( قضية الاسبوع ) النظرة العامة لمستحضرات التجميل على وجووه النساء

[ضوى]

ري تختلف مع وجهة نظر ضوى في مفهوم الثقة بالنفس
مع اتفاقي معها ان التغيير الذي يحصل ما بعد المكياج يكون له تأثير
ايجابي على نفسية الوحدة بحيث يخليها اكثر تقبلا للاندماج مع الناس ،،


عزيزتي رفيقة الدرب :secret:

ماهو الفرق بين مفهوم الثقة بالنفس والتأثير الايجابي على النفسية بشكل عام وخاص؟؟؟

الاحساس بالايجابية في الحياة يزيد الثقة بالنفس والعكس صحيح اذن هما وجهان لعملة واحدة :)[/COLOR]

[ام السعف]

عزيزتي رفيقة الدرب :secret:

ماهو الفرق بين مفهوم الثقة بالنفس والتأثير الايجابي على النفسية بشكل عام وخاص؟؟؟

الاحساس بالايجابية في الحياة يزيد الثقة بالنفس والعكس صحيح اذن هما وجهان لعملة واحدة :)

الاحساس بالايجابية ما اقدر اقرنه يا ضوى بالثقة بالنفس يوم احط
مكياج و ان كان ما بين حريم ،،

مثلا خلينا نقول مثلا طبعي مرح ،، فهل لو دخلت عرس من غير ما اتمكيج
راح يأثر هالشي على ثقتي بنفسي بحيث اني اقعد على الكرسي ويتغير طبعي و اتجنب الناس
وان حبيت اشارك البنات الصغيرات رقصهم تكون ثقتي مهزوزة ومع اول اغنية خمارية اغطي ويهي و ادخل الساحة ؟

بينما لو كان الوضع العكس اتحصليني رازة هالفيس في مكان بارز ؟

ممكن لو مزاجي معتفس مع اشوية رتوش مكياجية اشوف نفسي في المنظرة
اقول : الله من هذي العيوز المحلوة ؟ فاشعر بنوع من الايجابية ما توصل ان تزيد ثقتي بنفسي و خاصة ان مقاييس الثقة بالنفس عندي مب مقترنة بمكياج ،،

فهمت علي ؟

[مجرد انسان]

يبدو لي اخي الفاضل انه قد اختلطت الامور عليك قليلا ، لذلك اسمح لي ان ابين وجهة نظري مرة اخرى
المساحيق والماكياج مجرد عامل من العوامل المساعدة التي تزيد نسبة الثقة بالنفس فقط لاغير وهي ليست عنصر اساسي في تركيبة المعادلة ( الثقة بالنفس ) دعني اوضح لك بطريقة علمية بحتة
الملح والسكر يذوبان في الماء بكل تأكيد ، ولكن لزيادة سرعة هذا الذوبان نقوم بالتسخين او التحريك وفي كلتا الحالتين النتيجة واحدة ، تحصل على ماء مسكر او ماء مملح ولكن بوجود عامل مساعد
انا كأمراة اثق بنفسي كثيرا بقدراتي بمهاراتي بعلمي .. الخ ، ولكن لا اجد مايمنع ان اتمتع بمزيد من الثقة في حسن الظهور امام النساء كقطعة الماس راقية ، او ماكياج خفيف او بدلة راقية او تحفة فنية جميلة في بيتي هذه كلها عوامل مساعدة لزيادة الثقة ولا ارى ان هذا يشكل عائقا في التواصل ، ولا مانع من الاستزادة بالثقة في االنفس عن طريق حلقات العلم والابحاث . الخ
اذن كل كائن حي انثوي له عامل مساعد معها يشعر بانه في عنان السماء قد يكون الماكياج بالنسبة لي وقد يكون لاخرى اقتناء قطع االالماس وقد يكون لاخرى فنون الطبخ
ومع ذلك اقول ان عدم وجود كل ماذكر اعلاه لا يعني انه ثقتي بنفسي مهزوزة او معدومة على العكس تماما فالثقة في النفس تنبع من النفس اولا واخيرا ومن صلحت نفسه صلح عقله وفكره والعكس صحيح



ما ظللته بالأحمر ..... اوافق عليه وبشدة

لكنني أرجو ان يكون الجميع قد فهم هذا ...


داخل البيت امام الزوج ... او امام بنات جنسك


أيتها الماسة المصونة ...


لن تكوني الا .... محفوظة ....



أشكرك ... اختي ضوي ....



يبدو أننا وصلنا لما نريد


اخوك / مجرد انسان

[ضوى]

الاحساس بالايجابية ما اقدر اقرنه يا ضوى بالثقة بالنفس يوم احط
مكياج و ان كان ما بين حريم ،،

مثلا خلينا نقول مثلا طبعي مرح ،، فهل لو دخلت عرس من غير ما اتمكيج
راح يأثر هالشي على ثقتي بنفسي بحيث اني اقعد على الكرسي ويتغير طبعي و اتجنب الناس
وان حبيت اشارك البنات الصغيرات رقصهم تكون ثقتي مهزوزة ومع اول اغنية خمارية اغطي ويهي و ادخل الساحة ؟

بينما لو كان الوضع العكس اتحصليني رازة هالفيس في مكان بارز ؟

ممكن لو مزاجي معتفس مع اشوية رتوش مكياجية اشوف نفسي في المنظرة
اقول : الله من هذي العيوز المحلوة ؟ فاشعر بنوع من الايجابية ما توصل ان تزيد ثقتي بنفسي و خاصة ان مقاييس الثقة بالنفس عندي مب مقترنة بمكياج ،،

فهمت علي ؟


طبعا هذي وجهة نظرج واحترمها ، بس خليني اقولج شعوري بسالفة صارت ببدايات زواجي

يوم خطوبة اخوي من طعش سنة كنت توني متزوجة ماصار لي اشهر وطبعا مطيعة واسمع الكلام ، زوجي حلف علي ماحط اي نوع من انواع الماكياج ، طبعا خواتي تمكيجوا وخوات العروس والكل طبعا على سنجة عشرة الا انا مع اني المفروض اكثر واحدة كاشخة بما اني عروس جديدة ولكن ..، المهم قعدت بالعرس وانا احس بالقهر والدونية وكل اشكال الحسرة والزعل على ويهي لاني حسيت اني صبابة القهوة بالخطوبة ذاك اليوم ، او شغالتهم :( طبعا خواتي وامي زعلوا وقالوا لي ليش تسوين في نفسج جذي انتي توج عروس جاية كانك مرة عيوز عمرج الف سنة ( مع اني كنت 19 سنة :() وطبعا وانا اشوف الصور مت من القهر ، حسيت مافي اي ثقة بنفسي واشلون طاوعته بهالشئ والله اني قعدت معاه وعطيته من ذاك الكلام الزين اللي خلاه مايحلفني مرة ثانية بس اهم شئ مااراويه ويهي بالماكياج وعدت السالفة على خير :secret:

المراد كونج بمجتمع نسوي وتكونين انتي الشاذة الوحيدة عن القاعدة في هذي المناسبة فهذا يخلي الحريم يتكلمون ويتلامزون بالكلام عنج وكلن بيقول سالفة من عنده ريلها طاقها احد مزعلها ....... الخ ، ولازلت اقول الثقة بالنفس تزيد بالماكياج وتصير الواحدة تفكر بايجاابية اكثر وبمرح وطموح اكبر ، طبعا ماتكلم عن نفسي الحين بهالعمر اتكلم وانا بعمر الصبا ، وللان وجود عوامل مساعدة للثقة بالنفس تزيد روح الايجابية لدي واكثر شئ حاليا يزيد ثقتي بنفسي هو تعديلي لبيتي وظهوره بمظهر نختلف تماما عما كان عليه فهاذ الشئ اسعدني وابهجني :) يعني العوامل المساعدة كثيرة لتزيد ثقة الانسان بنفسه ولا تتعلق بالميك اب فقط

[ضوى]

ما ظللته بالأحمر ..... اوافق عليه وبشدة

لكنني أرجو ان يكون الجميع قد فهم هذا ...


داخل البيت امام الزوج ... او امام بنات جنسك


أيتها الماسة المصونة ...


لن تكوني الا .... محفوظة ....



أشكرك ... اختي ضوي ....



