هل لي باستشارة..؟ وينكم يا اصحاب الخبرة ..؟

[هتـان قطر]

قضيت سنوات طويلة في تربية عيالي وعانيت ما عانيت والفضل لله والمنة كبروا

وهم على تربية وخلق بشهادة الجميع ..الى ان اتى المفعوص اللي ما يتجاوز

عمره السبع سنوات..ضاربا بخبرتي وسنوات عمري عرض الحائط :rolleyes2:

هذا الولد من بدة اخوانه الله يحفظه فشلت معه كل الوسائل في كسر راسه

والحد من غروره وعناده..

اصبح هو سبب اغلب المشاكل.. يوميا يكونون اخوانه في صوب ضده وهو في صوب

ومستحيل يقدرون يثنونه عن رايه..

واجباته المدرسية ما يحلها الا الصبح والسيارة عند الباب :anger1:

ومع ذلك ..ماشالله تبارك الله..ماخذ الاول على الصف..

مستحيل تقدر تقنعه باي شي .. رايه هو اللي يمشي واذا جبرناه بالغصب

ما يعترف انه كان غلطان ابدا ابدا مهما كان

اذا قلت له سالفه او معلومه..قالك اصلا ادري قبلك :eek5:

اذا طلب من اخوانه شي ونفذوه له..قال غصبن عنكم سويتوه لي :omg:


اعترف اني احيانا اقف عاجزه عن ايجاد حل لاصلاح شخصيته..والحد من عناده وغروره


هل من حل ..؟

هل احد عانى من امثال هذا الولد..؟


:(

[ابو محمد7]

ممم انا ماعندي خبرة بتربية الابناء لكن عندي خبرة متواضعة جدا في التعامل مع هذه الفئة السنية في البرامج التربوية الشبابية

اولا على ما اعتقد الولد ماشاء الله فيه علامات الذكاء وشخصية قيادية الى حد ما .

شنو سبب الدلع او الغرور اللي فيه ؟

هل مر بظروف من اي نوع ؟

هل في ظروف في محيط الاسرة ؟ (ان شاء الله مايكون سؤال خاص)

هل تمت معاملته بطريقة خاصة , على قولتنا دلعوه شوي ؟

ولي عودة

انا مب خبير بس بدردش معاكم اذا ممكن

[هتـان قطر]

اخوي محمد يمكن لانه كان يعاني من الربو كنت شوي اداريه لكن ابدا ما دلعته

غير عن اخوانه..وهو بالفعل ماشالله تبارك الله ذكي جدا..

لكن الصراحه احيانا يفقدني اعصابي ,, واضغط على عمري علشان ما اضربه

لكن اخوانه ..الله لا يراويك ضرب ومضارب هم واياه..عسى الله يهديه

[alwahesh]

نشاط زائد

في البدايه يكون شاطر لان معظم المدرسات في هالمرحله من حملة الثانويه وما دونها

ولان معظم الطلاب الله بالخير تلقين ولدج يطلع الاول عليهم اذا طبقنا سياسة

العور على العميان باشا

انا انصح بعرض على اخصائي نفساني ويفضل خارج قطر لكي يبقى ملفه الصحي خاليا من الاوراق الي قد تظره عند التخرج من الثانويه وخاصه للالتحاق بالسلك العسكري

[*محمد*]

قضيت سنوات طويلة في تربية عيالي وعانيت ما عانيت والفضل لله والمنة كبروا

وهم على تربية وخلق بشهادة الجميع ..الى ان اتى المفعوص اللي ما يتجاوز

عمره السبع سنوات..ضاربا بخبرتي وسنوات عمري عرض الحائط :rolleyes2:

هذا الولد من بدة اخوانه الله يحفظه فشلت معه كل الوسائل في كسر راسه
والحد من غروره وعناده..

اصبح هو سبب اغلب المشاكل.. يوميا يكونون اخوانه في صوب ضده وهو في صوب

ومستحيل يقدرون يثنونه عن رايه..

واجباته المدرسية ما يحلها الا الصبح والسيارة عند الباب :anger1:

ومع ذلك ..ماشالله تبارك الله..ماخذ الاول على الصف..

مستحيل تقدر تقنعه باي شي .. رايه هو اللي يمشي واذا جبرناه بالغصب

ما يعترف انه كان غلطان ابدا ابدا مهما كان

اذا قلت له سالفه او معلومه..قالك اصلا ادري قبلك :eek5:

اذا طلب من اخوانه شي ونفذوه له..قال غصبن عنكم سويتوه لي :omg:


اعترف اني احيانا اقف عاجزه عن ايجاد حل لاصلاح شخصيته..والحد من عناده وغروره


هل من حل ..؟

هل احد عانى من امثال هذا الولد..؟


:(


اختي مابي انتقد بعض الجمل الي كتبتيها .
مثل الي بالخط الاحمر . انتي عرضتي مشكلتك وان شاء الله ماتكون مشكله وانتي هدي بالج توه صغير وقاعد يخلق لنفسه شخصيه قياديه مع بعض القوه :victory: انتي هدي بالج

واتمنى تراجعين نفسك وتصبرين عليه شوي

[نعيمه علي]

اختي العزيزة

هذا الولد فلته
يعني تعاملينه بتمييز
عشان تقدرين تكسبينه
مثلا اذا دخلتي الصالة وشفتيه مسوي شطانه مع اخوانه
قولي فديته الغالي
ايش بسوي انا من غير حسه في البيت
عامليه بتميز
واتفقي مع باقي اخوانه في غيابه على علاجه
بطريقه انك تمدحونه اذا تشيطن
خلوه يستغرب من مدحكم له
وحطي لوحه في البيت عليه صورته
واكتبي على اللوحه
حبيبي ..........
الشاطر
وكل يوم يسمع فيه كلامج بشيء حطي له مبلغ على اللوحه

هذه مجرد اقتراحات للطفل اللي يكون صعب التحكم به

مع اطيب وارق تحياتي
اختك نبض

.

[فلتة زمانها]

سبحان الله كانج تتكلمين عن اخوي الصغير نفس حركاته والعن
الله يعينج لـَّيِ كبر ترى هالطبع مايتغير بس انَُتِيٍَْ طولي بالج
قد ماتقدرين لانه ماينفع معاهم هالعناد بالفطره

[هتـان قطر]

نشاط زائد

في البدايه يكون شاطر لان معظم المدرسات في هالمرحله من حملة الثانويه وما دونها

ولان معظم الطلاب الله بالخير تلقين ولدج يطلع الاول عليهم اذا طبقنا سياسة

العور على العميان باشا

انا انصح بعرض على اخصائي نفساني ويفضل خارج قطر لكي يبقى ملفه الصحي خاليا من الاوراق الي قد تظره عند التخرج من الثانويه وخاصه للالتحاق بالسلك العسكري



اخوي الوحش الولد انا كنت مأسسته صح عند مدرس لغة عربية قبل يدخل المدرسة

وفعلا مستواه عالي ويحفظ بسرعه..والمدرسه مالها علاقه برفع مستواه

انا عارفه ان مستواه اعلى من اقرانه اللي في نفس سنه..

لكن مشكلته عنييييد جدا ويدور المشاكل .. وانا وابوه ما يحترمنا نفس اخوانه

يعني عادي بيقط كلمه .. بيسب..ما يفرق عنده ان احنا والديه من اخوانه

واذا هواشته قال انتي بعد تهاوشين .. ويقعد يرادد وما يسكت وما ودي ابين

له ضعفي واذا استخدمت القوة اخاف ادمر شخصيته..مع اني احيانا استخدمه مضطره

[ماريسا]

اكيد في خطأ في التربية قبل لا يكمل السنة الخامسة و تصرفاته الآن هي نتيجة ذلك الخطأ
الله يكون في عونج

[عابر سبيل]

تحية لك يالهتان
و لك ام..تعرف اعيالها بهالدقة!
*
*
،،
يمكن..لو فكرتي..بدقة...
المشلكة..لاهي منج..و لا هي منه..

المشكلة..من اخوانه/اخواته اللي اكبر منه؟؟

[هتـان قطر]

اختي مابي انتقد بعض الجمل الي كتبتيها .
مثل الي بالخط الاحمر . انتي عرضتي مشكلتك وان شاء الله ماتكون مشكله وانتي هدي بالج توه صغير وقاعد يخلق لنفسه شخصيه قياديه مع بعض القوه :victory: انتي هدي بالج

واتمنى تراجعين نفسك وتصبرين عليه شوي



صحيح معك حق..لاني افقد طوري بعض الاحيان خصوصا هذي الحزة وهي جيتهم من المدرسة

تكون ساعة الذروة..وحزة لعب المصارعة الرومانية هو واخوه..احيانا من قلة الحيلة

اصير حكم احكم بينهم

[كازانوفا]

عندي نفس المشكله ربي يهديه ويحفظه لكم ولنااا ان شالله

[هتـان قطر]

اختي العزيزة

هذا الولد فلته
يعني تعاملينه بتمييز
عشان تقدرين تكسبينه
مثلا اذا دخلتي الصالة وشفتيه مسوي شطانه مع اخوانه
قولي فديته الغالي
ايش بسوي انا من غير حسه في البيت
عامليه بتميز
واتفقي مع باقي اخوانه في غيابه على علاجه
بطريقه انك تمدحونه اذا تشيطن
خلوه يستغرب من مدحكم له
وحطي لوحه في البيت عليه صورته
واكتبي على اللوحه
حبيبي ..........
الشاطر
وكل يوم يسمع فيه كلامج بشيء حطي له مبلغ على اللوحه

هذه مجرد اقتراحات للطفل اللي يكون صعب التحكم به

مع اطيب وارق تحياتي
اختك نبض

.



فكرة ممتازة ولكن يبيلها صبر على تطبيقها..

تسلمين نبض على هالفكرة وان شالله اقدر اطبقها

[ابو محمد7]

نشاط زائد

في البدايه يكون شاطر لان معظم المدرسات في هالمرحله من حملة الثانويه وما دونها

ولان معظم الطلاب الله بالخير تلقين ولدج يطلع الاول عليهم اذا طبقنا سياسة

العور على العميان باشا

انا انصح بعرض على اخصائي نفساني ويفضل خارج قطر لكي يبقى ملفه الصحي خاليا من الاوراق الي قد تظره عند التخرج من الثانويه وخاصه للالتحاق بالسلك العسكري

لاحول ولا قوة الا بالله

من كان يؤمن بالله واليوم الاخر فليقل خيرا او ليصمت

واللي مايعرف شيقول يتم ساكت ابرك له !

الحذر من مثل هالنصائح ! ليش اخصائي نفسي ! مافي اي داعي لهالشي والحذر من الدخول في هالمتاهات ! هذي حق اللي يعاني من مشكلة نفسية (وسواس - فوبيا - اكتئاب) وغيره من المشاكل الله يحفظكم والمسلمين


ممكن انتي تقابلين ناس متخصصين في التربية واكيد عندهم نصائح حلوة وايد

[هدوء الصباح]

هتان لا ارى مشكلة لدى ولدك وانما هو (مختلف)عن اخوته!!

واتوقع انه (الاذكى)فالحل برأيي هو التجاهل لبعض تصرفاته وتحويل بعضها الى الجهة الايجابية..:nice:

ولو ان خبرتي (حديثة)في تربية الابناء.

[ام السعف]

يمكن رايي يكون قاسي عشرين حربة

اشوف الولد مدلع ومعطينه فوق حجمه في البيت
وهالشي هو السبب في تماديه ،،

شنهو يعني ذكي وشاطر وهو مب راضي يحترم اللي اكبر منه
ويعرف حدوده في التعامل مع اخوانه و اسلوب كلامه مع امه
واداء واجباته ؟

اعتقد يا هتان بالنسبة لي الحل في يدج

لو كان ولدي راح اتبع معاه الاسلوب الاتي

1- احذره من مغبة التطاول على اخوانه واي مشكلة تحصل
تنعرض علي ان كان هو السبب يتعاقب و ينضرب جدامي من اللي غلط عليهم ،،
( طبعا مب كل ضرب) لكن ان استدعى ينضرب ،،

2- ان كان على صواب يتعاقب اللي يغلط عليه و احاول اني اسحبه
من بين يدينهم في هالفترة بالذات ،،

3- ان ما احترم نفسه وحل وظايفه اول بأول راح ينحرم من امور
هو يحبها و يموت فيها ،، وشوفيه اشلون بيحترم نفسه لو استمريتي
في طريقتج في الحرمان ،،

4 - ينمنع من الخروج من البيت في الكثير من المناسبات
لو تم على عناده

5- يعزز لو طبق المطلوب منه ،

اهم شي انه يحترم اخوانه ،، وفي نفس الوقت اخوانه يعطفون عليه

:shy:

[نعيمه علي]

فكرة ممتازة ولكن يبيلها صبر على تطبيقها..
تسلمين نبض على هالفكرة وان شالله اقدر اطبقها




صدقيني بشوية صبر
راح يتغير
انتي جربتي العصبيه ولا فيه فايدة
جربي معاه الطريقة اللي هو مو متوقعها

وربي يصلحه ويخليه لج

.

