العمل من المنزل .. أبغض الحلال عند النساء !(صج يا بنات!!!!)

[هدوء الصباح]

مساء الخير..
في جريدة الراية تحقيق بعنوان (ثورة النساء على العمل من المنزل)

تفاجأت حقا من الاراءالواردة ..

فما رأيكم؟؟
هذا رابط الموضوع

http://www.raya.com/mritems/streams/2010/6/8/2_537626_1_212.pdf

[وطن]

المديرة بيخصصون مراسل يجيب لها الاوراق المهمه والخاصه بالتوقيع !!
في أعمال ممكن تدار من المنزل
لو كان مثلا عمل تجاري خاص
أو اعمال ممكن تدار بالبريد الالكتروني

لكن بعض الوظايف الحكومية شلون يديرونها من المنزل ؟؟

مثلا الطبيبه تقعد في بيتها ويطرشون لها المرضى ؟؟

[JN000N]

في بعض الحالات الناااادره ممكن يكون هالشي مفيد للمرأه خاصة واللي كل تشتكي انها ماتقدر توفق بين العمل واعمال المنزل

لكن الفكره احسها شوي غبيه مع احترامي لطارحها او حتى من ناقشها

انا مع وطن معظم الاعمال تستدعي ان تكون المرأه العامله في مقر العمل وليس فالببت حتى لو شغلها شغل مكتبات

وفنفس الوقت الفكره صحيح تهمش دور المرأه لكن بعد تبعدها عن الاتصال فالعالم خارج سور المنزل يعني الواحد يطلع من البيت يروح الدوام يصبح بالوجوه الزينه ويغير جو بس بعد يأدي شغله على اكمل وجه

وغير هاي كله اظن انهم يبون يخففون زحمة الشوارع ويقعدون المره فالبيت ههههههههه

[هدوء الصباح]

المديرة بيخصصون مراسل يجيب لها الاوراق المهمه والخاصه بالتوقيع !!
في أعمال ممكن تدار من المنزل
لو كان مثلا عمل تجاري خاص
أو اعمال ممكن تدار بالبريد الالكتروني

لكن بعض الوظايف الحكومية شلون يديرونها من المنزل ؟؟

مثلا الطبيبه تقعد في بيتها ويطرشون لها المرضى ؟؟

كما قلتي هناك (بعض الاعمال)تدار من البيت وليست جميعها..
ولكني اعتبر الفكرة بحد ذاتها تخدم شريحة ليست قليلة من ربات البيوت الراغبات في العمل وتمنعهن ظروفهن من ذلك..

[فيزيائية]

بصراحة اشوفها فكرة مناسبة للبعض
وانا من (البعض)
الذين يريدون تربية ابنائهم وبنفس الوقت يشتغلون
مافيها شي لوعمل مكتبي وعن طريق النت
وبنفس الوقت في بيتي وماترك ابنائي عند شغالة
مب مثل اللي حاصل نضطر اخذ اجازات بلا راتب
لان اجازة الامومة لغوها من جذورها !
كأن العالم ضد أسمى وظيفة في العالم (الامومة)

[moonبنتnight]

بصراحة سفهت موضوع 00
تعرفون لي يثير مشكلة من لا شيء 00
الراية نتقلت الموضوع بطريقة تثير جدل 00

ولا في حريم تدير تجارتها من منازلهم وهذا شي عادي 00 والعمل سواء داخل بيت ولا خارجة 00 لاتعتبر أبغض الحلال 00 بصراحة نرفزني كلمة أبغض الحلال ( موضوع ديني تكلم عنه بنظر شريعة الاسلامية ) أما أستخدام مصتلح أبغض الحلام كانه منكر ويجب نهي عنه 00 )

[sendarala]

ما عجبني الموضوع

[بولينجر]

أظنه أفضل لأنه بيتيح الفرصة لكثير من النساء اللي ما يقدرون يشتغلون.... ومب مجبورات اللي في عملهم يقعدون في البيت ويكملون من هناك... يعني هذا يعطي فرصة اكبر لشريحة اكبر من النساء ويعدد الخيارات امامهم... وهو بحد ذاته شي جيد ومحمود....
كلمة أبغض الحلال هي اللي خلتني ادخل الموضوع صراحة... وليس لها محل من الاعراب في الواقع ولاتمت للموضوع بصلة....