يبدو أننا وصلنا لما نريد


اخوك / مجرد انسان

الحمد لله اانا وصلنا لما تريد واريد :)

قطعا اخي الفاضل لست ممن يؤيد ان تظهر المراة بكامل زينتها امام غير المحارم او الغرباء من خارج العايلة او في المجمعات او الاسواق فهذه بنظري متبرجة سافرة ويجب ان تردع من قبل اهلها ، الميك اب للزوج وللمحارم فقط وللمجتمع النسوي فقط غير ذلك فهو مرفوض تماما

[الكايد1]

العقل زينه

[الجني]

سئوال مهم

هل لمساحيق التجميل أضرار على

البشرة

العين

الشفاة

تساقط الرموش

التجاعيد المبكرة

وجدت الكثير في غوغل و لم أجد مصادر

[ضوى]

سئوال مهم

هل لمساحيق التجميل أضرار على

البشرة

العين

الشفاة

تساقط الرموش

التجاعيد المبكرة

وجدت الكثير في غوغل و لم أجد مصادر


بالطبع ياخي الفاضل مساحيق التجميل لها اضرارها على المدى البعيد وهذه للاستخدام المستمر ، وهناك مستحضرات ذات جودة عالية وبتركيبات طبية لا تضر البشرة وهي غالية نوعا ما ، وهناك مستحضرات ذات جودة رديئة ولكنها تفي بالغرض للبعض ولكنها في نفس الوقت خطرة جدا لوجود مواد سامة بها

[ام السعف]

المراد كونج بمجتمع نسوي وتكونين انتي الشاذة الوحيدة عن القاعدة في هذي المناسبة فهذا يخلي الحريم يتكلمون ويتلامزون بالكلام عنج وكلن بيقول سالفة من عنده ريلها طاقها احد مزعلها ....... الخ ، ولازلت اقول الثقة بالنفس تزيد بالماكياج وتصير الواحدة تفكر بايجاابية اكثر وبمرح وطموح اكبر ، طبعا ماتكلم عن نفسي الحين بهالعمر اتكلم وانا بعمر الصبا ، وللان وجود عوامل مساعدة للثقة بالنفس تزيد روح الايجابية لدي واكثر شئ حاليا يزيد ثقتي بنفسي هو تعديلي لبيتي وظهوره بمظهر نختلف تماما عما كان عليه فهاذ الشئ اسعدني وابهجني :) يعني العوامل المساعدة كثيرة لتزيد ثقة الانسان بنفسه ولا تتعلق بالميك اب فقط
هذي انت يبتيها يا ضوى الحريم بيتكلمون ،، المفروض نزرع في نفوسنا
الثقة المطلقة و ما نعير كلام الناس اهتمام دام انه تصرفنا ما فيه شي معيب
،،، وجودج في وسط عرس اقرب الناس لج ومن غير مكياج يأثر على نفسيتج و خاصة ان هالأمر فرض عليج و ما كان من طيب خاطرج ،،

لكن لو بنتج مثلا ما تبي اتمكيج وفيها كل ملماح الانوثة و تصرفات البنوتات الناعمات فهل نعتبر تصرفها مخالف للانوثة و الثقة بالنفس ؟

لا مب شرط البنت في عمر المرهقة ما تخالط الناس الا و المكياج غطى ويهها ،،

[ام السعف]

سئوال مهم
هل لمساحيق التجميل أضرار على
البشرة
العين
الشفاة
تساقط الرموش
التجاعيد المبكرة
وجدت الكثير في غوغل و لم أجد مصادر

تخيل معاي يومية متمكيجة

تغسل الويه و اتحط عليه كريم متوافق مع نوعية بشرتها وتكون مصنعة من مواد فيها مواد حافظة ،، اتحط كريم الاساس و فوقه طبقة بودرة اتنسق فيه لون البشرة ،، عقب اشوي احمر اخدود طبعا مب شرط يكون لونه احمر >>
وقبلها تكون تعاملت مع العيون بالظل و المحدد او الكحل كلها مواد ضارة
وخاصة الكحل اللي يدخل فيه نسبة من الرصاص ،،
ومرات مخفي عيوب ما تحت العين و البقع في الويه
مب جذيه حتى الحاجب ما يخلونه في حاله لازم ينرسم بقلم خاص

واخيرا البوز طبعا لازم يتلون ،،

كل هالمواد اتسد مسمات الويه و تمنعها من التنفس الطبيعي ،، فتخيل تفاحة في جو مب طبيعي اشلون يكون وضعها مقارنة مع تفاحة محطوطة في وضع يراعي طبيعتها :(

وين المشكلة
كل هالامور لازم يكون هناك مزيل خاص لها
لا تقول حليب فرش او ماي نظيف ،، مواد خاصة صناعية او محارم معطرة
خاصة تشتغل شغل الغاز في تطير الصبغ الزيتي :(

من فترة زاروني ناس لمناسبة خاصة صدمت من الخطوط الواضحة للتجاعيد لمرأة في عمر ال ٣٠ قبل ٥ سنوات كانت بشرتها من غير تجاعيد نهائيا ،، و لانها من مدمني استخدام المكياج البشرة لاحظت عليها التغيير،،،

و مستخدمات المكياج هم الاكثر حاجة الى مستحضرات مغذية للبشرة و معالجة من اثار تقدم الزمن على الرغم من صغرهم ،،

[هتـان قطر]

هذي انت يبتيها يا ضوى الحريم بيتكلمون ،، المفروض نزرع في نفوسنا
الثقة المطلقة و ما نعير كلام الناس اهتمام دام انه تصرفنا ما فيه شي معيب
،،، وجودج في وسط عرس اقرب الناس لج ومن غير مكياج يأثر على نفسيتج و خاصة ان هالأمر فرض عليج و ما كان من طيب خاطرج ،،

لكن لو بنتج مثلا ما تبي اتمكيج وفيها كل ملماح الانوثة و تصرفات البنوتات الناعمات فهل نعتبر تصرفها مخالف للانوثة و الثقة بالنفس ؟

لا مب شرط البنت في عمر المرهقة ما تخالط الناس الا و المكياج غطى ويهها ،،

ام السعف يختلف الامر من وحدة كبيرة متزوجة ومن بنت مراهقة..

والمكياج في الاعراس زينة مكملة للفستان.. تخيلي كاشخة بفستان والوجه

خاااالي من المساحيق..اكيد بيطلع شكلها مهب حلو بالمرة..

وترى هالمساحيق فطرة في النساء من ايام كليوباترا ونفرتيتي..

والمرأة تسعى لان تتجمل حتى لو ان شالله كحلة..اهم شي تحط لون :)

[ام السعف]

ام السعف يختلف الامر من وحدة كبيرة متزوجة ومن بنت مراهقة..

والمكياج في الاعراس زينة مكملة للفستان.. تخيلي كاشخة بفستان والوجه

خاااالي من المساحيق..اكيد بيطلع شكلها مهب حلو بالمرة..

وترى هالمساحيق فطرة في النساء من ايام كليوباترا ونفرتيتي..

والمرأة تسعى لان تتجمل حتى لو ان شالله كحلة..اهم شي تحط لون :)

هتان تراني ضربت مثال عن الثقة بالنفس ،، و مرات كثيرة اشوف
بنات صغيرات في عمر 18 او فوق ال 20 من غير مكياج و يتصرفون بكل
راحة في الاعراس و يضحكون و يسولفون وما نقصهم شي ابدا ،،

لكن انت ما سمعت ان طالبات المدارس الثانوية و الاعدادية البعض منهم
ما يمشون من غير كريم اساس و مسكرة ؟

فهل البنت محتاجة لمثل هذه الامور في المدرسة ؟
بحيث تزيد ثقته بنفسها و تبدع في دراستها ؟

اللي ابي اقوله ان الاستخدام غير المقنن للمكياج جعله يستخدم في كل مكان
و صار يرافق البنت في كل مكان ،، فهل مسموح بالشي هذا ؟

[ام السعف]

العقل زينه

:telephone:

[ضوى]

هتان تراني ضربت مثال عن الثقة بالنفس ،، و مرات كثيرة اشوف
بنات صغيرات في عمر 18 او فوق ال 20 من غير مكياج و يتصرفون بكل
راحة في الاعراس و يضحكون و يسولفون وما نقصهم شي ابدا ،،

لكن انت ما سمعت ان طالبات المدارس الثانوية و الاعدادية البعض منهم
ما يمشون من غير كريم اساس و مسكرة ؟

فهل البنت محتاجة لمثل هذه الامور في المدرسة ؟
بحيث تزيد ثقته بنفسها و تبدع في دراستها ؟

