اقتراح لانقاذ الجزيرة الرياضية من(( الشيرنج))

[في الصميم]

اقتراح لانقاذ الجزيرة الرياضية من(( الشيرنج))

ولكي يستمتع الجميع بهذا الحدث لقطع الطريق على سيرفرات الشيرنج

كلنا يعلم عن قرب موعد الحدث الكبير ( كأس العالم) اللذي تحتكره قناة الجزيرة الرياضية
والكل في العالم والعالم العربي بالاخص يريد الاستمتاع بالبطولة وبتعليق عربي.الشيئ اللذي صرفت عليه الجزيرة مبالغ لاتحصى من تحليل واستديوهات و موظفين و معلقين من كافة الدول العربية على أعلى مستوى وطبعا تصرف لهم رواتب خيالية.
المهم:
كم عدد المتابعين من الوطن العربي ؟
لو نقول
20 مليون مشاهد على الاقل x 640 سعر الكرت الجديد للجزيرة=12800000000 يعني 12مليار وثمانمئة الف ريال اذا ماكنت غلطان في الرقم لان اول مره اقرأمثل هذا الرقم
مثلا لو نشيل نصف المشاهدين اللي مايقدرون يدفعون واللي انضموا الى قافلة الشيرنج تخسر الجزيرة تقريبا 6 مليار ريال
الحل في نظري :
لو انا المسؤل كنت اخلي سعر الكرت 150 ريال:p او 200 والعميل اللي بيدفع 450 ريال في الشيرنج اللي يقطع كل 5 دقايق بيقول 150 ريال سهله بيدفع وهو مغمض وبلا تقطيع بلا نيله .
وبتقل الخساير عليهم الى مليار وزيادة
ولا شراكم ؟


عورت روسكم بالمليارات :nice:
ناطر لين يوم الجمعة ابي ينزلون السعر عشان اشتري كرت:waiting:

[البدع]

احس ان الجزيرة الرياضية مب مفتكرة بالفلوس

اهم شيء في الفترة هذي الاستحواذ

وتدمير المنافسين (وهذا ماتم بالفعل)

ما اشوف عندهم اعلانات خير شر

واسعار البطاقات رخيصة جدا

[The Blade]

معادله خطأ
الشيرنج او الرسيفر لو تاخذه ٤٥٠ فيه اكثر من ١٠.٠٠٠ قناة افضل من دفع ٥٠٠ ريال علشان اشوف ٥ او ١٠ قنوات!!!

بس الافضل والاحسن الاشتراك " ضمان " عدم انقطاع الخدمة

[مطيع الله]

كما قال البدع
المهم تدمير المنافسين وقهرهم
خاصة قناة أبو ظبي الرياضية

أما الربح والخسارة فهو ليس من أهم أولويات الجزيرة لأن تمويلها مضمون
وحتى في حال نزول أسعار الغاز والبترول فلن تنزل مخالفات الرادار والحزام والموقف الخطأ.

[بوليد]

لو ب 10 ريال مع هذا بستخدم الشيرنغ
ترا الشيرنغ صحيح تدفع فيه 400 ريال لكن يفتحلك جيمع القنوات
وبخصوص التقطيع على حسب السيرفر ومعظم السيرفرات بو200 ريال فيها تقطيع لكن لوتشترك اشتراك عدل ب400 او 500 ريال ماراح يقطع ابدا

وللعلم الاي ار تي ماباعو قنواتهم الا لمعرفتهم انة معظم المشتركين بيشاهدون قنواتها بالشيرنغ لانة اختراع حديث وماكان موجود هالشي بالمونديالات السابقة

[شعنونة قطر]

هذا حل لهم ولا لك هههههه

الحمدلله ماليش في الكوره

[nyzk]

في كاس العالم الجزيرة بتغير الشفره وعلى مايفكون الشفره كاس العالم يكون انتهى

واللي يقول الاي ارتي باعو الحقوق بسبب الشيرنغ كن الناس من العام تفك الشفرات الشفرات من زمان وهي تنفك
هم باعو الحقوق بسبب العرض الخيالي اللي جاهم من الجزيرة
في عاقل يرفض10 مليارات ريال مقابل بيع حقوق كاس العالم ويرفض!! عرض ولا في الاحلام


بعدين يخوي شيخفضون بطولات ماتنعد ينقلونها
زين منهم يبيعون الكرت بهالسعر

لتقول علشان القرصنه اللي يبي يقرصن لو تبيع له الكرت بريال بعد مب شاري

وانا من الناس ماحب اجهزة فك الشفره فيها تقطيع وطالما لشتراك رخيص بشترك وبتابع المباريات بدون تقطيع وبفك عمري من عوار الراس الدعوه كلها ب365 ريال ماتجيب اغراض الجمعيه

