ياليت شوية تنظيم مثل هالأجانب المقيمين عندنا ... لكل من سألني عن رياض الأطفال والأنشط

[نور الحور]

السلام عليكم ورحمة الله وبركاته ،،

لكل أم .. لكل أب .. لكل مربي .. لكل من سألني عن أفضل رياض أطفال بقطر.. لكل من سأل عن الأنشطة الصيفية للأطفال .. أهدي هذا الموقع :
www.dohamums.com

ياليت نصير ولو بنصف تنظيمهم !!! :anger1:

احنا الأمهات القطريات وللأسف تايهين ..يوم بغيت أدور حضانة لولدي بحثت في القوقل بالعربي ..بس للأسف اللي لقيته عبارة عن تساؤلات من أمهات محتارات وإجابات ركيكة من العضوات أو قلة معرفة .. :secret:
لكن يوم بحثت بالإنجليزي ... بصراحة ذهلت:omg: :eek5:

معلومات كثيييييييييرة..مصنفة ومرتبة..نقاشات عقلانية وتقييم على أسس معقولة .. من أمهات الجاليات في قطر في موقع قطر ليفنغ .. واللحين ما شاء الله عليهم أسسوا هالموقع .. وهو بمثابة رابطة للأمهات ودليل إرشادي لهم ويضم بعد لقاءات دورية في أماكن عامة للتعارف وتبادل المعلومات وبعد تعارف الأطفال !!!! :victory:

ياليتنا نسوي ولو نص هالجهد .. العمل الجماعي بصراحة حلو وهو اللي يميز الأجانب عن العرب المساكين ...:weeping:
شوفوا الموقع وقولوا لي رايكم ..وبالأخص الأمهااااااااااااااااات:telephone:

[كازانوفا]

صحيح كلامك

[ولد شرق]

بسكم انتقاد في هل قطر

يوم اتسبون الاجانب و اتقولون مانبيهم و يوم اتقولون الاجانب احسن منا و امنظمين ياليت انكون نفسهم او نص اللي عندهم

التنظيم زبن لكن ياليت الانتقاد يكون باسلوب حضاري وانتقاد بنّاء يفيدنا و يفيد الكل

اما تعال الاجانب افضل... عليهم بالعافيه ولاتنسين اذا انتي اقطريه يعني انتي وحده من الفوضويين اللي تتكلمين عنهم

ان الله لايغيّر مابقوم حتى يغيروا ما بأنفسهم...

[نمر بن عدوان]

بسكم انتقاد في هل قطر

يوم اتسبون الاجانب و اتقولون مانبيهم و يوم اتقولون الاجانب احسن منا و امنظمين ياليت انكون نفسهم او نص اللي عندهم

التنظيم زبن لكن ياليت الانتقاد يكون باسلوب حضاري وانتقاد بنّاء يفيدنا و يفيد الكل

اما تعال الاجانب افضل... عليهم بالعافيه ولاتنسين اذا انتي اقطريه يعني انتي وحده من الفوضويين اللي تتكلمين عنهم

ان الله لايغيّر مابقوم حتى يغيروا ما بأنفسهم...

شكلك مافهمت كلام العضوه. اخوي هي تتكلم عن الاجانب الانجليز والاروبيين وعنا احنا يعني العرب وعن مواقعهم الي بالانجليزي ومواقعنا العربيه.

[كازانوفا]

شكلك مافهمت كلام العضوه. اخوي هي تتكلم عن الاجانب الانجليز والاروبيين وعنا احنا يعني العرب وعن مواقعهم الي بالانجليزي ومواقعنا العربيه.



المصيبه ان الكلام اوقات ما يوصل للعقول الغير ناضجه

زين انك وضحت مفهوم الاخت اللى مش قصدها ذنب باهل قطر :victory:

[الصريحه]

جزيت خير باختصار خذوا منهم الزين والشين قطوه في البحر لاهله

[نور الحور]

كازانوفا ..نمر بن عدوان .. الصريحة..
جزاكم الله خير على الردود وفهم ما كتبته بطريقة صحيحة وإن شاء الله الفايدة تعم الجميع ..


ولد شرق .. ماأقول إلا الله يسامحك ويهديك بس ...

[كركم]

فكرة حلوة ياليت يتم تطبيقها بين الأمهات...واختي تقدرين تبادرين بهذي الخطوة وتسون لكم قروب في الفيس بوك بشكل مبدأي..تتبادلون فيه الخبرات ..

[نور الحور]

فكرة حلوة ياليت يتم تطبيقها بين الأمهات...واختي تقدرين تبادرين بهذي الخطوة وتسون لكم قروب في الفيس بوك بشكل مبدأي..تتبادلون فيه الخبرات ..

فكرك سباق .. بصراحة ناوية أطور الفكرة ..بإذن الله :nice:

[المحافظ]

مشكورين على هالمشاركة الحلوة ، شفت برنامجهم ، وايد حلو ..

[koketa]

مشكورين على هالمشاركة الحلوة ، شفت برنامجهم ، وايد حلو ..