[التيما]

انا انصدمت من الاجابات .. وشو اللي تبعد المرأة عن سوق المنافسه ؟؟ ووشو اللي هالشي بيحد من تطور المرأة وخبرتها ؟؟ عسى ماشر ؟؟ ناس تبي تطلع من بيوتها ومب لاقيه الا روحة الدوام .. عاد انه بتنطبق الدنيا اذا ماراحت الدوام .. العالم صارت دوراته وشهاداته عن طريق الانترنت .. وهم يتلككون قال ايش قال خبرة !! أي خبرة يا أم خبرة ؟؟؟
الانترنت الحين ونظام الشبكات يخلي اي انسان يشتغل ويتطور وهو في بيته .. المفروض نفخر بتفكير هاللجنة .. واعتقد انه في صالح المرأة القطرية ..

انا اول وحدة بوافق على هالموضوع وعمل المرأة من بيتها افضل مليون الف مرة من طلعتها برا ومزاحمة الرياييل وتحاول تتفوق مادري على من !

[صحفي قطري]

شكراً لـ هدوء الصباح ، وأكيد هالخطوة ماراح تعجب بعض النسوة اللواتي يعملن ، لن بعضهن يعملن من أجل المظاهر والتفاخر ، وهذي جابت شنطة جديدة وين بتعرضها عقب ؟ في البيت ؟ أكيد لا ، والسيارة ؟ والعقار ؟ والأكل في الدوام ؟ أكيد بيرفضونه بعض النساء ! مع تحياتي للرجال .

[فلتة زمانها]

عسى ماشر!!
يمكن تناسب بعض الحريم على حسب نوع الشغل
انا اشوف الشغل ماياثر على تربية الابناء لانه وقت
الصباح الابناء فالمدرسه والام فالشغل كلها كم مِنْ ساعه وتخلص
بس قعدت البيت تجيب المرض:(

[هتـان قطر]

عسى ماشر!!
يمكن تناسب بعض الحريم على حسب نوع الشغل
انا اشوف الشغل ماياثر على تربية الابناء لانه وقت
الصباح الابناء فالمدرسه والام فالشغل كلها كم مِنْ ساعه وتخلص
بس قعدت البيت تجيب المرض:(


عجييبه والعيال على طول ينولدون ويروحون المدارس..طيب والخمس سنوات الاولى وين راحت..؟؟!!!

انا مع هذا القرار الصراحة بينفع نساء كثير خصوصا المهتمه في بيتها وعيالها..

انا تركت الدراسة والعمل الى ان كبروا عيالي..والحين رجعت ..عقب ما شاب

ودوه الكتًاب..:)

[ام السعف]

اللي شاركوا موظفات تدخلوا في شؤن غيرهم

يعني التجربة توها تقول بسم الله اشلون احكموا عليها ؟

لأنهم اكتسبوا خبرة من طلعتهم من البيت ؟

اكيد مثل هذه الوظائف راح تكسب المرأة خبرة في العمل المطلوب منها
يعني وحدة بتوظف في هالشغلة بتقعد جدام شاشة الكمبيوتر اكيد خبرتها
بتكون اكبر من خبرتي في مجال شغلها مع ثنتينا نستخدم اللابتوب طول اليوم ،،

فكلامهم ماله اي سند يمنحه القوة اللهم و جهة نظر
يبون يقولون من خلاله انهم اكثر خبرة و لابد ان تخرج المرأة من البيت
علشان تشتغل لانها من غير الطلعة من البيت الامور ما بيكون فيها انتاجية وخبرة ،،

[نعيمه علي]

اعتقد هذه راح تنطيق على وظائف معينة
وعلى حالات معينة
وهذه تجربة ممكن تنجح لو لم تدخل فيها واسطات
واصبحت مطبقة وفق شروط وقواعد
وان لاتطبق عشوائيا

اطيب تحياتي

.

