نصب وفوقه بعد بقشيش

[بومبارك505]

مر علي موقف كنت انتظر انا وبعض القطرين في الحلاق وكان في اجنبي يحلق المهم يوم خلص عطى الحلاق 15 ريال حق الشعر واللحيه وعيني عينك لاتقول بالخش مثل بعض الصالونات المهم وقام واحد من القطريين وراح يحلق ويوم خلص كم حسابك يا فلان 40 ريال قام الرجال عطاه خمسين ريال وترك له الباقي وانا عطت الحلاق 15 ريال وخذها وهو يضحك......
طيب نقول الرجال كريم وجزاه الله الف خير وهذي عوايد اهل قطر الا ماقل
المشكله انهم يستغلون كرم اهل قطر في رفع الاسعار اليوم شفناها في الصالونات بكره بنشوفها عند محلات الخضار يحاسبك انت يالقطري الكيلو بعشر ريال وانت يالاجنبي الكيلو بخمس ريال هذا اذا ماكان حاصل وحنا ماندري وانا اتمنى من الجهات المختصه ان كانت البلديه او حماية المستهلك يشوفون حل للمصخره اللي صايره
وانا كتبت هالموضوع ياجماعه من حر مافيني الصراحه واسمحولي على الاطاله

[@north_star@]

اذا على الحلاليق بسيطه اخوي ومعظم الاشياء في الاسواق فيها نصب وغش عينى عينك ...ومن كم يوم رحت اشترى كاميرا ديجيتال نوعيه رخيصه وعادية وطبعا صينيه والا يقولي البياع 425 ريال قلتله بللللل شالدعوه ماخذ سونى والمهم خليته ورحت عند واحد بمكان ثانى والصاعقه انه السعر 165 وبينزل بعد فالواحد لازم يسال خمسين محل قبل لا يشترى والله المستعان

[BIG-VEGA]

للعلم
اغلب الحلاليق(الي في المطار مثلا) يحلقون اللحيه 15 ريال للقطرين
بس للهنود 5 ريال

[قطرية7]

هههههههههههههههههههه شر البليه مايضحك الله المستعان :omg:

[الخفي]

(( المشكله الاجانب يتساعدون مع بعض وربعنا مستعد يتساعد مع اللكل الا القطري ))

[مستوى الدعم]

لدي صديقتين من جنسية عربية شقيقة

إحداهما كانت محجبة وترتدي العباءة القطرية والأخرى ليست محجبة

ذهبتا إلى أحد المحلات التي تصمم وتفصل خزانات الحائط

سألته غير المحجبة:

من كم تبدأ الأسعار لديكم؟

حاول أن يتهرب ثم قال تبدأ من 11 ألف ريال وهو ينظر إلى مرتدية العباءة..

فقالت له المحجبة: على فكرة أنا مش قطرية

فقال: أها...

وفي جولة من الفصال..حصلت على الخزانة بخمسة آلاف ريال فقط لا غير

[الخفي]

(( القطري لذيذ حتى اخر قطره ))

[الامل القديم]

المشكله انتو السبب انتو بتحبو الاشياء الغاليه يعني انا عندي صديقه قطريه يوم ما نروح على محل عبايات تقول ان ما كان المحل غالي انا مااشتري علشان هيك تجد معظم المحلات او كلها يوم يشوفوا وحده لابسه عبايه يرفعون السعر علشان تشتري واذا باعها بالسعر الرخيص قالت القماش مش كويس وطلعت فيها عيوب الامه العربيه كلها

[hemoud123]

المشكله انتو السبب انتو بتحبو الاشياء الغاليه يعني انا عندي صديقه قطريه يوم ما نروح على محل عبايات تقول ان ما كان المحل غالي انا مااشتري علشان هيك تجد معظم المحلات او كلها يوم يشوفوا وحده لابسه عبايه يرفعون السعر علشان تشتري واذا باعها بالسعر الرخيص قالت القماش مش كويس وطلعت فيها عيوب الامه العربيه كلها

