سؤال بخصوص فندق كمبرلاند لندن ..ضروري

[قلم صادق]

السلام عليكم ..

خواني وخواتي حبيت أسأل من جرب فندق كمبرلاند اللي جنب اكسفورد ..زين ولا مايسوى

لاني بروح في شهر 7 ومعاي عيالي صغار وبالنسبه لي النظافه اهم يعني الفندق نظيف ....

وياريت اللي جربه يكتب تجربته عنه ...ومشكورررين مقدمآ

[شواروفسكي]

بعد اذن راعي الموضوع

انا بعد نفس الشي

ودي اعرف عنه اكثر

لاني ان شاء الله رايح في شهر 7

[jassem777]

وانصح الي يبي يسكن فندق يسكن في فندق هيلتون متروبولتو طبعا بداية ادجوروود

سعر الليله ايام الاسبوع 180 وفي العطله 140 باوند

ليش انا اخترت الهيلتون طبعا ديرو بالكم ترى في لندن بس 7 فنادق هيلتون

لان في فنادق نفس السعر مثل الكمبرلاند

فندق انا سكنته حجزته من الكويت امدحوه بعض الشباب طلع مغلب

مساوء هذا الفندق

1- الغرف صغيره

2- باب الحمام اعزكم الله جام ( قزاز)

3- الروم سيرفس تعبانه لبعد حد

4- بوفيه الريوق الله يديم النعمه يعني خلوها على الله

5 - الفندق بلعطله يرغبون الاجانب السكن فيه وقمة الازعاج ولافيه لوبي تجلس فيه بس بار

والفندق الثاني سكنت ماربل ارتش

1- الفندق غرفه حلوه بس صغيره

2- الوبي كانك جالس بحراج من الازعاج

3- اذا صعت بلفت رايح لغرفتك طبعا يبيلك بانشي او تكتك عشان توصل الغرفه

ممرااته حيل حيل طويله واخل معاك ماجلان

4- بوفيه الافطار وصخ والجلاسات وصخه واكله محدود ولا فيه شي يشجع انك تاكل فيه

5- الرسيبشن الاستقبال طبعا والله ياخوان من تدخل عليه ودك انك تقوله يامعود عطني شيك اوت

ولافيه تعاون

اما عن فندق هيلتون متروبلتو

الغرفه تحس انك ساكن صحيح من ناحية النظافه والحجم

اما البوفيه الشيف واحد مصري نوبي يدلعك على الاخر

دلع دلع

والوبي في كوفي للفندق وفيه بعد كوستا كوفي

وعقب ماترتاح اسكن دور لك سكن على راحتك
وهذا رابط الفندقhttp://www.booking.com/hotel/gb/hilt...out=2010-07-28


والي يبي فندق مطله حلو ويقول انا ماني رايح حق شارع العرب ادجوروود

بس حق المطاعم

عندك شارع بارك لين هذا قريب من شارع العرب ومن اكسفورد ومن محطة الباصات

[Marriott]

مرحبا الغالي

انا سكنت في الكمبرلاند اكثر من 5 مرات على مدى السنتين اللي فاتوا الى الآن
نفس ماذكر الاخ ان الفندق نظام غرفه ضيقة ، بس نظيفة
اذا حبيت شوي اوسع خذ لك ( دبل رووم ) السرير اكبر طبعا والمساحة شي بسيط اكبر

حبيت اذكر لك ولجميع الاخوة نقطة عن الكمبرلاند وهالشي عرفته من خلال تكرار سكني فيه ان الغرف مختلفة الاحجام ، انصح بالغرف القريبة من اللفت ( الاسنسير ) عادة تكون متساوية وطويلة شوي .
عند التأكيد على الحجز في الفندق نبههم انك تبي غرفه اوسع ، عندهم قائمة فيها كودات يعرفون الاحجام فيها والالوان ايضا، منهم الابيض مع التركواز ، ومنهم الوردي مع الاحمر و البيج .

بالنسبة للاسعار انا دوم احجز بالنت عن طريق بوكينغ ، الزين في هالموقع مايحجز اي مبلغ من الكردت الين توصل هناك وتدخل الغرفة .