اللي ابي اقوله ان الاستخدام غير المقنن للمكياج جعله يستخدم في كل مكان
و صار يرافق البنت في كل مكان ،، فهل مسموح بالشي هذا ؟

تدرين يام السعف بنتي في خطوية وعرس عمتها قلت لها انا باحط لج شئ خفيف رفضت قالت انتو تروحون صالون وانا لا :eek5: والله وديتها بس ماعجبتني صارت كانها بنت كبيرة مع انها بنت 13 سنة

وكم عرس اروح والله ماصدق انهم بنات 12 او حتى 15 سنة ماكياج كامل ماشااء الله عليهم

اتذكر والله للحين عرس اختي من سنة 85 كنت بالاعدادية اعتقد كاشخة وسالفتي سالفة واخرتها مافي اي ماكياج :eek5:

[ضوى]

اللي ابي اقوله ان الاستخدام غير المقنن للمكياج جعله يستخدم في كل مكان
و صار يرافق البنت في كل مكان ،، فهل مسموح بالشي هذا ؟


السالفة مب سالفة ماكياج ، تعالي شوفي بنات الاعدادي بحف الحواجب والتاتو اللي مسوينه صج شئ غريب ومقزز

[ام السعف]

السالفة مب سالفة ماكياج ، تعالي شوفي بنات الاعدادي بحف الحواجب والتاتو اللي مسوينه صج شئ غريب ومقزز

حف حواجب بنقول هذا مخالف للدين ، و تتوات ثابتة حكمها واضح
لكل من الحافة و المتوتوة،،

بس المكياج اللي يقولون دام انها في سط حريمي الاسلام ما يقول شي

لكل شي حدود يا ضوى ،، وحتى لو حبت البنت تتعدل في عرس حد من اهلها
المكياج يكون بحيث يريحها نفسيا وما توصل لمرحلة مكياج كامل و الوان فاقعة
ما اتفريقين بينها و بين وحدة متزوجة :(

والله يخلي لج بنتج,,, عني يا ضوى احاول كثر ما اقدر اني ازرع في البنات حب الثقة بالنفس
بعيد عن المكياج ،، اطلع ويا بنتي اخذ لها الماركات اللي من خلالها ابي اقول لها
مب مشكلة عندي الاسعار مهما كانت ،، لكن ابيها اتعرف ان المكياج ينمسح بمسحة فاين لكن اللي في العقل يتم ثابت طول العمر ،،
فالخيار لها انها تختار ما بين تثبيت حب المكياج في بالها
او الاهتمام بأمور اكثر نفع عليها وعلى غيرها ،،

[ام السعف]

المصوتون: 94

الغلبة للسيدات اللواتي يمكنهن الاستغناء عن المكياج بكل ثقة 38 صوت

تجملني ولا يمكنني الاستغناء عنها 7 اصوات

تخفي عيوب وجهي 2 وحدة منهم لسوسو

التمس من خلالها نظرات الاعجاب صوت واحد ( وصريحة جدا صاحبة هالصوت ) تحية لها

***** اما الرجال فسالفتهم سالفة

هناك من يصاب بغباء لحظي ( حسب الدراسة ) عندما تلفت نظرهم فتاة متبرجة
فينجذبون لها و عدد المصوتين 9

واللي تلفت نظرهم المتبرجة و احتمال مطرقة الذكاء و الدين تضرب على الراس
فما ينجذبون للمتبرجة ( احتمال يغضون البصر ) و احتمال ثاني نوعية المكياج
ينفر الرجال منهم ،، والمصوتين 6 رجال

عاد الصاعقة في التصويت
الاحتقار للمتمكيجة في الاماكن العامة 31 صوت رجالي
ما شاءالله عليهم كل هالنسبة تحتقر الحريم ؟
انتبهوا يا حريم مهما حسيتوا انكم ملفتين ترى الاكثرية يحتقرونكم ،،،

عدد المصوتات في الاستطلاع 48 وحدة

عدد المصوتين 46 واحد

والغلبة للستات يا رجالة ،، و عابر شوف الحريم اثبتوا انهم احق بالموضوع
من الرجال و ان هالموضوع لابد ان يسجل باغلبية نسائية ,,,

[لاجل QT]

المصوتون: 94

الغلبة للسيدات اللواتي يمكنهن الاستغناء عن المكياج بكل ثقة 38 صوت

تجملني ولا يمكنني الاستغناء عنها 7 اصوات

تخفي عيوب وجهي 2 وحدة منهم لسوسو

التمس من خلالها نظرات الاعجاب صوت واحد ( وصريحة جدا صاحبة هالصوت ) تحية لها

***** اما الرجال فسالفتهم سالفة

هناك من يصاب بغباء لحظي ( حسب الدراسة ) عندما تلفت نظرهم فتاة متبرجة
فينجذبون لها و عدد المصوتين 9

واللي تلفت نظرهم المتبرجة و احتمال مطرقة الذكاء و الدين تضرب على الراس
فما ينجذبون للمتبرجة ( احتمال يغضون البصر ) و احتمال ثاني نوعية المكياج
ينفر الرجال منهم ،، والمصوتين 6 رجال

عاد الصاعقة في التصويت
الاحتقار للمتمكيجة في الاماكن العامة 31 صوت رجالي
ما شاءالله عليهم كل هالنسبة تحتقر الحريم ؟
انتبهوا يا حريم مهما حسيتوا انكم ملفتين ترى الاكثرية يحتقرونكم ،،،

عدد المصوتات في الاستطلاع 48 وحدة

عدد المصوتين 46 واحد

والغلبة للستات يا رجالة ،، و عابر شوف الحريم اثبتوا انهم احق بالموضوع
من الرجال و ان هالموضوع لابد ان يسجل باغلبية نسائية ,,,

اشدعوة يحتقرونهم ..شمسوين مااشوف نظرة هالاحتقار حق اللى تحط مك اب..كان زين كان افتكينا وتسوقنا براحتنا...مشكلة اللى يظن حط الميك اب حق لفت الانظار اشدعوة متخرعييين

[ام السعف]

اشدعوة يحتقرونهم ..شمسوين مااشوف نظرة هالاحتقار حق اللى تحط مك اب..كان زين كان افتكينا وتسوقنا براحتنا...مشكلة اللى يظن حط الميك اب حق لفت الانظار اشدعوة متخرعييين

اشلون ما شفتي ؟

يعني مثلا دخلتي قلوبهم والا و وييهم فاضحتهم ؟ :eek5:

و من كلامج واضح انج من اللي يستعينون بالمكياج في الاماكن العامة
لأنج ذكرتي
( اشدعوة يحتقرونهم ... كان زين افتكينا و تسوقنا براحتنا )

فهل كل اللي في المجمعات يضايقونكم والا هناك قلة تضايقكم ؟
والباقي عيونهم بس اللي تلاحقكم ؟

[ضوى]

اشدعوة يحتقرونهم ..شمسوين مااشوف نظرة هالاحتقار حق اللى تحط مك اب..كان زين كان افتكينا وتسوقنا براحتنا...مشكلة اللى يظن حط الميك اب حق لفت الانظار اشدعوة متخرعييين

اختي الغالية

تعتقدين اللي تحط ماكياج في الاماكن العامة شنهو هدفها بالضبط ؟؟؟ خاصة اذا كان مجمع تسوق مثلا او سوق تجاري ؟؟؟ يعني الهدف من الروحة واضح ومحدد ، تقضي وبس ، ليش شنهو الهدف من وضع ماكياج سهرة او حتى ماكياج هادي وناعم في مثل هالمكان المختلط ؟؟؟؟

[سارونه]

نظرة السيدة الخليجية في تزويج ابنها حاليا

بان ترى الفتاة التي لا تعرف للمكياج وتكون متربية تربية صالحة بين الاسرة

لو عندي ابن واريد تزويجة لا التفت للبنت التي تضع مكياج ولو خفيف ارفضها .

هذي وجهة نظري الخاصة .. ودمتم سالمين ..

[ام السعف]

نظرة السيدة الخليجية في تزويج ابنها حاليا

بان ترى الفتاة التي لا تعرف للمكياج وتكون متربية تربية صالحة بين الاسرة

لو عندي ابن واريد تزويجة لا التفت للبنت التي تضع مكياج ولو خفيف ارفضها .

هذي وجهة نظري الخاصة .. ودمتم سالمين ..

وجهة نظر جديدة تماما مخالفة لكل وجهات النظر السابقة و الصدمة انها من وجه
نسائي :eek5:

طيب يا سارونة ما هو المعيب في المكياج بحيث ممكن ترفضين بنت
تستخدم المكياج لمجرد انها تستخدم المكياج في وسط نسائي وما اتحطه
في الاماكن العامة ؟

[سارونه]

وجهة نظر جديدة تماما مخالفة لكل وجهات النظر السابقة و الصدمة انها من وجه
نسائي :eek5:

طيب يا سارونة ما هو المعيب في المكياج بحيث ممكن ترفضين بنت
تستخدم المكياج لمجرد انها تستخدم المكياج في وسط نسائي وما اتحطه
في الاماكن العامة ؟



اختي الفاضلة

انا ارفض المكياج للبنت الغير متزوجة - واعتبرها جريئه وغير ملتزمه

لو في بيت اهلها فقط - تعمل الي تريده - تلبس وتتعدل على كيفها بالقرب من والديها فقط

اما تخرج المولات بهالصورة لا ومليون لا وخصوصا انها بنت وغير متزوجه .

واشكرك على التعقيب يالغالية .

[ام السعف]

اختي الفاضلة

انا ارفض المكياج للبنت الغير متزوجة - واعتبرها جريئه وغير ملتزمه

لو في بيت اهلها فقط - تعمل الي تريده - تلبس وتتعدل على كيفها بالقرب من والديها فقط

اما تخرج المولات بهالصورة لا ومليون لا وخصوصا انها بنت وغير متزوجه .

واشكرك على التعقيب يالغالية .

اها تقصدين اللي تتمكيج في المولات و الاماكن العامة مب اللي تتمكيج
في الوسط النسائي البحت ،، اوضحت الحين وجهة نظرج يا سارونة
والشكر لج على التوضيح :nice:

[القلم الصريح]

في بداية حياتي العمليه اشتغلت في مكان مختلط فكانت معاي زميله لي فالعمل دايما اشوفها بالمكياج

وانا اعليمي ماعرف انه هي شكلها طبيعي او لا

فمره من المرات شفت زميلي بالعمل بالصدفه في مكان عام ولمه التقت عيني بعينها انصدمممممممممممممت

انه شكلها غييييييييييييييييييير بدون مكياج 360 درجه ، والله من يومها تميت مصدوم واخذت فكره انه المكياج

يغطي العيوب الدهر

[ماريسا]

اختي الغالية

تعتقدين اللي تحط ماكياج في الاماكن العامة شنهو هدفها بالضبط ؟؟؟ خاصة اذا كان مجمع تسوق مثلا او سوق تجاري ؟؟؟ يعني الهدف من الروحة واضح ومحدد ، تقضي وبس ، ليش شنهو الهدف من وضع ماكياج سهرة او حتى ماكياج هادي وناعم في مثل هالمكان المختلط ؟؟؟؟

بداية أسمحي لي أختي ضوى على مداخلتي المتواضعة
أعتقد بعض البنات اللي يحطون مكياج و يطلعون السوق مو شرط نيتهم خبيثة بس على حسب
اذا المكياج اللي تحطه خالي من الألوان و اللمعات (مثلاً أساس و كحل .. حواجب .. ماسكارا) هالبنات مايستغنون عن هالمكياج لأنه جزء لا يتجزأ من ملامحهم .. و حتى في البيت يسوون نفس الشي و غالباً السبب عدم الثقة الكافية
بس بخصوص اللي يحطون ألوان و ظلال فسفورية و روج و غليتر و الاشيا الملفتة هذي الفئة بلا شك تبي تلفت الانظار و ربما تبحث عن علاقات غير مشروعة لأن منظر المكياج الثقيل في المكان الغير مناسب يخليها تظهر بصورة مبتذلة و غير محترمة

و اتمنى وفقت في التوضيح

[Ginger]

ترا حتى الكحله مع النقاب بدون مكياج تلفت النظر :)

فمادري شنو الغرض من وضع الكحله مع النقاب بدون مكياج للمجمع :)

اتوقع نفس غرض المتمكيجه سواء خفيف ولا ثقيل


بس احب اقول لاختي ضوى ترا المجمعات فيها مطاعم شكثر واتجوفين اشكثر حريم مع رياييلهم قاعدين متغطيات ومتنقبات ومتمكيجات طبعا .. ومن تقعد خبرج ترفع النقاب شوي

اتوقع بعد هذي غرضها نفس غرض المتبرجه :)

ولا نقدر انقول حلال حق المتزوجه وحرام على البنت ؟!!!!!!!!!!!!!!!!!!!

او شرايكم انحرم المكياج بجميع اشكاله للممتزوجه وللبنت في المجمعات ؟!!
لان الظاهر الكل غرضه غير شريف

ملاحظه: هالكلام مب رايي الشخصي ولكن استنتجته من آراء المشاركين

[ضوى]

بداية أسمحي لي أختي ضوى على مداخلتي المتواضعة
أعتقد بعض البنات اللي يحطون مكياج و يطلعون السوق مو شرط نيتهم خبيثة بس على حسب
اذا المكياج اللي تحطه خالي من الألوان و اللمعات (مثلاً أساس و كحل .. حواجب .. ماسكارا) هالبنات مايستغنون عن هالمكياج لأنه جزء لا يتجزأ من ملامحهم .. و حتى في البيت يسوون نفس الشي و غالباً السبب عدم الثقة الكافية
بس بخصوص اللي يحطون ألوان و ظلال فسفورية و روج و غليتر و الاشيا الملفتة هذي الفئة بلا شك تبي تلفت الانظار و ربما تبحث عن علاقات غير مشروعة لأن منظر المكياج الثقيل في المكان الغير مناسب يخليها تظهر بصورة مبتذلة و غير محترمة

و اتمنى وفقت في التوضيح


السؤال اختي الغالية ليش وضع الماكياج للمجمعات والاسواق من الاساس؟؟ هذا مايحيرني !! تعود ؟؟؟ ربما

[ضوى]

ترا حتى الكحله مع النقاب بدون مكياج تلفت النظر :)

فمادري شنو الغرض من وضع الكحله مع النقاب بدون مكياج للمجمع :)

اتوقع نفس غرض المتمكيجه سواء خفيف ولا ثقيل


بس احب اقول لاختي ضوى ترا المجمعات فيها مطاعم شكثر واتجوفين اشكثر حريم مع رياييلهم قاعدين متغطيات ومتنقبات ومتمكيجات طبعا .. ومن تقعد خبرج ترفع النقاب شوي

اتوقع بعد هذي غرضها نفس غرض المتبرجه :)

ولا نقدر انقول حلال حق المتزوجه وحرام على البنت ؟!!!!!!!!!!!!!!!!!!!

او شرايكم انحرم المكياج بجميع اشكاله للممتزوجه وللبنت في المجمعات ؟!!
لان الظاهر الكل غرضه غير شريف

ملاحظه: هالكلام مب رايي الشخصي ولكن استنتجته من آراء المشاركين


اختي الكريمة انا ضد وضع الماكياج سواء للمتزوجة او البنت للاسواق والمجمعات ،

المجمعات تسوق فقط واذا باقعد في مطعم او كافييه مب لازم اكون حاطة ماكياج حتى يتغير

مود القعدة حتى لو كنت مع زوجي

[بـــــــنت النوخـّــــذه]

او شرايكم انحرم المكياج بجميع اشكاله للممتزوجه وللبنت في المجمعات ؟!!
لان الظاهر الكل غرضه غير شريف

ملاحظه: هالكلام مب رايي الشخصي ولكن استنتجته من آراء المشاركين

اتمنى مانوصل بالمناقاشات لهذي النتيجه ^_______^ لان ان وصلت فأعتقد المناقشه لم تكون ايجابيه وعادله بتحديد الهدف والتصنيف ولم تكن منطقيه 00

عموما اسمحولي للمداخله انا كنت اتمنى التركيز على فئه معينه وتصنيفهم وتقديم الحلول والطرق وليس التعميم والاجبار على الجميع 00

فكلن له طرقه واسلوبه في التزيين ولكن النقطه الي يجب نقف عندها كيف ومتى واين فقط 00خصوصا ان المكياج بغسله ماي يتلاشى وتظل القيم الحميده راسخه فليست هي تلك المشكله الكبيره 00اذا نحن محتاجين لترسيخ القيم الحميده لتتوج الفعل( بعقل ومنطقيه حتى يكون راقي ومرضي لله ثم للنفس ذاتها )

[Ginger]

اختي بنت النوخذه

اتمنى انج قريتي كلامي للأخير لاني كتبت ملاحظه


الظاهر انج قريتي الكلام من فوق والباقي خليتيه يولي ماصدقتي حصلتي كلمة ( الغرض غير شريف )

:)


فاتمنى منج انج ماتقولين رايج الشخصي عن مناقشتي الا لما تقرين للنهايه

والحمدالله انا ما اتهم خلق الله


وشكرا لمداخلتج

[almaf1a]

أتمنى ان توجد هناك مصداقيه من النساء في التصويت
لان من غير المعقول ان اعلى نسبت تصويت للبنات انهم يقدرون يستغنون عن المكياج

[بـــــــنت النوخـّــــذه]

اختي بنت النوخذه

اتمنى انج قريتي كلامي للأخير لاني كتبت ملاحظه


الظاهر انج قريتي الكلام من فوق والباقي خليتيه يولي ماصدقتي حصلتي كلمة ( الغرض غير شريف )

:)


فاتمنى منج انج ماتقولين رايج الشخصي عن مناقشتي الا لما تقرين للنهايه

والحمدالله انا ما اتهم خلق الله


وشكرا لمداخلتج


على شنهو ماصدقت اههههه وانا اتمنى انك تفهم ردي وتقراه مره ومرتين ومليون اذا عندك وقت لانه مؤيد ردك ^_______^ واتمنى ان الكل يفهم شي واحد كل فعل بيتوج بالقيم الحميده ماراح يؤثر على شخصيه الفرد مثل مايدعي البعض بتفكيره طالما في شيئ يتوج الفعل بشكل صحيح

وخلنا عقلانيين بطرح الامور بمنطقيه

انتهى :)

[ام السعف]

ترا حتى الكحله مع النقاب بدون مكياج تلفت النظر :)
فمادري شنو الغرض من وضع الكحله مع النقاب بدون مكياج للمجمع :)
اتوقع نفس غرض المتمكيجه سواء خفيف ولا ثقيل
بس احب اقول لاختي ضوى ترا المجمعات فيها مطاعم شكثر واتجوفين اشكثر حريم مع رياييلهم قاعدين متغطيات ومتنقبات ومتمكيجات طبعا .. ومن تقعد خبرج ترفع النقاب شوي
اتوقع بعد هذي غرضها نفس غرض المتبرجه :)
ولا نقدر انقول حلال حق المتزوجه وحرام على البنت ؟!!!!!!!!!!!!!!!!!!!
او شرايكم انحرم المكياج بجميع اشكاله للممتزوجه وللبنت في المجمعات ؟!!
لان الظاهر الكل غرضه غير شريف
ملاحظه: هالكلام مب رايي الشخصي ولكن استنتجته من آراء المشاركين

يالزنجبيل :

البعض يعتقد وجود النقاب فوق الوجه المتكيج مب ملفت
في حين ان الكحل فيالعيون الحلوة والحرمة منقبة ملفت للنظر،،

انا كامرأة شلي علي اسويه ؟

اتجنب اي أمر يكون ملفت للنظر،، حتى ما اترك شي يحملني اثام
لو خرجت الى الاماكن العامة ،، ولحد يقول احنا ما انمر صوب اللي يقزون
فالرجل رجل سواء كان هندي قطري سوري مصري نيبالي فلبيني
الملفت للنظر راح يلفت الرجل بكل عام ،،

وهل المكياج حرام ؟

ما قريت في الموضوع بكبره ان المكياج حرام ،، الا لو المرأة اكشخت امام
غير المحارم من الرجال ،، او اللي مسموح لها انها تنكشف امامهم ،،
وغير ذلك مافي شي يثبت ان المكياج حرام ولا حتى في من خلال الردود في الموضوع ،،

**************************

بنت النوخذة: الزنجيبل يتكلم حسب ما يوصف الردود
فهو يعتقد ان المشاركات تقول ان كل وحدة اتحط مكياج حسب وجهة نظر
المشاركات الموجودة في الموضوع ان هدفها مب شريف ،،

اقول لك يا اخوي زنجبيل : مرات كثيرة تكون عادة متأصلة في المتمكيجة
مب هدفه الاغراء ،، بس دام انه مدخل من مداخل الاغراء المفروض
تبتعد عنه سواء كانت منقبة وبترفع نقابها حزة اللقمة و اترده او غيره
وخاااااااصة امام الرجال في الاماكن العامة ،،

[ام السعف]

في بداية حياتي العمليه اشتغلت في مكان مختلط فكانت معاي زميله لي فالعمل دايما اشوفها بالمكياج
وانا اعليمي ماعرف انه هي شكلها طبيعي او لا
فمره من المرات شفت زميليتي بالعمل بالصدفه في مكان عام ولمه التقت عيني بعينها انصدمممممممممممممت
انه شكلها غييييييييييييييييييير بدون مكياج 360 درجه ، والله من يومها تميت مصدوم واخذت فكره انه المكياج
يغطي العيوب الدهر

هو المكياج يغيرو يحول و يعدل و يضبط و يجمل و يلفت و يغري و يجذب

فمن جذيه ممنوع و محرم امام غير المسموح لهم شرعا رؤيته ،،



أتمنى ان توجد هناك مصداقيه من النساء في التصويت
لان من غير المعقول ان اعلى نسبت تصويت للبنات انهم يقدرون يستغنون عن المكياج

المافيا ،، تعتقد اللي صوتوا انهم يمكنهم الاستغناء عنه ،، شنهو اللي ممكن
يستفيدونه وهم مب قادرين يستغنون عنه بس امبينين انهم ثقة و عادي
الاستغناء عن المكياج ؟

لربما يقصدون انهم ممكن يستغنون عنه في الاماكن العامة ،،
ويمكن البعض يستغنى عنه في الاماكن العامة و في البيت
والبعض الاخر يستغنى عنه الا في الحدود الدنيا للاستخدام

انت اشرايك الحين ؟

[لاجل QT]

اختي الغالية

تعتقدين اللي تحط ماكياج في الاماكن العامة شنهو هدفها بالضبط ؟؟؟ خاصة اذا كان مجمع تسوق مثلا او سوق تجاري ؟؟؟ يعني الهدف من الروحة واضح ومحدد ، تقضي وبس ، ليش شنهو الهدف من وضع ماكياج سهرة او حتى ماكياج هادي وناعم في مثل هالمكان المختلط ؟؟؟؟

المكياج خارج البيت حرام ماننكر هالشي والله يهدينا امين..بس هي عادة ..بعض النساء ممكن ماتستغنى عن الكحلة او المسكرا ..بس ان يظن البعض ان هدف كل من تحط مكياج هدفها سئ او للفت الانظار هذا تفكير غبي وسطحي..هي عادة حب النفس ان تكون انيقة وحلوة ليس اكثر.. واللى يقول ان يحتقر المتمكيجة مشكلتة..انا مااشوف هالاحتقار اول مرة اسمع عنة عيل ليش يغز دام انة يحتقر.. اللى بيغز بيغز سواء حاطة البنت مك اب او لا ...والله الهادي انشالله

[موضي قطر]

والله يا ام السعف اللي تحط اطنان من الماكياج تخفي امور يمكن تكون نفسية وهي ماتدري

شخصياُ انا وحده ما استخدم الماكياج لا في الدوام ولا في اي طلعة

[الجني]

لا اريد ان اتوسع في موضوع النقاب و هذا ليس موضوع القضية

بل الموضوع هو المستحضرات التجميلية


ارى ان الكحل و الظل و خزعبلات العيوين مع النقاب

اكبر فتنة من المتمكيجة كاشفة الوجه

و السبب انها قد تكون امرأة غير جميلة بتاتاً

و تبدو بإيحاء "ملكة جمال" فتكون

فتنة مغشوشة :omg:

[بوحارب]

المكياج خارج البيت حرام ماننكر هالشي والله يهدينا امين..بس هي عادة ..بعض النساء ممكن ماتستغنى عن الكحلة او المسكرا ..بس ان يظن البعض ان هدف كل من تحط مكياج هدفها سئ او للفت الانظار هذا تفكير غبي وسطحي..هي عادة حب النفس ان تكون انيقة وحلوة ليس اكثر.. واللى يقول ان يحتقر المتمكيجة مشكلتة..انا مااشوف هالاحتقار اول مرة اسمع عنة عيل ليش يغز دام انة يحتقر.. اللى بيغز بيغز سواء حاطة البنت مك اب او لا ...والله الهادي انشالله

عيل لاتلومين الشباب لين قالوا عن اللي حطاه مكياج برع البيت انها بقرة :( دام تفكيرهم غبي وسطحي

الغلط غلط لأجل قطر ولا تقعدي تألفين اعذار مالها خص وتدافعين عن شي تدرين انه حرام

[بـــــــنت النوخـّــــذه]

لا اريد ان اتوسع في موضوع النقاب و هذا ليس موضوع القضية

بل الموضوع هو المستحضرات التجميلية


ارى ان الكحل و الظل و خزعبلات العيوين مع النقاب

اكبر فتنة من المتمكيجة كاشفة الوجه

و السبب انها قد تكون امرأة غير جميلة بتاتاً

و تبدو بإيحاء "ملكة جمال" فتكون

فتنة مغشوشة :omg:

اههههههههههههههه الحذار يالجني لاتاخذك الحميه في الردود 000يجب ان ننتقي من الالفاظ مانشجع وليس مانجبر الطرف الاخر على خلع النقاب لكي تثبت انها جميله ^__^

بالعربي الفصيح لاتقع في نفس خطأ احد المواضيع الي طرحت سابقا" عن النقاب كان الهدف الاصلاح وتحول لنقد واظهار عيوب يمكن تكون لااساس لها من الصحه فهي مجرد تخمينات ^_^ من اجل اكراه الفعل على الفاعل 00




يعني الموضوع حلو وشيق وممتع صراحه ولكن لابد ان نحذر من خلال النصائح بحيث لانسيئ لفئه ربما بضعف ايمانهم يقولون طالما النقاب يظهرنا هكذا اذا فلنخلع النقاب لكي نثبت عكس النظريه ^___^

الحذار في النقد ياجماعه الخير خلونا ننظر الامور بواقعيه ومنطقيه 000

استبعدو النقاب واستبعدو الحجاب ولكن ركزو على المكياج + الالتزام بالقيم فقط

كررت المكياج مجرد وسيله لاتودي ولا تجيب وضعت او ماوضعت لاتؤثر بالشخصيه طالما توجت بالقيم ياجماعه الخير


للاسف في الغرب نجد النساء بمكياج وبدون مكياج ونص مكياج ولايتم الالتفات لهذي الامور بتعلقها بقوه الشخصيه او بأمور الحياه لان هي وسيله تعتمد عل المستخدمه وهدفها فقط فهنالك ماهو اهم من المكياج ^_^ وهو >>>>كيف يفكر العقل

:nice:

[الجني]

أختي بنت النوخذه

انا لا احلل و لا احرم

في تعاملي مع المنقبه احس بإرتياح لعدة اسباب

و لا ادعو الى خلع النقاب و لا اقلل من شأنه

لأنني ببساطة لست أهلاً للحديث في فتواه


الحديث هو عن سلوك و ليس شخص او لبس

المرأة المتمايله مستنكرة سواءً عارية او منقبة

كل ما في موضوع المكياج هو سلوك

يبدأ بالوجه و ينتهي بالمشي و الرائحة

و الله من وراء القصد

[ضوى]

المكياج خارج البيت حرام ماننكر هالشي والله يهدينا امين..بس هي عادة ..بعض النساء ممكن ماتستغنى عن الكحلة او المسكرا ..بس ان يظن البعض ان هدف كل من تحط مكياج هدفها سئ او للفت الانظار هذا تفكير غبي وسطحي..هي عادة حب النفس ان تكون انيقة وحلوة ليس اكثر.. واللى يقول ان يحتقر المتمكيجة مشكلتة..انا مااشوف هالاحتقار اول مرة اسمع عنة عيل ليش يغز دام انة يحتقر.. اللى بيغز بيغز سواء حاطة البنت مك اب او لا ...والله الهادي انشالله



اختي الغالية

مب شرط كل واحدة تحط ماكياج هدفها سئ ، انا ماقلت جذي ولا عمري راح اتافظ او اتقول على بنات الناس ، بس الغلط غلط ياغاليتي ، الماكياج خارج البيت حرام ، ونظرة الاحتقار اللي يقصدونها الشباب هي انهم يحبون يشوفون الزين اما انهم يرتبطون بهالزين فمن المستحيل هالشئ ، وصدقيني انا بعيوني ياغاليتي اشوف النظرات اللي تلاحق هالفتيات المتمكيجات خاصة لما اكون في حالة تامل مع بنتي او زوجي وقاعدين بمطعم او كافييه اشوف الواحدة المنقبة اللي حجابها اسلامي بحت وماتكلم عن الفئة اياها ، ماشوف اي احد ممكن يتعرض لها بالنظرات حتى ن عكس المتمكيجة اللي وراها اسطول من البزارين مو بس شباب

اختي الغالية ، الله يهدينا جميعا فنحن جميعا نريد الهداية ، وعسى ربي يفتح عليج ابواب علمه ومعرفته وينور طريقك ويهديك ويهدي كل نساء امة محمد فهو وحده القادر على هذا الشئ
اعجبتني مداخلتك لشئ واحد فقط وهو انك لست منافقة وهذا شئ احييك عليه والاعتراف بالحق فضيلة اختي الغالية . شكرا لصراحتك الرائعة

[لاجل QT]

عيل لاتلومين الشباب لين قالوا عن اللي حطاه مكياج برع البيت انها بقرة :( دام تفكيرهم غبي وسطحي

الغلط غلط لأجل قطر ولا تقعدي تألفين اعذار مالها خص وتدافعين عن شي تدرين انه حرام

:omg:يعنى دافشة في الاسلوب مايتراوالي باشوف مثلها في اي منتدى

اول مرة ادري ان اللى تحط مك اب بقرة ..طيب..شتقول عن الريال اللى لين شاف وحدة متمكيجة او كاشخة يناديها يبقرة يضحك عليها ربعة..اشرايك في هالرجل يابو حارب..اكيد عندة عقدة او خلل في مخة (غبي) اللى يقعد يعلق على كل وحدة تمر.. لو في خير كان علق بصوت عالي على الشباب اللى يلبسون ثوب ضيق بس مهب كفو ..مهب مستلم المراءة الكائن الرقيق الحساس ..

[لاجل QT]

اختي الغالية

مب شرط كل واحدة تحط ماكياج هدفها سئ ، انا ماقلت جذي ولا عمري راح اتافظ او اتقول على بنات الناس ، بس الغلط غلط ياغاليتي ، الماكياج خارج البيت حرام ، ونظرة الاحتقار اللي يقصدونها الشباب هي انهم يحبون يشوفون الزين اما انهم يرتبطون بهالزين فمن المستحيل هالشئ ، وصدقيني انا بعيوني ياغاليتي اشوف النظرات اللي تلاحق هالفتيات المتمكيجات خاصة لما اكون في حالة تامل مع بنتي او زوجي وقاعدين بمطعم او كافييه اشوف الواحدة المنقبة اللي حجابها اسلامي بحت وماتكلم عن الفئة اياها ، ماشوف اي احد ممكن يتعرض لها بالنظرات حتى ن عكس المتمكيجة اللي وراها اسطول من البزارين مو بس شباب

اختي الغالية ، الله يهدينا جميعا فنحن جميعا نريد الهداية ، وعسى ربي يفتح عليج ابواب علمه ومعرفته وينور طريقك ويهديك ويهدي كل نساء امة محمد فهو وحده القادر على هذا الشئ
اعجبتني مداخلتك لشئ واحد فقط وهو انك لست منافقة وهذا شئ احييك عليه والاعتراف بالحق فضيلة اختي الغالية . شكرا لصراحتك الرائعة

تسلمين اختى ضوى على اسلوبج الراقي في الحوار واشكرج لسعة صدرج ..والله يهدينا ويثبت قلوبنا على طاعتة

[ام السعف]

والله يا ام السعف اللي تحط اطنان من الماكياج تخفي امور يمكن تكون نفسية وهي ماتدري

شخصياُ انا وحده ما استخدم الماكياج لا في الدوام ولا في اي طلعة

طبعا ما نقدر نقول ان موضي نقصها شي يوم انها ما استخدمت المكياج
وتعتقد ان ام اطنان المكياج هناك شي نفسي تخفيه خلف هالاطنان ,,


لا اريد ان اتوسع في موضوع النقاب و هذا ليس موضوع القضية
بل الموضوع هو المستحضرات التجميلية
ارى ان الكحل و الظل و خزعبلات العيوين مع النقاب
اكبر فتنة من المتمكيجة كاشفة الوجه
و السبب انها قد تكون امرأة غير جميلة بتاتاً
و تبدو بإيحاء "ملكة جمال" فتكون

فتنة مغشوشة :omg:

قد تكون كذلك و قد لا تكون في الاخير لفت نظر من صادفته في الطريق
وجهة نظرك جدا احترمها يا اخوي الجني ,, اعتقد لربما صادفت ما جعلك تضرب مثل هذا المثل
او سمعت ما يفيد بذلك ,, مرات يكون النقاب بوجود المكياج خدعة كبيرة ,,

لن نلتفت للخدعة ولكن سندقق على حرمة الظهور بمثل هذا الشكل ,,

[ام السعف]

:omg:يعنى دافشة في الاسلوب مايتراوالي باشوف مثلها في اي منتدى

اول مرة ادري ان اللى تحط مك اب بقرة ..طيب..شتقول عن الريال اللى لين شاف وحدة متمكيجة او كاشخة يناديها يبقرة يضحك عليها ربعة..اشرايك في هالرجل يابو حارب..



بو حارب يا دفش يا بو الكرك :protest:

[بوحارب]

..مهب مستلم المراءة الكائن الرقيق الحساس ..

:taunt::taunt::taunt::taunt::funny::tooth:

[بلوتنيوم]

الحمدالله بدينا نحصل تنوع ولو بسيط في التصويت
للحين المحتقرين من الرجال والواثقات من النساء في المقدمة:telephone:

هذا والتصويت سري لو كان علني وش كان بيصير:secret:

[almaf1a]

المافيا ،، تعتقد اللي صوتوا انهم يمكنهم الاستغناء عنه ،، شنهو اللي ممكن
يستفيدونه وهم مب قادرين يستغنون عنه بس امبينين انهم ثقة و عادي
الاستغناء عن المكياج ؟

لربما يقصدون انهم ممكن يستغنون عنه في الاماكن العامة ،،
ويمكن البعض يستغنى عنه في الاماكن العامة و في البيت
والبعض الاخر يستغنى عنه الا في الحدود الدنيا للاستخدام

انت اشرايك الحين ؟

لما نلقى صوتين فقط لخيار (تخفي الكثير من عيوب وجهي فلا استغني عنها ( للنساء) )
نتأكد ونجزم ان المصوتات لخيار الاستغناء عن المكياج مب قادرين يستغنون عنه بس امبينين انهم ثقة و عادي
ان كانوا قادرين يستغنون عنه ليش تقوم قبل الدوام بساعتين عشان تتمكيج من اريح لها تقوم قبلها بساعه وتريح عمرها
هذا انا مالي خلق امشط شعري الصبح لاني بلبس غترتي وانا طالع الدوام

احيي الاختين الي صوتوا على خيار اخفاء العيوب فهو السبب الحقيقي لوجود شئ اسمه مكياج

[الجني]

التصويت

النساء 54 صوت * * * الرجال 52 صوت

[الجني]

اللهم صلي على محمد و على آل محمد
كم صليت على إبراهيم و على آل إبراهيم
و بارك على محمد و على آل محمد
كم باركت على إبراهيم و على آل إبراهيم
في العالمين إنك حميدٌ مجيد

[ام السعف]

الحمدالله بدينا نحصل تنوع ولو بسيط في التصويت
للحين المحتقرين من الرجال والواثقات من النساء في المقدمة:telephone:
هذا والتصويت سري لو كان علني وش كان بيصير:secret:

هاهاها
شكلك مب مقتنع :secret:

بالنسبة لي اشوف ان فهم السؤال و الرد عليه قد يكون احد الاسباب

لربما وحدة تفهم انها ممكن تستغنى عنها في المجمعات و قبل النوم
على الرغم من انه يمنحها كل ما هو مذكور ،،

في حين المقصود انهم ممكن تستغنى عنه في الكثير من المواقف و ما تكون عندها
ازمة ثقة في النفس او تأثير سيء على نفسيتها ،،

اما الرجل اقولها لك بكل صراحة ،، نتايج التصويت تشجع البنت على التمكيج
لأنها بتفتك من نظراتهم لأنه بدل ما يقزها بعيون لامعة http://www.pic4ever.com/images/2i8d4ao.gif راح يحتقرها بعيون غاضبة وويه معنفش http://www.pic4ever.com/images/hitler.gif


التصويت

النساء 54 صوت * * * الرجال 52 صوت

الغلبة للحريم ،، http://www.pic4ever.com/images/155fs505059.gif


لما نلقى صوتين فقط لخيار (تخفي الكثير من عيوب وجهي فلا استغني عنها ( للنساء) )
نتأكد ونجزم ان المصوتات لخيار الاستغناء عن المكياج مب قادرين يستغنون عنه بس امبينين انهم ثقة و عادي
ان كانوا قادرين يستغنون عنه ليش تقوم قبل الدوام بساعتين عشان تتمكيج من اريح لها تقوم قبلها بساعه وتريح عمرها
هذا انا مالي خلق امشط شعري الصبح لاني بلبس غترتي وانا طالع الدوام

احيي الاختين الي صوتوا على خيار اخفاء العيوب فهو السبب الحقيقي لوجود شئ اسمه مكياج

يمكن كل اللي صوتوا بالفعل يستغنون عن المكياج و ما عندهم مشاكل
انهم يروحون الدوام من غير مكياج ،، هذا لا يعني ابدا
انها لو راحت بالمكياج ما تقدر تستغنى عنه ،، بس تعودت لكنها ممكن تلغي هالعادة
بكل ثقة ,,

لأن في ناس بالفعل ما يقدرون يستغنون عنه
مب شرط يخفون عيوب،، الا ما شاءالله فيهم الزين كله لكن تقدر تقول
ما تكتمل اهمية تواجدها في المكان اللي بتروح له من غير ما تتمكيج ،،

وبعدين بخصوص ان المكياج يخفي العيوب لابد ان نعي يا اخوي
اخفاء العيوب محصورة في امور معينة مثل :
1- اثار حب الشباب
2- النمش
3- الكلف
4- التصبغات الجلدية المختلفة

فلا تتوقع الوحدة بتخش عيب دمامة ويهها بالمكياج،،
لكن ممكن تخدع الاخرين بوضع المكياج ،، بحيث انها تلفت نظرهم بالالوان
ومن غير الوان تكون عادية جدا و مقاسات الكبر والصغر في ويهها مختلفة ،،

فلو حبينا نتكلم عن العيوب المذكورة فوق اقوللك
اثار حب الشباب بشكل عام ممكن يشمل العمر ما بين 16 لين فوق

النمش الخليجيات النمش قليل جدا انك اتحصله في بشراتهم بكثرة

الكلف لعمر ما فوق الثلاثين في الغالب

التصبغات الجلدية لعمر ما فوق الثلاثين في الغالب

فهل يوم انشوف بنات الجامعات متمكيجات كلهم يخشون عيوب بشرتهم ؟

وهل نلاحظ ان بنات المدارس يتمكيجون فهم يخشون عيوب وييهم ؟

وهل عدم استغناؤهم عن المكياج لسبب عيب في البشرة ؟

لا طبعا احنا كحريم انشوف البنات و انعرف اللي عندها مشاكل و اللي ما عندها مشاكل
في البشرة ،، و نلاحظ الهوس اللي مسيطر على ثقافة الانثى بالاستعانة بمستحضرات
التجميل وان كانت بشرتها صافية و نقية ,,

اما بخصوص التصويت ،، صوتك أمانة لا تدلي به من غير وضعه الحقيقي
حتى لا تتسبب في تضليل الناس ،، هذي ابسط كلمة ممكن اقولها ,,http://www.pic4ever.com/images/29dz8zk.gif

[بوحارب]

ام السعف للحين مازهقتي من الموضوع !

يلا نبي شي يديد

[ام السعف]

ام السعف للحين مازهقتي من الموضوع !

يلا نبي شي يديد

اسبوعي ما خلص يا بوحاربhttp://www.pic4ever.com/images/bollywood1.gif

اشرايك في موضوع عن تأثيرات الكرك على الصحة ؟ http://www.pic4ever.com/images/coffeebath.gif

[عابر سبيل]

انا اكتشفت اني للحين ما صوّت!

*
*
،،

انتهى المشوار و لا باقي فيه مجال؟؟

[المقهوره]

كيف تنظرين للمستحضرات التجميلية ؟
تجلمني فتزيد ثقتي بنفسي فلا استغنى عنها ( للنساء)
تخفي الكثير من عيوب وجهي فلا استغني عنها ( للنساء)
التمس من خلالها نظرات الاعجاب فلا استغنى عنها( للنساء


بصراحه ولا وحده من الخيارات

لاني اقدر استغني عن المكياج عادي

انا احط ميك اب في السنه حسنه
بصراحه اهم شي الكحل شبه يومي

مااشوف فيه داعي للبودره الي كنها طحين وتخرب البشره وتخليها جافه خاصه اذا كانت المرأه بشرتها حلوه لاتخربها
وبصراحه احب شكلي من غير ميك اب

واذا فيه مناسبه وحطيت هالميك اب تجيني ضيقه الين تخلص هالمناسبه

اما قصه احط مكياج الصبح مستحيل طبعا == زين مني اقوم الصبح
ولا حتى في الاماكن العامه مستحيل



تصدقون ان الميك اب الي عندي والله العظيم انه من ايام زواجي الين الحين ماخلص؟؟؟؟
انا متزوجه من 4 سنوات
وبعض الميك اب انتهى وقطيته بعد

وان الي يخلص عندي غالبا الكحل والمسكر فقط.

والمسأله مب مسأله جمال في الشكل بدون ميك اب
لا بس ما احب الميك اب اكرهه

[ام السعف]

انا اكتشفت اني للحين ما صوّت!

*
*
،،

انتهى المشوار و لا باقي فيه مجال؟؟

اييه صوت ،خل بوحارب يقعد على اعصابه يبي الموضوع يخلص
واحنا
http://www.pic4ever.com/images/healer.gif


كيف تنظرين للمستحضرات التجميلية ؟
تجلمني فتزيد ثقتي بنفسي فلا استغنى عنها ( للنساء)
تخفي الكثير من عيوب وجهي فلا استغني عنها ( للنساء)
التمس من خلالها نظرات الاعجاب فلا استغنى عنها( للنساء


بصراحه ولا وحده من الخيارات

لاني اقدر استغني عن المكياج عادي

انا احط ميك اب في السنه حسنه
بصراحه اهم شي الكحل شبه يومي

مااشوف فيه داعي للبودره الي كنها طحين وتخرب البشره وتخليها جافه خاصه اذا كانت المرأه بشرتها حلوه لاتخربها
وبصراحه احب شكلي من غير ميك اب

واذا فيه مناسبه وحطيت هالميك اب تجيني ضيقه الين تخلص هالمناسبه

اما قصه احط مكياج الصبح مستحيل طبعا == زين مني اقوم الصبح
ولا حتى في الاماكن العامه مستحيل



تصدقون ان الميك اب الي عندي والله العظيم انه من ايام زواجي الين الحين ماخلص؟؟؟؟
انا متزوجه من 4 سنوات
وبعض الميك اب انتهى وقطيته بعد

وان الي يخلص عندي غالبا الكحل والمسكر فقط.

والمسأله مب مسأله جمال في الشكل بدون ميك اب
لا بس ما احب الميك اب اكرهه


اول وحدة تكره الميك اب ،، و ينكم يا رجال ،، هل بتحطون شرط قبول
الحرمة انها ما اتحط ميك آب ،، لأنكم تخافون على بشرتها من الخراب ؟


سواها بو عيسى وضوى حست بنقص ،، شنهو الحل ؟
شكرا يالمقهورة وربنا يفك قهرج و يوسع عليج :shy:

[ماريسا]

كيف تنظرين للمستحضرات التجميلية ؟
تجلمني فتزيد ثقتي بنفسي فلا استغنى عنها ( للنساء)
تخفي الكثير من عيوب وجهي فلا استغني عنها ( للنساء)
التمس من خلالها نظرات الاعجاب فلا استغنى عنها( للنساء


بصراحه ولا وحده من الخيارات

لاني اقدر استغني عن المكياج عادي

انا احط ميك اب في السنه حسنه
بصراحه اهم شي الكحل شبه يومي

مااشوف فيه داعي للبودره الي كنها طحين وتخرب البشره وتخليها جافه خاصه اذا كانت المرأه بشرتها حلوه لاتخربها
وبصراحه احب شكلي من غير ميك اب

واذا فيه مناسبه وحطيت هالميك اب تجيني ضيقه الين تخلص هالمناسبه

اما قصه احط مكياج الصبح مستحيل طبعا == زين مني اقوم الصبح
ولا حتى في الاماكن العامه مستحيل



تصدقون ان الميك اب الي عندي والله العظيم انه من ايام زواجي الين الحين ماخلص؟؟؟؟
انا متزوجه من 4 سنوات
وبعض الميك اب انتهى وقطيته بعد

وان الي يخلص عندي غالبا الكحل والمسكر فقط.

والمسأله مب مسأله جمال في الشكل بدون ميك اب
لا بس ما احب الميك اب اكرهه

و الله أنا نفسج ما ارتااااااح بالمكياج لما اضطر احطه احس بشرتي مخنووووقة و اعد الثواني عشان ارجع البيت و اغسل ويهي

[المغروره]

انا بصرااحه ما احب البنت الي تتبرج وتلفت النظر بمكياجهااا لان مب زين وحرام
بالنسبه لي انا ما حب المكيااج بشرتي حساسه كريم الشمس والسلام
اما نظرتي للبنت الي تحط مكياااج في بنات تعودواا يحطون وفي بنات عادي مايحبون
فكل شخص وطريقه اسلوبه بالحيااه
موضوع جيد تشكرين عليه عزيزتي

[الجني]

هناك علاقة مباشرة بين التبرج للفت الأنظار

و اللبس الغير محتشم و هيئة المرأة المتبرجة للفت الأنظار

و التي قد يعنيها الإستطلاع

و السئوال هو كم نسبة هذه النوعيه من النساء

[بوحارب]

اسبوعي ما خلص يا بوحاربhttp://www.pic4ever.com/images/bollywood1.gif

اشرايك في موضوع عن تأثيرات الكرك على الصحة ؟ http://www.pic4ever.com/images/coffeebath.gif

لا ماله داعي هالموضوع بليز!

[بـــــــنت النوخـّــــذه]

عن شو بيحكي موضوع الحلقه الجاييييييييييييييييي :deal:

[ام السعف]

عن شو بيحكي موضوع الحلقه الجاييييييييييييييييي :deal:

الظاهر امبسطين http://www.pic4ever.com/images/healer.gif لين الاسبوع الياي :telephone:

[ضوى]

الظاهر امبسطين http://www.pic4ever.com/images/healer.gif لين الاسبوع الياي :telephone:


والله كان زين ، الموضوع للحين ما تمخمخ يام السعف تدرين يبي له عصارة افكار :secret: خليني للاسبوع اللي بعد الجاي ان شاء الله :shy:

[ام السعف]

انا بصرااحه ما احب البنت الي تتبرج وتلفت النظر بمكياجهااا لان مب زين وحرام
بالنسبه لي انا ما حب المكيااج بشرتي حساسه كريم الشمس والسلام
اما نظرتي للبنت الي تحط مكياااج في بنات تعودواا يحطون وفي بنات عادي مايحبون
فكل شخص وطريقه اسلوبه بالحيااه
موضوع جيد تشكرين عليه عزيزتي

حتى انا ما احب تصرفها ,, سواء كانت بنت او وحدة كبيرة او متزوجة

نظرتج صحيحة ،، ونبي نقول ان كثر المكياج يخرب الويه و يقلل نضارت البشرة,,


هناك علاقة مباشرة بين التبرج للفت الأنظار

و اللبس الغير محتشم و هيئة المرأة المتبرجة للفت الأنظار

و التي قد يعنيها الإستطلاع

و السئوال هو كم نسبة هذه النوعيه من النساء

اللبس غير المحترم ملفت ,, المكياج ملفت

اللبس غير المحترم مغري ,, المكياج يجذب

كلهم من فصيلة دق الباب ينفتح :telephone:

النسبة يبي لها احصائية نفس حملة الاحصاء اللي دشوا علينا من شهر ,,

[ام السعف]

والله كان زين ، الموضوع للحين ما تمخمخ يام السعف تدرين يبي له عصارة افكار :secret: خليني للاسبوع اللي بعد الجاي ان شاء الله :shy:

لا مب زين كلش يا ضوى ،، وينهم الجماعة ،، العرب ملوا يبون شي يديد:telephone: