يا ليت تساعدوني ، وبصراحة احترت بخصوص مدرسة

[The Unique]

السلام عليكم ورحمة الله وبركاته

مرحبا بالجميع وعساكم تكونون جميعا بأحسن حال..

جيتكم وانا ابغـــــي شـــــوركم يا أهل الخير’’

اختي الحين تدرس بالشويفات بالمرحلة الابتدائية مثل ما تعرفون مستوى التعليم فيها قوي بالمواد الاجنبيه والعربيه واهتمامهم حلوو.. ومستواها امتياز... بس امتحاناتهم دايما كل اخر شهر ,, فضغط .. ودها تغير مدرستها ....وبصراحة احترت من الناس.. اللي يقول لي

Qatar Academy
Qatar international school
Cambridge International School for Girls

يا ليت تفيدوني بأقرب وقت ممكن من خلال تجاربكم من ناحية المستوى الدراسي ( المنهج الدراسي),والنظام, والاهتمام’ ومدرسينهم علي مستوي’ وبالنسبة للأختلاط... يفضل تكون بس بنات

والدال على الخير كفاعله

بإنتظاركم

واشكركـــــم مقدما على تعاونكم

[The Unique]

وينكم ؟؟ معقولة ما حد عنده فكرة


الله يسامحكم...

[المليونير الفقير]

بالتوفيق

[قطرية مثقفة]

أكادمية قطر هي التوب بس المشكلة الطلبة اللي فيها أغلبهم أجانب يعني الواحد يخاف عياله يتأثرون بعاداتهم ،،،،،،،،،، عموماً أنه عيالي في الخليج الإنجليزية وخاطري أنقلهم لأكادمية قطر بس زوجي موراضي بسبب السبب اللي ذكرته وأشوف معاه حق ،،،،،، وأختي اعتقد لو منزله موضوعج في الحوار العام بتحصلين ردود وآراء كثيرة ،،،،،،،

[Miss AlThani]

Qatar Academy
بدوون كلام واهم شي انتي بتحطين بالج اكيييد .. والله الموفق

[آنــه]

كمستوى دراسي افضلهم الشويفات وعن تجربه
اما قطر اكاديمي صراحه مافيها مستوى يذكر الا للزبووو << حق المفوشر فقط
ان المدرسه تابعه لقطر فاونديشن ولا كتعليم انا شايفه فرق كبير بنت عيالنا
وعيال ناس يقربون لنا فرررق كبيييير في المستوى مع ان عيالهم شطار
بس ما يعرفون يركبون جمل عكس الشويفات تشوف طفل في اول ابتدائي
يسوي جمله كامله وبكلمات مرتبه وبقواعد
ولا مستوى دراسي ولا يوصلون للشويفات

[Um Sultan]

Qatar international school

اخوي واختي فيها الصراحه رووعه

دشوا المدرسه مايعرفون كلمه انجليزيه

اختي في الروضه عندهم تقرا اللحين قصص قصيره (ماشاء الله)

واخوي في خامس يتكلم بطلاقه مع اي حد انجليزي ويفهم له (ماشاء الله)

[ummalaz]

ان شاء الله الاخوان يفيدونك
ماعندي فكره والله

[زهرة بنفسجية]

qatar international school

اخوي واختي فيها الصراحه رووعه

دشوا المدرسه مايعرفون كلمه انجليزيه

اختي في الروضه عندهم تقرا اللحين قصص قصيره (ماشاء الله)

واخوي في خامس يتكلم بطلاقه مع اي حد انجليزي ويفهم له (ماشاء الله)

ما شاء الله
لا قوة الا بالله
اختي وين موقع المدرسة و ياريت لو توافيني بتفاصيل عنها
لاني بسجل بنتي اول ابتدائي السنة الجاي و احترت وين ..
جزاكي الله كل خير

[d.romance]

اسمع مدارس الفرقان على مستوى عالي وبالتوفيق

[ummalaz]

اسمع مدارس الفرقان على مستوى عالي وبالتوفيق

مدارس الفرقان بنين فقط ام بنين وبنات ؟
وكم رسومهم لطفله ف الثانيه من عمرها
وماهو المنهج عربي وانجليزي ام انجليزي فقط

[d.romance]

الثانية من عمرها ولا الثاني ابتدائي