[أبورودي]

في كاس العالم الجزيرة بتغير الشفره وعلى مايفكون الشفره كاس العالم يكون انتهى

واللي يقول الاي ارتي باعو الحقوق بسبب الشيرنغ كن الناس من العام تفك الشفرات الشفرات من زمان وهي تنفك
هم باعو الحقوق بسبب العرض الخيالي اللي جاهم من الجزيرة
في عاقل يرفض10 مليارات ريال مقابل بيع حقوق كاس العالم ويرفض!! عرض ولا في الاحلام


بعدين يخوي شيخفضون بطولات ماتنعد ينقلونها
زين منهم يبيعون الكرت بهالسعر

لتقول علشان القرصنه اللي يبي يقرصن لو تبيع له الكرت بريال بعد مب شاري

وانا من الناس ماحب اجهزة فك الشفره فيها تقطيع وطالما لشتراك رخيص بشترك وبتابع المباريات بدون تقطيع وبفك عمري من عوار الراس الدعوه كلها ب365 ريال ماتجيب اغراض الجمعيه
انت ليك اسهم فى قناه الجزيره الرياضيه؟؟؟
صباحك ورد
بداعبك فقط يا غالى

[bo-ibrahem]

في انتظار كأس العالم الحبيبة

[خيال شمر]

يمدحون دريم بوكس وقناة اريتريا :)

[بشمرقي]

اقتراح لانقاذ الجزيرة الرياضية من(( الشيرنج))

ولكي يستمتع الجميع بهذا الحدث لقطع الطريق على سيرفرات الشيرنج

كلنا يعلم عن قرب موعد الحدث الكبير ( كأس العالم) اللذي تحتكره قناة الجزيرة الرياضية
والكل في العالم والعالم العربي بالاخص يريد الاستمتاع بالبطولة وبتعليق عربي.الشيئ اللذي صرفت عليه الجزيرة مبالغ لاتحصى من تحليل واستديوهات و موظفين و معلقين من كافة الدول العربية على أعلى مستوى وطبعا تصرف لهم رواتب خيالية.
المهم:
كم عدد المتابعين من الوطن العربي ؟
لو نقول
20 مليون مشاهد على الاقل x 640 سعر الكرت الجديد للجزيرة=12800000000 يعني 12مليار وثمانمئة الف ريال اذا ماكنت غلطان في الرقم لان اول مره اقرأمثل هذا الرقم
مثلا لو نشيل نصف المشاهدين اللي مايقدرون يدفعون واللي انضموا الى قافلة الشيرنج تخسر الجزيرة تقريبا 6 مليار ريال
الحل في نظري :
لو انا المسؤل كنت اخلي سعر الكرت 150 ريال:p او 200 والعميل اللي بيدفع 450 ريال في الشيرنج اللي يقطع كل 5 دقايق بيقول 150 ريال سهله بيدفع وهو مغمض وبلا تقطيع بلا نيله .
وبتقل الخساير عليهم الى مليار وزيادة
ولا شراكم ؟


عورت روسكم بالمليارات :nice:
ناطر لين يوم الجمعة ابي ينزلون السعر عشان اشتري كرت:waiting:

أخوي اسمح لي حسبتك غير واقعية
- سعر باقة كاس العالم يختلف عن السعر اللي وضعته ( 100 دولار لإضافة الباقة = 365 ريال، 130 دولار للجديد = 474 ريال )
- أغلب المشتركين هم من اصحاب الاشتراكات القديمة وهم بيدفعون 100 دولار لا أكثر ، لأن أغلب عشاق الكورة شارين كرت الجزيرة من قبل ، واللي بيشتركون بس عشان كاس العالم أقل بكثيييير من القدامى .
- المشتركين القدامى ما يتجاوز عددهم المليون ونص ، يعني لو كلهم اضافوا باقة كاس العالم ما بيتجاوز اللي بيدفعونه ميه وخمسين مليون دولار ( 574 مليون ريال )

- انت تقول المشاهدين 20 مليون على الأقل ، وهالعبارة فيها عدة مغالطات :

1) المشاهدين شي والمشتركين شي ، ونسبة المشتركين للمشاهدين تصل في المتوسط إلى مشترك واحد مقابل عشرة مشاهدين إذا مب اكثر .

