تخيل معاي مرسيدس g55 , لونه أسود , مع شوية عازل عاكس .. ها وش رايك ؟

[بو خليفه 123]

السلام عليكم و رحمة الله و بركاته



اسعد الله مساكم بكل خير


بصراحه أنا حسيت انه قسم السيارات لدى شبكة الأسهم القطريه هي افضل مكان للأستفادة من آرء الشباب لأنه ما شاء الله عليكم خبرتكم لا غبار عليها و فوق هذا ذوقكم رفيع ..


أنا ان شاء الله معزّم اشتري مرسيدس g55

اللون أسود

و سعره بعد الخصم طلع علي بـ 523 ألف


وش رأيكم بالموتر ؟

و اذا حد عنده هالموتر .. كيف استخدامه ؟ و هل هو عملي أم لأ ؟

يعني ياليت تعطونا آرائكم بشكل عام من ناحية سلبيات و ايجابيات


مع خالص الشكر والتقدير ..


تقبلوا تحياتي

[بوسحيم]

الحمدلله انا عندي واحد ابيض ومرتاح منه
وعجييييب

[qatar-uae]

هلا اخوي

تحمل تشتري الموتر من وجهة نظري

لان الموتر وعر وايد وجنك راكب ابو حوض ولا انصحك تشتري موتر اسود ماينفع لبلادنا

ونصيحتي لك اشتر رنج لاني مجربه ومجرب المرسدس فرق وايد بينهم ونا امس مريت الشركه لقيت عندهم واحد ابيض لمتد اسبورت والله روعه

تحياتي

[زمن الغدر]

اخوي الموتر وعر
ماينفع لاستخدام اليومي
جرب تست عندهم بالوكاله
وخذ رمادي ولا سلفر وضربه عاكس

[السامـي]

و سعره بعد الخصم طلع علي بـ 523 ألف

عليكم السلام ورحمة الله وبركاته.
يا بو خليفة،أنا مشيك عليه في موقع الياهو،وطالع سعره
ما يعادل 447000 ريال قطري،جديد أصفار،طبعاً هذا
سعر أمريكا بإلاضافة الى الـ Tax،وضمان مفتوح
خمس سنوات.

[_QTR_]

انا اشهد انه موتررررررررررررر

والله انه روعه وهذا وجهة نظري

[فلفل حار]

الموتـر ماعليه كلام ...
بس نصيحتي لكـ لو تشوف لكـ مستعمل تحصله بنص السعـر ...


ولاتحاتي الخرابات ترا هالمرسدس قوي ماشالله والقوي الله ...:nice:

[فلفل حار]

ع فكـره آصدقوا الشباب بوعورة الموتر ...
جداً وعر ...



وواحد من ربعي آماراتي مغير جامبيناته بالوكاله عندهم بـ40 آلف ...
4 جامبينات ...!

[الخاطف]

حرام تدفع 500 ألف وفي الاخير لون اسود ما يناسب اجوائنا

حلاته باللون الابيض ..

وتضربه عاكس خفيف ..

[al-buainain]

الموتر ما فيه حيله اسود وعليه عازل سلفر صدقني بدون لا تكبس حق الي على الخط بيفتحون لك الطريق

تلقائياً

والله يبارك انشاءلله

[البوررصة]

الناس اذواق طال عمرك وكل سيارة لها عيوب
وبنسبة للموتر حنا مجربينة ومثل ماقاولك الشباب وعر قليلا
والسيارة تغيرت من 2009 والله يوفقك في حلالك ويرزق ويعطيك الذرية الصالحة

...

[بو خليفه 123]

الحمدلله انا عندي واحد ابيض ومرتاح منه
وعجييييب



الله يبارك لك فيه يا بو سحيم .. يعني من كلامك شكلك تنصح اني اتوكل على الله

شاكر لك مرورك عموماً :victory:

[قطـ VERTU ـر]

مستعملين نضاااف تارسين السوق في الامارات ومحد لهم .. وكلهم موديلات جديدهـ ..
وفي حركه يسونها اخوآنا الاماراتيين شفتها في احد منتدياتهم .. يآخذون جي 500 وارد امريكا على 90 ولا 100 الف موديل 2005 ولا اقل شوي .. ويحولونه جي 55 موديل 2010 كل شي اصلي من الوكاله بتكلفه تتراوح مابين ال 45 الى 50 الف ..

وبالنسبه حق المستعلمين النضااف .. اسعارهم ارخص بوآيد من الجديد .. بالاضافه الى هنآكـ تحصل كتات خشنه مثل هآمآنـ , asma , وبرابوس وغيرهـ .. يعني صج الموتر بيكون مميز .. وبتوفر فيه مبلغ محترمـ ..

[ahmed8]

بيعته ثقيله من قلب

[بوشاهين2]

بالتوفيق .....

[فقط قطر]

رغم اني اخذت 2 2008 و 2009....بس والله مش مقتنع فيه....بس يالله...

الله يخلي بوراشد....سمو الشيخ ( محمد بن راشد آل مكتوم ) هو اللي رفع شانه...

[Bond 007]

الموتر ما فيه حيله اسود وعليه عازل سلفر صدقني بدون لا تكبس حق الي على الخط بيفتحون لك الطريق

تلقائياً

والله يبارك انشاءلله

مووتر قوي بصراحه انا جربته تست درايف ما نمت فالليل خخخخخخ صج وعر ومع المطبات مب شي بس ثقيل و جامد عالشارع
والاحلى مثل ما قال اخوي الطريق مفتووح لك ايه عليه ادري انه مستحيل حق البنات :weeping:

[XXX]

الموتر عجيب وما عليه كلام واذا عشانه وعر تقدر تبدل جانبيناته بالامارات وامورك طيبه

[المليونير الفقير]

اخوي انا سالت فالوكاله قالو بغيرون الشكل 2011 وتغير كبير واسال الشركة

[بو خليفه 123]

