وطني الحبيب صباح الخير

[كلاسيك قطر]

السلام عليكم ورحمه الله وبركاته

انا عندي اقتراح في هذا المنتدى الراقي والمتميز

ياريت من هذا المنتدى يفتح قسم خاص له برنامج وطني الحبيب صباح الخير

وياريت من البرنامج يطل ع القسم ضروري لشكاوي الناس في هذي البلد

وياريت الاداره اتشوف هاذا الموضوع


وانتو شرايكم في الاقتراح

[المغروره]

شرااينا
ان تكلمنا ندمنا وان سكتنا قهلر
هالبرناامج احس انه خرطي
ولا شي يسوون

[كلاسيك قطر]

تسلمين مغروره انشوف راي الناس

[كلاسيك قطر]

للرفع

[جنوب الدوحه]

اخي الكريم الي بتقراه في هذا القسم ..هو اكثر بكثير من وطني الحبيب صباح الخير .. من وجهة نظري

[طلعة الروح]

اخوي مشكور على اقتراحك بس ترى المنتدى متروس شكاوي وتظلمات...
هم خل اول يحلون مشاكل اللي يطلون عندهم بالبرنامج والله يسهل..
اقتراحك انشالله تنظر فيه الادارة..

تقبل مروري،،،

[العضو الماسي]

شرااينا
ان تكلمنا ندمنا وان سكتنا قهلر
هالبرناامج احس انه خرطي
ولا شي يسوون

:nice::nice::nice:

أنا أحب أسمع هالبرنامج الصبح أحسه مسلي وأيد برنامج فض فض أحس مامنه فايده هالبرنامج بس حاطينه عالهامش كفقره من فقرات الأذاعه لن ماشوف له أهداف . :victory:

[Rayane]

اقتراح جيد والله... ياريت الاداره تنسق مع اسرة البرنامج

[غاليهم]

منتدى العنابي عندهم هالشي

موضوع كاتبين في اللي يبي يسال سؤال لمحمد العمري

وفكرة من رايي حلوة لان البعض يمكن ما عنده القدرة على التعبير بالكلام على الهوا او شي جي

[بوخالد911]

حلووو

ونتامل تطبيقه

[NeverLand]

للاسف البرنامج اخترب بعد محمد الساعي .. يعني والله لو مب عبير جان ماتابعته .. مع احترامي لمحمد العمري هالنوع من البرامج ابدا مب له .. البرنامج اللي كان يقدمه بالسابق يناسبه اكثر الصراحه ..

هالنوع من البرامج محتاجه انسان يتكلم مب انسر مشين يردد نفس الكلام بكل اتصال من غير مايبدي مع المتصل اي مشاعر .. وبدال لاياخذ بخاطرهم ويواسيهم ويطبطب عليهم يحرق قلبهم اكثر ويقعد يدافع عن الجهات الحكوميه اللي مشتكيين عليها بشكل مستفز ويتكلم بلسانهم .. كأنه قاعد يدهن سيرهم ويطلع المتصل بصوره مب حلوه .. من حطه محامي الدفاع عنهم مادري .. كأنه هالاماكن مثلا معصومه من الاخطاء

مب مثل عبير يحليلها اول ماتتلقى الاتصال تقول شلونك يبا شخبارك عساك مرتاح ومن هالكلام اللي يخلي المشتكي يرتاح وتنجح بأنها تمتص غضبه من اول دقيقه ..

بصراحه انا احس ان الاذاعه لازم تهتم بنوعية المذيعين اللي تحطهم بهالنوع من البرامج وتربي فيهم الحس الانساني شوي ويعطونهم دورات في التعامل مع المتصلين .. عبير ماعليها كلام بس محمد للاسف يبيله يشتغل شوي على نفسه بهالجانب .. لانه واضح انه عنده نقص كبير من هالناحيه

[كلاسيك قطر]

اشكركم والله ها اشرايكم في الاقتراح في افتتاح قسم

[دنهل]

وبعدين محمد العمري حاط بنفسة والله اعلم عنوان اللي يبي يسأل المذيع العمري يطرح سؤالة في منتدى العنابي وقبلها حاط نفس الشي في منتدى الاسهم القطرية لانة عارف انة مقصر وعلية ملاحظات كثيرة انا اقتراحي انه يدور شغلة غير هالشغلة صراحة اختاروا الرجل غير المناسب اللي مافية غيرة على اهل ديرتة تركة احسن

[ع.م]

اقتراح حلوو والله..

[تغلبية]

للاسف البرنامج اخترب بعد محمد الساعي .. يعني والله لو مب عبير جان ماتابعته .. مع احترامي لمحمد العمري هالنوع من البرامج ابدا مب له .. البرنامج اللي كان يقدمه بالسابق يناسبه اكثر الصراحه ..

هالنوع من البرامج محتاجه انسان يتكلم مب انسر مشين يردد نفس الكلام بكل اتصال من غير مايبدي مع المتصل اي مشاعر .. وبدال لاياخذ بخاطرهم ويواسيهم ويطبطب عليهم يحرق قلبهم اكثر ويقعد يدافع عن الجهات الحكوميه اللي مشتكيين عليها بشكل مستفز ويتكلم بلسانهم .. كأنه قاعد يدهن سيرهم ويطلع المتصل بصوره مب حلوه .. من حطه محامي الدفاع عنهم مادري .. كأنه هالاماكن مثلا معصومه من الاخطاء

مب مثل عبير يحليلها اول ماتتلقى الاتصال تقول شلونك يبا شخبارك عساك مرتاح ومن هالكلام اللي يخلي المشتكي يرتاح وتنجح بأنها تمتص غضبه من اول دقيقه ..

بصراحه انا احس ان الاذاعه لازم تهتم بنوعية المذيعين اللي تحطهم بهالنوع من البرامج وتربي فيهم الحس الانساني شوي ويعطونهم دورات في التعامل مع المتصلين .. عبير ماعليها كلام بس محمد للاسف يبيله يشتغل شوي على نفسه بهالجانب .. لانه واضح انه عنده نقص كبير من هالناحيه

:victory:

[دنهل]

بعدين لاحظوا ان اللي يقدم اسعار الاسماك صالح غريب يتفلسف واااااااااجد الظاهر يبي يصير هو المذيع

[ولدالمنتدي]

فكرة طيبه