اصبتي كبد الحقيقه
لاجل ذلك يجب ان لا نلقي اللوم على اصحاب المحلات , انما يجب ان نلوم العقول المصديه

[مستوى الدعم]

المشكله انتو السبب انتو بتحبو الاشياء الغاليه يعني انا عندي صديقه قطريه يوم ما نروح على محل عبايات تقول ان ما كان المحل غالي انا مااشتري علشان هيك تجد معظم المحلات او كلها يوم يشوفوا وحده لابسه عبايه يرفعون السعر علشان تشتري واذا باعها بالسعر الرخيص قالت القماش مش كويس وطلعت فيها عيوب الامه العربيه كلها

كل تعميم خاطيء

وانتي ما صاحبتي كل القطريات عشان تعممين هالحكم

هناك بعض بائعي المحلات معتبرين نفسهم

منفذين لسياسة العدالة الاجتماعية

ويقولون : انتا نفر كتريQatari .. فلوس واجد

هادا نفر تاني مسكين ... ما في فلوس

وهذي سمعناها باذاننا

ثم إذا كانت النساء القطريات يتمتعن بالعقليات المصدية على قولة اخونا hemoud123

فليفسر لي لماذا لا يتم البيع للرجال القطريين بأسعار مساوية لغيرهم من الأجانب؟؟

أليس من طرح الموضوع قد ذكر أن الحلاق يعطي للأجنبي بأسعار أرخص بكثير من القطري؟

وقس عليه مشتريات رجالية أخرى..

هل السبب أيضاً النساء القطريات؟؟؟؟

[جنوب الدوحه]

والله انا نفس الشي ,,

[كازانوفا]

خلاص ما عاد في فايده من الكلام بهذا الموضوع التجار والعمال بكل مكان وزمان حاطين بروسهم ان الاستغلال الاول والاخير للقطري فقط لا غير

تقول راح يصرفو شيك

[qatari 111]

من ناحيتي السعر اللي اشوفه يسوى سواءً عينه او اجرة عمل انا اقدره واعطيه وهو بكيفه يرضى او ما يرضى احط الفلوس على طاولته وانا محرك

[جوال 11]

في أحد الايام كنت في الحلاق وبعد حلاقة الآسيوي أعطاه 6 ريالات للشعر واللحية وسألت الحلاق حلاقة الشعر ب 15 ريال و15 ريال للحية وانت أخذت 6 ريالات قال أنا حساب مال بلاد هو بمعنى يحاسب بعملة بلاده 6 ريالات تساوي الكثير عندهم ، وأحد الأيام أتى ثلاثة شباب لمحل بيع الآيسكريم وبعد أخذهم المطلوب كان حسابهم 65 ريال أعطوا البائع 100 ريال ويبقى لهم 35 ريال قال أحدهم رفيق الباقي لك تعجبت من تصرفهم هل تحل الصدقة على هذا الشخص والذي لا نعلم بملته وهنالك أخوانا لنا بحاجة لهذا المال .

[البدع]

نفس الشيء

سندويش البيض للقطري 3 ريال

للاجنبي 2 ريال

[TAMIMI]

(( المشكله الاجانب يتساعدون مع بعض وربعنا مستعد يتساعد مع اللكل الا القطري ))

هذي أم المشاكل للاسف

[TAMIMI]

(( المشكله الاجانب يتساعدون مع بعض وربعنا مستعد يتساعد مع اللكل الا القطري ))



هذي أم المشاكل للاسف

[ماريسا]

كل تعميم خاطيء

وانتي ما صاحبتي كل القطريات عشان تعممين هالحكم

هناك بعض بائعي المحلات معتبرين نفسهم

منفذين لسياسة العدالة الاجتماعية

ويقولون : انتا نفر كتريqatari .. فلوس واجد

هادا نفر تاني مسكين ... ما في فلوس

وهذي سمعناها باذاننا

ثم إذا كانت النساء القطريات يتمتعن بالعقليات المصدية على قولة اخونا hemoud123

فليفسر لي لماذا لا يتم البيع للرجال القطريين بأسعار مساوية لغيرهم من الأجانب؟؟

أليس من طرح الموضوع قد ذكر أن الحلاق يعطي للأجنبي بأسعار أرخص بكثير من القطري؟

وقس عليه مشتريات رجالية أخرى..