هلا اخوي

تحمل تشتري الموتر من وجهة نظري

لان الموتر وعر وايد وجنك راكب ابو حوض ولا انصحك تشتري موتر اسود ماينفع لبلادنا

ونصيحتي لك اشتر رنج لاني مجربه ومجرب المرسدس فرق وايد بينهم ونا امس مريت الشركه لقيت عندهم واحد ابيض لمتد اسبورت والله روعه

تحياتي

وجهة نظر يالغالي .. و اشوف الاغلبيه يقولون عيبه في جامبيناته



مايندرى ؟

[FULL]

في احتمال يصير للموتر Facelift لموديل 2011

انطر ليين شهر 9 هالسنه وشوف اذا بيتغير او لا مانصحك تستعجل
حسب الخبر على الرابط التالي
http://www.worldcarfans.com/110060826698/mercedes-g-class-to-get-more-updates-for-2011

[بو خليفه 123]

اخوي الموتر وعر
ماينفع لاستخدام اليومي
جرب تست عندهم بالوكاله
وخذ رمادي ولا سلفر وضربه عاكس

مريت عليهم مالقيت الموتر للـ Test Drive

لكن جربت واحد اليوم

و من كم يوم جربت واحد عليه Hamann Kit

يعجز اللسان بصراحه :)

شاكر لك مرورك الكريم

[alkoos]

انت تقصد الي كنه كبت والله هذا مادفع عليه 100 الف الرنج سبورت ولا اللاكس 6 احلى منه بوايد
محد قوم سوق هــ الصندوق هذا الا الشيخ محمد بن راشد ولا الصراحه الموتر مايستاهل قيمته كلش
500 الف عسى ماشر بسعر هذا اخذ لي كيان جي تي اس ولكزس فورويل ابرك لي

[QaTaRViP]

الله يوفقك اخوي

[حليتان*]

الله يوفقك يا بوخليفة ...صراحه الموتر حلو بس ماجربته


اذا الموتر عاجبك توكل على الله وسو الي يريحك

[فلفل حار]

لايحوووشكـ يا بوخليفه ...
http://www.qatarshares.com/vb/showthread.php?t=373420

[وطن]

الصراحة أنا وايد احب شكله من زمان
واذا اسود حلاته عليه مخفي اسود خفيف
مب عاكس

واذا على الوعوره حتى الاكس فايف والام ال والرنج وعرين
عن تجربه

بس لازم تتعود تخفف ع المطبات

اللي متعود على سواقة اللكزس والكروزر فيهم نعومه وايد ما يحسون بالمطبات
عشان جذي اول ما يركبون السيارات الالمانيه يحسونها وعره
لانهم يجون بنفس سرعتهم اللي متعودين عليها


وبالتوفيق :)

[كركرمحد]

بوخليفه


اسمعــهـا مني يا اخوك

انا جربت ال 2009 صدق انه وعـر بس فهيبته ورزته ماعليه اي كلااااااااام

صدقني صدقني صدقني رزه وهيبه وحــــلـــــو وما ياخذونه الا الذويقه الي نفسك :)

وماعلى الربع قصـور ولولا اختلاف الأذواق لا بارت السلع

فا انا اقولك اخر موديل نزل منه الي هو سبشل ادشن 79 حبه فالعالم و وصلت قطر

13 حبه وانباعت وشكل باقي حبه وحده فالشركه هـذا اذا ما انباع


لونه رمادي او رصاصي مات وعليه سسبنشن من الوكاله ولون الرنقات تختلف

ماشاء الله عليه

الفرق بينه وبين ال 2010 الكرسي فرررق كبير ال 2010 اريح بواجد

وتقدر تركب عليه جنبينات (( سبنشن ال جي 500 )) بيكون ريف وااااااجد بس مابيصلح لك انك تدوس فالموتر


انا اقول اخذ لك واحد اصفار وارضخله سسبنشن من الوكاله ب 40 الف

وخله عندك 5 سنين قداااااام وامورك فالسيفتي سايد

بس احتمال 60 فالميه بيتغير شكله في 2011 وراجع الشركه احسن لك

ولا يقصووون عليك يقوولوون لك ماراح ينزل ولا يتغير


وبيعته سهله

اسال مجرب ولا تسال طبيب :) ^_^ وبالتوفيق يالغالي

بس حاول تتبتعد عن اللون الأسوود :(

[بوطلال71]

well i guees you should take care couse the price what are you going to pay is too much
take your time man .......

[بو خليفه 123]

عليكم السلام ورحمة الله وبركاته.
يا بو خليفة،أنا مشيك عليه في موقع الياهو،وطالع سعره
ما يعادل 447000 ريال قطري،جديد أصفار،طبعاً هذا
سعر أمريكا بإلاضافة الى الـ tax،وضمان مفتوح
خمس سنوات.


صبحك الله بالخير يالسامي ..

اشكرك على مرورك و تعقيبك الكريم ..

صادق أخي الكريم و للعلم فيه اسعار لقيتها في امريكا ارخص من سعرك


و لكن ... ؟


وارد امريكا غير وارد الخليج كـ مواصفات مثل العداد و بمبات البترول و امور تقنيه اخرى .

يعني عشان اجيب لي سياره من امريكا لها اجرائات مطوله مع الجمارك , مع المرور , مع الوكاله ... أنا بغنى عنها


تقبّل تحياتي ..

[Khaled Qatar]

ذوق صراحه توكل على الله

[بو خليفه 123]

انا اشهد انه موتررررررررررررر

والله انه روعه وهذا وجهة نظري


و أنا اشهد انك صادق :)


لا هنت على المشاركه الطيبه أخي الكريم ..

[بو خليفه 123]

الموتـر ماعليه كلام ...
بس نصيحتي لكـ لو تشوف لكـ مستعمل تحصله بنص السعـر ...