2) عدد سكان الوطن العربي 300 مليون ، لكن تعال نحللهم :
- 100 مليون مالهم اهتمام في الكورة ولا متعلقين بها ( اطفال صغار + شيوخ + نساء .. إلخ )
- بيبقى معانا 200 ، أكثر من نصهم تحت خط الفقر ، يعني ما يخطر في باله يشتري كرت الجزيرة ، همه شلون يغطي مصاريف كهربة التلفزيون!!
- بيبقى معانا 100 مليون ثلاث أرباعهم من دول مثل ( اليمن والشام والعراق وشمال أفريقيا ) واللي معظمهم من اصحاب الدخل المحدود ومبلغ الاشتراك يمثل راتب شهرين بالنسبة لأغلبيتهم وصعبه جداً يحطونه في كرت - هذا غير تكاليف الرسيفر !! -، لذلك يفضلون المقاهي وأماكن التجمعات ، ومن تابع منتدياتهم بيعرف .
- خنقول بيبقى معانا أربعين مليون مقتدر (( وهذا رقم مبالغ فيه ترى !! )) ، نسبة المشتركين واحد إلى عشره ، يعني أربع ملايين اشتراك ، هم اللي تحاول الجزيرة تخليهم يشتركون وما يتابعون عن طريق الشيرنج ، شوف كم بيصفا لهم في النهاية ؟!!

اللي اعرفه ان مشتركين الجزيرة الرياضية قريب يوصلون المليونين ، اغلبيتهم من دول الخليج اللي ما تشكل حتى 10% من سكان الوطن العربي واللي أغلبهم من اصحاب الاشتراكات القديمة مجرد بيضيفون عليها 100 دولار سعر باقة كاس العالم

ولا تنس ان مواطني شمال افريقيا عندهم قنوات فرنسية تبث البطولة فما يحتاجون للجزيرة اصلاً لأنهم يتكلمون فرنسي بدون أي مشاكل

وسلم لي عالمليارات :tease:

[مرتبش]

ليش 400 ريال لشيرينغ وانترنت

الاشتراك الجديد للجزيرة 360 ريال في السوق.. وانت تقترح 200 ريال هل تشوف فيه ذاك الفرق عن اقتراحك .. وممكن يكون 270 فقط اذا مشترك في الجزيرة من قبل
هل يقارن باشتراك الايه ار تي مثلا؟ مستحيل.

ونسبة ارباح الجزيرة شدراني فيها.. كمستهلك اشوف الخدمة احسن من سابقتها ومعقولة

[تحداني]

.. سعيده ان الجزيره الرياضيه ستتكفل بهذه البطوله العالميه ..
" كأس العالم عندما تشاهده عبر قنوات الجزيره .. فإنك ستشاهد



روعه في الإخراج
وروعه في النقل
وروعه في التعليق .. " المعلقين في الجزيره الرياضيه من الطراز الأول "
وإستديوهات التحليل تعطيك الزبده المتوقعه والنتائج المرسومه

.
.
مالنا غير الجزيره الرياضيه
عليهم بالعافيه الــ 300 ريال :)
وسنرفع قيمه الكروت القديمه


.
.

" لا أنصح بالشيرنج " مع العلم ما أعرف إيش قصته :shy:






جملكم الله برضى الرحمن

[جرح الزمان]

انا فرحان لاني ما احب كرة القـــــــــدم

ولا لي علاقه فيها من قريب ولا من بعيد

ف شيرنج ميرنج ما تفـــــــرق بالمناسبه شنو يعني شيرنج ؟؟

كل التوفيق لقناة الجزيرة

[@فهد@]

الشيرنج ماراح تقدر عليه لا الجزيره ولا ابوظبي

قبلهم شبكة سكاي ماقدرت عليه تقدر عليه الجزيره ولا ابوظبي

الي يثيرون شائعات ان الجزيره راح تغير الشفره مع بداية كاس العالم يفكرون الشغله ضغطة زر ويتغير كل شي

ماراح يتغير لا شفره ولا غيره

والسعر مناسب لمن يحب اشتراك رسمي .. احسن من قناة اي ار تي في كاس العالم 2006 كان الاشتراك ب 1000 ريال .. والحين ارخص

غير الجوده في البث والتعليق

والشيرنج لفئه معينه ماتحب تشترك ب الجزيره بروحها بمبلغ يخليهم يشوفون باقات كثيره بسعر مناسب ..

المتضرر هم الباقات الاخري اوربت وشوتايم اندمجوا مع بعض ؟ ليش من الشيرنج الي خسرهم وماقدروا عليه

[قطر501]

ياجماعه كلها كرت 360 او 400 ريال وشوف كاس العالم وانت مرتاح ترى حنا ناخذ في حياتنا اشياء تافه تتعدى سعر كرت الجزيرة

[في الصميم]

الظاهر ان الجزيرة خذوا باقتراحي.
أشوفهم نزلوا الاسعار.
عشان تدرون بس اني مهم:nice: