معلومات عن ماليزيا

[السليطي 2010]

ان شاء الله ناوي اسافر لماليزيا مع الاهل والاعيال ياليت اذا في حد عنده معلومات عن ها الديره
وجزاكم الله الف خير

[Gh2o]

حلوه نظيفه بس حررررررر ورطوبه شيوديك ؟
انا رحت لها مرتين بس ماعتقد بعيدها مره ثانيه , فيها مجمعات حلوه وحدايق الفراشات , مدينه الالعاب الكبيره في جينتنغ حلوه وايد بس بعيده بعد ممكن تبات بالفندق الي بالمكان نفسه وعندك مرتفعات الكاميرون فيها مزارع الفروله والشاي
اخوي راح العام وتحسف . وتراها غاليه مب رخيصه
انصحك تروح اوروبا وتحديدا النسما جنه الله بالارض

[Memeia]

ماليزيا حلوه لكن السياح اللي فيها يكرهونك فالبلد .. وجوها غريب حر ومطر ههههه
سنغفورا وايد وايد حلوه او هونج كونج بعد حلوه ..

[VIP-QATAR]

حلوة ورخيصة بالمقارنة باوربا لكن عيبها حر

[Om Majed]

بلاد مسلمه نظيفه مرتبه تعاملهم حلو بتضمن إن عيالك مب شايفين مناظر تخدش الحياء
مجمعات كبيره وفيها ملاهي وألعاب الأطفال واجد استانسوا فيها ..
يمكن عيبها شوي جوها حار الصبح لكن المجمعات تفي بالغرض ..
عندك هالموقع آنا عن طريقه حجزت كل سفرتي وتعاملهم حلو شركة العربيه
http://www.daleel-malaysia.com/

أقولك الصج أخوي العام وديت عيالي فيينا وتحسفت على المناظر ألى شافوها ماتصلح كلش للأطفال..
والله عيالنا أمانه في رقبتنا ليش نخليهم يشوفون وصاخة اوربا

الله يوفقك أخوي

[السليطي 2010]

شكرا للجميع وعساكم على القوة

[ali212]

الله يوفقك

[السليطي 2010]

الله يوفق الجميع

[نايف قطر]

اخوي انا رحت لها مرتين مع الاهل ومب متحسف عليها لانها صج عائليه وامنه ونظيفه وشعب محترم ومحد يتعرض لك وناس طيبين وطبيعتها واااااااااايد حلوه وروعه وفيها ملاهي للاطفال وحدايق الزهور والفراشات والطيور والفواكه والتلفريك ورحلات بحريه فالجزر وعالم ماتحت البحار احواض فيها كل انواع السمك وملاهي للاطفال ومدينه مائيه
وجوها زين انا رحت شهر 5 تقريبا كل يوم مطر في جزيرة لنكاوي

من المناطق اللي رحت لها:
جزيرة بننق:-((سكنت بفندق بارك رويال)) فيها حدايق مثل حديقة الفراشات والزهور والفواكه وفيها رحلات بحريه
جزيرة بننق :-((سكنت بفندق الشيراتون)) جنه الصراحه -احلى من بننق-فيها رحلات بالقارب-تلفريك-عالم ماتحت البحار-حديقة الطيور-سكوترات-هليكوبتر واشياء كثيره
بعدين رجعت العاصمه كوالمبور
رحت سن وي لاجون:-((سكنت بفندق سن وي لاجون))هذي الله يسلمك مجموعة فنادق حول بعض وامامهم حديقة العاب مائيه وحديقة حيوانات والعاب كهربائيه ومجمع كبير
بعدين رحت العاصمه((سكنت بفندق بارك رويال)) ومن العاصمه رحت بتاكسي لجنتنق هذي الله يسلمك فنادق والعاب كهربائيه فوق الجبل اتروح لهذي المنطقه عن طريق التلفريك
والعاصمه تقدر تسكن بشارع العرب فيه مجمعات كثيره ومطاعم عربيه
\

((بننق)) تكفيها يومين وانصحك اتروح للنكاوي احلى بوايد
((لنكاوي)) تكفيها 4 ايام
بعدين ترجع العاصمه
اتروح
((صن وي لاقون))تكفيها 3 ايام
((العاصمه)) تكفيها 4 ايام
ومن العاصمه تاخذ تكسي اي يوم وتروح لجنتق

واي استفسار انا حاضر بخصوص ترتيب الرحله او السفريات

[kuwaiti]

خوووووووووووووش فندق مجربه فنان
http://www.shangri-la.com/en/property/kualalumpur/traders

[سيدة الخليج]

ماليزيا ماتصير بالصيف .. بنص السنه افضل الجو معتدل
الاسعار ممتازه بس لاتكشخ كثير على قد كشختك دبلو عليك السعر هههههه
اسال مجرب ..

بسهــاله ..