سؤال : كيف يمكنني ان افتح خياط ملابس رجالية

[ABU BADER]

:nice:
بغيت واحد مجرب او عنده خبره يشرح لي بالتفصيل ماهو المطلوووب
وكيف استورد الاقمشة ومن وين؟:nice:

[ABU BADER]

وينكم؟؟؟؟؟؟؟؟

[Gh2o]

والله نصيحه اخوي اذا بتفتح مشروع افتح شي انت فاهم فيه عدل وتعرف اسراره لان التجاره اسرار وذكاء بطريقه البيع والشراء ولا توقع حد بالمنتدى بيعطيك اسرار الصنعه كلها يا انك ادور بنفسك او تشوف لك حد فاهم بالشغل وتشاركه او تشغل او تشوف مشروع ثاني والله يوفقك

[ABU BADER]

مشكووووووووووووور يالغالي وماقصرت
:(

[ABU BADER]

لاخير في كاتم العلم

[سياتل]

الأقمشة على حد علمي يستوردونها من دبي

وهناك تستطيع أن تختار أقمشة وتطبع عليها إسمك التجاري

راح اسأل لك واحد كان يشتغل مدير في خياط رجالي راقي وأفيدك إن شاءالله

أرسل لي رقمك وان شاءالله أقدر أفيدك باللي أقدر عليه

[البدع]

السوق متشبع بمحلات الخياطة

نصيحة فكر بشيء جديد

واذا مصمم

فنصيحة المحل يكون بسوق واقف

الايجار يدعم المحل

[زقرتي ومزاجي]

السوق متشبع بمحلات الخياطة

نصيحة فكر بشيء جديد

واذا مصمم

فنصيحة المحل يكون بسوق واقف

الايجار يدعم المحل



لا حول ولا قوه الا بالله

[البدع]

السوق متشبع بمحلات الخياطة

نصيحة فكر بشيء جديد

واذا مصمم

فنصيحة المحل يكون بسوق واقف

الايجار يدعم المحل

وبالتوفيق اخوي

[قطري عصامي]

بالتوفيق اخوي

[bus3od]

اخوي انا مالي خبره في هالمشاريع

بس تبي نصيحه ابدأ فالمشروع و ماعليك من التحطيم الي يجيك لان لو تطلع مشروع من تحت الأرض بعد بيقولون لك مب ماشي و بيطلعون فيه عيوب

أهم شي تكون ذكي وتختار المكان الزين و البضاعه الزينه والعماله الزينه و تكون مثابر و مايصيدك الاحباط نهائيا

نصيحه صغيره حبيت اقدمها لك

اخوك بوسعود

[<اضرب واشرد>]

أكثر شي يمشي هاليومين المطاعم

افتح لك مطعم وحاول تسوي فيه أشياء مميزة

[captin]

مشروع مثل هذا حكر للهنود من منطقة كيرلا
حسب ما نشوف كلنا ونعرف لأن معظم محلات الخياطة المشهورة
في الدوحة أصحابها هنود وبالذات من منطقة كيرلا لو تلاحظون ما تلقون جنسية أخرى في المجال مثل العرب او النيبال او الفلبين او غيرهم .

القطري في مثل هاذي المشاريع 99% يكون كفيل فقط يأخذ مبلغ شهري يتم الاتفاق عليه
عند انشاء المشروع مع الشخص الهندي

بالنسبة لك يا اخي الكريم تقدر تفتح خياط رجالي على النحو التالي :

- بس بشرط انك تشارك هندي متخصص في المجال ويكون موجود في الدوحة وعارف السوق وبشرط انك تطلع له فيز هندية عشان يجيب ناس على مسؤوليته واهم شخص في محل الخياطة الرجالية هو الماستر اللي يقص القماش اذا كان القص ممتاز تكون الخياطة ممتازة ويكون الزبون راضي من الثياب من ناحية المقاس الطول والوسع وتركيب الازرار.

- تستأجر محل في موقع مناسب ( السد - النصر - الريان - المرخية - المطار القديم ) الشوارع اللي عليها حركة تجارية وحركة مرور الشباب بالسيارات.

- هناك حل آخر انك تشوف المحلات الموجودة حاليا وتسأل من خلال العمال الموجودين فيها اذا كان المحل معروض للبيع مثلا بسبب خلاف بين الكفيل والمالك الهندي وتقدر تشتري محل جاهز بعماله

- بالنسبة للأقشمة ينصح في البداية انك تشتري من السوق المحلي من تجار الاقمشة في سوق العسيري وسوق واقف ويمكن تلقى بعض المحلات يبيعك كردت اي بيع الاجل واذا الموضوع مشى معاك تقدر تجيب كميات من دبي ونوعيات جديدة يطلبونها الشباب .

وبالتوفيق ان شاء الله