ولاتحاتي الخرابات ترا هالمرسدس قوي ماشالله والقوي الله ...:nice:


يا مرحبا اخوي فلفل - ولكم باك على قولتهم :)


لقيت كم جي كلاس مستعمل لكن ماهي بالمواصفات اللي تدخل مزاجي والممشى يا يكون واجد و مطلوب فيه سعر خيالي او يكون لونه مهب اللون اللي ابيه


اما من ناحية خرابات فعلاً أنت صادق و لكن المثل يقولك :

احشم موترك بيحشمك :)

و لله الحمد استخدامي لكل سياراتي معقول و أنا عادةً هادىء بسواقتي (اذا مالفوا علي الحريم بالشارع) ..


تقبّل تحياتي

[البدر 8]

سيارة شيوخ وملوك انت صح

[بو خليفه 123]

ع فكـره آصدقوا الشباب بوعورة الموتر ...
جداً وعر ...



وواحد من ربعي آماراتي مغير جامبيناته بالوكاله عندهم بـ40 آلف ...
4 جامبينات ...!


يعتمد على كثرة الاستخدام والمشوار المقصود بأستخدام هذي السياره تحديداً ..


و اذا على الوعوره ترا بتستغرب اكثر من سيارات مشهوره اساميها و تكتشف انها وعره

مثل ال x6

[فلفل حار]

يور ولكم يابوخليـفه ...:)




بيني وبينكـ سواقة الحريم الله بالخيـر يا بوخليفه والله يعينـا وآنا آخوكـ :secret:...
الله يوفقكـ وتلاقـي لكـ آلي يطيـب خاطركـ ...

[بو خليفه 123]

حرام تدفع 500 ألف وفي الاخير لون اسود ما يناسب اجوائنا

حلاته باللون الابيض ..

وتضربه عاكس خفيف ..


وجهة نظر و احترمها ..

اما من ناحية الغسيل ان شاء الله راجو وعدني يتكفل بغسيل السياره بالحوش كل يوم

والناس اذواق ..

و أنا من وجهة نظري ارى أن الاسود مناسب جداً على هذي السياره ..


و رأيك على الراس والعين يالغالي ..

[بو خليفه 123]

الموتر ما فيه حيله اسود وعليه عازل سلفر صدقني بدون لا تكبس حق الي على الخط بيفتحون لك الطريق

تلقائياً

والله يبارك انشاءلله


يا سلام على وصفك خليتني اتخيل المنظر ..تلقائياً ..

تهقى يسوي شغل مع اللي يمشون 60 على الخط السريع ؟ :) :)


تقبّل تحياتي أخي الكريم

[بو خليفه 123]

الناس اذواق طال عمرك وكل سيارة لها عيوب
وبنسبة للموتر حنا مجربينة ومثل ماقاولك الشباب وعر قليلا
والسيارة تغيرت من 2009 والله يوفقك في حلالك ويرزق ويعطيك الذرية الصالحة

...


صحيح و هذي جمالية الموضوع .. انه الناس اذواق


بس وشهو التغيير اللي تقصده ؟


و يوفقك بمثله , و شاكر لك مرورك و تعقيبك الكريم

[qatar1111]

معرض ليوا عنده 2010 اسود من الداخل اسود

واعتقد عليه جمبينات وسبيسرات

بس مادري موجود ولا راح

وبالتوووفيق

[المبرمج صلاح]

http://cdn4.mattters.com/photos/photos/1440745/mercedes-g55-amg-by-_460x0w.jpg

اعتقد هذا الشكل احلى ما يكون من الاسود ولا ايش رايكم يالربع

[mohd88]

الله يوفقك اخوي

[بـــاروود]

ماعندي خلفيه عن الموتر ولاكن حبيت اشارك بدعوه الله يوفقك ويكتبلك الي فيه الخير

[alshahen]

بالتوفيق

[h a m a d]

توكل على الله يا بوخليفة

والناس اذواق والموتر ما عليه كلام رزه الصراحه

وانا ان شاء الله ناوي على واحد مستقبلاً بس اللون ابيض .

شوف هالموقع يمكن يفيدك

http://www.netcarshow.com/mercedes-benz/2004-g55_amg_kompressor/


http://www12.0zz0.com/2010/06/16/07/752765707.jpg

[بو خليفه 123]

مستعملين نضاااف تارسين السوق في الامارات ومحد لهم .. وكلهم موديلات جديدهـ ..
وفي حركه يسونها اخوآنا الاماراتيين شفتها في احد منتدياتهم .. يآخذون جي 500 وارد امريكا على 90 ولا 100 الف موديل 2005 ولا اقل شوي .. ويحولونه جي 55 موديل 2010 كل شي اصلي من الوكاله بتكلفه تتراوح مابين ال 45 الى 50 الف ..

وبالنسبه حق المستعلمين النضااف .. اسعارهم ارخص بوآيد من الجديد .. بالاضافه الى هنآكـ تحصل كتات خشنه مثل هآمآنـ , asma , وبرابوس وغيرهـ .. يعني صج الموتر بيكون مميز .. وبتوفر فيه مبلغ محترمـ ..


اشكرك على اقتراحك الطيب

للعلم - هيئة المواصفات والمقاييس ماتسمح بدخول سيارات تقل عن موديل 2005 الا بموافقه من وزير الأعمال والتجاره .. يعني ماتسوى العنوه في نظري .

و بعدين انت ادرى بغربال الفحص الفني و شروطه .. شروط أنا بغنى عنها ايضاً .


لا هنت يا فيرتو على الاثراء الطيب

[بو خليفه 123]

بيعته ثقيله من قلب


كل المواتر بيعتها ثقيله طال عمرك .. السوق ماعاد مثل الأول

هذا جي 55

مهب في اكس آر


اشكرك على تعقيبك الكريم ..