هل السبب أيضاً النساء القطريات؟؟؟؟




عزيزتي أكيد الأخت لم تقصد التعميم و مو كل القطريات لكن الأغلبية بهذه العقلية للأسف و هذا اللي يشجع الغير ينصبون

[مستوى الدعم]

عزيزتي أكيد الأخت لم تقصد التعميم و مو كل القطريات لكن الأغلبية بهذه العقلية للأسف و هذا اللي يشجع الغير ينصبون

اختي الغالية ماريسا.. انا لست غاضبة من الاخت ولكني اكدت لها أن مشوارا شرائيا واحدا مع فتاة قطرية لا يعني أن يعطيها تصورا عن سلوك البقية ... وحتى لو كانت لا تقصد فمن حقي ان انبهها حتى تتحرز في المرات القادمة من إصدار تعميمات مشابهة

وها أنا اقتبس تعليقها مجددا لتري كيف ان كلامها اتى بصيغة التعميم المطلق


المشكله انتو السبب انتو بتحبو الاشياء الغاليه يعني انا عندي صديقه قطريه يوم ما نروح على محل عبايات تقول ان ما كان المحل غالي انا مااشتري علشان هيك تجد معظم المحلات او كلها يوم يشوفوا وحده لابسه عبايه يرفعون السعر علشان تشتري واذا باعها بالسعر الرخيص قالت القماش مش كويس وطلعت فيها عيوب الامه العربيه كلها

[الصريحه]

الله ياخذ لنا الحق وين حمايه المستهلك

[ولد الخال]

للعلم
اغلب الحلاليق(الي في المطار مثلا) يحلقون اللحيه 15 ريال للقطرين
بس للهنود 5 ريال



خير ما يعملون

لحيتنا تعادل لحية ثلاث هنود والمفروض تعادل لحية خمسة هنود وتكون التسعيرة بــ 25 ريال

تريد تساوي لحية القطري بلحية الهندي

عيب علينا إذا صار ذلك

بكره يتساوى شارب القطري بشارب الهندي وتصير مهزلة

[koketa]

والله اللي يرضى على نفسه يستحمل

الحمد لله عندكم حمايه المستهلك والسكوت علامه الرضى

[بوخالد911]

بل

والله حالة
:anger1:

ذكرتووني ببلد عرربي مكتظ بالسكان !!!!!!!!!!!!!!!!!!!!!
:secret::secret::secret:

عندهم سعر سياحي
وكللله نصب ع الخليجيييين

وسعرر خاص لمواطني هالبلده !!!!



عن نفسي أفضل السياحة في البلدان الأجنبية
ولا اروووح للبلدان العربية اللي معظمها يمصووونك مص
من المطار للفندق
ومن التكااسي الى المجمعات
والمطاعم

وآخررتها بالمطار


يعني رحلتك كلها نصب × نصب


روح وتفسح في اوروبا ولا جنوب شرق اسيا
وريح باللك

:victory::victory::victory:

[هدهد سليمان]

بل

والله حالة
:anger1:

ذكرتووني ببلد عرربي مكتظ بالسكان !!!!!!!!!!!!!!!!!!!!!
:secret::secret::secret:

عندهم سعر سياحي
وكللله نصب ع الخليجيييين

وسعرر خاص لمواطني هالبلده !!!!



