اللي مسافرين النمسا استفسار

[koketa]

شلون اروح كابرون بالقطار من فينا

[أسير الأحلام]

شلون اروح كابرون بالقطار من فينا

في مشاركة عنوانها السياحة في النمسا احتمال يكون فيه المراد :victory:

[أسير الأحلام]

شوف مشاركتي دليل النمسا السياحي وبتلاقي فيها المطلوب ان شاء الله

[مــــلاك]

من فيينا تاخذين قطار لزيلامسي ...اما كابرون مادري بالضبط ..
احنا خذنا قطار من فيينا لسالزبورغ ..ومنها بالسياره الي كابرون
الخط كان حلو

[غير البشر]

تروح بالقطار الي زيلامسي
ومن زيلامسي تاخذ تاكسي او سياره الفندق وتوصل الجبل
وبعدين عدد 3 ترفريك وتوصل فوق

ماوصيك على الكابتشينو في المطعم بعد الترفريك الثاني :nice:

[koketa]

من وين القطار يعني لو ممكن تخبروني اسم المحطه بالظبط

ويكفي اروح يوم وارجع فينا نفس اليوم

[qtrose]

كابرون قريبة من زلامسي ، عشر دقايق الا أنت واصلة ،،

بصراحة ونعم الإختيار :nice: ، سلمي لي على كابرون

وعلى جبالها وخصوصاً قمة كابرون الثلجية ، وعلى شقتنا لوووول .

أتمنى لج التوفيق وسفرة موفقة إن شاء الله :)

[qtrose]

من وين القطار يعني لو ممكن تخبروني اسم المحطه بالظبط

ويكفي اروح يوم وارجع فينا نفس اليوم


توني أنتبه لردج...

حراااام عليج ، بس يوم؟ والله مب كفاية ، إذا للحين

ما خططتي وحجزتِ أنصحج تعيدين النظر وتقعدين أقل

شي إسبوع في كابرون أو زلامسي.

[سلطان قطر]

تاخذ القطار الله يسلمك من محطة القطار الرئيسية الي بفينا Westbahnhof
وتاخذ قطار الى زلامسي سعر التذكرة 80يورو

واول ماتوصل زلامسي تاخذ الباص رقم 660 اخر محطة له هي كابرون

واجازة سعيدة :)

[سلطان قطر]

من وين القطار يعني لو ممكن تخبروني اسم المحطه بالظبط

ويكفي اروح يوم وارجع فينا نفس اليوم

ممكن تروحين وترجعين بنفس اليوم بس تعب من زلامسي لفينا 5 ساعات بالقطار انا اللحين في سلزبورغ وتوني جاي من كابرون رحتلها الصبح ورحت الشلالت كريمل ورجعت لسلزبورغ

[koketa]

شكرا للردود

اذا الرحله 5 ساعات هاي صعبه نفس اليوم اروح وارجع

[biker]

صعبه جدا يوم واحد ولا راح يكون فيها استمتاع غير التعب..... حلاتها هناك في زلامسي 3 ايام عالاقل ومن صبح الواحد نشيط ومتريق في بوفيه فندق رويال اللي عالبحيره مباشرة ..يازينها من اجواء وقعدات هناك ..وبعدها يطلع الكبرون والزحليقه وفي اماكن حلوه بعد في زلامسي وكلها قريبه
موفقييييين

[mr.goldmann]

يوجد قطار لمرة واحده في الاسبوع من فينا الى زيلامسي مباشرة

ومن زيلامسي تاخدون سيارة والمسافه مش بعيده 10 كم الى كابرون

اما باقي القطارات فلازم في مدينه سالزبورج يتم تغيير القطار :nice:

http://www.qatarshares.com/vb/showthread.php?t=264364

:victory:

[Ginger]

وووووع بتروحين يوم وبترجعين فينا !!!

من زين فينااا خلكم في زلامسي وكابرون احسن صج راحه نفسيه

[رجل شرقي]

القطار سيكون وجهته كالتالي:-

1-
هناك قطار مباشر بين فيينا وزيلامسي . وبعد الوصول الى زيلامسي استقلال التاكي او الباص المتجه الى كابرون المسافه ربع ساعه فقط .

2-
هناك قطار آخر بين فيينا وسالزبورغ ومن ثم تغيير القطار واستقلال قطار آخر من سالزبورغ الى زيلامسي . وعند الوصول الى زيلامسي اتباع ما سبق ذكره في الاعلى .

وسواء القطار المباشر او التوقف كلها تقف في سالزبورغ لان سالزبورغ تأتي بالمنتصف بين فيينا وزيلامسي .