[بواردي]

انا اقول اذا الاوضاع المادية ميسورة

فالافضل ان تدق لها مسمار في المطبخ وتعلق فيه شهاداتها

واللي تقول ان الدوام ما ياثر على تربية العيال لانهم حزتها في المدارس


من فيكم ترد من الدوام وعندها بارض تتكلم مع حد

الاغلبية تترس الخيشة
وتكبر المخدة وتشغل النغمة المعتادة شخير لي يوم الدين

ولي فخت رقاد قعدت تدور لها شي تاكله

وهكذا دواليك
طبعا الكلام مهب للكل

في راعيات بيوت وامهات همهم الاول البيت والعيال

[بـــــــنت النوخـّــــذه]

بصراحة سفهت موضوع 00
تعرفون لي يثير مشكلة من لا شيء 00
الراية نتقلت الموضوع بطريقة تثير جدل 00

ولا في حريم تدير تجارتها من منازلهم وهذا شي عادي 00 والعمل سواء داخل بيت ولا خارجة 00 لاتعتبر أبغض الحلال 00 بصراحة نرفزني كلمة أبغض الحلال ( موضوع ديني تكلم عنه بنظر شريعة الاسلامية ) أما أستخدام مصتلح أبغض الحلام كانه منكر ويجب نهي عنه 00 )

اتفق معاج 0000مشكله والله دس المصطلحات وتضخيمها 000

من الاخر اذا العمل يتطلب ذلك ومافيه اي شيئ من الناحيه القانونيه والحقوق والواجبات 0وتأدية العمل على اكمل وجه ومصدق قانونيا" بالنسبه للوزارات 0 وتحت مراقبه وعقود اذا فليكن السالفه مهب لعبه خصوصا اذا كان الشخص يعمل بوزاره او هيئه او 000الخ فيها مصالح دوله و ناس كثير00 مع انه جاري العمل به بالنسبه لرجال الاعمال وسيدات الاعمال وغيرهم من الي يديرون مشاريعهم الخاصه 000
اما ابغض الحلال اشدعوه راميين الطلاق بالثلاث على الوظيفه 000

وصراحه ابغي اعرف شنهو مفهوم ابغض الحلال عندهم ؟؟؟

وبالنسبه لتربيه العيال والله الي تخاف على عيالها ويهمونها بتربيهم لو شغاله 24/24

[المغروره]

المراه الحيين وين
صارت وزيره
وينهااا وين البيت والعيال
الله يرحم اماتنااا اول

[المقهوره]

شدخل ان العوده الى البيت يهدر حق المرأه في المساواه بالرجل === فاهمين المساواه غلط

بصراحه فكره حلوه وانا اشجعها لو صارت اقل شي نشوف عيالنا ونشتغل في نفس الوقت

مب نقوم عيالنا مع صباح الله خير نوديهم عند اهلنا وحالتنا حاله كل صبح

والي تروح خدامتها كأن الدنيا وقفت وضاقت بها الوسيعه مافيه احد يرعى عيالها الصغار بالبيت



بصراحه فكررررررررررررررررررررررررررررررررررررررره 100% بس اهم شي ان المرأه تلتزم وتخلص شغلها في وقته يعني مايكون مباشره عملها في البيت اعاقه للعمل وتأخير..

[المقهوره]

انا اقول اذا الاوضاع المادية ميسورة

فالافضل ان تدق لها مسمار في المطبخ وتعلق فيه شهاداتها

واللي تقول ان الدوام ما ياثر على تربية العيال لانهم حزتها في المدارس


من فيكم ترد من الدوام وعندها بارض تتكلم مع حد

الاغلبية تترس الخيشة
وتكبر المخدة وتشغل النغمة المعتادة شخير لي يوم الدين

ولي فخت رقاد قعدت تدور لها شي تاكله

وهكذا دواليك
طبعا الكلام مهب للكل

في راعيات بيوت وامهات همهم الاول البيت والعيال




مب الكل اذا رجع من الدوام يشخر

حاليا:

انا ما اشخر اقعد مع عيالي اليييييييييييييييين الساعه 10 مساءا وعقب احط راسي وارقد اذا رقدوا كلهمممممممممممممممممم بس الجمعه والسبت هذه عندي فيها احتفال رقاااااااااااااااااد الين الساعه 10 الصبح

والانسان الطبيعي محتاج فقط 8 ساعات تكفي
انا ان رقدت 5 ساعات على بعض هذه احمد ربي فيها اذا كانت متواصله طبعا.

اما متقطعه هذه مصيبه خاصه في السنه الاولى من تربيه الطفل كل شوي يقوم مااروح الدوام إلا عيوني حمر ومالي خلق احد يكلمني بس شنسوي .
اذا رجعت البيت احط راسي وارقد لي ساعتين إلى 3 ساعات . وعقب اقوم اكمل مع عيالي.

[المقهوره]

اتفق معاج 0000مشكله والله دس المصطلحات وتضخيمها 000

من الاخر اذا العمل يتطلب ذلك ومافيه اي شيئ من الناحيه القانونيه والحقوق والواجبات 0وتأدية العمل على اكمل وجه ومصدق قانونيا" بالنسبه للوزارات 0 وتحت مراقبه وعقود اذا فليكن السالفه مهب لعبه خصوصا اذا كان الشخص يعمل بوزاره او هيئه او 000الخ فيها مصالح دوله و ناس كثير00 مع انه جاري العمل به بالنسبه لرجال الاعمال وسيدات الاعمال وغيرهم من الي يديرون مشاريعهم الخاصه 000
اما ابغض الحلال اشدعوه راميين الطلاق بالثلاث على الوظيفه 000

وصراحه ابغي اعرف شنهو مفهوم ابغض الحلال عندهم ؟؟؟

وبالنسبه لتربيه العيال والله الي تخاف على عيالها ويهمونها بتربيهم لو شغاله 24/24


واكبر دليل امهاتنا ماكانوا 24 ساعه في البيوت عند عيالهم
الي اعرفه انهم يقومون الصبح وكلن ورى حلاله (ابل او غنم) يراعهم والعيال مستحيل تاخذهم معها في الشمس والقايله احيانا ومشوار طويل

يقعدون مع الجده او العمه او اي احد في البيت الين ترجع امهم

يعني حتى قديما قديما قديما الام مب قاعده في البيت بس عيالها مربيتهم عدل وشايفه مطالب زوجها وعيالها وبيتها بالكامل


هي المسأله مسأله تنسيق بين العمل والبيت

[كازانوفا]

بصراحة سفهت موضوع 00
تعرفون لي يثير مشكلة من لا شيء 00
الراية نتقلت الموضوع بطريقة تثير جدل 00

ولا في حريم تدير تجارتها من منازلهم وهذا شي عادي 00 والعمل سواء داخل بيت ولا خارجة 00 لاتعتبر أبغض الحلال 00 بصراحة نرفزني كلمة أبغض الحلال ( موضوع ديني تكلم عنه بنظر شريعة الاسلامية ) أما أستخدام مصتلح أبغض الحلام كانه منكر ويجب نهي عنه 00 )



عين العقل :victory:

[هدوء الصباح]

ما شاء الله عليكم جميعا اراءكم حلوة..
بس انا توقعت ان الفكرة تعجب قطاع(كبير)من النساء ربما لانها اعجبتني:nice:

[20 دي]

الموضوع اكبر من جذي بس الشاطر هو اللي بيلقطها.. اول شي بنقعدها في البيت وهي تشتغل معززه مكرمه وبعدين بنقص من راتبها شوي لانها قاعده في البيت ..وبعدين وجودها كموظفه يحمل الهيئه او الوزاره تكاليف زايده مع صعوبه التواصل وبعدها تقعد في البيت بدون راتب ولا شغل ويجبون الشقرا ويرزونها مكانها ..

[ماريسا]

و الله ودي اشتغل من البيت بأي طريقة

للأسف حتى في أمريكا يدعمون هالفكرة و اشكثر جهات نفذتها

اتمنى ياخذون الموضوع بجدية اكبر لإتاحة الفرص للسيدات و خصوصاً الأمهات يشتغلون و ف نفس يديرون بيوتهم

[المقهوره]

الموضوع اكبر من جذي بس الشاطر هو اللي بيلقطها.. اول شي بنقعدها في البيت وهي تشتغل معززه مكرمه وبعدين بنقص من راتبها شوي لانها قاعده في البيت ..وبعدين وجودها كموظفه يحمل الهيئه او الوزاره تكاليف زايده مع صعوبه التواصل وبعدها تقعد في البيت بدون راتب ولا شغل ويجبون الشقرا ويرزونها مكانها ..

حلوه هذه بدون راتب

السالفه مب سايبه فيه عقود وفيه قوانين للموضوع مب خذوه فغلوه
اقل شي اقل بيعطونها تقاعد يعني فيه رابت.؟

[القلم الصريح]

في نساء عفيفات طاهرات تبي الستر وماتبي تحتك مع سوق العمل المختلط اللي انفرض عليهم في هالزمن مع

الرجال ، اصبح العمل بالاماكن وجهات العمل اللي تعطي الخصوصيه للعنصر النسائي ناااااااااادر مو مثل قبل

وتطلع كم وحده (( البعض )) ومحسوبه عن عنصر النساء اللي تقول تهضم من حق المرأه في المنافسه ، اي

منافسه اللي تقصده ؟؟؟ منافسه بين الرجال عشان تطلع حرتها وتغيض الرجال ولا تبي الحريه في الملبس

والكشخه وتتضحك مع هالموظف وذاك المدير وقصص غراميه وسوالف غيرها الله يستر عالجميع ،

والتكنلوجيا والعلم تطور ، يقدر الشخص يبيع ويشتري فالبورصه او يتاجر فالبضاعه او يحول ويسدد

فواتيه ويتلقى محاضرات في الجامعات العالميه مع الدكاتره كلها وغيرها عن طريق الكمبيوتر والشبكه العنكبوتيه وفي اي مكان فالعالم واللي

اخترع هالفكره انه المرأه تقدر تعمل وهي فالبيت هاذي الشخص اكيد غيور على بنات ديرته ويحب يخدم شريحه كبيره من اخواتنا اللي عوائهم

ماتسمح لهم في العمل بجو مختلط

[مشتاقة لقطر]

انا علقت شهاداتي (بكالوريوس فيزيا تربية )وارتحت واشتغلت بتجارتي على النت ..

وقت اللي فاضية اشتغل

وقت اللي ابي اسافر اسافر ما ارتبط باجازة ولا دوام

وقت اللي ابي انام انام

يعني مديرة نفسي 100 %

والحمدالله الدخل طيب كاني استلم راتب

واحسن من الراتب لان يكون مستمر طول الشهر اما الراتب بس اخر الشهر ويطير


بالتوفيق لمن يحب يطبق هالفكرة

[حقيقه]

انا ضد هالفكره
مب كل النساء عندهم اشياء تشغلهم في البيت ويحتاجون انهم يقعدون في بيتهم اربع وعشرين ساعه

[20 دي]

حلوه هذه بدون راتب

السالفه مب سايبه فيه عقود وفيه قوانين للموضوع مب خذوه فغلوه
اقل شي اقل بيعطونها تقاعد يعني فيه رابت.؟

الظاهر انتي ما قريتي العقود الجديد..وبعدين خل نتكلم بواقعيه اكثر الحين يالله يالله الجامعيات يحصلون وظيفه شلون بيوظفون ناس قاعدين في البيت ..هاي سياسه جديده تعليم فاشل للقطري-تطفيش القطري من الوظائف بالقانون التعيس-استبدال القطري بالاجنبي بو شهادات ما اعرف من وين جايبها -والحين اقعدو في البيت وبنعطيكم معاش :rolleyes2:.,.احنا اللي نشتغل ثمان ساعات في اليوم راتبنا متساوي باللي يداومون ست ساعات ونص ولا حد يزيد في راتبنا والغلا مقصق الراتب عدل لا بيت ولا سياره عدله ولا عيشه مثل هالاجانب..شلون اذا جات وحده تشتغل من البيت كم بيكون راتبها ؟؟الحين خلو اللي يراكضون على الوظايف وحلت لهم اللي بتقعد في بيتها ..حدث العاقل بما يعقل..هاي بس طلعه جديده عشان يعودون الناس على الكسل..نفس ما يقصون على عيالنا في المدارس المستقله يخلون تفكيرهم محدود..حسبي الله ونعم الوكيل

