وآخرتها مع البي بي؟؟؟!!

[باظلوف]

السلام عليكم ورحمة الله وبركاته

اخواني الأعضاء...

يوم الجمعة الماضي حصل شي مؤسف الصراحه ومخجل

يحكي لي شخص ان أثناء الخطبة يوم الجمعه الشخص اللي قاعده يمه

حاط في حضنه البي بي ويطقطق فيه.. لا والريال مقصر الثوب بعد!

لا احترام ولا غيره!!

يعني لهدرجة وصلت فينا كمسلمين ان احنا نستخسر نص ساعة عشان نسمع فيها الخطبة!



هناك الكثير من الأمثلة المخجلة الصراحة واقواها المثال اللي ذكرته اعلاه



كذلك لما تروح الميالس تلقى كل واحد ماسك له هالبي بي وحاقر الرياييل وناسي نفسه

ياخي ليش كلفت على نفسك وييت اصلا؟؟

آ


رائكم ومواقفكم ...

[*محمد*]

اشهد انك صادق بكل كلمة
الله يرحم الحال ويهديك شبابنا

عندي خمس من اخواني في البيت اذا قعدت في المجلس نبي نسولف كل واحد ماسك ذا التلفون ويطق طق فيه ههههه

<<< ماحب البلاك بيري ^^
ايفون وبس خخخ

[فرانسـ كوفي]

تبون 2010 مثل 1971 خلاص راحت عليكم هذا زمانا من حقنا ندلع دوانيات اول مافيييييه بح ماتت بي بي وبس والباقي ياكل خس

[مجموعة إنسان]

اشهد انك صادق بكل كلمة
الله يرحم الحال ويهديك شبابنا

عندي خمس من اخواني في البيت اذا قعدت في المجلس نبي نسولف كل واحد ماسك ذا التلفون ويطق طق فيه ههههه

<<< ماحب البلاك بيري ^^
ايفون وبس خخخ

مرحبا بغيت اسالك هل الاي فون يعمل نفس عمل البلاك بيري بالشات وإضافة الناس ولا بس كمبيوتر فقط وهل ممكن نزل برنامج يربط الاي فون بالابلاك بيري

[سهم طايش]

هذا يسمونه قل سنع

[ماريسا]

حرية شخصية

[بو الجوري]

والله بخصوص إن الـبيبي :.. منزل رووس الرجال فالـمجلس :..
الصراحه هذول ما يعرفون السنع أصلاً :..
وماعنده سالفه :.. ومب شايف خير :.. وأغلبهم من هالنوع :..

أنا عندي بلاكـ بيري :.. لكن إذا قاعد فـمجلس وإلا أي تجمع :.. ما أشغل نفسي فيه إلا إذا كنت فاضي :.. :secret:

ولحد يقولي مفيد وتطور :.. والله أنا أشوفه شي عادي :.. الفايده منه يمكن 10 % بالنسبه لي :..
يعني بس لما اكلم الشباب او هلي :.. عالمسنجر :..
لكن غيره :.. برودكاست عباره عن أشعار أو صور أو فيديو :.. ونكت :..
ويا ريت من الشباب اللي مب شايفين خير :.. يتسنعووون :.. :tease:
وخاصه اللي يسووق ويتمشى :.. ومنشغل فالـبيبي :.. :anger1:
يعني المسج بيطير :.. مردك بتشوفه :. :rolleyes2:

السموحه عالإطاله :.. وأنا أتكلم بشكل عام :.. واللي على راسه بطحه :.. :)

[عضو قناص]

حرية شخصية

لا .. ليست حرية شخصية وقت خطبة الجمعة


عن أبي هريرة رضي الله عنه، أن النبي صلى الله عليه وسلم قال‏:‏ «إذا قلت لصاحبك يوم الجمعة أنصت، والإمام يخطب فقد لغوت»،


-------------


مزيد من الشرح :

تسأل عن حديث الرسول -صلى الله عليه وسلم- الذي معناه: (ومن مس الحصى فقد لغا)، ماذا يقصد بالحصى؟ وهل هي مقصودة لذاتها أو أنها تشير إلى معانٍ فقط؟