[حنان الدنيا]

في احد قعد وكلمه وقاله ان هالشئ عيب والمفروض كذا و كذا لازم فديتج انتي او ابوه تقعدون وتفهمونه

وشوفي بعدين اذا تغير او في استجابه من ناحيته او لا لان اذا سكتوا بيزيد

وبحكم خبرتي مع عيال خواتي :) :)

اقدر اقولج اذا قال شئ غلط او مسبه على قولتج او شئ ماعجبكم او قعد يرادد

طنشيه ومو بس انتي كلكم طنشوه وخلوا نفسكم ماسمعتوا شئ وتجاهلوه وان شاء الله بيتعلم

وبيعرف اللى يقوله غلط والله يعينج لان يبيله صبر صبر صبر

[ابو محمد7]

اختي العزيزة

هذا الولد فلته
يعني تعاملينه بتمييز
عشان تقدرين تكسبينه
مثلا اذا دخلتي الصالة وشفتيه مسوي شطانه مع اخوانه
قولي فديته الغالي
ايش بسوي انا من غير حسه في البيت
عامليه بتميز
واتفقي مع باقي اخوانه في غيابه على علاجه
بطريقه انك تمدحونه اذا تشيطن
خلوه يستغرب من مدحكم له
وحطي لوحه في البيت عليه صورته
واكتبي على اللوحه
حبيبي ..........
الشاطر
وكل يوم يسمع فيه كلامج بشيء حطي له مبلغ على اللوحه

هذه مجرد اقتراحات للطفل اللي يكون صعب التحكم به

مع اطيب وارق تحياتي
اختك نبض

.

في احتمال اذا مدحتوه اذا تشيطن يتمادى في تصرفاته !

اعتقد الولد مب محتاج هالنوع من زيادة الاهتمام

[هتـان قطر]

سبحان الله كانج تتكلمين عن اخوي الصغير نفس حركاته والعن
الله يعينج لـَّيِ كبر ترى هالطبع مايتغير بس انَُتِيٍَْ طولي بالج
قد ماتقدرين لانه ماينفع معاهم هالعناد بالفطره



الله يقدرنا على ان احنا نحسن التعامل معهم .. لان الوضع صعب وغير

عن انه مجرد كلام ينكتب.. فعلا لما اتعامل معه اجد صعوبه في اني

اقنعه بالشي الصح ..

[ابو محمد7]

اختي العزيزة

هذا الولد فلته
يعني تعاملينه بتمييز
عشان تقدرين تكسبينه
مثلا اذا دخلتي الصالة وشفتيه مسوي شطانه مع اخوانه
قولي فديته الغالي
ايش بسوي انا من غير حسه في البيت
عامليه بتميز
واتفقي مع باقي اخوانه في غيابه على علاجه
بطريقه انك تمدحونه اذا تشيطن
خلوه يستغرب من مدحكم له
وحطي لوحه في البيت عليه صورته
واكتبي على اللوحه
حبيبي ..........
الشاطر
وكل يوم يسمع فيه كلامج بشيء حطي له مبلغ على اللوحه

هذه مجرد اقتراحات للطفل اللي يكون صعب التحكم به

مع اطيب وارق تحياتي
اختك نبض

.



في احتمال اذا مدحتوه اذا تشيطن يتمادى في تصرفاته !

اعتقد الولد مب محتاج هالنوع من زيادة الاهتمام

[ROSE]

الله يحفظ لج عيالج يارب

هتان الله يحفظه لج ان شاء الله

اشوف انج تخلينه وتخلينه يكون شخصيته لانه باذن الله راح يكون له شأن في المستقبل

لكن ان حاولتي تكسرينه من الحين راح تشوفين شخص عكس اللي تشوفينه الحين

شخص مهزوز ومكسور

كل انسان وله شخصيتهم مب شرط الكل يطلعون نفس الشي لازم واحد شاذ بينهم

وانا افرح يوم اشوف ان عيالي مكونين شخصيتهم بنفسهم بدون اي تاثير مني عليهم او من ابوهم


اللهم في الاخلاق اوجههم بشكل غير مباشر لو شفت انهم مش متقبلين توجيهي

الريموت عندج يعني بس بسياسة وذكاء حاولي انج تنزلين لمستوى سنه

وذكاءه وشوفي شلون كنتي بتتصرفين وحزتها بتعرفين مفتاحه ان شاء الله

[نعيمه علي]

في احتمال اذا مدحتوه اذا تشيطن يتمادى في تصرفاته !
اعتقد الولد مب محتاج هالنوع من زيادة الاهتمام




هي جربت العصبيه والهواش
وطريقتي مو زيادة اهتمام
ولكن تغيير في الاستراتيجية في التعامل

.

[ابن مانع]

عسى الله يخليه لج هو وخوانه
انا استانس عليهم احب العيال الفوضويين وادري انه هذا غلط
بس حلاتهم في شطانتهم
الله يحفظهم من كل مكروه

[ابو محمد7]

يمكن رايي يكون قاسي عشرين حربة

اشوف الولد مدلع ومعطينه فوق حجمه في البيت
وهالشي هو السبب في تماديه ،،

شنهو يعني ذكي وشاطر وهو مب راضي يحترم اللي اكبر منه
ويعرف حدوده في التعامل مع اخوانه و اسلوب كلامه مع امه
واداء واجباته ؟

اعتقد يا هتان بالنسبة لي الحل في يدج

لو كان ولدي راح اتبع معاه الاسلوب الاتي

1- احذره من مغبة التطاول على اخوانه واي مشكلة تحصل
تنعرض علي ان كان هو السبب يتعاقب و ينضرب جدامي من اللي غلط عليهم ،،
( طبعا مب كل ضرب) لكن ان استدعى ينضرب ،،

2- ان كان على صواب يتعاقب اللي يغلط عليه و احاول اني اسحبه
من بين يدينهم في هالفترة بالذات ،،

3- ان ما احترم نفسه وحل وظايفه اول بأول راح ينحرم من امور
هو يحبها و يموت فيها ،، وشوفيه اشلون بيحترم نفسه لو استمريتي
في طريقتج في الحرمان ،،

4 - ينمنع من الخروج من البيت في الكثير من المناسبات
لو تم على عناده

5- يعزز لو طبق المطلوب منه ،

اهم شي انه يحترم اخوانه ،، وفي نفس الوقت اخوانه يعطفون عليه

:shy:

ان شاء الله تتحملني كاتبة الموضوع على كثرة مشاركاتي ويتحملوني الاعضاء اعلق على تعليقاتهم بس هالمواضيع تشدني

فعلا انا مؤيد لمعظم الكلام في هالمشاركة اسلوب الحرمان مفيد جدا واحسن من الضرب بوايد

ومثل ماقالت لازم يستخدم مع اسلوب تعزيز السلوك الايجابي يعني اذا غلط نحرمه (بس بشرط نقول له من قبل اذا سويت جذي او ماسويت الشي الفلاني بحرمك من كذا لمدة كذا )

واذا سوا شي عدل نكافئه

[هتـان قطر]

اكيد في خطأ في التربية قبل لا يكمل السنة الخامسة و تصرفاته الآن هي نتيجة ذلك الخطأ
الله يكون في عونج

ابدا اختي ماريسا .. نفس التربية طبقتها على اخوانه من قبله واللي اصغر منه

لكن عناده هو سبب مشاكلي معاه .. وجربت كل الوسائل بالحزم وباللين .. ونفس الشي

[عابر سبيل]

شكرا شكرا يا هتان..
اعتقد انها
(ضربة معلمه)

ما شاء الله...
المشكلة شكلها (شبه منتشرة)
و كل ما نقراه...
حقيييقة..نستفييد جدا منه!

شكرا للجميع بلا استثناء
بارك الله فيكم..

لا تتوقفوووون...

حقيقة مستفيدين من تجاربكم التربوية

[حنان الدنيا]

يمكن رايي يكون قاسي عشرين حربة

اشوف الولد مدلع ومعطينه فوق حجمه في البيت
وهالشي هو السبب في تماديه ،،

شنهو يعني ذكي وشاطر وهو مب راضي يحترم اللي اكبر منه
ويعرف حدوده في التعامل مع اخوانه و اسلوب كلامه مع امه
واداء واجباته ؟

اعتقد يا هتان بالنسبة لي الحل في يدج

لو كان ولدي راح اتبع معاه الاسلوب الاتي

1- احذره من مغبة التطاول على اخوانه واي مشكلة تحصل
تنعرض علي ان كان هو السبب يتعاقب و ينضرب جدامي من اللي غلط عليهم ،،
( طبعا مب كل ضرب) لكن ان استدعى ينضرب ،،

2- ان كان على صواب يتعاقب اللي يغلط عليه و احاول اني اسحبه
من بين يدينهم في هالفترة بالذات ،،

3- ان ما احترم نفسه وحل وظايفه اول بأول راح ينحرم من امور
هو يحبها و يموت فيها ،، وشوفيه اشلون بيحترم نفسه لو استمريتي
في طريقتج في الحرمان ،،

4 - ينمنع من الخروج من البيت في الكثير من المناسبات
لو تم على عناده

5- يعزز لو طبق المطلوب منه ،

اهم شي انه يحترم اخوانه ،، وفي نفس الوقت اخوانه يعطفون عليه

:shy:



:victory::victory:

معاج في كل كلمه ومرات لو حرمتيهم من الشئ اللى يحبونه يبين لج انه عادي بس

لاهو عادي ولاشئ بالعكس الا ينقهرون بس مايقولون مجربه هالشئ على عيال خواتي :victory:

[فلفل حار]

هههههههههه ما شالله عليه ...
آحب اليهال الشياطين آلي جذي ...:victory:


آتذكر نفسي فيهم ...
آهم شي تعلمينه آنه العائله فوق كل شي ويهتم بدينه وصلاته ...
معليج كنت مثله ونفس حركاته بالضبط وبيكبر ويعقل ...


<<--- ماعندي خبره بالتربيه بس تكلمت عن نفسي شوي ...
آكيد وآن شالله بيطلع رجـال كـفو ويحطكم بعيونه ياهتـان ...:)

[ابو محمد7]

:victory::victory:

معاج في كل كلمه ومرات لو حرمتيهم من الشئ اللى يحبونه يبين لج انه عادي بس

لاهو عادي ولاشئ بالعكس الا ينقهرون بس مايقولون مجربه هالشئ على عيال خواتي :victory:

ايضا صحيح جدا مثل هالاطفال ممكن يكابر جدا جدا

بنت اختي من هالنوع تكابر بشكل غريب يعني لو ابوها عصب وهاوشها من قلب تبتسم وتروح بعدين لاتفه شي يصير بعد كم ثانية واللي مب من عادتها تصيح تلاقيها تنفجر صياح يعني تدور مبرر , هي تشيل بقلبها بس ماتطلع على طول علشان ماتنكسر !

حاسبوا من انكم تكسرون من كبرياء هالشخصية بالقهر والضرب مثلا

[هتـان قطر]

تحية لك يالهتان
و لك ام..تعرف اعيالها بهالدقة!
*
*
،،
يمكن..لو فكرتي..بدقة...
المشلكة..لاهي منج..و لا هي منه..

المشكلة..من اخوانه/اخواته اللي اكبر منه؟؟


احيانا ونادرا تكون الاستثارة من اخوانه.. لكن غااالبا هو البادي

ومثل ما يقولون البادي اظلم..

اخوي عابرسبيل هو حتى عناده يطبقه على نفسه..

مثلا اذا كان نادي برشلونه بيلعب في هذا اليوم تلاقيه يغالب النعاس

الى الساعه 11 لين بس عساه يشوف بداية المباراة..واخرتها يرقد

يعني هو قال اليوم بشوفعا راح يشوفها..لو كلفه الامر الكثير

عاد تعال الصبح وقظه..!!! قمة القهر وانا اسحبه والبسه ملابسه

ومن النحاسه اللي طايح فيها هالايام ..انه يروح بدون ريوق الصبح :(

[هتـان قطر]

عندي نفس المشكله ربي يهديه ويحفظه لكم ولنااا ان شالله

اللهم آمين والله دايما ادعي له بالداية والصلاح

ربي يهديهم اجمعين..تسلمين كازانوفا

[هتـان قطر]

لاحول ولا قوة الا بالله

من كان يؤمن بالله واليوم الاخر فليقل خيرا او ليصمت

واللي مايعرف شيقول يتم ساكت ابرك له !