[20 دي]

في نساء عفيفات طاهرات تبي الستر وماتبي تحتك مع سوق العمل المختلط اللي انفرض عليهم في هالزمن مع

الرجال ، اصبح العمل بالاماكن وجهات العمل اللي تعطي الخصوصيه للعنصر النسائي ناااااااااادر مو مثل قبل

وتطلع كم وحده (( البعض )) ومحسوبه عن عنصر النساء اللي تقول تهضم من حق المرأه في المنافسه ، اي

منافسه اللي تقصده ؟؟؟ منافسه بين الرجال عشان تطلع حرتها وتغيض الرجال ولا تبي الحريه في الملبس

والكشخه وتتضحك مع هالموظف وذاك المدير وقصص غراميه وسوالف غيرها الله يستر عالجميع ،

والتكنلوجيا والعلم تطور ، يقدر الشخص يبيع ويشتري فالبورصه او يتاجر فالبضاعه او يحول ويسدد

فواتيه ويتلقى محاضرات في الجامعات العالميه مع الدكاتره كلها وغيرها عن طريق الكمبيوتر والشبكه العنكبوتيه وفي اي مكان فالعالم واللي

اخترع هالفكره انه المرأه تقدر تعمل وهي فالبيت هاذي الشخص اكيد غيور على بنات ديرته ويحب يخدم شريحه كبيره من اخواتنا اللي عوائهم

ماتسمح لهم في العمل بجو مختلط


اتمنى تشوف الزاويه الثانيه لان الغيور على ديرته ما راح يقول ما نوظف منقبات في قطر فاونديشن ولا في البنوك الاسلاميه وفي جهات عمل وايد تدعم المتبرجه والفاضخه..الحين الستر صار في وظيفه البيت لا هاي بس بدايه النهايه..اتمنى بنات بلادي يسترون على نفسهم بالبس المحتشم واللي ما تحتاج الوظيفه تقعد معززه مكرمه في بيتها لكن اللي محتاجتها لا تتاثر بهالغزو اللي يصير

[واقعي وصريح]

في نساء عفيفات طاهرات تبي الستر وماتبي تحتك مع سوق العمل المختلط اللي انفرض عليهم في هالزمن مع

الرجال ، اصبح العمل بالاماكن وجهات العمل اللي تعطي الخصوصيه للعنصر النسائي ناااااااااادر مو مثل قبل

وتطلع كم وحده (( البعض )) ومحسوبه عن عنصر النساء اللي تقول تهضم من حق المرأه في المنافسه ، اي

منافسه اللي تقصده ؟؟؟ منافسه بين الرجال عشان تطلع حرتها وتغيض الرجال ولا تبي الحريه في الملبس

والكشخه وتتضحك مع هالموظف وذاك المدير وقصص غراميه وسوالف غيرها الله يستر عالجميع ،

والتكنلوجيا والعلم تطور ، يقدر الشخص يبيع ويشتري فالبورصه او يتاجر فالبضاعه او يحول ويسدد

فواتيه ويتلقى محاضرات في الجامعات العالميه مع الدكاتره كلها وغيرها عن طريق الكمبيوتر والشبكه العنكبوتيه وفي اي مكان فالعالم واللي

اخترع هالفكره انه المرأه تقدر تعمل وهي فالبيت هاذي الشخص اكيد غيور على بنات ديرته ويحب يخدم شريحه كبيره من اخواتنا اللي عوائهم

ماتسمح لهم في العمل بجو مختلط

:nice::nice::nice: