{..شوركم ولاعليكم امر..}

[البنـدري]

السلام عليكم ورحمة الله وبركاته

شكلي باكتب موضوعي هالمره بكل جدية وصراحه

أنا بنت خلصت الثانوية 2007/2008 بنسبة كانت في التسعينات

وانهيت التأسيسي في كورس واحد..!

وقدر الله وجاني انذار ثاني كورس وكان معدلي 1.00

الكورس الثاني (اللي هو الكورس اللي راح) جبت معدل فصلي 2.50

معدلي حاليا 1.89

يعني حالياً عندي انذار نهائي

يعني إذا ماجبت درجات سنعه هالكورس باكون OUT وانا وحده طموحها الدكتوراه..!

يعني اذا طلعت وانطردت شاسوي :(

وين اروح..؟!

لاحد يقول لي درسي في الجامعات التعليمية لان مابي مختلط

ابي حلوول :(

اختكم المتحطمه :weeping:

البنـدري

[إينشتاين]

شدي حيلج وكلمي الدكاتره واشرحي لهم الوضع وإن شاء الله يساعدونج.

اتمنى لج كل التوفيق

[الشمريه]

اول شي ابتسمي

ثاني شي ممنوعالضيقه لبا قلبك

ثالث شي الي انا اعرفوه انو بالجامعه الي انتي فيها عندك 3 مرات انذار

والرابعه بتكون نهائي طرد

انتي خلصتي تاسيسي صح هم مايحسبون الانذارات الي بتاسيسي هو يحسبونه بعض ماخلصتي من الفاونديشن فهمتيني

اخر شي عندي عتب ولو انه مايفيد الحين انتي لبا قلبك توك في بدايه المشوار وكم انذار محصله ليه كذا؟؟

المفروض من الانذار الاول ترفعين معدلك وتاخذين مواد سهله وبسيطه عموما الله يوفقك ان شاء الله

وتجيبين علامات كامله بالاختبارات وتبشرينا :)

[Mr.Hamad]

البندري شدي حيلج شوي إذا تبيين تصيرين دكتورة

شلون تبيين تصيرين دكتورة وإنتي معدلج نازل

إذا ياج out مالج إلا الجامعات الثانية

أتمنى لج كل التوفيق والنجاح وتشرفين قطر إن شاء الله

[باظلوف]

تقدرين تعيدين بعض مواد الكورس الاول في الصيفي؟

[بـــــــنت النوخـّــــذه]

حطيلج مدرسات (دكاتره )خصوصيات للماده الي ضعيفه فيها وروحي للدكتور الساعه المكتبيه لوعي جبده بحل اسئله الامتحانات السابقه انا كنت اسوي جذيه في بعض المواد والحمد الله افتكيت 0000

السالفه يبغيلها همه وخطوات للامام يالبندري وربي يوفقج شدي حيلج حبيبتي ترى الشهاده هالزمن سلاح مهم واقوى من المفاعلات النوويه اهههه

[بومبارك505]

شدي حيلك ولكل مجتهد نصيب والله يوفقك ادعولها يالربع

[استغفرالله]

شدي حيلج واخذي مواد سهلة ترفع المعدل

[العقل المدمر]

اول شي تسوينه قبل حتى لا تشدين حيلج
انج تدعين ربج وتكونين واثقه 100% انه بيستجيب دعائج
" وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ "
عقب شدي حيلج والله بيوفقج ان شا الله
وان صار ولو اني ماعتقد ان عطوج طرد
تاكدي ان هالشي خيره
" وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ "
والله يوفقج :shy:

[حقيقه]

كلمي الدكاتره باسلوب انه تشرحين لهم الوضع اللي تمرين فيه
واكيد اذا كنتي من المميزات بيساعدونتس

واتمنى لك التوفيق بأذن الله

[الشمريه]

اول شي تسوينه قبل حتى لا تشدين حيلج
انج تدعين ربج وتكونين واثقه 100% انه بيستجيب دعائج
" وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ "
عقب شدي حيلج والله بيوفقج ان شا الله
وان صار ولو اني ماعتقد ان عطوج طرد
تاكدي ان هالشي خيره
" وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ "
والله يوفقج :shy:


عين العقل لاتترددين الله يوفقك ياارب

[JN000N]

توكلي على الله في كل شي

انا مثلج اول كورس لي صكيته انذار ١.٠٠ وثاني كورس رفعته على طووول. والحمدلله احاول قد ناقدر انوع فالمواد

نصيحه لاتضغطين على فسج ترى اغلب اسباب نزول المعدل هو التفكير فكمية الساعات المكتسبه وكيفبه رفع المعدل

خذي مواد متنوعه بين التخصص والمتطلبات الاخرى
ولا تضغطين على نفسج ب١٨ ساعه فالكورس واحيانا ١٥

المواد اللي رسبتي فيها او خذتي فيها d+ او d تقدرين تعيدينها وترفع المعدل
خذي صيفي هالسنه او السنه اليايه ترى يطير المعدل فوووق وغير هاي كله يكون المقرر خفيف

تناقشي مع مرشدج عن المواد اللي خذتيها ولا تفكرين انج تخلصين مواد تخصص بسرعه ريلا الحق لو ماتلحق!!!! لا بدري عالتخرج يالبندري ولاحد يحط في بالج انج بتذولين فالجامعه ترى اهم شي المعدل وفالاول والاخير مردج بتتخرجين فلا تسوين ضغط

الحين الكورس الياي خذي مواد سهله او متطلبات اختياريه

عندج تلوث بحري،، ثروة بحريه،، تشريعات اجتماعيه،، حقوق الانسان،، عربي١،، عربي٢،، انجلش ١ و٢،،، عندج تاريخ قطر ولاتفكرين تاخذينها الا عند دكتور يوسف العبدالله او ابراهيم شهداد،، مهارات طالب جامعه،، الانسان والبيئة،، النمو في مرحلة المراهقه وغيرها من المواد السهله

هذي بترفعين فيها معدلج لان انتي تخصصج علمي فتحتاجين توزنين بين الادب والعلمي،، عشان جذي هالمواد تخفف عليج الحمل، ومثلا بدل ماتكون دراستج كلها فالارقام والحسابات يكون عندج شي ادبي

[المرحب]

ربي يوفقك

واللي فات خلاص مات


وشدي الحيل وحاولي تأخذين صيفي

[خليفة77]

كلمي الدكاتره باسلوب انه تشرحين لهم الوضع اللي تمرين فيه
واكيد اذا كنتي من المميزات بيساعدونتس

واتمنى لك التوفيق بأذن الله

كلمي الدكاتره مثل ماقالت لج الأخت وفهميهم انه انذار نهائي والله يوفقج ان شاء الله ,, امين يارب .

[نايم سهران]

شدي حيلج عدل عدل واتركي اللعب ترى اللعب ما راح يفيدج وبتضيعين كل هالسنيين بالفاضي
اعرف ناس والله كان باقي لهم 6 ساعات وجاهم انذار ثالث وانطردوا برع :)
الله يوفقج

[كازانوفا]

ان شالله نصائح الاخوه والاخوات رفعت معنوياتك

موفقه ان شالله :)