الحذر من مثل هالنصائح ! ليش اخصائي نفسي ! مافي اي داعي لهالشي والحذر من الدخول في هالمتاهات ! هذي حق اللي يعاني من مشكلة نفسية (وسواس - فوبيا - اكتئاب) وغيره من المشاكل الله يحفظكم والمسلمين


ممكن انتي تقابلين ناس متخصصين في التربية واكيد عندهم نصائح حلوة وايد



انا عارفه ان الولد مهب محتاج علاج نفسي ..الولد ذكي ولكن التعامل معاه صعب جدا

وعلشان كذا بغيت اصحاب الخبره والتجارب اتناقش معهم وان شالله الله ينفعنا ببعض

مشكور يابومحمد على التواصل

[هتـان قطر]

هتان لا ارى مشكلة لدى ولدك وانما هو (مختلف)عن اخوته!!

واتوقع انه (الاذكى)فالحل برأيي هو التجاهل لبعض تصرفاته وتحويل بعضها الى الجهة الايجابية..:nice:

ولو ان خبرتي (حديثة)في تربية الابناء.


حاولت والله اختي هدوء الصباح..اتبع احيانا الشده واحيانا اللين

حتى اني خصصت له مصروف شهري هو بنفسه يتصرف ويقرر بنفسه

والحين احنا على باب الامتحانات .. وهو اذا عاند عاند..الله يستر

[هتـان قطر]

يمكن رايي يكون قاسي عشرين حربة

اشوف الولد مدلع ومعطينه فوق حجمه في البيت
وهالشي هو السبب في تماديه ،،

شنهو يعني ذكي وشاطر وهو مب راضي يحترم اللي اكبر منه
ويعرف حدوده في التعامل مع اخوانه و اسلوب كلامه مع امه
واداء واجباته ؟

اعتقد يا هتان بالنسبة لي الحل في يدج

لو كان ولدي راح اتبع معاه الاسلوب الاتي

1- احذره من مغبة التطاول على اخوانه واي مشكلة تحصل
تنعرض علي ان كان هو السبب يتعاقب و ينضرب جدامي من اللي غلط عليهم ،،
( طبعا مب كل ضرب) لكن ان استدعى ينضرب ،،

2- ان كان على صواب يتعاقب اللي يغلط عليه و احاول اني اسحبه
من بين يدينهم في هالفترة بالذات ،،

3- ان ما احترم نفسه وحل وظايفه اول بأول راح ينحرم من امور
هو يحبها و يموت فيها ،، وشوفيه اشلون بيحترم نفسه لو استمريتي
في طريقتج في الحرمان ،،

4 - ينمنع من الخروج من البيت في الكثير من المناسبات
لو تم على عناده

5- يعزز لو طبق المطلوب منه ،

اهم شي انه يحترم اخوانه ،، وفي نفس الوقت اخوانه يعطفون عليه

:shy:

بل وش هالقسوة يا ام السعف..:secret:

ما ادري ادزه لكم اسبوع .. ولي خلصتوا رجعوه



شوفي ام السعف ..طبقت عليه القسوة مرة وحرمته

لكن والله ما نفع معاه..بالعكس حسيته كرهني بعد هالشي

انا الحين مجربه فيه اني اسفه له..ومهما يحاول يستفزني

اسوي نفسي هادية وانا من داخل اغلي..

علشان يستفزني اكثر يروح يضرب اخته الصغير

" اللي اعتقد انها السبب الرئيسي في مشكلته "

ويقول بنفسه انا رايح اضربها علشان تحترين...

الله يهديه.. والله احيانا اقف عاجزه عند تصرفاته

[غزلان]

الله يكون بعونج هتان التربيه مب سهله وكل عمر له مشاكله

بس اظن من تصرفاته يحاول يثبت نفسه ويلفت الأنتباه

بس صدقيني اذا كبر بيتغير 180%

[عابر سبيل]

احيانا ونادرا تكون الاستثارة من اخوانه.. لكن غااالبا هو البادي

ومثل ما يقولون البادي اظلم..

اخوي عابرسبيل هو حتى عناده يطبقه على نفسه..

مثلا اذا كان نادي برشلونه بيلعب في هذا اليوم تلاقيه يغالب النعاس

الى الساعه 11 لين بس عساه يشوف بداية المباراة..واخرتها يرقد

يعني هو قال اليوم بشوفعا راح يشوفها..لو كلفه الامر الكثير

عاد تعال الصبح وقظه..!!! قمة القهر وانا اسحبه والبسه ملابسه

ومن النحاسه اللي طايح فيها هالايام ..انه يروح بدون ريوق الصبح :(



هنا يكمن مقصدي يا سيدتي!

الولد..الصغير..او اخر العنقود او خلينا نقول
في الصفوف الاخيرة في ترتيب (الاخوة)

غالبا... تأتيه او ينمو فيه
نوع من العناد او التحدي...
ليس بسبب تربوي (بحت)
من الابوين..
لكن..من شعور و رغبة في تعدي المراحل
و مقارنة نفسه باخوته اللي هم اكبر منه
و التصرف مثلهم..و على سياق واحد مثلهم..
و كسب الصلاحيات االتي اعطيت لهم!

يعني..
في مسألة السهر عشان (مباراة)..

هو..اولا يبي ايكون (يوزه) من (يوز) اخوانه
اللي اكبر منه..و مسموح لهم السهر للمباراة..
صدقيني..حتى لو اكبر اخوانه اكبر منه ب 15 سنه..
هو حاط باله..عليه و سلوكياته..و سلوكيات(الابوين)
مع اخوه!

ثاني شي...
اتصور..ان الولد..يبي يسهر..عشان بكره..لو تكلم اخوانه
او شلّتهم..عن المبارة..هو يبي يكون في الجو..
و يبي..بعد يتكلم في نفس (المعمعة)...

و بعد....ممكن..هو باقتباس سلوكيات/ قضايا الكبار...
يحصل على شي من (الميزة) فيما بينه و بين اقرانه
في المدرسة!

انا..تكلمت لج..بس عن جو البيت اللي انتي
ممكن تراقبينه و تعرفين بعض
مصادر هالسلوكيات اللي شكلها
سلوكيات (مشاكسة)!

هذا...غير عن ما قد يكون قد اكتسبه..
من اجهزة/برامج
اعلامية...و المدرسة!


و قيسي على هالمنوال..كثير
من الامور التي هي (مقبولة) من الاكبر
و يحاول اويرغب ان ينالها
الاخ الاصغر..



الكبار..تشاورونهم..و تعطونهم حريات و و ..
الصغير..يشوف نفسه...(ابن) مثل بقية الابناء
و ليس مشكلته..انه (اصغر)!!


و مع مرور الاحداث و محاولاته للفت الانتباه
او الحصول على ميزات مساوية لبقية الابناء(الاكبر)...

هنا..قد يكون مصدر التوهان في ذهن الابوين او احدهما!

*
*
،،

اختصارا...
انا..ما اشوف ان هذا اللي تواجهينة..هو مشكلة...


شخصيا..اشوف..انج فقط..لا تملكين او لم تقعي
على جذر هالنمط الجديد في سلوك احد الابناء...


ربما للمسافة الزمنية بينه و بين من هم اكبر منه..

و ربما..انك..تحاولين (متاثرة بالكومبيوتر)
تخلقين من هالولد ..كوبي بيست..من بقية
اخوته!

هنا..ربما تكون مشكلة عندك انتي..و كل ام/اب
يحاول ان (يكرر) كل شي نجح فيه
مع الابناء الاكبر..و تطبيقه او فرضه
على الابناء الاصغر!

[هدوء الصباح]

بل وش هالقسوة يا ام السعف..:secret:

ما ادري ادزه لكم اسبوع .. ولي خلصتوا رجعوه



شوفي ام السعف ..طبقت عليه القسوة مرة وحرمته

لكن والله ما نفع معاه..بالعكس حسيته كرهني بعد هالشي

انا الحين مجربه فيه اني اسفه له..ومهما يحاول يستفزني

اسوي نفسي هادية وانا من داخل اغلي..

علشان يستفزني اكثر يروح يضرب اخته الصغير

" اللي اعتقد انها السبب الرئيسي في مشكلته "

ويقول بنفسه انا رايح اضربها علشان تحترين...

الله يهديه.. والله احيانا اقف عاجزه عند تصرفاته

بس خلاص هذه هي المشكلة!!
اسأليني انا:weeping::weeping:

[الأصيلة]

عزيزتي
الولد آخر العنقود ومن صغره يمكن دلعتوه اكثر من اللازم وعودتوه على تحقيق رغباته
ولما كبر تغيرت المعاملة
فهو بكل بساطه قاعد يحاول جذب الإنتباه
انا اللي أعرفه أن مثل هالطفل ماينفع معاه الضرب أبدا بل بالعكس يعطي نتائج عكسيه ويزيد من مشاكله..
لازم ما تعطين تصرفاته حجم كبير حاولي تتغاضين عن اغلبها وما تركزين عليها أو تتكلمين عنها مع أحد حتى ابوه والطفل يسمع

لأن الخطأ قاعد يتعزز في نفسه بكثر ماتتكلمين عنه وتذكرينه فيه..
عليك بالمدح لكل خطوه يخطيها لو صغيرة وفيها أمر إيجابي
لا تقولين له كلمة لا أبدا
مثلا بدل ماتقولين له لا تطلع خارج البيت
قولي له
ياليت تقعد عندي أحب اشوفك في البيت..
بدل ماتقولين له لا تضرب اخوك قولي له
خلك قاعد مع اخوك ولو شفت أحد يضرب دافع عنه
عطيه الثقة والمسؤولية...
الحنان يفعل مفعول السحر ضميه لصدرج دايما والمسي جسمه وحاولي تسوين له مساج يوميا مع كلام المحبة والمدح
وقصة قصيرة محبوكة تدخلين فيها بعض النصائح...
امنعيه من اكل الحلويات والنشاط واللحم لأنه يزيد النشاط في جسم الطفل...
الموضوع يبغي له صبر
والحل في التغاضي عن الأخطاء وعدم تكرار كلمة لا
عليك بالدعاء له بالصلاح والهداية
والله يهديه لك

[فيزيائية]

ماعتقد انها مشكلة كثر ماهي هبة!
عيالنا فيهم ذكاء ودهاء ومكر فديتهم
اهم شي انا نوجه كل هالعبقرية بالاتجاه الصح

[ام السعف]

بل وش هالقسوة يا ام السعف..:secret:

ما ادري ادزه لكم اسبوع .. ولي خلصتوا رجعوه



شوفي ام السعف ..طبقت عليه القسوة مرة وحرمته

لكن والله ما نفع معاه..بالعكس حسيته كرهني بعد هالشي

انا الحين مجربه فيه اني اسفه له..ومهما يحاول يستفزني

اسوي نفسي هادية وانا من داخل اغلي..

علشان يستفزني اكثر يروح يضرب اخته الصغير

" اللي اعتقد انها السبب الرئيسي في مشكلته "

ويقول بنفسه انا رايح اضربها علشان تحترين...

الله يهديه.. والله احيانا اقف عاجزه عند تصرفاته

عقاب لمرة وحدة ؟!!

ما ينفع ،،اتبعي العقاب معاه بشكل مستمر كل ما استدعت الحاجة ،،

ابتعدي عن اخته في وجوده ،، واتبعي مع اخته نفس اسلوب معاقبتج له
حاولي مثلا تقولين انج عاقبتيها وما شربتيها الحليب لأنها اليوم خربت
شي في البيت ،،

التساهل و نسيان ان الطفل معاقب يفتح المجال امامهم انهم يتمادون علينا :(

[بعيد النظر]

اختي ذكرتي انّ اخته الصغيرة سبب مشاكله ..
ياليت توضحي وش تقصدين !

و كم ترتييبه فـ البيت بين اخوانه ؟!

شوفي صج وشو ميوله ؟
كورة ولا سوني ولا وشو بالظبط !


والله يعيينج ويصبرج ..

[*محمد*]

رجعت مره ثانية من خلال قراتي للردود
اختي انتي عرضتي موضوعج والمقصد استشاره .
بعدين من غير قصور في رد الاعضاء
اتمنى استشاره تربوي متخصص في مجال التربية بيفيدج اكثر .
بعدين انتي لا تصعبين الامور هذا شي طبيعي الي يسويه .


عموما اتمنى تفيدينا بعده فتره ويش صار

وان شاء الله يتربى في عز اهله ويحفظه لكم

[بوحارب]

انه عندي وضوح الشريره

احس اني يوم من الأيام بذبحها مادري ليش

وخاصه لما اوديها المجمعات والله يمكن اقطها من فوق وافتك من ازعاجها !

[الجني]

بل وش هالقسوة يا ام السعف..:secret:

ما ادري ادزه لكم اسبوع .. ولي خلصتوا رجعوه



شوفي ام السعف ..طبقت عليه القسوة مرة وحرمته

لكن والله ما نفع معاه..بالعكس حسيته كرهني بعد هالشي

انا الحين مجربه فيه اني اسفه له..ومهما يحاول يستفزني

اسوي نفسي هادية وانا من داخل اغلي..

علشان يستفزني اكثر يروح يضرب اخته الصغير

" اللي اعتقد انها السبب الرئيسي في مشكلته "

ويقول بنفسه انا رايح اضربها علشان تحترين...
الله يهديه.. والله احيانا اقف عاجزه عند تصرفاته


الله يحفظ الولد أختي هتان , خليتيني اقرأ جميع

المشاركات علشان استخلص هذه النتيجة


انا فهمت ان الولد عمره سبع سنوات

و له أخت اصغر منه (بكم سنة؟) اتوقع 3-5 سنوات
أتوقع ان البنت تنام في غرفتج او غرفة قريبة منج
و هذا مصدر ازعاج و خصوصاً اذا كانت غرفته
عندما كان في عمرها (في نظره هذا استعمار)

الولد (الله يحفظه) مقاتل من الطراز الأول (مثل الجني)

فهو يقاتل على الجبهه الشمالية اخوانه الكبار

و يقاتل على الجبهه الجنوبية اخته الصغيرة بمساندة

قوى الإستعمار (امه و ابوه)

اذا كان فارق العمر كبير بينه و بين الأولاد اللي اكبر منه مشكلة اكبر.

هذا تشخيضي فقط.

الحل:

1- لا يجب ان تستثنينه بمعاملة خاصة , بتقوم عليج الجبهة الشمالية (اخوانة الكبار) و يكرهونه

2- كل من يدخل البيت يسأل عن البنت طبعاً و هذا يسبب له مشكلة ,
اطلبي منهم ان يسألوا عنه ايضاً قبل الدخول الى البيت .

3- ارقدي معاه في فراشه من فترة لأخرى و كأنك تنومينه و احضنيه
(اذا جفل منج قربي منه شوي شوي و هذا دليل على عمق الجرح الذي يعاني منه) .
حضن الأولاد ضروري حتى اذا اصحبوا رجال و نساء .

4- اكبر مشكلة هي احترام امه و ابوه , يجب ان يحترمكم و يجب ان تعلموا جميع
الابناء على تقبيل رؤسكم (هذه يجب ان يتدخل ابوه اعتقد ) . احياناً يتكلم ولدي مع امه
بطريقة غير لائقة فافتن عليه و اضع خط احمر (اياني و اياك تقل ادبك على والديك :anger1:)

و اخيراً انت أم و شهادتك مجروحة فيه . نادراً جداً ما اضرب ابنائي فتقف
امهم تبكي و هي تشاهدهم . ثم بيني و بينها اقول لها "هو يبكي و انتي تبكين
و انا اشاهدكم تبكون , هل تعتقدين بأنني حجر عديم الإحساس؟" اعتقد اذا تجاوز
اي ولد او بنت الحدود لا بد من ان يعلن الأب حالة الطواريء لضبط النظام .

الله يحفظه و يقر عينكم بهم جميعاً

[هتـان قطر]

صدقيني بشوية صبر
راح يتغير
انتي جربتي العصبيه ولا فيه فايدة
جربي معاه الطريقة اللي هو مو متوقعها

وربي يصلحه ويخليه لج

.



اميل صراحة الى هذي الفكرة وان شالله الله يمدني

بالطاقة والصبر علىتنفيذها وان شالله تنجح معاه

عسى الله يهديه..تسلمين نبض القلب

[هتـان قطر]

في احد قعد وكلمه وقاله ان هالشئ عيب والمفروض كذا و كذا لازم فديتج انتي او ابوه تقعدون وتفهمونه

وشوفي بعدين اذا تغير او في استجابه من ناحيته او لا لان اذا سكتوا بيزيد

وبحكم خبرتي مع عيال خواتي :) :)

اقدر اقولج اذا قال شئ غلط او مسبه على قولتج او شئ ماعجبكم او قعد يرادد

طنشيه ومو بس انتي كلكم طنشوه وخلوا نفسكم ماسمعتوا شئ وتجاهلوه وان شاء الله بيتعلم

وبيعرف اللى يقوله غلط والله يعينج لان يبيله صبر صبر صبر


اختي حنان جربت معاه كل الطرق.. لما يكون راضي ورايق ماشالله تبارك الله

حليو ويسمع الكلام ..لكن ما توعين في لحظات الا انقلب حاله واي شي يثيره

مزاجي ومتقلب ..لحظات معصب وشوي يضحك ورايق..الله يحفظه يبي احد

فاضي له ولتقلباته المفاجئة..اليوم ولله الحمد مسالم الظاهر علشان نفسيته مرتاحه

لانه بكرة عنده اجازة..:)

[هتـان قطر]

في احتمال اذا مدحتوه اذا تشيطن يتمادى في تصرفاته !

اعتقد الولد مب محتاج هالنوع من زيادة الاهتمام


تبي الصراحة اخوي ابو محمد هو يمشي بالمديح لكن ما يطول وهو حليو..

بسرعه اي شي يثيره..متقلب

[مرحوم قطر]

نفس اخوي الصغير

بس انا عرفت له

حسسته ان الي يسويه مبزه

يعني اخوي وصلت في الجرأه ان ظارب ولد جيرانه ابسكن و عمره 9 سنوات


ماتم حد ما اتكى منه (( يذكرني بايام طفولتي البريئه ))


المراد ان عرفت له

حسسته ان هلسوالف سوالف بزارين

مثلاً متهوش مع ولد جيرانه

قلت جاني الولد و اشتكى عليه

ما هاوشته ولا ظربته

قلت له انت بزر تتهاوش هلسوالف خليناها حق اليهال

قالي عني انت ما تتهاوش قلت له ليه اوصخ ثوبي و اتهاوش عشان اليهال يظحكون علي

قالي هو سبني اول

قلت له اذا واحد سبني سب عادي خفيف اصير احسن منه عشان اكسبه

بكره انا بحتاج له في شي ما بيقصر معاي

لاكن اذا سبني سب اهني لكل حادث حديث


مثلاً ما يدرس قلت له ادرسادرسدرس هاوشته ظربته مامنه فايده

اخر شي مره كان راكب معاي فتحت موضوع ان انت يكون عندك سياره

قالي اي باخذلي جي ستاندر و بظبطه

قلت له ما تقدر لنك ماتدرس و اذا مادرست ما بتنجح و اذا مانجحت ما بتشتغل و اذا ماشتغلت ما بتقدر تاخذ الستاندر


و فهمته الموضوع بطريه ثانيه

مب طريقه الناس ادرس عشان اتصير مثقف و هلسوالف

لا طريقه ان ترى الدراسه هذي الي تدرسونها ولا شي مامنها ذيك الفايده الدراسه تتعلمها في حياتك

اما المدرسه هي مثل جسر اتعديه شان تشتغل و يصير راتبك زين وتاخذ الي تبيه

و اذا تهاوشت في المدرسه ما بيفصلونك و ما بتقدر اتكمل و مابتقدر تشتغل شغلانه زينه

و اذا ما تهاوشت و صارواعيال المدرسه ربعك يم من الايام اذا جاك الي يسبك سب قوي هم بيوقفن معاك

اما اذا انت متهاوش مع كل الشباب محد بيوقف معاك و بكره لين تخرجت ما بيكون عندك ربع

و مثلت له على نفسي شوفني لين اسوي عزيمه و لاربعي يجوني المجلس شكثر

هذول كلهم لان انا علاقاتي طيبه مع الناس و ما اغلط عشان محد يغلط علي


وهو نحسيييييييييييييييييييييس الدرجه كبيره بس في نفس الوقت بالحيله يرخي

مثلاً حزات يناحس في سوالف ماصخه

مثالاً يتناحس مع باقي اخواني على اتفه الاسباب حتى لى صفة الاسره في غرفتهم


اقوله ياخوي مشها لهم شلك في عوار الراس كلها الا سرير بترقد عليه انت مب بنت لازم سريري اهني و تسريحتي اهني

الرجال ما يهتم حق هلسوالف يهتم حق السوالف الاكبر

قول حق اخوك بترتبون الاسره ترتيب محايد و 5 ريال روح ييب خبز من الدكان هذي سوالف الرجال مب ترتيب اسره



اتبعي معاه هلاسلوب و صدقيني بتشوفينه تغير و دوم حسسيه انه رجال المفروض ما يلتفت حق هلتفاهات

[المخفي]

ايش سبب الربو

[S350]

ليش ماتقولين حق ابوة يمكن ينصلح على يدة

[هتـان قطر]

الله يحفظ لج عيالج يارب

هتان الله يحفظه لج ان شاء الله

اشوف انج تخلينه وتخلينه يكون شخصيته لانه باذن الله راح يكون له شأن في المستقبل

لكن ان حاولتي تكسرينه من الحين راح تشوفين شخص عكس اللي تشوفينه الحين

شخص مهزوز ومكسور

كل انسان وله شخصيتهم مب شرط الكل يطلعون نفس الشي لازم واحد شاذ بينهم

وانا افرح يوم اشوف ان عيالي مكونين شخصيتهم بنفسهم بدون اي تاثير مني عليهم او من ابوهم


اللهم في الاخلاق اوجههم بشكل غير مباشر لو شفت انهم مش متقبلين توجيهي

الريموت عندج يعني بس بسياسة وذكاء حاولي انج تنزلين لمستوى سنه

وذكاءه وشوفي شلون كنتي بتتصرفين وحزتها بتعرفين مفتاحه ان شاء الله

مشكورة روز على النصايح الزينة..بالفعل هو شكله حاب انه يكون كبير بسرعة البرق

تصرفاته ومقارنة نفسه باخوانه الكبار متعبته ومتعبتنا معه..

وترى روز لما يكون خارج البيت حتى وانا معه يكون في قمة الادب..لكن في البيت

مسبب لنا ربكة وازعاج الله يحفظه..

تسلمين وعسى الله يبارك لك في اولادك ويرزقك برهم

[هتـان قطر]

هي جربت العصبيه والهواش
وطريقتي مو زيادة اهتمام
ولكن تغيير في الاستراتيجية في التعامل

.

انا اميل لرايك نبض القلب ويمكن هو يلاحظ اني اتنرفز واكون معصبه من تصرفاته

فيزيد في عناده لانه ما يحب يعتذر ابدا وانا دايما اجبره لازم تتأسف وتعتذر اذا غلطت

ولكن ابدا ما يطيعني في هالناحية لانه دايما يشوف نفسه هو الصح وغيره الغلطان

وهذا الشي مشكلة ان تم معاه وكبر وهو بهالطريقة..

[هتـان قطر]

عسى الله يخليه لج هو وخوانه
انا استانس عليهم احب العيال الفوضويين وادري انه هذا غلط
بس حلاتهم في شطانتهم
الله يحفظهم من كل مكروه



جزاك الله خير ابن مانع..اتصدق عاد ترى العصبيين عندهم مواقف طريفة

اذا كنت رايق وتذكرت مواقفهم تضحك عليهم وكيف تمالكت نفسك وقت الحدث

مره من المرات وهو الحبيب كان توه داش الصف الاول وعندهم نشيده اسمها

هل تعلمون تحيتي " ..فكان وقت عطلة الربيع وهم سهرانين واذن الفجر

وابوهم كان مسافر ..قلت لهم صلوا جماعه " هو واخوه " في البيت..

المهم صلوا وما ادري كيف اسمعه اخوه قال انت يوم كنا نتشهد وش كنت تقرا

قال اقرا هل تعلمون تحيتي ..!!!:omg: قال لا هي التحيات اسمها ..

قال له اخوه اقراها خل اسمعها قال " هل تعلمون تحيتي .. عند الحضور اليكوم ..

