قطر .. الأولى عربيا .. ورقم 15 عالميا .. في هذا المؤشر العالمي لعام 2010

[المحافظ]

http://www.visionofhumanity.org/gpi-data/#/2010/scor

اضغط على SHOW FULL LIST لتتمكن من رؤية القائمة كاملة ..

[Sharshooooor]

احلى شي اني اشوف اسرائيل رقم 144 يعني باقي لها 5 درجات وتكون الاخيرة

شي يثلج الصدر اخوي العزيز ولكن هل هذا التقييم معتمد دوليا والا اجتهاد منظمات او نوادي اجتماعية؟؟؟

[محمد افندي]

طيب اعلى ناس في ايش ؟؟ بعض المواضيع مادري كيف !!

[ابو محمد7]

طيب اعلى ناس في ايش ؟؟ بعض المواضيع مادري كيف !!

اضغط على اسم قطر وبتطلع لك المعلومات ! واذا قريت شوي في الموقع بتلقى كل شي

محد يبي يتعب عمره بشي ! الموضوع مافيه شي ويشكر الكاتب عليه

[BIG-VEGA]

اعتقد ان التقييم صح

وان شاء الله يديم هذي النعمه علينا

بس الشاهد ان كل سنه يسوء الوضع مع الانفتاح البايخ (وجهه نظري)

[المحافظ]

الأخ أبو محمد7 ... يا أخي لازم شوي نخليك تقرا و تقلب في الموقع ، بعد إذا كل شي زاهب وبارز .. مالها طعم .. وإذا فيه شي معين تبيه ولا لقيته .. ابشر ..

[NeverLand]

لول ماقدر ادخل عالموقع مسويين عليه بلوك بالدوام ..

بس انا بصراحه مليت من مواضيع التقييم اللي تنزل لنا كل شوي الا قطر الاولى الا قطر العاشره .. شتفرق معانا ؟ .. احس ان هالنوع من الاحصائيات مجرد تخدير عشان يقولون شوفوا وين وصلنا .. واحنا على ارض الواقع مب شايفين شي .. وعارفين ان هالكلام خرابيط ومافيه شي من الصحه .. طبعا اتكلم عن اغلب الاحصائيات اللي تطلع لنا كل يومين عن النت مب كلها

يعطيك العافيه اخوي ..

[الصريحه]

مافتحت معاي بس الله يزيد ويبارك

[ابو محمد7]

الأخ أبو محمد7 ... يا أخي لازم شوي نخليك تقرا و تقلب في الموقع ، بعد إذا كل شي زاهب وبارز .. مالها طعم .. وإذا فيه شي معين تبيه ولا لقيته .. ابشر ..

مافهمت علي اخوي المحافظ ! انا بس كنت ارد على شخص اقرا الردود وبتفهم قصدي

انا متفق معاك المفروض الواحد يقرا ويدور وانت ماقصرت انا كلامي كان موجه لهالشخص مب لك

[المتأمل خيرا]

أظن أن هذا مدعاة ً أن يـُـفـعـّـل الدستور.. ويتم العمل َ على وجود ِ جهاز ٍ تشريعي ٍ منتخب ٍ حسبما نص عليه الدستور..

[المحافظ]

لما تضغط على اسم البلد ، يعطيك تفاصيل اكثر و انواع من التقييم اكثر ، للأسف هذا الموقع مش موجود باللغة العربية.

[سهم طايش]

يعني قطر في اللسته افضل من سويسرا و المانيا و بلجيكا و استراليا في الحريات !!!

ودي اصدق بس قووووية

[المحافظ]

نعم قطر أفضل من البلدان اللي عقبها ، عل حسب تعريف التقييم ..