بسم الله الرحمن الرحيم. الحمد لله، وصلى الله وسلم على رسول الله، وعلى آله وأصحابه ومن اهتدى بهداه. أما بعد: فهذا الحديث الصحيح أرشد به النبي -صلى الله عليه وسلم- إلى الإنصات للخطيب يوم الجمعة، وعدم العبث بما يشغله عن سماع الخطبة، ومس الحصى من ذلك، وليس مقصوداً بذاته، بل المقصود العناية بالاستماع والبعد عما يشغل عن الاستماع والإنصات، فإذا مس الحصى أو مس أشياء أخرى في المسجد من..... في الفرش أو من أوراق عنده، أو ما أشبه ذلك؛ أشبه ذلك مس الحصى. فالمقصود كله هو أن ينصت للخطيب، وأن يفرغ قلبه لذلك، ويكف جوارحه عن العبث التي قد يشغله عن الاستماع. ومعنى: (فقد لغا)، يعني لغت جمعته، يعني لا يكون له ثواب الجمعة، يكون له ثواب الظهر ما هو ثواب الجمعة، يعني يفوته الثواب العظيم الذي رتبه الله على الجمعة.

الشيخ عبدالعزيز بن عبدالله بن باز رحمه الله

[The End Qtr]

ياخي ياليت يتكرم الامير ويقطع هالحثاله اللي اسمه بيبي ومع احترامي للكل ما يستخدمه الا الفاضي

وعلى موضوع الخطبه والله قدامي يوم الجمعه الخطيب يخطب والشباب ع البيبي

ولا يقهرني الا اذا واحد بيروح السينما حط السينما تايم واذا راح المسجد المسجد تايم ومادري شنو تايم .. سخافه مالها حدود

[الأصيلة]

المشكلة وصل بهم الحال تصوير حفلات خاصة ونشرها عبر البلاك بيري
لهذه الدرجة ما يحسون بمراقبة الله
ولا يخافون منه...
إشاعات وبلاوي..
الحدث قبل لا يوصل لألهل المعنيين يوصل للناس عن طريق البي بي
مثل الولادات والأعراس والتغيرات الوزارية ,,,الخ...
ما منه أي فائدة بالعكس صار من بلاوي هالزمان...

[حقيقه]

المفروض في المساجد يكون فيه جهاز يشوش على الارسال عشان محد يستخدم الجوال ان كان بي بي او جوال عادي


اما برى في المجالس والتجمعات عيب اني اسفهه للموجودين وانشغل فيه والعالم تكلمني

اذا لهالدرجه شاغلك البي بي اطلع من المجلس لاتقعد مع العالم

[نعيمه علي]

البلاك بيري مفيد في شيء
ولكنه يأخذ الشخص من اللي حوله
وحلو انه الواحد يقدر يسوي كنترول على نفسه
يعني في وجود الناس يترك البي بي على جنب
واذا كان لحاله يتفرغ له

اطيب تحياتي

.

[حقيقه]

المشكلة وصل بهم الحال تصوير حفلات خاصة ونشرها عبر البلاك بيري
لهذه الدرجة ما يحسون بمراقبة الله
ولا يخافون منه...
إشاعات وبلاوي..
الحدث قبل لا يوصل لألهل المعنيين يوصل للناس عن طريق البي بي
مثل الولادات والأعراس والتغيرات الوزارية ,,,الخ...
ما منه أي فائدة بالعكس صار من بلاوي هالزمان...


اذا على التصوير موجود من زمان بكل انواع الجوالات
المشكله انه في بنات يصورون عمرهم وربعهم بالجوال ويرسلون حق بعض

رقابة الاهل مهمه اذا ماكان عند المستخدم وازع ديني يمنعه من العمل هذا

[بو الجوري]

البلاك بيري مفيد في شيء
ولكنه يأخذ الشخص من اللي حوله
وحلو انه الواحد يقدر يسوي كنترول على نفسه
يعني في وجود الناس يترك البي بي على جنب
واذا كان لحاله يتفرغ له

اطيب تحياتي

.

:nice:
بس وين اللي يعرفون السنع

[ابو محمد7]

كعادة العرب ما ان تنزل تقنية جديدة يشوفون ال 10 % من استخدام هالتقنية بشكل سلبي ويستخدمون هالجزء السلبي بنسبة 90 % !

نفس الانترنت وخاصة اول ما طلع مايعرفون غير شات ومواقع اباحية !
وقارن انت بفوايد الانترنت تلاقي هالخرابيط ماتجي 10 %

او البلوتوث يوم طلع صار بس حق نشر الصور والافلام وفي الحقيقة هي وسيلة اتصال متطورة جدا ,

وعندك كمثال بسيط السيارات اللي تتوصل مع التلفون بالبلوتوث شي مفيد جدا

والحين البلاك بيرك اللي مفيد جدا حق رجال الاعمال والموظفين الكبار اللي يحتاج يدخل على ايميله في اي وقت ويتواصل مع عمله !