عن نفسي أفضل السياحة في البلدان الأجنبية
ولا اروووح للبلدان العربية اللي معظمها يمصووونك مص
من المطار للفندق
ومن التكااسي الى المجمعات
والمطاعم

وآخررتها بالمطار


يعني رحلتك كلها نصب × نصب


روح وتفسح في اوروبا ولا جنوب شرق اسيا
وريح باللك

:victory::victory::victory:



:nice: :victory: هذا الكلام

[رياني qtr]

مع احترامي لكاتب الموضوع فضحتونا يالربع شنو بيقولون عنا اهل الخليج صج زط اشدعوة
عشان 20 او 40 ريال فاتحين موضوع وكل واحد يتحلطم طيب انتو سو مثلهم وخل نشوف شطارتكم واحد يفتح حلاق ويشتغل فيه وللقطرين يعطينا سعرخاص وللاجانب سعر عالي ترى الشغل مب عيب وهالشغله مفيدة ومن اساسيات وضروريات الرجال بشكل يومي اي مايعادل ثلاث ايام مرة او اربع ايام انا الصراحة حلاقي اتعامل معه من خمس سنوات يعني ادخل اقعد على الكرسي وكانه يقرا افكاري وللامانة ادفع له احيانا 80 واحيانا 100 ريال يستاهل لانه حتى شنو ابي منه بالضبط يسويه من دون ماقول وصرت يوم احس بتعتب الطريق امر عليه وطبعا اخذ فترة راحة على الكرسي غفوة بسيطة واطلع وانا كاشخ

[هدهد سليمان]

مع احترامي لكاتب الموضوع فضحتونا يالربع شنو بيقولون عنا اهل الخليج صج زط اشدعوة
عشان 20 او 40 ريال فاتحين موضوع وكل واحد يتحلطم طيب انتو سو مثلهم وخل نشوف شطارتكم واحد يفتح حلاق ويشتغل فيه وللقطرين يعطينا سعرخاص وللاجانب سعر عالي ترى الشغل مب عيب وهالشغله مفيدة ومن اساسيات وضروريات الرجال بشكل يومي اي مايعادل ثلاث ايام مرة او اربع ايام انا الصراحة حلاقي اتعامل معه من خمس سنوات يعني ادخل اقعد على الكرسي وكانه يقرا افكاري وللامانة ادفع له احيانا 80 واحيانا 100 ريال يستاهل لانه حتى شنو ابي منه بالضبط يسويه من دون ماقول وصرت يوم احس بتعتب الطريق امر عليه وطبعا اخذ فترى راحة على الكرسي غفوة بسيطة واطلع وانا كاشخ

المسألة الله يسلمك مب عشرين ولا عشر المقصود يمكن حتى المينيو حق المطاعم للقطريين غير عن الاجانب فهمت الشيخ!
اختلاف الاسعار وهالشي صحيح 100% لكن كاتب الموضوع اعطى مثل على ذلك وخذ عليها مقاييس الله يحفظك

[رياني qtr]

المسألة الله يسلمك مب عشرين ولا عشر المقصود يمكن حتى المينيو حق المطاعم للقطريين غير عن الاجانب فهمت الشيخ!
اختلاف الاسعار وهالشي صحيح 100% لكن كاتب الموضوع اعطى مثل على ذلك وخذ عليها مقاييس الله يحفظك




اخوي هو اعطاء مثال وانا اعطيت جواب
المطاعم وغيرهم اخوي من قالكم تروحون وتشترون او تتعشون برى يعني لازم تفوشرون يازين اكل البيت واهل قطر مشهورين بالمجابيس
اكل احلى مجبوس وخلك في البيت لازم تروح تطلب وتعزم ربعك وتسوي روحك حاتم الطائي وتوهق نفسك ؟

[فتى الجود]

انا يحلقلى بـ 40 لحية وشعر

والعده كلها لى من مقص وادوات

يعنى هو مايتكلف سوى موس با أقل من ربع ريال

شيسوى الواحد

[بوخالد911]