[حمد بن خالد]

انا اشوف فيه عيب واحد فقط

دام انه g55 اكيد قوي وسريع

ويوم تعطيه ريس كلها ثواني وانته فوق الـ 120

عاد من توصل الـ 120 اسمع صوت الهوى اللي يضرب الجامة

والله لو تطول على صوت المسجل ماتسمع شي من الازعاج

لان الزجاج الأمامي مش مايل ومايوافق سرعة وقوة الموتر

لكن بشكل عام

موتر مافيه حيله

:)

[بويعقوب]

بوخليفه

انا رايي ان البورش الجديد أحلى

أو الرنج الفوج اسود من داخل أوف وايت

والــ g55 عيبه ان غمارته كبيره ومهب انسيابي

والله يوفقك في الموتر الطيب

[بو خليفه 123]

بالتوفيق .....



وياك , و يوفقك ان شاء الله


اشكرك على دعوتك الصالحه

[بو خليفه 123]

رغم اني اخذت 2 2008 و 2009....بس والله مش مقتنع فيه....بس يالله...

الله يخلي بوراشد....سمو الشيخ ( محمد بن راشد آل مكتوم ) هو اللي رفع شانه...


طيب يالغالي دامك منت بمقتنع فيه ليه خذته للمره الثانيه في 2009 ؟

اكيد فيه شي مميز خلى قلبك يتعلق به :victory:

[بو خليفه 123]

مووتر قوي بصراحه انا جربته تست درايف ما نمت فالليل خخخخخخ صج وعر ومع المطبات مب شي بس ثقيل و جامد عالشارع
والاحلى مثل ما قال اخوي الطريق مفتووح لك ايه عليه ادري انه مستحيل حق البنات :weeping:



مافي شي مستحيل على البنات ما شاء الله عليهم قاموا ينافسون الشباب في انتقاء السيارات و اقتنائها :)

لكن فعلاً .. أنا مره شفت وحده تسوق جي 55 و حسيتها ضايعه بالسياره و واضح انها سيارة زوجها او اخوها ...


ليكون هذي انتي اللي شفتج ؟ (الله يستر على السياره من سواقتك) :)

[بو خليفه 123]

الموتر عجيب وما عليه كلام واذا عشانه وعر تقدر تبدل جانبيناته بالامارات وامورك طيبه


لا هنت - اقتراح طيب من شخص طيب

و ان شاء الله جاري التفكير

[راعي الدتسن]

والله لو تجيني فلوس مايردني الا هالموتر

توكل على الله وخذه

[al-vtc]

اخوي الموتر جدا وعر لابعد الحدود

انا والله جربته بس صج وعر وما ينفع لشوارعنا

وعلى فكره انا جربته في رمله من ناحية العزم ما عليه كلام وقوي قوي

بس عيبه وعر وعر والله اني رجعت البيت ظهري رايح فيها من سواقته

في مواتر افخم وارخص من سعرة وانا اقولك اخذه اذا في حل لمشكلة الوعورة يعني اذا في جانبينات والا اي شي

وبالتوفييييييق اخوي

[بو خليفه 123]

اخوي انا سالت فالوكاله قالو بغيرون الشكل 2011 وتغير كبير واسال الشركة

التغيير الوارد هو الشبك (واجهة اماميه بسيطه) من الممكن تغييرها أي وقت

أما تغيير جذري بالشكل الموتر مثل ماهو



شاكر لك نصيحتك القيذمه أخي الكريم - تقبّل تحياتي

[بو خليفه 123]

في احتمال يصير للموتر Facelift لموديل 2011

انطر ليين شهر 9 هالسنه وشوف اذا بيتغير او لا مانصحك تستعجل
حسب الخبر على الرابط التالي
http://www.worldcarfans.com/110060826698/mercedes-g-class-to-get-more-updates-for-2011


عموماً اخي الكريم الفيس لفت هي قطع قابله للتغيير .. والجي كلاس سيبقى جي كلاس
و بالذات اذا كان عليه Hamann Body kit

بيطلع احلى من الفيس لفت بمليون مره .. من وجهة نظري الشخصيه


جزاك الله خير على النصيحه القيّمه

[بو خليفه 123]

انت تقصد الي كنه كبت والله هذا مادفع عليه 100 الف الرنج سبورت ولا اللاكس 6 احلى منه بوايد
محد قوم سوق هــ الصندوق هذا الا الشيخ محمد بن راشد ولا الصراحه الموتر مايستاهل قيمته كلش
500 الف عسى ماشر بسعر هذا اخذ لي كيان جي تي اس ولكزس فورويل ابرك لي


الناس اذواق أخي الكريم و إنت مثل ماهو بعاجبك .. تراه يعجب غيرك و مستعد يدفع مليون بدال 500 ألف

و الموتر ماله علاقه في الشيخ محمد بن راشد لانه الشيخ محمد عنده الفراري والمزاراتي والرنج و البورش و كل المواتر .. ماجات على الجي 55 او على الكبت مثل ماسميته

اشكرك على تعقيبك الكريم أخي العزيز

[دنهل]

عليك بالكزس 570وبس

[بو خليفه 123]

الله يوفقك اخوي

و يوفقكم كما قلتم


شاكر لك مرورك العطر

[بو خليفه 123]

الله يوفقك يا بوخليفة ...صراحه الموتر حلو بس ماجربته


اذا الموتر عاجبك توكل على الله وسو الي يريحك


توكلنا على الله يالغالي و كلها ايام ان شاء الله و توصل السياره


و ان شاء الله انت بالذات لك لفه بالموتر :) :)

[بو خليفه 123]

لايحوووشكـ يا بوخليفه ...
http://www.qatarshares.com/vb/showthread.php?t=373420


لا وين ياخوي

على قولة الانجليز :

Not my cup of tea

;)

[بو خليفه 123]

الصراحة أنا وايد احب شكله من زمان
واذا اسود حلاته عليه مخفي اسود خفيف
مب عاكس

واذا على الوعوره حتى الاكس فايف والام ال والرنج وعرين
عن تجربه

بس لازم تتعود تخفف ع المطبات

اللي متعود على سواقة اللكزس والكروزر فيهم نعومه وايد ما يحسون بالمطبات
عشان جذي اول ما يركبون السيارات الالمانيه يحسونها وعره
لانهم يجون بنفس سرعتهم اللي متعودين عليها


وبالتوفيق :)

تسعدني اختلاف الآراء و رأي الجنس اللطيف اصبح حالياً مهم حتى في سوق السيارات و يبدو ان لديك خبره واقعيه تدل عن تجربه شخصيه بالاكس فايف والرنج .