احنا عندنا حق الدردشة سوالف فاضية واشاعات ونشر صور وافلام

وقس على ذلك يوتيوب وفيس بوك

لدرجة ان بعض المشايخ اول مايسمع عن هالتقنيات ويقولون له شلون استخدامها من قبل ربعنا يمكن يطلع فتوى بتحريمها اذا ما فهم شنو هالتقنية صح !

ولا الناس تطالب شركات الاتصال تصكر الخدمات والتكنولوجيا !

يعني تخيلوا بسبب تخلفنا واستخدامنا السلبي جدا نعيش بدون انترنت و فيس بوك ويوتيوب و بلوتوث وبلاك بيري !!!

[بو الجوري]

ياخي ياليت يتكرم الامير ويقطع هالحثاله اللي اسمه بيبي ومع احترامي للكل ما يستخدمه الا الفاضي




مب لهالدرجه أخوي :.. شدعوه :..
ترى في ناس تستفيد منه :.. ( مع إنهم شوي ) :)
مثلا مديري لما يكون برع فإجتماع أو مؤتمر :..
أطرشله إيميل ويرد فنفس الوقت :.. وغذا جاه إيميل ضروري يقدر يقراه ويرد :..

يعني في ناس مستفيده منه :..
لكن أغلب الشباب الله يهديهم :.. مب شايفيين خير :)

[نعيمه علي]

:nice:
بس وين اللي يعرفون السنع




بشوية توعية
ونصيحة وديه
الناس بتفهم وتستوعب


.

[لمعة الالماس]

أنا مع التطور والتقدم

لكن اني اقعد مع البلاك بيري وانا قاعدة مع أهلي او صديقاتي أشوفها قلة احترام

الحين الواحد زين منه يلقى وقت يجمعه مع هله يسولفون والا يضحكون احسن من أني انشغل مع البلاك بيري واطنش للي حوالي وآخر شي يا نكته ولا صورة والا إشاعة يعني عادي في اي وقت ممكن الحق على هالاشياء

[أخت الغالي]

حرية شخصية فالصلاة بعد !!!!

" اللهم لاتؤاخذنا بما عمل السفهـاء منا "

جزاك الله خير عالموضوع

[y.o.y.o]

والله بخصوص إن الـبيبي :.. منزل رووس الرجال فالـمجلس :..
الصراحه هذول ما يعرفون السنع أصلاً :..
وماعنده سالفه :.. ومب شايف خير :.. وأغلبهم من هالنوع :..

أنا عندي بلاكـ بيري :.. لكن إذا قاعد فـمجلس وإلا أي تجمع :.. ما أشغل نفسي فيه إلا إذا كنت فاضي :.. :secret:

ولحد يقولي مفيد وتطور :.. والله أنا أشوفه شي عادي :.. الفايده منه يمكن 10 % بالنسبه لي :..
يعني بس لما اكلم الشباب او هلي :.. عالمسنجر :..
لكن غيره :.. برودكاست عباره عن أشعار أو صور أو فيديو :.. ونكت :..
ويا ريت من الشباب اللي مب شايفين خير :.. يتسنعووون :.. :tease:
وخاصه اللي يسووق ويتمشى :.. ومنشغل فالـبيبي :.. :anger1:
يعني المسج بيطير :.. مردك بتشوفه :. :rolleyes2:

السموحه عالإطاله :.. وأنا أتكلم بشكل عام :.. واللي على راسه بطحه :.. :)







البلاك بيري مفيد في شيء
ولكنه يأخذ الشخص من اللي حوله
وحلو انه الواحد يقدر يسوي كنترول على نفسه
يعني في وجود الناس يترك البي بي على جنب
واذا كان لحاله يتفرغ له

اطيب تحياتي

.




كعادة العرب ما ان تنزل تقنية جديدة يشوفون ال 10 % من استخدام هالتقنية بشكل سلبي ويستخدمون هالجزء السلبي بنسبة 90 % !

نفس الانترنت وخاصة اول ما طلع مايعرفون غير شات ومواقع اباحية !
وقارن انت بفوايد الانترنت تلاقي هالخرابيط ماتجي 10 %

او البلوتوث يوم طلع صار بس حق نشر الصور والافلام وفي الحقيقة هي وسيلة اتصال متطورة جدا ,

وعندك كمثال بسيط السيارات اللي تتوصل مع التلفون بالبلوتوث شي مفيد جدا

والحين البلاك بيرك اللي مفيد جدا حق رجال الاعمال والموظفين الكبار اللي يحتاج يدخل على ايميله في اي وقت ويتواصل مع عمله !

احنا عندنا حق الدردشة سوالف فاضية واشاعات ونشر صور وافلام

وقس على ذلك يوتيوب وفيس بوك

لدرجة ان بعض المشايخ اول مايسمع عن هالتقنيات ويقولون له شلون استخدامها من قبل ربعنا يمكن يطلع فتوى بتحريمها اذا ما فهم شنو هالتقنية صح !

ولا الناس تطالب شركات الاتصال تصكر الخدمات والتكنولوجيا !

يعني تخيلوا بسبب تخلفنا واستخدامنا السلبي جدا نعيش بدون انترنت و فيس بوك ويوتيوب و بلوتوث وبلاك بيري !!!


كفيتو ووفيتو :nice:

[فلتة زمانها]

شدعوه حَتـے في صلاة الجمعه الله يهديه بس
البلاك بيري حلو بس بعض الناس اساءوا استخدامه
بدال مانستخدمة للتواصل وتنبادل اخر الاخبار والابحاث العلميه
مَّثٌَِلٍّ مايسوون الغرب نستخدمه في نشر البرودكاست الماصخ
والافلام الاباحيه والتشهير بالبنات مِنْ كم يوم جاني برودكاست
يحذرون مِنْ بنت خليجيه يقولون انها مصابه بالايدز حاطين صورها
وراقام جوالاتها وعنوان بيتها وحتى اسمها بالكامل واسماء اخوانها
اشكره واضح انه تشهير وافتراء على خلق الله!!

[حنان الدنيا]

عندي بلاك بيري بس عادي ومااهتم

المشكله مش في البلاك بيري المشكله في الشخص نفسه

ومرات استغرب لما اشوف ناس طول الوقت عينها على البلاك بيري

[فلفل حار]

والله بخصوص إن الـبيبي :.. منزل رووس الرجال فالـمجلس :..
الصراحه هذول ما يعرفون السنع أصلاً :..
وماعنده سالفه :.. ومب شايف خير :.. وأغلبهم من هالنوع :..

أنا عندي بلاكـ بيري :.. لكن إذا قاعد فـمجلس وإلا أي تجمع :.. ما أشغل نفسي فيه إلا إذا كنت فاضي :.. :secret:

ولحد يقولي مفيد وتطور :.. والله أنا أشوفه شي عادي :.. الفايده منه يمكن 10 % بالنسبه لي :..
يعني بس لما اكلم الشباب او هلي :.. عالمسنجر :..
لكن غيره :.. برودكاست عباره عن أشعار أو صور أو فيديو :.. ونكت :..
ويا ريت من الشباب اللي مب شايفين خير :.. يتسنعووون :.. :tease:
وخاصه اللي يسووق ويتمشى :.. ومنشغل فالـبيبي :.. :anger1:
يعني المسج بيطير :.. مردك بتشوفه :. :rolleyes2:

السموحه عالإطاله :.. وأنا أتكلم بشكل عام :.. واللي على راسه بطحه :.. :)

آجديــت ووفيــت يالغالــي ...
:victory:









وآلي شفته يابظلوف يسموونه قلـة سنع والله حتي الحريم مايسوونها والدليل رد آختنا حقيقه ...

[غزلان]

فكيت عمري من البدايه وماخذت لي الب ب

[بوحارب]

ناس ما تعرف السنع

[hamoor4ever]

تصرف فردي ماله خص البي بي ياما رحنا المسيد شفنا ازعاج من اطفال اوناس نايمه بدل ماتسمع الحديث وهاذه من الشخص نفسه وحتى ثوبه ماله خص فيه بس اللي بغيت اقوله



حبتين للبي بي :nice: ههههه

وطول بالك

[غدير البورصه]

انتوا الحين استغبتوه وخذيتو اثمه
محد سالم منكم ليش ما قلتوا له ونبهتوه بدال ما تستغيبونه

دعوا الخلق للخالق.

[كاروهات]

حرية شخصية


حرية شخصية في المسيد !!!!!!

[طلعة الروح]

مانقول غير الا يهديه ويهدي امثاله ..
مادامه واصل المسجد وقاعد يسمع خطبة الجمعة
اكيد انسان للحين فيه خير كنت اتمنى من اللي حوله تنبيهه
انا اقول عيب انك تلهى عن الخطبة وهاي ينطبق على اي شي ثاني كالمحاضرات الدينيه والعلميه فيتفرض انه المتلقي موجود بذهنه يحترم المحاضر والا يستأذن بالانصراف افضل وبصراحه اشوف ان سلوك الرجل فردي ولا ينطبق على الكل..

تحياتي،،

[باظلوف]

انتوا الحين استغبتوه وخذيتو اثمه
محد سالم منكم ليش ما قلتوا له ونبهتوه بدال ما تستغيبونه

دعوا الخلق للخالق.

هههههههههههههههههههههه

يا اخي الكريم انا لا قلت اسمه ولا شكله

احنا تكلمنا عن تصرفه

يعني لما شيخ دين يتكلم عن مدمن مخدرات يكون اغتابه؟؟؟ والا عن موقف سواه احد ؟ بعد يعتبر غيبه؟؟؟





اللي يدافع عن البي بي احنا ما قلنا تركوه لكن سوء الاستخدام اهو الي غلط

وخلوا الميالس على جنب خلونا نتكلم عن وقت الصلاه!!

يعني هالشي يتعدا حدود الحريه الشخصية!

[freespirit]

اول شي اللي سواه الرجال غلط.. بس خلوكم معاي لحظه.. خلنا نعيش سيناريو :)

هل مره صحيت يوم الجمعه مستانس.. رحت تسبحت وسلمت على ابوك وامك .. خذت العيال الصغار وياك ورحت للمسجد.. وقعدت تسمع الخطبه .. الا تحس انك في deja vu < جوجل لو ماتعرف وشمعناها

احضر صلاه الجمعه سنه كامله .. اضمن لك السنه الثانيه بتسمع 70% من الخطب تنعاد بالحرف

مرات القى نفسي اردد مع الخطيب خطبته من كثر ما سمعتها :)

ودايما نفس الشي في نفس الموسم.. عاشورا.. ناخذ لنا خطبه عن فضل الصوم .. رمضان؟ فضل التراويح

كلهم سمعناهم الفين مره.. لدرجه صارت السالفه روتين مافيها شي جديد ومافيه الصراحه شي ينفعك في الخطبه ابد

معظم الخطب سكريبت.. اللي يفرق بين مسجد ومسجد قوه صراخ الامام.. والمشكله بعضهم يصارخ في الوقت الغلط .. يعني يقول قصه واحد مات.. لما طلعت روحه .. تلقى الاخو يصارخ؟ ليش ياخي هذي لحظه سكون خذ لك درس درسين في في الالقاء؟

انا ادري الالقاء صعب.. معظم الناس يتوترون لما يكلمون جمهور.. بس خطب معيوده الفين مره .. واسلوب صفر في الالقاء؟

نرجع ونقول احضر صلاه الجمعه سنه .. وشوف كم مره تحدث فيها الخطيب عن شي يخص المسلمين من القضايا المعاصره؟

وجهه نظر.. وتحياتي

[فيزيائية]

ممكن نقول
ان لكل شيء أدب
ولابد للبي بي من أدااااب لاستخدامه...
متى وأين ولماذا ...
والانسان المحترم (فقط) يعرف هذه الآداب
عاد الباقي فدعوهم للزمن !

[بوخالد911]

هلا

العيب بالمستخدم

واللي يبط جبدي هو اللي يتمشوون بالمجمعات وهم يطقطقوون ع البي بي

مرة كانت حررمة بتدعمني لولا اني نبهتها !!!!
وقلت لها : حااسبي لا تدعميني !!!

وهو سلاح ذو حدين


مووفقين

تحياتي قبل ارسال برودكاستاتي

[نايم سهران]

في المسجد قويه
بس غير المسجد حريه شخصيه it's depend
واحلى شي البي بي في الحياه :nice:

[باظلوف]

في المسجد قويه
بس غير المسجد حريه شخصيه it's depend
واحلى شي البي بي في الحياه :nice:

:eek5: أحلى من الحداق؟!!

[باظلوف]

تبون 2010 مثل 1971 خلاص راحت عليكم هذا زمانا من حقنا ندلع دوانيات اول مافيييييه بح ماتت بي بي وبس والباقي ياكل خس

الله يسلمك اخوي

عندي سؤال اللي رايح الميلس ويمسك البي بي طول الوقت ليش رايح الميلس اساسا!؟

سوو لكم ميالس سموها ميالس البي بي :telephone:

[حنان الدنيا]

الله يسلمك اخوي

عندي سؤال اللي رايح الميلس ويمسك البي بي طول الوقت ليش رايح الميلس اساسا!؟

سوو لكم ميالس سموها ميالس البي بي :telephone:





:victory: حلوة مجالس البي بي :victory:

[شعنونة قطر]

مرحبا بغيت اسالك هل الاي فون يعمل نفس عمل البلاك بيري بالشات وإضافة الناس ولا بس كمبيوتر فقط وهل ممكن نزل برنامج يربط الاي فون بالابلاك بيري

شر البلية مايضحك





حاقه تكسف