انا ان رأيت جماعة ..قلت السلام عليكمو.." فيروح الحبيب يسلم يمين ويسار

هنا عاد انفجر اخوه في حالة هستيرية من الضحك..فاللي حصل انها قامت القائمة

وبكاء وصراخ وضرب..لييييش يضحك علي...؟ لييييش ما علمتوني ..؟؟

ياحبيبي خلاص بتحفظها ان شالله خلنا نرقد .. صرنا الصبح واحنا قاعدين..

مافيه الا احفظها الحين..والله انها حفظها وقعدت معاه لين حفظها ..بعدها رقد

مواقفه كثيره الله يحفظه ويهديه

[بوعلى 1]

الحل بسيط اختي سمعت مرة الدكتور محمد الخليفي باحث تربوي كويتي كان يتكلم عن نفس مشكلة ولدج --- يقول في مثل هذة الحالة لا تعطين الولد اهتمام يعني سوي عمرج كنة مش موجود في البيت حاولي تهتمين في باقي اخوانة بشكل بسيط حسسية انة مهمش اشوي لا اتقولين لة كل ساعة يلة روح تسبح او كل او بدل ملابسك او او او راح اشوفينة اشوي اشوي بيحس انة محتاج لج وراح يبدا يسمع الكلام انشاء اللة

[هتـان قطر]

الحل بسيط اختي سمعت مرة الدكتور محمد الخليفي باحث تربوي كويتي كان يتكلم عن نفس مشكلة ولدج --- يقول في مثل هذة الحالة لا تعطين الولد اهتمام يعني سوي عمرج كنة مش موجود في البيت حاولي تهتمين في باقي اخوانة بشكل بسيط حسسية انة مهمش اشوي لا اتقولين لة كل ساعة يلة روح تسبح او كل او بدل ملابسك او او او راح اشوفينة اشوي اشوي بيحس انة محتاج لج وراح يبدا يسمع الكلام انشاء اللة

بوعلي انا اطبق هالطريقة يعني اذا كلش عاند قلت كيفك انت حر انا نصحتك وانت كيفك

والله كم مرة رقد بدون ما يغسل ويبدل ..بس علشان يعاند..وفعلا كذا مرة تركته

وبعدين هو من نفسه صار يتسبح ويبدل بروحه..لكن بين فترة والثانية تجيه هالعرات..

ودايما اكلم اخوانه وهو مهب موجود اقول خلوه لا تتحرشون فيه لان اللي بيقاشره

راح يتعب وتتعب نفسيته وهو ولا عليه.. عنده اسلوب يرفع الضغط..الله يعينا عليه ويهديه

[عبدالمحسن]

بسم الله والصلاة والسلام على رسول الله


أول شي اتمنى من كل واحد يذكر الله

وماشاء الله تبارك الله


هتان : ابنك ماشاء الله تبارك الله شخصيه قياديه يجب عليش تنمينها وتثبيت قواعدها بالشكل السليم.


انا استغرب من البعض ممن يقول ( اتبعي معاه القسوه ! أو اتبعي معاه الحرمان ! او اعرضيه على دكتورنفساني ! او استخدمي طرق .. الخ )

إذا كات هذه معاملتكم مع فلذات اكبادكم فأي قلب تحملونه بين جوانحكم !؟ وأي نشئ ننتظره ليخدم الدين والبلاد !

نصيحتي
طنشي اغلب تصرفاته، وسوي نفسش ماتدرين بالي يسويه، واجعليه يثق بنفسه من خلال ردة فعلش عل اي عمل يعمله ( بالتأييد )
وأن كان خطأ فأبتسمي وقولي ( لا انت رجال المفروض ماتسوي كذا )
إلا إذا كانت فعلته ( غير اخلاقيه وفيها شي من المياعه او ..... ) حتى ولو كان تصرفه من باب اللعب او المزح ، فيجب ان يكون الرد قوي وحازم حتى يعرف بأنه ارتكب غلط كبيـر لا يغتفر.

ودائما كرري معاه هو واخوانه بكلمة ( هلا بالرجال ) ، حتى يحس بقيمته كرجل ، ولا تميزيه عن اخوته ابداً ، وبيّني لهم بأن الحب بالتساوي بينهم. ولكن احذري من كسره وهو يرى في نفسه بأنه رجل قيادي. سواء هو أو اخونه الباقين.



وفي الأخير يعتبر هذا الشي طبيعي جداً
والغير طبيعي هو هدوووء الطفل وعدم لعبه او عدم احتكاكه مع اخوانه أو الأطفال اللذين في نفس عمره باللعب الخشن.




وبصراحه كنت اتمنى أن لم تكتبي هذا الموضوع




:)



إحترامي

[سلامي للكل]

الســـلام عليكٍ ورحمــة الله وبركاته اختي هتان

ماشاء الله, الاعضــاء ماقصــروا في ايجاد الحلــول

من خلال فهمي للموضــوع, العــناد والغرور اللي تواجهينهم بـ الولد (الله يحفظه)

كل مشكلة ولها حل, ويجب علاج المشكلة من الاساس حتى يتم القضاء عليها نهائياً

العنـاد والغرور هما اساس المشكلة, التي يترتب عليه الضرب والهواش, وقلة الادب احياناً والخ

صفات واسئلة كثيــرة تبين ان الولد معنــاد ومغرور

يتعكــر مزاجه بســرعة, محادثة ومجادلة الاخرين بحده, تحــدي الامور, مضايقة الاخرين عمــداً, حب الانتقــام, لايعترف بالخطاء وانما يلوم الاخرين (اخوته) والكثيــر الكثيــر

واسباب هذا العناد والغرور, لعل وعسى يكون من: المعاملة الخاصة لاحد الابناء, او تربيته الخاصه والاهتمام به بشكل خاص سابقاً, او ربما تقليــده لاحد الوالدين, او او الخ

طبعاً الحلــول كثيرة وفي منها النافع, على حسب درجة عناد الولد (الله يستر منه, شكله عنيد بشــده :secret:)

اختي الكريمة, لاتحاولين نهائياً اللجــوء الى العقاب اللفظي او البدني لانه راح يزيد العناد في حالة الولد

حاولي ان تتعاملي مع جميع الابنــاء بنفس المستــوى, ولاتفضلين حد على حد بالخصوص البنت اللي اشوف ان الولد ماخذ موقف من تعاملكم معاها

رصد مكأفاءة عند انتهاء الولد من القيام بعمــل معين, والمســواة بين الابناء في المكأفاءة

وضع عقاب شديد في حالة عدم تنفيد أمر معيــن, ولاتاخذكم الرحمــة فالعواطف في هذه الامور تزيد الطين بله (والعقاب كحرمنه من شيء هو يحبه, والخ)

تنفيذ الامــور ليس باسلوب الطاعة العمياء, وانما بفهم الامور التي يجب عليه ان ينفذها (كحل الواجب, والالتزام بالادب مع الاخرين ومساعدتهم, و و الخ)

ولاتنسيـــن اختي الكريمة لحل هذه المشكلة يتطلب عليكٍ التحلي بالصبــر ثم الصبــر ثم الصبــر وعدم اليأس نهائياً :rolleyes2:

اســـأل الله العلي العظيم ان يهدي الولد ويكون صالح ونافع وبار لوالديه

وفاااااااااالج التوفيــق

[فلفل حار]

آحس هتان تعبت وهي ترد على جميع الردود بالدور ... :)

[المقهوره]

قضيت سنوات طويلة في تربية عيالي وعانيت ما عانيت والفضل لله والمنة كبروا

وهم على تربية وخلق بشهادة الجميع ..الى ان اتى المفعوص اللي ما يتجاوز

عمره السبع سنوات..ضاربا بخبرتي وسنوات عمري عرض الحائط :rolleyes2:

هذا الولد من بدة اخوانه الله يحفظه فشلت معه كل الوسائل في كسر راسه

والحد من غروره وعناده..

اصبح هو سبب اغلب المشاكل.. يوميا يكونون اخوانه في صوب ضده وهو في صوب

ومستحيل يقدرون يثنونه عن رايه..

واجباته المدرسية ما يحلها الا الصبح والسيارة عند الباب :anger1:

ومع ذلك ..ماشالله تبارك الله..ماخذ الاول على الصف..

مستحيل تقدر تقنعه باي شي .. رايه هو اللي يمشي واذا جبرناه بالغصب

ما يعترف انه كان غلطان ابدا ابدا مهما كان

اذا قلت له سالفه او معلومه..قالك اصلا ادري قبلك :eek5:

اذا طلب من اخوانه شي ونفذوه له..قال غصبن عنكم سويتوه لي :omg:


اعترف اني احيانا اقف عاجزه عن ايجاد حل لاصلاح شخصيته..والحد من عناده وغروره


هل من حل ..؟

هل احد عانى من امثال هذا الولد..؟


:(


اسلوبه اسلوب طفل مدلل سابقا
والحين تبون تشدون عليه صح؟؟؟

[المقهوره]

ويقعد يرادد وما يسكت وما ودي ابين

له ضعفي واذا استخدمت القوة اخاف ادمر شخصيته..مع اني احيانا استخدمه مضطره


عمر القوه ماكانت لتدمير الشخصية. إلا اذا بالغتي فيها

[المقهوره]

يمكن رايي يكون قاسي عشرين حربة

اشوف الولد مدلع ومعطينه فوق حجمه في البيت
وهالشي هو السبب في تماديه ،،

شنهو يعني ذكي وشاطر وهو مب راضي يحترم اللي اكبر منه
ويعرف حدوده في التعامل مع اخوانه و اسلوب كلامه مع امه
واداء واجباته ؟

اعتقد يا هتان بالنسبة لي الحل في يدج

لو كان ولدي راح اتبع معاه الاسلوب الاتي

1- احذره من مغبة التطاول على اخوانه واي مشكلة تحصل
تنعرض علي ان كان هو السبب يتعاقب و ينضرب جدامي من اللي غلط عليهم ،،
( طبعا مب كل ضرب) لكن ان استدعى ينضرب ،،

2- ان كان على صواب يتعاقب اللي يغلط عليه و احاول اني اسحبه
من بين يدينهم في هالفترة بالذات ،،

3- ان ما احترم نفسه وحل وظايفه اول بأول راح ينحرم من امور
هو يحبها و يموت فيها ،، وشوفيه اشلون بيحترم نفسه لو استمريتي
في طريقتج في الحرمان ،،

4 - ينمنع من الخروج من البيت في الكثير من المناسبات
لو تم على عناده

5- يعزز لو طبق المطلوب منه ،

اهم شي انه يحترم اخوانه ،، وفي نفس الوقت اخوانه يعطفون عليه

:shy:

بصراحه هذا نفس الي ابي اقوله

ومتبع عندنا وماشين مثل الساعه خاصه الي يعاندون

[المقهوره]

الله يحفظ لج عيالج يارب

هتان الله يحفظه لج ان شاء الله

اشوف انج تخلينه وتخلينه يكون شخصيته لانه باذن الله راح يكون له شأن في المستقبل

لكن ان حاولتي تكسرينه من الحين راح تشوفين شخص عكس اللي تشوفينه الحين

شخص مهزوز ومكسور

كل انسان وله شخصيتهم مب شرط الكل يطلعون نفس الشي لازم واحد شاذ بينهم

وانا افرح يوم اشوف ان عيالي مكونين شخصيتهم بنفسهم بدون اي تاثير مني عليهم او من ابوهم


اللهم في الاخلاق اوجههم بشكل غير مباشر لو شفت انهم مش متقبلين توجيهي

الريموت عندج يعني بس بسياسة وذكاء حاولي انج تنزلين لمستوى سنه

وذكاءه وشوفي شلون كنتي بتتصرفين وحزتها بتعرفين مفتاحه ان شاء الله


تقول لك يغلط علي وعلى ابوه تقولين انزلي لمستواه ولاتكسرين شخصيته

عمر طول اللسان للطفل ماكانت شخصيته

اظاهر فاهمين قوه الشخصيه غلط

وإلي لسانه طويل من الصغر بيظل لسانه طويل للكبر

وبينعكس على امه وابوه مستقبلا بطريقه سلبيه

وهالشي من واقع تجربه مب من فراغ


كنا ننصح وحده من الامهات انها تشد على عيالها
وكانت تقول هذول بيصيرون رجاجيل ما ابي اكسر شخصيتهم
وفعلا كانوا قليلين ادب في الردود على امهم وابوهم


ويوم تزوج البكر ولدها
نفس الشي تم قليل ادب في تلفضاته على امه قدام زوجته


عكس بنت عمي الي كانت لو يخطي ولدها تعاقبه
مهب تكسر ضلوعه

لا يكون حرمان من شي يحبه او ضرب تأديبي بس في الغالب الي تلجأ له هو حرمانهم من الخروج والرحلات والالعاب والحلويات يعني الاشياء الي يحبونها

وماشين مثل الساعه وماشاء الله عليها عيالها رجاجيل قمه في احترام الكبير قبل الصغير

ورجاجيل مجلس وكل ماجاوا من المدرسه بالدور يحبون راس امهم وابوهم اذا موجود

يعجبوني بصراحه

وانا ماشيه على خطاها بالتربيه وانشاء الله اشوفهم نفس عيالها.

[عابر سبيل]

بسم الله والصلاة والسلام على رسول الله


أول شي اتمنى من كل واحد يذكر الله

وماشاء الله تبارك الله


هتان : ابنك ماشاء الله تبارك الله شخصيه قياديه يجب عليش تنمينها وتثبيت قواعدها بالشكل السليم.


انا استغرب من البعض ممن يقول ( اتبعي معاه القسوه ! أو اتبعي معاه الحرمان ! او اعرضيه على دكتورنفساني ! او استخدمي طرق .. الخ )

إذا كات هذه معاملتكم مع فلذات اكبادكم فأي قلب تحملونه بين جوانحكم !؟ وأي نشئ ننتظره ليخدم الدين والبلاد !

نصيحتي
طنشي اغلب تصرفاته، وسوي نفسش ماتدرين بالي يسويه، واجعليه يثق بنفسه من خلال ردة فعلش عل اي عمل يعمله ( بالتأييد )
وأن كان خطأ فأبتسمي وقولي ( لا انت رجال المفروض ماتسوي كذا )
إلا إذا كانت فعلته ( غير اخلاقيه وفيها شي من المياعه او ..... ) حتى ولو كان تصرفه من باب اللعب او المزح ، فيجب ان يكون الرد قوي وحازم حتى يعرف بأنه ارتكب غلط كبيـر لا يغتفر.

ودائما كرري معاه هو واخوانه بكلمة ( هلا بالرجال ) ، حتى يحس بقيمته كرجل ، ولا تميزيه عن اخوته ابداً ، وبيّني لهم بأن الحب بالتساوي بينهم. ولكن احذري من كسره وهو يرى في نفسه بأنه رجل قيادي. سواء هو أو اخونه الباقين.



وفي الأخير يعتبر هذا الشي طبيعي جداً
والغير طبيعي هو هدوووء الطفل وعدم لعبه او عدم احتكاكه مع اخوانه أو الأطفال اللذين في نفس عمره باللعب الخشن.




وبصراحه كنت اتمنى أن لم تكتبي هذا الموضوع




:)



إحترامي



ليش يا خوي/ عبدالمحسن!!

لو..ما انكتب هالموضوع..
كان ما عرفنا كلامك الطيب..
و كلام كل الاخوة و الاخوات الذين
شاركوا و اثروا في النقاش!

يعني..ممكن..موب كل الاجابات او المقترحات
كانت مفيدة للحالة التي عرضتها لنا صاحبة الموضوع...

لكن..لو تأملت..ان الكثيرين..عندهم حالات
مماثلة/قريبة من هالحالة...

فهذه الحقيقة....
لوحدها..كفيلة بطمأنة
الاخت/هتان او اي ام/اب
يعاني من مثل هالحالة..مع احد او ربما عدد من ابنائه..
بانها..موب شي (كبير)..او نادر...
او خطأ تربوي يلوم الابوين نفسيهما عليه
او يخافون من نظرات اجتماعية تلومهم عليه!

فمن التجارب ههنا...تشوفنا نوعيات مع مثل هالحالات..
فمنا..من عنده تجارب في تقويمها..و انته..
و منا..من لا زال يعاني او يكابد مرحلة التعلم
و التجارب التربوية..مع مثل هالحالات..
و منا..من ليس عنده شيء من هذا..
لكنه...قد يتعرض لها..في مقبل حياته!


عليه..فان عرض المشاكل التربوية
و النقاش حولها..بالاسلوب الطيب
اللي نشوفه في هالموضوع..
فيه فوائد كثيييرة..اغلبها..غير مباشرة...
فالتربية..و انت اخبر و اعلم..هي مسألة وقتية
تتطلب الكثير من الصبر ..
للوصول الى الهدف او الاهداف المنشودة!

عليه...فالموضوع..يستحق ان يكرر عليه الشكر..
لصاحبته..و لكل من اسهم و نصح باي كلمة..
حقيقة..الردود..فيها كثير من اللفتات التربوية الطيبة المفيدة..
بحكم التجارب المتنوعة!

[ام السعف]

بسم الله والصلاة والسلام على رسول الله


أول شي اتمنى من كل واحد يذكر الله

وماشاء الله تبارك الله

انا استغرب من البعض ممن يقول ( اتبعي معاه القسوه ! أو اتبعي معاه الحرمان ! او اعرضيه على دكتورنفساني ! او استخدمي طرق .. الخ )

إذا كات هذه معاملتكم مع فلذات اكبادكم فأي قلب تحملونه بين جوانحكم !؟ وأي نشئ ننتظره ليخدم الدين والبلاد !
وفي الأخير يعتبر هذا الشي طبيعي جداً
والغير طبيعي هو هدوووء الطفل وعدم لعبه او عدم احتكاكه مع اخوانه أو الأطفال اللذين في نفس عمره باللعب الخشن.


إحترامي

عندنا قلوب فيها دم مثلها مثلكم

وعندنا اطفال يلعبون و يضحكون و يمرحون ،، و يتشاغبون
في الاخير هل ممكن نعجز من التعامل معاهم ؟

اعتقد الاهل هم اللي تكون لهم الغلبة على الطفل في مثل هالعمر
من تجربة مع عيالي و غير عيالي ،،

وفي الأخير انت اشتجني من اسلوبك مع عيالك ؟

وهل تتعب وياهم و ما تقدر عليهم ؟ ؟

[هتـان قطر]

آحس هتان تعبت وهي ترد على جميع الردود بالدور ... :)


ابدا ابدا وان شالله ما اتعب..يا خوي انا المستفيدة من كل ردودكم

وان شالله الفايدة تعم الجميع

انتوا بس تابعونا وفالكم طيب..

شكلي بابدا من الاخير وليسمح لي الاولين

[هتـان قطر]

عندنا قلوب فيها دم مثلها مثلكم

وعندنا اطفال يلعبون و يضحكون و يمرحون ،، و يتشاغبون
في الاخير هل ممكن نعجز من التعامل معاهم ؟

اعتقد الاهل هم اللي تكون لهم الغلبة على الطفل في مثل هالعمر
من تجربة مع عيالي و غير عيالي ،،

وفي الأخير انت اشتجني من اسلوبك مع عيالك ؟

وهل تتعب وياهم و ما تقدر عليهم ؟ ؟

ام السعف اتصدقين ما فهمت وش تقصدين..:rolleyes2:

اللي فهمته او اللي وصل الى ذهني ان انتي معارضة لرأي الاخ عبدالمحسن

وانا على العكس تماما اشوف راية ومشورته طيبة وان شالله نجني من وراها خير

فعلا الولد مبين عليه عنده ميول للقيادة وماشالله عليه دايما عينه على اللي عند

الكبار..

اخر طلباته ومصر عليها تكون هدية نجاحه..آي فون :rolleyes2:

[عابر سبيل]

ام السعف اتصدقين ما فهمت وش تقصدين..:rolleyes2:

اللي فهمته او اللي وصل الى ذهني ان انتي معارضة لرأي الاخ عبدالمحسن

وانا على العكس تماما اشوف راية ومشورته طيبة وان شالله نجني من وراها خير

فعلا الولد مبين عليه عنده ميول للقيادة وماشالله عليه دايما عينه على اللي عند

الكبار..

اخر طلباته ومصر عليها تكون هدية نجاحه..آي فون :rolleyes2:


انا اول شي..كنت فاهم كلام اخونا/عبدالمحسن ..بس مثلج..
بس..اخونا..ربما خانه التعبير
عندما انتقد بعض المقترحات
التي تدعو الى الشدة مع الابناء..
و كان اول من قالها...ام السعف..


عموما....نتمنى
ان تُنفهم المسألة من الطرفين...

اخونا عبدالمحسن..ربما كلماتك..تحتاج
لمراجعة بخصوص (القلوب الجامدة)...

فالشدة و العقاب..هي من افضل اسس التربية
التي ليس لاحد غنى عنها..
و ام السعف..انتي اختنا و استاذتنا الكبيرة..
نعرف..سعة صدرج

[ام السعف]

ام السعف اتصدقين ما فهمت وش تقصدين..:rolleyes2:

اللي فهمته او اللي وصل الى ذهني ان انتي معارضة لرأي الاخ عبدالمحسن

وانا على العكس تماما اشوف راية ومشورته طيبة وان شالله نجني من وراها خير
فعلا الولد مبين عليه عنده ميول للقيادة وماشالله عليه دايما عينه على اللي عند
الكبار.. اخر طلباته ومصر عليها تكون هدية نجاحه..آي فون :rolleyes2:

هتان مب معترضة على كلام اخونا عبدالمحسن
هذي هي طريقته في تربية عياله ،، بس عقبت على نقطة هو اثارها
في رده علي اللي يستخدمون القسوة مع عيالهم فهل يحملون قلوب في جوانحهم ،،

قلت له نحمل قلوب مثلنا مثل اللي يتعاملون مع عيالهم من غير قسوة ،،

من يومي و قاسية على عيالي في امور كثيرة ،، القى الانتقاد من الكل،،
ولدي لقلت له لا لو وشو ما يتحرك من مكانه الا لو أشرت له
بنتي لقلت لها ما في يعني مافي ما اتحرك من غير ما تقول لا
يجبرني الوالد اقول لها روحي ،، حتى اسلوبي في كلمة روحي تفهمها
اني مب راضية بس مراعاة للوالد اقول لها روحي فتفهم الموضوع
و تقول ما بي اروح ،،

اليوم الكبار يعتبروني صديقتهم ،، مشاكلهم يقولونها لي
متفوقين بفضل من الله ،، حتى اللي يحصل صعوبة في مسيرته
تلقينه يدورني و يستشيرني في الشي اللي هو يبيه ،

هل معناة هذا انه ما يتصرف تصرفات مب مقبولة او انه كامل ؟

طبعا لا ،، مثله مثل الشباب اللي تلقين مرات كثيرة لهم شخصيات
شبابية ممكن تكون منسحبة او منشقحة زيادة عن اللزوم ،،

بس في الأخير لييتي اتكلمينه سواء كان كبير او صغير
شنهي ردة فعله تجاه كلامج وياه ؟

يعني ولدي بو 7 سنين اكلمه ويرد علي باسلوب مب مقبول ؟
مستحيل يا هتان
مستحيل يتجرأ يكلمني جذيه ،، في الوقت اللي تلقينه يحضني طول الوقت
و يطلب مني كل شي ،، و بنفس الوقت محترم للحين قرار ان السوني
ما يطلع قبل ما اشوف علاماته ،،على الرغم انه مهمل شهر كامل بسبة ظروف خاصة
راح الامتحان وهو ما عنده اي فكرة عن المراجعات ،،
المفروض امنحه استثناء هالسنة ،،بس ما اقدر لأني خايفة يستحلى السالفة،،

امس قلت له تعال نقرا قرآن و انكمل لأن وقفنا وايد
قال لي بطني يعورني تعبان ابي انام ،، قلت له روح نام
بس ما في لعب ،، مافي طلعة من الغرفة تقعد على الكرسي
و ما اتحرك خير شر ،، لأنك تعبان و التعبان ما يطلع ،،

قال لي بس اقدر اتحرك ،، قلت له بتحرك اتيي تحفظ قرآن معاي ،،
ماصارت نص ساعة يايني يقول لي ماما ماما ابي احفظ ،،

لأنه عارف انني مب متنازلة عن القرار ،،

فالحزم هذا يبي له قسوة قلب ،، مستحيل تصيرين حازمة من غير قسوة قلب ،،

يوم يغلط على اخوانه ،، اعطيهم الليت الأخضر انهم اييبونه عندي و يتعاقب جدامي
ومرات كثيرة يخشون الموضوع علشان ما يتعاقب لأنهم عارفين اني مب متساهلة وياه ،،

في نقطة مهمة يا هتان :
القيادة ما تكون بتقليد الكبار ،، القيادة تكون بأن الطفل هذا يقود مجموعة
من الاطفال بطرح اقتراحات او حلول او افكار في مجال عمرهم ،،
اهنيه نقول الطفل هذا قيادي ،،