بس من اللي فيهم نعومه بالكروزر واللكزس قصدك صاحب السياره ولا السياره نفسها ناعمه ؟ :)


اما بخصوص المخفي .. شور طيب و حالياً العازل اللي في بالي هو عباره عن اللون الفحمي .


والسرعه والمطبات هذي ترجع للسائق نفسها بغض النظر عن نوع السياره . و لله الحمد أنا لست من محبي السرعه والسباقات و تسلق المطبات بسرعه عاليه .


اشكرك على اثرائك القيّم ..

[وطن]

هاهاهاهاها
السيارة يا بو خليفة
مب راعي السيارة

[بو خليفه 123]

بوخليفه


اسمعــهـا مني يا اخوك

انا جربت ال 2009 صدق انه وعـر بس فهيبته ورزته ماعليه اي كلااااااااام

صدقني صدقني صدقني رزه وهيبه وحــــلـــــو وما ياخذونه الا الذويقه الي نفسك :)

وماعلى الربع قصـور ولولا اختلاف الأذواق لا بارت السلع

فا انا اقولك اخر موديل نزل منه الي هو سبشل ادشن 79 حبه فالعالم و وصلت قطر

13 حبه وانباعت وشكل باقي حبه وحده فالشركه هـذا اذا ما انباع


لونه رمادي او رصاصي مات وعليه سسبنشن من الوكاله ولون الرنقات تختلف

ماشاء الله عليه

الفرق بينه وبين ال 2010 الكرسي فرررق كبير ال 2010 اريح بواجد

وتقدر تركب عليه جنبينات (( سبنشن ال جي 500 )) بيكون ريف وااااااجد بس مابيصلح لك انك تدوس فالموتر


انا اقول اخذ لك واحد اصفار وارضخله سسبنشن من الوكاله ب 40 الف

وخله عندك 5 سنين قداااااام وامورك فالسيفتي سايد

بس احتمال 60 فالميه بيتغير شكله في 2011 وراجع الشركه احسن لك

ولا يقصووون عليك يقوولوون لك ماراح ينزل ولا يتغير


وبيعته سهله

اسال مجرب ولا تسال طبيب :) ^_^ وبالتوفيق يالغالي

بس حاول تتبتعد عن اللون الأسوود :(


ماعليك زود والذوق منك و فيك أخي الكريم ..

شور طيب من شخص حكيم بالسيارات

استفسرت بخصوص الفيس لفت و مثل ماتفضلت قالوا احتمال كبير الشبك يتغير

عموماً أنا ماراح تفرق معاي لأني طلبت له Hamann kit فـ تلقائياً الشبك والرنقات والسسبنشن راح يتغيرون .

و حالياً السياره بالامارات و حسب ماوعدني المحل من فتره قال يبيله 25 يوم لين يخلصه كامل و بعدين ان الله احياني بروح اجيبه .

اما بخصوص البيعه ترا السياره لها شرايينها و لها سوقها الخاص و للأسف فيه ناس يسمونه كبت و فيه ناس يقولون لك لو جاني ابلاش ماراح اخذه ..

لكن مثل ماتفضلت و قلت : لولا اختلاف الاذواق ........... ؟

شاكر لك اثرائك القيّم و ان شاء الله يا مجرب بنعوّد عليك للاستشارات التقنيه ولا بنعوّد على الطبيب


تقبّل تحياتي

[qatar1111]

ممكن سؤال اخوي

بكم طلع عليك Hamann kit

و وين مكان المحل الله لا يهينك

[كركرمحد]

ماعليك زود والذوق منك و فيك أخي الكريم ..

شور طيب من شخص حكيم بالسيارات

استفسرت بخصوص الفيس لفت و مثل ماتفضلت قالوا احتمال كبير الشبك يتغير

عموماً أنا ماراح تفرق معاي لأني طلبت له Hamann kit فـ تلقائياً الشبك والرنقات والسسبنشن راح يتغيرون .

و حالياً السياره بالامارات و حسب ماوعدني المحل من فتره قال يبيله 25 يوم لين يخلصه كامل و بعدين ان الله احياني بروح اجيبه .

اما بخصوص البيعه ترا السياره لها شرايينها و لها سوقها الخاص و للأسف فيه ناس يسمونه كبت و فيه ناس يقولون لك لو جاني ابلاش ماراح اخذه ..

لكن مثل ماتفضلت و قلت : لولا اختلاف الاذواق ........... ؟

شاكر لك اثرائك القيّم و ان شاء الله يا مجرب بنعوّد عليك للاستشارات التقنيه ولا بنعوّد على الطبيب


تقبّل تحياتي

الله يهنيك فيه يارب :) ويبلغه لك فقـطـر وتتمشى دووم فيه ونصيدك وندعمك هههه :)

بالتوفيق خيي العزيز بس وجهة نظري لو مخليه وكاله ابرك والله بوااااجد

لا بذكرك راح تزهق من الكـت لان الـهـامـان دفش وااااااااجد عكس البرابس

بالتوفيق واتمنى ماتزعلك وجهت نظري الذووق ذوقك وانت حر فيه :)

ودام الموتر فالأمارات

اذا تبي بعطيك رقم كراج يبرمجوون الكمبيوتر ويزيدون الهورس باور

وركب عليه بوليات بعد و انتيك فلتـر :) راح يكون موترك مونافس قوي

لل x5 & x6 m pawor

وبالتوفيق ان شاء الله

:victory:

[بو خليفه 123]

well i guees you should take care couse the price what are you going to pay is too much
take your time man .......


Thank you for your valuable advice
but too late , because i have already fully paid the amount

:nice:

[بو خليفه 123]

ذوق صراحه توكل على الله


ماعليك زود

ونعم بالله

[بو خليفه 123]

سيارة شيوخ وملوك انت صح



و تعليقك تعليق شيوخ ..