مع احترامي لكاتب الموضوع فضحتونا يالربع شنو بيقولون عنا اهل الخليج صج زط اشدعوة
عشان 20 او 40 ريال فاتحين موضوع وكل واحد يتحلطم طيب انتو سو مثلهم وخل نشوف شطارتكم واحد يفتح حلاق ويشتغل فيه وللقطرين يعطينا سعرخاص وللاجانب سعر عالي ترى الشغل مب عيب وهالشغله مفيدة ومن اساسيات وضروريات الرجال بشكل يومي اي مايعادل ثلاث ايام مرة او اربع ايام انا الصراحة حلاقي اتعامل معه من خمس سنوات يعني ادخل اقعد على الكرسي وكانه يقرا افكاري وللامانة ادفع له احيانا 80 واحيانا 100 ريال يستاهل لانه حتى شنو ابي منه بالضبط يسويه من دون ماقول وصرت يوم احس بتعتب الطريق امر عليه وطبعا اخذ فترة راحة على الكرسي غفوة بسيطة واطلع وانا كاشخ

هلا بك

هالمبلغ مقابل وشوو؟

ووضح اخووي

ممكن؟

:eek5:

[رياني qtr]

هلا بك

هالمبلغ مقابل وشوو؟

ووضح اخووي

ممكن؟

:eek5:



مقابل اسوي قفل او سكسوكة اخوي او تحديد العارض

[بوخالد911]

مقابل اسوي قفل او سكسوكة اخوي او تحديد العارض



وااايد تعطييه

لا يكون انت اللي مخرربهم
:eek5::omg::eek5:
ولوووو


عيل لو بتحلق شعررك كم بتعطييه؟

550 ريال؟


:anger1::anger1::anger1:

[وتبقى الدنيا حلوه]

اي والله قهر من قلللللللب

ما احب هالحركات

يعني الحين مثلا لما نطلب من مطعم و يبقى 5 ريال مثلا ياخذها راعي المطعم من نفسه مع انه محد عزم عليه

والله شي يبط الجبد

السالفه مب سالفه 5 ريال بس ليش هالحركات البايخه

[فلفل حار]

يارجال وليش ياخذ بقشيش ...؟
ياخذ حقه الـ20 ريـال وباحللها ويحدد لي العارض على مزاجي وآنا طالع ...

[طلعة الروح]

يوم انفتح باب البقشيش والكرم الطائي من جهه انفتحت ابواب النصب والتحايل من جهه ثانيه هاي ملخص القضيه...
اقول اللي يبي يتصدق ويتكرم في ناس وايد اولى من اصحاب المحلات والحلاليق والصالونات الواحد يصك باب الاستغلال ورفع الاسعار على القطريين اللي حصل من ورا هالكرم الزايد ويعودهم على نظام واحد يمشون عليه وكفى الله المؤمنين شر القتال..

[شعنونة قطر]

مره رحت انا وشغالتي للسوق
هي تبي تشتري استشوار ياحليلها قلت ادخلي المحل بروحج كنت منشفحه على محل جنبه مدري شعندي الزبده خليتها تدخل

وشرت اغراضي وجيتها حصلتها شاريته ب64



وانا قبل شريته 120



:eek5:



نصيحه تبون تروحون للسوق البسوا يونيفورمات :nice:

[بومبارك505]

مع احترامي لكاتب الموضوع فضحتونا يالربع شنو بيقولون عنا اهل الخليج صج زط اشدعوة
عشان 20 او 40 ريال فاتحين موضوع وكل واحد يتحلطم طيب انتو سو مثلهم وخل نشوف شطارتكم واحد يفتح حلاق ويشتغل فيه وللقطرين يعطينا سعرخاص وللاجانب سعر عالي ترى الشغل مب عيب وهالشغله مفيدة ومن اساسيات وضروريات الرجال بشكل يومي اي مايعادل ثلاث ايام مرة او اربع ايام انا الصراحة حلاقي اتعامل معه من خمس سنوات يعني ادخل اقعد على الكرسي وكانه يقرا افكاري وللامانة ادفع له احيانا 80 واحيانا 100 ريال يستاهل لانه حتى شنو ابي منه بالضبط يسويه من دون ماقول وصرت يوم احس بتعتب الطريق امر عليه وطبعا اخذ فترة راحة على الكرسي غفوة بسيطة واطلع وانا كاشخ

وش فضيحته الله يرحم والديك الفضيحه لا استغفلوك هالاجانب وانت في بلادك وال80 وال100 هذي تحطها في صندوق الزكاه اخير لك تنفعك يوم الحساب ولا الحلاق معين خير ولا محتاج للبقشيش

[BIG-VEGA]

وش فضيحته الله يرحم والديك الفضيحه لا استغفلوك هالاجانب وانت في بلادك وال80 وال100 هذي تحطها في صندوق الزكاه اخير لك تنفعك يوم الحساب ولا الحلاق معين خير ولا محتاج للبقشيش

يااخي الرجال كيفه
عنده لاندكروزر ستاندر 2008 ومحثلها ومب هامه الـ 50 والـ 100 :)

الله يرزقه زود

[البيت بيتك]

والله المستعان

[BoFahed]

يا جماعة احنا السبب ما نقدر للريال ومخربينهم ونجي اخر السعر نصيح الراتب ما يكفي انا صار موقف يوم الخميس اللي طاف في احد حلاقين الحرم خلصت عمره (لله الحمد ) وطلعت من الحرم احلق و اتحلل المهم دخلت الحلاق وكان مليان معتمرين وصاحب المحل (اسيوي نفسيه لابس ساري جثة ) يتكلم سعودي يلم الفلوس على الباب سالته كم الموس حلاقة قالي 20 الا واحد من السعودين المعتمرين جزاه الله خير قاعد يحلق (من اهل البادية الكرام) قالي يالخو تراه بعشره ومن البلدية مسعر ليش يقولك عشرين الا رد عليه صاحب المحل (خليك فيك حالك انتا ايش عرف البدو في الحلاقه :omg:
)وكررها ثلاث مرات وكل واحد معتمر يجيه يقوله( بعشرين عاجبك خش ما عاجبك روح مكان تاني يا بوي ) اخونا السعودي ما رد عليه لما خلص قام وراح لصاحب المحل ومسكه من يديه وقاله انا الحين بعلمك كيف تحترم البلد اللي قاعد فيها واللي لحمك طلع من خيرها والجماعة يهدون فيه وصاحب المحل خقها ولم الدور بس اخونا قال والله مانا مخليه لازم اعلمه شلون يتكلم ويتعامل مع ضيوف بيت الله وقام ينادي الشرطة من المحل وراح لمكتب البلدية اللي جنب الحرم .

يعني يا جماعه احنا اللي نسكت ونخليهم يطمعون فينا اكثر

[NeverLand]

مع احترامي لكاتب الموضوع فضحتونا يالربع شنو بيقولون عنا اهل الخليج صج زط اشدعوة
عشان 20 او 40 ريال فاتحين موضوع وكل واحد يتحلطم طيب انتو سو مثلهم وخل نشوف شطارتكم واحد يفتح حلاق ويشتغل فيه وللقطرين يعطينا سعرخاص وللاجانب سعر عالي ترى الشغل مب عيب وهالشغله مفيدة ومن اساسيات وضروريات الرجال بشكل يومي اي مايعادل ثلاث ايام مرة او اربع ايام انا الصراحة حلاقي اتعامل معه من خمس سنوات يعني ادخل اقعد على الكرسي وكانه يقرا افكاري وللامانة ادفع له احيانا 80 واحيانا 100 ريال يستاهل لانه حتى شنو ابي منه بالضبط يسويه من دون ماقول وصرت يوم احس بتعتب الطريق امر عليه وطبعا اخذ فترة راحة على الكرسي غفوة بسيطة واطلع وانا كاشخ


اخوي السالفه مب سالفة 20 ولا 40 ريال .. الحمدلله اغلب اهل قطر ميسورين الحال وقلبهم طيب ويعطون وماينطرون مقابل من احد الا الاجر من رب العالمين .. الزط مب من شيمنا

بس السالفه سالفة مبدأ !! .. شلون ترضى تدقع ريال واحد وانت تدري انهم مستغفلينك ؟؟ .. انا ماعندي مانع اعطي بغشيش لكن مب لكل من هب ودب .. يجيني واحد يقدم لي خدمه وهو مخيس نفسه شيبي ؟؟ بعطيه حقه لا اكثر ولا اقل .. سواء كان جرسون بمطعم او حتى حلاق ..

وبخصوص البضايع اللي تنباع للقطري بدبلات السعر اللي يتقدم للاجنبي .. فهذا موضوع ثاني .. صعب ان الواحد يقعد يقارن الاسعار على كل صغيره وكبيره وبأحيان كثيره نضطر نشتري واحنا ساكتين لاحول لنا ولاقوه ..

المهم حبيت اقول بس الموضوع مب موضوع موفشر .. في ناس العشره ريال تسويلهم شي وتجيب لهم وجبه تسد جوعهم قبل لاينامون .. مب كل الناس يقدرون يخصصون ميزانيه لحالها لحضرة الحلاق ويدفعون له كل مره 80 ولا 100 ريال !! .. مشكله اذا صار هالشي عادي بعد فتره

[أسير الأحلام]

للعلم
اغلب الحلاليق(الي في المطار مثلا) يحلقون اللحيه 15 ريال للقطرين
بس للهنود 5 ريال

تعلم تحلق في البيت بيطلع عليك أرخص من 5 ريال

[BIG-VEGA]

تعلم تحلق في البيت بيطلع عليك أرخص من 5 ريال

خخخخخخخخخخخخخخخخخخخخخخخخخخخخ

لايبه ماقدر اضبط الناريله بنفسي :)

يبيلها شغل

[@فهد@]

موضوع رايق اخوي بومبارك
المشكله من سببين

من بعض الناس الي تدفع تفوشر ولاتحاسب وتنظر للسعر كم .. علي بالها عيب تسئل ولا تكاسر

والمشكله الثانيه منا احنا نعطيهم مجال

واكبر مثال قصه الاخ بوفهد في مكه ...

علي فكره في السعوديه كمثال في محلات تحلق لك ب 5 ريال تدرون ليش ..صارت منافسه المحلات كثيره وكلن يبي يكسب زبائن .. والله انك تشوفه قدام المحل واقف يصوت عليك خصوصا لو صار شارع كله حلاقين

ومع ذلك في ناس تدفع وتحجز عند الحلاق .. كلها مظاهر وفوشره علي الفاضي

الهنود والبنقاليه يشترون من بعض ويرخصون لبعض .. والي عنده سواق ولا خدم ينتبه من هالشغله الفواتير تكون بسعر اغلي من السعر الاصلي وصارت قدامي كثير حتي في محطة البترول يعبي ب 20 يكتب في الفاتوره 30 ولا 25 لا ويعطيه السواق بخشيش .. من ظهر معزبه

وياغافل لك الله

[إينشتاين]

وش فضيحته الله يرحم والديك الفضيحه لا استغفلوك هالاجانب وانت في بلادك وال80 وال100 هذي تحطها في صندوق الزكاه اخير لك تنفعك يوم الحساب ولا الحلاق معين خير ولا محتاج للبقشيش


طول بالك يابومبارك ،، الرجال يبي يهايط ومالقى احسن من موضوع يهايط فيه بــ 80 ريال

يهايط = يفوشر

[إينشتاين]

يا اخوان من توقعون السبب في رفع الأسعار علينا ؟؟؟؟

باحاول اساعدكم في الجواب ،، تفصيل الثوب الواحد الحين يكلف من 250 إلى 300 في معظم محلات الخياطة...

تفصيل الثوب في الكويت من 90 إلى 120 ريال ،، يعني نفس اسعار التسعينات..

يعني بالعربي فيه ناس ينقص عليها وفيه ناس هم يقصون على المحلات......