اما طفل كل ما شاف شي عندي الكبار ،، قال انا ابيه الطفل هذا
يقلد الكبار و تقليده ابدا لا يعني ان الكبار قياديين ،،

فاحتمال الكبار قياديين بس هو ما يقلدهم في القيادية يقلدهم في نوعية الممتلكات
والهوايات و اوقات المتعة ،، خليه يقلدهم في الدراسة ؟
ما بتلقينه يقلدهم مع انج ذكرتي انهم الكبار الله يحفظهم متفوقين و على درجة كبيرة
من الادب بشهادة اللآخرين فليش مايصير قيادي حسب المفهوم اللي لقيته في
الموضوع وقلدهم في الأمور الزينة ؟


وبالنسبة للاي فون ،، بكل بساطة قولي له مب لك الاي فون و لا هو لواحد في عمرك
وحطي له امور اكبر و سن معينة من خلالها ممكن اتوفرين له الاي فون ،،

فمب كل شي يبيه الطفل انوفره له بحيث نشعر نفوسنا انه ما كسرنا بخاطره ،،

ولدي طلب امور كثيرة ،، فهل هذا يعني اني اوفر له ؟

صاير متطلب من دخل اي مكان يقول لي ابي ،، ابي ،،ابي ،،

وكله اقول له ،، مافي ،، مافي ،،مب لك ،، ما بتسفيد منه
،، ممكن تشتري شي ثاني ،، هل انقصه شي هالولد ؟
مثلا انعزل نفسيا ؟ لا ،، صار يقلل من طلباته و يفهم انه ذيه له و ذيه مب له،،
للعلم ان ابوه انسان ما يرد له طلب ،، وان حب يتشرد من طلباته
قال له امك بتعصب علينا ،

اخر طلب منه كان يبي الوي ،، كان عندهم وي و صدروه :omg:،، قلت له ان شاءالله
باخذ لك وي ،، قريت ان الاكس بوكس بينزل جهاز يحاكي الجسم ،، وانه ممكن
بيكون ثورة في عالم الحركة عند اللعب ،،

وضحت له هالنقطة يوم كنا في جرير ،، يقول لي :ابي وي ،، ابي (الفايف زيرو زيرو)
( 500 ريال ) مالتي ابي اشتري وي ،، بخلي ابوي يكمل لي على الباقي،،
اقول له : في المحل في اكس بوكس بينزل احسن من الوي ،،يقول لي :لا ابي وي
قلت له: في اكس بوكس مواصفاته احسن ،، قال لي لا انا ابي وي وباشتريه
بفلوسي ،، قلت له : ما يبت معاي فلوس ،، احنا ياين انشوف شي ثاني و ما يبت معاي فلوس
قال لي : ابوي بيشتري لي ،، وبادفع له في البيت من ال فايف زيرو زيرو،،
قلت له: شهادتك ما يبتها ،، سكت وما تكلم و قال لي ان يبت شهادتي وافقي
على الوي ،، قلت له :مب موافقة على الوي الحين وسكر الموضوع في المحل
بنرد البيت بنتكلم فيه ،، سكت ،،
ردينا البيت صوت على اخوه الكبير ،، قلت له: اي احسن عندك
نشتري له وي او ننطر الاكس بوكس اليديد
قال: بكل راحة الاكس بوكس
قلت له: شوف حتى اخوك يقول الاكس بوكس
قال لي : انا ما بي الاكس بوكس ،، لأنه ما فيه بولينج وانا ابي احرك يدي،،
قلت له: تعال انشوف اليوتيوب كتبنا اكس بوكس ،،شاف المقاطع
استخف و استانس من الجهاز ،، قلت له اي واحد احسن عندك
قال لي : ذيه بالراحة يا سلام عليه الله عليه عجييب ،،
رد وقال لي :انزين والبولينج ؟

قلت له : نفس البولينج بتلقاه اهنيه ،،شوف اشلون من غير اجهزة يضرب الوحش
شوف اشلون كلهم يلعبون من غير اجهزة ؟
تم يدور باقي مقاطع الفيديو :rolleyes2:
اليوم يبي اكس بوكس ،، قلت له انطر لين ينزل:secret:

فلاحظي اخر العنقود ،، وله معزة خاصة ومكانة خاصة
هل ممكن كنت اخليه يروح ياخذ وي ؟ لأنه هو يبي و يه ومصر على الوي ؟

واشلون سكت في المحل و ما كثر كلام معاي ؟

لأني طيبة وياه ؟

لا ,, لأني حازمة وقاسية حزة العقاب ،،

واسفة طولت وايد ...

[ام السعف]

انا اول شي..كنت فاهم كلام اخونا/عبدالمحسن ..بس مثلج..
بس..اخونا..ربما خانه التعبير
عندما انتقد بعض المقترحات
التي تدعو الى الشدة مع الابناء..
و كان اول من قالها...ام السعف..


عموما....نتمنى
ان تُنفهم المسألة من الطرفين...

اخونا عبدالمحسن..ربما كلماتك..تحتاج
لمراجعة بخصوص (القلوب الجامدة)...

فالشدة و العقاب..هي من افضل اسس التربية
التي ليس لاحد غنى عنها..
و ام السعف..انتي اختنا و استاذتنا الكبيرة..
نعرف..سعة صدرج

ابدا مب زعلانة او شالة بخاطري من رده ،، لأن كل انسان عنده قناعة باسلوب تربيته
فإذا هو اسلوب تربيته منحه اطفال مطيعين و غير محرجين و محترمين
الله يبارك له في اسلوبه ،، بينما مثل هالاسلوب ما نفع معاي و مع اللي اشوفهم
جدامي ،، و اليوم يشكون الويل من قلة أدب عيالهم وياهم و يا الناس :(

[هتـان قطر]

انا اول شي..كنت فاهم كلام اخونا/عبدالمحسن ..بس مثلج..
بس..اخونا..ربما خانه التعبير
عندما انتقد بعض المقترحات
التي تدعو الى الشدة مع الابناء..
و كان اول من قالها...ام السعف..


عموما....نتمنى
ان تُنفهم المسألة من الطرفين...

اخونا عبدالمحسن..ربما كلماتك..تحتاج
لمراجعة بخصوص (القلوب الجامدة)...

فالشدة و العقاب..هي من افضل اسس التربية
التي ليس لاحد غنى عنها..
و ام السعف..انتي اختنا و استاذتنا الكبيرة..
نعرف..سعة صدرج


اخونا عبدالمحسن نظرته يمكن تكون بعيدة وفيها فايده للولد بغض النظر عن

تعب الابوين في تربيته

هو نظرته انه يساعد هذا الولد على تكوين شخصيته وطبيعته اللي انولد عليها

ويشوف ان حنا كآباء ما نحاول نكسر هالشخصية بكثرة الشدة والعقاب

لان اسلوب العناد بيولد عناد اكثر منه وهذا ما اعاني منه..

وكذا مرة حرمته من اشياء لكن ما يتنازل عن رايه ..وما يعترف ابدا انه كان غلطان

وهذا اللي ينرفزني ويفقدني السيطرة واحاول قد ما اقدر اني اتحاشا هالاسلوب

لانه ماراح ينجح معه ..

طبيعتي ما افضل الشدة والعقاب في التربيه مع انها احيانا يقال انها تنفع

لكن طبعي كذا لاني حنينه ولاني شديده ..افضل العيال يكون لهم مجال

يفكرون ويستقلون بتفكيرهم حتى وهم صغار..لانه بيجي يوم بيكبرون

وبيعتمدون على انفسهم وبيواجهون الحياة لوحدهم..لذلك مالازم نكون

احنا الريموت المحرك لهم..احنا صح انأسسهم صغار..و لما يكبرون

ان شالله راح يكونون على اساس متين من الدين والاخلاق..

والهادي الله

[هتـان قطر]

هتان مب معترضة على كلام اخونا عبدالمحسن
هذي هي طريقته في تربية عياله ،، بس عقبت على نقطة هو اثارها
في رده علي اللي يستخدمون القسوة مع عيالهم فهل يحملون قلوب في جوانحهم ،،

قلت له نحمل قلوب مثلنا مثل اللي يتعاملون مع عيالهم من غير قسوة ،،

من يومي و قاسية على عيالي في امور كثيرة ،، القى الانتقاد من الكل،،
ولدي لقلت له لا لو وشو ما يتحرك من مكانه الا لو أشرت له
بنتي لقلت لها ما في يعني مافي ما اتحرك من غير ما تقول لا
يجبرني الوالد اقول لها روحي ،، حتى اسلوبي في كلمة روحي تفهمها
اني مب راضية بس مراعاة للوالد اقول لها روحي فتفهم الموضوع
و تقول ما بي اروح ،،

اليوم الكبار يعتبروني صديقتهم ،، مشاكلهم يقولونها لي
متفوقين بفضل من الله ،، حتى اللي يحصل صعوبة في مسيرته
تلقينه يدورني و يستشيرني في الشي اللي هو يبيه ،

هل معناة هذا انه ما يتصرف تصرفات مب مقبولة او انه كامل ؟

طبعا لا ،، مثله مثل الشباب اللي تلقين مرات كثيرة لهم شخصيات
شبابية ممكن تكون منسحبة او منشقحة زيادة عن اللزوم ،،

بس في الأخير لييتي اتكلمينه سواء كان كبير او صغير
شنهي ردة فعله تجاه كلامج وياه ؟

يعني ولدي بو 7 سنين اكلمه ويرد علي باسلوب مب مقبول ؟
مستحيل يا هتان
مستحيل يتجرأ يكلمني جذيه ،، في الوقت اللي تلقينه يحضني طول الوقت
و يطلب مني كل شي ،، و بنفس الوقت محترم للحين قرار ان السوني
ما يطلع قبل ما اشوف علاماته ،،على الرغم انه مهمل شهر كامل بسبة ظروف خاصة
راح الامتحان وهو ما عنده اي فكرة عن المراجعات ،،
المفروض امنحه استثناء هالسنة ،،بس ما اقدر لأني خايفة يستحلى السالفة،،

امس قلت له تعال نقرا قرآن و انكمل لأن وقفنا وايد
قال لي بطني يعورني تعبان ابي انام ،، قلت له روح نام
بس ما في لعب ،، مافي طلعة من الغرفة تقعد على الكرسي
و ما اتحرك خير شر ،، لأنك تعبان و التعبان ما يطلع ،،

قال لي بس اقدر اتحرك ،، قلت له بتحرك اتيي تحفظ قرآن معاي ،،
ماصارت نص ساعة يايني يقول لي ماما ماما ابي احفظ ،،

لأنه عارف انني مب متنازلة عن القرار ،،

فالحزم هذا يبي له قسوة قلب ،، مستحيل تصيرين حازمة من غير قسوة قلب ،،

يوم يغلط على اخوانه ،، اعطيهم الليت الأخضر انهم اييبونه عندي و يتعاقب جدامي
ومرات كثيرة يخشون الموضوع علشان ما يتعاقب لأنهم عارفين اني مب متساهلة وياه ،،

في نقطة مهمة يا هتان :
القيادة ما تكون بتقليد الكبار ،، القيادة تكون بأن الطفل هذا يقود مجموعة
من الاطفال بطرح اقتراحات او حلول او افكار في مجال عمرهم ،،
اهنيه نقول الطفل هذا قيادي ،،

اما طفل كل ما شاف شي عندي الكبار ،، قال انا ابيه الطفل هذا
يقلد الكبار و تقليده ابدا لا يعني ان الكبار قياديين ،،

فاحتمال الكبار قياديين بس هو ما يقلدهم في القيادية يقلدهم في نوعية الممتلكات
والهوايات و اوقات المتعة ،، خليه يقلدهم في الدراسة ؟
ما بتلقينه يقلدهم مع انج ذكرتي انهم الكبار الله يحفظهم متفوقين و على درجة كبيرة
من الادب بشهادة اللآخرين فليش مايصير قيادي حسب المفهوم اللي لقيته في
الموضوع وقلدهم في الأمور الزينة ؟


وبالنسبة للاي فون ،، بكل بساطة قولي له مب لك الاي فون و لا هو لواحد في عمرك
وحطي له امور اكبر و سن معينة من خلالها ممكن اتوفرين له الاي فون ،،

فمب كل شي يبيه الطفل انوفره له بحيث نشعر نفوسنا انه ما كسرنا بخاطره ،،

ولدي طلب امور كثيرة ،، فهل هذا يعني اني اوفر له ؟

صاير متطلب من دخل اي مكان يقول لي ابي ،، ابي ،،ابي ،،

وكله اقول له ،، مافي ،، مافي ،،مب لك ،، ما بتسفيد منه
،، ممكن تشتري شي ثاني ،، هل انقصه شي هالولد ؟
مثلا انعزل نفسيا ؟ لا ،، صار يقلل من طلباته و يفهم انه ذيه له و ذيه مب له،،
للعلم ان ابوه انسان ما يرد له طلب ،، وان حب يتشرد من طلباته
قال له امك بتعصب علينا ،

اخر طلب منه كان يبي الوي ،، كان عندهم وي و صدروه :omg:،، قلت له ان شاءالله
باخذ لك وي ،، قريت ان الاكس بوكس بينزل جهاز يحاكي الجسم ،، وانه ممكن
بيكون ثورة في عالم الحركة عند اللعب ،،

وضحت له هالنقطة يوم كنا في جرير ،، يقول لي :ابي وي ،، ابي (الفايف زيرو زيرو)
( 500 ريال ) مالتي ابي اشتري وي ،، بخلي ابوي يكمل لي على الباقي،،
اقول له : في المحل في اكس بوكس بينزل احسن من الوي ،،يقول لي :لا ابي وي
قلت له: في اكس بوكس مواصفاته احسن ،، قال لي لا انا ابي وي وباشتريه
بفلوسي ،، قلت له : ما يبت معاي فلوس ،، احنا ياين انشوف شي ثاني و ما يبت معاي فلوس
قال لي : ابوي بيشتري لي ،، وبادفع له في البيت من ال فايف زيرو زيرو،،
قلت له: شهادتك ما يبتها ،، سكت وما تكلم و قال لي ان يبت شهادتي وافقي
على الوي ،، قلت له :مب موافقة على الوي الحين وسكر الموضوع في المحل
بنرد البيت بنتكلم فيه ،، سكت ،،
ردينا البيت صوت على اخوه الكبير ،، قلت له: اي احسن عندك
نشتري له وي او ننطر الاكس بوكس اليديد
قال: بكل راحة الاكس بوكس
قلت له: شوف حتى اخوك يقول الاكس بوكس
قال لي : انا ما بي الاكس بوكس ،، لأنه ما فيه بولينج وانا ابي احرك يدي،،
قلت له: تعال انشوف اليوتيوب كتبنا اكس بوكس ،،شاف المقاطع
استخف و استانس من الجهاز ،، قلت له اي واحد احسن عندك
قال لي : ذيه بالراحة يا سلام عليه الله عليه عجييب ،،
رد وقال لي :انزين والبولينج ؟

قلت له : نفس البولينج بتلقاه اهنيه ،،شوف اشلون من غير اجهزة يضرب الوحش
شوف اشلون كلهم يلعبون من غير اجهزة ؟
تم يدور باقي مقاطع الفيديو :rolleyes2:
اليوم يبي اكس بوكس ،، قلت له انطر لين ينزل:secret:

فلاحظي اخر العنقود ،، وله معزة خاصة ومكانة خاصة
هل ممكن كنت اخليه يروح ياخذ وي ؟ لأنه هو يبي و يه ومصر على الوي ؟

واشلون سكت في المحل و ما كثر كلام معاي ؟

لأني طيبة وياه ؟

لا ,, لأني حازمة وقاسية حزة العقاب ،،

واسفة طولت وايد ...

ام السعف ما شالله عليك وعلى تحليلك لكل مسألة تعجبيني..:nice:

شوفي عزيزتي اتفق مع كثير من الامور اللي ذكرتيها..واغلبها اطبقها

ولا تظنين اني كل شي يطلبه اوفره له..ابدا ..اللي ما يناسبه ما اشتريه

لو كان ايش..والاي فون اللي يحن عليه مستحيل اشتؤيه له..لاني موضحة له

انه مال ناس كبار وما يناسب سنة..

لكن تدرين ام السعف ولا عمري مرة شليت منهم اجزة البلاي ستيشن او حرمتهم

من التلفزيون وقت الامتحانات..ما احب يكون الجو كئيب ويمرض احب اخلي

الجو طبيعي جدا ويكونون مراجعين طول السنة ولما يجي الاختبار هم بنفسهم

يشعرون ان الاولوية للاختبار وهم بانفسهم يمتنعون عن ما يلهيهم

لابد يكون عندهم حس داخلي وما يفرض عليهم فرض وبالقوة..

الولد الكبير ماشالله الحين شاب ..كان ابوه متخذ معاه هالاسلوب وما نجح ابدا

ودايما احذره ..خله هو بنفسه بيعرف..ماعليه حتى لو فشل خله مرة مرتين

هو بنفسه بيعرف..احب ابين لهم الصح والغلط ..وانتوا قرروا

يمكن يكون اسلوبي هالشكل ويشوفون الناس تساهل ..لكن انا مقتنعه فيه

لكن اللي معذبني ..عناد هالولد..وعدم اعترافه بالغلط ..

وللامانة تراه برا البيت وفي المدرسة ..مؤدب جدا والله وعمره ما غلط على احد

وتو معطينه شهادة الطالب المثالي هو واخوه..لكن في البيت يكون على العكس

وانا حاسة ان البنت الصغيرة لها دور كبير في عنادة في البيت

اما مسألة انه قيادي او لا..انا ملاحظه فيه هالشي..خصوصا العيال اللي

في سنة من عيال عمامه وخواله..ماشالله عليه فارض شخصيته عليهم

وله قبول عندهم كلهم..

وان شالله تتحسن احواله والله يهديه..قولي آمين

[ام السعف]

ام السعف ما شالله عليك وعلى تحليلك لكل مسألة تعجبيني..:nice:

شوفي عزيزتي اتفق مع كثير من الامور اللي ذكرتيها..واغلبها اطبقها ولا تظنين اني كل شي يطلبه اوفره له..ابدا ..اللي ما يناسبه ما اشتريه لو كان ايش..والاي فون اللي يحن عليه مستحيل اشتؤيه له..لاني موضحة له

انه مال ناس كبار وما يناسب سنة.. لكن تدرين ام السعف ولا عمري مرة شليت منهم اجزة البلاي ستيشن او حرمتهم من التلفزيون وقت الامتحانات..ما احب يكون الجو كئيب ويمرض احب اخلي الجو طبيعي جدا ويكونون مراجعين طول السنة ولما يجي الاختبار هم بنفسهم
يشعرون ان الاولوية للاختبار وهم بانفسهم يمتنعون عن ما يلهيهم لابد يكون عندهم حس داخلي وما يفرض عليهم فرض وبالقوة..

الولد الكبير ماشالله الحين شاب ..كان ابوه متخذ معاه هالاسلوب وما نجح ابدا ودايما احذره ..خله هو بنفسه بيعرف..ماعليه حتى لو فشل خله مرة مرتين هو بنفسه بيعرف..احب ابين لهم الصح والغلط ..وانتوا قرروا يمكن يكون اسلوبي هالشكل ويشوفون الناس تساهل ..لكن انا مقتنعه فيه لكن اللي معذبني ..عناد هالولد..وعدم اعترافه بالغلط ..

وللامانة تراه برا البيت وفي المدرسة ..مؤدب جدا والله وعمره ما غلط على احد وتو معطينه شهادة الطالب المثالي هو واخوه..لكن في البيت يكون على العكس وانا حاسة ان البنت الصغيرة لها دور كبير في عنادة في البيت اما مسألة انه قيادي او لا..انا ملاحظه فيه هالشي..خصوصا العيال اللي في سنة من عيال عمامه وخواله..ماشالله عليه فارض شخصيته عليهم وله قبول عندهم كلهم..

وان شالله تتحسن احواله والله يهديه..قولي آمين

اللهم آمين يا هتان ، قيادية شخصيته حسب السور الاولى ما كانت واضحة لي ،، لكن في السطور الثانية اقول لج ايه فيه نوع من القيادية ،،

ارجع و اقول ،، عيالج مع السوني بيدرسون خلاص
هذي انت عارفة الاسلوب اللي ممكن يبدعون فيه ،، غيرج لا
مقتنع ان الامور هذي اتشتت أكثر من انها اتلم ،، وعانيت منها
لدرجة الكبار قالوا لي شلي الجهاز عن اللي اصغر منهم في يوم
حبيت اصير متفهمة لطلباتهم من غير قسوة و حزم في قراراتي :(

فالحمدلله رب العالمين ،، نعاني مع عيالنا مثل ما اتعانين مع ولدج
في الأخير عناده حله في يدج ،، ويعتمد حسب و جهة نظري على مدى
حزمج مع تصرفاته و مقدار العقوبة اللي ممكن يلقاها من عناده ،،
والتعزيز و التحفيز اللي ممكن يحيطونه لو انه قلل من اسلوبه ،،

وشكرا لج يا هتان فتحتي لنا الباب انعبر بشكل من زمان ما عبرت عنه :shy:

اللهم اهديه واهدي جميع عيالنا للخير و الهداية :nice:

[هتـان قطر]

ان شاء الله تتحملني كاتبة الموضوع على كثرة مشاركاتي ويتحملوني الاعضاء اعلق على تعليقاتهم بس هالمواضيع تشدني

فعلا انا مؤيد لمعظم الكلام في هالمشاركة اسلوب الحرمان مفيد جدا واحسن من الضرب بوايد

ومثل ماقالت لازم يستخدم مع اسلوب تعزيز السلوك الايجابي يعني اذا غلط نحرمه (بس بشرط نقول له من قبل اذا سويت جذي او ماسويت الشي الفلاني بحرمك من كذا لمدة كذا )

واذا سوا شي عدل نكافئه

الموضوع موضوعك يابومحمد..وموضوع الكل

ولا تحرمونا من تجاربكم وآرائكم..خلونا نستفيد

متابعين ..

[هتـان قطر]

شكرا شكرا يا هتان..
اعتقد انها
(ضربة معلمه)

ما شاء الله...
المشكلة شكلها (شبه منتشرة)
و كل ما نقراه...
حقيييقة..نستفييد جدا منه!

شكرا للجميع بلا استثناء
بارك الله فيكم..

لا تتوقفوووون...

حقيقة مستفيدين من تجاربكم التربوية

ان شالله ..انت بس لا تبخل علينا باللي يوجد في مخزونك الفكري

من اراء وتجارب مرت عليك او كنت على دراية بها..

وان شالله مستمرين

[شرقاويه]

الله يصلحه ويخليه للك وعلى طول ادعيله وقت استجابة الدعاء وذكريه بواجبه اتجاهك وانتبهي تدعيين عليه حتى لو زعللك دعاء الام مستجاب وحده دعت على ودها قالتله روح انشالله تجيك مصيبه ماقعدت شوي الا ولدها في السجن ولا الحين وهو مسجون مع انه صغيير في العمر انا علمتك بس كيف دعاء الام مستجااب الله يخليه للك ويحفضه

[هتـان قطر]

هههههههههه ما شالله عليه ...
آحب اليهال الشياطين آلي جذي ...:victory:


آتذكر نفسي فيهم ...
آهم شي تعلمينه آنه العائله فوق كل شي ويهتم بدينه وصلاته ...
معليج كنت مثله ونفس حركاته بالضبط وبيكبر ويعقل ...


<<--- ماعندي خبره بالتربيه بس تكلمت عن نفسي شوي ...
آكيد وآن شالله بيطلع رجـال كـفو ويحطكم بعيونه ياهتـان ...:)



الله يطمن قلبك ويسمع منك ان شالله اخوي فلفل حار

هو الصراحة لما يكون رايق محد احسن منه ..لكن من يعند يفقد كل شي حلو

وما اقصر معاه حتى القصص اللي اقصها عليه قبل النوم لازم ادخل فيها عبرة

وعظة لعله ينتبه..وان شالله الله بيهديه ..دعواتكم :)

[هتـان قطر]

:victory::victory:

معاج في كل كلمه ومرات لو حرمتيهم من الشئ اللى يحبونه يبين لج انه عادي بس

لاهو عادي ولاشئ بالعكس الا ينقهرون بس مايقولون مجربه هالشئ على عيال خواتي :victory:



اهمشي اختي حنان ان الولد يطلع بفايدة مهب مجرد نقهره ونخليه ينقهر

بالعكس ترى التودد لهم واللطف معهم اكبر تأثير من القسوة..

لانه لو كبر لازم يتذكر اللحظات الحلوة اللي عاشها مع اسرته مهب مجرد قسوة

اكيد القسوة مطلوبة احيانا ..لكن ما نخليها ديدننا وفي كل الوقت