شاكر لك مرورك الملكي ..

تقبل تحياتي ..

[بو خليفه 123]

يور ولكم يابوخليـفه ...:)




بيني وبينكـ سواقة الحريم الله بالخيـر يا بوخليفه والله يعينـا وآنا آخوكـ :secret:...
الله يوفقكـ وتلاقـي لكـ آلي يطيـب خاطركـ ...

آمين - وياك أخي الكريم


اما بخصوص سواقة الحريم .. ان شاء الله لنا الاجر يا معشر الرجال :)


مع احترامي لصاحبات الفن في السواقه ..

[الغالي!]

غير الابيض لا تاخذ والله يوفقك

[بو خليفه 123]

معرض ليوا عنده 2010 اسود من الداخل اسود

واعتقد عليه جمبينات وسبيسرات

بس مادري موجود ولا راح

وبالتوووفيق


الله يوفقه في بيعته ان شاء الله

يستاهلون الربع ..

[بو خليفه 123]

http://cdn4.mattters.com/photos/photos/1440745/mercedes-g55-amg-by-_460x0w.jpg

اعتقد هذا الشكل احلى ما يكون من الاسود ولا ايش رايكم يالربع


الناس اذواق .. والاسود ملكي طال عمرك


شاكر لك مشاركتك لنا بالرأي ..

[دنهل]

ياخوي موتر وعر وصندوق وغير انسيابي وهذا شكلة من نزل ماتغير الا في الكماليات

[khalid.qtr]

أهلين أخوي بوخليفه ، الله يوفقك ، بس لو تاخذ لون غير الاسود مثل ماقالوا الاخوان
بالنسبة لإستعمال الموتر وهذا الكلام ناتج عن خبرة شخصية الموتر قوي وفيه صلابه وسواقته حلوه ووعر شوي وحتى بعد تغيير الجانبينات فيه وعورة خفيفة بالاضافة ان مقود السيارة يابس شوي، وبالنسبة للصيانة خرابه قليل، بس مقارنة مع الـ s طبعا الـ s أريح بوايد لكن الـ g55 فورويل لكن لما تقارن شاشة الجي مع الـ اس في فرق كبير في درجة الوضوح الـ اس أحسن وتحكمه بالشاشة أحسن بس مهما كانت المواصفات كامله آنا أفضل الـ g55 والله يوفقك.

[بو خليفه 123]

الله يوفقك اخوي

وياك ان شاء الله

و يوفقك


مقدّر لك دعوتك الصالحه ان شاء الله ..

[ALHAJAJI]

بوخليفة سو لفة صوب الانفنتي الجديد , شكلة تفجييييييييييييير

والله يوفقك باللي مكتوب لك

[بو خليفه 123]

ماعندي خلفيه عن الموتر ولاكن حبيت اشارك بدعوه الله يوفقك ويكتبلك الي فيه الخير

جزاك الله خير و يوفقك بمثله

يكفي تشريفك لي بالموضوع ..

[بو خليفه 123]

بخصوص اللي يقول انه احنا نتناقش بالخيال ..


فعلاً شعور حلو .. والشعور بيكون احلى لين مريت عليك بالموتر لين مجلسك و تقهويت عندك .. يا بو خيال واسع .


و قطر 1111111

الغالي أنا ماعطيتك "طاف" على قولتك و محشوم من ذي الافعال يالطيب .. بس لو تلاحظ تسلسل ردودي هي بالترتيب على المشاركات ورا بعض .

اذا عندك شي مستعجل عليه و تبي تعرفه قبل غيرك ارسل لي رساله خاصه و فالك طيب .

والسموحه على هذي المشاركه كانت فقط للتوضيح .
:)

[qatar1111]

بخصوص اللي يقول انه احنا نتناقش بالخيال ..


فعلاً شعور حلو .. والشعور بيكون احلى لين مريت عليك بالموتر لين مجلسك و تقهويت عندك .. يا بو خيال واسع .


و قطر 1111111

الغالي أنا ماعطيتك "طاف" على قولتك و محشوم من ذي الافعال يالطيب .. بس لو تلاحظ تسلسل ردودي هي بالترتيب على المشاركات ورا بعض .

اذا عندك شي مستعجل عليه و تبي تعرفه قبل غيرك ارسل لي رساله خاصه و فالك طيب .

والسموحه على هذي المشاركه كانت فقط للتوضيح .
:)


بسيطه يا بوخليفه

والله يوفقك ان شاء الله

والسموحه منك

[ممنوع اللمس]

والله يا ابن ناخي
يا بو خليفه بالنسبه لي ولا تزعل مني مانصحك كلش
الموتر كلش احسه مو شي خاصه من داخل يعني مادري شلون احس حرام سعره فيه.. بس كل انسان ورغبته
شوف لك موتر ثاني رزه والله يوفقك

وعقبال مانشوفك بالسياره اللي في بالك وتمر علينا وتتقهوى ونبارك لك حلالك :)

[وحيد-الشوق]

هلا الشيخ

تبي نصيحتي وهذا رايي والراي الاخير رايك

الموتر شكله مب ذاك الزود واشوف سعره حرام مايستاهل 500 الف ومن داخل بايخ جدااا

ليش ما تاخذ بورش باناميرا كفايه موتر روووعة وقوي بس عيبه خلفيه البيجو مخربه شوي او بورش كايين توربو الجديد او خذلك مرسيدس صالون ابرك او 63ml اما الجي 55 مادري ليش احسك بتحسف عقب ما تاخذه والله اعلم

للعلم كل المواتر الي ذكرتها ارخص من الجي 55 واحلى واكشخ

[ممنوع اللمس]

وينك يا بو خليفه

[بو خليفه 123]

بالتوفيق



وياك و عسى الله يوفقك ايضاً ..

[بو خليفه 123]

توكل على الله يا بوخليفة

والناس اذواق والموتر ما عليه كلام رزه الصراحه

وانا ان شاء الله ناوي على واحد مستقبلاً بس اللون ابيض .

شوف هالموقع يمكن يفيدك

http://www.netcarshow.com/mercedes-benz/2004-g55_amg_kompressor/


http://www12.0zz0.com/2010/06/16/07/752765707.jpg


يا مرحبا بو شهاب

الابيض عموماً عليه طلب اكثر و تحديداً هذي السياره - فعلاً الابيض يعطي فخامه و شكل و تقدر تشو جمالية السيارة بجميع الابعاد .

اشكرك على الرابط و نشوفك قريباً بالابيض ان شاء الله :victory:

[SmartMan]

وين الفخامة؟؟؟! ! ! ...بصراحة لو تاخذ لك ركشا ابرك لك !

احط فلوسي بشي له قيمة مب بسيكل هنوود !

واللي عنده قرش محيره يشتري فيه جي 55

[دنهل]

فيه واحد للبيع قاطع 2500 2010 بس بدون تزويد هامان g55 اسود من الداخل اسود ب 450000 للتواصل ارسلي عالخاص وارد ناصر بن خالد

[بو خليفه 123]

انا اشوف فيه عيب واحد فقط

دام انه g55 اكيد قوي وسريع

ويوم تعطيه ريس كلها ثواني وانته فوق الـ 120

عاد من توصل الـ 120 اسمع صوت الهوى اللي يضرب الجامة

والله لو تطول على صوت المسجل ماتسمع شي من الازعاج

لان الزجاج الأمامي مش مايل ومايوافق سرعة وقوة الموتر

لكن بشكل عام

موتر مافيه حيله

:)



ارحب يا بو خالد ..


وجهة نظر منطقيه أخي العزيز .. لأنه فعلياً السياره مهب انسيابيه

تلقائياً بتسمع صوت الهوا لعدم انسيابية السياره ..


لكن الله لا يحدنا على الحاجه والعجله و نسرع فوق ال 120 كم


تقبّل تحياتي و شرفتني بمرورك العطر ..

[بو خليفه 123]

بوخليفه

انا رايي ان البورش الجديد أحلى

أو الرنج الفوج اسود من داخل أوف وايت

والــ g55 عيبه ان غمارته كبيره ومهب انسيابي

والله يوفقك في الموتر الطيب

سم طال عمرك ..


البورش الجديده اخوي ماخذ له وحده .. ماحب اقلد والموتر بيكون تحت تصرفي اي وقت بغيته باخذه منه ..


و بمشاركة اخوي حمد بن خالد "اعلاه" تكلمنا عن الانسيابيه ..


اتفق معاك 100% و لكن كل مشكله اتوقع لها حل ..

بخصوص الانسيابيه و صوت الهواء بأمكانك تركب "دبل ربل" على الموتر و تحس كأنك راكب باخرة تايتانك مافيه ولا صوت :)


تقبّل تحياتي ..

[بو خليفه 123]

والله لو تجيني فلوس مايردني الا هالموتر

توكل على الله وخذه


بيني و بينك أنا محتار بين الدتسن و ال G55 :shy:

[بو خليفه 123]

اخوي الموتر جدا وعر لابعد الحدود

انا والله جربته بس صج وعر وما ينفع لشوارعنا

وعلى فكره انا جربته في رمله من ناحية العزم ما عليه كلام وقوي قوي

بس عيبه وعر وعر والله اني رجعت البيت ظهري رايح فيها من سواقته

في مواتر افخم وارخص من سعرة وانا اقولك اخذه اذا في حل لمشكلة الوعورة يعني اذا في جانبينات والا اي شي

وبالتوفييييييق اخوي


مرحبا أخي العزيز

ارجو الاطلاع على مشاركاتي السابقه بشان "جامبينات" السياره و الحلول المقترحه لمشكلتها ..


مشاركتك كانت شرف لي .. تسلم

[بو خليفه 123]

عليك بالكزس 570وبس



شور طيب بس موجود عند واحد من الاخوان

ماخلوا لي شي يا دنهل ..

[بو خليفه 123]

هاهاهاهاها
السيارة يا بو خليفة
مب راعي السيارة



اهلاً بالغائب الحاضر ..


اها فهمت .. لا توهقيني مع حد الله يرضى عليك يا وطن :nice:

[بو خليفه 123]

ممكن سؤال اخوي

بكم طلع عليك Hamann kit

و وين مكان المحل الله لا يهينك


فديت خشمك اخوي قطر1111

السموحه منك على التأخير ..


سم طال عمرك :

Hamann Motorsport Middle East
P.O.Box: 283433
Dubai
United Arab Emirates
3397373 - 04

مكانهم في دبي في شارع الشيخ زايد بالاتجاه الى دبي ،، بعد الواحة سنتر .. جنب كلداري

[بو خليفه 123]

غير الابيض لا تاخذ والله يوفقك


ياخوي موتر وعر وصندوق وغير انسيابي وهذا شكلة من نزل ماتغير الا في الكماليات

السياره وصلت اخواني الكرام

اشكركم على نصائحكم القيّمه ..

[MiSsY]

السياره وصلت اخواني الكرام

اشكركم على نصائحكم القيّمه ..


قرة عينك فيها يابوخليفه

لاتنسى اتحط فيها قران عن السحد والعين
<< صج سوالف حريم

تتهنى فيها ياخوي

[qatar1111]

فديت خشمك اخوي قطر1111

السموحه منك على التأخير ..


سم طال عمرك :

Hamann motorsport middle east
p.o.box: 283433
dubai
united arab emirates
3397373 - 04

مكانهم في دبي في شارع الشيخ زايد بالاتجاه الى دبي ،، بعد الواحة سنتر .. جنب كلداري


سم الله عدوك يابو خليفه

ومبروك عليك الموتر يعطيك خيره ويكفيك شره

[الـقـاسـي]

انا اقول من زمان انك انسان راعي ذوق وفاهم ..
والله ان هالموتر له هيبه مش طبيعيه وصدق صدق يلفت النظر ..

انا اقوولك توكل على الله وخذه الموتر انت اللي بتستخدمه فـ نصيحة اتبع هواك انت عشان ماتتحسف ..

[الـقـاسـي]

انا توني انتبه انه وصل الموتر اثااريني متأخر واجد ..
عموما الله يعطيك خيره ويكفيك شره يابوخليفه وعاد نبي صوره نبي نشوف ترتيبك له ..

[بو خليفه 123]

أهلين أخوي بوخليفه ، الله يوفقك ، بس لو تاخذ لون غير الاسود مثل ماقالوا الاخوان
بالنسبة لإستعمال الموتر وهذا الكلام ناتج عن خبرة شخصية الموتر قوي وفيه صلابه وسواقته حلوه ووعر شوي وحتى بعد تغيير الجانبينات فيه وعورة خفيفة بالاضافة ان مقود السيارة يابس شوي، وبالنسبة للصيانة خرابه قليل، بس مقارنة مع الـ s طبعا الـ s أريح بوايد لكن الـ g55 فورويل لكن لما تقارن شاشة الجي مع الـ اس في فرق كبير في درجة الوضوح الـ اس أحسن وتحكمه بالشاشة أحسن بس مهما كانت المواصفات كامله آنا أفضل الـ g55 والله يوفقك.


بوخليفة سو لفة صوب الانفنتي الجديد , شكلة تفجييييييييييييير

والله يوفقك باللي مكتوب لك


شاكر لكم اخواني الكرام على نصائحكم القيّمه التي لا تخلو بالخبره التقنيه في مجال السيارات

السياره اوصلت بحمد الله ..


و خليفه ولدي ماقصر بآيس كريم من باسكن روبنز انهى مستقبل و مظهر الكرسي العبري :weeping:

[بو خليفه 123]

قرة عينك فيها يابوخليفه

لاتنسى اتحط فيها قران عن السحد والعين
<< صج سوالف حريم

تتهنى فيها ياخوي


سم الله عدوك يابو خليفه

ومبروك عليك الموتر يعطيك خيره ويكفيك شره


بنبيك يا مسي .. في انتظار الاكس 6 عشان نسابق بعض :tease:



قطر1111 الله يرحم والديك و يبارك لك في حلالك ..

[متابع عن قرب]

ابوخليفة

الله يبارك لك فيه ويعطيك خيره ويكفيك شره


لك نصيحتين اجو اخذها فالاعتبار


الاولى

تزورنا في الامارات وتسير علي وتقهوى عندي
وتمر على مكان الجامبينات اللي في دبي اللي سيارات الشيوخ تمر عليه بعد مايطلعونها من الوكالة وقبل ماتروح للقصر
وتركب لك 4 جامبينات ب 40000 درهم علشان راحتك وراحة عيالك


النصيحة الثانية بالنسبة للأسود

عند الغسيل وتكرار المسح يتكون هناك خطوط دائرية رفيعه جدا تشوة منظر السيارة من الجنب ويكون واضح يوم تضرب الشمس فيه او اي مصدر للضوء ومنظهرما مزعج بالمرة
نصيحتي دامك وصلت الامارات تغير الجامبينات
تمر على محل بيركب لك جلاد رقيق وشفاف اكبر خبير بالسيارات ما يدري انك مركب جلاد هذا الجلاد يحافظ على مظهر السيارة ويمنع تكون الخطوط المزعجة الناتجة من الغسيل والجلاد مضمون 5 سنوات وقيمته بحدود 7000 درهم


لكن فايدته ان الموتر مايتغير شكله ولمعته لو انت عايش في منطقة صحراوية حتى اذا وقفت في موقف وحد فتح الباب بقوة على سيارتك مايخدشها


هذي نصيحتي علشان يظل الموتر جديد وحلو في عينك

ممكن يكون هذا الشي مكلف

لكن دامك تكلفت بشراءه بهذا المبلغ الضخم والحمد لله فلا مانع من دفع مبلغ يحافظ على هذا الموتر الفخم


ومبروك مجددا


وراسلني على الخاص قبل ماتروح الامارات

[al-sadd]

بالمبارك الموتر يا بوخليفه
والله يعيطك خيره ويكفيك شره
والموتر وانا اخوك ماعليه كلام
موتر مريح وقوي وفخم واكثر من هاي الواحد شيبي!
=)
بس اخوي عندي استفسار مادري شفت من فتره واحد لاكن أبيض مطفي
مادري هل الشركه توفر هـ اللون ولا لا؟

[@فهد@]

الله يبارك لك في الموتر اخوي بوخليفه .....

وصحيح موضوع الغسيل ياثر علي المواتر الي الوانها غامقه

[al-mskt]

بالتوفيق ان شاء الله

[حليتان*]

السياره وصلت اخواني الكرام

اشكركم على نصائحكم القيّمه ..

بالمباارك


تصدق دش في خاطري واحد احمر شفته رقمه سبعاات ماشاء الله عليه
<<< اذا الله كتب مخطط على واحد :victory:

[بو خليفه 123]

انا اقول من زمان انك انسان راعي ذوق وفاهم ..
والله ان هالموتر له هيبه مش طبيعيه وصدق صدق يلفت النظر ..

انا اقوولك توكل على الله وخذه الموتر انت اللي بتستخدمه فـ نصيحة اتبع هواك انت عشان ماتتحسف ..


انا توني انتبه انه وصل الموتر اثااريني متأخر واجد ..
عموما الله يعطيك خيره ويكفيك شره يابوخليفه وعاد نبي صوره نبي نشوف ترتيبك له ..




رحم الله والديك

و ابشروا بالصور وقت الاستطاعه

[وطن]

الله يعطيك خيرها ويكفيك شرها

كنت المفروض تمنع العيال ياكلون فيها

<=== مسويه حظر اطعمه ومشروبات في السيارة هاهاهاهاهاها