في نقطة مهمه جدا ،اغلب الفنادق يطلبون منك حجز مبلغ معين على الكردت وبعضهم في لندن بالذات مايعطونك خبر ويحجزون مبلغ وصار لي في الكمبرلاند وتهاوشت معاهم ، لان اذا بتجلس اكثر من 6 ايام مثلا راح يحجز مبلغ كبير وتكون انت بحاجة له في المشتريات لاتنسى انك في الاكسفورد يعني شوبينغ :)

تفاوض معاهم بمبلغ الحجز، او قول هم انا بعطيكم تأمين نقدي بمبلغ ترضى به، وعلى فكرة بعض الناس مايخذون عليهم تأمين ، على حسب الشخص اللي بيستلم دخولك.

اي استفسار انا حاضر

[فكتوريه]

اخوي ماريوت

كيف نظام موقع booking ياريت تشرح لنا شويه انا ناويه احجز في فندقين واحد اللي هو الكمبرلاند والثاني في باريس الي هو اللوفر،، وشفت اسعارهم طلع اسعارهم ارخص من البوكنغ ..

ولو كلامك عن البوكنغ صحيح فماراح يهمني لو خذوا زياده مادام انهم ماراح يسحبون من الكريدت الا بعد ما اسكن وهاي اهم شي عندي ...

ياريت تشرح لنا بالتفصيل شويه عشان الكل يسيفيد

مشكور مقدما ًٍ

[ولد شرق]

اخوي عن ان الغرف اصغيره
الفندق ممتاز جدا
انا سكنت فيه اكثر من مره
الخدمات ممتازه
والروم سيرفز ممتاز
والصراحه كانوا ينظفون الفندق مرتين في اليوم
واللي لفت انتباهي ان العماله اللي تشتغل في تنظيف الغرف امينين لأبعد الحدود يعني بعض الاوقات انسى الفلوس على الطاوله ارجع احصلها مثل ماهي
وبالنسبه للموقع انت ادرى به ماعليه كلام
عائلي بحت يعني لا بين دواعيس ولا شي


واتمنى لك رحله سعيدة...

[كايد الوكره]

افضل فندق هو ماربيل آرتش ثيتل
قريب من كمبرلاند , وهو في شارع الاكسفورد بجانب السلفردجز

[bo_besht]

ما انصح فيه ابدا
معاملة زفته
الغرف صغيرة

[Gh2o]

اخوي الفندق له قسم جديد بمدخل منفصل على يدك اليسار والغرف فيه اكبر بواااااااايد واحلى

[وارث العز]

اخوي الفندق احسن شيئ فية موقعة .بين الاكسفورد والاجوان رود والهايد بارك 3 دقايق

عيبة قديم وغرفة ضيقة وايد .

[جغرافي قطر]

ما يبط جبدي فيه الا باب الحمام

قزااااااااااااااااااااااااااااااااااز

بس انا اسكن فيه عشان انام واحط اغراضي

18 ساعه من ال24 ساعه كله برا

ههههههههههههههههههههه

[مبرمج QA]

ما انصحك اخوي ... الفندق مش نظيف .. أحسن شي فيه اللوبي كبير وشرح ومكان الفندق مكان حلو..

وانصحك تسكن في هيلتون متروبولتو وايد يمدحونه وهو بداية شارع العرب .. بس طبعا بعيد اشوي عن الهايدراك مش مثل فندق كمبرلاند

[الهاوي]

الفندق زين لقربه من كافة الأماكن المهمة للسلئح, فعلاً بعض الغرف صغيرة لكن مثل ماقالوا بعض الأخوان اطلب منهم غرف واسعة , البوفيه ممتاز , النظافة ممتازة , الشيك ان والشيك اوت بسيط جداً ومتعاونين , انا مره خذا فوطتي بالغلط وعند الشيك اوت بلغتهم وعلى طول جابولي فوطة غيرها وقالو لي هذا الحل السريع اللي نقدر عليه بس الغرف حظك نصيبك لأني كل مرة اسكن غي غرفة غير.

[ذكي جدااا]

انا خذته ب 80 بااااااوند بس في 2004

[K.A]

اخوووووي في شقه ملك شخص كويتي يأجرها بين اكسفورد وجوان رود موقع مميز واليوم 120 باوند
بس في الصيف ما ادري حسب اذا راعيها هناك او لا ما ادري انا خذته شهر 12 وحلوه

وعن كمبرلاند حلووو وفيه فوق 1000 غرفه ترى وكبير وموقع مميز

بس يمكن تشوف مناظر ماتعجبك واللوبي زحمه وكله شباب بس سعره حلوهـ وااايد وموقع مميز

[بو خليفه 123]

السلام عليكم ..

خواني وخواتي حبيت أسأل من جرب فندق كمبرلاند اللي جنب اكسفورد ..زين ولا مايسوى

لاني بروح في شهر 7 ومعاي عيالي صغار وبالنسبه لي النظافه اهم يعني الفندق نظيف ....

وياريت اللي جربه يكتب تجربته عنه ...ومشكورررين مقدمآ


بعد اذن راعي الموضوع

انا بعد نفس الشي

ودي اعرف عنه اكثر

لاني ان شاء الله رايح في شهر 7


ما انصح اذا عيالكم معاكم نظراً لضيق الغرف و صغر المساحات , و أنا سكنت في كمبرلاند القديم و سكنت فيه ايضاً بعد التجديد , والسبب الوحيد اللي يخليني ارجع و اسكن فيه موقعه المتميز لأنه كل شي تبيه موجود حولك و اسعاره نسبياً نفس اسعار الفنادق الخمس نجوم الاخرى .


رحله سعيده

[A l i]

جروفنر هاوس او ميلينيووم مايفير :d
اما كمبرلاند مايمدحونه :p

[Marriott]

اخوي ماريوت

كيف نظام موقع booking ياريت تشرح لنا شويه انا ناويه احجز في فندقين واحد اللي هو الكمبرلاند والثاني في باريس الي هو اللوفر،، وشفت اسعارهم طلع اسعارهم ارخص من البوكنغ ..

ولو كلامك عن البوكنغ صحيح فماراح يهمني لو خذوا زياده مادام انهم ماراح يسحبون من الكريدت الا بعد ما اسكن وهاي اهم شي عندي ...

ياريت تشرح لنا بالتفصيل شويه عشان الكل يسيفيد

مشكور مقدما ًٍ

مرحبا اختي

موقع بوكنغ اصبح افضل الان من المواقع الثانيه لأنه مايسحب من الكردت الا بعد الدخول للغرفة ، وهذي ميزة تحتسب للموقع خصوصا لفنادق الدول الاوربية،لانهم يكونون حازمين في الدفعيات.

لو دخلتي موقع البوكينغ راح تلاحظين على جنب مكتوب مانسحب من الكردت ! يعني مجرد تأمين ان عندكم كردت وفيه مبلغ .

عند الوصول بالسلامه راح تدفعين للفندق فقط ، وعمولة الموقع راح ياخذها بطريقته الخاصة، السعر المتفق عليه ماراح يتغير فلا تخافين .

طبعي التأكيد من الايميل وخذيه معاكم عند الدخول للفندق وكل شي سهالة .

اي استفسار انا حاضر .

[دانتيل~]

اختي انا حاجزه السنه في الماريوت + هيلتون هايد بارك حلوين واسعارهم معقوله ^^

[فكتوريه]

مرحبا اختي

موقع بوكنغ اصبح افضل الان من المواقع الثانيه لأنه مايسحب من الكردت الا بعد الدخول للغرفة ، وهذي ميزة تحتسب للموقع خصوصا لفنادق الدول الاوربية،لانهم يكونون حازمين في الدفعيات.

لو دخلتي موقع البوكينغ راح تلاحظين على جنب مكتوب مانسحب من الكردت ! يعني مجرد تأمين ان عندكم كردت وفيه مبلغ .

عند الوصول بالسلامه راح تدفعين للفندق فقط ، وعمولة الموقع راح ياخذها بطريقته الخاصة، السعر المتفق عليه ماراح يتغير فلا تخافين .

طبعي التأكيد من الايميل وخذيه معاكم عند الدخول للفندق وكل شي سهالة .

اي استفسار انا حاضر .

مشكور اخوي ردك كافي ووافي ... بصراحه جربت هاي الويك اند احجز عن طريق الفندق مباشره وما اقصد هاي لا في دبي والحمدلله اول ماجيت سئلوني ابي ادفع كاش ولا يسحبون من نفس البطاقه قلت لا كاش ... يعني الحمدلله اللحين كلهم الفنادق وموقع البوكينغ مايسحبون الا بعد ما تسوي شيك ان ...

وكلمت الكمبرلاند بعد عن طريق الهاتف لاني ناويه احجز من الموقع مباشره احب اروح للمصدر :) وقالت لي الموظفه ان سياستهم تنص انهم مايسحبون المبلغ الا بعد ماتسوين شيك ان و في نفس الوقت ممكن الواحد يدفع كاش او بالبطاقه :thumbup: