفه وسعرها زين lx570

[ولد منصور]

مرحبا الشيخ
اذا السالفه بتاخر اكثر من 9 ايام انا مستعد ادفع فلوس السياره للمعرض واخليها عندي لين اتخلص امورك

بيض الله ويهك يابوسيف تحري بها

[مساهم نت]

مرحبا الشيخ
اذا السالفه بتاخر اكثر من 9 ايام انا مستعد ادفع فلوس السياره للمعرض واخليها عندي لين اتخلص امورك


الله يكثر أمثالك ويبارك في رزقك


تحية اعجاب .. :nice:

[مستثمر 999]

هلا اخوي والله مابي اذكر اسم المعرض في العام ..

الامر الثاني انا حاليا مقيم بدولة قطر .. و بالنسبة للمعرض انا مابرجع اطالب بالعربون .. انا ابغي اسلم باقي المبلغ في المدة المتفق عليها .. و استلم السيارة .. هل اكون مغفل في هذه الحالة ؟! انا اتفقت مع راعي المعرض على مدة .. و دفعت عربون .. و عطاني رصيد و لما رحت البيت و دققت في الرصيد اكتشفت ان مكتوب مدة العربون 3 ايام ..

و اليوم الحين الثالث من السالفة .. هل فيه شيء اقدر اسويه ؟! لان انشالله المبلغ بعد بكرة اللي هو يوم الاثنين بيكون عندي و بخلص الموضوع .. و الحين انت ياخوي خوفتني من جديد .. و المشكلة ماقدر ارسل رسالة خاصة بعد لاني ماوصلت 50 مشاركة ..

انا دفعت 5 الاف ريال عشان اثبت جديتي لهم .. كنت اقدر ادفع الف ريال مثال و ماهتم وايد لو راحت .. و انا مثل ماقلت لك مادفعت عربون عشان ارجع عقب اسبوع ولا اسبوعين مثل ماقلت و اطالب فيه .. انا حجزت السيارة حق محد يشتريها غيري !!

لذلك هل من حق راعي المعرض يبيعها و يخرق الاتفاق اللي تم بيني وبينه و بصريح العبارة اللي اقصده انه ينكر انه فيه اتفاق على مهلة معينة .. و يدعي ان الاتفاق 3 ايام و ليس 9 ايام و هذا مذكور بالرصيد !! و بعدها يبيع السيارة و مايرجع لي العربون !!



اول شي المسامحه اخوي الحكمة تقول القانون ما يحمي المغفلين مب انا الي قاليل المثل

ولا انت المقصود عزيزي

انا اشتكيت على اعز الناس شرا من عندي سياره ب 50000 ريال وسجلت السياره باسمه واختفى وقام يماطل ولما وقفنا عند القاضي قال انا ما اخذت شي من الرجال ...

انا اعتقد اني شفتك وانت تفحص السياره ومعاك 3 من ربعك

وبعدين لو دفعت 1000 ريال كان احسن

عموما كل المطلوب منك تخليه يكتب لك على الوصل او على ورقة المبايعه

تم دفع مبلغ 5000 ريال والباقي بعد 5 ايام

[علي عليوه]

مرحبا الشيخ
اذا السالفه بتاخر اكثر من 9 ايام انا مستعد ادفع فلوس السياره للمعرض واخليها عندي لين اتخلص امورك

بيض الله وجهك ,, كفو وتقدم الجزلة وبتحصلها بإذن الله يوم لا ينفع مال ولا بنون

يا أخي أمثالك اندثروا من زمان !!

الله يخليك لعين ترجيك يارب ,,

[الزيبق]

ما قصرت يا بوسيف

[فواز1976]

اتصل براعي المعرض واستوضح منه ليش سجل ثلاثه ايام بدل 9 ...... لانه يمكن يكون بالغلط .... وخليه يعدل المده على الوصل ويوقع عليه وتنتهي المشكله

اما اذا كان مستقصد الخطأ فهو يقدر يروح عليك المبلغ بحجه انه الفتره عدت وانت ما دفعت باقي المبلغ

بالتوفيق اخوي

وبيض الله وجهه ابويوسف

[fahad1]

بيض الله ويهك يابوسيف, مهب غريبه عليك

[عربسات]

ياخوي ولا تخاف ولا تحاتي ونام وحط في بطنك بطيخه صيفي
حتى لو راعي المعرض تناذل وكبرت السالفه ووصلت للعاصمه يقدرون يرجعون لمكالمة التلفون بينك وبين راعي السياره ... الدنيا مش فوضه وانشاءالله حقك ما راح يضيع

بس لو تاخرت على الاتفاق لا تلوم الا نفسك

[qatar-uae]

مرحبا الشيخ
اذا السالفه بتاخر اكثر من 9 ايام انا مستعد ادفع فلوس السياره للمعرض واخليها عندي لين اتخلص امورك

كفو والله سلامي والله على الذيب

[الغالي!]

نصيحه رد المعرض وخله يكتب لك على الوصل المده اللي تبيه احسن واذا رفض اشتكي عليه قبل المده ماتنتهي